Olmaliq kon-metallurgiya kombinatini aksiyadorlashtirishga oid qoʻshimcha chora-tadbirlar toʻgʻrisida (251-son)

15.06.1998

Oʻzbekiston Respublikasi Vazirlar Mahkamasining

qarori

[Koʻchirma]

Aksiyadorlashtirish jarayonini samarali tashkil etish va rangli hamda qimmatbaho metallar qazib olish va ularni qayta ishlash ishlab chiqarishini boshqarishni takomillashtirish maqsadida Vazirlar Mahkamasi qaror qiladi:

1. “Olmaliq kon-metallurgiya kombinati” aksiyadorlik jamiyati aksiyalarini quyidagi ulushlarda dastlabki joylashtirish nazarda tutilsin:

51 foiz — davlat ulushi;

46,5 foiz —tender asosida xorijiy investorlarga sotiladigan ulush;

2,5 foiz — mehnat jamoasi aʼzolari ulushi.

2. Oʻzbekiston Respublikasi Davlat mulki qoʻmitasi Olmaliq kon-metallurgiya kombinati bilan birgalikda ikki hafta muddatda “Olmaliq kon-metallurgiya kombinati” ochiq turdagi aksiyadorlik jamiyatini tashkil etishga oid dastlabki hujjatlarga tegishli oʻzgartirishlar kiritsin.

3. Tender komissiyasi va Oʻzbekiston Respublikasi Davlat mulki qoʻmitasining “Olmaliq kon-metallurgiya kombinati” ochiq turdagi aksiyadorlik jamiyatining aksiyalashtiriladigan mol-mulkini baholash, sotiladigan aksiyalar narxini belgilash va tayyorlangan tender hujjatlarini ekspertizadan oʻtkazish uchun “Atlantik Galf Assoshieytes” (AQSh), “Independent Mayning Konsaltants. Ink” (AQSh) va “Patton Boggs” (AQSh) kompaniyalari guruhini jalb etish toʻgʻrisidagi taklifi qabul qilinsin.

4. Oʻzbekiston Respublikasi Davlat mulki qoʻmitasi:

ishlarning bajarilishiga qarab koʻrsatilgan xizmatlarga uch bosqichda haq toʻlashni nazarda tutgan holda ishlarni bajarish uchun “Atlantik Galf Assoshieytes” (AQSh), “Independent Mayning Konsaltants. Ink” (AQSh) va “Patton Boggs” (AQSh) kompaniyalari guruhi bilan 10 kun muddatda kontrakt tuzsin;

kontrakt imzolangan kundan boshlab ikki oy muddatda kompaniyalar guruhining “Olmaliq kon-metallurgiya kombinati” ochiq turdagi aksiyadorlik jamiyatining aksiyalashtiriladigan mol-mulkini baholash, sotiladigan aksiyalar narxini belgilash va tayyorlangan tender hujjatlari ekspertizasi yuzasidan ish natijalariga oid materiallarni tender komissiyasiga kiritsin.

8. Vazirlar Mahkamasining “Olmaliq kon-metallurgiya kombinatini aksionerlik jamiyatiga aylantirish toʻgʻrisida” 1997-yil 10-fevraldagi 71-son qarorining 3, 4-bandlari oʻz kuchini yoʻqotgan deb hisoblansin.

9. Mazkur qarorning bajarilishini nazorat qilish Oʻzbekiston Respublikasining Bosh vaziri Oʻ. T. Sultonov zimmasiga yuklansin.

Vazirlar Mahkamasining Raisi I. KARIMOV

Toshkent sh.,

1998-yil 15-iyun,

251-son