Oʻzbekiston Respublikasida giyohvandlik vositalari va psixotrop moddalar muomalasini tartibga solishni yanada takomillashtirish chora-tadbirlari toʻgʻrisida (359-son)

02.07.2026

Oʻzbekiston Respublikasi Vazirlar Mahkamasining

qarori

Oʻzbekiston Respublikasining “Giyohvandlik vositalari va psixotrop moddalar toʻgʻrisida”gi Qonuni, Oʻzbekiston Respublikasi Prezidentining “Oʻzbekiston Respublikasida giyohvandlik vositalari va psixotrop moddalarning noqonuniy aylanmasiga chek qoʻyish orqali ularning aholi salomatligi va mamlakatimiz genofondiga salbiy taʼsirini bartaraf etish strategik chora-tadbirlari toʻgʻrisida” 2024-yil 6-maydagi PF-73-son, “Davlat boshqaruvi tizimida samaradorlik, proaktivlik va natijadorlikni oshirish chora-tadbirlari toʻgʻrisida” 2025-yil 14-iyuldagi PF-111-son va “Aholi salomatligi va millat genofondini giyohvandlik va narkojinoyatlardan samarali himoya qilish boʻyicha kompleks chora-tadbirlar toʻgʻrisida” 2025-yil 3-noyabrdagi PF-207-son farmonlari ijrosini taʼminlash, shuningdek, giyohvandlik vositalari va psixotrop moddalar muomalasini tartibga solishni yanada takomillashtirish maqsadida Vazirlar Mahkamasi qaror qiladi:

1. Quyidagilar:

Giyohvandlik vositalari va psixotrop moddalarni olib kirish, olib chiqish uchun sertifikat berish tartibi toʻgʻrisidagi nizom 1-ilovaga muvofiq;

Giyohvandlik vositalari va psixotrop moddalarni Oʻzbekiston Respublikasi hududi orqali tranzit tarzida oʻtkazishga ruxsatnoma olish tartibi toʻgʻrisidagi nizom 2-ilovaga muvofiq;

Oʻzbekiston Respublikasining giyohvandlik vositalari va psixotrop moddalarga boʻlgan ehtiyojini aniqlash tartibi toʻgʻrisidagi nizom 3-ilovaga muvofiq;

Giyohvandlik vositalari va psixotrop moddalarni yoʻq qilish tartibi toʻgʻrisidagi nizom 4-ilovaga muvofiq;

Oʻzbekiston Respublikasi hududida giyohvandlik vositalari va psixotrop moddalarni tranzit oʻtuvchi yoʻlovchilarni davolash uchun tashish va ulardan foydalanish tartibi toʻgʻrisidagi nizom 5-ilovaga muvofiq;

Ilmiy va oʻquv maqsadlarida giyohvandlik vositalari va psixotrop moddalardan foydalanish tartibi toʻgʻrisidagi nizom 6-ilovaga muvofiq;

Oʻzbekiston Respublikasida muomalada boʻlishi taqiqlangan giyohvandlik vositalarining roʻyxati (I roʻyxat) 7-ilovaga muvofiq;

Oʻzbekiston Respublikasida muomalada boʻlishi cheklangan giyohvandlik vositalarining roʻyxati (II roʻyxat) 8-ilovaga muvofiq;

Oʻzbekiston Respublikasida muomalada boʻlishi cheklangan psixotrop moddalarning roʻyxati (III roʻyxat) 9-ilovaga muvofiq tasdiqlansin.

2. Shunday tartib oʻrnatilsinki, unga muvofiq:

giyohvandlik vositalari, psixotrop va alohida toifadagi kuchli taʼsir qiluvchi moddalarni olib kirish (olib chiqish) va tranzit tarzida oʻtkazish uchun sertifikat (ruxsatnoma) “Litsenziya” axborot tizimi orqali berilishi yoʻlga qoʻyiladi;

giyohvandlik vositalari, psixotrop va alohida toifadagi kuchli taʼsir qiluvchi moddalarni respublikaga olib kirilishidan (ishlab chiqarilishidan) boshlab realizatsiya qilishgacha (qabul qilish, saqlash, isteʼmolchiga sotish va boshqa) boʻlgan barcha jarayonlarning uzluksiz elektron nazorati joriy etiladi;

giyohvandlik vositalari va psixotrop moddalarni insonparvarlik yordami yuki tariqasida olib kirishga (olib chiqishga) ruxsat berish amaliyoti yoʻlga qoʻyiladi. Bunda onkologik bemorlar foydalanishi uchun moʻljallangan insonparvarlik yordami yukining yaroqlilik muddati olti oygacha qolgan boʻlsa ham, istisno tariqasida, olib kirilishi mumkin;

davolash-profilaktika muassasalarida giyohvandlik vositalarining isteʼmol meʼyorlari kardiojarrohlik amaliyotlarida bir nafar beʼmorga 40 ampula doirasida belgilanadi.

3. Sogʻliqni saqlash vazirligi (E. Adilov):

a) respublikada muomalasi cheklangan roʻyxatlarga kiritilgan, tarkibida giyohvandlik vositalari, psixotrop va alohida toifadagi kuchli taʼsir qiluvchi moddalar mavjud boʻlgan dori vositalarining muomalasi jarayonlarini raqamlashtirishni qamrab oluvchi axborot tizimini ishlab chiqsin va 2027-yil 1-yanvardan ishga tushirsin.

Bunda:

mazkur tizim doirasida tarkibida giyohvandlik vositalari, psixotrop va alohida toifadagi kuchli taʼsir qiluvchi moddalar mavjud boʻlgan yangi dori vositalari toʻgʻrisida dorixonalarni tezkorlik bilan elektron xabardor qilish amaliyoti yoʻlga qoʻyiladi;

ushbu axborot tizimi “Raqamli sogʻliqni saqlash islohotlarini qoʻllab-quvvatlash” loyihasi doirasida ishlab chiqilayotgan Raqamli sogʻliqni saqlash platformasi bilan integratsiya qilinadi hamda axborot tizimi maʼlumotlarni shakllantirish, yuritish va boshqarishda platformaning umumiy maʼlumotnoma va klassifikatorlaridan foydalaniladi;

tizim doirasida “xavfni tahlil qilish” imkoniyati yaratilib, “Yagona davlat nazorati” axborot tizimiga integratsiya qilinadi;

Sogʻliqni saqlash vazirligining “Farmatsevtika mahsulotlari xavfsizligi markazi” davlat muassasasi mazkur axborot tizimini yuritish boʻyicha masʼul hisoblanadi, “Davlat axborot tizimlarini yaratish va qoʻllab-quvvatlash boʻyicha yagona integrator — “UZINFOCOM” MCNJ tizimni yaratish, qoʻllab-quvvatlash, uning sifati va uzluksiz ishlab turishini taʼminlash boʻyicha operator etib belgilanadi;

axborot tizimini ishlab chiqish va ishga tushirish bilan bogʻliq barcha xarajatlar Tibbiyotni rivojlantirish davlat maqsadli jamgʻarmasi mablagʻlari hisobidan amalga oshiriladi;

b) joriy yil yakuniga qadar giyohvandlik vositalari, psixotrop va alohida toifadagi kuchli taʼsir qiluvchi moddalarning muomalasi bilan bogʻliq faoliyatni amalga oshiruvchi litsenziyaga ega yuridik shaxslar uchun qonunchilikka kiritilayotgan oʻzgartirishlar mohiyatini yetkazish boʻyicha sayyor seminar mashgʻulotlarini oʻtkazsin;

v) insonparvarlik yordami yuki tariqasida olib kirilgan giyohvandlik vositalari va psixotrop moddalarni, birinchi navbatda, ehtiyojmand bemorlar oʻrtasida teng taqsimlash choralarini koʻrsin;

g) Ichki ishlar vazirligi (A. Tashpulatov) hamda boshqa manfaatdor vazirlik va idoralar bilan birgalikda ushbu qarorning mazmun-mohiyati va ahamiyatini aholi oʻrtasida keng tushuntirilishini taʼminlasin;

d) 2026-yil 1-oktabrga qadar Birlashgan Millatlar Tashkiloti Xalqaro narkotiklarni nazorat qilish qoʻmitasining tarkibida giyohvandlik vositalari mavjud boʻlgan dori vositalari va psixotrop moddalar muomalasini nazorat qilish boʻyicha elektron platformasi orqali maʼlumot almashinuvini yoʻlga qoʻysin.

4. Oʻzbekiston Respublikasi Hukumatining 10-ilovaga muvofiq ayrim qarorlari oʻz kuchini yoʻqotgan deb hisoblansin.

5. Oʻzbekiston Respublikasi Hukumatining 11-ilovaga muvofiq ayrim qarorlariga oʻzgartirish va qoʻshimchalar kiritilsin.

6. Manfaatdor vazirlik va idoralar uch oy muddatda oʻzlari qabul qilgan normativ-huquqiy hujjatlarni ushbu qarorga muvofiqlashtirsin.

7. Ushbu qaror rasmiy eʼlon qilingan kundan eʼtiboran olti oy oʻtgach kuchga kiradi.

8. Ushbu qarorning bajarilishini nazorat qilish Oʻzbekiston Respublikasi Prezidenti Administratsiyasi huzuridagi Narkotiklar va oʻqotar qurollarni nazorat qilish agentligi direktori vazifasini vaqtincha bajaruvchi F.F. Xasanov hamda Oʻzbekiston Respublikasi sogʻliqni saqlash vaziri E.E. Adilov zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2026-yil 2-iyul,

359-son

Vazirlar Mahkamasining 2026-yil 2-iyuldagi 359-son qaroriga 1-ILOVA

Giyohvandlik vositalari va psixotrop moddalarni olib kirish, olib chiqish uchun sertifikat berish tartibi toʻgʻrisida

NIZOM

1-bob. Umumiy qoidalar

1. Ushbu Nizom giyohvandlik vositalari va psixotrop moddalar (keyingi oʻrinlarda — giyohvandlik vositalari) ustidan davlat nazorati choralarini kuchaytirish maqsadida ularni Oʻzbekiston Respublikasi hududiga olib kirish va Oʻzbekiston Respublikasi hududidan olib chiqishda ruxsat etish xususiyatiga ega hujjatni (keyingi oʻrinlarda — sertifikat) berish tartibini belgilaydi.

2. Giyohvandlik vositalarini Oʻzbekiston Respublikasi hududiga olib kirish va Oʻzbekiston Respublikasi hududidan olib chiqishga sertifikatni rasmiylashtirish uchun “Litsenziya” axborot tizimi (keyingi oʻrinlarda — “Litsenziya” AT) orqali ariza beriladi, ariza Oʻzbekiston Respublikasi Davlat xavfsizlik xizmati (keyingi oʻrinlarda — DXX) hamda Oʻzbekiston Respublikasi Ichki ishlar vazirligi (keyingi oʻrinlarda — IIV) bilan kelishilgandan soʻng Oʻzbekiston Respublikasi Narkotiklar va oʻqotar qurollarni nazorat qilish agentligining (keyingi oʻrinlarda — Agentlik) tegishli qaroriga asosan mazkur Nizomga 1-ilovadagi sxemaga muvofiq Oʻzbekiston Respublikasi Sogʻliqni saqlash vazirligining “Farmatsevtika mahsulotlari xavfsizligi markazi” davlat muassasasi (keyingi oʻrinlarda — Markaz) tomonidan beriladi.

3. Giyohvandlik vositalarini Oʻzbekiston Respublikasi hududiga olib kirish va Oʻzbekiston Respublikasi hududidan olib chiqish giyohvandlik vositalarining muomalasi bilan bogʻliq faoliyat uchun litsenziyaga ega yuridik shaxslar (keyingi oʻrinlarda — ariza beruvchi) tomonidan mazkur Nizomga 2 — 5-ilovalarga muvofiq shakldagi qatʼiy hisobda turuvchi, pushti rangli maxsus blanklarda rasmiylashtirilgan sertifikatlar asosida amalga oshiriladi.

4. Sertifikatdan faqat bir marta foydalaniladi va uning amal qilish muddati bir yilni tashkil qiladi.

Sertifikat ariza beruvchiga ikki nusxada, shundan bir nusxasi eksport qiluvchi tashkilotga taqdim etish uchun beriladi.

Berilgan sertifikat nazorat qilinadigan moddalarning muomalasi bilan bogʻliq litsenziyaga ega boʻlishidan qatʼi nazar, boshqa yuridik shaxsga berilishi mumkin emas.

5. Oʻzbekiston Respublikasi Iqtisodiyot va moliya vazirligi huzuridagi Bojxona qoʻmitasi giyohvandlik vositalarining haqiqiy olib kirilgani (olib chiqilgani) toʻgʻrisidagi maʼlumotni yuk chegaradan kesib oʻtgan vaqtning oʻzida onlayn vaqt rejimida Agentlik hamda Markazga taqdim etadi.

6. Respublika hududiga import qilingan giyohvandlik vositalari reeksport qilinmaydi.

7. Giyohvandlik vositalarini pochta va kuryerlik joʻnatmalarida joʻnatish taqiqlanadi, ekspertlik va tezkor-qidiruv faoliyatida foydalanish hamda tarkibida giyohvandlik vositalarini saqlovchi dori vositalarini Oʻzbekiston Respublikasida roʻyxatdan oʻtkazish yoki qayta roʻyxatdan oʻtkazish uchun namuna sifatida yuborish holatlari bundan mustasno.

Giyohvandlik vositalaridan ichki ishlar organlari, DXX hamda bojxona organlarining ekspertiza va tezkor-qidiruv faoliyatida, shuningdek, Oʻzbekiston Respublikasi Elektron texnologiyalarini rivojlantirish markazi hamda Adliya vazirligining sud-ekspertiza muassasalari faoliyatida litsenziya olmasdan foydalaniladi.

2-bob. Ruxsat berishga doir talab va shartlar

8. Giyohvandlik vositalarini olib kirish, olib chiqishga ruxsat berish uchun sertifikat olish talablari va shartlariga quyidagilar kiradi:

ariza beruvchida giyohvandlik vositalari muomalasi bilan bogʻliq faoliyatni amalga oshirish huquqini beruvchi litsenziyaning mavjudligi;

giyohvandlik vositalarini olib kirish va olib chiqishda qonunchilik hujjatlariga majburiy rioya qilinishi;

sertifikatni olish uchun taqdim etiladigan maʼlumotlarning ishonchliligini taʼminlash;

ariza beruvchi tashkilotning nomi yoki manzili (pochta va/yoki faoliyat manzili) oʻzgargan taqdirda, qayta roʻyxatdan oʻtkazilgandan soʻng oʻn ish kuni ichida Markazga “Litsenziya” ATdagi shaxsiy kabineti orqali murojaat qilish.

3-bob. Sertifikat olish uchun taqdim qilinadigan hujjatlar

9. Sertifikat olish uchun ariza beruvchi tomonidan “Litsenziya” ATdagi shaxsiy kabineti orqali quyidagi hujjatlar Markazga taqdim etiladi:

a) ariza beruvchining mazkur Nizomga 6-ilovaga muvofiq arizasi;

b) giyohvandlik vositalarini olib kirish yoki olib chiqish uchun shartnoma nusxasi (toʻlov uchun hisob);

v) Oʻzbekiston Respublikasi hududidan giyohvandlik vositalarini olib chiqishda — import qiluvchi davlatning olib kirishga ruxsat beruvchi hujjati (sertifikat, ruxsatnoma, olib kirish uchun litsenziya yoki boshqa ruxsat etuvchi hujjatlar);

g) ariza beruvchi sertifikatni Markaz yoki pochta orqali qabul qilishni tanlaydi.

10. Arizani koʻrib chiqish va sertifikatni rasmiylashtirish uchun qonunchilik hujjatlarida belgilangan bazaviy hisoblash miqdorining sakkiz baravari miqdorida yigʻim undiriladi.

Yigʻim toʻlangani axborot-kommunikatsiya tizimlari orqali tasdiqlanadi.

Yigʻim summasi quyidagi tartibda taqsimlanadi, agarda pasportlarning 6-bandida boshqacha taqsimot nazarda tutilmagan taqdirda:

10 foizi — Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasiga;

0,5 foizi — Yagona billing tizimi orqali davlat xizmatlari koʻrsatgani uchun Axborot-kommunikatsiya texnologiyalarini rivojlantirish jamgʻarmasining elektron hukumat va raqamli iqtisodiyotning idoralararo loyihalarini moliyalashtirish boʻyicha maxsus hisobvaragʻiga;

qolgan mablagʻlar — Giyohvandlik va narkojinoyatlarga qarshi kurashish tizimini rivojlantirish respublika jamgʻarmasiga va Markazning tegishli bank hisobvaraqlariga teng miqdorda oʻtkaziladi.

11. Arizada quyidagi maʼlumotlar koʻrsatilgan boʻlishi kerak:

a) ariza beruvchining nomi va joylashgan manzili, ishlab chiqaruvchi va yukni qabul qiluvchining, shuningdek, import qiluvchining nomi va joylashgan manzili (olib chiqish faoliyati amalga oshirilganda);

b) roʻyxatda koʻrsatilgan giyohvandlik vositalarining nomi, TIF TN kodi, giyohvandlik vositalarining xalqaro patentlanmagan nomi, agar u mavjud boʻlsa yoki u birinchi qanday nom bilan chiqarilgan yoki chiqarilayotgan boʻlsa;

v) giyohvandlik vositalarining dori shakli (agar ular dori vositalari hisoblansa);

g) giyohvandlik vositalarining muayyan partiyadagi miqdori (ehtiyoj doirasida);

d) giyohvandlik vositalari olib kiriladigan va olib chiqiladigan davlat nomi;

e) giyohvandlik vositalarini olib kirish, olib chiqish joyi va muddati;

j) giyohvandlik vositalarini olib kirish, olib chiqish maqsadlari;

z) giyohvandlik vositalarini olib kirish, olib chiqish uchun moʻljallangan transport turi yoki ularni joʻnatish usullari.

12. Markaz sertifikatni rasmiylashtirish uchun kerakli hujjatlarni ariza beruvchidan qabul qilib olganidan soʻng boshqa vakolatli organlardan quyidagi hujjatlar va maʼlumotlarni oʻzaro axborot hamkorligi orqali elektron shaklda oladi:

a) dori vositasi tarkibida giyohvandlik vositalari mavjud boʻlgan hollarda, ushbu dori vositasi uchun berilgan roʻyxatdan oʻtkazish guvohnomasining nusxasi;

b) Sogʻliqni saqlash vazirligi tomonidan berilgan giyohvandlik vositalari muomalasi bilan bogʻliq faoliyatni amalga oshirish huquqini beruvchi litsenziyaning nusxasi.

13. Ariza beruvchidan ushbu Nizomning 9-bandida nazarda tutilmagan hujjatlarni talab qilishga yoʻl qoʻyilmaydi.

4-bob. Arizani koʻrib chiqish, sertifikat berish yoki sertifikat berishni rad etish

14. Markaz arizani qabul qilingan kundan boshlab oʻttiz ish kunidan ortiq boʻlmagan muddatda koʻrib chiqib, sertifikat beradi yoki sertifikat berishni rad etadi.

15. Markaz hujjatlar toʻplamini oʻrganadi va mazkur Nizomning 9 va 12-bandlarida keltirilgan hujjatlar toʻplamini kelishish uchun “Litsenziya” AT orqali DXX hamda IIVga yuboradi.

16. DXX va IIV hujjatlarni yigirma ish kunidan ortiq boʻlmagan muddatda koʻrib chiqib, tegishli xulosasini Agentlikka yuboradi.

17. Agentlik hujjatlarni besh ish kunidan ortiq boʻlmagan muddatda koʻrib chiqib, tegishli qarorni Markazga taqdim etadi.

18. Agentlik qarori asosida Markaz ariza beruvchiga besh ish kunidan kechiktirmagan holda sertifikat berilishi toʻgʻrisida yoki DXX va IIVning (rad etilgan holatda) tegishli xulosalari asosida rad etish asoslari va qonunchilikning aniq normalarini koʻrsatgan holda ariza beruvchiga xabarnoma yuboradi.

Markaz sertifikatni anʼanaviy tarzda ariza beruvchining oʻziga yoki pochta xizmati orqali ariza beruvchi koʻrsatgan manzilga yuboradi.

Ariza qabul qilingandan soʻng ariza beruvchi sertifikat olishdan bosh tortgan hollarda, toʻlangan toʻlov summasi qaytarilmaydi.

19. Oʻzbekiston Respublikasi hududiga olib kirilayotgan giyohvandlik vositalarini bojxona omborlariga joylashtirishga Markaz tomonidan olib kirish uchun berilgan sertifikatlarning mavjudligi asos boʻladi.

20. Rasmiylashtirilgan sertifikatlar va ulardagi maʼlumotlar “Yagona darcha” bojxona axborot tizimiga Markaz masʼul shaxslari tomonidan kiritiladi.

21. Sertifikatning berilishi quyidagi sabablarga koʻra rad etilishi mumkin:

a) ariza beruvchi tomonidan sertifikat olish uchun zarur boʻlgan hujjatlar toʻliq taqdim etilmaganda;

b) ariza beruvchi ruxsat berish tartib-taomillariga mos kelmaganda;

v) oʻrganish natijalariga koʻra DXX yoki IIVning asoslantirilgan rad etish xulosasi yoki Agentlikning sertifikat berish mumkin emasligi toʻgʻrisidagi qarori taqdim etilganda;

g) ariza beruvchi tomonidan taqdim etilgan hujjatlarda shubhali yoki notoʻgʻri maʼlumotlar mavjud boʻlganda.

22. Sertifikat berishni boshqa asoslarga koʻra, shu jumladan, maqsadga muvofiq emas degan vajlar bilan rad etilishiga yoʻl qoʻyilmaydi.

Sertifikat berish rad etilgan hollarda, toʻlangan yigʻim summasi qaytarilmaydi.

23. Ariza beruvchi sertifikat berishni rad etish uchun asos boʻlgan sabablarni bartaraf etgan taqdirda, ularni tasdiqlovchi tegishli hujjatlar va rad etish sabablarini bartaraf etish toʻgʻrisidagi ariza Markaz tomonidan oʻn ish kunidan ortiq boʻlmagan muddatda qayta koʻrib chiqiladi.

24. Sertifikat berish toʻgʻrisidagi arizani qayta koʻrib chiqish jarayonida xabarnomada oldin koʻrsatilmagan sabablarni vaj qilgan holda sertifikat berishni rad etishga yoʻl qoʻyilmaydi.

Ariza qayta koʻrib chiqilgani uchun qonunchilik hujjatlarida belgilangan bazaviy hisoblash miqdorining bir baravari miqdorida yigʻim undiriladi hamda ushbu Nizomning 10-bandida nazarda tutilgan tartibda taqsimlanadi.

25. Ariza beruvchi Markazning mansabdor shaxslari harakatlari (harakatsizligi) hamda sertifikat berishni rad etish toʻgʻrisidagi qarori ustidan belgilangan tartibda shikoyat qilish huquqiga ega.

5-bob. Sertifikat dublikatini berish

26. Sertifikat yoʻqolganda yoki yaroqsiz holatga kelganda, ariza beruvchi “Litsenziya” AT orqali Markazga dublikat olish uchun ariza beradi.

Markaz arizani besh ish kunidan oshmagan muddatda koʻrib chiqib, “Dublikat” belgisi qoʻyilgan yangi sertifikatni anʼanaviy tarzda yoki pochta xizmati orqali ariza beruvchiga taqdim etadi.

Sertifikatning dublikati berilgani uchun bazaviy hisoblash miqdorining oʻn foizi miqdorida yigʻim undiriladi va undirilgan yigʻim ushbu nizomning 10-bandida belgilangan tartibda taqsimlanadi.

27. Sertifikat yaroqsiz holatga kelgan holda uning asl nusxasi ham Markazga taqdim etilishi kerak.

6-bob. Berilgan sertifikatlar reyestri

28. Sertifikatlar reyestri “Litsenziya” ATda elektron shaklda har bir sertifikat boʻyicha alohida yuritiladi va undagi maʼlumot barcha uchun ochiq hisoblanadi.

29. Sertifikatlar reyestri avtomatik ravishda shakllantiriladi, uning doimiy yuritilishi va unga tegishli oʻzgartirishlarni kiritish Markaz tomonidan amalga oshiriladi.

Markaz sertifikatlar reyestrini yuritishda ushbu Nizom va boshqa qonunchilik hujjatlarida belgilangan tartiblarga rioya qilishi lozim.

30. Markaz quyidagi maʼlumotlarni sertifikatlar reyestriga oʻz vaqtida kiritib borishga javobgar:

sertifikat berilgan sana va sertifikat raqami;

ariza beruvchining nomi, tashkiliy-huquqiy shakli, pochta manzili va telefon raqami;

sertifikatda olib kirilayotgan, olib chiqilayotgan giyohvandlik vositasining nomi va miqdori;

sertifikatning amal qilish muddati;

sertifikatni toʻxtatib turish asosi va sanasi;

sertifikatning amal qilish muddatini tugatish asosi va sanasi;

sertifikatni bekor qilish asosi va sanasi;

sertifikat dublikatini berish asosi va sanasi.

31. Sertifikat egasi toʻgʻrisidagi batafsil maʼlumotlar bazasi vakolatli organlar foydalanishi uchun shakllantiriladi va unda ruxsat berish jarayonida kiritiladigan barcha maʼlumotlar hamda ilova qilinadigan hujjatlarning elektron nusxalari saqlanadi.

Ushbu maʼlumotlar bazasida sertifikatlar reyestriga kiritilmagan axborotlar mavjud boʻlgan taqdirda, Markaz tomonidan mazkur axborotlar va ilova qilingan hujjatlarning boshqa shaxslarga oshkor qilinishi taqiqlanadi.

7-bob. Giyohvandlik vositalarini insonparvarlik yordami yuklari tariqasida olib kirish, olib chiqishga ruxsatnoma berish

32. Vazirlar Mahkamasining xulosasi asosida Markaz tomonidan giyohvandlik vositalarining insonparvarlik yordami yuklari tariqasida olib kirish, olib chiqishga ruxsatnoma beriladi.

33. Yaroqlilik muddati oʻn ikki oydan kam boʻlgan insonparvarlik yordami yukini olib kirish, olib chiqish taqiqlanadi. Onkologik bemorlar foydalanishi uchun moʻljallangan insonparvalik yordami yuklarining yaroqlilik muddati oʻn ikki oydan olti oygacha qolgan boʻlsa, istisno tariqasida, ularning olib kirilishiga ruxsat beriladi.

34. Insonparvarlik yordami yukini qabul qiluvchi (ariza beruvchi) ruxsatnoma olish uchun “Litsenziya” AT orqali Markazga quyidagi hujjatlarni taqdim etadi:

a) ariza beruvchining quyidagi maʼlumotlarni aks ettirgan mazkur Nizomga 7-ilovaga muvofiq arizasi:

insonparvalik yordami yukining Oʻzbekiston Respublikasiga olib kirayotgan donorning nomi, yuridik manzili;

insonparvarlik yordami yukini qabul qiluvchining nomi, yuridik manzili;

insonparvalik yordami yukining xalqaro patentlanmagan nomi agar mavjud boʻlsa yoxud giyohvandlik vositasining ishlab chiqarilgan nomi, dori shakli va uning miqdori koʻrsatilgan holda;

olib kirish maqsadi;

tashiladigan transport turi;

b) ariza beruvchiga Sogʻliqni saqlash vazirligi tomonidan berilgan giyohvandlik vositalari muomalasi bilan bogʻliq faoliyatni amalga oshirish huquqini beruvchi litsenziya nusxasi;

v) yukni insonparvalik yordamiga mansubligi toʻgʻrisidagi Vazirlar Mahkamasi xulosasi nusxasi;

g) insonparvalik yordami yukining kuzatuv hujjatlari nusxalari (invoys, yuk xati).

35. Insonparvalik yordami yuklarini olib kirish, olib chiqish uchun ruxsatnomalarni rasmiylashtirishda ariza beruvchidan yigʻim undirilmaydi.

36. Insonparvalik yordami yukini olib kirish/olib chiqishga ruxsatnoma berish toʻgʻrisidagi ariza hujjatlar qabul qilingandan soʻng Markaz tomonidan besh ish kuni ichida koʻrib chiqiladi va ariza beruvchiga ruxsatnoma berilishi toʻgʻrisida “Litsenziya” AT orqali xabarnoma yuboriladi.

Markaz ushbu Nizomga 8-ilovaga muvofiq rasmiylashtirilgan ruxsatnomani anʼanaviy tarzda ariza beruvchining oʻziga yoki pochta xizmati orqali ariza beruvchi koʻrsatgan manzilga yuboradi.

37. Markaz tomonidan insonparvalik yordami yuklarini olib kirish/olib chiqish uchun ruxsatnoma berish yoki ruxsatnoma berishni asoslantirilgan holda rad etish ishning rasman yakunlanishi hisoblanadi.

38. Ruxsatnomaning berilishi quyidagi sabablarga koʻra rad etilishi mumkin:

a) ariza beruvchi tomonidan ruxsatnoma olish uchun zarur boʻlgan hujjatlar toʻliq taqdim etilmaganda;

b) ariza beruvchi tomonidan taqdim etilgan hujjatlarda shubhali yoki notoʻgʻri maʼlumotlar mavjud boʻlganda.

8-bob. Yakunlovchi qoidalar

39. Sertifikatning amal qilish muddatini toʻxtatib turish yoki tugatish va bekor qilish Oʻzbekiston Respublikasining “Litsenziyalash, ruxsat berish va xabardor qilish tartib-taomillari toʻgʻrisida”gi Qonunida nazarda tutilgan hollarda belgilangan tartibda amalga oshiriladi.

40. Mazkur Nizom talablarining buzilishida aybdor boʻlgan shaxslar qonunchilik hujjatlarida belgilangan tartibda javobgar boʻladi.

Giyohvandlik vositalari va psixotrop moddalarni olib kirish, olib chiqish uchun sertifikat berish tartibi toʻgʻrisidagi nizomga 1-ILOVA

Giyohvandlik vositalari va psixotrop moddalarni olib kirish, olib chiqishga sertifikat berish

SXEMASI

Giyohvandlik vositalari va psixotrop moddalarni olib kirish, olib chiqish uchun sertifikat berish tartibi toʻgʻrisidagi nizomga 2-ILOVA

Giyohvandlik vositalari va psixotrop moddalarni olib kirish, olib chiqish uchun sertifikat berish tartibi toʻgʻrisidagi nizomga 3-ILOVA

Giyohvandlik vositalari va psixotrop moddalarni olib kirish, olib chiqish uchun sertifikat berish tartibi toʻgʻrisidagi nizomga 4-ILOVA

Giyohvandlik vositalari va psixotrop moddalarni olib kirish, olib chiqish uchun sertifikat berish tartibi toʻgʻrisidagi nizomga 5-ILOVA

Giyohvandlik vositalari va psixotrop moddalarni olib kirish, olib chiqish uchun sertifikat berish tartibi toʻgʻrisidagi nizomga 6-ILOVA

Giyohvandlik vositalari va psixotrop moddalarni olib kirish, olib chiqish uchun sertifikat berish tartibi toʻgʻrisidagi nizomga 7-ILOVA

Giyohvandlik vositalari va psixotrop moddalarni olib kirish, olib chiqish uchun sertifikat berish tartibi toʻgʻrisidagi nizomga 8-ILOVA

Vazirlar Mahkamasining 2026-yil 2-iyuldagi 359-son qaroriga 2-ILOVA

Giyohvandlik vositalari va psixotrop moddalarni Oʻzbekiston Respublikasi hududi orqali tranzit tarzida oʻtkazishga ruxsatnoma olish tartibi toʻgʻrisida

NIZOM

1-bob. Umumiy qoidalar

1. Mazkur Nizom Oʻzbekiston Respublikasining xalqaro shartnomalarini hisobga olgan holda belgilangan davlat nazorati chora-tadbirlariga muvofiq giyohvandlik vositalari va psixotrop moddalarni (keyingi oʻrinlarda — giyohvandlik vositalari) Oʻzbekiston Respublikasi hududi orqali tranzit tarzida oʻtkazish uchun ruxsat etish xususiyatiga ega hujjatni (keyingi oʻrinlarda — ruxsatnoma) berish tartibini belgilaydi.

2. Giyohvandlik vositalarini Oʻzbekiston Respublikasi hududi orqali tranzit tarzida oʻtkazish uchun ruxsatnomani (keyingi oʻrinlarda — tranzit ruxsatnomasi) rasmiylashtirish uchun “Litsenziya” axborot tizimi (keyingi oʻrinlarda — “Litsenziya” AT) orqali ariza beriladi, ariza Oʻzbekiston Respublikasi Davlat xavfsizlik xizmati (keyingi oʻrinlarda — DXX) hamda Oʻzbekiston Respublikasi Ichki ishlar vazirligi (keyingi oʻrinlarda — IIV) bilan kelishilgandan soʻng Oʻzbekiston Respublikasi Narkotiklar va oʻqotar qurollarni nazorat qilish agentligining (keyingi oʻrinlarda — Agentlik) tegishli qaroriga asosan mazkur Nizomga 1-ilovadagi sxemaga muvofiq Oʻzbekiston Respublikasi Sogʻliqni saqlash vazirligining “Farmatsevtika mahsulotlari xavfsizligi markazi” davlat muassasasi (keyingi oʻrinlarda — Markaz) tomonidan beriladi.

3. Yuridik shaxslar (keyingi oʻrinlarda — ariza beruvchi) tomonidan giyohvandlik vositalari Oʻzbekiston Respublikasi hududi orqali tranzit tarzida mazkur Nizomga 2-ilovaga muvofiq shakldagi qatʼiy hisobda turuvchi, pushti rangli maxsus blankda rasmiylashtirilgan holda bir nusxada beriladigan tranzitga ruxsatnoma mavjud boʻlgan taqdirda oʻtkaziladi.

4. Tranzit ruxsatnomasidan faqat bir marta foydalaniladi va uning amal qilish muddati bir yilni tashkil etadi.

5. Oʻzbekiston Respublikasi Iqtisodiyot va moliya vazirligi huzuridagi Bojxona qoʻmitasi giyohvandlik vositalarining tranzit tarzida oʻtkazilgani toʻgʻrisidagi maʼlumotni yuk chegaradan kesib oʻtgan vaqtning oʻzida onlayn vaqt rejimida Agentlik hamda Markazga taqdim etadi.

6. Giyohvandlik vositalarini tranziti import qiluvchi mamlakatning maxsus vakolatli organi tomonidan giyohvandlik vositalari muomalasi bilan bogʻliq faoliyat bilan shugʻullanish huquqi uchun berilgan tegishli hujjatga (ruxsatnoma, sertifikat, litsenziya va boshqalar) ega boʻlgan ariza beruvchi tomonidan amalga oshiriladi.

7. Tibbiy maqsadlarda foydalaniladigan giyohvandlik vositalarini Oʻzbekiston Respublikasi hududi orqali tranzit tarzida oʻtkazishda ularning oʻz xususiyatini oʻzgartiradigan har qanday jarayon sodir boʻlmasligi, qadoqlanishi esa vakolatli organlarning ruxsatisiz oʻzgartirilishi mumkin emas.

8. Giyohvandlik vositalarini Oʻzbekiston Respublikasi hududi orqali tranzit tarzida oʻtkazish boʻyicha ruxsatnoma olishda ariza beruvchi Oʻzbekiston Respublikasi qonunchiligida belgilangan ruxsat etuvchi talab va shartlarga rioya qilishi shart.

2-bob. Tranzit ruxsatnomasini olish uchun zarur hujjatlar

9. Tranzit ruxsatnomani olish uchun ariza beruvchi tomonidan quyidagi hujjatlar Markazga taqdim etiladi:

a) mazkur Nizomga 3-ilovaga muvofiq tranzit ruxsatnomasini olish uchun ariza;

b) ariza beruvchining litsenziya yoki giyohvandlik vositalari muomalasi bilan shugʻullanish huquqi uchun boshqa ruxsatnomalari nusxasi;

v) giyohvandlik vositalarini yetkazib berish boʻyicha shartnoma nusxasi;

g) eksport va import qiluvchi mamlakatlarning maxsus vakolatli organlari tomonidan berilgan giyohvandlik vositalarining eksportiga (importiga) ruxsat beruvchi hujjati (sertifikat, ruxsatnoma, olib kirish, olib chiqish uchun litsenziya). Agar tranzit tarzida joʻnatilayotgan giyohvandlik vositasi import qiluvchi/eksport qiluvchi mamlakatda nazoratga olinmagan boʻlsa, import qiluvchi/eksport qiluvchi mamlakatning vakolatli organi tomonidan rasmiy xat taqdim etiladi;

d) bojxona yuk deklaratsiyasining nusxasi.

10. Arizada quyidagilar koʻrsatilgan boʻlishi kerak:

a) ariza beruvchi — import qiluvchi tashkilot, yuk joʻnatuvchi tashkilot va mamlakat nomi, yuridik manzili;

b) giyohvandlik vositasining TIF TN kodi, xalqaro patentlanmagan nomini koʻrsatgan holda dori shakli, dozasi, miqdori;

v) kontrakt (shartnoma) raqami va sanasi, eksport qiluvchi va yukni qabul qiluvchi tashkilot va mamlakat nomi hamda yuridik manzili;

g) eksport qiluvchi davlatdan olib chiqish va import qiluvchi davlatga olib kirish punktlarini koʻrsatuvchi yoʻnalish, transport turi;

d) yetkazib berish tartibi koʻrsatilgan holda moʻljallangan tranzit muddati.

11. Ariza beruvchidan ushbu Nizomning 9-bandida nazarda tutilmagan hujjatlarni talab qilishga yoʻl qoʻyilmaydi.

3-bob. Tranzit ruxsatnomasini olish uchun ariza berish va uni koʻrib chiqish tartibi

12. Ariza beruvchi tomonidan tranzit ruxsatnomasini olish uchun zarur boʻlgan hujjatlar Markazga “Litsenziya” ATdagi shaxsiy kabinet orqali taqdim etiladi.

13. Markaz arizani yigirma ish kundan ortiq boʻlmagan muddatda koʻrib chiqib, natijasi boʻyicha tranzit ruxsatnomasini beradi yoki berishni rad etadi.

14. Arizani koʻrib chiqish va ruxsatnoma rasmiylashtirish uchun qonunchilik hujjatlarida belgilangan bazaviy hisoblash miqdorining sakkiz baravari miqdorida yigʻim undiriladi.

Yigʻim toʻlanganligi axborot-kommunikatsiya tizimlari orqali tasdiqlanadi.

Yigʻim summasi quyidagi tartibda taqsimlanadi, agarda pasportlarning 6-bandida boshqacha taqsimot nazarda tutilmagan taqdirda:

10 foizi — Oʻzbekiston Respublikasi Adliya vazirligining Davlat xizmatlarini rivojlantirish jamgʻarmasiga;

0,5 foizi — Yagona billing tizimi orqali davlat xizmatlari koʻrsatganlik uchun Axborot-kommunikatsiya texnologiyalarini rivojlantirish jamgʻarmasining elektron hukumat va raqamli iqtisodiyotning idoralararo loyihalarini moliyalashtirish boʻyicha maxsus hisobvaragʻiga;

qolgan mablagʻlar — Giyohvandlik va narkojinoyatlarga qarshi kurashish tizimini rivojlantirish respublika jamgʻarmasiga va Markazning tegishli bank hisobvaraqlariga teng miqdorda oʻtkaziladi.

15. Markaz hujjatlar toʻplamini oʻrganadi va kelishish uchun “Litsenziya” AT orqali DXX hamda IIVga yuboradi.

16. DXX va IIV hujjatlarni oʻng ish kunidan ortiq boʻlmagan muddatda koʻrib chiqib, tegishli xulosasini Agentlikka yuboradi.

17. Agentlik hujjatlarni besh ish kunidan ortiq boʻlmagan muddatda koʻrib chiqib, tegishli qarorni Markazga taqdim etadi.

18. Agentlik qarori asosida Markaz ariza beruvchiga besh ish kunidan kechiktirmagan holda ruxsatnoma berilishi toʻgʻrisida yoki DXX va IIVning (rad etilgan holatda) tegishli xulosalari asosida rad etish asoslari va qonunchilikning aniq normalarini koʻrsatgan holda ariza beruvchiga “Litsenziya” AT orqali xabarnoma yuboradi.

Markaz ruxsatnomani anʼanaviy tarzda ariza beruvchining oʻziga yoki pochta xizmati orqali ariza beruvchi koʻrsatgan manzilga yuboradi.

Ariza qabul qilingandan soʻng ariza beruvchi ruxsatnoma olishdan bosh tortgan hollarda, toʻlangan toʻlov summasi qaytarilmaydi.

19. Rasmiylashtirilgan ruxsatnomalar va ulardagi maʼlumotlar “Yagona darcha” bojxona axborot tizimiga Markaz masʼul shaxslari tomonidan kiritiladi.

20. Tranzit ruxsatnomasini berish quyidagi sabablarga koʻra rad etilishi mumkin:

a) ariza beruvchi tomonidan tranzit ruxsatnomasini berish uchun zarur boʻlgan hujjatlar toʻliq taqdim etilmaganda;

b) ariza beruvchi tranzit ruxsatnomasini berish talablari va shartlariga mos kelmaganda;

v) oʻrganish natijalariga koʻra DXX yoki IIVning asoslantirilgan rad etish xulosasi yoki Agentlikning ruxsatnoma berish mumkin emasligi toʻgʻrisidagi qarori taqdim etilganda;

g) ariza beruvchi tomonidan taqdim etilgan hujjatlarda aniq boʻlmagan yoki notoʻgʻri maʼlumotlar mavjud boʻlganda.

Tranzit ruxsatnomasini berishning boshqa asoslariga koʻra, shu jumladan, maqsadga muvofiq emas degan vajlar bilan rad etilishiga yoʻl qoʻyilmaydi.

21. Tranzit ruxsatnomasini berish rad etilgan taqdirda, toʻlangan yigʻim summasi qaytarilmaydi.

22. Aniqlangan kamchiliklarni bartaraf etish uchun Markaz ariza beruvchiga malakali xodimlarni izlashda, hujjatlar hamda dasturlarni puxta ishlab chiqish uchun mutaxassislarni jalb etishda, shuningdek, boshqa muammoli vaziyatlarni bartaraf etishda yordam koʻrsatishi va tavsiyalar berishi shart, ariza beruvchi taklif etilgan yordamni rad etgan hollar bundan mustasno.

23. Ariza beruvchi tomonidan tranzit ruxsatnomasini berishni rad etish uchun asos boʻlgan sabablar bartaraf etilgan hollarda Markaz tomonidan ariza beruvchining arizasi kelib tushgan kundan eʼtiboran besh ish kundan ortiq boʻlmagan muddatda qayta koʻrib chiqiladi.

24. Tranzit ruxsatnomasini berish toʻgʻrisidagi arizani qayta koʻrib chiqishda, xabarnomada avval koʻrsatilmagan sabablarga koʻra tranzit ruxsatnomasini berishni rad etishga yoʻl qoʻyilmaydi.

Ariza qayta koʻrib chiqilgani uchun qonunchilik hujjatlarida belgilangan bazaviy hisoblash miqdorining bir baravari miqdorida yigʻim undiriladi hamda ushbu Nizomning 14-bandida nazarda tutilgan tartibda taqsimlanadi.

25. Ariza beruvchi tranzit ruxsatnomasini berish rad etilgani, shuningdek, Markaz mansabdor shaxsining harakatlari (harakatsizligi) ustidan belgilangan tartibda shikoyat qilishga haqli.

4-bob. Tranzit ruxsatnomasining dublikatini berish

26. Tranzit ruxsatnomasi yoʻqolganda yoki yaroqsiz holatga kelganda, ariza beruvchi “Litsenziya” AT orqali Markazga dublikat olish uchun ariza beradi.

Markaz arizani uch ish kunidan oshmagan muddatda koʻrib chiqib, “Dublikat” belgisi qoʻyilgan yangi tranzit ruxsatnomasi anʼanaviy tarzda yoki pochta xizmati orqali arizachiga taqdim etadi.

Tranzit ruxsatnomasining dublikati berilgani uchun bazaviy hisoblash miqdorining oʻn foizi miqdorida yigʻim undiriladi va undirilgan yigʻim ushbu Nizomning 14-bandida belgilangan tartibda taqsimlanadi.

27. Tranzit ruxsatnomasi yaroqsiz holatga kelgan holda uning asl nusxasi ham taqdim etilishi kerak.

5-bob. Berilgan tranzit ruxsatnomalari reyestri

28. Ruxsatnomalar reyestri “Litsenziya” ATda elektron shaklda har bir ruxsatnoma boʻyicha alohida yuritiladi va undagi maʼlumot barcha uchun ochiq hisoblanadi.

29. Ruxsatnomalar reyestri avtomatik ravishda shakllantiriladi, uning doimiy yuritilishi va unga tegishli oʻzgartirishlarni kiritish Markaz tomonidan amalga oshiriladi.

Markaz ruxsatnomalar reyestrini yuritishda ushbu Nizom va boshqa qonunchilik hujjatlarida belgilangan tartiblarga rioya qilishi lozim.

30. Markaz quyidagi maʼlumotlarni ruxsatnomalar reyestriga oʻz vaqtida kiritib borishga javobgar:

tranzit ruxsatnomasi berilgan sana va tartib raqami;

ariza beruvchining nomi va tashkiliy huquqiy shakli, yuridik manzili, telefon raqami;

ruxsatnomada tranzit tarzida oʻtkazilayotgan giyohvandlik vositasining nomi va miqdori;

tranzit ruxsatnomasining amal qilish muddatini toʻxtatib turish asosi va sanasi;

tranzit ruxsatnomasining amal qilish muddatini tugatish asosi va sanasi;

tranzit ruxsatnomasining bekor qilish asosi va sanasi;

tranzit ruxsatnomasining dublikatini berish asosi va sanasi;

tranzit ruxsatnomasining amal qilish muddati.

31. Ruxsatnoma egasi toʻgʻrisidagi batafsil maʼlumotlar bazasi vakolatli organlar foydalanishi uchun shakllantiriladi va unda ruxsat berish jarayonida kiritiladigan barcha maʼlumotlar hamda ilova qilinadigan hujjatlarning elektron nusxalari saqlanadi.

Ushbu maʼlumotlar bazasida ruxsatnomalar reyestriga kiritilmagan axborotlar mavjud boʻlgan taqdirda, Markaz tomonidan mazkur axborotlar va ilova qilingan hujjatlarni boshqa shaxslarga oshkor qilinishi taqiqlanadi.

6-bob. Yakunlovchi qoidalar

32. Tranzit ruxsatnomasining amal qilish muddatini toʻxtatib turish yoki tugatish va bekor qilish Oʻzbekiston Respublikasining “Litsenziyalash, ruxsat berish va xabardor qilish tartib-taomillari toʻgʻrisida”gi Qonunida nazarda tutilgan hollarda belgilangan tartibda amalga oshiriladi.

33. Mazkur Nizom talablarining buzilishida aybdor boʻlgan shaxslar qonunchilik hujjatlarida belgilangan tartibda javobgar boʻladi.

Giyohvandlik vositalari va psixotrop moddalarni Oʻzbekiston Respublikasi hududi orqali tranzit tarzida oʻtkazishga ruxsatnoma olish tartibi toʻgʻrisidagi nizomga 1-ILOVA

Giyohvandlik vositalari va psixotrop moddalarni Oʻzbekiston Respublikasi hududi orqali tranzit tarzida oʻtkazishga ruxsat berish

SXEMASI

Giyohvandlik vositalari va psixotrop moddalarni Oʻzbekiston Respublikasi hududi orqali tranzit tarzida oʻtkazishga ruxsatnoma olish tartibi toʻgʻrisidagi nizomga 2-ILOVA

Giyohvandlik vositalari va psixotrop moddalarni Oʻzbekiston Respublikasi hududi orqali tranzit tarzida oʻtkazishga ruxsatnoma olish tartibi toʻgʻrisidagi nizomga 3-ILOVA

Izoh. Ariza rasmiy blankda rasmiylashtiriladi.

Vazirlar Mahkamasining 2026-yil 2-iyuldagi 359-son qaroriga 3-ILOVA

Oʻzbekiston Respublikasining giyohvandlik vositalari va psixotrop moddalarga boʻlgan ehtiyojini aniqlash tartibi toʻgʻrisida

NIZOM

1. Mazkur Nizom Oʻzbekiston Respublikasida nazoratga olinadigan giyohvandlik vositalari va psixotrop moddalarga boʻlgan ehtiyojni aniqlash tartibini belgilaydi.

2. Giyohvandlik vositalari va psixotrop moddalarga boʻlgan ehtiyojni aniqlashda quyidagi koʻrsatkichlardan foydalaniladi:

mazkur Nizomga 1-ilovaga muvofiq hisoblab chiqiladigan aholining har 1 000 kishisiga giyohvandlik vositalariga boʻlgan cheklangan bir yillik umumiy ehtiyoj;

mazkur Nizomga 2-ilovaga muvofiq hisoblab chiqiladigan davolash-profilaktika muassasalari boʻyicha giyohvandlik vositalariga boʻlgan ehtiyoj;

mazkur Nizomga 3-ilovaga muvofiq hisoblab chiqiladigan ilmiy-tadqiqot ishlari boʻyicha giyohvandlik vositalari va psixotrop moddalarga boʻlgan ehtiyoj.

Shuningdek, Jahon sogʻliqni saqlash tashkiloti koʻrsatmasiga koʻra giyohvandlik vositalari va psixotrop moddalar muomalasi bilan bogʻliq faoliyatni amalga oshiruvchi tegishli litsenziyaga ega yuridik shaxslar (keyingi oʻrinlarda — litsenziat) tomonidan tibbiyotda foydalanish uchun moʻljallangan giyohvandlik vositalari va psixotrop moddalarga boʻlgan ehtiyojni hisoblash meʼyorlari soʻnggi uch yillik statistika maʼlumotlarini hisobga olgan holda, oʻrtacha miqdorlarni hisoblash yoʻli bilan aniqlanadi. Bunda aniqlangan ehtiyoj yuridik shaxs rahbarining qarori bilan yillik isteʼmolning oʻrtacha miqdoridan 10 — 20 foizgacha oshirilishi mumkin.

3. Respublikaning barcha davolash-profilaktika muassasalari har yili tibbiyot maqsadlarida foydalaniladigan giyohvandlik vositalari va psixotrop moddalarga keyingi yilga boʻlgan ehtiyojni hisoblab chiqadilar hamda oʻz buyurtmanomalarini giyohvandlik vositalari va psixotrop moddalarga boʻlgan yigʻma ehtiyojni shakllantirish uchun hududiy sogʻliqni saqlash organlari orqali Sogʻliqni saqlash vazirligining “Farmatsevtika mahsulotlari xavfsizligi markazi” davlat muassasasiga (keyingi oʻrinlarda — Markaz) taqdim etadilar.

4. Giyohvandlik vositalari va psixotrop moddalarga boʻlgan ehtiyojda quyidagilar koʻrsatiladi:

a) yuridik shaxs toʻgʻrisidagi maʼlumotlar (nomi, STIR raqami);

b) giyohvandlik vositalari va psixotrop moddalarning muomalasi bilan bogʻliq faoliyat uchun yuridik shaxs litsenziyasining raqami va amal qilish muddati;

v) dori vositalari sifatida roʻyxatga olingan giyohvandlik vositalari va psixotrop moddalarning nomlari, ularning chiqarilishi shakli va miqdori (ampulalarda, flakonlarda, tabletkalarda, kapsulalarda va boshqalar);

g) ushbu Nizomga ilovalarga muvofiq giyohvandlik vositalari va psixotrop moddalarga boʻlgan ehtiyojning asoslangan hisob-kitoblari.

Kelgusi yil uchun berilayotgan ehtiyoj yuridik shaxs rahbari tomonidan imzolanadi, muhr bilan tasdiqlanadi (ERI bilan imzolangan hollar bundan mustasno) va hududiy sogʻliqni saqlash organlariga har yili 1-iyundan kechiktirmay taqdim etiladi. Yuridik shaxsning rahbari taqdim etilgan ehtiyojlarning asosliligi va ishonchliligi uchun masʼul hisoblanadi.

5. Litsenziatlarning giyohvandlik vositalari va psixotrop moddalardan foydalanishga boʻlgan ehtiyoji yoki qoʻshimcha ehtiyoji davolash standartlarini hisobga olib, tibbiy yordam turiga va tibbiy tashkilot boʻlimlarining yoʻnalishiga bogʻliq holda aniqlanadi.

Rahbar tomonidan tasdiqlangan ehtiyoj yoki qoʻshimcha ehtiyoj miqdorlari asoslangan jadval koʻrinishidagi maʼlumotlar (qanday muolaja yoki amaliyotda ishlatilishi, yil davomida oʻtkazilishi rejalashtirilayotgan muolaja yoki amaliyotlar soni, davomiyligi va bitta muolaja yoki amaliyotga ishlatiladigan miqdori) bilan birga taqdim etiladi.

6. Markazga har yili 1-iyundan kechiktirmagan muddatda quyidagi maʼlumotlar ham kiritiladi:

Oʻzbekiston Respublikasi Milliy gvardiyasi, Mudofaa vazirligi, Ichki ishlar vazirligi, Davlat xavfsizlik xizmati, boshqa vazirlik va idoralarning, korxonalar, tashkilotlar va muassasalarning giyohvandlik vositalari va psixotrop moddalarga boʻlgan ehtiyoji;

ilmiy-tadqiqot institutlari, oliy taʼlim tashkilotlari va boshqa oʻquv muassasalari, nazorat-tahlil laboratoriyalari, davolash-profilaktika muassasalari laboratoriyalarining ilmiy maqsadlar uchun giyohvandlik vositalari va psixotrop moddalarga boʻlgan ehtiyoji;

mahalliy ishlab chiqaruvchi korxonalar tomonidan ishlab chiqariladigan psixotrop moddalar roʻyxati va ehtiyoji.

7. Tibbiy maqsadlarda foydalaniladigan giyohvandlik vositalari va psixotrop moddalarga boʻlgan ehtiyojlar Markaz tomonidan umumlashtiriladi hamda Oʻzbekiston Respublikasi Sogʻliqni saqlash vazirligining bosh mutaxassislari bilan kelishilgan holda vazirlik tomonidan tasdiqlanadi.

8. Giyohvandlik vositalari va psixotrop moddalarni ishlab chiqarish, tayyorlash, qayta ishlash, Oʻzbekiston Respublikasi hududiga olib kirish va olib chiqish faoliyatini amalga oshiruvchi yuridik shaxslar quyidagi maʼlumotlarni Markazga taqdim etadilar (tarkibida giyohvandlik vositalari va psixotrop moddalar boʻlgan dori vositalarini tayyorlash bilan shugʻullanadigan dorixonalar bundan mustasno):

a) yuridik shaxs toʻgʻrisidagi maʼlumotlar (nomi, STIR);

b) litsenziyaning tartib raqami va amal qilish muddati;

v) giyohvandlik vositalari va psixotrop moddalarning nomlari, ularning chiqarilish shakli va miqdori (dori vositalari sifatida roʻyxatga olingan giyohvandlik vositalari va psixotrop moddalarning doza shakli koʻrsatilgan holda).

9. Oʻzbekiston Respublikasining aniqlangan ehtiyojlari Markaz tomonidan BMTning 1961-yilgi Giyohvandlik moddalari toʻgʻrisidagi yagona konvensiyasi va 1971-yilgi Psixotrop moddalar toʻgʻrisidagi konvensiyasi talablariga muvofiq Oʻzbekiston Respublikasi Prezidenti Administratsiyasi huzuridagi Narkotiklar va oʻqotar qurollarni nazorat qilish agentligi bilan kelishilgan holda, BMTning Xalqaro narkotiklarni nazorat qilish qoʻmitasiga tasdiqlash va kvota ajratish uchun yuboriladi.

BMTning Xalqaro narkotiklarni nazorat qilish qoʻmitasi tomonidan Oʻzbekiston Respublikasi uchun giyohvandlik vositalari va psixotrop moddalarga boʻlgan kvota tasdiqlangandan keyin giyohvandlik vositalari va psixotrop moddalar muomalasi bilan bogʻliq faoliyat bilan shugʻullanish litsenziyasiga ega boʻlgan yetkazib beruvchilar bilan giyohvandlik vositalari va psixotrop moddalarni yetkazib berish boʻyicha shartnomalar tuziladi.

Oʻzbekiston Respublikasining giyohvandlik vositalari va psixotrop moddalarga boʻlgan ehtiyojini aniqlash tartibi toʻgʻrisidagi nizomga 1-ILOVA

Tibbiy va ilmiy maqsadlar uchun giyohvandlik vositalari sarfining cheklangan ruxsat berilgan normalari*

(aholining har 1 000 kishisiga bir yilda grammlarda)

Izoh.

* Mazkur normalarga yangi turdagi giyohvandlik vositalari Sogʻliqni saqlash vazirligi bosh mutaxassislarining tavsiyasiga binoan qonunchilikda belgilangan tartibda kiritiladi.

Barcha dori turlarining sof taʼsir qiluvchi moddasiga qayta hisoblash yoʻli bilan meʼyorlari belgilangan, shu bilan bogʻliq holda normativ boʻyicha hisoblab chiqilgan ehtiyoj bilan buyurtmanomalarni taqqoslashda mazkur moddalar saqlovchi barcha dori turlari sof moddaga nisbatan qayta hisoblanishi kerak.

Viloyatning giyohvandlik vositalariga hisoblab chiqilgan ehtiyoji quyidagi formula boʻyicha aniqlanadi:

P = N * Ch / 100, bunda:

P — ushbu dori vositasining bir yilga moʻljallangan maksimal ruxsat etilgan miqdori;

N — ushbu dori vositasining bir yilga 1 000 kishiga moʻljallangan isteʼmol normativi;

Ch — mintaqaning aholi soni.

Oʻzbekiston Respublikasining giyohvandlik vositalari va psixotrop moddalarga boʻlgan ehtiyojini aniqlash tartibi toʻgʻrisidagi nizomga 2-ILOVA

Davolash-profilaktika muassasalari uchun giyohvandlik vositalariga boʻlgan ehtiyoj meʼyorlari

Izoh.

Sogʻliqni saqlash vazirligi davolash-profilaktika muassasalarini giyohvandlik vositalarining isteʼmol meʼyorlarini oʻzgartirishi va belgilangan tartibda tasdiqlashi mumkin.

Umumiy ogʻriqsizlantirish bilan operatsiya qilinadigan bitta bemorga davolash standarti asosida fentanil 0,005%ning sarflanadigan meʼyori — 18 ampula doirasida, kardiojarrohlik amaliyotlari, jumladan, aorto-koronar shuntlash, mitral-ortal klapanlarni protezlash, almashtirish, yurak boʻlmalari orasidagi toʻsiqlar nuqsonlarining plastikasi jarrohlik amaliyotlarida — 40 ampula doirasida.

Jadvaldagi meʼyorlar bir yilda bir dona koyka uchun sarflanadigan miqdorini koʻrsatadi.

Oʻzbekiston Respublikasining giyohvandlik vositalari va psixotrop moddalarga boʻlgan ehtiyojini aniqlash tartibi toʻgʻrisidagi nizomga 3-ILOVA

Ilmiy-tadqiqot ishlari uchun giyohvandlik vositalari va psixotrop moddalarga boʻlgan ehtiyoj meʼyorlari

Izoh. Sogʻliqni saqlash vazirligi ilmiy-tadqiqot muassasalarini giyohvandlik vositalari va psixotrop moddalarning isteʼmol meʼyorlarini oʻzgartirishi va belgilangan tartibda tasdiqlashi mumkin.

Vazirlar Mahkamasining 2026-yil 2-iyuldagi 359-son qaroriga 4-ILOVA

Giyohvandlik vositalari va psixotrop moddalarni yoʻq qilish tartibi toʻgʻrisida

NIZOM

1. Mazkur Nizom giyohvandlik vositalari va psixotrop moddalarni yoʻq qilish tartibini belgilaydi.

2. Giyohvandlik vositalari va psixotrop moddalar quyidagi holatlarda yoʻq qilinadi:

ularning yaroqlilik muddati tugaganda;

giyohvandlik vositalari va psixotrop moddalar ulardan foydalanish imkoniyatini istisno etuvchi kimyoviy yoki fizik taʼsirga uchraganda yoki qayta foydalanish imkoniyati boʻlmaganda (shu jumladan, ochilgan ampulalardagi (flakonlarda) toʻliq foydalanilmagan giyohvandlik vositalari va psixotrop moddalar qoldiqlari);

bemorlar vafotidan soʻng ularning qarindoshlaridan foydalanilmay qolgan vosita yoki modda tariqasida qabul qilinganda;

ularning giyohvandlik vositalari va psixotrop moddalarga mansubligini aniqlashning imkoni boʻlmaganda.

3. Giyohvandlik vositalari va psixotrop moddalarni yoʻq qilish yuridik shaxslar tomonidan ularda faoliyatning koʻrsatib oʻtilgan turiga litsenziya mavjud boʻlgan taqdirda amalga oshiriladi.

Litsenziatning faoliyati tugatilgan yoki litsenziyasining amal qilish muddati tugagan hollarda, giyohvandlik vositalari va psixotrop moddalarning qoldiqlari Sogʻliqni saqlash vazirligi tizimidagi davolash-profilaktika muassasasiga beriladi. Bunda litsenziat litsenziyalanadigan faoliyatning giyohvandlik vositalari va psixotrop moddalarni berish boʻyicha kichik turiga ega boʻlishi shart. Agarda litsenziyat ushbu faoliyat turiga ega boʻlmasa, giyohvandlik vositalari va psixotrop moddalar mazkur Nizomning 5-bandiga muvofiq yoʻq qilinadi.

4. Onkologik bemorlar uyida vafot etgandan keyin qolgan giyohvandlik vositalaridan notoʻgʻri foydalanishning oldini olish maqsadida davolash-profilaktika muassasalari rahbarlari qarindoshlar tomonidan topshirilgan foydalanilmagan retseptlar, giyohvandlik vositalari qoldiqlari va foydalanilgan giyohvandlik vositalarining boʻsh ampulalari hisobi yuritilishini tashkil etishlari zarur.

Davolash-profilaktika muassasasi boʻyicha buyruq bilan hisobni yuritish va yoʻq qilish uchun masʼul boʻlgan shaxsga oʻlim toʻgʻrisidagi maʼlumotnomani rasmiylashtirish, vafot etgan onkologik kasalliklar bilan ogʻrigan bemorning qarindoshlaridan foydalanilmagan retseptlarni, tarkibida giyohvandlik vositalar boʻlgan dori-darmon preparatlari qoldiqlarini, boʻsh ampulalarni qabul qilishni tashkil etish vazifasi yuklanadi. Mazkur xodim ambulatoriya kartasiga yozilgan navbatdagi retsept olingan paytdan boshlab preparat sarfini taqqoslashi zarur.

Topshirilgan retseptlar va preparatlar soni, ularning nomlari va dori vositalari shakli (ampula, tabletka, kukun) tartib raqami qoʻyilgan, ip oʻtkazib tikilgan, muassasa rahbari tomonidan imzolangan va dumaloq muhr bilan tasdiqlangan maxsus jurnalda roʻyxatdan oʻtkaziladi.

Jurnal mazkur Nizomga 1-ilovaga muvofiq rasmiylashtiriladi.

Topshirilgan retseptlar va dori vositalari yoʻq qilingunga qadar seyfda yoki metall shkaflarda saqlanishi kerak.

Giyohvandlik vositalarini ambulator bemorlarga foydalanishni hisobini yuritish jurnalida vafot etgan onkologik kasalliklar bilan ogʻrigan bemorlarning qarindoshlari tomonidan topshirilgan, yoʻq qilingan, foydalanilmagan giyohvandlik vositalari va retseptlar, shuningdek, boʻsh ampulalar soni toʻgʻrisida belgi qoʻyiladi.

Uyda vafot etgan onkologik kasalliklar bilan ogʻrigan bemorning qarindoshlari tomonidan topshirilgan kukun, tabletka, ampulalardagi giyohvandlik vositalari va foydalanilmagan retseptlar jamlanishi davomida masʼul shaxs ularni hisobdan chiqarishga tayyorlaydi. Yoʻq qilish har oyning oʻttizinchi sanasidan kechikmay, davolash-profilaktika muassasasida rahbar buyrugʻi bilan doimiy faoliyat yuritadigan komissiyasi va hududiy ichki ishlar organi vakilining ishtirokida mazkur Nizomga 2 va 3-ilovalarga muvofiq dalolatnoma tuzilgan holda bir marta oʻtkaziladi.

Foydalanilgan giyohvandlik vositalarining boʻsh ampulalari ham masʼul shaxs tomonidan keyinchalik yoʻq qilingan holda hisobdan chiqarish uchun tayyorlanadi. Yoʻq qilish davolash-profilaktika muassasasining giyohvandlik vositalari hisobini yuritish va sarflashni nazorat qilish boʻyicha doimiy faoliyat koʻrsatuvchi komissiyasi tomonidan mazkur Nizomga 4-ilovaga muvofiq dalolatnoma tuzilgan holda oʻn kunda bir marta oʻtkaziladi.

5. Mazkur Nizomning ikkinchi va uchinchi bandlarida koʻrsatilgan hollarda giyohvandlik vositalari va psixotrop moddalarni yoʻq qilish uchun litsenziyaga ega boʻlgan yuridik shaxslar giyohvandlik vositalari va psixotrop moddalarni yoʻq qilish uchun ichki ishlar, sogʻliqni saqlash, ekologiya va iqlim oʻzgarishi organlari vakillaridan iborat komissiya tashkil etadi.

Giyohvandlik vositalarini yoʻq qilish uchun litsenziyaga ega boʻlmagan, biroq ularning muomalada boʻlishi bilan bogʻliq faoliyatni amalga oshiruvchi yuridik shaxslar giyohvandlik vositalari va psixotrop moddalarni yoʻq qilish huquqi uchun litsenziyaga ega boʻlgan korxonalar yoki muassasalar bilan shartnomalar tuzadilar va qabul qilish-topshirish dalolatnomasini rasmiylashtirgan holda yoʻq qilinishi kerak boʻlgan giyohvandlik vositalarini, shuningdek, toʻliq foydalanilmagan giyohvandlik vositalari qoldiqlarini, ampulalarni (flakon va boshqalar) ularga beradilar.

Qabul qilish-topshirish dalolatnomasi mazkur Nizomga 5-ilovaga muvofiq ikki nusxada tuziladi va bir nusxasi giyohvandlik vositalarini yoʻq qilish uchun shartnoma tuzgan yuridik shaxsga beriladi.

6. Toʻliq foydalanilmagan psixotrop moddalarning qoldiqlari va ampulalari (flakon) ushbu faoliyat uchun litsenziyaga ega boʻlgan yuridik shaxslar tomonidan yoʻq qilinadi.

7. Giyohvandlik vositalari va psixotrop moddalarni yoʻq qilish zarurati muassasa rahbarining buyrugʻi bilan tayinlangan masʼul shaxs tomonidan asoslantiriladi. Bunda giyohvandlik vositalari va psixotrop moddalarni hisobdan chiqarish va keyinchalik yoʻq qilish toʻgʻrisida buyruq chiqariladi.

Mazkur buyruqda quyidagilar koʻrsatiladi:

giyohvandlik vositalari va psixotrop moddalarning nomi, ularning dori turlari, miqdori, dozasi, qadoqlanishi va seriya raqamlari koʻrsatilgan holda;

yoʻq qilinishi kerak boʻlgan giyohvandlik vositalari va psixotrop moddalarning netto va brutto ogʻirligi;

yoʻq qilish sabablari;

yoʻq qilish uchun masʼul boʻlgan shaxs;

yoʻq qilish joyi va usuli.

Giyohvandlik vositalari va psixotrop moddalarni yoʻq qilish huquqini beruvchi litsenziyaga ega boʻlmagan yuridik shaxslar giyohvandlik vositalari va psixotrop moddalarni yoʻq qilish uchun litsenziyaga ega boʻlgan korxona yoki muassasa bilan tuzilgan shartnomaning tartib raqamini va uning tuzilgan sanasini koʻrsatadilar.

Buyruq nusxasi kelishish uchun:

hududiy sogʻliqni saqlash boʻlimlariga;

hududiy ichki ishlar organiga;

hududiy ekologiya va iqlim oʻzgarishi boʻlimlariga yuboriladi.

8. Giyohvandlik vositalari va psixotrop moddalar maxsus jihozlangan maydonchalarda va (yoki) maxsus tayyorlangan binolarda yoʻq qilinadi.

9. Giyohvandlik vositalari va psixotrop moddalarni yoʻq qilish ishlarini bajaruvchi xodimlar giyohvandlik vositalari va psixotrop moddalar bilan ishlash tajribasiga ega boʻlishlari, yoʻq qilinayotgan moddalarning fizik-kimyoviy va zaharli xossalarini hamda zararsizlantirish va yoʻq qilishda kechadigan kimyoviy reaksiyalarni bilishlari kerak.

Tibbiy maqsadlarda foydalaniladigan giyohvandlik vositalari va psixotrop moddalar mazkur Nizomning 5-bandida koʻrsatilgan komissiya tomonidan yoʻq qilinadi.

10. Tibbiy maqsadlarda foydalaniladigan giyohvandlik vositalari va psixotrop moddalar quyidagi xususiyatlar hisobga olingan holda yoʻq qilinadi:

suyuq dori turlari (inyeksiya uchun ampulalar va flakonlar, turli aralashmadagi eritmalar, tomchilar) ichidagi suyuq dori shakllari avval 1:100 nisbatida suv bilan aralashtiriladi va hosil boʻlgan eritma kanalizatsiyaga oqizilgan holda yoʻq qilinadi. Soʻng birlamchi oʻrami — ampula, flakonlar va boshqalar yanchiladi. Birlamchi oʻrami — plastik ampula, plastik flakon, shprits-tyubik va boshqalar kesiladi. Yanchilgan yoki kesilgan birlamchi oʻramlar qoldiqlari ishlab chiqarish chiqindisi yoki maishiy chiqindi sifatida oddiy tartibda chiqarib tashlanadi;

giyohvandlik vositalari va psixotrop moddalarning suvda eriydigan substansiyalari mavjud boʻlgan qattiq dori turlari (kukunlar, tabletkalar, kapsulalar) kukunsimon holatga kelgunga qadar maydalangandan soʻng 1:100 nisbatda suvga aralashtirilishi va hosil boʻlgan suspenziya (yoki eritma) kanalizatsiyaga oqizilishi kerak;

suvda erimaydigan giyohvandlik vositalari va psixotrop moddalarning substansiyalari mavjud boʻlgan qattiq dori turlari (kukunlar, tabletkalar, kapsulalar), yumshoq dori turlari (surtma, suppozitoriylar), giyohvandlik vositalarining transdermal turlari, shu jumladan, foydalanilganlari ham, shuningdek, farmatsevtika substansiyalari yoqish yoʻli bilan yoʻq qilinadi.

Yoqilishi kerak boʻlgan dori vositalari mavjud yonuvchi suyuqlikka yaxshi hoʻllangan holda qogʻozga oʻraladi, tunuka patnisga joylashtiriladi va tutun tortadigan javon ichida yoqiladi (agar binoning ichida yoʻq qilinsa) yoki gulxanda yoqiladi (agar maydonchada yoʻq qilinsa). Kul xavflilik darajasiga koʻra toʻrtinchi sinfli modda sifatida chiqarib tashlanadi yoki oddiy tartibda koʻmiladi.

11. Mazkur Nizomning 2-bandida koʻrsatib oʻtilgan holatlarda foydalanilmay qolgan giyohvandlik vositalari va psixotrop moddalarning ishlatilmagan ampulalarini yoʻq qilish boʻyicha komissiya tomonidan mazkur Nizomga 6-ilovaga muvofiq dalolatnoma tuziladi.

Dalolatnomada quyidagilar koʻrsatiladi:

dalolatnoma tuzilgan sana va joy;

yoʻq qilishda qatnashgan shaxslarning ish joyi, lavozimi, familiyasi, ismi, otasining ismi;

yoʻq qilish asoslari;

yoʻq qilinadigan giyohvandlik vositasi va psixotrop moddaning nomi (dori turi, dozasi, oʻlchov birligi, seriyasi koʻrsatilgan holda) va miqdori toʻgʻrisidagi maʼlumotlar;

yoʻq qilish usuli.

Dalolatnomaning nusxalari soni giyohvandlik vositalari va psixotrop moddalarni yoʻq qilishda ishtirok etgan tomonlar soni bilan belgilanadi.

12. Giyohvandlik vositalari va psixotrop moddalarning foydalanilgan boʻsh ampulalari (flakon) va toʻliq foydalanilmagan qoldiqlari (ampulalari, flakon) davolash xonasida va (yoki) boʻlimdagi navbatchi tibbiyot xodimining giyohvandlik vositalari va psixotrop moddalar saqlanadigan metall javonga saqlash uchun qaytariladi hamda navbatchi tibbiyot xodimi tomonidan har kuni (dam olish va bayram kunlaridan tashqari) boʻlim katta hamshirasiga topshiriladi.

Toʻliq foydalanilmagan giyohvandlik vositalari va psixotrop moddalar qoldiqlarini belgilangan muddatlarda yoʻq qilishning imkoni boʻlmasa, ampulalarning (flakonlarning) germetikligi qoʻl ostidagi yordamchi materiallar yordamida taʼminlanadi (masalan, surguch, plastilin, mum, parafin yoki boshqalar) va yoʻq qilingunga qadar seyfning alohida tokchasida saqlanadi.

Shifoxona boʻlimlarining katta hamshiralari har kuni (dam olish va taʼtil kunlaridan tashqari) toʻliq foydalanilmagan giyohvandlik vositalari va psixotrop moddalar qoldiqlari boʻlgan ampulalarni (flakonlarni) yigʻib, shifoxonaning bosh hamshirasiga topshiradi.

Shifoxonaning bosh hamshirasi giyohvandlik vositalarining boʻsh ampulalari (flakonlari) hamda toʻliq foydalanilmagan giyohvandlik vositalari va psixotrop moddalar qoldiqlari boʻlgan ampulalarini (flakonlarini) qabul qilib, mazkur Nizomga 7-ilovada keltirilgan jurnalga tegishli yozuvlarni kiritadi.

Foydalanilgan giyohvandlik vositalarining boʻsh ampulalari (flakonlari) hamda toʻliq foydalanilmagan giyohvandlik vositalari va psixotrop moddalarning ampulalari (flakonlari) masʼul shaxs tomonidan keyinchalik yoʻq qilingan holda hisobdan chiqarish uchun tayyorlanadi.

Sogʻliqni saqlash muassasalarida toʻliq foydalanilmagan giyohvandlik vositalari va psixotrop moddalar qoldiqlari va ampulalari (flakonlari) har oyning oʻttizinchi sanasidan kechikmay, davolash-profilaktika muassasasining giyohvandlik vositalari hisobini yuritish va sarflashni nazorat qilish boʻyicha doimiy faoliyat koʻrsatadigan komissiya va hududiy ichki ishlar organi vakili ishtirokida mazkur Nizomga 8-ilovaga muvofiq dalolatnoma tuzilgan holda yoʻq qilinadi.

Istisno tariqasida, boʻlimlarda toʻliq foydalanilmagan giyohvandlik vositalari va psixotrop moddalarning miqdori va ularning ampulalari (flakonlari) kunlik miqdori koʻp boʻlgan taqdirda, oʻn kunda bir marta yoʻq qilinadi.

13. Ish vaqtida ehtiyotsizlik oqibatida singan giyohvandlik vositalari va psixotrop moddalar ampulalari (flakonlari) yoʻq qilinadi. Giyohvandlik vositalari va psixotrop moddalar ampulasi (flakoni) sinishiga yoʻl qoʻygan tibbiyot xodimi tashkilot rahbariga boʻlib oʻtgan holat boʻyicha tushuntirish xati yozishi shart.

Tushuntirish xatida guvohlarning imzolari koʻrsatiladi. Ampula (flakon) ichidagi modda va siniqlar saqlab turiladi.

Singan ampula (flakon) va unda saqlanib qolingan giyohvandlik vositalari, psixotrop moddalar giyohvandlik vositalari va psixotrop moddalarni yoʻq qilish uchun litsenziyasi mavjud boʻlgan yuridik shaxs tomonidan yoʻq qilinadi. Yoʻq qilish va unga oid hujjatlarning yuritilishi ushbu Nizomning 12-bandida belgilangan tartibda amalga oshiriladi.

14. Yoʻq qilish toʻgʻrisida qaror qabul qilingan giyohvandlik vositalari va psixotrop moddalarni keyinchalik foydalanish uchun berish taqiqlanadi.

15. Giyohvandlik vositalari va psixotrop moddalarni yoʻq qilish uchun giyohvandlik vositalari va psixotrop moddalarning muomalada boʻlishi bilan bogʻliq faoliyatning tegishli turlari boʻyicha litsenziyaga ega boʻlgan yuridik shaxslar rahbarlari va doimiy faoliyatdagi komissiya aʼzolari javob beradi.

Giyohvandlik vositalari va psixotrop moddalarni yoʻq qilish tartibi toʻgʻrisidagi nizomga 1-ILOVA

Ambulator bemorlarda foydalaniladigan giyohvandlik vositalarining hisobini yuritish

JURNALI

Giyohvandlik vositalari va psixotrop moddalarni yoʻq qilish tartibi toʻgʻrisidagi nizomga 2-ILOVA

Giyohvandlik vositalari va psixotrop moddalarni yoʻq qilish tartibi toʻgʻrisidagi nizomga 3-ILOVA

Giyohvandlik vositalari va psixotrop moddalarni yoʻq qilish tartibi toʻgʻrisidagi nizomga 4-ILOVA

Giyohvandlik vositalari va psixotrop moddalarni yoʻq qilish tartibi toʻgʻrisidagi nizomga 5-ILOVA

Giyohvandlik vositalari va psixotrop moddalarni yoʻq qilish tartibi toʻgʻrisidagi nizomga 6-ILOVA

Giyohvandlik vositalari va psixotrop moddalarni yoʻq qilish tartibi toʻgʻrisidagi nizomga 7-ILOVA

Izoh. Davolash-profilaktika muassasasining bosh hamshirasi (maxsus javobgar shaxs) tomonidan yuritiladi.

Giyohvandlik vositalari va psixotrop moddalarni yoʻq qilish tartibi toʻgʻrisidagi nizomga 8-ILOVA

Vazirlar Mahkamasining 2026-yil 2-iyuldagi 359-son qaroriga 5-ILOVA

Oʻzbekiston Respublikasi hududida giyohvandlik vositalari va psixotrop moddalarni tranzit oʻtuvchi yoʻlovchilarni davolash uchun tashish va ulardan foydalanish tartibi toʻgʻrisida

NIZOM

1. Mazkur Nizom tranzit oʻtuvchi yoʻlovchilarni davolash uchun Oʻzbekiston Respublikasi hududida giyohvandlik vositalari va psixotrop moddalarni tashish hamda ulardan foydalanish tartibini belgilaydi.

2. Oʻzbekiston Respublikasi hududi orqali tranzit (transfer) oʻtuvchi bemorlar davolanish maqsadida qonunchilikda belgilangan Oʻzbekiston Respublikasida muomalada boʻlishi cheklangan giyohvandlik vositalari (II roʻyxat) va psixotrop moddalarni (III roʻyxat) oʻn besh kun qabul qilishga moʻljallangan miqdorda oʻzlari bilan olib oʻtadilar.

3. Mazkur Nizomning 2-bandida koʻrsatilgan bemorlar davlat chegarasini kesib oʻtishda chegara-bojxona punktida oʻzlarida mavjud giyohvandlik vositalari yoki psixotrop moddalar toʻgʻrisida deklaratsiya toʻldirishlari hamda quyidagilarni bojxona organlariga taqdim etishlari shart:

bemor yashovchi mamlakatning tibbiy muassasasi tomonidan berilgan, bemorda giyohvandlik vositalari va psixotrop moddalarni qoʻllashni talab qiluvchi kasallik mavjudligi, shifokor tomonidan tayinlangan giyohvandlik vositasi yoki psixotrop moddaning nomlanishi, uning dori shakli, miqdori va qabul qilish davri koʻrsatilgan hujjatni (davolovchi shifokor xulosasi);

giyohvandlik vositalari va psixotrop moddalar sotib olingani qonuniyligini tasdiqlovchi hujjatni (retsept nusxasi);

giyohvandlik vositalari va psixotrop moddalarni.

Oʻzbekiston Respublikasi bojxona organlari yuqorida koʻrsatilgan hujjatlar mavjudligini hamda bemorda boʻlgan giyohvandlik vositalari yoki psixotrop moddalarning nomlanishi va miqdoriga muvofiqligini belgilangan tartibda nazorat qiladi.

4. Yoʻlovchilarda tibbiy hujjatlarda koʻrsatilgan hamda bojxona organiga maʼlum qilingan giyohvandlik vositalari yoki psixotrop moddalarning miqdori ortiq boʻlgan taqdirda, ortiqcha giyohvandlik vositalari yoki psixotrop moddalar olib qoʻyiladi va belgilangan tartibda yoʻq qilinadi.

Giyohvandlik vositalari va psixotrop moddalar deklaratsiya toʻldirmasdan yoki yashirin holda olib oʻtilgan taqdirda, qonunbuzarlarga nisbatan Oʻzbekiston Respublikasi qonunchiligiga muvofiq choralar qoʻllanadi.

5. Agar bemor Oʻzbekiston Respublikasi hududida ushlanib qolsa va davolanishni davom ettirish uchun qoʻshimcha ravishda giyohvandlik vositalari yoki psixotrop moddalarni sotib olishga muhtoj boʻlsa, unda ushbu vositalar (moddalar) Oʻzbekiston Respublikasida berilgan retsept asosida beriladi.

6. Retseptlar shifokor koʻrigidan va giyohvandlik vositalari yoki psixotrop moddalarni tayinlash zaruratini keltirib chiqaruvchi kasallik tashxisi tasdiqlangandan soʻng beriladi.

Tibbiy koʻrik tranzit oʻtuvchi bemorning roʻyxatdan oʻtgan manzili boʻyicha hududiy tibbiyot muassasalarining mutaxassis shifokorlari yoki tranzit oʻtuvchi bemorning kasallik profiliga mos ixtisoslashtirilgan tibbiyot muassasalari shifokorlari tomonidan oʻtkaziladi.

7. Retseptlar qabul qilingan qoidalarga muvofiq belgilangan namunadagi blanklarga yozib beriladi.

8. Yozib berilgan giyohvandlik vositalari va psixotrop moddalar Oʻzbekiston Respublikasining tegishli dorixona muassasalaridan tranzit oʻtuvchi bemorlar tomonidan bevosita oʻz mablagʻlari hisobidan sotib olinadi.

9. Davlat chegarasidan chiqishda chegara-bojxona punktidan oʻtish vaqtida bemorlar quyidagilarni bojxona organlariga taqdim etadi:

Oʻzbekiston Respublikasiga giyohvandlik vositalari va psixotrop moddalarni olib kirish yoki uning hududida sotib olish qonuniyligini tasdiqlovchi hujjatlarni (shifokor xulosasi va retsept nusxasi);

bojxona deklaratsiyasida koʻrsatilgan giyohvandlik vositalari yoki psixotrop moddalarning qoldigʻini.

Vazirlar Mahkamasining 2026-yil 2-iyuldagi 359-son qaroriga 6-ILOVA

Ilmiy va oʻquv maqsadlarida giyohvandlik vositalari va psixotrop moddalardan foydalanish tartibi toʻgʻrisida

nizom

1. Mazkur Nizom ilmiy va oʻquv maqsadlarida giyohvandlik vositalari va psixotrop moddalardan (keyingi oʻrinlarda — giyohvandlik vositalari) foydalanish tartibini belgilaydi.

2. Ilmiy-tekshirish institutlari, laboratoriyalar, oʻquv muassasalari Oʻzbekiston Respublikasi Sogʻliqni saqlash vazirligi tomonidan berilgan tegishli faoliyat turiga litsenziyasi mavjud boʻlgan holda giyohvandlik vositalaridan ilmiy va oʻquv maqsadlarida foydalanadilar.

3. Ilmiy-tekshirish institutlari, laboratoriyalar, oʻquv muassasalari giyohvandlik vositalarini ilmiy-tadqiqot ishlarining tasdiqlangan mavzu rejasiga muvofiq miqdorlarda, oʻquv muassasalari esa — oʻquv dasturlarida koʻzda tutilgan amaliy-laboratoriya mashgʻulotlari uchun hamda ilmiy-tadqiqot ishlarining tasdiqlangan mavzuda koʻrsatilgan amaliy koʻnikmani bajarish uchun zarur boʻlgan miqdorlarda sotib oladilar.

4. Ilmiy-tekshirish institutlari, laboratoriyalar, oʻquv muassasalari giyohvandlik vositalaridan mazkur Nizomda keltirilgan talablarga rioya qilgan holda foydalanadilar.

5. Giyohvandlik vositalari, ularning hujjatlari saqlanishi hamda ishlarni toʻgʻri tashkil etish uchun javobgarlik muassasa rahbariga yoki uning oʻrinbosariga yuklanadi.

6. Oʻquv muassasalarida talabalar bilan amaliy mashgʻulotlar oʻtkazish uchun berilgan giyohvandlik vositalaridan toʻgʻri foydalanish uchun javobgarlik ushbu amaliy mashgʻulotlarni oʻtkazishga masʼul boʻlgan oʻqituvchi zimmasiga yuklanadi. Oʻquv mashgʻulotlari yakunlanganidan soʻng auditoriyalarda giyohvandlik vositalarini saqlashga ruxsat etilmaydi.

7. Giyohvandlik vositalarini qabul qilishda muassasa rahbari yoki uning oʻrinbosari olingan tegishli giyohvandlik vositalarining yoʻllanma hujjatlarga muvofiqligini shaxsan tekshirishga va hududiy ichki ishlar organiga maʼlumot yuborishga majbur.

8. Giyohvandlik vositalarining zaxiralari saqlanadigan xonaga kirishga bevosita ular bilan ishlaydigan, muassasaning buyrugʻi bilan rasmiylashtirilgan shaxslarga ruxsat beriladi.

9. Joriy faoliyat uchun giyohvandlik vositalari faqat muassasa rahbari yoki uning oʻrinbosarining yozma farmoyishi boʻyicha laboratoriya (boʻlinma, boʻlim, kabinet, kafedra) mudiri imzolagan va unda giyohvandlik vositalarini oluvchi shaxsning familiyasi va lavozimi koʻrsatilgan talabnoma asosida beriladi.

10. Giyohvandlik vositalarini berishdan oldin uning saqlanishi uchun javobgar shaxs berish uchun asoslarni hamda yoʻllanma hujjatlarning toʻgʻri rasmiylashtirilganini shaxsan tekshirganidan soʻng talabnoma nusxasiga imzo qoʻyishi shart.

11. Ilmiy va oʻquv maqsadlarida foydalaniladigan giyohvandlik vositalari predmetli miqdor boʻyicha hisobga olinadi. Giyohvandlik vositalarining hisobi raqamlangan, ip oʻtkazib tikilgan va yuqori tashkilot rahbarining muhri va imzosi bilan tasdiqlangan mazkur Nizomga ilovaga muvofiq alohida kitobda yuritiladi.

12. Ilmiy-tekshirish institutlari, laboratoriyalar va oʻquv muassasalari tomonidan har oyning birinchi sanasida giyohvandlik vositalari xatlovdan oʻtkaziladi va balans tuziladi.

Meʼyoridan ortiqcha sarflanganligi toʻgʻrisida balansda tafovut aniqlangan yoki oʻtkazilgan xatlov natijalari bilan balans maʼlumotlari mos kelmagan taqdirda, masʼul shaxs bu toʻgʻrisida ularni aniqlagandan keyin uch kun muddatda ichki ishlar organlariga xabar beradi.

Giyohvandlik vositalari oʻgʻirlangan taqdirda, masʼul shaxs zudlik bilan hududiy ichki ishlar organlariga va oʻzining yuqori tashkilotiga xabar berishi shart.

13. Giyohvandlik vositalari namunalarining tadqiqoti yakunlanganidan soʻng qoldiq namunalar mavjud boʻlgan taqdirda, ular muassasada saqlash uchun masʼul boʻlgan shaxsga beriladi va ulardan boshqa laboratoriya tadqiqotlarini oʻtkazishda foydalanish mumkin. Giyohvandlik vositalari namunalari qoldiqlarining yaroqlilik muddati tugagandan keyin belgilangan tartibda yoʻq qilinishi kerak.

Ilmiy va oʻquv maqsadlarda giyohvandlik vositalari va psixotrop moddalardan foydalanish tartibi toʻgʻrisidagi nizomga ILOVA

Ilmiy-tekshirish institutlarida, laboratoriyalarda va oʻquv muassasalarida giyohvandlik vositalari va psixotrop moddalarni hisobga olish

KITOBI

Vazirlar Mahkamasining 2026-yil 2-iyuldagi 359-son qaroriga 7-ILOVA

Oʻzbekiston Respublikasida muomalada boʻlishi taqiqlangan giyohvandlik vositalarining

ROʻYXATI

(I roʻyxat)

Izoh.

Qonunga xilof ravishda muomalada boʻlgan giyohvandlik vositasining yoki uning analoglarini koʻp boʻlmagan miqdordan kam miqdorlari Oʻzbekiston Respublikasining Maʼmuriy javobgarlik toʻgʻrisidagi kodeksida nazarda tutilgan “oz miqdor” deb hisoblanadi.

Quyidagi holatlarda nazorat tatbiq etiladi:

ushbu roʻyxatda keltirilgan barcha moddalar va vositalar, shu bilan birga ularning analoglari qanday savdo nomi (sinonimlari) bilan belgilanganidan qatʼi nazar;

ushbu roʻyxatga kiritilgan va mahsulot bilan bir xil nazorat choralariga ega boʻlgan har qanday mahsulotni oʻz ichiga olgan oʻsimliklar yoki ularning qismlari;

ushbu roʻyxatda keltirilgan giyohvandlik vositalarining izomerlari (agar ular aniq chiqarib tashlanmagan boʻlsa), ushbu kimyoviy belgi doirasida bunday izomerlarning mavjudligi mumkin boʻlgan hollarda;

ushbu roʻyxatda keltirilgan giyohvandlik vositalarining murakkab va oddiy efirlari;

ushbu roʻyxatda “*” belgisi bilan belgilangan giyohvandlik vositalari, har qanday toʻldiruvchilar borligidan qatʼi nazar;

ushbu roʻyxatda “**” belgisi bilan belgilangan barcha giyohvandlik vositalarining tuzlari va asoslari, agar bunday tuzlarning mavjudligi mumkin boʻlsa;

ushbu roʻyxatdagi giyohvand moddalarni saqlovchi barcha aralashmalar, ularning miqdoridan qatʼi nazar.

Giyohvandlik vositalari va ularning analoglari tampon, doka, bint va boshqa materiallarga shimdirilgan koʻrinishda boʻlsa, materialdagi giyohvandlik vositasi va ularning analoglarining ekstraksiyasi amalga oshiriladi hamda uning miqdori quruq qoldigʻiga koʻra aniqlanadi.

Ushbu roʻyxatda keltirilgan bitta giyohvand moddasini saqlovchi barcha suyuqliklar va eritmalar uchun ularning miqdori + 70 °S...+ 110 °S haroratda doimiy massagacha quritgandan keyin quruq qoldiqning massasi bilan belgilanadi.

Zamburugʻlarning mevali tanasining miqdori u doimiy ogʻirlikkacha quritilgandan soʻng aniqlanadi.

Giyohvandlik vositalari analoglarining miqdorlari (grammlarida) ularning analoglari boʻlgan giyohvandlik vositalari bilan bir xil boʻlishi belgilangan.

Vazirlar Mahkamasining 2026-yil 2-iyuldagi 359-son qaroriga 8-ILOVA

Oʻzbekiston Respublikasida muomalada boʻlishi cheklangan giyohvandlik vositalarining

ROʻYXATI

(II roʻyxat)

Izoh.

Qonunga xilof ravishda muomalada boʻlgan giyohvandlik vositasining yoki uning analoglarini koʻp boʻlmagan miqdordan kam miqdorlari Oʻzbekiston Respublikasining Maʼmuriy javobgarlik toʻgʻrisidagi kodeksida nazarda tutilgan “oz miqdor” deb hisoblanadi.

Quyidagi holatlarda nazorat tatbiq etiladi:

ushbu roʻyxatda keltirilgan barcha moddalar va vositalar, shu bilan birga ularning analoglari qanday savdo nomi (sinonimlari) bilan belgilanganidan qatʼi nazar;

ushbu roʻyxatda keltirilgan giyohvandlik vositalarining izomerlari (agar ular aniq chiqarib tashlanmagan boʻlsa), bunday kimyoviy izomerlarning mavjudligi mumkin boʻlgan hollarda;

ushbu roʻyxatda keltirilgan giyohvandlik vositalarining murakkab va oddiy efirlari;

ushbu roʻyxatda “*” belgisi bilan belgilangan barcha giyohvandlik vositalarining tuzlari va asoslari, agar bunday tuzlarning mavjudligi mumkin boʻlsa;

ushbu roʻyxatda keltirilgan giyohvandlik vositasini saqlovchi barcha dori vositalarning dori shakllari, aralashmalari va eritmalari, ularning neytral komponentlari (suv, kraxmal, shakar, bikarbonat natriy, talk va b.) mavjudligidan qatʼi nazar boʻlgan preparatlar;

bu roʻyxatda “**” belgisi bilan belgilangan giyohvandlik vositalari, har qanday toʻldiruvchilar borligidan qatʼi nazar;

Kombinirlangan dori vositasi tarkibida giyohvandlik vositasi mavjud boʻlgan holatda uning nazorati muomalasi cheklangan giyohvandlik vositalari roʻyxatida nomlanishi va tarkibi jihatdan mos keluvchi giyohvandlik vositasining nazorati kabi amalga oshiriladi.

Tarkibida bir nechta muomalasi cheklangan giyohvandlik vositalari va/yoki psixotrop moddalar va/yoki prekursorlardan iborat kombinirlangan dori vositalarining nazorati, uning tarkibida eng koʻp miqdor saqlovchi nazoratga olingan modda (giyohvandlik vositalari yoki psixotrop moddalar yoki prekursorlar)ning nazorati kabi amalga oshiriladi.

Noqonuniy muomalada boʻlgan giyohvandlik vositalari va ularning analoglarini koʻp boʻlmagan, koʻp boʻlmagan miqdordan oshuvchi va koʻp miqdorlarini aniqlashda giyohvandlik vositalari va ularning analoglari tampon, doka, bint va boshqa materiallarga shimdirilgan koʻrinishda boʻlsa, materialdagi giyohvandlik vositasi va ularning analoglarining ekstraksiyasi amalga oshiriladi hamda uning miqdori quruq qoldigʻiga koʻra aniqlanadi.

Giyohvandlik vositalari analoglarining miqdorlari (grammlarida) ularning analoglari boʻlgan giyohvandlik vositalari bilan bir xil boʻlishi belgilanadi.

* Giyohvandlik vositasi xalqaro nazoratga olingan moddalar roʻyxatiga kiritilgan.

Vazirlar Mahkamasining 2026-yil 2-iyuldagi 359-son qaroriga 9-ILOVA

Oʻzbekiston Respublikasida muomalada boʻlishi cheklangan psixotrop moddalarning

ROʻYXATI

(III roʻyxat)

Izoh.

Qonunga xilof ravishda muomalada boʻlgan psixotrop moddalarning koʻp boʻlmagan miqdordan kam miqdorlari Oʻzbekiston Respublikasining Maʼmuriy javobgarlik toʻgʻrisidagi kodeksida nazarda tutilgan “oz miqdor” deb hisoblanadi.

Quyidagi holatlarda nazorat tatbiq etiladi:

ushbu roʻyxatda keltirilgan barcha moddalar va vositalar, qanday savdo nomi (sinonimlari) bilan belgilanganidan qatʼi nazar;

ushbu roʻyxatda keltirilgan psixotrop moddalarining izomerlari (agar ular aniq chiqarib tashlanmagan boʻlsa), bunday kimyoviy izomerlarning mavjudligi mumkin boʻlgan hollarda;

ushbu roʻyxatda keltirilgan psixotrop moddalarining murakkab va oddiy efirlari;

ushbu roʻyxatda keltirilgan barcha psixotrop moddalarining tuzlari va asoslari, agar bunday tuzlarning mavjudligi mumkin boʻlsa;

ushbu roʻyxatdagi psixotrop moddalarining miqdorlari va ularning neytral komponentlari (suv, kraxmal, shakar, bikarbonat natriy, talk va b.) mavjudligidan qatʼi nazar boʻlgan preparatlar;

Kombinirlangan dori vositasi tarkibida psixotrop moddasi mavjud boʻlgan holatda uning nazorati muomalasi cheklangan psixotrop moddalari roʻyxatida nomalanishi va tarkibi jihatdan mos keluvchi jihatdan mos keluvchi psixotrop moddasining nazorati kabi amalga oshiriladi.

Tarkibida bir nechta muomalasi cheklangan giyohvandlik vositalari va/yoki psixotrop moddalar va/yoki prekursorlardan iborat kombinirlangan dori vositalarining nazorati, uning tarkibida eng koʻp miqdor saqlovchi nazoratga olingan modda (giyohvandlik vositalari yoki psixotrop moddalar yoki prekursorlar)ning nazorati kabi amalga oshiriladi.

Asosiy nazorat qilinadigan psixotrop moddalardan tashqari boshqa farmakologik faol tarkibiy qismlarni oʻz ichiga olgan kombinirlangan dori vositalariga nisbatan nazorat oʻrnatilishi ushbu kombinirlangan dori vositalarni roʻyxatga kiritish orqali alohida belgilanadi.

* Psixotrop modda xalqaro nazoratga olingan moddalar roʻyxatiga kiritilgan.

Vazirlar Mahkamasining 2026-yil 2-iyuldagi 359-son qaroriga 10-ILOVA

Oʻzbekiston Respublikasi Hukumatining oʻz kuchini yoʻqotgan deb hisoblanayotgan qarorlari

ROʻYXATI

1. Vazirlar Mahkamasining “Oʻzbekiston Respublikasida giyohvandlik vositalari, psixotrop moddalar va prekursorlarning muomalada boʻlish tartibini belgilab beruvchi nizomlarni tasdiqlash toʻgʻrisida” 2003-yil 29-oktabrdagi 472-son qarori.

2. Vazirlar Mahkamasining “Giyohvandlik vositalari, psixotrop moddalar va prekursorlarni Oʻzbekiston Respublikasi hududiga olib kirish, undan olib chiqish va tranzit tarzida oʻtkazish tartibini, shuningdek ularning muomalada boʻlishi yuzasidan nazoratni takomillashtirish toʻgʻrisida” 2015-yil 12-noyabrdagi 330-son qarori.

3. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Valyuta siyosatini liberallashtirish boʻyicha birinchi navbatdagi chora-tadbirlar toʻgʻrisida” 2017-yil 2-sentabrdagi PF-5177-son Farmoni)” 2017-yil 9-oktabrdagi 810-son qaroriga 1-ilovaning 29-bandi.

4. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida (Oʻzbekiston Respublikasi Prezidentining “Oʻzbekiston Respublikasining Davlat xavfsizligi tizimini takomillashtirish chora-tadbirlari toʻgʻrisida” 2018-yil 14-martdagi PF-5379-son Farmoni)” 2018-yil 29-maydagi 396-son qaroriga ilovaning 83-bandi.

5. Vazirlar Mahkamasining “Vazirlar Mahkamasining “Giyohvandlik vositalari, psixotrop moddalar va prekursorlarni Oʻzbekiston Respublikasi hududiga olib kirish, undan olib chiqish va tranzit tarzida oʻtkazish tartibini, shuningdek ularning muomalada boʻlishi yuzasidan nazoratni takomillashtirish toʻgʻrisida” 2015-yil 12-noyabrdagi 330-son qaroriga oʻzgartirishlar kiritish haqida” 2018-yil 27-oktabrdagi 878-sonli qarori.

6. Vazirlar Mahkamasining “Oʻzbekiston Respublikasi Vazirlar Mahkamasining ijro etuvchi tuzilmasi takomillashtirilishi munosabati bilan Oʻzbekiston Respublikasi Hukumatining ayrim qarorlariga oʻzgartirishlar va qoʻshimcha kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida” 2021-yil 16-avgustdagi 524-son qaroriga 1-ilovaning 9-bandi.

7. Vazirlar Mahkamasining “Davlat xizmatlari koʻrsatishning infratuzilmasi takomillashtirilganligi va aholining davlat xizmatlaridan foydalanish imkoniyatlari kengaytirilganligi munosabati bilan Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida” 2021-yil 28-oktabrdagi 661-son qaroriga ilovaning 10-bandi.

8. Vazirlar Mahkamasining “Oʻzbekiston Respublikasi Hukumatining ayrim qarorlariga giyohvandlik vositalari va kuchli taʼsir qiluvchi moddalarning muomalada boʻlishi yuzasidan nazoratni yanada takomillashtirishga qaratilgan oʻzgartirish va qoʻshimchalar kiritish toʻgʻrisida” 2023-yil 19-avgustdagi 399-son qaroriga ilovaning 1-bandi.

Vazirlar Mahkamasining 2026-yil 2-iyuldagi 359-son qaroriga 11-ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar

1. Vazirlar Mahkamasining 2009-yil 8-yanvardagi 6-son qarori bilan tasdiqlangan Oʻzbekiston Respublikasida narkotik vositalar, psixotrop moddalar va prekursorlarning muomalada boʻlishi bilan bogʻliq faoliyat boʻyicha hisobotlar yuritish tartibi toʻgʻrisidagi nizomda:

a) 2-bandning uchinchi xatboshisi quyidagi tahrirda bayon etilsin:

“Hisobotlar Oʻzbekiston Respublikasi Sogʻliqni saqlash vazirligining “Farmatsevtika mahsulotlari xavfsizligi markazi” davlat muassasasiga bevosita yoki pochta aloqa vositasi orqali buyurtma xat bilan taqdim etiladi. Ushbu holatda pochta shtempelida qoʻyilgan sana hisobotni taqdim etish sanasi hisoblanadi”;

b) 10-band quyidagi tahrirda bayon etilsin:

“10. Oʻzbekiston Respublikasi Sogʻliqni saqlash vazirligining “Farmatsevtika mahsulotlari xavfsizligi markazi” davlat muassasasi kiritilgan hisobotlar asosida yigʻma hisobot tuzadi va uni ilova qilinayotgan shakllar boʻyicha Giyohvandlik vositalari va psixotrop moddalar ustidan nazorat qilish boʻyicha davlat komissiyasi bilan kelishgan holda BMTning Xalqaro narkotiklarni nazorat qilish qoʻmitasiga taqdim etadi”;

v) 12-band quyidagi tahrirda bayon etilsin:

“12. Oʻzbekiston Respublikasi Sogʻliqni saqlash vazirligi “Farmatsevtika mahsulotlari xavfsizligi markazi” davlat muassasasiga taqdim etiladigan maʼlumotlar maxfiy hisoblanadi, qonunchilikda nazarda tutilgan holatlar bundan mustasno”.

2. Vazirlar Mahkamasining “Oʻzbekiston Respublikasida kuchli taʼsir qiluvchi moddalar muomalasini tartibga solish toʻgʻrisida” 2019-yil 27-sentabrdagi 818-son qarorida:

a) 3-banddagi “Oʻzbekiston Respublikasi Sogʻliqni saqlash vazirligi” soʻzlari “Oʻzbekiston Respublikasi Prezidenti Administratsiyasi huzuridagi Narkotiklar va oʻqotar qurollarni nazorat qilish agentligi” soʻzlari bilan almashtirilsin;

b) 5-banddagi “Vazirlar Mahkamasi huzuridagi Narkotik moddalarni nazorat qilish milliy axborot-tahlil markazi” soʻzlari “Oʻzbekiston Respublikasi Prezidenti Administratsiyasi huzuridagi Narkotiklar va oʻqotar qurollarni nazorat qilish agentligi” soʻzlari bilan almashtirilsin.

3. Vazirlar Mahkamasining “Giyohvandlik vositalari va psixotrop moddalar ustidan nazorat qilish boʻyicha davlat komissiyasi hamda uning hududiy komissiyalari faoliyatini tashkil etish chora-tadbirlari toʻgʻrisida” 2024-yil 4-oktabrdagi 631-son qarorida:

a) muqaddima va 1-band quyidagi tahrirda bayon etilsin:

“Oʻzbekiston Respublikasi Prezidentining “Oʻzbekiston Respublikasida giyohvandlik vositalari va psixotrop moddalarning noqonuniy aylanmasiga chek qoʻyish orqali ularning aholi salomatligi va mamlakatimiz genofondiga salbiy taʼsirini bartaraf etish strategik chora-tadbirlari toʻgʻrisida” 2024-yil 6-maydagi PF-73-son va “Davlat boshqaruvi tizimida samaradorlik, proaktivlik va natijadorlikni oshirish chora-tadbirlari toʻgʻrisida” 2025-yil 14-iyuldagi PF-111-son farmonlari ijrosini taʼminlash, shuningdek, Giyohvandlik vositalari va psixotrop moddalar ustidan nazorat qilish boʻyicha davlat komissiyasi hamda uning hududiy komissiyalari faoliyatini samarali tashkil etish maqsadida Vazirlar Mahkamasi qaror qiladi:

1. Oʻzbekiston Respublikasi Prezidentining “Oʻzbekiston Respublikasida giyohvandlik vositalari va psixotrop moddalarning noqonuniy aylanmasiga chek qoʻyish orqali ularning aholi salomatligi va mamlakatimiz genofondiga salbiy taʼsirini bartaraf etish strategik chora-tadbirlari toʻgʻrisida” 2024-yil 6-maydagi PF-73-son va “Davlat boshqaruvi tizimida samaradorlik, proaktivlik va natijadorlikni oshirish chora-tadbirlari toʻgʻrisida” 2025-yil 14-iyuldagi PF-111-son farmonlari bilan:

Giyohvandlik vositalari va psixotrop moddalar ustidan nazorat qilish boʻyicha davlat komissiyasining (keyingi oʻrinlarda — Davlat komissiyasi) tarkibi hamda uning hududiy komissiyalari (keyingi oʻrinlarda — hududiy komissiyalar) namunaviy tarkibi tasdiqlangani;

Oʻzbekiston Respublikasi Prezidenti Administratsiyasi huzuridagi Narkotiklarni nazorat qilish milliy markazi negizida Oʻzbekiston Respublikasi Prezidenti Administratsiyasi huzuridagi Narkotiklar va oʻqotar qurollarni nazorat qilish agentligi (keyingi oʻrinlarda — Agentlik) tashkil etilgani maʼlumot uchun qabul qilinsin”;

b) 5-bandning birinchi xatboshisidagi “Milliy markaz” soʻzlari “Agentlik” soʻzi bilan almashtirilsin;

v) 6-band quyidagi tahrirda bayon etilsin:

“Mazkur qarorning bajarilishini nazorat qilish Oʻzbekiston Respublikasi Prezidenti Administratsiyasi huzuridagi Narkotiklar va oʻqotar qurollarni nazorat qilish agentligi direktori zimmasiga yuklansin”;

g) 1-ilovaning 12-bandi “g” kichik bandida:

toʻrtinchi xatboshi chiqarib tashlansin;

beshinchi — toʻqqizinchi xatboshilar tegishlicha toʻrtinchi — sakkizinchi xatboshilar deb hisoblansin.

4. Vazirlar Mahkamasining “Oʻzbekiston Respublikasida alohida toifadagi kuchli taʼsir qiluvchi moddalar muomalasini tartibga solish toʻgʻrisidagi nizomni tasdiqlash haqida” 2024-yil 4-oktabrdagi 632-son qarorida:

a) 7-band quyidagi tahrirda bayon etilsin:

“7. Mazkur qarorning bajarilishini nazorat qilish Oʻzbekiston Respublikasi Prezidenti Administratsiyasi huzuridagi Narkotiklar va oʻqotar qurollarni nazorat qilish agentligi direktori va Oʻzbekiston Respublikasi sogʻliqni saqlash vaziri E.E. Adilov zimmasiga yuklansin”;

b) 1-ilovada:

1-ilovada:

nomidagi “Narkotiklarni nazorat qilish qoʻmitasi” soʻzlari chiqarib tashlansin;

matnidagi “Narkotiklarni nazorat qilish qoʻmitasi raisi” soʻzlari “Direktor” soʻzi bilan almashtirilsin;

2-ilovada:

nomidagi “Narkotiklarni nazorat qilish qoʻmitasi” soʻzlari chiqarib tashlansin;

matnidagi “Narkotiklarni nazorat qilish qoʻmitasi raisi” soʻzlari “Direktori” soʻzi bilan almashtirilsin;

3-ilovada:

nomidagi “Narkotiklarni nazorat qilish qoʻmitasi” soʻzlari chiqarib tashlansin;

matnidagi “Narkotiklarni nazorat qilish qoʻmitasi raisi” soʻzlari “Direktori” soʻzi bilan almashtirilsin.