Oʻzbekiston Respublikasi bojxona chegarasini kuchaytirishga doir chora-tadbirlar toʻgʻrisida (488-son)

24.11.1998

Oʻzbekiston Respublikasi Vazirlar Mahkamasining

qarori

Oʻzbekiston Respublikasining iqtisodiy xavfsizligini himoya qilish yuzasidan bojxona organlari ishining samaradorligini oshirish, vatanimiz tashkilotlari va firmalarining tashqi iqtisodiy faoliyati shart-sharoitlarini yaxshilash, alkogolli mahsulotlar ishlab chiqarish va ularning aylanishi ustidan davlat monopoliyasini taʼminlash, respublika hududiga tovarlarni kontrabanda yoʻli bilan keltirishning oldini olish uchun bojxona chegarasida nazoratni kuchaytirish va budjetga boj toʻlovlari tushumlarini koʻpaytirish maqsadida Vazirlar Mahkamasi qaror qiladi:

1. 1999-yildan boshlab Oʻzbekiston Respublikasi Davlat bojxona qoʻmitasining shtatdagi xodimlari soni ilovaga muvofiq 366 kishiga koʻpaytirilsin.

2. Oʻzbekiston Respublikasi Moliya vazirligi qoʻshimcha xodimlar xarajatlariga zarur mablagʻlar ajratishni belgilangan tartibda nazarda tutsin.

3. Qoraqalpogʻiston Respublikasi Vazirlar Kengashi, viloyatlar hokimliklari yangidan tashkil etiladigan bojxona postlarini tartibga keltirish, ularni binolar va aloqa vositalari bilan taʼminlashda Oʻzbekiston Respublikasi Davlat bojxona qoʻmitasiga koʻmaklashsinlar.

4. Mazkur qarorning bajarilishini nazorat qilish Oʻzbekiston Respublikasining Bosh vaziri Oʻ. T. Sultonov zimmasiga yuklansin.

Vazirlar Mahkamasining Raisi I. KARIMOV

Toshkent sh.,

1998-yil 24-noyabr,

488-son

Vazirlar Mahkamasining 1998-yil 24-noyabrdagi 488-son qaroriga ILOVA

Oʻzbekiston Respublikasining bojxona chegaralarini tashkil etish va ularni kuchaytirish uchun

qoʻshimcha xodimlar soni