Oʻzbekiston Respublikasi oliy taʼlim muassasalariga “Chaqiriqqacha harbiy taʼlim” yoʻnalishi boʻyicha qabul qilishda kasbiy (ijodiy) imtihon oʻtkazish tartibi toʻgʻrisidagi nizomga oʻzgartirishlar kiritish haqida (2995-3-son)
19.05.2026
Oʻzbekiston Respublikasi Mudofaa vazirligi Oʻzbekiston Respublikasi Oliy taʼlim, fan va innovatsiyalar vazirligining
Qarori
[Oʻzbekiston Respublikasi Adliya vazirligi tomonidan 2026-yil 19-mayda roʻyxatdan oʻtkazildi, roʻyxat raqami 2995-3]
Oʻzbekiston Respublikasi Vazirlar Mahkamasining 2025-yil 13-sentabrdagi 578-son “Oliy taʼlim tashkilotlariga oʻqishga qabul qilish jarayonlarini tartibga soluvchi normativ-huquqiy hujjatlarni tasdiqlash toʻgʻrisida”gi qaroriga muvofiq Oʻzbekiston Respublikasi Mudofaa vazirligi hamda Oliy taʼlim, fan va innovatsiyalar vazirligi qaror qiladi:
1. Oʻzbekiston Respublikasi Mudofaa vazirligi hamda Oliy va oʻrta maxsus taʼlim vazirligining 2017-yil 5-dekabrdagi 34 va 27-2017-son qarori (roʻyxat raqami 2995, 2018-yil 5-aprel) (Qonun hujjatlari maʼlumotlari milliy bazasi, 06.04.2018-y., 10/18/2995/1020-son) bilan tasdiqlangan Oʻzbekiston Respublikasi oliy taʼlim muassasalariga “Chaqiriqqacha harbiy taʼlim” yoʻnalishi boʻyicha qabul qilishda kasbiy (ijodiy) imtihon oʻtkazish tartibi toʻgʻrisidagi nizomga ilovaga muvofiq oʻzgartirishlar kiritilsin.
2. Mazkur qaror rasmiy eʼlon qilingan kundan eʼtiboran kuchga kiradi.
Mudofaa vaziri Sh. XALMUXAMEDOV
Toshkent sh.,
2026-yil 6-may,
12-son
Oliy taʼlim, fan va innovatsiyalar vaziri K. SHARIPOV
Toshkent sh.,
2026-yil 5-may,
30-Q/Qson
Oʻzbekiston Respublikasi Mudofaa vazirligining 2026-yil 6-maydagi 12-son hamda Oliy taʼlim, fan va innovatsiyalar vazirligining 2026-yil 5-maydagi 30-Q/Q-son qaroriga ILOVA
Oʻzbekiston Respublikasi oliy taʼlim muassasalariga “Chaqiriqqacha harbiy taʼlim” yoʻnalishi boʻyicha qabul qilishda kasbiy (ijodiy) imtihon oʻtkazish tartibi toʻgʻrisidagi nizomga kiritilayotgan oʻzgartirishlar
1. 6-banddagi “davlat test sinovlari oʻtkazilishiga qadar 11-iyuldan 25-iyulgacha” degan soʻzlar “har yili abituriyentlarni roʻyxatdan oʻtkazish yakunlangandan boshlab 20-iyulga qadar (20-iyul kuni ham)” degan soʻzlar bilan almashtirilsin.
2. 17-banddagi “30” raqami “25” raqami bilan almashtirilsin.
3. 19-banddagi “72” raqami “24” raqami bilan almashtirilsin.
4. 21-banddagi “48 soat” degan soʻzlar “uch kun muddat” degan soʻzlar bilan almashtirilsin.