Fermer xoʻjaliklarining davlat ehtiyojlari uchun xarid qilinadigan paxta va gʻalla yetishtirish xarajatlarini tijorat banklari tomonidan kreditlash tartibi toʻgʻrisidagi nizomga oʻzgartirishlar kiritish haqida (1295-1-son)

16.11.2004

Oʻzbekiston Respublikasi Moliya vazirligi Oʻzbekiston Respublikasi Markaziy banki boshqaruvining

Qarori

[Oʻzbekiston Respublikasi Adliya vazirligi tomonidan 2004-yil 16-noyabrda 1295-1-son bilan davlat roʻyxatidan oʻtkazilgan]

Oʻzbekiston Respublikasi Vazirlar Mahkamasining 2004-yil 6-avgustdagi 376-sonli “Oʻzdonmahsulot” davlat aksiyadorlik korporatsiyasini “Oʻzdonmahsulot” aksiyadorlik kompaniyasiga aylantirish toʻgʻrisida”gi (Oʻzbekiston Respublikasi Qonun hujjatlari toʻplami 2004-y., 31-son, 358-modda) qarori asosida Oʻzbekiston Respublikasi Moliya vazirligi va Markaziy bank Boshqaruvi qaror qiladi:

1. Fermer xoʻjaliklarining davlat ehtiyojlari uchun xarid qilinadigan paxta va gʻalla yetishtirish xarajatlarini tijorat banklari tomonidan kreditlash tartibi toʻgʻrisida Nizomga (2004-yil 6-yanvar, roʻyxat raqami 1295 — Oʻzbekiston Respublikasi Qonun hujjatlari toʻplami, 2004-y. yanvar, 1-2-son) ilovaga muvofiq oʻzgartirishlar kiritilsin.

2. Ushbu qaror Oʻzbekiston Respublikasi Adliya vazirligida roʻyxatdan oʻtgan kundan boshlab oʻn kundan soʻng kuchga kiradi.

Moliya vaziri S. RAHIMOV

Toshkent sh.,

2004-yil 1-noyabr,

117-son

Markaziy bank Boshqaruvi raisi v.v.b. M. JUMAGALDIYEV

Toshkent sh.,

2004-yil 1-noyabr,

242-B-1-son

Oʻzbekiston Respublikasi Moliya vazirligi, Markaziy banki Boshqaruvining 2004-yil 1-noyabrdagi 117, 242-V-1-son qarori bilan TASDIQLANGAN

Fermer xoʻjaliklarining davlat ehtiyojlari uchun xarid qilinadigan paxta va gʻalla yetishtirish xarajatlarini tijorat banklari tomonidan kreditlash tartibi toʻgʻrisidagi nizomga kiritilayotgan oʻzgartirishlar

1. 3-band birinchi xatboshidagi “Oʻzdonmahsulot” DAK” soʻzlari “Oʻzdonmahsulot” AK” soʻzlari bilan almashtirilsin.

2. 7-band ikkinchi xatboshidagi “5 foiz” va “2,5 foiz” soʻzlari tegishlicha “3 foiz” va “2 foiz” soʻzlari bilan almashtirilsin.

3. 11-banddagi “1,25 foiz” soʻzlari “0,75 foiz” soʻzlari bilan almashtirilsin.

4. Mazkur oʻzgartirishlar Oʻzbekiston Respublikasi Qishloq va suv xoʻjaligi vazirligi, “Oʻzagrosugʻurta” DASK hamda Dehqon va fermer xoʻjaliklari uyushmasi bilan kelishilgan.

Qishloq va suv xoʻjaligi vazirining birinchi oʻrinbosari A. JOʻRAYEV

Toshkent sh.,

2004-yil 29-oktabr

“Oʻzagrosugʻurta” DASK raisi P. KAZIYEV

Toshkent sh.,

2004-yil 29-oktabr

Dehqon va fermer xoʻjaliklari uyushmasi raisi S. QOBULOV

Toshkent sh.,

2004-yil 29-oktabr