Budjet tashkilotlarida buxgalteriya hisobi toʻgʻrisidagi yoʻriqnomaga oʻzgartirishlar kiritish haqida (2169-10-son)

03.04.2026

Oʻzbekiston Respublikasi iqtisodiyot va moliya vazirining

buyrugʻi

[Oʻzbekiston Respublikasi Adliya vazirligi tomonidan 2026-yil 3-aprelda roʻyxatdan oʻtkazildi, roʻyxat raqami 2169-10]

Oʻzbekiston Respublikasining “Davlat tili haqida”gi Qonuni hamda Oʻzbekiston Respublikasi Prezidentining 2020-yil 20-oktabrdagi PF-6084-son “Mamlakatimizda oʻzbek tilini yanada rivojlantirish va til siyosatini takomillashtirish chora-tadbirlari toʻgʻrisida”gi Farmoniga muvofiq buyuraman:

1. Oʻzbekiston Respublikasi moliya vazirining 2010-yil 17-dekabrdagi 105-son buyrugʻi (roʻyxat raqami 2169, 2010-yil 22-dekabr) (Oʻzbekiston Respublikasi qonun hujjatlari toʻplami, 2010-y., 51-son, 502-modda) bilan tasdiqlangan Budjet tashkilotlarida buxgalteriya hisobi toʻgʻrisidagi yoʻriqnomaga ilovaga muvofiq oʻzgartirishlar kiritilsin.

2. Mazkur buyruq rasmiy eʼlon qilingan kundan eʼtiboran kuchga kiradi.

Vazir J. KUCHKAROV

Toshkent sh.,

2026-yil 13-mart,

346-son

Oʻzbekiston Respublikasi iqtisodiyot va moliya vazirining 2026-yil 13-martdagi 346-son buyrugʻiga ILOVA

Budjet tashkilotlarida buxgalteriya hisobi toʻgʻrisidagi yoʻriqnomaga kiritilayotgan oʻzgartirishlar

1. 62-banddagi “komplektning” degan soʻz “toʻplamning” degan soʻz bilan almashtirilsin.

2. 160-bandda:

uchinchi xatboshidagi “menyu” va “Menyu” degan soʻzlar tegishli ravishda “taomnoma” va “Taomnoma” degan soʻzlar bilan almashtirilsin;

oltinchi xatboshidagi “zabor kartasi” va “Zabor kartasi” degan soʻzlar tegishli ravishda “materiallarni berish limit varaqasi” va “Materiallarni berish limit varaqasi” degan soʻzlar bilan almashtirilsin;

yettinchi xatboshidagi “zabor kartasi” va “zabor kartasini” degan soʻzlar tegishli ravishda “materiallarni berish limit varaqasi” va “materiallarni berish limit varaqasini” degan soʻzlar bilan almashtirilsin.

3. 173-bandning uchinchi xatboshisidagi “menyu” degan soʻz “taomnoma” degan soʻz bilan almashtirilsin.

4. 7, 9 va 55-ilovalar mazkur oʻzgartirishlarning 1 — 3-ilovalariga muvofiq tahrirda bayon etilsin.

5. 10-ilovadagi “061” va “231” raqamlari tegishli ravishda “161 100” va “710 000” raqamlari bilan almashtirilsin.

6. 12-ilovadagi “D 156” va “K 242” degan soʻzlar tegishli ravishda “Debit-151 400” va “Kredit-720 000” degan soʻzlar bilan almashtirilsin.

7. 31-ilovadagi “buxgalteriya provodkasi” degan soʻzlar “buxgalteriya oʻtkazmasi” degan soʻzlar bilan almashtirilsin.

8. 32-ilovadagi “provodka” degan soʻz “oʻtkazma” degan soʻz bilan almashtirilsin.

9. 35-ilovadagi “Stellaj” va “Yacheyka” degan soʻzlar tegishli ravishda “Saqlash joyi” va “Quti” degan soʻzlar bilan almashtirilsin.

10. 36-ilovadagi “MENYU-TALABNOMA” va “diyetsestra” degan soʻzlar tegishli ravishda “TAOMNOMA-TALABNOMA” va “parhez hamshira” degan soʻzlar bilan almashtirilsin.

11. 39-ilovadagi “ZABOR KARTA” degan soʻzlar “MATERIALLARNI BERISH LIMIT VARAQASI” degan soʻzlar bilan almashtirilsin.

12. 41-ilovadagi “ovqatlanuvchilar kategoriyasi” va “menyu” degan soʻzlar tegishli ravishda “ovqatlanuvchilar toifasi” va “taomnoma” degan soʻzlar bilan almashtirilsin.

13. 54-ilovadagi “kredit subschyot 120 yoki 121” degan soʻzlar “kredit subschyot 109 100 yoki 109 200” degan soʻzlar bilan almashtirilsin.

14. 60-ilovadagi “Kategoriya” degan soʻz “Toifa” degan soʻz bilan almashtirilsin.

15. 61-ilovadagi “vedomosti” degan soʻz “qaydnomasi” degan soʻz bilan almashtirilsin.

Budjet tashkilotlarida buxgalteriya hisobi toʻgʻrisidagi yoʻriqnomaga kiritilayotgan oʻzgartirishlarga 1-ILOVA “Budjet tashkilotlarida buxgalteriya hisobi toʻgʻrisidagi yoʻriqnomaga 7-ILOVA

8-MEMORIAL ORDER Hisobdor shaxslar bilan hisob-kitoblar boʻyicha jamlanma qaydnoma

Budjet tashkilotlarida buxgalteriya hisobi toʻgʻrisidagi yoʻriqnomaga kiritilayotgan oʻzgartirishlarga 2-ILOVA “Budjet tashkilotlarida buxgalteriya hisobi toʻgʻrisidagi yoʻriqnomaga 9-ILOVA

11-MEMORIAL ORDER

Budjet tashkilotlarida buxgalteriya hisobi toʻgʻrisidagi yoʻriqnomaga kiritilayotgan oʻzgartirishlarga 3-ILOVA “Budjet tashkilotlarida buxgalteriya hisobi toʻgʻrisidagi yoʻriqnomaga 55-ILOVA