Xalqaro shartnomani tasdiqlash toʻgʻrisida (PQ-187-son)

14.05.2026

Oʻzbekiston Respublikasi Prezidentining

qarori

“Oʻzbekiston Respublikasi xalqaro shartnomalari toʻgʻrisida”gi Oʻzbekiston Respublikasi Qonunining 22-moddasiga muvofiq qaror qilaman:

1. 2025-yil 26-avgust kuni Samarqand shahrida imzolangan Oʻzbekiston Respublikasi Hukumati bilan Iordaniya Hoshimiylar Podshohligi Hukumati oʻrtasida 1996-yil 24-noyabrda imzolangan oʻzlarining tegishli hududlariaro va hududlaridan tashqarida havo qatnovi toʻgʻrisida tuzilgan bitimga oʻzgartirishlar kiritish haqidagi bayonnoma tasdiqlansin.

2. Transport vazirligi ushbu xalqaro shartnomani amalga oshirish uchun masʼul boʻlgan vakolatli organ etib belgilansin.

3. Tashqi ishlar vazirligi mazkur xalqaro shartnomaning kuchga kirishi uchun Oʻzbekiston Respublikasi tomonidan zarur boʻlgan davlat ichki tartib-taomillari bajarilganligi hamda uni amalga oshirish uchun masʼul boʻlgan vakolatli organ toʻgʻrisida Iordaniya tomoniga tegishli bildirishnoma yuborsin.

4. Vazirlar Mahkamasi hamda tegishli vazirlik va idoralarning rahbarlari ushbu xalqaro shartnoma kuchga kirganidan keyin uning qoidalari bajarilishi ustidan belgilangan tartibda nazoratni taʼminlasin.

5. Mazkur qarorning ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2026-yil 14-may,

PQ-187-son