Xalqaro shartnomalarni tasdiqlash toʻgʻrisida (PQ-320-son)

11.09.2026

OʻZBEKISTON RESPUBLIKASI PREZIDENTINING

QARORI

“Oʻzbekiston Respublikasining xalqaro shartnomalari toʻgʻrisida”gi Qonunning 22-moddasiga muvofiq qaror qilaman:

1. Quyidagilar:

(a) 2026-yil 7-may kuni Toshkent shahrida imzolangan Oʻzbekiston Respublikasi Hukumati bilan Avstriya Federal Hukumati oʻrtasida migratsiya va mobillik boʻyicha sheriklik toʻgʻrisidagi bitim;

(b) 2026-yil 7-may kuni Toshkent shahrida imzolangan Oʻzbekiston Respublikasi Hukumati bilan Avstriya Federal Hukumati oʻrtasida diplomatik pasport egalarini viza talablaridan ozod etish toʻgʻrisidagi bitim tasdiqlansin.

2. Oʻzbekiston Respublikasi Hukumati bilan Avstriya Federal Hukumati oʻrtasidagi migratsiya va mobillik boʻyicha sheriklik toʻgʻrisidagi bitimni amalga oshirish uchun:

(a) Migratsiya agentligi — tashqi mehnat migratsiyasi qismi boʻyicha;

(b) Ichki ishlar vazirligi — readmissiya qismi boʻyicha;

(v) Oliy taʼlim, fan va innovatsiyalar vazirligi — talabalar va akademik almashinuv qismi boʻyicha masʼul boʻlgan vakolatli organlar etib belgilansin.

3. Tashqi ishlar vazirligi Oʻzbekiston Respublikasi Hukumati bilan Avstriya Federal Hukumati oʻrtasida diplomatik pasport egalarini viza talablaridan ozod etish toʻgʻrisidagi bitimni amalga oshirish uchun masʼul boʻlgan vakolatli organ etib belgilansin.

4. Tashqi ishlar vazirligi Oʻzbekiston Respublikasi tomonidan ushbu xalqaro shartnomalarning kuchga kirishi uchun zarur boʻlgan davlat ichki tartib-taomillari bajarilganligi hamda ularni amalga oshirish uchun masʼul boʻlgan vakolatli organlar toʻgʻrisida Avstriya tomoniga tegishli bildirishnoma yuborsin.

5. Vazirlar Mahkamasi hamda tegishli vazirlik va idoralarning rahbarlari ushbu xalqaro shartnomalar kuchga kirgandan keyin uning qoidalari amalga oshirilishi ustidan nazoratni taʼminlasin.

6. Mazkur qarorning ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2026-yil 11-sentabr,

PQ-320-son