“Oʻzitalmotor” aksiyadorlik jamiyatini qayta tashkil etish toʻgʻrisida (200-son)

12.05.1998

Oʻzbekiston Respublikasi Vazirlar Mahkamasining

qarori

[Koʻchirma]

“Oʻzitalmotor” aksiyadorlik jamiyatining ishlab chiqarish maydonlaridan samarali foydalanish, zamonaviy qishloq xoʻjaligi texnikasi va traktor dizel dvigatellari ishlab chiqarishni taʼminlash maqsadida Vazirlar Mahkamasi qaror qiladi:

1. Toshkent motor zavodi tomonidan Italiyaning “Adjind international” firmasi bilan birgalikda tashkil etilgan “Uzitalmotor” AJ tarkibiga kiruvchi aksiyadorlik jamiyatlari shaklidagi korxonalar:

dvigatellar ishlab chiqaradigan “Toshkent motor zavodi” AJ, aluminiy quymalari ishlab chiqaradigan “TAKFA” AJ va “Ipak yoʻli” AJning mehmonxona kompleksi ustav qoidalariga muvofiq koʻrsatib oʻtilgan korxonalar aksiyadorlarining umumiy yigʻilishlari qarorlari asosida tugatilishi;

“OʻzPGS” AJ “Oʻzitalmotor” AJ hududidan “Oʻzmashsanoat” uyushmasining toʻldirish va qadoqlash uskunalari tajriba-konstruktorlik burosi (TQTKB) hududiga Toshkent shahri, Qoʻyliq mavzesi manziliga oʻtkazilishi maʼlumot uchun qabul qilinsin.

2. Oʻzbekiston Respublikasi Davlat mulki qoʻmitasining:

tugatilgan korxonalarning oʻzbek taʼsischilari mulki negizida “Uzitalmotor” AJni “Motor zavodi” AJga aylantirish toʻgʻrisidagi;

“Adjind international” firmasining tugatilayotgan korxonalardagi ulushini aksiyadorlarning umumiy yigʻilishlari qarorlariga muvofiq “OʻzPGS” AJ ustav kapitaliga oʻtkazish toʻgʻrisidagi takliflariga rozilik berilsin.

3. Oʻzbekiston Respublikasi Adliya vazirligi “Uzitalmotor” AJ, “Ipak yoʻli” AJ, “TAKFA” AJ va “Toshkent motor zavodi” AJni belgilangan tartibda davlat reyestridan chiqarsin.

4. Oʻzbekiston Respublikasi Davlat mulki qoʻmitasi “Oʻzqishloqxoʻjalikmash-xolding” kompaniyasi tugatilayotgan korxonalar maydonlariga quyidagilarni joylashtirilsin:

“Oʻzqishloqxoʻjalikmashxolding” kompaniyasi, “Toshqishloqmash” AJ va Amerikaning “Keys” firmasi tomonidan tashkil etilgan paxta terish mashinalarini ishlab chiqarish boʻyicha “OʻzKeysmash” Oʻzbekiston-Amerika qoʻshma korxonasi;

“Oʻzqishloqxoʻjalikmash-xolding” kompaniyasi, “Motor zavodi” AJ va Amerikaning “Kamminz” firmasi tomonidan tashkil etilayotgan dizel dvigatellari ishlab chiqarish boʻyicha “OʻzKamminsmotor” Oʻzbekiston-Amerika qoʻshma korxonasi;

ishlab chiqilayotgan mahalliylashtirish dasturiga muvofiq “Kamminz” dvigatellari uchun detallar va uzellar ishlab chiqarish boʻyicha “Motor zavodi” AJ.

5. Oʻzbekiston Respublikasi Davlat mulki qoʻmitasi bir oy muddatda Oʻzbekiston tomonining ustav fondi sifatida “OʻzKeysmash” qoʻshma korxonasi va “OʻzKammiminsmotor” qoʻshma korxonasi balansiga beriladigan obyektlar, inshootlar va asbob-uskunalar roʻyxatini belgilangan tartibda tasdiqlasin.

6. “Adjind interneshnl” firmasining kichik va oʻrta biznes korxonalarining ehtiyojlarini qondirish uchun “OʻzPGS” AJning qishloq xoʻjaligi xomashyosini dastlabki qayta ishlash uskunalarini ishlab chiqarishga ixtisoslashuvini oʻzgartirish toʻgʻrisidagi taklifiga rozilik berilsin.

9. “Oʻzmashsanoat” uyushmasi TQTKB va “OʻzPGS” AJ bilan birgalikda tugatish komissiyasi ishi yakunlangandan keyin bir oy muddatda oʻzaro hamkorlik shakli va TQTKB ishining samaradorligini oshirish masalalari boʻyicha Vazirlar Mahkamasiga takliflar kiritsin.

10. Oʻzbekiston Respublikasi Vazirlar Mahkamasining “Toshkent motor zavodini “Oʻzitalmotor” aksiyadorlik birlashmasiga aylantirish toʻgʻrisida” 1993-yil 2-martdagi 117-son qarori oʻz kuchini yoʻqotgan deb hisoblansin.

11. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari V.A. Chjen zimmasiga yuklansin.

Vazirlar Mahkamasining Raisi I. KARIMOV

Toshkent sh.,

1998-yil 12-may,

200-son