Tijorat banklari tomonidan Markaziy bankda majburiy zaxiralarni deponentlash tartibi toʻgʻrisida nizomga oʻzgartirish va qoʻshimchalar kiritish haqida (1444-2-son)

17.09.2005

Oʻzbekiston Respublikasi Markaziy bank Boshqaruvining

Qarori

[Oʻzbekiston Respublikasi Adliya vazirligi tomonidan 2005-yil 17-sentabrda 1444-2-son bilan davlat roʻyxatidan oʻtkazilgan]

Oʻzbekiston Respublikasining “Oʻzbekiston Respublikasining Markaziy banki toʻgʻrisida”gi Qonunning 28-moddasi va “Banklar va bank faoliyati toʻgʻrisida”gi Qonunning 24-moddasi hamda Oʻzbekiston Respublikasi Prezidentining 2005-yil 5-avgustdagi 147-sonli “Banklardagi depozit hisobvaraqlaridan naqd puldagi toʻlovlarni uzluksiz taʼminlash kafolatlari toʻgʻrisida”gi qaroriga asosan Oʻzbekiston Respublikasi Markaziy banki Boshqaruvi qaror qiladi:

1. “Tijorat banklari tomonidan Markaziy bankda majburiy zaxiralarni deponentlash tartibi toʻgʻrisida”gi nizomga (2005-yil 18-yanvar, roʻyxat raqami 1444) kiritilgan qoʻshimcha va oʻzgartirishlar ilovaga* muvofiq tasdiqlansin.

*Ilova rus tilidagi matnda berilgan

2. Ushbu qaror Oʻzbekiston Respublikasi Adliya vazirligida davlat roʻyxatidan oʻtkazilgandan soʻng, 2005-yil 1-oktabrdan boshlab amalga kiritilsin.

3. Mazkur qaror amalga kiritilgan kundan eʼtiboran, Markaziy bank Boshqaruvining 2005-yil 11-iyundagi 13/7-sonli qarori oʻz kuchini yoʻqotgan deb topilsin.

Markaziy bank Boshqaruvi raisi F. MULLAJONOV

Toshkent sh.,

2005-yil 20-avgust,

18/3-son