Oliy taʼlim tashkilotlari bitiruvchilarining bandligini taʼminlash chora-tadbirlari toʻgʻrisida (KQ-365-V-son)
27.06.2026
Oʻzbekicton Respublikasi Oliy Majlisi Senati Kengashining
qarori
Oʻzbekiston Respublikasi Prezidenti huzurida 2026-yil 8-iyunda oʻtkazilgan yigʻilishda berilgan topshiriqlar ijrosi ustidan parlament nazoratini olib borish hamda oliy taʼlim tashkilotlari bitiruvchilarini ishga joylashtirish, tadbirkorlik faoliyatiga jalb qilish va oʻz imkoniyatlaridan samarali foydalanishlari uchun zarur shart-sharoitlar yaratish maqsadida “Oʻzbekiston Respublikasi Oliy Majlisining Senati toʻgʻrisida”gi Oʻzbekiston Respublikasi Konstitutsiyaviy Qonunining 16-moddasiga muvofiq Oʻzbekiston Respublikasi Oliy Majlisi Senatining Kengashi qaror qiladi:
1. Quyidagilar:
Oliy taʼlim tashkilotlari bitiruvchilarining bandligini taʼminlash boʻyicha taʼlim sohalari, vazirlik va idoralar hamda hududlar kesimidagi reja taqsimot 1-ilovaga muvofiq;
Oliy taʼlim tashkilotlari bitiruvchilarining bandligini taʼminlash ishlarini tashkil qilish boʻyicha Respublika ishchi guruhi tarkibi 2-ilovaga muvofiq;
Oliy taʼlim tashkilotlari bitiruvchilarining bandligini taʼminlash ishlarini tashkil qilish boʻyicha soha va hududlar kesimidagi ishchi guruhlar tarkibi 3 — 7-ilovalarga muvofiq tasdiqlansin.
2. Respublika ishchi guruhi (E. Gadoyev):
Oliy taʼlim tashkilotlari bitiruvchilarining bandlik balansini “career.edu.uz” platformasi orqali onlayn monitoring qilib borsin;
har oyda kamida bir marta bitiruvchilar bandligini taʼminlash boʻyicha oʻtkazilgan oʻrganish va tahlillar natijalarini sohaviy ishchi guruhlar bilan birgalikda muhokama qilib, masʼullarning amalga oshirilgan ishlari toʻgʻrisidagi axborotini eshitib borsin;
har oy yakuni bilan bitiruvchilar bandligini taʼminlash boʻyicha amalga oshirilgan ishlar yuzasidan tayyorlangan tahliliy maʼlumotni Senat Raisiga kiritib borsin.
3. Mazkur qarorning 1-ilovasiga muvofiq vazirlik va idoralar, Qoraqalpogʻiston Respublikasi vazirlar Kengashi, viloyatlar va Toshkent shahar hamda tuman (shahar) hokimliklari:
bir hafta muddatda masʼul xodimlar toʻgʻrisidagi maʼlumotlarni “career.edu.uz” platformasidan roʻyxatdan oʻtkazish uchun Oliy taʼlim, fan va innovatsiyalar vazirligiga taqdim etsin;
oʻn kun muddatda hududdagi oliy taʼlim tashkilotlari bitiruvchilarining bandligini taʼminlash boʻyicha tarmoqlar kesimida dastur ishlab chiqsin va tasdiqlasin;
oʻz tizimidagi mavjud boʻsh ish oʻrinlarini toʻliq xatlovdan oʻtkazgan holda hududlar kesimidagi roʻyxatni shakllantirsin hamda tizimdagi boʻsh ish oʻrinlariga bitiruvchilar belgilangan tartibda ortiqcha ovoragarchiliklarsiz ishga qabul qilinishini taʼminlasin;
boʻsh ish oʻrinlari toʻgʻrisidagi maʼlumotlarni doimiy ravishda “career.edu.uz” platformasiga joylashtirib borsin;
joriy yil yakuniga qadar oʻz tizimi yoki hududidagi korxona, tashkilot va idoralarda mavjud boʻsh ish oʻrinlariga bitiruvchilarni yoʻnaltirish orqali ularning bandligini taʼminlash choralarini koʻrsin;
har oy yakuni bilan amalga oshirilgan ishlar yuzasidan Respublika ishchi guruhiga oraliq axborot kiritib borsin.
4. Oliy taʼlim, fan va innovatsiyalar vazirligi:
ikki hafta muddatda ishchi guruh aʼzolarini “career.edu.uz” platformasida roʻyxatdan oʻtkazsin;
“career.edu.uz” platformasining uzluksiz ishlashini taʼminlasin va har oʻn kunda uning maʼlumotlarini yangilab borish choralarini koʻrsin;
ishchi guruh aʼzolari uchun platformaning ishlash tartibi va undan foydalanish boʻyicha amaliy seminarlar tashkil etsin;
bitiruvchilarni taʼlimning navbatdagi bosqichi bilan qamrab olish boʻyicha zarur choralar koʻrsin;
Raqamli texnologiyalar vazirligi bilan birgalikda joriy yilning 1-noyabriga qadar “career.edu.uz” platformasi orqali bitiruvchilar bandligi monitoringini toʻliq raqamlashtirish maqsadida:
bitiruvchining mehnat faoliyatini ish beruvchi tomonidan baholash;
xorijdagi oliy maʼlumot talab etiladigan boʻsh ish oʻrinlari toʻgʻrisida maʼlumot olish;
platforma orqali onlayn mehnat yarmarkalarini tashkil etish imkoniyatini yaratish yuzasidan tegishli vazirlik va idoralarning elektron axborot tizimlari va maʼlumotlar bazasini integratsiya qilish choralarini koʻrsin.
5. Qoraqalpogʻiston Respublikasi, viloyatlar va Toshkent shahar hokimliklari Sogʻliqni saqlash hamda Maktabgacha va maktab taʼlimi vazirliklari bilan birgalikda joylardagi boʻsh ish oʻrinlarini tahlil qilgan holda chekka hududlardagi taʼlim va tibbiyot muassasalariga boshqa hududdan ishga qabul qilinadigan xodimlar uchun zarur shart-sharoitlar yaratilishini taʼminlasin.
6. Kambagʻallikni qisqartirish va bandlik vazirligi:
har oy yakuni bilan ijtimoiy sohadagi vakant lavozimlar toʻgʻrisidagi maʼlumotlarni Respublika ishchi guruhiga taqdim etib borsin;
mavjud boʻsh ish oʻrinlariga bitiruvchilarni joylashtirish boʻyicha aniq va manzilli choralar koʻrsin.
7. Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahar Kengashlariga oliy taʼlim tashkilotlari bitiruvchilarining bandligini taʼminlash boʻyicha amalga oshirilgan ishlar ustidan tizimli nazorat oʻrnatib, masʼul boshqarma va tashkilotlar rahbarlarining axborotlarini tanqidiy muhokama qilib borish tavsiya etilsin.
Oʻzbekiston Respublikasi Oliy Majlisi Senatining Raisi T. NARBAYEVA
Toshkent sh.,
2026-yil 27-iyun,
KQ-365-V-son
Oʻzbekiston Respublikasi Oliy Majlisi Senati Kengashining 2026-yil 27-iyundagi KQ-365-V-sonli qaroriga 1-ILOVA
Oliy taʼlim tashkilotlari bitiruvchilarining bandligini taʼminlash boʻyicha taʼlim sohalari, vazirlik idoralar va hududlar kesimida
REJA-TAQSIMOT
Oʻzbekiston Respublikasi Oliy Majlisi Senati Kengashining 2026-yil 27-iyundagi KQ-365-V-sonli qaroriga 2-ILOVA
Oliy taʼlim muassasalari bitiruvchilarining bandligini taʼminlash ishlarini tashkil qilish boʻyicha Respublika ishchi guruhi
TARKIBI
Oʻzbekiston Respublikasi Oliy Majlisi Senati Kengashining 2026-yil 27-iyundagi KQ-365-V-sonli qaroriga 3-ILOVA
Taʼlim yoʻnalishidagi bitiruvchilarning bandligini taʼminlash ishlarini tashkil qilish boʻyicha soha va hududlar kesimidagi ishchi guruhi
TARKIBI
* Xalq deputatlari mahalliy Kengash raislari hududiy ishchi guruhlarning hamrahbarlari hisoblanadi.
** Hududiy ishchi guruh tarkibiga qoʻshimcha mutasaddi tashkilotlar vakillari ham kiritilishi mumkin.
Oʻzbekiston Respublikasi Oliy Majlisi Senati Kengashining 2026-yil 27-iyundagi KQ-365-V-sonli qaroriga 4-ILOVA
Gumanitar fanlar (tillardan tashqari) yoʻnalishidagi bitiruvchilarning bandligini taʼminlash ishlarini tashkil qilish boʻyicha soha va hududlar kesimidagi ishchi guruhi
TARKIBI
* Xalq deputatlari mahalliy Kengash raislari hududiy ishchi guruhlarning hamrahbarlari hisoblanadi.
** Hududiy ishchi guruh tarkibiga qoʻshimcha mutasaddi tashkilotlar vakillari ham kiritilishi mumkin.
Oʻzbekiston Respublikasi Oliy Majlisi Senati Kengashining 2026-yil 27-iyundagi KQ-365-V-sonli qaroriga 5-ILOVA
Ijtimoiy va xulq-atvorga mansub fanlar yoʻnalishidagi bitiruvchilarning bandligini taʼminlash ishlarini tashkil qilish boʻyicha soha va hududlar kesimidagi ishchi guruhi
TARKIBI
* Xalq deputatlari mahalliy Kengash raislari hududiy ishchi guruhlarning hamrahbarlari hisoblanadi.
** Hududiy ishchi guruh tarkibiga qoʻshimcha mutasaddi tashkilotlar vakillari ham kiritilishi mumkin.
Oʻzbekiston Respublikasi Oliy Majlisi Senati Kengashining 2026-yil 27-iyundagi KQ-365-V-sonli qaroriga 6-ILOVA
Sanʼat va Ijtimoiy taʼminot yoʻnalishidagi bitiruvchilarning bandligini taʼminlash ishlarini tashkil qilish boʻyicha soha va hududlar kesimidagi ishchi guruhi
TARKIBI
* Xalq deputatlari mahalliy Kengash raislari hududiy ishchi guruhlarning hamrahbarlari hisoblanadi.
** Hududiy ishchi guruh tarkibiga qoʻshimcha mutasaddi tashkilotlar vakillari ham kiritilishi mumkin.
Oʻzbekiston Respublikasi Oliy Majlisi Senati Kengashining 2026-yil 27-iyundagi KQ-365-V-sonli qaroriga 7-ILOVA
Jurnalistika va axborot yoʻnalishidagi bitiruvchilarning bandligini taʼminlash ishlarini tashkil qilish boʻyicha soha va hududlar kesimidagi ishchi guruhi
TARKIBI
* Xalq deputatlari mahalliy Kengash raislari hududiy ishchi guruhlarning hamrahbarlari hisoblanadi.
** Hududiy ishchi guruh tarkibiga qoʻshimcha mutasaddi tashkilotlar vakillari ham kiritilishi mumkin.