Xalqaro shartnomalarni tasdiqlash toʻgʻrisida (23-son)

15.01.2004

Oʻzbekiston Respublikasi Vazirlar Mahkamasining

qarori

“Oʻzbekiston Respublikasining xalqaro shartnomalar toʻgʻrisida”gi Oʻzbekiston Respublikasi Qonunining 20-moddasiga muvofiq, Vazirlar Mahkamasi qaror qiladi:

1. Tasdiqlansin:

2003-yil 19-dekabr Toshkent shahrida imzolangan Oʻzbekiston Respublikasi Hukumati bilan Turkiya Respublikasi Hukumati oʻrtasida xalqaro terrorizmga qarshi kurash sohasida hamkorlik toʻgʻrisidagi Bitim;

2003-yil 19-dekabr Toshkent shahrida imzolangan Oʻzbekiston Respublikasi Hukumati bilan Turkiya Respublikasi Hukumati oʻrtasida diplomatik pasport egalari uchun vizalarni oʻzaro bekor qilish toʻgʻrisidagi Bitim.

2. Oʻzbekiston Respublikasi Tashqi ishlar vazirligi mazkur xalqaro shartnomalarning kuchga kirishi uchun Oʻzbekiston Respublikasi tomonidan zarur boʻlgan davlat ichki tartib-taomillari bajarilganligi toʻgʻrisida tegishli bildirishnomalar yuborsin.

3. Oʻzbekiston Respublikasi Bosh vazirining oʻrinbosarlari hamda tegishli vazirlik va idoralar rahbarlariga mazkur xalqaro shartnomalar kuchga kirganidan keyin Oʻzbekiston Respublikasi majburiyatlarining belgilangan tartibda bajarilishi ustidan nazoratni taʼminlasinlar.

Vazirlar Mahkamasining Raisi I. KARIMOV

Toshkent sh.,

2004-yil 15-yanvar,

23-son