Oʻzbekiston Respublikasi Oliy Majlisi Qonunchilik palatasining sobiq deputati U.A. Jalmenovga «Faxriy deputat» maqomini berish toʻgʻrisida (1875-V-son)

17.03.2026

Oʻzbekiston Respublikasi Oliy Majlisi Qonunchilik palatasining

qarori

Ikki chaqiriq mobaynida Oʻzbekiston Respublikasi Oliy Majlisi Qonunchilik palatasida faoliyat koʻrsatganligi, milliy parlamentarizmni rivojlantirishda faol ishtirok etganligi, mamlakatda ijtimoiy-siyosiy va sotsial-iqtisodiy sohalardagi islohotlarni amalga oshirishga munosib hissa qoʻshib kelayotganligi, ijtimoiy hayotdagi faolligi bilan aholi orasida munosib obroʻ-eʼtibor qozonganligi inobatga olinib, shuningdek Oʻzbekiston Respublikasi Oliy Majlisi Qonunchilik palatasi deputatlarini va Devoni xodimlarini maʼnaviy va moddiy ragʻbatlantirish boʻyicha komissiya tavsiyasiga muvofiq Qonunchilik palatasining Kengashi kiritgan taklifga asosan Oʻzbekiston Respublikasi Oliy Majlisining Qonunchilik palatasi qaror qiladi:

1. Oʻzbekiston Respublikasi Oliy Majlisi Qonunchilik palatasining sobiq deputati Ulikbek Abilayevich Jalmenovga «Faxriy deputat» maqomi berilsin.

2. U.A. Jalmenovga «Faxriy deputat» guvohnomasi hamda bazaviy hisoblash miqdorining sakkiz baravari miqdorida bir martalik pul mukofoti berilsin.

3. U.A. Jalmenovga Oʻzbekiston Respublikasi Oliy Majlisi Qonunchilik palatasi, uning Kengashi va qoʻmitalari, siyosiy partiyalar fraksiyalari majlislarida, shuningdek Qonunchilik palatasi organlari tomonidan oʻtkaziladigan boshqa tadbirlarda ishtirok etish huquqi berilsin.

4. Ushbu Qaror qabul qilingan kundan eʼtiboran kuchga kiradi.

Oʻzbekiston Respublikasi Oliy Majlisi Qonunchilik palatasining Spikeri N. ISMOILOV

Toshkent sh.,

2026-yil 17-mart,

1875-V-son