Yaponiya bilan texnik hamkorlik doirasida “Oʻzbekiston-Yaponiya markazi (VI bosqich)” loyihasini amalga oshirish chora-tadbirlari toʻgʻrisida (PQ-211-son)

02.06.2026

OʻZBEKISTON RESPUBLIKASI PREZIDENTINING

QARORI

Oʻzbekiston Respublikasi va Yaponiya oʻrtasidagi savdo-iqtisodiy va gumanitar hamkorlikni yanada rivojlantirish, shuningdek, Oʻzbekiston Respublikasi Prezidenti hamda Yaponiya xalqaro hamkorlik agentligining (JICA) prezidenti oʻrtasida 2025-yil 21-yanvar kuni oʻtkazilgan uchrashuv doirasida erishilgan kelishuvlarni amalga oshirish maqsadida qaror qilaman:

1. Oʻzbekiston Respublikasi Investitsiyalar, sanoat va savdo vazirligi hamda Yaponiya xalqaro hamkorlik agentligining (JICA) “Oʻzbekiston — Yaponiya markazi” loyihasi VI bosqichini Yaponiya Hukumatining dastlabki baholash asosida 2,9 million AQSH dollari miqdoridagi texnik yordam mablagʻlarini jalb qilgan holda amalga oshirish toʻgʻrisidagi taklifiga rozilik berilsin.

2. Oʻzbekiston — Yaponiya markazi faoliyatini yanada rivojlantirish boʻyicha amaliy chora-tadbirlar rejasi (“yoʻl xaritasi”) ilovaga muvofiq tasdiqlansin.

3. Oʻzbekiston Respublikasi Oliy Majlisi huzuridagi Fuqarolik jamiyati institutlarini qoʻllab-quvvatlash jamoat fondi mablagʻlarini boshqarish boʻyicha parlament komissiyasiga “Oʻzbekiston — Yaponiya markazi (VI bosqich)” loyihasi doirasida soliq, kommunal va boshqa kelishilgan xarajatlarni qoplab berish tavsiya etilsin.

4. Ushbu qaror ijrosini nazorat qilish Oʻzbekiston Respublikasi Bosh vazirining oʻrinbosari J.A. Xodjayev zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2026-yil 2-iyun,

PQ-211-son

Oʻzbekiston Respublikasi Prezidentining 2026-yil 2-iyundagi PQ-211-son qaroriga ILOVA

Oʻzbekiston-Yaponiya markazi faoliyatini yanada kengaytirish toʻgʻrisidagi amaliy tadbirlar rejasi (“yoʻl xaritasi”)

(Qonunchilik maʼlumotlari milliy bazasi, 03.06.2026-y., 07/26/211/0550-son)