Vazirlar Mahkamasining “Oʻzbekiston oltin qazib olish va olmosga ishlov berish korxonalari (“Oʻzolmosoltin”) uyushmasini tashkil etish va uning faoliyati masalalari toʻgʻrisida” 1994-yil 19-martdagi 150-son qaroriga oʻzgartirishlar kiritish toʻgʻrisida (165-son)

20.04.1998

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Vazirlar Mahkamasining “Qimmatbaho metallar va qimmatbaho toshlar qoʻmitasi tarkibidagi “Fonon” ilmiy-ishlab chiqarish birlashmasining faoliyati masalalari toʻgʻrisida” 1997-yil 24-dekabrdagi 566-son qaroriga muvofiq Vazirlar Mahkamasi qaror qiladi:

Vazirlar Mahkamasining “Oʻzbekiston oltin qazib olish va olmosga ishlov berish korxonalari (“Oʻzolmosoltin”) uyushmasini tashkil etish va uning faoliyati masalalari toʻgʻrisida” 1994-yil 19-martdagi 150-son qaroriga oʻzgartirishlar kiritilsin:

a) 3-bandning birinchi xatboshi quyidagi tahrirda bayon qilinsin:

“Oʻzolmosoltin” uyushmasi ijro etuvchi apparatining 2-ilovaga muvofiq tuzilmasi va xodimlari soni (xizmat koʻrsatuvchi xodimlardan tashqari) 42 nafar, shu jumladan, Vazirlar Mahkamasi tomonidan tasdiqlanadigan uyushma raisi hamda uning ikki nafar oʻrinbosari boʻlishiga rozilik berilsin”;

b) qarorga 1 va 2-ilovalar Yangi tahririda bayon qilinsin (ilova qilinadi).

Vazirlar Mahkamasining Raisi I. KARIMOV

Toshkent sh.,

1998-yil 20-aprel,

165-son

Vazirlar Mahkamasining 1994-yil 19-martdagi 150-son qaroriga 1-ILOVA (Vazirlar Mahkamasining 1998-yil 20-apreldagi 165-son qarori tahririda)

“Oʻzolmosoltin” uyushmasiga kiruvchi korxonalar va tashkilotlar

ROʻYXATI

1. Angren oltin qazib olish koni.

2. “Zarnitsa” oltin qidiruvchilar arteli, Angren shahri.

3. Chodak oltin qazib olish koni, Namangan viloyati.

4. Kauldi oltin qazib olish koni, Toshkent viloyati.

5. Marjonbuloq oltin qazib olish koni, Jizzax viloyati.

6. Zarmitan oltin qazib olish koni, Samarqand viloyati.

7. “Chilten” aksiyadorlik jamiyati, Toshkent viloyati.

8. “Qizilqum” oltin qidiruvchilar arteli, Toshkent shahri.

9. “Shaxtaquruvchi” aksiyadorlik jamiyati, Toshkent shahri.

10. “Oʻzranglimetalenergiya” aksiyadorlik jamiyati, Toshkent shahri.

11. “Oʻzsanoatavtomatika” jamoa korxonasi, Olmaliq shahri.

12. “Oʻzrangmetloyiha” aksiyadorlik jamiyati, Toshkent shahri.

13. “Oltintaʼminot” masʼuliyati cheklangan jamiyat, Toshkent shahri.

14. Ishchilar taʼminoti Angren boʻlimi.

15. Ishchilar taʼminoti Chodak boʻlimi.

16. Ishchilar taʼminoti Marjonbuloq boʻlimi.

17. Ishchilar taʼminoti Zarmitan boʻlimi.

18. “Oltin Yombi” pansionati, Toshkent viloyati.

Vazirlar Mahkamasining 1994-yil 19-martdagi 150-son qaroriga 2-ILOVA (Vazirlar Mahkamasining 1998-yil 20-apreldagi 165-son qarori tahririda)

“Oʻzolmosoltin” uyushmasi ijro etuvchi apparati

TUZILMASI

Rahbariyat

Investitsiyalar va tashqi iqtisodiy faoliyat boʻlimi

Iqtisodiy tahlil, davlat tasarrufidan chiqarish va xususiylashtirish boʻlimi

Resurslar va marketing boʻlimi

Kon-geologiya boʻlimi

Texnologiya va ilm-fan boʻlimi

Xavfsizlik texnikasi va atrof-muhitni muhofaza qilish boʻlimi

Markaziy buxgalteriya

Ishlar boshqarmasi

Birinchi boʻlim

“Oʻzolmosoltin” uyushmasi boshqaruvining ijro etuvchi apparati

TUZILMASI

Hamma xodimlar soni — 42 kishi