Oʻzbekiston Respublikasi Vazirlar Mahkamasining “Oʻzbekiston Respublikasining Rossiya Federatsiyasidagi elchixonasini tashkil etish toʻgʻrisida” 1992-yil 22-iyuldagi 339-son qaroriga oʻzgartirishlar kiritish haqida (438-son)

13.10.1998

Oʻzbekiston Respublikasi Vazirlar Mahkamasining

qarori

Oʻzbekiston Respublikasining Rossiya Federatsiyasidagi Elchixonasi apparati tuzilmasini takomillashtirish va ish samaradorligini oshirish maqsadida Vazirlar Mahkamasi qaror qiladi:

1. Elchixonaning shtat jadvali va xarajatlari smetasi 1, 2-ilovalarga muvofiq tasdiqlansin.

2. Oʻzbekiston Respublikasi Moliya vazirligi mablagʻ bilan taʼminlashni Elchixonaning tasdiqlangan xarajatlari smetasiga muvofiq amalga oshirsin.

Elchixona shtatdagi xodimlar soni oʻzgarishi munosabati bilan boʻshab qolgan asbob-uskunalar va jihozlarni zaruriyat boʻlganda sotsin.

Elchixona asbob-uskunalari va jihozlarini sotishdan tushgan mablagʻlar, budjetdan ajratish nazarda tutilgan mablagʻlar tegishli ravishda qisqartirilgan holda, Elchixona sarf-xarajatlarini mablagʻ bilan taʼminlashda foydalanilishi maʼlumot uchun qabul qilinsin.

3. Oʻzbekiston Respublikasi Tashqi ishlar vazirligi ikki oy muddatda Elchixona xodimlari sonini tasdiqlangan shtat jadvaliga muvofiqlashtirsin.

4. Oʻzbekiston Respublikasi Vazirlar Mahkamasining “Oʻzbekiston Respublikasining Rossiya Federatsiyasidagi Elchixonasini tashkil etish toʻgʻrisida” 1992-yil 22-iyuldagi 339-son qarorining 2, 3, 4, 5, 7-bandlari oʻz kuchini yoʻqotgan deb hisoblansin.

5. Mazkur qarorning bajarilishini nazorat qilish Tashqi ishlar vaziri A. Komilov va Moliya vaziri J. Sayfiddinov zimmasiga yuklansin.

Vazirlar Mahkamasining Raisi I. KARIMOV

Toshkent sh.,

1998-yil 13-oktabr,

438-son

Vazirlar Mahkamasining 1998-yil 13-oktabrdagi 438-son qaroriga 1-ILOVA

Oʻzbekiston Respublikasining Rossiya Federatsiyasidagi (Moskva shahri) Elchixonasi

ShTAT JADVALI

(1-ilova Oʻzbekiston Respublikasi Vazirlar Mahkamasining 2003-yil 28-avgustdagi 374-sonli qarori tahririda)

Vazirlar Mahkamasining 1998-yil 13-oktabrdagi 438-son qaroriga 2-ILOVA

Oʻzbekiston Respublikasining Rossiya Federatsiyasidagi (Moskva shahri) Elchixonasi xarajatlari

SMETASI

Izoh: (*)

— mablagʻ Oʻzbekiston Respublikasi Markaziy bankining toʻlov kunidagi kursi boʻyicha milliy valyutada ajratiladi.

— mehmonxona xoʻjaligi xarajatlari oʻz daromadlari hisobiga qoplanadi;

— ikki oylik muddat tugaguncha elchixonani mablagʻ bilan taʼminlash 1998-yilga tasdiqlangan smetaga muvofiq amalga oshiriladi.