Oʻzbekiston Respublikasi Davlat budjetining kassa ijrosi toʻgʻrisida (591-son)

13.01.1999

Yoʻriqnoma

[Oʻzbekiston Respublikasi Adliya vazirligi tomonidan 1999-yil 13-yanvarda 591-son bilan davlat roʻyxatidan oʻtkazilgan]

Ushbu Yoʻriqnoma Oʻzbekiston Respublikasining “Oʻzbekiston Respublikasi Markaziy banki toʻgʻrisida”gi Qonunining 3-moddasiga, “Banklar va bank faoliyati toʻgʻrisida”gi Qonunining 27-moddasiga asosan Davlat budjetining kassa ijrosini amalga oshirish va uning hisobini yuritish qoidalarini belgilaydi.

Umumiy qoidalar

1.1. Oʻzbekiston Respublikasi Vazirlar Mahkamasi tomonidan taqdim qilingan Davlat budjeti Oliy Majlis sessiyasida tasdiqlanadi.

1.2. Oʻzbekiston Respublikasi Davlat budjeti oʻz ichiga Respublika budjetini, Qoraqalpogʻiston Respublikasi budjetini, viloyat, shahar va tumanlar budjetlarini birlashtiradi.

1.3. Umumlashgan Davlat budjetini Davlat budjeti va budjetdan tashqari fond mablagʻlari tashkil etadi. Budjetdan tashqari fondlarga quyidagilar kiradi: Davlat Mulk qoʻmitasi fondi, Respublika yoʻl fondi, Bandlik xizmati fondi va Pensiya fondi.

1.4. Oʻzbekiston Respublikasi Markaziy bankining asosiy vazifalaridan biri “Oʻzbekiston Respublikasi Markaziy banki toʻgʻrisida”gi Qonunga asosan Oʻzbekiston Respublikasi Moliya vazirligi bilan birgalikda Davlat budjetining kassa ijrosini taʼminlashdir.

1.5. Markaziy bankning topshirigʻi boʻyicha barcha banklar “Banklar va bank faoliyati toʻgʻrisida”gi Qonunga asosan Oʻzbekiston Respublikasi Davlat budjetining kassa ijrosi boʻyicha operatsiyalarni amalga oshiradilar.

1.6. Oʻzbekiston Respublikasi Davlat budjeti boʻyicha xizmat koʻrsatuvchi banklar quyidagi operatsiyalarni amalga oshiradilar:

1.6.1. Davlat soliqlari va daromadlari tushumlari hisobidan moliya boʻlimlari tomonidan oʻrnatilgan norma asosida mahalliy budjetlarga ajratmalar qilish;

1.6.2. Respublika yoʻl fondiga ajratilgan mablagʻlarni oʻtkazish;

1.6.3. Respublika budjetining daromadlar va xarajatlar hisobini yuritish, daromadlar boʻyicha Davlat budjetining kassa ijrosi toʻgʻrisidagi hisobotni moliya boʻlimlari va soliq organlari bilan kelishilgan holda belgilangan muddatda Markaziy bankning Hududiy Bosh boshqarmalariga taqdim etish;

1.6.4. Davlat budjetiga soliqlar va daromadlarni, shuningdek Davlat ijtimoiy sugʻurta va Bandlik xizmati fondiga toʻlovlarni oʻz vaqtida oʻtkazish uchun korxonalar, tashkilotlar va muassasalar tomonidan toʻlov topshiriqnomalari taqdim etilishini nazorat qilish;

1.6.5. Respublika va mahalliy budjetlar qaramogʻidagi tashkilotlar va muassasalarga kassa va hisob-kitob xizmatlarini koʻrsatish, shu jumladan Markaziy bankning koʻrsatmalariga asosan budjet va budjetdan tashqari mablagʻlarning berilishini nazorat qilish.

1.7. Oʻzbekiston Respublikasi banklarida Davlat budjetining kassa ijrosi boʻyicha operatsiyalarning hisobi quyidagi balans hisobvaraqlarda yuritiladi:

1.7.1. Markaziy bankning Hisob-kitob kassa markazlarida:

21502 “Hukumat boshqaruv organlarining talab qilib olinguncha depozitlari”

21506 “Boshqa vazirliklar va muassasalarning talab qilib olinguncha depozitlari”

21508 “Budjetdan tashqari tashkilotlarning talab qilib olinguncha depozitlari”

1.7.2. Tijorat banklarida:

20202 “Hukumat va mahalliy hokimiyatning talab qilib olinguncha depozitlari”

20204 “Budjet tashkilotlarning budjetdan tashqari mablagʻlari boʻyicha talab qilib olinguncha depozitlari”

1.7.3. Markaziy bankning Hisob-kitob kassa markazlarida va tijorat banklarida:

23402 “Respublika budjetining mablagʻlari”

23404 “Respublika qaramogʻidagi budjet muassasalarining mablagʻlari”

23426 “Mahalliy hokimiyatning budjet hisobvaraqlari-tuman/shahar”

23430 “Mahalliy hokimiyatning budjet hisobvaraqlari — Viloyat”

23432 “Mahalliy hokimiyatning budjet hisobvaraqlari—Qoraqalpogʻiston Respublikasi”

1.8. Moliya vazirligining 23402 “Respublika budjeti mablagʻlari” hisobvaragʻiga quyidagi mablagʻlar kirim qilinadi:

1.8.1. Davlat budjetiga kelib tushgan soliqlar va daromadlar hisobidan belgilangan miqdorda qilingan ajratmalar summasi;

1.8.2. Oʻzbekiston Respublikasi Markaziy banki tomonidan berilgan qisqa muddatli qarz summasi;

1.8.3. Davlat qisqa muddatli obligatsiyalarini sotishdan kelib tushgan mablagʻlar;

1.8.4. Moliya vazirligining boshqa depozit hisobvaraqlaridagi mablagʻlar.

1.9. Respublika budjeti hisobidan qilinadigan barcha xarajatlar Oʻzbekiston Respublikasi Moliya vazirligining 23402 “Respublika budjetining mablagʻlari” balans hisobvaragʻidagi qoldiq miqdorida amalga oshiriladi.

1.10. Respublika budjeti holatini oʻrganish va hisob-kitoblarni tartibga solish uchun qabul qilinadigan chora-tadbirlar Oʻzbekiston Respublikasi Moliya vazirligi bilan kelishilgan holda Markaziy bank tomonidan amalga oshiriladi.

1.11. Davlat budjetining kassa ijrosi boʻyicha bajarilgan ishlarning holatini tekshirish, shu jumladan hujjatli tekshirishlar, banklarning ichki auditor xodimi tomonidan amalga oshiriladi. (Bankning ichki auditor xodimi tomonidan rejali oʻtkaziladigan tekshirishlar, 1-ilovada keltirilgan).

1.12. Davlat budjetining kassa ijrosini amalga oshirishda belgilangan qoidalarga rioya etilishini nazorat qilish, qonunda koʻzda tutilgan tartibda tegishli organlar tomonidan amalga oshiriladi.

I QISM

2. OʻZBEKISTON RESPUBLIKASI DAVLAT BUDJETINING DAROMADLAR BOʻYIChA KASSA IJROSI

Umumiy koʻrsatmalar

2.1. Mulkchilik shaklidan qatʼi nazar, yuridik va jismoniy shaxslar tomonidan Davlat budjetiga oʻtkaziladigan barcha toʻlovlar Oʻzbekiston Respublikasi banklari tomonidan qabul qilinadi.

2.2. Budjetga toʻlanadigan soliq va boshqa toʻlovlar oʻz-oʻzini boshqarish organlari tomonidan qabul qilinishi va banklarga topshirilishi mumkin.

2.3. Soliq organlari alohida shahar va tumanlar boʻyicha soliq toʻlovchilarning roʻyxatini va Respublika budjetiga ular toʻlaydigan soliqlar va daromadlar roʻyxatini Oʻzbekiston Respublikasi Moliya vazirligining 1993-yil 2-fevraldagi 11-sonli “Oʻzbekiston Respublikasi budjeti daromadlari va xarajatlari tasniflagichi”da koʻrsatilgan boʻlimlari boʻyicha koʻrsatgan holda, keyingi hisobot yil uchun joriy yilning dekabr oyida, budjetning daromadlar hisobvaraqlariga xizmat koʻrsatuvchi banklarga taqdim etishlari lozim. (Daromadlarning shartli hisobvaragʻi, boʻlimi, paragrafi, simvoli 2-ilovada keltirilgan).

2.4. Mahalliy soliqlar va daromadlar boʻyicha soliq toʻlovchilarning roʻyxatida, ular tomonidan toʻlanadigan soliqlar va daromadlarning nomi, toʻlovlar qaysi mahalliy budjetga oʻtkazilishi va moliya boʻlimlarining (viloyat, shahar va tuman) tegishli hisobvaraqlari koʻrsatilgan boʻlishi lozim.

2.5. Soliq organlari yil davomida soliq toʻlovchilar, shuningdek soliqlar tarkibidagi oʻzgarishlar toʻgʻrisida banklarga yozma ravishda xabar berishlari shart.

2.6. Budjetga oʻtkaziladigan toʻlovlar soliq toʻlovchilar (yuridik shaxslar) tomonidan, toʻlov summasidan qatʼi nazar, pul oʻtkazish yoʻli bilan amalga oshiriladi.

2.7. Jismoniy shaxslar soliq va boshqa toʻlovlarni, toʻlov summalaridan qatʼi nazar, naqd pul orqali yoki pul oʻtkazish yoʻli bilan toʻlashi mumkin.

2.8. Budjetga oʻtkazilishi lozim boʻlgan barcha turdagi toʻlovlar, toʻlovchilar joylashgan joyning oʻzida respublika va mahalliy budjetlarning hisobvaraqlari ochilgan banklarga oʻtkazib beriladi.

2.9. Oʻzbekiston Respublikasi Adliya vazirligi tomonidan 1998-yil 8-oktabrda roʻyxatga olingan 496-sonli “Oʻzbekiston Respublikasida naqd pulsiz hisob-kitoblar toʻgʻrisidagi nizom”ga asosan ayrim turdagi tovarlar boʻyicha qoʻshimcha qiymat soligʻi va aksiz soligʻi summalari tovar yetkazib beruvchilarning toʻlov talabnomalarida, toʻlov topshiriqnomalarida, bundan tashqari akkreditivlardan olingan mablagʻlar hisobvaraqlari reyestrlarida alohida ajratib koʻrsatiladi va oʻrnatilgan tartibda toʻlovchi yoki tovar yetkazib beruvchi joylashgan joyning oʻzida budjetga oʻtkaziladi.

2.10. Mahalliy budjetlarga ajratiladigan mablagʻlar tegishli budjetlarning shaxsiy hisobvaraqlariga kirim qilinadi.

2.11. Budjetga toʻlovlarni oʻtkazish uchun toʻlovchilar, tovar yetkazib beruvchilar va soliq organlari tomonidan banklarga taqdim etilgan toʻlov hujjatlarida (toʻlov topshiriqnomasi, toʻlov talabnomasi, inkasso topshiriqnomasi) soliq toʻlovchining identifikatsiya raqami (INN), soliq oluvchining identifikatsiya raqami, bundan tashqari toʻlov hujjatlari tekstida toʻlovning toʻrtta belgili simvolini va “Davlat soliq qoʻmitasi toʻlovlar maʼlumotnomasi”ga asosan toʻlovning nomi koʻrsatilishi lozim.

2.12. Bank buxgalteri toʻlov topshiriqnomasining toʻgʻri toʻldirilganligiga ishonch hosil qilib, uni toʻlovga qabul qiladi.

2.13. Soliq toʻlovchilarning talab qilib olinguncha depozit hisobvaraqlarida mablagʻi mavjud boʻlsa, ularning taqdim etgan toʻlov topshiriqnomalariga asosan soliq va daromadlar budjetga oʻtkazib beriladi.

2.14. Soliq toʻlovchilarning talab qilib olinguncha depozit hisobvaraqlarida mablagʻlari yetarli boʻlmasa banklarga taqdim etilgan toʻlov hujjatlari 2-sonli kartotekaga va koʻzda tutilmagan holatlar 90963 “Muddatida toʻlanmagan hisob-kitob hujjatlari” hisobvaragʻiga kirim qilinadi.

2.15. Soliq toʻlovchilarning talab qilib olinguncha depozit hisobvaraqlariga kelib tushgan pul mablagʻlari Oʻzbekiston Respublikasi Adliya vazirligi tomonidan 1998-yil 11-fevraldagi 406-sonli “Xoʻjalik subyektlarining bank hisobvaraqlaridan pul mablagʻlarini hisobdan chiqarish tartibi toʻgʻrisidagi yoʻriqnoma”ga asosan toʻlovlar amalga oshiriladi.

2.16. Moliya boʻlimlari va soliq organlari oʻz vaqtida budjetga oʻtkazilmagan, muddati oʻtgan toʻlovlarni undirish va boqimandalarni budjet daromadlariga kiritish uchun banklarga inkasso topshiriqnomalarini, toʻlov muddatini koʻrsatgan holda taqdim etishlari lozim. Soliq toʻlovchilarning talab qilib olinguncha depozit hisobvaraqlarida mablagʻi boʻlmasa banklarga taqdim etilgan inkasso topshiriqnomalari 2-sonli kartotekaga va koʻzda tutilmagan holatlar 90963 “Muddatida toʻlanmagan hisob-kitob hujjatlari” hisobvaragʻiga kirim qilinadi va oʻrnatilgan tartibda toʻlovlar amalga oshiriladi.

2.17. Banklarning aybi bilan soliq toʻlovchilarning toʻlov topshiriqnomalari va soliq-moliya organlarining inkasso topshiriqnomalari oʻz vaqtida ijro etilmasa, banklar har bir muddati oʻtgan kun uchun qonunda belgilangan tartibda va miqdorda penya toʻlaydi.

2.18. Davlat budjetiga oʻtkaziladigan soliqlar va daromadlar, alohida yozilgan toʻlov hujjatlariga asosan pul oʻtkazish yoʻli bilan va naqd pul bilan budjet daromadlarining shaxsiy hisobvaraqlariga kirim qilinadi.

Mahalliy budjetlarga ajratiladigan mablagʻlar tegishli budjetlarning shaxsiy hisobvaraqlariga kirim qilinadi.

2.19. Budjet daromadlarining hisobvaraqlari orqali operatsiyalar amalga oshirilsa, shu hisobraqamlardan koʻchirmalar va ilovalar soliq organlariga va tegishli daromadlarni boshqaradigan tashkilotlarga oʻrnatilgan tartibda har kuni beriladi.

2.20. Budjet daromadlari hisobvaraqlaridan koʻchirmalar qilingan kundan boshlab, uch kun mobaynida banklarga yozma eʼtiroznoma bildirilmasa, koʻchirmalar tasdiqlangan deb hisoblanadi.

2.21. Soliq organlari va daromadlarni boshqaradigan boshqa tashkilotlar va muassasalar tomonidan toʻlovlarni budjetga oʻtkazishda yoʻl qoʻyilgan kamchiliklar aniqlanganda, ular oʻzlariga xizmat koʻrsatuvchi banklarga bu haqda yozma ravishda xabar berishlari shart. Shaxsiy hisobvaraqlar boʻyicha yoʻl qoʻyilgan kamchiliklar, tuzatish orderlari bilan bartaraf etiladi.

2.22. Budjetga oʻtkazilgan mablagʻlarni kirim qilishda va hisobdan chiqarishda yoʻl qoʻyilgan kamchiliklar banklar tomonidan aniqlanganda, bu kamchiliklar tuzatish orderlari bilan mustaqil ravishda bartaraf etiladi.

2.23. Banklarga kelib tushgan soliqlar va daromadlar Respublika yoki mahalliy budjetlarga oʻtkazilishi koʻrsatilmagan boʻlsa, bu daromadlar Respublika budjeti daromadlarining 12-boʻlimi, 25-paragrafi, 62-simvoli “Boshqa tushumlar”ga kirim qilinadi. Aniqlanmagan daromad summalarini oʻtkazish bilan bogʻliq boʻlgan savollarni tegishli moliya boʻlimlari mustaqil koʻrib chiqadi.

Oʻzbekiston Respublikasi banklari tomonidan aholidan qabul qilib olingan toʻlovlarni qabul qilish va budjetga oʻtkazish

2.24. Davlat avtomobil nazorati, Davlat epidemologiya stansiyalari, hamda jarima solish huquqiga ega boʻlgan hokimiyatlarning boshqaruv komissiyalari va boshqa tashkilotlar tomonidan solingan jarimalar va yigʻimlarni, shuningdek aholi tomonidan toʻlanadigan soliqlar va boshqa toʻlov summalari banklar tomonidan budjet daromadlariga oʻtkazish uchun qabul qilinadi.

2.25. Davlat boji banklar tomonidan naqd pulda qabul qilinganda, Davlat bojini toʻlovchilarga banklar naqd pulni qabul qilganligi toʻgʻrisida kvitansiya beradi.

2.26. Banklar aholidan qabul qilib olingan toʻlovlarni oluvchilarning hisobvaraqlariga, tuzilgan shartnomaga asosan oʻtkazib beradi.

Maxsus yigʻuvchilar orqali tushadigan toʻlovlarni qabul qilish va budjetga oʻtkazish

2.27. Davlat budjeti daromadlarini oʻzlari qabul qilib olish uchun moliya boʻlimlaridan ruxsat olgan tashkilotlar maxsus yigʻuvchilar hisoblanadilar.

Bularga quyidagi tashkilotlar kirishi mumkin:

bojxonalar;

oʻrmon xoʻjaliklari;

Ichki ishlar vazirligi organlari;

Milliy xavfsizlik xizmati organlari.

2.28. Maxsus yigʻuvchilar tomonidan yigʻilgan mablagʻlar oʻrnatilgan muddatlarda naqd pul bilan banklarga topshiriladi.

Ishchi va xizmatchilarning ish haqidan ushlab qolingan soliq va badal summalarini oʻtkazish

2.29. Barcha mulkchilik shaklidagi korxonalar, tashkilotlar va muassasalar va boshqa xoʻjalik yurituvchi subyektlar tomonidan jismoniy shaxslarga beriladigan ish haqi, ragʻbatlantirish hamda mukofot summalaridan va mehnat qonunchiligida belgilangan tartibda tuzilgan mehnat shartnomasida koʻrsatilgan boshqa daromadlar hisobidan daromad soligʻi va badal summalari ushlab qolinadi.

2.30. Jismoniy shaxslarning joriy oy daromadlaridan daromad soligʻini ushlab qoladigan baʼzi xoʻjalik yurituvchi subyektlar oʻzlariga xizmat koʻrsatuvchi banklarga oyning ikkinchi yarmiga ish haqi olish uchun topshiradigan cheklar bilan bir vaqtning oʻzida ushlab qolingan daromad soligʻini budjetga oʻtkazish uchun toʻlov topshiriqnomalarini taqdim etishlari lozim.

2.31. Jismoniy shaxslarning daromadlaridan ushlab qolingan daromad soligʻini budjetga oʻtkazish uchun banklarga taqdim etilgan toʻlov topshiriqnomalarining “Toʻlov maqsadi”da yoʻriqnomaning 2.11-bandida keltirilgan rekvizitlar, shuningdek toʻlov nomi koʻrsatilgan va “ish haqidan ushlab qolingan daromad soligʻi summasi toʻliq budjetga oʻtkazildi” deb yozib qoʻyilishi lozim.

2.32. Korxonalar, tashkilotlar va muassasalar jismoniy shaxslarning joriy daromadlaridan ushlab qolingan daromad soligʻi toʻgʻrisidagi maʼlumotlarni oʻrnatilgan tartibda bevosita shu soliqlarning tushishini nazorat qiluvchi tegishli soliq organlariga va banklarga berishlari lozim.

2.33. Barcha mulkchilik shaklidagi korxonalar, tashkilotlar va muassasalar ish haqidan ushlab qolingan badal summasini Pensiya fondiga oʻtkazish uchun oyning birinchi yarmi va oyning ikkinchi yarmiga ish haqi oladigan vaqtda toʻlov topshiriqnomalarini oʻzlariga xizmat koʻrsatuvchi banklarga taqdim etishlari lozim.

2.34. Budjet qaramogʻidagi tashkilotlar va muassasalar ish haqidan ushlab qolingan badal summasini Pensiya fondiga oʻtkazib berish uchun har oyda bir marta, oyning ikkinchi yarmi uchun ish haqi olayotgan vaqtda toʻlov topshiriqnomalarini oʻzlariga xizmat koʻrsatuvchi banklarga taqdim etishlari lozim.

2.35. Pensiya fondiga badal summasini markazlashtirilgan tartibda oʻtkazib beradigan korxonalar, tashkilotlar va muassasalar bu haqda banklarga yozma ravishda xabar berishlari shart.

2.36. Ish haqidan ushlab qolingan badal summasini Pensiya fondiga oʻtkazib berish uchun taqdim etilgan toʻlov topshiriqnomalarida toʻlov nomi, qaysi davr uchun ushlab qolinganligi koʻrsatilishi lozim.

2.37. Barcha mulkchilik shaklidagi korxonalar, tashkilotlar va muassasalarning talab qilib olinguncha depozit hisobvaraqlaridagi mablagʻlari miqdoridan qatʼi nazar, budjetga va budjetdan tashqari fondlarga toʻlovlarni oʻtkazish uchun taqdim etgan toʻlov topshiriqnomalari banklar tomonidan qabul qilinadi. Talab qilib olinguncha depozit hisobvaraqlarida pul mablagʻlari yetarli boʻlsa shu zahoti toʻlanadi, agarda pul mablagʻlari yetarli boʻlmasa toʻlov topshiriqnomalari 2-sonli kartotekaga va koʻzda tutilmagan holatlar 90963 “Muddatida toʻlanmagan hisob-kitob hujjatlari” hisobvaragʻiga kirim qilinadi. Talab qilib olinguncha depozit hisobvaraqlariga kelib tushgan pul mablagʻlari Oʻzbekiston Respublikasi Adliya vazirligi tomonidan 1998-yil 11-fevraldagi 406-sonli “Xoʻjalik subyektlarining bank hisobvaraqlaridan pul mablagʻlarini hisobdan chiqarish tartibi toʻgʻrisidagi yoʻriqnoma”ga asosan toʻlovlar amalga oshiriladi.

2.38. Uzoq muddat xizmat qilgani uchun, yillik ish yakuni boʻyicha va mutaxassisligi boʻyicha belgilangan ustamalar uchun beriladigan ragʻbatlantirish summalaridan ushlab qolingan soliq summalarini budjetga oʻtkazib berish uchun toʻlov topshiriqnomalarini banklarga oʻrnatilgan tartibda naqd pul olish uchun chek topshirayotgan vaqtda taqdim etishlari lozim.

2.39. Budjetga oʻtkaziladigan soliqlar va Pensiya fondiga oʻtkaziladigan badal summalari, toʻlov summasidan qatʼi nazar, yaxlit sonlarda oʻtkaziladi. Bir yilda bir marta dekabrda tiyinlar bilan oʻtkazilishi mumkin.

2.40. Jismoniy shaxslar daromad soligʻi boʻyicha budjetga va badal summalari boʻyicha Pensiya fondiga majburiyatlari boʻlmasa, soliq toʻlovchilar banklarga toʻlov topshiriqnomalarini topshirmaydilar va bu haqda boshqa soliqlar boʻyicha taqdim etiladigan toʻlov topshiriqnomalariga qayd etishlari lozim. Boshqa soliqlar boʻyicha taqdim etiladigan toʻlov topshiriqnomalari boʻlmasa, bu haqda chekning orqa tomonining yuqori qismiga yozib qoʻyishlari lozim.

2.41. Taʼtilga chiqqanda va ishdan boʻshaganda berilgan pul mablagʻi uchun ushlab qolingan soliq va badal summalari asosiy ish haqi olinayotgan paytda oʻtkazib beriladi. Dekabr oyining ikkinchi yarmida ushlab qolingan summalar dekabr oyi oxirida oʻtkaziladi.

Qimmatbaho metallardan tayyorlangan buyumlarni va qotishmalarni tekshirib koʻrish va tamgʻalash uchun toʻlangan toʻlovlarni respublika budjetiga oʻtkazish

2.42. Barcha mulkchilik shaklidagi korxonalar, tashkilotlar va muassasalar, shuningdek alohida fuqarolar Oʻzbekiston Respublikasi Moliya vazirligi huzuridagi “Qimmatbaho metallar va qimmatbaho toshlar” qoʻmitasining sinov nazorati organlari tomonidan qimmatbaho metallardan tayyorlangan buyumlar va qotishmalarni tekshirgani va tamgʻalaganligi uchun belgilangan miqdorda toʻlangan toʻlovlar banklar tomonidan Respublika budjeti daromadlarining 12-boʻlimi, 23 paragrafi, 24-simvoli “Qimmatbaho metallardan tayyorlangan qotishmalarni va tamgʻalangan mahsulotlarni tekshirib bergani uchun toʻlovlar” ga kirim qilinadi.

2.43. Xoʻjalik yurituvchi subyektlar qimmatbaho metallardan tayyorlangan buyumlarni va qotishmalarni tekshirib koʻrgani hamda tamgʻalagani uchun toʻlovlarni toʻlov topshiriqnomalariga asosan oʻtkazadilar. Toʻlov topshiriqnomalarida inspeksiya nomi hamda toʻlov maqsadi “Tekshirish va tamgʻalash uchun toʻlovlar” deb koʻrsatilishi lozim.

2.44. Sinov nazorati organlari tomonidan tayyor buyumlar va qotishmalarni tekshirib koʻrish hamda tamgʻalash uchun qabul qilib olinganligi toʻgʻrisida berilgan kvitansiyalarga asosan jismoniy shaxslar toʻlovlarni naqd pul bilan toʻlaydilar.

2.45. Daromadlarning 12-boʻlimi, 23-paragrafi, 24-simvoli boʻyicha shaxsiy hisobvaragʻidan koʻchirmalar, ilovalari bilan birga sinov nazorat inspeksiyalariga beriladi.

Jarima summalarini budjetga oʻtkazish tartibi

2.46. Ichki ishlar vazirligi, Davlat avtomobil nazorati, sanitariya nazorati, shuningdek jarima solish huquqi berilgan boshqa tashkilotlar tomonidan solingan jarima summalari alohida ochilgan Respublika budjeti daromadlarining 12-boʻlimi, 2-paragrafi, 39-simvoli “Sanksiyalar va jarimalar boʻyicha tushumlar” shaxsiy hisobvaraqlariga oʻtkaziladi.

2.47. Jarima solish huquqi berilgan tashkilotlar va muassasalar 1-yanvar holatiga, kelib tushgan jarima summalari boʻyicha yillik hisobot maʼlumotlarini Davlat budjeti daromadlariga xizmat koʻrsatuvchi banklar bilan oʻrnatilgan tartibda tasdiqlashlari lozim.

Davlat bojini, shuningdek xoʻjalik sudlari tomonidan koʻrib chiqilgan ishlar uchun olinadigan yigʻimlarni qabul qilish va oʻtkazish

2.48. Yuridik va jismoniy shaxslar davlat bojini toʻlovchilar boʻlib hisoblanadilar. Davlat boji Respublika va mahalliy budjet daromadlariga oʻtkazilishi mumkin. Respublika budjetiga oʻtkaziladigan Davlat boji Oʻzbekiston Respublikasi Moliya vazirligining 1993-yil 2-fevraldagi 11-sonli “Oʻzbekiston Respublikasi budjeti daromadlari va xarajatlari tasniflagichi”ning 11 boʻlimida aks ettiriladi.

2.49. Davlat bojini yigʻuvchi Davlat organlari Davlat bojining Respublika yoki mahalliy budjetlar daromadlariga oʻtkazilishini aniqlaydi va boj toʻlovchilarga xabar qiladilar.

2.50. Yuridik va jismoniy shaxslar tomonidan Davlat boji pul oʻtkazish yoʻli bilan yoki naqd pul bilan toʻlanishi mumkin.

2.51. Boj naqd pul bilan toʻlanganda umumiy rekvizitlardan tashqari toʻlov nomi va qaysi tashkilotga nisbatan daʼvo uchun Davlat bojini toʻlayotganligi koʻrsatilishi lozim.

2.52. Davlat bojini toʻlash uchun yuridik shaxslar tomonidan banklarga taqdim etilgan toʻlov topshiriqnomalarida qabul qilingan umumiy rekvizitlardan tashqari yuqorida 2.55-bandida koʻrsatilgan qoʻshimcha rekvizitlar koʻrsatilishi shart. Davlat bojining oʻtkazilishi ustidan nazoratni amalga oshirish maqsadida toʻlov topshiriqnomalari, zarur hollarda, qoʻshimcha nusxa bilan taqdim etiladi.

2.53. Tumanlarga boʻlingan shaharlarda Davlat boji shahar hokimiyatining qaroriga asosan shahar budjetiga oʻtkaziladi.

2.54. Davlat boji toʻlov topshiriqnomalariga asosan oʻtkazilganda bank buxgalteri tomonidan boj toʻlovchilarga qaytarib beriladigan toʻlov topshiriqnomasining old yoki orqa tomoniga “Budjet daromadiga soʻ kiritildi” deb (raqam va soʻz bilan) yozib qoʻyilishi lozim. Bu yozuv buxgalterdan tashqari bankning bosh buxgalteri yoki uning oʻrinbosari tomonidan imzolanishi va bank muhri bilan tasdiqlanishi lozim.

2.55. Ortiqcha yoki notoʻgʻri oʻtkazilgan Davlat boji summalari yuridik va jismoniy shaxslarga moliya boʻlimlari tomonidan qaytariladi.

Soliqlar va daromadlardan Respublika budjetiga va mahalliy budjetlarga ajratmalar miqdori toʻgʻrisida banklarga xabar berish tartibi

2.56. Oʻzbekiston Respublikasi Oliy Majlis sessiyasi tomonidan soliqlar va daromadlardan Respublika budjetiga va mahalliy budjetlarga ajratmalar miqdori tasdiqlanadi.

2.57. Soliqlar va daromadlardan Respublika budjetiga va mahalliy budjetlarga ajratmalar miqdori toʻgʻrisida Qoraqalpogʻiston Respublikasi, Toshkent shahar va viloyatlar moliya boʻlimlariga hamda banklarga quyidagi tartibda yetkaziladi:

2.57.1. Qoraqalpogʻiston Respublikasi, viloyatlar va Toshkent shahar budjetiga ajratmalar miqdori Oʻzbekiston Respublikasi Moliya vazirligi va Oʻzbekiston Respublikasi Markaziy banki bilan birgalikda tayyorlangan telegramma (modemogramma) viloyat moliya boshqarmalariga va Markaziy bankning Hududiy Bosh boshqarmalariga yuboriladi;

2.57.2. Shahar va tuman budjetlariga ajratmalar miqdori viloyat moliya boshqarmalari hamda Markaziy bankning Hududiy Bosh boshqarmalari tomonidan xabar qilinadi;

2.57.3. Tumanlarga boʻlingan shaharlar boʻyicha tuman budjetlariga ajratmalar miqdori shahar moliya boʻlimi tomonidan Davlat budjeti daromadlariga xizmat koʻrsatuvchi banklarga maʼlum qilinadi.

2.58. Davlat soliqlari va daromadlaridan mahalliy budjetlarga ajratmalar miqdori, qoidaga asosan butun sonlarda belgilanadi. Ayrim hollarda, budjetni balansga keltirish zaruriyati tugʻilganda ajratmalar miqdori butun sonlarda oʻnlik kasr bilan belgilanishi mumkin.

2.59. Soliqlar va daromadlardan mahalliy budjetlarga ajratmalar miqdori joriy yil davomida oʻzgarsa, bu haqda ushbu Yoʻriqnomaning 2.57-bandida bayon etilgan tartibda xabar qilinadi.

2.60. Banklar mahalliy budjetlarga ajratmalarning yangi miqdorini olganlaridan keyin, agar ajratmaning yangi miqdori yil boshidan oʻzgartirishni talab qilsa, olgan kunning ertasidan boshlab joriy yil boshidan buyon oʻtgan davr uchun qaytadan hisob-kitob qilishlari shart.

Davlat soliqlari va daromadlaridan Qoraqalpogʻiston Respublikasi budjetiga va mahalliy budjetlarga ajratmalar ajratish tartibi

2.61. Davlat soliqlari va daromadlarining kunlik tushumlaridan Qoraqalpogʻiston Respublikasi budjetiga va mahalliy budjetlarga (viloyat, shahar, tuman) ajratmalar Davlat budjeti daromadlariga xizmat koʻrsatuvchi banklar tomonidan dastur asosida avtomatlashgan holda belgilangan foizlar asosida, zarur boʻlgan hollarda, qoʻl yordamida amalga oshiriladi.

2.62. Respublika budjetining soliqlari yoki daromadlaridan mahalliy budjetlarga ajratmalar, daromadlarning alohida turi boʻyicha shaxsiy hisobvaraqlarning debetida aks ettiriladi.

2.63. Respublika budjetiga kelib tushgan Davlat soliqlari va daromadlaridan mahalliy budjetlarga ajratmalar soʻm va tiyinlarda hisobga olinadi.

2.64. Qoraqalpogʻiston Respublikasi budjetiga va mahalliy budjetlarga ajratmalarni oʻtkazish uchun banklar ikki nusxada 04028417-shakldagi qaydnomani tuzadilar (3-ilovada namuna keltirilgan).

2.65. Qaydnomaning birinchi nusxasi “Respublika budjeti daromadlari” hisobvaraqlarining debeti va moliya boʻlimlarining talab qilib olinguncha depozit hisobvaraqlari krediti boʻyicha buxgalteriya yozuvlari uchun foydalaniladi va bankning kunlik hujjatlariga tikiladi, qaydnomaning ikkinchi nusxasi hisobvaraqlarning koʻchirmasi bilan birga tegishli moliya boʻlimlariga beriladi.

2.66. Agar tumanlarga boʻlingan shaharlar boʻyicha Respublika budjetiga kelib tushgan soliqlar va daromadlardan shahar va tuman budjetlariga ajratmalar ajratilganda, ajratmalar boʻyicha uch nusxada qaydnoma tuziladi (3-a ilovada namuna keltirilgan).

2.67. Mahalliy budjetlarga qilingan ajratmalar va 23426, 23430, 23432 balans hisobvaraqlariga oʻtkazilgan mablagʻlar boʻyicha qaydnomalarni va alohida tuzilgan naqd pulsiz kirim-chiqim orderlarini Davlat budjeti boʻyicha operatsiyalarning hisobini yurituvchi buxgalter tuzadi va imzo qoʻyadi. Bankning nazorat qiluvchi xodimi qaydnomalarda va naqd pulsiz kirim-chiqim orderlarida mahalliy budjetlarga oʻtkaziladigan soliqlar va daromadlar summalari tegishli shaxsiy hisobvaraqlari boʻyicha toʻgʻri koʻrsatilganligini, qilingan ajratmalar belgilangan foizlar boʻyicha toʻgʻri hisoblanganligini tekshirishi shart.

2.68. Davlat budjeti daromadlari boʻyicha operatsiyalarni amalga oshiruvchi banklarda moliya boʻlimlarining (Qoraqalpogʻiston Respublikasi, viloyat, shahar va tuman moliya boʻlimlarining mos hisobvaraqlari boʻyicha 23426, 23430, 23432) asosiy talab qilib olinguncha depozit hisobvaraqlari ochilmagan boʻlsa, mahalliy budjetlarga ajratilgan mablagʻlarni oʻtkazish uchun moliya boʻlimlari shu banklarda ikkilamchi talab qilib olinguncha depozit (tranzit) hisobvaraqlarini ochadilar.

2.69. Moliya boʻlimlarining koʻrsatmalariga asosan banklar tomonidan ochilgan ikkilamchi talab qilib olinguncha depozit hisobvaraqlaridagi qoldiq summalar, moliya boʻlimlarining asosiy talab qilib olinguncha depozit hisobvaraqlariga oʻtkaziladi. Banklar tegishli hisobvaraqlardan koʻchirmalarni va ularga ilovalarni tegishli moliya boʻlimlariga belgilangan tartibda beradilar.

2.70. Banklar soliqlar va daromadlardan Qoraqalpogʻiston Respublikasi budjetiga va mahalliy budjetlarga ajratmalar qilishdan tashqari, mahalliy budjetlarga belgilangan foizlar asosida oʻtkaziladigan ajratmalarni quyidagicha tartibga solib boradi:

2.70.1. hisobvaraqlari bitta bankda ochilgan shahar va tuman budjetlari uchun — har kuni;

2.70.2. tumanlarga boʻlingan shaharlar uchun shahar va tuman moliya boʻlimlarining hisobvaraqlari bitta bankda ochilmagan boʻlsa — har oyning 2-chi sanasidan kechiktirmay;

2.70.3. Qoraqalpogʻiston Respublikasi budjeti va viloyatlar budjetlari boʻyicha — har oyning 2-chi sanasidan kechiktirmay;

2.71. Soliqlar va daromadlardan mahalliy budjetlarga ajratilgan ajratma summalarini kunlik tartibga solib borish lozim. Mahalliy budjetlarga haqiqatda ajratilgan ajratma summalari boʻyicha tuzilgan qaydnoma maʼlumotlari bilan daromadlar shaxsiy hisobvaraqlariga yil boshidan kelib tushgan mablagʻlardan mahalliy budjetlarga ajratilishi mumkin boʻlgan ajratma summalarini taqqoslashi lozim.

2.72. Soliqlar va daromadlardan ajratmalar tuman (shahar) budjetlariga toʻliq, ajratilmagan boʻlsa, u joriy kun tushumi hisobidan mahalliy budjetlarga oʻtkazadilar. Agar tuman budjetlariga yirik miqdorda ortiqcha mablagʻlar ajratilgan boʻlsa, tegishli tumanlarning moliya boʻlimlari 23426 talab qilib olinguncha depozit hisobvaraqlaridan ortiqcha ajratilgan summalarni Markaziy bankning Hududiy Bosh boshqarmasi Hisob-kitob kassa markazlarida ochilgan Moliya vazirligining 23402 tranzit hisobvaragʻiga oʻtkazish uchun oʻzlariga xizmat koʻrsatuvchi banklarga toʻlov topshiriqnomalarini taqdim etishlari lozim. Kam miqdorda ortiqcha oʻtkazilgan mablagʻlarni joriy kun tushumidan ajratmalar qilinayotganda tartibga solishga va oʻtkazishga ruxsat beriladi.

2.73. Moliya boʻlimlarining talab qilib olinguncha depozit hisobvaraqlarida yetarli mablagʻlari boʻlmasa, yoki mutlaqo yoʻq boʻlsa, ortiqcha ajratilgan mablagʻlar summalari kunlik daromadlar tushumi hisobidan yoki yuqori moliya boʻlimlarining hisobvaraqlaridan oʻtkaziladi.

2.74. Mahalliy budjetlarga qilingan ajratmalarni tartibga solishdagi barcha oʻzgarishlar operativ hisobotda va hisobdan tashqarida aks ettirilishi lozim.

2.75. Tumanlarga boʻlingan shaharlar budjetlari boʻyicha ajratmalarni tartibga solish, shahar va tuman budjet hisobvaraqlari bitta bankda ochilgan boʻlsa, yuqorida koʻrsatilgan tartibda amalga oshiriladi.

2.76. Markaziy bankning Hududiy Bosh boshqarmalari viloyat moliya boshqarmalari bilan birgalikda Davlat soliqlari va daromadlari hisobidan Qoraqalpogʻiston Respublikasi va viloyatlar budjetlariga ajratilgan mablagʻlar oyda tartibga solib boradi.

2.77. Davlat soliqlari va daromadlari hisobidan Qoraqalpogʻiston Respublikasi budjetiga va viloyatlar budjetlariga toʻliq oʻtkazilmagan yoki ortiqcha oʻtkazilgan summalar Qoraqalpogʻiston Respublikasi Moliya vazirligining va viloyat moliya boshqarmalarining toʻlov topshiriqnomalariga asosan tartibga solinadi.

2.78. Dekabr oyida tartibga solingan summalar natijasi shaxsiy hisobvaraqlarda hisobot yilning 31-dekabr holatiga aks ettiriladi.

2.79. Qoraqalpogʻiston Respublikasi Moliya vazirligi va viloyatlar moliya boshqarmalari Qoraqalpogʻiston Respublikasi budjetiga va viloyatlar budjetlariga ajratma qilinmagan mablagʻlarni 23402 Respublika budjeti daromadlarining tranzit hisobvaragʻidan tegishli moliya boʻlimlarining 23432 yoki 23430 talab qilib olinguncha depozit hisobvaraqlariga oʻtkazib berish uchun Markaziy bankning Hududiy Bosh boshqarmasi Hisob-kitob kassa markazlariga toʻlov topshiriqnomalarini taqdim etishlari lozim. Bundan tashqari, Qoraqalpogʻiston Respublikasi budjetiga va viloyatlar budjetlariga toʻliq oʻtkazilmagan summalar navbatdagi daromadlar tushumlaridan oʻtkazilishi mumkin. Toʻliq ajratilmagan mablagʻlarning hisobi yoʻriqnomaning 2.95-bandiga asosan, hisobdan tashqarida olib boriladi.

2.80. Qoraqalpogʻiston Respublikasi Moliya vazirligi va viloyatlar moliya boshqarmalari Qoraqalpogʻiston Respublikasi budjetiga va viloyatlar budjetlariga ortiqcha oʻtkazilgan summalarni tegishli moliya boʻlimlarining 23432 yoki 23430 talab qilib olinguncha depozit hisobvaraqlaridan 23402 Respublika budjeti daromadlarining tranzit hisobvaragʻiga oʻtkazib berish uchun Markaziy bankning Hududiy Bosh boshqarmasi Hisob-kitob kassa markazlariga toʻlov topshiriqnomalarini taqdim etishlari lozim.

2.81. Markaziy bankning Hududiy Bosh boshqarmasi Hisob-kitob kassa markazlari taqdim etilgan toʻlov topshiriqnomalariga asosan Qoraqalpogʻiston Respublikasi budjetiga yoki viloyat budjetlariga ortiqcha oʻtkazilgan summalarni Markaziy bankning Toshkent shahar bosh boshqarmasi Hisob-kitob kassa markazida ochilgan Oʻzbekiston Respublikasi Moliya vazirligining 23402 hisobvaragʻiga oʻtkazib berishi shart. Toʻlov topshiriqnomalarining toʻlov maqsadida “Viloyat budjetlariga ortiqcha oʻtkazilgan summalarini qaytarish, soliqlar va daromadlarning shartli shaxsiy hisobvaraqlari va ularning nomlari” koʻrsatilishi lozim.

2.82. Tumanlarga boʻlingan shaharlarning budjetlarini tartibga solishda, agar shahar va tuman budjet hisobvaraqlari bitta shaharda joylashgan alohida banklarda ochilgan boʻlsa, shahar budjetiga oʻrnatilgan foizlar miqdorida ajratilgan summalar bilan shahar budjetiga haqiqatda ajratilgan summalar oʻrtasidagi farq Markaziy bankning Hududiy Bosh boshqarmalari tomonidan qabul qilib olingan Davlat budjetining kassa ijrosi toʻgʻrisidagi oylik hisobotiga asosan aniqlanadi.

2.83. Bundan tashqari shahar budjetiga toʻliq ajratilmagan yoki ortiqcha ajratilgan mablagʻlar yoʻriqnomaning 2.81-bandida koʻrsatilgan tartibda amalga oshiriladi.

2.84. Toshkent shahri boʻyicha ajratmalarni tartibga solish shahar moliya boshqarmasi tomonidan amalga oshiriladi.

2.85. Viloyatlar budjetlariga ajratmalarni oylik tartibga solishda aniqlangan Davlat soliqlari va daromadlaridan ajratmalar boʻyicha farq summalari yoʻriqnomaning 2.82-bandlarida koʻrsatilgan tartibda Markaziy bankning Hududiy Bosh boshqarmalari Hisob-kitob kassa markazlari tomonidan moliya boshqarmalarining taqdim etgan toʻlov topshiriqnomalariga asosan amalga oshiriladi.

2.86. Markaziy bankning Hududiy Bosh boshqarmalari Hisob-kitob kassa markazlari Davlat budjetining kassa ijrosi boʻyicha tuzgan oylik hisobotlarida Qoraqalpogʻiston Respublikasi Moliya vazirligi va viloyat moliya boshqarmalari tomonidan Respublika budjetiga qaytarilgan mablagʻlar summalarini, hisobotning “Moliya vazirligining hisobvaragʻiga oʻtkazilgan avizo summalari” ustunida hamda “Mahalliy budjetga ajratmalar” ustunida (-) ishora bilan “Oʻzbekiston Respublikasi budjet daromadlari tasniflagichi”da koʻrsatilgan daromadlarning shartli shaxsiy hisobvaraqlari boʻyicha alohida ajratib koʻrsatishi lozim.

2.87. Markaziy bankning Hududiy Bosh boshqarmalari Hisob-kitob kassa markazlari mahalliy budjetlarga ortiqcha ajratilgan summalarni Respublika budjetiga oʻtkazilsa, bu summalar Qoraqalpogʻiston Respublikasi budjeti va viloyat budjetlari boʻyicha operativ hisobotning “Mahalliy budjetga ajratmalar” ustunida (-) ishora bilan koʻrsatiladi.

2.88. Markaziy bank Hududiy Bosh boshqarmalarining Buxgalteriya hisobi va hisoboti boshqarmalari Hisob-kitob kassa markaziga taqdim etilgan toʻlov topshiriqnomalariga asosan ortiqcha ajratilgan summalar Oʻzbekiston Respublikasi Moliya vazirligining hisobvaragʻiga oʻz vaqtida oʻtkazib berilganligini va Davlat budjetining kassa ijrosi boʻyicha operativ va oylik hisobotda toʻgʻri koʻrsatilganligini nazorat qilib borishi, qilingan ishlar toʻgʻrisida Oʻzbekiston Respublikasi Markaziy bankining Buxgalteriya hisobi, hisoboti va Davlat budjetining kassa ijrosi departamentiga yozma ravishda xabar qilishlari lozim.

2.89. Qoraqalpogʻiston Respublikasi budjeti va viloyat budjetlari hisobvaraqlarida yetarli mablagʻlari boʻlmasa, ortiqcha ajratilgan summalar Moliya vazirligiga toʻliq oʻtkazilgungacha kunlik mahalliy budjetlarga ajratiladigan mablagʻlar hisobidan toʻlov topshiriqnomalariga asosan oʻtkaziladi.

Budjetga notoʻgʻri yoki ortiqcha oʻtkazilgan summalarni qaytarish va oʻzaro boshqa toʻlovlar hisobiga oʻtkazish

2.90. Budjetga notoʻgʻri yoki ortiqcha oʻtkazilgan mablagʻlar soliq toʻlovchilarga Oʻzbekiston Respublikasining “Soliq kodeksi”ga asosan qaytariladi yoki oʻzaro boshqa toʻlovlar hisobiga oʻtkaziladi.

2.91. Soliq organlari soliq toʻlovchilarning arizasiga va ularning shaxsiy hisobvaraqlari maʼlumotlariga asosan soliqlarni qaytarish yoki oʻzaro boshqa toʻlovlar hisobiga oʻtkazish toʻgʻrisidagi xulosasini tegishli moliya boʻlimlariga taqdim etadi.

2.92. Moliya boʻlimlari daromadlar shaxsiy hisobvaraqlaridan soliqlarni soliq toʻlovchilarning talab qilib olinguncha depozit hisobvaraqlariga qaytarish yoki oʻzaro boshqa toʻlovlar hisobiga oʻtkazish uchun ularning summalarini koʻrsatgan holda banklarga toʻlov topshiriqnomalarini taqdim etishadi.

2.93. Soliqlar va daromadlar, mos daromadlar shaxsiy hisobvaragʻidan, Davlat budjetiga kunlik tushumlar hisobidan, mahalliy budjetlarga ajratmalar qilishdan oldin soliq toʻlovchilarga qaytariladi yoki oʻzaro boshqa toʻlovlar hisobiga oʻtkaziladi.

2.94. Qaytarilishi yoki oʻzaro boshqa toʻlovlar hisobiga oʻtkazilishi lozim boʻlgan soliqlar va daromadlar summasi tegishli soliqlar va daromadlar shaxsiy hisobvaraqlariga joriy kunda kelib tushgan mablagʻlar summasidan koʻp boʻlsa, moliya boʻlimlari tomonidan taqdim etilgan toʻlov topshiriqnomalaridagi summalar toʻliq oʻtkazilgungacha qisman toʻlashga ruxsat beriladi.

2.95. Moliya boʻlimlari tomonidan banklarga taqdim etilgan toʻlov topshiriqnomalari (toʻlanmagan yoki qisman toʻlangan) hisobdan tashqarida hisobga olib boriladi.

2.96. Oʻzaro boshqa toʻlovlar hisobiga oʻtkazish uchun moliya boʻlimlari tomonidan taqdim etilgan toʻlov topshiriqnomalariga asosan soliq va daromadlar Respublika budjeti daromadlarining mos hisobvaraqlaridan yoʻriqnomaning 2.93-bandlarida koʻrsatilgan tartibda Respublika budjeti daromadlarining mos hisobvaraqlariga oʻtkaziladi va yangi tushum kabi hisobga olinadi.

2.97. Soliq toʻlovchilarga soliqlar va daromadlar moliya boʻlimlari tomonidan banklarga taqdim etilgan toʻlov topshiriqnomalariga asosan yoʻriqnomaning 2.93-bandida koʻrsatilgan tartibda tegishli soliqlar va daromadlarning shaxsiy hisobvaraqlaridan qaytariladi.

2.98. Jismoniy shaxslarga soliq va soliqdan tashqari daromadlarni qaytarish uchun moliya boʻlimlari mustaqil ravishda qaror qabul qiladilar va uni hujjatlar bilan birga banklarga taqdim etadilar.

2.99. Soliq va daromadlarni qaytarish toʻgʻrisidagi qarorning bir nusxasi bankning kunlik hujjatlariga tikiladi.

2.100. Soliqdan tashqari daromadlarni qaytarish uchun tuzilgan hujjatlarda belgilangan rekvizitlardan tashqari quyidagilar koʻrsatilishi lozim: budjetning nomi, soliq va daromadlar qaytariladigan hisobvaragʻi, Oʻzbekiston Respublikasi Moliya vazirligining 1993-yil 2-fevraldagi 11-sonli “Oʻzbekiston Respublikasi budjeti daromadlari va xarajatlari tasniflagichi”ning boʻlimlari, budjetga oʻtkazilganligi toʻgʻrisidagi hujjatning raqami va oʻtkazilgan sanasi, oluvchining nomi va hisobvaragʻi.

2.101. Banklar moliya boʻlimlari tomonidan boshqarilmaydigan daromadlar summalari toʻgʻrisidagi maʼlumotlarni tasdiqlashi mumkin.

II QISM

3. OʻZBEKISTON RESPUBLIKASI DAVLAT BUDJETINING XARAJATLAR BOʻYIChA IJROSI

Umumiy koʻrsatmalar

3.1. Respublika budjeti hisobidan qilinadigan barcha amaliyotlar boʻyicha xarajatlar Moliya vazirligi tomonidan taqdim qilingan toʻlov topshiriqnomalariga asosan amalga oshiriladi. Xarajatlar Respublika budjeti daromadlari hisobvaragʻidagi KRDSIK doirasida, Markaziy bankning Toshkent shahar Bosh boshqarmasi Hisob-kitob kassa markazida ochilgan Moliya vazirligining 23402 “Respublika budjeti mablagʻlarining” hisobvaragʻi orqali amalga oshiriladi (bank kodi 00014).

3.2. Moliya vazirligining 23402 budjet daromadlari hisobvaragʻida, xarajatlarni amalga oshirish uchun mablagʻlar yetarli boʻlmaganda, oʻrnatilgan tartibda Oʻzbekiston Respublikasi Markaziy banki bir oy muddatga qisqa muddatli kredit ajratadi.

3.3. Respublika budjeti hisobidan moliyalashtiriladigan vazirliklar, muassasalar va boshqa xoʻjalik subyektlarining hisobvaraqlariga oʻtkaziladigan mablagʻlar Moliya vazirligining toʻlov topshiriqnomalariga asosan oʻtkaziladi. Toʻlov topshiriqnomalari “toʻlov maqsadi”da xarajatlarning boʻlimi, paragrafi va turi, hisobi va analitik hisobi koʻrsatilishi lozim. (Xarajatlarning turi, hisobi va analitik hisobi 4-ilovada keltirilgan).

3.4. Vazirliklar va muassasalar oʻzlarining qaramogʻidagi korxonalar va tashkilotlarga, budjet mablagʻlarini oʻtkazish uchun taqdim etgan toʻlov topshiriqnomalarida, toʻlov maqsadi va maʼlumotnoma boʻyicha budjet boʻlinmalari koʻrsatishlari lozim.

3.5. Respublika qaramogʻidagi korxonalar va tashkilotlarga budjet mablagʻlarini hisobga olish uchun banklar tomonidan Oʻzbekiston Respublikasi Adliya vazirligi tomonidan 1998-yil 18-noyabrda roʻyxatga olingan 539-sonli “Oʻzbekiston Respublikasi banklarida ochiladigan bank hisobvaraqlari toʻgʻrisidagi” yoʻriqnomasiga asosan alohida talab qilib olinguncha depozit hisobvaraqlarini ochadilar. Hisobvaraqlarning tartib raqami Oʻzbekiston Respublikasi Adliya vazirligi tomonidan 1998-yil 16-noyabrda roʻyxatga olingan 533-sonli “Oʻzbekiston Respublikasi banklarida buxgalteriya hisobi va hisobotlari toʻgʻrisida”gi yoʻriqnomaning 5-ilovasi va Oʻzbekiston Respublikasi Moliya vazirligining 1993-yil 2-fevraldagi 11-sonli “Oʻzbekiston Respublikasi budjeti daromadlari va xarajatlari tasniflagichi”da koʻrsatilgan tartibda ochiladi.

3.6. Budjet tashkilotlari talab qilib olinguncha depozit hisobvaraqlaridan qilinadigan xarajatlar, hisobvaraqlardagi qoldiq summa doirasida amalga oshiradilar.

3.7. Debitorlik qarzlarini, hisobdor shaxslarning qarzlarini soʻndirish uchun va budjet mablagʻlarini tasarruf etuvchilar tomonidan tovar-moddiy boyliklarni sotishdan kelib tushgan mablagʻlar, hisobdor shaxslarga va debitorlik qarzlari qachon vujudga kelganligidan hamda tovar-moddiy boyliklar qachon sotib olinganidan qatʼi nazar, budjet muassasalarining banklardagi tegishli budjet hisobvaraqlariga oʻtkaziladi.

3.8. Joriy yilda olingan va foydalanilmagan naqd pullar budjet muassasalarining talab qilib olinguncha hisobvaraqlarining kreditiga kirim qilinadi. Budjet tashkilotlari kassalariga banklardan naqd pullar olingan va u yangi yilning 1-yanvarigacha banklarga qaytarilmagan boʻlib, ular yangi yil hisobida qaytarilsa, naqd pullar budjet daromadlarining “Yigʻimlar va turli soliqdan tashqari daromadlar” boʻlimining “Boshqa tushumlar” paragrafida hisobga olinadi.

3.9. Budjet hisobvaraqlariga boshqa manbalardan mablagʻlar oʻtkazish uchun ruxsat etilmaydi, quyidagilar bundan mustasno:

bolalar muassasalarini saqlash va oʻqitish uchun kelib tushadigan mablagʻlar;

korxonalar, tashkilotlar oʻz fondlari hisobidan bolalarning ovqatlanishini yaxshilash va bolalar muassasalarini kapital taʼmirlash, jihozlar va uskunalarni sotib olish, bolalar muassasalari xodimlarini mukofotlash, hamda kasb-hunar maktablariga ajratiladigan mablagʻlar;

“Oʻzbekiston” Davlat teleradiokompaniyasi tomonidan dasturlarni, eʼlonlarni, axborotlarni va boshqa koʻrsatuvlarni koʻrsatish va eshittirishdan tushadigan daromadlari;

budjet muassasalari tomonidan bino va inshootlarni kapital taʼmirlashni moliyalashtirish uchun budjetdan tashqari talab qilib olinguncha depozit hisobvaraqlaridan budjet mablagʻlari boʻyicha talab qilib olinguncha depozit hisobvaraqlariga oʻtkaziladigan, shartnomalar asosida bajarilgan ishlar va boshqa budjetdan tashqari mablagʻlar.

Amaliyot xarajatlarini moliyalashtirishda, agar shu maqsadlar uchun shaxsiy mablagʻlar ajratish koʻzda tutilgan boʻlsa;

Oʻzbekiston Respublikasi Moliya vazirligi va Markaziy bank koʻrsatmalariga muvofiq hamda qonunda koʻzda tutilgan hollarda budjet mablagʻlari boʻyicha talab qilib olinguncha depozit hisobvaraqlariga mablagʻlar oʻtkazilganda.

3.10. Pul hisob-kitob hujjatlari Oʻzbekiston Respublikasi Adliya vazirligi tomonidan 1998-yil 8-oktabrda roʻyxatga olingan 496-sonli “Oʻzbekiston Respublikasida naqd pulsiz hisob-kitoblar toʻgʻrisidagi nizom”ga asosan banklarga taqdim etiladi.

3.11. Oʻzbekiston Respublikasi Ichki ishlar vazirligi, Milliy xavfsizlik xizmati, Favqulodda holatlar vazirligi va Davlat bojxona qoʻmitasi, Mudofaa vazirligining harbiy qismlari, hisob-kitob pul hujjatlarida, toʻlov maqsadlarini koʻrsatmaydilar.

3.12. Respublika budjeti qaramogʻidagi tashkilotlar va muassasalarga ish haqi toʻlash uchun mablagʻlar, Moliya vazirligi yoki tegishli moliya boʻlimlaridan roʻyxatdan oʻtkazilgan xodimlar roʻyxati (shtatlar) jadvali va xarajatlar smetasiga asosan, belgilangan muddatlarda beriladi. (Tashkilotlar va muassasalar oʻzlariga xizmat koʻrsatuvchi banklarga moliya boʻlimlari tomonidan roʻyxatdan oʻtkazilgan xarajatlar smetasining nusxasini taqdim etishlari lozim).

3.13. Ish haqi berish uchun pul mablagʻlari berilganda, banklar oʻrnatilgan tartibda ishchi va xizmatchilarning ish haqidan ushlab qolingan soliqlarni budjetga, shuningdek Pensiya fondiga badal summalarini va boshqa toʻlovlarni oʻtkazish uchun toʻlov topshiriqnomalarini talab qiladilar.

3.14. Korxonalar, tashkilotlar va muassasalarga 23404 “Respublika qaramogʻidagi budjet muassasalarining mablagʻlari” hisobvaragʻidan mablagʻlar joriy chorak uchun ajratilgan va joriy yilning oldingi choraklarida foydalanilmagan mablagʻlar miqdorida beriladi. Joriy yilning 31-dekabrini hisobga olgan holda Respublika budjeti hisobidan mablagʻlar ajratiladi.

3.15. Budjet tashkilotlari bilan yetkazib berilgan tovarlar va koʻrsatilgan xizmatlar uchun hisob-kitoblar qilinganda, banklar Oʻzbekiston Respublikasi Adliya vazirligi tomonidan 1998-yil 8-oktabrda roʻyxatga olingan 496-sonli “Oʻzbekiston Respublikasida naqd pulsiz hisob-kitoblar toʻgʻrisidagi nizom”dan foydalangan holda, quyidagilarga amal qiladilar:

3.15.1. budjet mablagʻlari hisobidan ochilgan akkreditivlarning ijro muddati joriy yilning 31-dekabrida tugaydi. Budjet hisobvaraqlardan 20-dekabrdan boshlab oʻtkaziladigan akkreditiv topshiriqnomalarida toʻlov maqsadida “akkreditiv joriy yilning 31-dekabrni hisobga olgan holda amal qiladi” deb koʻrsatilishi lozim.

3.15.2. mol yetkazib beruvchilarga xizmat koʻrsatuvchi banklar 31-dekabr kuni budjet mablagʻlari hisobidan ochilgan akkreditivlarning foydalanilmagan qoldiq summalarini akkreditivlarni ochgan budjet muassasalarning hisobvaraqlariga oʻtkazib berishlari shart.

3.15.3. joriy yilning 16-dekabridan boshlab budjet muassasalari hisobvaraqlaridan boʻnaklar berish toʻxtatiladi, quyidagi hollar bundan mustasno: dekabr oyidagi xizmat safarlari uchun beriladigan boʻnak summalari, bolalar va davolash muassasalari uchun sotib olinadigan oziq-ovqatlar uchun, bu haqda toʻlov hujjatlari va cheklarda koʻrsatilishi kerak.

3.16. Tashkilot va muassasalarning 23404 “Respublika qaramogʻidagi budjet muassasalarining mablagʻlari” hisobvaraqlaridan budjet mablagʻlarini, ularning budjetdan tashqari talab qilib olinguncha depozit hisobvaraqlariga (maxsus mablagʻlar summalari va topshiriqnoma boʻyicha summalari) oʻtkazishga ruxsat etilmaydi, quyidagi hollar bundan mustasno:

3.16.1. xarajatlar notoʻgʻri qilinganda oʻtkazilgan mablagʻlar;

3.16.2. budjet mablagʻlaridan tadbirlarni qisman yoki toʻliq moliyalashtirish uchun ajratilgan mablagʻlarni, talab qilib olinguncha depozit hisobvaraqlaridan oʻtkazilgan xarajatlarni qoplash.

3.17. Tashkilotlar va muassasalar budjetdan tashqari talab qilib olinguncha depozit hisobvaraqlaridan mablagʻlarni 23404 “Respublika qaramogʻidagi budjet muassasalarining mablagʻlari” hisobvaragʻiga 3.16.2-bandiga asosan oʻtkazadi. Banklarga taqdim etilgan toʻlov topshiriqnomalarida bu oʻtkazmalarni oʻtkazishning sabablari va zaruriyatlari koʻrsatilgan boʻlishi lozim.

3.18. Budjet muassasalarining bir hisobvaraqlaridan ularning ikkinchi hisobvaraqlariga mablagʻlar oʻtkazilganda, har bir holatda bosh buxgalterning yoki uning oʻrinbosarining ruxsati boʻyicha amalga oshiriladi va toʻlov topshiriqnomalari ularning imzosi bilan rasmiylashtiriladi.

3.19. Xarajatlarning smetalarda koʻrsatilgan moddalar boʻyicha maqsadli ishlatilishi uchun budjet muassasasi rahbarlari javobgardirlar.

3.20. Bank xodimlari taqdim etilgan toʻlov topshiriqnomalarida barcha rekvizitlar toʻgʻri toʻldirilganligini tekshirib, hisobvaraqlarida mablagʻlari boʻlgan holda ijroga qabul qiladilar.

3.21. Budjet mablagʻlarini tasarruf etuvchilar (vazirliklar, muassasalar. boshqarmalar) budjet mablagʻlari hisobidan markaziy boshqaruv apparatini saqlash, markazlashgan tadbirlarni amalga oshirish uchun xarajatlar qilishga, shuningdek Moliya vazirligi tomonidan oʻtkazilgan mablagʻlarni quyi pogʻonadagi budjet mablagʻlarini tasarruf etuvchilar oʻrtasida taqsimlash huquqi berilgan.

3.22. Quyi pogʻonadagi budjet mablagʻlarini tasarruf etuvchilar, ularga berilgan huquq doirasiga qarab quyidagilarga boʻlinadi:

3.22.1. budjet mablagʻlarini tasarruf etuvchilar tomonidan tashkilot va muassasalar xarajatlari uchun, shuningdek budjet mablagʻlarini quyi tashkilot va muassasalar oʻrtasida taqsimlash uchun oʻtkaziladigan budjet mablagʻlarini oladigan, mustaqil smetaga ega boʻlgan korxonalar, tashkilotlar va muassasalar rahbarlari;

3.22.2. budjet mablagʻlarini tasarruf etuvchilar tomonidan smetada koʻrsatilgan tadbirlar boʻyicha qilinadigan xarajatlar uchun oʻtkaziladigan budjet mablagʻlarini oladigan, mustaqil smetaga ega boʻlgan korxonalar, tashkilotlar va muassasalar rahbarlari.

3.23. Budjet mablagʻlarini tasarruf etuvchilar va budjet tashkilotlari va muassasalarining bosh buxgalterlari budjet mablagʻlarini ularning hisobvaraqlaridagi qoldiq miqdorida maqsadga muvofiq taqsimlash va oʻtkazish uchun, shuningdek tasdiqlangan smetalar asosida mablagʻlarni toʻgʻri va tejab xarajat qilishga javobgardirlar.

Respublika budjeti hisobidan ayrim turdagi xarajatlar boʻyicha mablagʻlar ajratish

3.24. Moliya vazirligi OʻzDavlatzaxirasini Respublika budjeti hisobidan moliyalashtiradi va mablagʻlar 23416 “Maxsus maqsadlar fondi” balans hisobvaragʻiga korxonalar va tashkilotlar bilan (mulkchilik shaklidan va ularning qaysi muassasalarga boʻysunishidan qatʼi nazar) tovar-moddiy boyliklar uchun hisob-kitob qilish va safarbar etilgan zaxiralarni toʻldirish uchun oʻtkaziladi.

3.25. OʻzDavlatzaxirasi mavjud mablagʻlar doirasida javobgar saqlovchilar bilan hisob-kitob qiladi.

3.26. OʻzDavlatzaxirasi javobgar saqlovchilar bilan hisob-kitob qilish uchun, har bir javobgar saqlovchilarga 23416 “Maxsus maqsadlar fondi” balans hisobvaragʻida alohida shaxsiy hisobvaraqlar ochiladi. Ssudalar rasmiylashtirish uchun 17515 “Respublika budjetining maxsus xarajatlari” hisobvaragʻidan foydalaniladi.

Investitsiya xarajatlari

3.27. Respublika budjeti hisobidan vazirliklar va muassasalarning investitsiyalarini moliyalashtirish (kapital qoʻyilmalari) uchun mablagʻlar Moliya vazirligi tomonidan oʻtkaziladi.

3.28. Investitsiyalarni moliyalashtirish uchun budjet mablagʻlari ajratilganda, Moliya vazirligi Bosh tijorat banklarga 12-shakldagi xarajatlar jadvalini joʻnatadi.

3.29. Respublika qaramogʻidagi budjet mablagʻlarini tasarruf etuvchilar uchun banklarga berilgan 12-shakldagi xarajatlar jadvaliga va kelib tushgan budjet mablagʻlariga asosan ularga 23422 “Respublika budjetidan moliyalashtiriladigan investitsiyalar” hisobvaraqlari ochiladi. Investitsiyalarni moliyalashtirish korxonalar va tashkilotlarning oʻz mablagʻlari hamda budjet mablagʻlari hisobidan amalga oshirilsa, bu hisobvaraqlarga korxonalar va tashkilotlar oʻz mablagʻlari hisobidan mablagʻlar oʻtkazadi. Buyurtmachilar bilan hisob-kitoblar shu hisobvaraqlar orqali amalga oshiriladi.

3.30. Investitsiyani moliyalashtirishga ajratilgan mablagʻlar hisobidan xarajatlar birinchi navbatda korxona va tashkilotlarning oʻz mablagʻlaridan, soʻngra Respublika budjeti mablagʻlaridan amalga oshiriladi. Budjet mablagʻlarining foydalanilmagan qoldigʻi yil oxirida Moliya vazirligi hisobvaragʻiga oʻtkaziladi.

3.31. Oʻzbekiston Respublikasi Moliya vazirligiga hududlar boʻyicha koʻzda tutilayotgan barcha soliqlar va toʻlovlarning toʻliq tushishini hisobga olgan holda hududlarning ijtimoiy-iqtisodiy rivojlanishini taʼminlash uchun, shu hududlarga maqsadli subvensiyalar berish huquqi berilgan.

Respublika budjetidan xalq banki filiallariga mablagʻlar oʻtkazish

3.32. Oʻzbekiston Respublikasi Moliya vazirligi Respublika budjeti mablagʻlari hisobidan Mudofaa vazirligi, Ichki ishlar vazirligi, Milliy xavfsizlik xizmati, Favqulodda holatlar vazirligi va Davlat bojxona qoʻmitasi pensionerlariga pensiya va nafaqa toʻlash uchun Xalq banki filiallariga mablagʻlar ajratadi.

3.33. Rejalashtirilayotgan yilda pensiya va nafaqalar summasini aniqlash uchun vazirliklar va boshqarmalar Moliya vazirligiga joriy yilning 1-iyunigacha budjet talabnomalarini taqdim etadilar.

3.34. Banklar Respublika budjeti hisobidan Xalq banklariga quyidagi maqsadlar uchun oʻtkazmalarni amalga oshiradilar:

pul-buyum lotoreyalar yutuqlarini toʻlash va ularni oʻtkazish bilan bogʻliq boʻlgan boshqa xarajatlar uchun oʻtkaziladigan mablagʻlar;

Respublika ahamiyatidagi pensionerlarga pensiya toʻlash uchun oʻtkaziladigan mablagʻlar;

Oʻzbekiston Respublikasi orden va medallari bilan taqdirlangan shaxslarga mukofotlar toʻlash uchun oʻtkaziladigan mablagʻlar;

Oʻzbekiston Respublikasining 1992-yilgi ichki Davlat zaymi boʻyicha yutuqlarni toʻlash uchun oʻtkaziladigan mablagʻlar.

Mudofaa vazirligining tashkilotlari, muassasalari va harbiy qismlari hisobvaraqlari boʻyicha operatsiyalar

3.35. Oʻzbekiston Respublikasi Mudofaa vazirligining taʼminlovchi (dovolstvuyuщim) moliya boʻlimlariga moliyaviy operatsiyalarni amalga oshirish, budjet mablagʻlarini hisobga olish va tasarruf etish uchun Markaziy bankning Hududiy bosh boshqarmasi Hisob-kitob kassa markazlarida 23404 “Respublika budjeti qaramogʻidagi muassasalarining mablagʻlari” budjet hisobvaraqlari, 21506 “Boshqa vazirliklar va muassasalarning talab qilib olinguncha depozitlari” talab qilib olinguncha depozit hisobvaraqlari ochiladi.

3.36. Bundan tashqari Oʻzbekiston Respublikasi banklarida Mudofaa vazirligining tashkilotlari, muassasalari va harbiy qismlariga quyidagi hisobvaraqlar ochiladi:

21506 “Boshqa vazirliklar va muassasalarning talab qilib olinguncha depozitlari” hisobvaraqlari, Markaziy bankda;

21508 “Boshqa vazirliklar va muassasalarning talab qilib olinguncha depozitlari” hisobvaraqlari, Markaziy bankda;

20204 “Budjet tashkilotlarning budjetdan tashqari mablagʻlari boʻyicha talab qilib olinguncha depozitlari” hisobvaraqlari, Tijorat banklarida;

3.37. Mudofaa vazirligi tashkilotlari, muassasalari va harbiy qismlariga hisobvaraqlar moliya boshqarmalarining maxsus ruxsatnomalariga va Markaziy bankning “Oʻzbekiston Respublikasi Ichki ishlar vazirligi, Milliy xavfsizlik xizmati, Favqulodda holatlar vazirligi va Davlat bojxona qoʻmitasi, Mudofaa vazirligining harbiy qismlari, korxonalari, tashkilotlari va muassasalariga bank hisobvaraqlarini ochish qoidalari”ga asosan ochiladi.

3.38. Mudofaa vazirligining tashkilotlari, muassasalari va harbiy qismlari budjetdan tashqari mablagʻlari boʻyicha talab qilib olinguncha depozit hisobvaraqlarida budjet va budjetdan tashqari mablagʻlarini saqlashi mumkin. Bu hisobvaraqlarga mahalliy budjetdan kelib tushgan mablagʻlarni ham oʻtkazishi mumkin.

3.39. Mudofaa vazirligining tashkilotlari, muassasalari, Harbiy qismlari va taʼminlovchi moliya boʻlimlariga budjet va budjetdan tashqari mablagʻlari boʻyicha talab qilib olguncha depozit Hisobvaraqlaridan naqd pullar toʻlov maqsadi koʻrsatilmagan cheklar (oluvchining ismi va familiyasi koʻrsatiladi) boʻyicha beriladi.

3.40. Shuningdek Mudofaa vazirligining tashkilotlari, muassasalari, harbiy qismlari va taʼminlovchi moliya boʻlimlari tomonidan taqdim etilgan toʻlov topshiriqnomalarida toʻlov maqsadi koʻrsatilmaydi, uning oʻrniga budjet va budjetdan tashqari mablagʻlar boʻyicha talab qilib olinguncha depozit hisobvaraqlari va “Harbiy” soʻzi koʻrsatiladi.

3.41. Mol yetkazib beruvchilar bilan hisob-kitob qilishda toʻlov topshiriqnomalarning “toʻlov maqsadi”da hisobvaraq-fakturaning raqami va sanasi koʻrsatiladi, tovar va xizmatlarning nomi yozilmaydi.

3.42. Mudofaa vazirligining taʼminlovchi moliya boʻlimlari mablagʻlarni bir vaqtning oʻzida bir necha harbiy qismlarga va boshqa muassasalarga oʻtkazish uchun taqdim etgan toʻlov topshiriqnomalari bilan oʻtkazmalar qaydnomasini va 5-ilovada keltirilgan xabarnomalarni ilova qilib berishi lozim. Oʻtkazmalar qaydnomasining har bir varagʻiga mansabdor shaxslar tomonidan imzolanadi va taʼminlovchi moliya boʻlimlari tomonidan muhr qoʻyilishi lozim, bundan tashqari oʻtkazmalarning umumiy summasi soʻz bilan eng oxirgi qaydnomada koʻrsatiladi.

3.43. Mablagʻlarni oʻtkazish uchun taqdim etilgan toʻlov topshiriqnomalari bilan oʻtkazmalar qaydnomasi, xabarnomalarsiz ilova qilinadi. Taʼminlovchi moliya boʻlimlari, oʻtkazilgan mablagʻlar toʻgʻrisidagi xabarnomalarni tashkilotlar, muassasalar, harbiy qismlarga yuborishi lozim (6-ilova).

3.44. Mablagʻlar bir vaqtning oʻzida bir necha harbiy qismlarga, tashkilotlar va muassasalarga toʻlov topshiriqnomalariga asosan oʻtkaziladi va uning “Toʻlov maqsadi”da Mudofaa vazirligining taʼminlovchi moliya boʻlimlari tomonidan yuborilgan xabarnomalarning raqami koʻrsatiladi.

3.45. Harbiy qismlarning budjet mablagʻlari boʻyicha talab qilib olinguncha depozit hisobvaraqlariga oʻtkazilgan mablagʻlar uchun, ularga bir shahar banklarida xizmat koʻrsatilsa, xabarnomalar banklar orqali yuboriladi.

3.46. Taʼminlovchi moliya boʻlimlarining budjet mablagʻlari hisobidan harbiy qismlarning budjetdan tashqari mablagʻlari boʻyicha talab qilib olinguncha depozit hisobvaraqlariga mablagʻlar toʻlov topshiriqnomalariga asosan oʻtkaziladi va toʻlov topshiriqnomalari “Toʻlov maqsadi”da quyidagilar koʻrsatiladi:

oʻtkaziladigan mablagʻlar boʻyicha Mudofaa vazirligining smeta moddalari, mol-mulk uchun olingan summalar boʻyicha esa, “Mol-mulk uchun” soʻzi;

Mudofaa vazirligi tashkilotlari, muassasalari va harbiy qismlari uchun taʼminlovchi moliya boʻlimlari tomonidan oʻrnatilgan, shaxsiy hisobvaraqlar raqami.

3.47. Mudofaa vazirligining harbiy qismlari va boshqa tashkilotlari budjetdan tashqari mablagʻlarini, toʻlov topshiriqnomalariga asosan oʻtkazadi va toʻlov topshiriqnomalari “Toʻlov maqsadi”da budjetdan tashqari mablagʻlarning turi boʻyicha belgilangan raqami, shuningdek taʼminlovchi moliya boʻlimlari tomonidan oʻrnatilgan shaxsiy hisobvaraqlar raqami koʻrsatiladi.

3.48. Mudofaa vazirligining taʼminlovchi moliya boʻlimlari oʻzlari moliyalashtirayotgan harbiy qismlarning budjet hamda budjetdan tashqari mablagʻlar boʻyicha talab qilib olinguncha depozit hisobvaraqlaridan mablagʻlarni chaqirib olish huquqiga ega.

3.49. Harbiy qismlarning hisobvaraqlaridan mablagʻlar uchta nusxada tuzilgan yozma farmoyishga asosan chaqirib olinadi (7-ilovada keltirilgan shaklda). Bu farmoyishning birinchi nusxasi banklarda nazorat uchun qoldiriladi, ikkinchi va uchinchi nusxalari esa banklar imzosi va muhri bilan tasdiqlanib, harbiy qismlarga xizmat koʻrsatuvchi banklarga yuboriladi.

3.50. Banklar mablagʻlarni chaqirib olish toʻgʻrisidagi yozma farmoyishni olgandan soʻng harbiy qismlarning budjetdan tashqari mablagʻlari boʻyicha talab qilib olinguncha depozit hisobvaraqlaridagi mablagʻlarni hisobdan chiqaradi va mablagʻlarni chaqirib olish toʻgʻrisidagi farmoyishning raqamini va sanasini qayd etgan holda budjet hisobvaraqlariga oʻtkazadi. Farmoyishning ikkinchi nusxasi kunlik hujjatlarga tikiladi, uchinchi nusxasi esa, harbiy qismlar hisobvaraqlarining koʻchirmasiga ilova qilinadi.

3.51. Harbiy qismlarning budjetdan tashqari mablagʻlari boʻyicha talab qilib olinguncha depozit hisobvaraqlarida yetarli mablagʻlari boʻlmasa, toʻlovlar mavjud mablagʻ miqdorida oʻtkaziladi va farmoyishning ikkinchi nusxasiga qisman oʻtkazilganligi toʻgʻrisida tegishli qaydlar qilinadi va toʻliq oʻtkazilgungacha saqlanadi.

3.52. Harbiy qismlar tomonidan yil yakunigacha foydalanilmagan budjet mablagʻlari joriy yilning 31-dekabrigacha Mudofaa vazirligining taʼminlovchi moliya boʻlimlarining tegishli hisobvaraqlariga qaytariladi.

3.53. Mudofaa vazirligining harbiy qismlari va boshqa tashkilotlarining budjetdan tashqari mablagʻlari boʻyicha talab qilib olinguncha depozit hisobvaraqlaridagi budjetdan tashqari mablagʻlar yil oxirida oʻtkazilmaydi va qoldiq summa yangi yil hisobiga oʻtkaziladi.

3.54. Mudofaa vazirligiga qarashli taʼminlovchi moliya boʻlimlarining taftishchi-inspektorlarining va mansabdor shaxslarning xizmat safari toʻgʻrisidagi buyruqlari va shaxsini tasdiqlovchi hujjatlari asosida, ularning yozma talablariga asosan banklar taftish qilinayotgan Mudofaa vazirligining harbiy qismlari va tashkilotlari hisobvaraqlarining qoldiq summalari toʻgʻrisidagi maʼlumotnomalarni, shuningdek hisob-kitob hujjatlarini va shaxsiy hisobvaraqlarini solishtirish uchun taqdim etadi.

III QISM

4. RESPUBLIKA BUDJETI DAROMADLARI VA RESPUBLIKA QARAMOGʻIDAGI BUDJET MUASSASALARINING FOYDALANILMAGAN MABLAGʻLARINI YIL OXIRIDA YoPISh TARTIBI

4.1. Respublika budjeti mablagʻlari hisobidan budjet qaramogʻidagi tashkilotlar va muassasalarga mablagʻlar banklar tomonidan joriy yil uchun, 31-dekabrni hisobga olgan holda ajratiladi.

4.2. Respublika budjeti qaramogʻidagi tashkilotlar va muassasalar tomonidan foydalanilmagan budjet mablagʻlarining qoldiq summalari, Respublika budjeti daromadlarining tegishli shaxsiy hisobvaraqlariga oʻtkaziladi.

4.3. Oʻzbekiston Respublikasi Markaziy bankining maxsus koʻrsatmasiga asosan 23404 “Respublika qaramogʻidagi budjet muassasalarining mablagʻlari” hisobvaragʻidagi foydalanilmagan budjet mablagʻlarining qoldiq summalari banklar tomonidan 31-dekabr kuni oxirgi reys bilan Markaziy bankning Toshkent shahar bosh boshqarmasi Hisob-kitob kassa markazida ochilgan Oʻzbekiston Respublikasi Moliya vazirligining 23402 balans hisobvaragʻiga oʻtkaziladi.

4.4. Shuningdek 23422 “Respublika budjetidan moliyalashtiriladigan investitsiyalar” hisobvaragʻidagi foydalanilmagan budjet mablagʻlarining qoldiq summalari ham Moliya vazirligining hisobvaragʻiga oʻtkaziladi.

4.5. Yil yakuni boʻyicha budjet mablagʻlaridan foydalanilganlik va olingan daromadlarning toʻgʻri rasmiylashtirilganligini hisobotlarda aks ettirish tartibi ishlab chiqiladi va banklarga yetkaziladi.

IV QISM

QORAQALPOGʻISTON RESPUBLIKASI BUDJETI VA MAHALLIY BUDJETLARNING KASSA IJROSI

Umumiy koʻrsatmalar

5.1. Oʻzbekiston Respublikasi banklari Qoraqalpogʻiston Respublikasi budjeti va mahalliy (viloyat, shahar, tuman) budjetlarning kassa ijrosini amalga oshiradi.

5.2. Oʻzbekiston Respublikasi banklari tegishli budjetlar uchun quyidagi 23426, 23430, 23432 asosiy talab qilib olinguncha depozit hisobvaraqlarini ochadilar.

5.3. Qoraqalpogʻiston Respublikasi budjeti va mahalliy budjetlarining asosiy talab qilib olinguncha depozit hisobvaraqlariga quyidagi mablagʻlar oʻtkaziladi:

tegishli budjetlarning daromadlari va moliya boʻlimlarining ikkilamchi (tranzit) talab qilib olinguncha depozit hisobvaraqlaridagi mablagʻlar;

mahalliy budjet hisobidan moliyalashtirish uchun ajratilgan mablagʻlarni tasarruf etuvchilarning hisobvaraqlaridan hamda mahalliy budjet hisobidan investitsiyalarni moliyalashtirishga ajratilgan mablagʻlar, moliya boʻlimlari tomonidan qaytarib olinganda;

boshqa yuqori va quyi budjetlardan kelib tushgan mablagʻlar;

boshqa belgilangan daromadlar;

maqsadi subvensiya tushumlari;

belgilangan normativlar boʻyicha ajratmalar.

5.4. Moliya boʻlimlari tomonidan banklarga taqdim etilgan soliq toʻlovchilarning roʻyxatida koʻrsatilgan soliqlar va daromadlar kelib tushganda, ushbu soliqlar va daromadlar tegishli moliya boʻlimlarining hisobvaraqlariga toʻgʻri oʻtkazilishi lozim.

5.5. Qoraqalpogʻiston Respublikasi budjeti va mahalliy budjetlarning asosiy talab qilib olinguncha depozit hisobvaraqlaridan xarajatlar tasdiqlangan smetalarga asosan belgilangan tartibda amalga oshiriladi.

5.6. Oʻzbekiston Respublikasi Moliya vazirligi, Qoraqalpogʻiston Respublikasi Moliya vazirligi, hududiy moliya boshqarmalari tomonidan berilgan maxsus ruxsatnomaga ega boʻlgan shaxslar budjet mablagʻlarini tasarruf etuvchilar hisoblanadi.

5.7. Budjet mablagʻlarini tasarruf etuvchilar, budjet qaramogʻidagi tashkilotlar va muassasalarning hisobvaraqlariga, ularni asrash xarajatlari uchun, bevosita ular tomonidan markazlashtirilgan tadbirlarni amalga oshirish uchun, boshqaruv apparatini asrash hamda moliyaviy reja va smetalarda koʻrsatilgan boshqa maqsadlar uchun mablagʻlar oʻtkazish huquqiga ega.

5.8. Mustaqil ravishda buxgalteriya hisobini yuritadigan mahalliy budjetlar qaramogʻidagi tashkilotlar va muassasalarga talab qilib olinguncha depozit hisobvaraqlar ochiladi.

5.9. Budjet mablagʻlarini tasarruf etuvchi tashkilotlar va muassasalarga talab qilib olinguncha depozit hisobvaraqlar, tegishli mahalliy budjetlarning mos hisobvaraqlarida ochiladi va umumiy qabul qilingan tartibga asosan rasmiylashtiriladi.

5.10. Hokimiyat va uning boʻlimlari qoshida tashkil etilgan, operatsiyalarni markazlashtirilgan buxgalteriya hisobi boʻyicha amalga oshirish uchun talab qilib olinguncha depozit hisobvaraqlar shu boʻlimlar nomi bilan tegishli mahalliy budjetlarning mos hisobvaraqlarida ochiladi. Bu hisobvaraqlar boʻyicha birinchi imzo qoʻyish huquqi shu boʻlimning boshligʻiga va ikkinchi imzo qoʻyish huquqi markazlashtirilgan buxgalteriyaning bosh buxgalteriga beriladi.

5.11. Mahalliy budjetlarning talab qilib olinguncha depozit hisobvaraqlaridagi qoldiq summalari, shu budjet mablagʻlarini tasarruf etuvchilar boʻyicha, dastur asosida tekshiruv qaydnomasini oladilar va uning nusxasi tegishli moliya boʻlimlariga va budjet mablagʻlarining tasarruf etuvchilarga beriladi.

5.12. Budjet mablagʻlarini tasarruf etuvchilar shifrlari roʻyxati 8-ilovada keltirilgan.

5.13. Mahalliy budjetlar va budjet muassasalarining talab qilib olinguncha depozit hisobvaraqlaridagi mavjud qoldiq summalar yil oxirida yopilmaydi va yangi yil hisobiga qoldiq boʻlib oʻtkaziladi.

5.14. Mahalliy budjet hisobidan investitsiyalar boʻyicha ajratilgan mablagʻlarni va moliya boʻlimlarining tranzit hisobvaraqlaridagi qoldiqlar mijoz topshirigʻini olmasdan mahalliy budjetlarning talab qilib olinguncha depozit hisobvaraqlariga oʻtkaziladi.

Mahalliy budjet qaramogʻidagi tashkilotlar va muassasalarning talab qilib olinguncha depozit hisobvaraqlari boʻyicha operatsiyalarni amalga oshirish tartibi

5.15. Tashkilotlar va muassasalarning smetalari boʻyicha belgilangan mablagʻlar miqdorida budjet mablagʻlaridan xarajatlar amalga oshiriladi.

5.16. Joriy yilning 1-yanvaridan boshlab budjet tashkilotlari va muassasalariga ish haqi toʻlash uchun mablagʻlar xodimlar roʻyxati (shtatlar) jadvalini va xarajatlar smetasini tegishli moliya boʻlimlarida roʻyxatdan oʻtkazgandan keyingina banklar tomonidan beriladi. Tashkilotlar va muassasalar oʻzlariga xizmat koʻrsatuvchi banklarga moliya boʻlimlari tomonidan roʻyxatdan oʻtkazilgan xarajatlar smetasining nusxasini taqdim etishlari lozim.

5.17. Ish haqi berilganda banklar oʻrnatilgan tartibda ushlab qolingan soliqlarning va Pensiya fondiga badal summalarining oʻz vaqtida oʻtkazilishini nazorat qilishlari lozim.

5.18. Moliya boʻlimlarining toʻlov topshiriqnomalariga asosan mahalliy budjetlarning asosiy talab qilib olinguncha depozit hisobvaraqlaridan mablagʻlar budjet mablagʻlarini tasarruf etuvchilarning talab qilib olinguncha depozit hisobvaraqlariga oʻtkaziladi.

5.19. Markazlashtirilgan buxgalteriya hisobini yuritadigan budjet muassasalariga yetkazib berilgan tovar-moddiy boyliklar va koʻrsatilgan xizmatlar uchun ularga xizmat koʻrsatadigan budjet muassasalari tomonidan toʻlovlarni oʻtkazish uchun banklarga toʻlov topshiriqnomalari taqdim etiladi.

5.20. Budjet muassasalarining talab qilib olinguncha depozit hisobvaraqlariga quyidagi mablagʻlar oʻtkazilishi mumkin:

tovar-moddiy boyliklarni sotishdan olingan mablagʻlar;

debitorlik qarzlari va qachon sotib olinganidan qatʼi nazar, tovar-moddiy boyliklarni sotib olish bilan bogʻliq boʻlgan hisobdor shaxslarning majburiyatlari boʻyicha kelib tushgan summalar.

5.21. Bolalar muassasalarining talab qilib olinguncha depozit hisobvaraqlariga ota-onalar tomonidan bolalarni tarbiyalash va oʻqitish uchun kelib tushgan mablagʻlar, korxonalar, tashkilotlarning fondlari hisobidan bolalarning ovqatlanishini yaxshilash uchun ajratilgan mablagʻlar, shuningdek ishchilarni ragʻbatlantirish, bolalar muassasalarini kapital taʼmirlash, inventarlar va uskunalarni sotib olish uchun hamda belgilangan tartibda tushadigan boshqa mablagʻlar kiritiladi.

V QISM

6. OʻZBEKISTON RESPUBLIKASI DAVLAT BUDJETINING KASSA IJROSI TOʻGʻRISIDAGI HISOBOTLARNI TUZISh TARTIBI

Umumiy koʻrsatmalar

6.1. Oʻzbekiston Respublikasi banklari buxgalteriya hisobotlari maʼlumotlari asosida Oʻzbekiston Respublikasi Davlat budjetining kassa ijrosi toʻgʻrisida operativ, oylik va yillik hisobotlarni tuzadi. Hisobotlarning hajmi va shakli Oʻzbekiston Respublikasi Markaziy banki tomonidan Moliya vazirligi bilan kelishilgan holda oʻrnatiladi.

6.2. Oʻzbekiston Respublikasi Davlat budjetining kassa ijrosi toʻgʻrisidagi hisobotlar banklar tomonidan Markaziy bankning Hududiy Bosh boshqarmalariga taqdim etiladi.

6.3. Markaziy bankning Hududiy Bosh boshqarmalari banklardan qabul qilib olgan hisobotlar asosida yigʻma hisobotlarni tuzadilar va ularni Respublika Markaziy bankiga belgilangan muddatlarda taqdim etadilar. Yigʻma hisobotlar oʻrnatilgan muddatlarda topshirilishi shart.

6.4. Markaziy bankning Hududiy Bosh boshqarmalari va Respublika banklari uchun hisobotlarni topshirish tartibi va muddati Oʻzbekiston Respublikasi Markaziy banki tomonidan oʻrnatiladi.

6.5. Davlat budjetining kassa ijrosi toʻgʻrisidagi hisobot maʼlumotlarining toʻgʻriligi hamda hisobotning oʻz vaqtida oʻrnatilgan tartibda topshirilishi boʻyicha bank rahbarlari va bosh buxgalterlari javobgardirlar.

6.6. Davlat budjetining kassa ijrosi toʻgʻrisidagi yigʻma hisobotlar Moliya vazirligi, Davlat soliq qoʻmitasi va Markaziy bankning Hududiy Bosh boshqarmalari tomonidan tegishli moliya va soliq boshqarmalariga taqdim etiladi.

Oʻzbekiston Respublikasi Davlat budjetining kassa ijro toʻgʻrisidagi operativ hisobot

6.7. Oʻzbekiston Respublikasi Davlat budjetining kassa ijrosi toʻgʻrisidagi operativ hisobot banklar tomonidan 2234 GBS “Davlat budjeti va budjetdan tashqari fondlar boʻyicha operativ hisobot” shakli boʻyicha har ish kuni uchun tuziladi.

6.8. Oʻzbekiston Respublikasi Davlat budjetining kassa ijrosi toʻgʻrisidagi operativ hisobot banklar tomonidan Respublika va mahalliy budjetlar hisobvaraqlari, shuningdek budjetdan tashqari fondlar hisobvaraqlari boʻyicha maʼlumotlar, quyidagi tartibda berilishi lozim:

Respublika budjeti mablagʻlari summasi (23402-balans hisobvaragʻi kredit oboroti boʻyicha);

Respublika budjeti daromadlari hisobvaragʻidan mahalliy budjetlarga ajratmalari summasi (23402-balans hisobvaragʻi debet oboroti boʻyicha);

Respublika budjeti qaramogʻidagi budjet muassasalarning mablagʻlari summasi (23404-balans hisobvaragʻi qoldigʻi boʻyicha);

mahalliy budjet (tuman/shahar) mablagʻlari summasi (23426-balans hisobvaragʻi qoldigʻi boʻyicha);

mahalliy budjet (viloyat) mablagʻlari summasi (23430-balans hisobvaragʻi qoldigʻi boʻyicha);

Qoraqalpogʻiston Respublikasi budjeti mablagʻlari summasi (23432-balans hisobvaragʻi qoldigʻi boʻyicha);

budjetdan tashqari mablagʻlar boʻyicha budjet tashkilotlarining talab qilib olinguncha depozit hisobvaraqlari summasi va Yoʻl fondi mablagʻlari (Tijorat banklarida 20204-balans hisobvaragʻi qoldigʻi va Markaziy bankda 21502, 21506, 21508-balans hisobvaraqlar qoldiqlari boʻyicha);

Respublika va mahalliy budjetlar hisobidan investitsiyalarni moliyalashtirish uchun ajratilgan mablagʻlar summalari (23422, 23424-balans hisobvaraqlarining debet va kredit oborotlari va qoldigʻi boʻyicha);

Bandlik xizmati fondi mablagʻlari summalari (20296-balans hisobvaragʻining debet va kredit oborotlari va qoldigʻi boʻyicha);

Davlat mulk qoʻmitasining xususiylashtirish boʻyicha mablagʻlari summalari (Tijorat banklarida 20202 va Markaziy bankda 21502-balans hisobvaragʻining debet va kredit oborotlari va qoldigʻi boʻyicha);

Pensiya fondi mablagʻlari summalari (Tijorat banklarida 20296 va Markaziy bankda 21508-balans hisobvaragʻining debet va kredit oborotlari va qoldigʻi boʻyicha).

6.9. Operativ hisobotning oxirida nazorat summasi hisoblab chiqarilishi lozim.

6.10. Oʻzbekiston Respublikasi Davlat budjetining kassa ijrosi toʻgʻrisidagi operativ hisobot ming soʻm hisobida tuziladi va oʻrnatilgan tartibda Markaziy bankning Hududiy Bosh boshqarmalariga ular oʻz navbatida Respublika Markaziy bankining Buxgalteriya hisobi, hisoboti va Davlat budjetining kassa ijrosi departamentiga taqdim qilinadi. (9-ilovada hisobot shakli keltirilgan).

6.11. Maʼlumotlarning toʻgʻriligini va hisobot koʻrsatkichlarining nisbiy oʻsish dinamikasini tekshirib borish maqsadida, bankning bosh buxgalteri har kuni hisobot maʼlumotlarini undan oldingi kun hisobot maʼlumotlari bilan taqqoslab borishi kerak.

6.12. Davlat budjetining kassa ijrosi toʻgʻrisidagi kunlik operativ hisobotini bank boʻlimlaridan moliya boʻlimlari va soliq organlari har kuni olishlari mumkin.

6.13. Markaziy bankning Hududiy Bosh boshqarmasi tomonidan tuzilgan yigʻma operativ hisobot maʼlumotlari har oyning birinchi sanasiga balans hisoboti maʼlumotlari bilan, shuningdek Davlat budjetining kassa ijrosi toʻgʻrisidagi 2204 GRE-Hukumat hisobvaraqlari-Respublika budjet daromadlari, 2214 GEX-Hukumat hisobvaraqlari—Respublika budjet xarajatlari va 2224 GRE-“Qoʻshimcha hisobot” shakllari boʻyicha oylik hisobot maʼlumotlari bilan taqqoslab koʻrishlari lozim.

6.14. Viloyat moliya va soliq boshqarmalari hisobot maʼlumotlarini har kuni Markaziy bankning Hududiy Bosh boshqarmalari tomonidan tuzilgan yigʻma operativ hisobot maʼlumotlari bilan solishtirib koʻrishlari mumkin.

Oʻzbekiston Respublikasi Davlat budjetining kassa ijrosi toʻgʻrisidagi oylik hisoboti

6.15. Oʻzbekiston Respublikasi Davlat budjeti daromadlarining kassa ijrosi toʻgʻrisidagi oylik hisoboti banklar tomonidan (2204 GRE hisobot shakli) har oyning birinchi sanasiga ming soʻm hisobida tuziladi. Hisobot “Respublika budjetining daromadlar va xarajatlar tasniflagichi” asosida 23402 “Respublika budjetining mablagʻlari” hisobvaragʻi boʻyicha ochilgan shaxsiy hisobvaraqlarning debet va kredit oborot summalari yil boshidan oʻsib boruvchi tartibda tuziladi.

6.16. Respublika budjetining daromadlar boʻyicha oylik hisoboti quyidagi shaklda tuziladi:

Respublika budjetiga kelib tushgan daromadlar yil boshidan oʻsib boruvchi tartibda “Tushumlar” ustunida koʻrsatiladi;

Respublika budjetidan mahalliy budjetlarga oʻtkazilgan ajratmalar summasi yil boshidan oʻsib boruvchi tartibda “Ajratmalar” ustunida koʻrsatiladi;

Oʻzbekiston Respublikasi Moliya vazirligining hisobvaragʻiga oʻtkazilgan elektron avizolar summalari yil boshidan oʻsib boruvchi tartibda “Yopish” ustunida koʻrsatiladi.

6.17. Hisobotda keltirilgan “Tushumlar” va “Ajratmalar” ustuni oʻrtasidagi farq “Yopish” ustunida koʻrsatilgan summaga teng boʻlishi shart.

6.18. Respublika budjetiga joriy oyning oxirgi ish kunida kelib tushgan daromadlar hisobidan mahalliy budjetlarga ajratmalar qilinmagan, shuningdek Moliya vazirligining 23402 “Respublika budjetining mablagʻlari” tranzit hisobvaragʻiga elektron avizolar oʻtkazilmagan mablagʻlar, banklar tomonidan tuzilgan hisobotda aks ettirilmaydi. Bu mablagʻlar balans hisobotining 23402 “Respublika budjetining mablagʻlari” hisobvaragʻida aks ettiriladi.

6.19. Respublika budjeti daromadlari boʻyicha tuzilgan oylik hisobot maʼlumotlari Oʻzbekiston Respublikasi Moliya vazirligining 1993-yil 2-fevraldagi 11-sonli “Oʻzbekiston Respublikasi budjeti daromadlari va xarajatlari tasniflagichi”ning boʻlimlari va daromadlarning turlari boʻyicha aks ettirilishi lozim.

6.20. Respublika budjeti daromadlari boʻyicha oylik hisobot bir necha soliq organlariga xizmat koʻrsatuvchi banklar tomonidan oldin har bir soliq organlari uchun alohida, undan keyin bank boʻyicha yigʻma oylik hisobot tuziladi.

6.21. Respublika budjeti daromadlari boʻyicha oylik hisobot banklar tomonidan ming soʻm hisobida tuziladi. Oylik hisobot tuzilayotganda 500 soʻmgacha boʻlgan summalar hisob-kitob paytida hisobga olinmaydi, shuningdek 500 soʻm va undan yuqori boʻlgan summalar 1000 soʻm hisobida olinadi. Ushbu yaxlitlangan summalar hisobotlarning umumiy summasini oʻzgartirmasligi kerak.

6.22. Banklar oylik hisobotni keyingi oyning birinchi ish kunidan kechiktirmasdan Markaziy bankning Hududiy Bosh boshqarmalariga taqdim etishadi.

6.23. Markaziy bankning Hududiy Bosh boshqarmalariga oylik hisobotni topshirish bilan birga, banklar hisobotning nusxasini tegishli moliya boʻlimlari va soliq organlariga taqdim etadilar.

6.24. Moliya boʻlimlari va soliq organlari oʻzlaridagi maʼlumotlarni hisobot maʼlumotlari bilan solishtiradilar va hisobotga imzo qoʻyib oʻz muhri bilan tasdiqlashlari lozim. Agar maʼlumotlar toʻgʻri kelmasa bu haqda yozma ravishda tegishli banklarga xabar beradilar. Banklar moliya boʻlimlari va soliq organlari maʼlumotlari bilan hisobot maʼlumotlari oʻrtasida aniqlangan farq summalarning sabablarini aniqlashlari va bartaraf etishlari shart.

6.25. Respublika Markaziy bankning koʻrsatmasiga asosan banklar tomonidan GSR 2224-“Qoʻshimcha hisobot” shaklidagi oylik hisobot tuziladi.

6.26. Markaziy bankning Hududiy Bosh boshqarmalari banklarning oylik hisobotlarini tekshirib koʻrganda, Respublika budjetiga kelib tushgan soliqlar va daromadlardan mahalliy budjetlarga qilingan ajratmalar, oʻrnatilgan foizlar miqdorida toʻgʻri amalga oshirilganligiga, shuningdek Davlat budjeti daromadlarining kassa ijrosi toʻgʻrisidagi operativ hisobot maʼlumotlari bilan toʻgʻriligiga eʼtibor berish lozim.

6.27. Markaziy bankning hududiy Bosh boshqarmalari banklardan olingan oylik hisobotlar asosida oylik yigʻma hisobot tuzadilar va Oʻzbekiston Respublikasi Markaziy bankiga elektron pochta orqali, keyingi oyning 4-chi sanasidan kechiktirmasdan yuborishlari lozim.

6.28. Markaziy bankning Hududiy Bosh boshqarmalari oylik hisobotni Oʻzbekiston Respublikasi Markaziy bankiga va hisobotning nusxasini tegishli moliya va soliq boshqarmalariga taqdim etishlari lozim.

6.29. Oʻzbekiston Respublikasi Markaziy bankining Buxgalteriya hisobi, hisoboti va Davlat budjetining kassa ijrosi departamenti Markaziy bankning Hududiy Bosh boshqarmalari tomonidan Davlat budjetining kassa ijrosi toʻgʻrisidagi oylik hisobotlarni oʻz vaqtida topshirilishini va ularning toʻgʻri taqdim etilishini nazorat qilib boradi.

Oʻzbekiston Respublikasi Davlat budjetining kassa ijro toʻgʻrisidagi yillik hisobot

6.30. Davlat budjetining kassa ijro toʻgʻrisidagi yillik hisobot banklar tomonidan uch nusxada tuziladi; hisobotning birinchi nusxasi Markaziy bankning Hududiy Bosh boshqarmalariga taqdim etiladi, uning ikkinchi nusxasi oʻzida qoladi va uchinchi nusxasi tegishli soliq organlariga taqdim etiladi.

6.31. Davlat soliqlari va daromadlaridan mahalliy budjetlarga qilingan ajratmalar toʻgʻri oʻtkazilganligini taqqoslash uchun banklar mahalliy budjetlarga joriy yil davomida ajratilgan mablagʻlar summasi toʻgʻrisida uch nusxada maʼlumotnoma tuzadi va tegishli moliya boʻlimlariga va soliq organlariga taqdim etadi.

6.32. Moliya boʻlimlari va soliq organlari taqdim etilgan maʼlumotnomaning ikkita nusxasini tasdiqlab banklarga qaytarib berishlari lozim.

6.33. Banklar daromadlar boʻyicha yillik hisobot maʼlumotlarini, daromadlarni boshqaradigan tashkilotlar va muassasalarning hisobot maʼlumotlari bilan taqqoslashlari shart. Maʼlumotlarni tasdiqlash uchun ular tomonidan joriy yil davomida budjet daromadlariga oʻtkazilgan summalar toʻgʻrisida uch nusxada maʼlumotnoma oladilar.

6.34. Banklar maʼlumotnomani olgan kundan boshlab uch kun davomida maʼlumotnomada koʻrsatilgan daromadlar summalarini hisobot maʼlumotlari bilan taqqoslab koʻrishi hamda maʼlumotnomaning uchta nusxasini tasdiqlashi va gerbli muhr qoʻyilgan ikkita nusxasini tashkilotlar va muassasalarga qaytarib berishlari shart.

6.35. Banklar daromadlarning taqqoslanganligi toʻgʻrisidagi maʼlumotnomani, tushuntirish xatini yillik hisobot bilan birga Markaziy bankning Hududiy Bosh boshqarmalariga taqdim qiladilar.

6.36. Markaziy bankning Hududiy Bosh boshqarmalari Davlat budjetining kassa ijrosi toʻgʻrisidagi yigʻma yillik hisobotni tuzishdan oldin quyidagilarni tekshirishlari shart:

6.36.1. Yigʻma oylik hisobot maʼlumotlarining moliya boʻlimlari va soliq organlari, bojxona boshqarmalari, Xalq bankining maʼlumotlari bilan toʻgʻri ekanligini;

6.36.2. Mahalliy budjetlarga oʻtkazilgan ajratmalarning toʻgʻri ekanligini.

6.37. Markaziy bankning Hududiy Bosh boshqarmalari tomonidan taqdim qilingan yigʻma yillik hisobotga tushuntirish xatida quyidagilarni aks ettirishi lozim:

Banklarning yillik hisobotlarini tekshirish davomida aniqlangan va yigʻma hisobot topshirilgan vaqtgacha bartaraf qilinmagan farq summalari va ularning sabablari, shuningdek ular yuzasidan qabul qilingan chora-tadbirlar toʻgʻrisida;

Banklarning yillik hisobotlari moliya boʻlimlari va soliq organlari tomonidan tasdiqlanganligi hamda yillik hisobot maʼlumotlari oʻrtasida farq mavjud boʻlsa ularning sabablari toʻgʻrisida;

Respublika budjeti daromadlari boʻyicha hisobot maʼlumotlari bilan yangi yilning birinchi sanasiga tuzilgan oylik hisobot maʼlumotlari oʻrtasida farq aniqlansa ularning sabablari va boshqalar toʻgʻrisida.

6.38. Markaziy bankning Hududiy Bosh boshqarmalari Davlat budjetining kassa ijrosi toʻgʻrisidagi yillik hisobotni Oʻzbekiston Respublikasi Markaziy bankiga quyidagi tartibda taqdim etadi:

Davlat soliqlari va daromadlaridan mahalliy budjetlarga ajratmalar toʻgʻrisidagi maʼlumotnoma, soʻm va tiyin hisobida tuziladi (moliya, bojxona boʻlimlari va soliq organlari tomonidan tasdiqlangan boʻlishi lozim);

ming soʻm hisobida programma asosida tuzilgan hisobotni disketda (oylik hisobot shakli boʻyicha) va qogʻozga chiqarilgan shaklining birinchi nusxasi. Unda Markaziy bankning Hududiy Bosh boshqarmasi boshligʻi va bosh buxgalterining imzosi va muhri qoʻyilgan boʻlishi shart;

Respublika budjeti daromadlarining nomi va shartli hisobvaraqlari, boʻlimlari, paragraflari, simvollari boʻyicha soʻm va tiyin hisobida tuzilgan hamda moliya boʻlimlari va soliq organlari tomonidan tekshirilgan hisobotning birinchi nusxasi.

6.39. Davlat budjetining kassa ijrosi toʻgʻrisidagi yillik hisobot “Xizmat paytida foydalanish uchun” grif bilan rasmiylashtiriladi va belgilangan tartibda qayd etilishi, berilishi va saqlanishi lozim.

6.40. Oʻzbekiston Respublikasi Markaziy bankiga taqdim etiladigan Davlat budjetining kassa ijrosi toʻgʻrisidagi yillik hisobotga Markaziy bankning Hududiy Bosh boshqarmasi boshligʻi va bosh buxgalteri tomonidan imzolangan boʻlishi, shuningdek viloyat moliya va soliq boshqarmalari boshligʻi va bosh buxgalteri imzo qoʻyishi va oʻzlarining muhri bilan tasdiqlashi lozim.

6.41. Oʻzbekiston Respublikasi Markaziy banki Davlat budjetining kassa ijrosi toʻgʻrisidagi yigʻma yillik hisobotni taqdim etish muddatlarini belgilaydi va yillik hisobot Markaziy bankning Hududiy Bosh boshqarmalari tomonidan belgilangan muddatda taqdim etilishi shart.

Ushbu Yoʻriqnoma kuchga kirishi munosabati bilan Markaziy bankning quyidagi hujjatlari oʻz kuchini yoʻqotadi:

1996-yil 20-iyuldagi 27 (243)-sonli “Oʻzbekiston Respublikasi Davlat budjetining kassa ijro toʻgʻrisida”gi yoʻriqnoma;

1996-yil 20-iyuldagi 27 (243)-sonli “Oʻzbekiston Respublikasi Davlat budjetining kassa ijro toʻgʻrisida”gi yoʻriqnomaga 1998-yil 24-yanvardan 374-sonli 1-qoʻshimcha va 1998-yil 20-fevraldagi 380-sonli 2-qoʻshimcha.

Markaziy bank raisi oʻrinbosari M.R. JUMAGALDIYEV

Moliya vaziri oʻrinbosari E.F. GADOYEV

1-ILOVA

Ichki audit xodimi tomonidan Davlat budjetining kassa ijrosi boʻyicha bank ishini tekshirishning

NAMUNAVIY DASTURI

1. Umumiy koʻrsatmalar

1.1. Markaziy bankning amaldagi koʻrsatmalariga muvofiq Respublika budjeti va mahalliy budjetlar kassa ijrosining toʻliq bajarilishini taʼminlash maqsadida banklarning oʻz xodimlari tomonidan reja asosida tekshirishlar oʻtkazilishi va amaliy yordam berilishi lozim.

1.2. Tekshiruvchilar tekshirish davomida quyidagilarga eʼtibor berishlari lozim:

1.2.1. Davlat budjetining kassa ijrosiga doir direktiv koʻrsatmalarning oʻz vaqtida va toʻgʻri bajarilayotganligi hamda oldingi taftish va tekshirishlar davomida aniqlangan farq summalar va kamchiliklar bartaraf etilganligi;

1.2.2. Davlat budjetining daromadlari va xarajatlari boʻyicha operatsiyalarni amalga oshirish uchun taqdim etilgan hisob-kitob pul hujjatlari rekvizitlarining toʻgʻriligini, tanlab olish yoʻli bilan tekshirish, shuningdek shaxsiy hisobvaraqlarning toʻgʻri ochilganligi va yuritilishi;

1.2.3. Ayrim operatsiyalar va yozuvlarning toʻgʻriligiga shubha tugʻilganda ushbu operatsiyalar va yozuvlar boʻyicha hujjatli tekshirish oʻtkazish. Davlat mablagʻlarini oʻgʻirlash va suiisteʼmol qilish hollari aniqlansa, bank boshligʻi va bosh buxgalteri bilan birgalikda zarur chora-tadbirlarni ishlab chiqish va qabul qilish;

1.2.4. Tekshirish jarayonida Davlat budjetining kassa ijrosiga doir ishlarni tashkil etishda va amaldagi qoidalarga asosan budjet operatsiyalarini amalga oshirishda kamchiliklar aniqlansa, ushbu kamchiliklarning yuzaga kelish sabablarini aniqlash va rahbariyat bilan birgalikda tashkiliy masalalardagi kamchiliklarni bartaraf etish (mijozlarni qabul qilishni tashkil etish, hujjatlarning aylanish jadvali, vazifalarni taqsimlash, kompyuterlarning amaldagi dasturlariga oʻzgartirishlar kiritish) boʻyicha chora-tadbirlarni ishlab chiqish lozim. Aniqlangan kamchiliklarni bartaraf etish boʻyicha tegishli choralarni koʻrish, xodimlarga yoʻl-yoʻriqlar koʻrsatish va zarur amaliy yordamlar koʻrsatish lozim.

1.3. Tekshirish davomida aniqlangan kamomadlar va kamchiliklar boʻyicha tegishli choralar koʻrish uchun bank boshqaruvchisiga taqdim etiladi.

Tekshirish sxemasi 2. Tashkiliy masalalar

2.1. Davlat budjetining kassa ijrosi boʻyicha direktiv koʻrsatmalarning mavjudligi, ularni saqlash tartibi va holatini, yoʻriqnomalar va boshqa meʼyoriy hujjatlarga kiritilgan qoʻshimchalar va oʻzgartirishlarning oʻz vaqtida amalda tadbiq etilishi.

2.2. Korxonalar, muassasalar va jismoniy shaxslarga xizmat koʻrsatishni tashkil etilishi. Hujjatlar aylanishi va mijozlarga xizmat koʻrsatish jadvalining hamda bank xodimlari boʻyicha lavozim vazifalari roʻyxatlarining mavjudligi va ularga rioya etilishi.

2.3. Budjet operatsiyalarini amalga oshirish bilan band boʻlgan xodimlarning malakasini oshirish boʻyicha (texnik oʻquvlar, seminarlar, leksiyalar, har xil uchastkalarning ishlarini oʻrganish) ishlarning tashkil etilishi.

3. Davlat budjeti daromadlari

3.1. Soliqlar va daromadlar Oʻzbekiston Respublikasi Moliya vazirligining 1993-yil 2-fevraldagi 11-sonli “Oʻzbekiston Respublikasi budjeti daromadlari va xarajatlari tasniflagichi”da koʻrsatilgan boʻlimlar, shartli shaxsiy hisobvaraqlar boʻyicha toʻgʻri aks ettirish uchun tegishli moliya boʻlimlari tomonidan boshqariladigan daromadlarning roʻyxati va boshqa muassasalar tomonidan boshqariladigan daromadlarning roʻyxati, shuningdek soliq toʻlovchilarning va ulardan undiriladigan soliqlar va daromadlar roʻyxati oʻz vaqtida taqdim etilishi, roʻyxatlarga tegishli oʻzgartishlar oʻz vaqtida kiritilishi.

3.2. “Oʻzbekiston Respublikasi budjet daromadlari maʼlumotnomasi”ga asosan budjetga toʻlovlarni kirim qilish uchun shaxsiy hisobvaraqlarning toʻgʻri ochilishi.

3.3. Respublika budjetiga va mahalliy budjetlar daromadlariga oʻtkaziladigan toʻlovlarni oʻz vaqtida va toʻgʻri kirim qilinishi.

3.4. Yuridik hamda jismoniy shaxslardan budjetga toʻlovlarni qabul qilishning belgilangan tartibiga rioya etilishi va bu toʻlovlar budjet daromadlariga oʻz vaqtida kirim qilinishi.

3.5. Korxonalar, tashkilotlar va muassasalar ishchi va xizmatchilarning ish haqisidan ushlab qolingan soliqlar va badal summalarini budjetga hamda ijtimoiy sugʻurta fondiga oʻtkazilishi ustidan nazorat qilinishi.

3.6. Xoʻjalik yurituvchi subyektlarning hisobvaraqlarida toʻlovlarni oʻtkazish uchun yetarli mablagʻlari boʻlmaganda, toʻlovlar “Xoʻjalik subyektlarining hisobvaraqlaridan mablagʻlarni undirib olish tartibi” toʻgʻrisidagi yoʻriqnomaga asosan mutanosib ravishda oʻtkazilishiga rioya etilishi, muddati kelgan toʻlovlar boʻyicha hujjatlarni topshirishdan bosh tortish hollariga yoʻl qoʻyilmayotganligi.

3.7. Budjetga soliqlar va daromadlarni tortishuvsiz undirib olish uchun soliq organlari xatlarining oʻz vaqtida bajarilishi.

3.8. Davlat bojini budjetga kirim qilishda oʻrnatilgan tartibga amal qilinayotganligi.

3.9. Jarimalarning qabul qilinishi va ularni tegishli budjet hisobvaraqlariga toʻgʻri oʻtkazilishi.

3.10. Mahalliy budjetlarga mablagʻlar toʻgʻri ajratilganligi.

3.11. Mahalliy budjetlarga belgilangan foizlar miqdorida qilingan ajratmalarni har oyda oʻz vaqtida tartibga solib turilganligi.

3.12. Soliq organlariga va boshqa muassasalar tomonidan boshqariladigan daromadlar boʻyicha shaxsiy hisobvaraqlardan koʻchirmalar va ularga tegishli ilovalarning (bildirishnomalar, toʻlov topshiriqnomalari, qaydnomalar va boshqa hujjatlar ilovalari) oʻz vaqtida berilishi (joʻnatilishi).

4. Davlat budjeti qaramogʻidagi muassasalarning budjetdan tashqari mablagʻlari

4.1. Budjetdan tashqari mablagʻlar boʻyicha talab qilib olinguncha depozit hisobvaraqlarini ochish uchun belgilangan tartibga rioya etilishi. Ruxsatnomada koʻrsatilgan daromadlar va xarajatlarning belgilangan smetalar doirasida amalga oshirilishi ustidan nazorat qilinishi.

4.2. Oʻzidan yuqori turuvchi muassasalarning maxsus ruxsatnomalarisiz ochiladigan talab qilib olinguncha depozit hisobvaraqlari boʻyicha operatsiyalarning toʻgʻri amalga oshirilishi.

4.3. Davlat budjetining kassa ijrosi toʻgʻrisidagi davriy hisobotlarni tuzish boʻyicha ishlarni tashkil etish, hisobotlarni yuborish muddatlariga rioya etilishi. Hisobotlarni tuzish va ularni joʻnatish usullarini takomillashtirish boʻyicha banklar tomonidan ishlab chiqilgan chora-tadbirlar.

4.4. Oʻzbekiston Respublikasi Markaziy banki tomonidan Davlat budjetining kassa ijrosi boʻyicha amalga oshirilayotgan ishlarning ahvolini yaxshilash boʻyicha berilgan koʻrsatmalarning bajarilishini nazorat qilish.

2-ILOVA

Budjetga toʻlovlar toʻlaydigan korxonalar, tashkilotlar, muassasalar va boshqa xoʻjalik yurituvchi subyektlarning

ROʻYXATI

3-ILOVA

3a-ILOVA

4-ILOVA

Davlat budjeti xarajatlarining iqtisodiy

KLASSIFIKATSIYASI

5-ILOVA

Toʻlov topshiriqnomasi № ___________ 199 y “____” ____________________dan

Harbiy qism, tashkilotlar va muassasalarning № ____ talab qilib olinguncha depozit hisobvaraqlaridan pul mablagʻlarini oʻtkazish boʻyicha

QAYDNOMA

6-ILOVA

BILDIRUVNOMA №__________

7-ILOVA

farmoyish №_______

8-ILOVA

Qoraqalpogʻiston Respublikasi va mahalliy budjetlar hamda budjet mablagʻlarini bosh tasarruf etuvchilar uchun oʻrnatilgan shifrlar

ROʻYXATI

* banklar 31-shifrda hisobi yuritiladigan tashkilotlar va muassasalarning nomlarini hamda talab qilib olinguncha depozit hisobvaraqlarini tegishli moliya organlariga xabar qilishlari lozim.

9-ILOVA 2234 GBS hisobot shakli

Davlat budjeti va budjetdan tashqari fondlar boʻyicha operativ hisobot (199 y “___”____________________ga )

(Oʻzbekiston Respublikasi vazirliklari, davlat qoʻmitalari va idoralarining meʼyoriy hujjatlari axborotnomasi, 1999-y., 1-son)