SHNQ 2.01.02-04 “Bino va inshootlarning yongʻin xavfsizligi” shaharsozlik normalari va qoidalarining 3.8-bandiga oʻzgartirish kiritish toʻgʻrisida (01/2-19-son)

12.05.2026

OʻZBEKISTON RESPUBLIKASI QURILISH VA UY-JOY KOMMUNAL XOʻJALIGI VAZIRINING

BUYRUGʻI

[Oʻzbekiston Respublikasi Adliya vazirligi tomonidan 2026-yil 25-mayda hisobga olindi, hisob raqami 402]

Oʻzbekiston Respublikasining Shaharsozlik kodeksiga muvofiq buyuraman:

1. SHNQ 2.01.02-04 “Bino va inshootlarning yongʻin xavfsizligi” shaharsozlik normalari va qoidalarining 3.8-bandi birinchi xatboshisi quyidagi tahrirda bayon etilsin:

“3.8. Baland binolar yuqori bosimli yongʻin oʻchirish avtonasosi hamda balandligi kamida 50 m boʻlgan avtonarvon (tirsakli koʻtargich) bilan jihozlangan yongʻin-qutqaruv deposining xizmat koʻrsatish hududida joylashtiriladi.

Bunda yongʻin-qutqaruv deposidan baland binogacha boʻlgan masofa umumiy foydalanishdagi avtomobil yoʻllari boʻyicha hisoblangan eng qisqa harakatlanish marshruti asosida aniqlanadi hamda 3 000 m dan oshmasligi lozim.”.

2. Mazkur buyruq Oʻzbekiston Respublikasi Favqulodda vaziyatlar vazirligi va Vazirlar Mahkamasi huzuridagi Qurilish va uy-joy kommunal xoʻjaligi sohasida nazorat qilish inspeksiyasi bilan kelishilgan.

3. Mazkur buyruq rasmiy eʼlon qilingan kundan eʼtiboran kuchga kiradi.

Vazir SH. XIDOYATOV

Toshkent sh.,

2026-yil 12-may,

01/2-19-son

Kelishildi:

Favqulodda vaziyatlar vaziri A. IKRAMOV

2026-yil 30-aprel

Qurilish va uy-joy kommunal xoʻjaligi sohasida nazorat qilish inspeksiyasi rahbari S. ESHQUVVATOV

2026-yil 29-aprel