Issiqlik elektr stansiyalarida ishga tushirish-sozlash ishlarini bajarish va qabul qilish qoidalariga oʻzgartirishlar kiritish haqida (2307-1-son)
15.04.2026
Oʻzbekiston Respublikasi Vazirlar Mahkamasi huzuridagi Elektr energiyasi, neft mahsulotlari va gazdan foydalanishni nazorat qilish inspeksiyasi boshligʻining
buyrugʻi
[Oʻzbekiston Respublikasi Adliya vazirligi tomonidan 2026-yil 15-aprelda roʻyxatdan oʻtkazildi, roʻyxat raqami 2307-1]
Oʻzbekiston Respublikasi Prezidentining 2022-yil 21-dekabrdagi PF-269-son “Yangi Oʻzbekiston maʼmuriy islohotlarini amalga oshirish chora-tadbirlari toʻgʻrisida”gi va 2023-yil 25-yanvardagi PF-14-son “Respublika ijro etuvchi hokimiyat organlari faoliyatini samarali yoʻlga qoʻyishga doir birinchi navbatdagi tashkiliy chora-tadbirlar toʻgʻrisida”gi farmonlariga muvofiq buyuraman:
1. Elektr energetikada nazorat boʻyicha davlat inspeksiyasi boshligʻining 2011-yil 25-noyabrdagi 25-son buyrugʻi (roʻyxat raqami 2307, 2011-yil 28-dekabr) (Oʻzbekiston Respublikasi qonun hujjatlari toʻplami, 2012-y., 52-son, 569-modda) bilan tasdiqlangan Issiqlik elektr stansiyalarida ishga tushirish-sozlash ishlarini bajarish va qabul qilish qoidalariga ilovaga muvofiq oʻzgartirishlar kiritilsin.
2. Mazkur buyruq Oʻzbekiston Respublikasi Energetika vazirligi, Favqulodda vaziyatlar vazirligi, Qurilish va uy-joy kommunal xoʻjaligi vazirligi hamda Vazirlar Mahkamasi huzuridagi Sanoat, radiatsiya va yadro xavfsizligi qoʻmitasi bilan kelishilgan.
3. Mazkur buyruq rasmiy eʼlon qilingan kundan eʼtiboran kuchga kiradi.
Boshliq D. ISAQULOV
Toshkent sh.,
2026-yil 3-aprel,
20-son
Kelishildi:
Energetika vaziri J. MIRZAMAHMUDOV
2026-yil 5-mart
Favqulodda vaziyatlar vaziri A. IKRAMOV
2026-yil 28-fevral
Qurilish va uy-joy kommunal xoʻjaligi vaziri SH. XIDOYATOV
2026-yil 27-fevral
Sanoat, radiatsiya va yadro xavfsizligi qo'mitasi raisi A. RAFIQOV
2026-yil 25-fevral
Oʻzbekiston Respublikasi Vazirlar Mahkamasi huzuridagi Elektr energiyasi, neft mahsulotlari va gazdan foydalanishni nazorat qilish inspeksiyasi boshligʻining 2026-yil 3-apreldagi 20-son buyrugʻiga ILOVA
Issiqlik elektr stansiyalarida ishga tushirish-sozlash ishlarini bajarish va qabul qilish qoidalariga kiritilayotgan oʻzgartirishlar
1. Muqaddimadan “Vazirlar Mahkamasining 2004-yil 1-martdagi 96-son qarori (Oʻzbekiston Respublikasi qonun hujjatlari toʻplami, 2004-yil, 9-son, 105-modda) bilan tasdiqlangan Elektr energetikada nazorat boʻyicha davlat inspeksiyasi (“Oʻzdavenergonazorat” inspeksiyasi) toʻgʻrisidagi nizomga muvofiq,” degan soʻzlar chiqarib tashlansin.
1. 2-bandda:
ikkinchi xatboshidagi “yoʻq qilinishi” degan soʻzlar “bartaraf etilishi” degan soʻzlar bilan almashtirilsin;
uchinchi xatboshidagi “montajdan oldingi” degan soʻzlar “montaj qilishdan oldingi” degan soʻzlar bilan almashtirilsin.
3. 16-bandda:
toʻrtinchi xatboshidagi “montajdan” degan soʻz “montaj qilingandan soʻng” degan soʻzlar bilan almashtirilsin;
yettinchi xatboshidagi “orttirib” degan soʻz “oshirib” degan soʻz bilan almashtirilsin;
oʻninchi xatboshidagi “nazorat ostidagi yoki kafolatlangan ekspluatatsiya” degan soʻzlar “nazorat ostida yoki kafolatlangan ekspluatatsiya qilinishi” degan soʻzlar bilan almashtirilsin.
4. 18-bandning ikkinchi xatboshisidagi “montajdan oldingi” va “montajdan” degan soʻzlar tegishli ravishda “montaj qilishdan oldingi” va “montaj qilingandan soʻng” degan soʻzlar bilan almashtirilsin.
5. 24 va 49-bandlardagi “Qurilishi tugallangan obyektlarni ekspluatatsiyaga qabul qilish” SHNQ 3.01.04-04” degan soʻzlar “Qurilishi tugallangan obyektlarni foydalanishga qabul qilish” SHNQ 3.01.04-19” degan soʻzlar bilan almashtirilsin.
6. 25-bandning birinchi xatboshisi va 52-banddagi “Qurilishi tugallangan obyektlarni ekspluatatsiyaga qabul qilish” SHNQ 3.01.04-04ga” degan soʻzlar “Qurilishi tugallangan obyektlarni foydalanishga qabul qilish” SHNQ 3.01.04-19ga” degan soʻzlar bilan almashtirilsin.
7. 28-bandning birinchi xatboshisidagi “montajdan oldin” degan soʻzlar “montaj qilinishidan oldin” degan soʻz bilan almashtirilsin.
29-banddagi “Montajdan” degan soʻz “Montaj qilingandan soʻng” degan soʻzlar bilan almashtirilsin.
32-bandning birinchi va ikkinchi xatboshilaridagi, 34-banddagi “montajdan” degan soʻz “montaj qilingandan soʻng” degan soʻzlar bilan almashtirilsin.