Tugʻruqni qabul qilishda kesarcha kesish amaliyotini oʻtkazish uchun tibbiy koʻrsatmalar roʻyxatini tasdiqlash toʻgʻrisida (3945-son)

28.09.2026

Oʻzbekiston Respublikasi sogʻliqni saqlash vazirining

buyrugʻi

[Oʻzbekiston Respublikasi Adliya vazirligi tomonidan 2026-yil 28-sentabrda roʻyxatdan oʻtkazildi, roʻyxat raqami 3945]

Oʻzbekiston Respublikasining “Fuqarolar sogʻligʻini saqlash toʻgʻrisida”gi va “Fuqarolarning reproduktiv salomatligini saqlash toʻgʻrisida”gi qonunlari hamda Oʻzbekiston Respublikasi Prezidentining 2019-yil 8-noyabrdagi PQ-4513-son “Reproduktiv yoshdagi ayollar, homiladorlar va bolalarga koʻrsatiladigan tibbiy yordam sifatini oshirish va koʻlamini yanada kengaytirish toʻgʻrisida”gi qaroriga muvofiq buyuraman:

1. Tugʻruqni qabul qilishda kesarcha kesish amaliyotini oʻtkazish uchun tibbiy koʻrsatmalar roʻyxati ilovaga muvofiq tasdiqlansin.

2. Mazkur buyruq rasmiy eʼlon qilingan kundan eʼtiboran kuchga kiradi.

Vazir E. ADILOV

Toshkent sh.,

2026-yil 10-sentabr,

4513-son

Oʻzbekiston Respublikasi sogʻliqni saqlash vazirining 2026-yil 10-sentabrdagi 4513-son buyrugʻiga ILOVA

Tugʻruqni qabul qilishda kesarcha kesish amaliyotini oʻtkazish uchun tibbiy koʻrsatmalar

ROʻYXATI

Izoh:

1) mazkur Roʻyxat davlat va nodavlat tibbiyot tashkilotlarida tugʻruqni qabul qilishda qoʻllaniladi;

2) kesarcha kesish amaliyotini amalga oshirishda homilador ayolning qonunchilik hujjatlarida belgilangan reproduktiv huquqlari taʼminlanishi shart;

3) kesarcha kesish amaliyotini amalga oshirish bilan bogʻliq maʼlumotlar qonunchilik hujjatlariga muvofiq shifokorlik sirini tashkil etadi;

4) davlat va nodavlat tibbiyot tashkilotlari kesarcha kesish amaliyotini oʻtkazish boʻyicha qaror qabul qilgan homilador ayolni uning sogʻligʻi uchun har qanday ehtimol tutilgan salbiy oqibatlar haqida xabardor etishi shart;

5) tibbiy koʻrsatmalar mavjud boʻlmaganda, homilador ayol kesarcha kesish amaliyotini oʻtkazishni Oʻzbekiston Respublikasining “Fuqarolar sogʻligʻini saqlash toʻgʻrisida”gi Qonuniga muvofiq tanlash huquqiga ega. Bunda kesarcha kesish amaliyoti homilador ayolning ixtiyoriy roziligi asosida, uning sogʻligʻi uchun ehtimoliy xavf va oqibatlar toʻgʻrisida toʻliq maʼlumot berilganidan soʻng amalga oshiriladi;

6) mazkur Roʻyxatning ilovasiga muvofiq shaklda homilador ayolning kesarcha kesish amaliyotini oʻtkazish uchun ixtiyoriy rozilik arizasi asosida amalga oshiriladi.

Tugʻruqni qabul qilishda kesarcha kesish amaliyotini oʻtkazish uchun tibbiy koʻrsatmalar roʻyxatiga ILOVA