Taʼlim tashkilotlari, korxonalar, turar joy dahalarining asosiy jismoniy tarbiya-sogʻlomlashtirish va (yoki) sport inshootlari bilan eng kam taʼminlanish normativlariga oʻzgartirishlar kiritish haqida (2614-4-son)
10.06.2026
OʻZBEKISTON RESPUBLIKASI SPORT VAZIRINING
BUYRUGʻI
[Oʻzbekiston Respublikasi Adliya vazirligi tomonidan 2026-yil 10-iyunda roʻyxatdan oʻtkazildi, roʻyxat raqami 2614-4]
Oʻzbekiston Respublikasining “Jismoniy tarbiya va sport toʻgʻrisida”gi Qonuni hamda Oʻzbekiston Respublikasi Prezidentining 2025-yil 23-oktabrdagi PF-190-son “Kasbiy taʼlim tizimida boshqaruv samaradorligini oshirish chora-tadbirlari toʻgʻrisida”gi Farmoniga muvofiq buyuraman:
1. Oʻzbekiston Respublikasi madaniyat va sport ishlari vazirining 2014-yil 14-avgustdagi 3-son buyrugʻi (roʻyxat raqami 2614, 2014-yil 10-sentabr) (Oʻzbekiston Respublikasi qonun hujjatlari toʻplami, 2014-y., 37-son, 478-modda) bilan tasdiqlangan Taʼlim tashkilotlari, korxonalar, turar joy dahalarining asosiy jismoniy tarbiya-sogʻlomlashtirish va (yoki) sport inshootlari bilan eng kam taʼminlanish normativlariga ilovaga muvofiq oʻzgartirishlar kiritilsin.
2. Mazkur buyruq rasmiy eʼlon qilingan kundan eʼtiboran kuchga kiradi.
Vazir A. IKRAMOV
Toshkent sh.,
2026-yil 5-iyun,
2-mh-son
Oʻzbekiston Respublikasi sport vazirining 2026-yil 5-iyundagi 2-mh-son buyrugʻiga ILOVA
Taʼlim tashkilotlari, korxonalar, turar joy dahalarining asosiy jismoniy tarbiya-sogʻlomlashtirish va (yoki) sport inshootlari bilan eng kam taʼminlanish normativlariga kiritilayotgan oʻzgartirishlar
1. 3-boʻlimning nomidagi “professional taʼlim” degan soʻzlar “kasbiy taʼlim” degan soʻzlar bilan almashtirilsin.
2. 5-boʻlimning izoh qismidagi “aholi turar dahalarining” degan soʻzlar “turar joy dahalarining” degan soʻzlar bilan almashtirilsin.
3. 6-boʻlimda:
nomidagi “Aholi turar dahalarining” degan soʻzlar “Turar joy dahalarining” degan soʻzlar bilan almashtirilsin;
izoh qismidagi “aholi turar dahalarining” degan soʻzlar “turar joy dahalarining” degan soʻzlar bilan almashtirilsin.