Budjet tasnifini qoʻllash boʻyicha yoʻriqnomaga qoʻshimcha va oʻzgartirishlar kiritish toʻgʻrisida (2146-21-son)

13.07.2026

OʻZBEKISTON RESPUBLIKASI IQTISODIYOT VA MOLIYA VAZIRINING

BUYRUGʻI

[Oʻzbekiston Respublikasi Adliya vazirligi tomonidan 2026-yil 13-iyulda roʻyxatdan oʻtkazildi, roʻyxat raqami 2146-21]

Oʻzbekiston Respublikasining Budjet kodeksi, Oʻzbekiston Respublikasi Prezidentining 2025-yil 23-maydagi PQ-190-son “Majburiy raqamli markirovkalash tizimi samaradorligini oshirishga qaratilgan qoʻshimcha chora-tadbirlar toʻgʻrisida”gi va 2025-yil 26-dekabrdagi PQ-387-son “Mahalliy budjetlar va budjet tashkilotlarining moliyaviy barqarorligini oshirish, budjet intizomini kuchaytirishga doir qoʻshimcha chora-tadbirlar toʻgʻrisida”gi qarorlari, Oʻzbekiston Respublikasi Vazirlar Mahkamasining 2026-yil 29-yanvardagi 35-son “Ijtimoiy reyestrga kiritilgan oilalarni qoʻllab-quvvatlash tizimini takomillashtirishning qoʻshimcha chora-tadbirlari toʻgʻrisida”gi qaroriga muvofiq buyuraman:

1. Oʻzbekiston Respublikasi moliya vazirining 2010-yil 20-avgustdagi 65-son buyrugʻi (roʻyxat raqami 2146, 2010-yil 11-oktabr) (Oʻzbekiston Respublikasi qonun hujjatlari toʻplami, 2010-y., 40-41-son, 356-modda) bilan tasdiqlangan Budjet tasnifini qoʻllash boʻyicha yoʻriqnomaga ilovaga muvofiq qoʻshimcha va oʻzgartirishlar kiritilsin.

2. Mazkur buyruq rasmiy eʼlon qilingan kundan eʼtiboran kuchga kiradi.

Vazir J. KUCHKAROV

Toshkent sh.,

2026-yil 10-iyun,

372-son

Oʻzbekiston Respublikasi iqtisodiyot va moliya vazirining 2026-yil 10-iyundagi 372-son buyrugʻiga ILOVA

Budjet tasnifini qoʻllash boʻyicha yoʻriqnomaga kiritilayotgan qoʻshimcha va oʻzgartirishlar

1. 22-bandning yettinchi xatboshisi “tashkiliy tasnif” degan soʻzlardan keyin “(mazkur Yoʻriqnomaning 6-ilovasi)” degan soʻzlar bilan toʻldirilsin.

2. 121-band quyidagi tahrirda bayon etilsin:

“121. 7 100 000 “Ijtimoiy himoya” boʻlimi boʻyicha kasallik va mehnatga layoqatsizlik xarajatlari, jumladan, vaqtinchalik mehnatga layoqatsizlik boʻyicha nafaqalar, qarilik taʼminoti, oila va bolalarni qoʻllab-quvvatlash, ishsizlik, uy-joy bilan taʼminlash boʻyicha yordam xarajatlari, Chernobil AES halokati oqibatlarini bartaraf etishda qatnashganlarni ijtimoiy himoya qilish boʻyicha xarajatlar, ijtimoiy muhofaza sohasida ilmiy-tadqiqot, tajriba-konstruktorlik ishlanmalari, boshqa toifalarga kiritilmagan ijtimoiy muhofaza masalalari xarajatlari aks ettiriladi.”.

3. 122-banddagi “7 101 000 “Kasalliklar, mehnatga layoqatsizlik va kam taʼminlanganlik” boʻlimida” degan soʻzlar “7 101 000 “Kasalliklar va mehnatga layoqatsizlik” boʻlimida” degan soʻzlar bilan almashtirilsin.

4. 178-band va 179-bandning ikkinchi xatboshisidagi “kam taʼminlangan” degan soʻzlar “Ijtimoiy reyestrga kiritilgan” degan soʻzlar bilan almashtirilsin.

5. 196-banddagi “Yoʻriqnomaning 6-ilovasi” degan soʻzlar “Yoʻriqnomaning 7-ilovasi” degan soʻzlar bilan almashtirilsin.

6. 1-ilovada:

1) 3 094 10 qatordan keyin quyidagi mazmundagi qatorlar bilan toʻldirilsin:

“3 095 00 Sanoat kooperatsiyasini rivojlantirish davlat maqsadli jamgʻarmasi;

3 095 10 Respublika mablagʻlari;

3 096 00 Sport sohasida tashabbuslarni qoʻllab-quvvatlash jamgʻarmasi;

3 096 00 Respublika mablagʻlari;”;

2) 4 600 22 qatordan keyin quyidagi mazmundagi qatorlar bilan toʻldirilsin:

“4 610 00 Aksiyadorlik jamiyati mablagʻlari;

4 610 20 Hududiy mablagʻlar;

4 610 21 Qoraqalpogʻiston Respublikasining respublika darajasidagi, viloyatlarning viloyat darajasidagi va Toshkent shahrining shahar darajasidagi mablagʻlari.”.

7. 4-ilovada:

1) 7 011 205 qatorning nomi quyidagi tahrirda bayon etilsin:

“Oʻzbekiston Respublikasi Prezidentining Xalq qabulxonalarini saqlash xarajatlari”;

2) 7 011 212 qatordan keyin quyidagi mazmundagi qator bilan toʻldirilsin:

“7 011 213 Sanoat kooperatsiyasi va davlat xaridlari agentligini saqlash xarajatlari”;

3) 7 011 333 qatordan keyin quyidagi mazmundagi qator bilan toʻldirilsin:

“7 011 339 Oʻzbekiston Respublikasi Soliq qoʻmitasining tizim tashkilotlarini saqlash xarajatlari”;

4) 7 018 621 qatordan keyin quyidagi mazmundagi qator bilan toʻldirilsin:

“7 018 622 Dehqon bozorlari, ixtisoslashtirilgan va buyum bozorlaridan Oʻzbekiston Respublikasi respublika budjetiga tushgan soliqlardan ushbu sohadagi hamda mahallalarda infratuzilmani yaxshilash uchun mazkur bozorlar joylashgan tuman/shaharlar budjetlariga ajratmalar”;

5) 7 046 902 qatordan keyin quyidagi mazmundagi qator bilan toʻldirilsin:

“7 046 903 Aloqa va telekommunikatsiyalarni qoʻllab-quvvatlash xarajatlari”;

6) 7 047 300 qatordagi “Turizm va madaniy meros” degan soʻzlar “Turizm” degan soʻzlar bilan almashtirilsin;

7) 7 069 911 qatordan keyin quyidagi mazmundagi qatorlar bilan toʻldirilsin:

“7 069 912 Ogʻir toifadagi tumanlarni rivojlantirish bilan bogʻliq xarajatlari;

7 069 913 Ogʻir toifadagi mahallalarni rivojlantirish bilan bogʻliq xarajatlari”;

8) 7 101 000 qatorning nomi quyidagi tahrirda bayon etilsin:

“7 101 000 Kasallik va mehnatga layoqatsizlik”;

9) 7 106 904 qatordagi “kam taʼminlangan” degan soʻzlar “Ijtimoiy reyestrga kiritilgan” degan soʻzlar bilan almashtirilsin.

10) 7 950 100 qatordan keyin quyidagi mazmundagi qator bilan toʻldirilsin:

“7 950 600 Hisob-kitob-kliring palatasi”.

8. 5-ilovada:

1) 47 21 300 qatordagi “Kam taʼminlangan” degan soʻzlar “Ijtimoiy reyestrga kiritilgan” degan soʻzlar bilan almashtirilsin;

2) 47 22 100 qatordagi “kam taʼminlangan” degan soʻzlar “Ijtimoiy reyestrga kiritilgan” degan soʻzlar bilan almashtirilsin.

9. 5a-ilovada:

1) 47 21 300 qatordagi “Kam taʼminlangan” degan soʻzlar “Ijtimoiy reyestrga kiritilgan” degan soʻzlar bilan almashtirilsin;

2) 47 22 100 qatordagi “kam taʼminlangan” degan soʻzlar “Ijtimoiy reyestrga kiritilgan” degan soʻzlar bilan almashtirilsin.

10. 6-ilova mazkur qoʻshimcha va oʻzgartirishlarning 1-ilovasiga muvofiq tahrirda bayon etilsin.

11. Mazkur qoʻshimcha va oʻzgartirishlarning 2-ilovasiga muvofiq tahrirdagi 7-ilova bilan toʻldirilsin.

Budjet tasnifini qoʻllash boʻyicha yoʻriqnomaga kiritilayotgan qoʻshimcha va oʻzgartirishlarga 1-ILOVA

“Budjet tasnifini qoʻllash boʻyicha yoʻriqnomaga 6-ILOVA

Tashkiliy tasnif

Budjet tasnifini qoʻllash boʻyicha yoʻriqnomaga kiritilayotgan qoʻshimcha va oʻzgartirishlarga 2-ILOVA

“Budjet tasnifini qoʻllash boʻyicha yoʻriqnomaga 7-ILOVA

Davlat budjeti taqchilligini qoplash manbalari tasnifi