“Oʻzbekiston Respublikasi Markaziy banki tomonidan tijorat banklari va ularning filiallari rahbarlari hamda bosh buxgalterlari lavozimlariga tavsiya etilayotgan nomzodlarga nisbatan malaka talablari qoʻyish tartibi toʻgʻrisida”gi nizomga 2-son qoʻshimchani tasdiqlash haqida (1204-2-son)

14.01.2004

Oʻzbekiston Respublikasi Markaziy banki boshqaruvining

Qarori

[Oʻzbekiston Respublikasi Adliya vazirligi tomonidan 2004-yil 14-yanvarda 1204-2-son bilan davlat roʻyxatidan oʻtkazilgan]

“Oʻzbekiston Respublikasi Markaziy banki tomonidan tijorat banklari va ularning filiallari rahbarlari hamda bosh buxgalterlari lavozimlariga tavsiya etilayotgan nomzodlarga nisbatan malaka talablari qoʻyish tartibi toʻgʻrisida”gi Nizomga 2-son qoʻshimcha loyihasini koʻrib chiqib va muhokama qilib, Boshqaruv qaror qiladi:

1. Oʻzbekiston Respublikasi Adliya vazirligida 2003-yil 22-yanvarda 1204-son bilan davlat roʻyxatidan oʻtkazilgan “Oʻzbekiston Respublikasi Markaziy banki tomonidan tijorat banklari va ularning filiallari rahbarlari hamda bosh buxgalterlari lavozimlariga tavsiya etilayotgan nomzodlarga nisbatan malaka talablari qoʻyish tartibi toʻgʻrisida”gi Nizomga 2-son qoʻshimcha ilovaga muvofiq tasdiqlansin.

2. Ushbu qaror Adliya vazirligida davlat roʻyxatidan oʻtkazilgandan soʻng, 10 kundan keyin kuchga kiritilsin.

Markaziy bank v. v. b. M. R. JUMAGALDIYEV

Toshkent sh.,

2003-yil 27-dekabr,

32/8-son

Oʻzbekiston Respublikasi Markaziy banki Boshqaruvining 2003-yil 27-dekabrdagi 32/8-sonli qarori bilan “TASDIQLANGAN” 521-2-son

2-son qoʻshimcha

5-band quyidagi tahrirdagi xatboshi bilan toʻldirilsin:

“Alohida hollarda, tijorat banki Boshqaruvi tavsiyasi asosida banklarning tuman filiallari bosh buxgalterlari lavozimlariga iqtisodiy oʻrta maxsus maʼlumotga ega boʻlgan nomzodlarni maʼlumoti boʻyicha Komissiya qaror qabul qilish huquqiga ega.”