3-modda. Asosiy tushunchalar

Ushbu Qonunda quyidagi asosiy tushunchalar qoʻllaniladi:

litsenziya — litsenziyalovchi organ tomonidan yuridik yoki jismoniy shaxsga berilgan, litsenziya talablari va shartlariga soʻzsiz rioya etilgani holda faoliyatning litsenziyalanayotgan turini amalga oshirish uchun ruxsatnoma (huquq);

faoliyatning litsenziyalanayotgan turi — Oʻzbekiston Respublikasi hududida amalga oshirilishi uchun litsenziya olish talab qilinadigan faoliyat turi;

litsenziyalash — litsenziya berish toʻgʻrisidagi arizani topshirish va koʻrib chiqish, litsenziyaning amal qilishini toʻxtatib turish yoki tugatish, shuningdek uni bekor qilish va qayta rasmiylashtirish jarayoni bilan bogʻliq tadbirlar kompleksi;

litsenziya talablari va shartlari — faoliyatning litsenziyalanayotgan turini amalga oshirayotganda litsenziat tomonidan bajarilishi majburiy boʻlgan, qonunchilikda belgilangan talablar va shartlarning majmui;

litsenziyalovchi organlar — qonunchilikka muvofiq litsenziyalashni amalga oshiruvchi maxsus vakolatli organlar;

litsenziya daʼvogari — litsenziyalovchi organga faoliyatning litsenziyalanadigan turini amalga oshirish uchun litsenziya berish toʻgʻrisidagi ariza bilan murojaat etgan yuridik yoki jismoniy shaxs;

litsenziat — faoliyatning litsenziyalanadigan turini amalga oshirish litsenziyasi boʻlgan yuridik yoki jismoniy shaxs;

litsenziya shartnomasi — faoliyatning litsenziyalanadigan turini amalga oshirish uchun litsenziatning litsenziya olishi va undan foydalanishi borasidagi litsenziyalovchi organ bilan litsenziya daʼvogari oʻrtasidagi munosabatlarni tartibga solib turadigan va ular oʻrtasida tuziladigan shartnoma;

litsenziyalar reyestri — berilgan, toʻxtatib turilgan, qayta tiklangan, qayta rasmiylashtirilgan, bekor qilingan litsenziyalar, shuningdek amal qilishi tugatilgan litsenziyalar toʻgʻrisidagi maʼlumotlarni oʻz ichiga olgan litsenziyalovchi organlarning maʼlumotlar bazalari majmui.