Eng yaxshi soliq toʻlovchi mahallalarni aniqlash mezonlari va tartibi toʻgʻrisidagi nizomni tasdiqlash haqida (548-son)

09.10.2026

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Prezidentining “Soliqlarning yigʻiluvchanlik darajasini oshirish va faol soliq toʻlovchilarni ragʻbatlantirish chora-tadbirlari toʻgʻrisida” 2025-yil 28-noyabrdagi PQ-364-son qarori ijrosini taʼminlash, shuningdek, jismoniy shaxslar va tadbirkorlik subyektlarining soliq majburiyatlariga masʼuliyatli munosabatini shakllantirish hamda mahallalarning jamoatchilik bilan hamkorligini kuchaytirish orqali soliq yigʻiluvchanligini oshirish maqsadida Vazirlar Mahkamasi qaror qiladi:

1. Quyidagilarni nazarda tutuvchi Eng yaxshi soliq toʻlovchi mahallalarni aniqlash mezonlari va tartibi toʻgʻrisidagi nizom ilovaga muvofiq tasdiqlansin:

eng yaxshi soliq toʻlovchi mahallalarni aniqlash mezonlari;

eng yaxshi soliq toʻlovchi mahallalarni aniqlash boʻyicha zarur maʼlumot va yakuniy natijalarni shakllantirish tartibini belgilash.

2. Oʻzbekiston Respublikasi Soliq qoʻmitasi:

Oʻzbekiston mahallalari uyushmasi bilan birgalikda doimiy ravishda mahallalarda uchrashuvlar oʻtkazib, eng yaxshi soliq toʻlovchi mahallalarni baholash mezonlari va ularni aniqlash tartibini tushuntirish, koʻrsatkichlarni yaxshilash boʻyicha doimiy ravishda amaliy yordam koʻrsatib borsin;

Savdo-sanoat palatasi, Oʻzbekiston Milliy axborot agentligi hamda Oʻzbekiston Milliy teleradiokompaniyasi bilan birgalikda ushbu qarorning mazmun-mohiyatini ommaviy axborot vositalari, shu jumladan, Internet jahon axborot tarmogʻi va ijtimoiy tarmoqlar orqali keng jamoatchilikka tushuntirish choralarini koʻrsin.

3. Ushbu qarorning bajarilishini nazorat qilish Oʻzbekiston Respublikasi Bosh vazirining oʻrinbosari — iqtisodiyot va moliya vaziri J.A. Qoʻchqorov va Soliq qoʻmitasi raisi F.J. Pulatov zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2026-yil 9-oktabr,

548-son

Vazirlar Mahkamasining 2026-yil 9-oktabrdagi 548-son qaroriga ILOVA

Eng yaxshi soliq toʻlovchi mahallalarni aniqlash mezonlari va tartibi toʻgʻrisida

NIZOM

1-bob. Umumiy qoidalar

1. Ushbu Nizom eng yaxshi soliq toʻlovchi mahallalarni aniqlash mezonlari va tartibini belgilaydi.

2. Ushbu Nizomda quyidagi asosiy tushunchalardan foydalaniladi:

tadbirkorlik subyektlari — ushbu Nizom doirasida ishtirok etuvchi faol holatdagi yakka tartibdagi tadbirkorlar, oʻzini oʻzi band qilgan shaxslar hamda yuridik shaxslar, shu jumladan, fermer xoʻjaligi, mikrofirma va kichik korxonalar;

eng yaxshi soliq toʻlovchi mahallalar — Oʻzbekiston Respublikasi Soliq qoʻmitasining (keyingi oʻrinlarda — Soliq qoʻmitasi) axborot tizimlari orqali mazkur Nizomga muvofiq gʻolib deb topilgan mahallalar.

3. Eng yaxshi soliq toʻlovchi mahallalar Soliq qoʻmitasining axborot tizimlari orqali ushbu Nizomda belgilangan mezonlar asosida Soliq qoʻmitasi tomonidan aniqlanadi.

2-bob. Eng yaxshi soliq toʻlovchi mahallalarni aniqlash mezonlari

4. Har bir mezon boʻyicha ularga vazn koeffitsiyentlarini qoʻllagan holda reyting ballari belgilanadi. Barcha mezonlar boʻyicha toʻplangan jami reyting ballari yigʻindisidan mahallaning umumiy reytingi shakllantiriladi.

Eng yaxshi soliq toʻlovchi mahallalarni aniqlash mezonlari 10 balldan — 40 ballgacha tizimda baholanadi.

5. Eng yaxshi soliq toʻlovchi mahallalar quyidagi mezonlar asosida aniqlanadi:

har 1 000 nafar aholiga toʻgʻri keladigan tadbirkorlik subyektlari soni;

har 1 000 nafar aholiga toʻgʻri keladigan tadbirkorlik subyektlari tomonidan toʻlangan soliqlar miqdori;

har 1 000 nafar aholiga toʻgʻri keladigan jismoniy shaxslardan olinadigan daromad soligʻini toʻlovchilar soni;

har 1 000 nafar aholiga toʻgʻri keladigan oʻzini oʻzi band qilgan shaxslar soni va ular tomonidan toʻlangan soliqlar miqdori;

mahalla fuqarolari tomonidan mol-mulk va yer soliqlarining toʻlanganlik darajasi.

Har bir mahalla faoliyatini baholash mezonlarining umumiy vazni 100 ga teng boʻladi.

6. Har 1 000 nafar aholiga toʻgʻri keladigan tadbirkorlik subyektlari soni quyidagi formula asosida hisoblanadi:

Bu yerda Tm/1000 — har 1 000 nafar aholiga toʻgʻri keladigan mahalladagi tadbirkorlik subyektlari soni, Tm — mahalladagi tadbirkorlik subyektlari soni, Fm — mahalladagi doimiy yashash joyi boʻyicha roʻyxatdan oʻtgan fuqarolar soni.

Agar mahalladagi doimiy yashovchi fuqarolar soni 1 000 nafardan kam boʻlgan taqdirda, yuqoridagi nisbat shartlari qoʻllanilmaydi va haqiqatda yashovchi fuqarolar soni asos qilib olinadi.

Keyingi bosqichda har 1 000 nafar aholiga toʻgʻri keladigan mahalladagi tadbirkorlik subyektlari sonining tuman (shahar) miqyosidagi har 1 000 nafar aholiga toʻgʻri keladigan tadbirkorlik subyektlari soniga nisbati hisoblanib, natija 100 ga koʻpaytiriladi va mahalla koʻrsatkichi quyidagi formula yordamida aniqlanadi:

Bu yerda Mk — mahalla koʻrsatkichi, Tts/1000 — tuman (shahar) miqyosidagi har 1 000 nafar aholiga toʻgʻri keladigan tadbirkorlik subyektlari soni;

Tts — tuman (shahar)dagi tadbirkorlik subyektlari soni, Fts — tuman (shahar)dagi fuqarolar soni.

Yakuniy bosqichda belgilangan vazn koeffitsiyenti mahallaning aniqlangan koʻrsatkichiga koʻpaytiriladi va ushbu mezon boʻyicha yakuniy ball belgilanadi.

Ushbu koʻrsatkich quyidagi formula orqali hisoblanadi:

Bunda Bm — yakuniy ball.

Mazkur mezon vazni — 10 ball.

7. Har 1 000 nafar aholiga toʻgʻri keladigan mahalladagi tadbirkorlik subyektlari tomonidan toʻlangan barcha soliqlar miqdori quyidagi formula asosida hisoblanadi:

Bu yerda STm/1000 — har 1 000 nafar aholiga toʻgʻri keladigan mahalladagi tadbirkorlik subyektlari tomonidan toʻlangan soliqlar miqdori, STm — mahalladagi tadbirkorlik subyektlari toʻlagan soligʻi summasi, Fm — mahalladagi doimiy yashash joyi boʻyicha roʻyxatdan oʻtgan fuqarolar soni.

Keyingi bosqichda har 1 000 nafar aholiga toʻgʻri keladigan mahalladagi tadbirkorlik subyektlari tomonidan toʻlangan soliq summasining tuman (shahar) miqyosidagi har 1 000 nafar aholiga toʻgʻri keladigan tadbirkorlik subyektlari toʻlagan soliq summasiga nisbati hisoblanib, natija 100 ga koʻpaytiriladi va mahalla koʻrsatkichi quyidagi formula yordamida aniqlanadi:

Bu yerda Mk — mahalla koʻrsatkichi, STts/1000 — tuman (shahar) miqyosidagi har 1 000 nafar aholiga toʻgʻri keladigan tadbirkorlik subyektlari toʻlagan soliq summasi;

STts — tuman (shahar)dagi tadbirkorlik subyektlari toʻlagan soliq summasi, Fts — tuman (shahar)dagi fuqarolar soni.

Yakuniy bosqichda belgilangan vazn koeffitsiyenti mahallaning aniqlangan koʻrsatkichiga koʻpaytiriladi va ushbu mezon boʻyicha yakuniy ball belgilanadi.

Ushbu koʻrsatkich quyidagi formula orqali hisoblanadi:

Bunda Bm — yakuniy ball.

Mazkur mezon vazni — 20 ball.

8. Har 1 000 nafar aholiga toʻgʻri keladigan mahalladagi jismoniy shaxslardan olinadigan daromad soligʻini toʻlovchilar soni quyidagi formula asosida hisoblanadi:

Bu yerda DSm/1000 — har 1 000 nafar aholiga toʻgʻri keladigan mahalladagi jismoniy shaxslardan olinadigan daromad soligʻini toʻlovchilar soni, DSm — mahalladagi daromad soligʻini toʻlovchilar soni, Fm — mahalladagi fuqarolar soni.

Keyingi bosqichda har 1 000 nafar aholiga toʻgʻri keladigan mahalladagi jismoniy shaxslardan olinadigan daromad soligʻini toʻlovchilar sonining tuman (shahar) miqyosidagi har 1 000 nafar aholiga toʻgʻri keladigan jismoniy shaxslardan olinadigan daromad soligʻini toʻlovchilar soniga nisbati hisoblanib, natija 100 ga koʻpaytiriladi va mahalla koʻrsatkichi quyidagi formula yordamida aniqlanadi:

Bu yerda Mk — mahalla koʻrsatkichi, DSts/1000 — tuman (shahar) miqyosidagi har 1 000 nafar aholiga toʻgʻri keladigan jismoniy shaxslardan olinadigan daromad soligʻini toʻlovchilar soni;

DSts — tuman (shahar)dagi jismoniy shaxslardan olinadigan daromad soligʻini toʻlovchilar soni, Fts — tuman (shahar)dagi fuqarolar soni.

Yakuniy bosqichda belgilangan vazn koeffitsiyenti mahallaning aniqlangan koʻrsatkichiga koʻpaytiriladi va ushbu mezon boʻyicha yakuniy ball belgilanadi.

Ushbu koʻrsatkich quyidagi formula orqali hisoblanadi:

Bunda Bm — yakuniy ball.

Mazkur mezon vazni — 10 ball.

9. Har 1 000 nafar aholiga toʻgʻri keladigan mahalladagi oʻzini oʻzi band qilgan shaxslar soni quyidagi formula asosida hisoblanadi:

Bu yerda OʻBm/1000 — har 1 000 nafar aholiga toʻgʻri keladigan mahalladagi oʻzini oʻzi band qilgan shaxslar soni, SOʻBm — mahalladagi oʻzini oʻzi band qilgan shaxslar soni, Fm — mahalladagi doimiy yashash joyi boʻyicha roʻyxatdan oʻtgan fuqarolar soni.

Keyingi bosqichda har 1 000 nafar aholiga toʻgʻri keladigan mahalladagi oʻzini oʻzi band qilgan shaxslar sonining tuman (shahar) miqyosidagi har 1 000 nafar aholiga toʻgʻri keladigan oʻzini oʻzi band qilgan shaxslar soniga nisbati hisoblanib, natija 100 ga koʻpaytiriladi va mahalla koʻrsatkichi quyidagi formula yordamida aniqlanadi:

Bu yerda Mk — mahalla koʻrsatkichi, OʻBts/1000 — tuman (shahar) miqyosidagi har 1 000 nafar aholiga toʻgʻri keladigan oʻzini oʻzi band qilgan shaxslar soni;

OʻBts — tuman (shahar)dagi oʻzini oʻzi band qilgan shaxslar soni, Fts — tuman (shahar)dagi fuqarolar soni.

Yakuniy bosqichda belgilangan vazn koeffitsiyenti mahallaning aniqlangan koʻrsatkichiga koʻpaytiriladi va ushbu mezon boʻyicha yakuniy ball belgilanadi.

Ushbu koʻrsatkich quyidagi formula orqali hisoblanadi:

Bunda Bm — yakuniy ball.

Mazkur mezon vazni — 10 ball.

10. Har 1 000 nafar aholiga toʻgʻri keladigan mahalladagi oʻzini oʻzi band qilgan shaxslar tomonidan toʻlangan barcha soliqlar miqdori quyidagi formula asosida hisoblanadi:

Bu yerda OʻBSm/1000 — har 1 000 nafar aholiga toʻgʻri keladigan mahalladagi oʻzini oʻzi band qilgan shaxslar tomonidan toʻlangan soliq summasi, OʻBSm — mahalladagi oʻzini oʻzi band qilgan shaxslar toʻlagan soliq summasi, Fm — mahalladagi doimiy yashash joyi boʻyicha roʻyxatdan oʻtgan fuqarolar soni.

Keyingi bosqichda har 1 000 nafar aholiga toʻgʻri keladigan mahalladagi oʻzini oʻzi band qilgan shaxslar tomonidan toʻlangan soliq summasining tuman (shahar) miqyosidagi har 1 000 nafar aholiga toʻgʻri keladigan oʻzini oʻzi band qilgan shaxslar toʻlagan soliq summasiga nisbati hisoblanib, natija 100 ga koʻpaytiriladi va mahalla koʻrsatkichi quyidagi formula yordamida aniqlanadi:

Bu yerda Mk — mahalla koʻrsatkichi, OʻBSts/1000 — tuman (shahar) miqyosidagi har 1 000 nafar aholiga toʻgʻri keladigan oʻzini oʻzi band qilgan shaxslar tomonidan toʻlangan soliq summasi;

OʻBSts — tuman (shahar)dagi oʻzini oʻzi band qilgan shaxslar tomonidan toʻlangan soliq summasi, Fts — tuman (shahar)dagi fuqarolar soni.

Yakuniy bosqichda belgilangan vazn koeffitsiyenti mahallaning aniqlangan koʻrsatkichiga koʻpaytiriladi va ushbu mezon boʻyicha yakuniy ball belgilanadi.

Ushbu koʻrsatkich quyidagi formula orqali hisoblanadi:

Bunda Bm — yakuniy ball.

Mazkur mezon vazni — 10 ball.

11. Mahalladagi jismoniy shaxslar tomonidan jami toʻlangan mol-mulk va yer soliqlarining toʻlanganlik darajasi quyidagi formula asosida hisoblanadi:

Bunda JTm — mahalladagi jismoniy shaxslar tomonidan jami toʻlagan mol-mulk va yer soliqlarining toʻlanganlik darajasi, Sm — mahalladagi jismoniy shaxslar toʻlagan mol-mulk va yer soligʻi summasi, Om — mahalladagi jismoniy shaxslarning mol-mulk va yer soligʻi boʻyicha ortiqcha toʻlov summasi, Um — mahalladagi jismoniy shaxslardan undirilishi lozim boʻlgan mol-mulk va yer soligʻi summasi.

Belgilangan vazn koeffitsiyenti mahallaning aniqlangan bajarilish foiziga koʻpaytiriladi va ushbu mezon boʻyicha yakuniy ball belgilanadi.

Ushbu koʻrsatkich quyidagi formula orqali hisoblanadi:

Bunda Bm — yakuniy ball.

Mazkur mezon vazni — 40 ball.

12. Aholi soni, tadbirkorlik subyektlari soni, jismoniy shaxslar, oʻzini oʻzi band qilganlar shaxslar soni hamda toʻlangan soliqlar miqdorlari Soliq qoʻmitasining axborot tizimlarida hisobot yilning 1-yanvar holatiga koʻra mavjud maʼlumotlardan foydalanib hisoblanadi.

13. Ushbu Nizomning 5-bandida belgilangan mezonlar asosida hisobot yili yakunlari boʻyicha maʼlumotlar shakllantiriladi va bunda hisobot davri uchun 1-fevralga qadar taqdim etilgan qayta hisobotlar (tuzatishlar) hisobga olinadi.

3-bob. Eng yaxshi soliq toʻlovchi mahallalarni aniqlash tartibi

14. Soliq qoʻmitasining maʼlumotlar bazasidagi jismoniy shaxslar, oʻzini oʻzi band qilgan shaxslar hamda tadbirkorlik subyektlari tomonidan toʻlangan soliqlar miqdori, soliq yigʻiluvchanligi, soliq hisoboti koʻrsatkichlaridan foydalangan holda baholanadi.

15. Baholash mazkur Nizomda nazarda tutilgan hisoblash formulalari asosida Soliq qoʻmitasining axborot tizimi orqali har bir mahalla kesimida avtomatik ravishda hisoblanadi.

16. Hisoblangan ballar va reyting natijalari mahallalar kesimida shakllantiriladi hamda baholash natijalariga koʻra reyting ballari 90 balldan yuqori boʻlgan mahallalar eng yaxshi soliq toʻlovchi mahalla deb topiladi.

17. Ballarni hisoblashda oxirgi 200-oʻrin uchun nomzod mahallalarning toʻplagan ballari teng boʻlgan taqdirda, ustuvorlik fuqarolar tomonidan mol-mulk va yer soliqlarining toʻlanganlik darajasi boʻyicha koʻrsatkichi yuqori boʻlgan mahallalarga beriladi.

18. Mezonlar orasida umuman ball olish imkoni boʻlmagan mezon uchun belgilangan ball miqdori boshqa mezonlarga teng taqsimlanadi.

19. Mahallalar tomonidan toʻplanib borayotgan ballar hamda reytingda egallagan oʻrinlar toʻgʻrisidagi maʼlumotlar Oʻzbekiston mahallalari uyushmasining “Raqamli mahalla” platformasi orqali onlayn tarzda kuzatib boriladi.

20. Eng yaxshi soliq toʻlovchi mahallalar faoliyati yilda bir marta, hisobot yilidan keyingi yilning yanvar oyida baholanadi.

21. Eng yaxshi soliq toʻlovchi mahallalar roʻyxati keyingi yilning 1-fevraliga qadar shakllantiriladi hamda 10-fevralgacha Soliq qoʻmitasining rasmiy veb-saytida eʼlon qilinadi.

4-bob. Yakunlovchi qoida

22. Mazkur Nizom talablarining buzilishida aybdor boʻlgan shaxslar qonunchilik hujjatlarida belgilangan tartibda javob beradilar.