Oʻzbekiston Respublikasi Istiqbolli loyihalar milliy agentligining ayrim idoraviy normativ-huquqiy hujjatlariga oʻzgartirishlar kiritish toʻgʻrisida (3792-son)

19.03.2026

Oʻzbekiston Respublikasi Istiqbolli loyihalar milliy agentligi direktorining

buyrugʻi

[Oʻzbekiston Respublikasi Adliya vazirligi tomonidan 2026-yil 19-martda roʻyxatdan oʻtkazildi, roʻyxat raqami 3792]

Oʻzbekiston Respublikasining “Sugʻurta faoliyati toʻgʻrisida”gi Qonuni va Oʻzbekiston Respublikasi Vazirlar Mahkamasining 2025-yil 23-iyuldagi 458-son “Oʻzbekiston Respublikasi Prezidentining “Sugʻurta xizmatlari bozorini yanada rivojlantirishning kompleks chora-tadbirlari toʻgʻrisida” 2024-yil 1-martdagi PQ-108-son qarorini amalga oshirish chora-tadbirlari haqida”gi qaroriga muvofiq buyuraman:

1. Oʻzbekiston Respublikasi Istiqbolli loyihalar milliy agentligining ayrim idoraviy normativ-huquqiy hujjatlariga ilovaga muvofiq oʻzgartirishlar kiritilsin.

2. Mazkur buyruq rasmiy eʼlon qilingan kundan eʼtiboran kuchga kiradi.

Direktor D. LI

Toshkent sh.,

2026-yil 13-mart,

5-son

Oʻzbekiston Respublikasi Istiqbolli loyihalar milliy agentligi direktorining 2026-yil 13-martdagi 5-son buyrugʻiga ILOVA

Oʻzbekiston Respublikasi Istiqbolli loyihalar milliy agentligining ayrim idoraviy normativ-huquqiy hujjatlariga kiritilayotgan oʻzgartirishlar

1. Oʻzbekiston Respublikasi moliya vazirining 2008-yil 20-noyabrdagi 107-son buyrugʻi (roʻyxat raqami 1882, 2008-yil 15-dekabr) (Oʻzbekiston Respublikasi qonun hujjatlari toʻplami, 2008-y., 52-son, 529-modda) bilan tasdiqlangan Sugʻurtalovchilarning sugʻurta zaxiralari toʻgʻrisidagi nizomda:

a) 2-bandning oʻn oltinchi xatboshisi va 3-bandning birinchi xatboshisidagi “sugʻurta pulini” degan soʻzlar “sugʻurta toʻlovini” degan soʻzlar bilan almashtirilsin;

b) 4-bandning beshinchi xatboshisidagi “sugʻurta puli (pullari)” degan soʻzlar “sugʻurta summasi” degan soʻzlar bilan almashtirilsin;

d) 22-bandning ikkinchi xatboshisidagi “sugʻurta pulidan” degan soʻzlar “sugʻurta summasidan” degan soʻzlar bilan almashtirilsin.

2. Oʻzbekiston Respublikasi moliya vazirining 2009-yil 20-noyabrdagi 108-son buyrugʻi (roʻyxat raqami 2058, 2009-yil 22-dekabr) (Oʻzbekiston Respublikasi qonun hujjatlari toʻplami, 2009-y., 52-son, 582-modda) bilan tasdiqlangan Sugʻurtalovchining muvaqqat maʼmuriyati toʻgʻrisidagi nizomning 14-bandi va 20-bandi oltinchi xatboshisidagi “sugʻurta pulini” degan soʻzlar “sugʻurta toʻlovini” degan soʻzlar bilan almashtirilsin.

3. Oʻzbekiston Respublikasi moliya vazirining 2010-yil 27-dekabrdagi 111-son buyrugʻi (roʻyxat raqami 2190, 2011-yil 29-yanvar) (Oʻzbekiston Respublikasi qonun hujjatlari toʻplami, 2011-y., 4-5-son, 46-modda) bilan tasdiqlangan Qayta sugʻurta qilish xizmatlari koʻrsatishning yagona talablari va standartlari toʻgʻrisidagi nizomda:

a) 8-bandning oʻninchi xatboshisidagi “sugʻurta puli” degan soʻzlar “sugʻurta summasi” degan soʻzlar bilan almashtirilsin;

b) 9-banddagi “sugʻurta puli” degan soʻzlar “sugʻurta summasi” degan soʻzlar bilan almashtirilsin;

d) 12-bandda:

oʻn uchinchi, oʻn toʻqqizinchi, yigirma yettinchi, yigirma sakkizinchi, oʻttiz sakkizinchi, qirq sakkizinchi — elliginchi xatboshilardagi “sugʻurta pulini” degan soʻzlar “sugʻurta toʻlovini” degan soʻzlar bilan almashtirilsin;

yigirma toʻqqizinchi xatboshidagi “sugʻurta puli” va “sugʻurta pulining” degan soʻzlar tegishli ravishda “sugʻurta summasi” va “sugʻurta summasining” degan soʻzlar bilan almashtirilsin;

qirq toʻrtinchi xatboshidagi “sugʻurta pulini” degan soʻzlar “sugʻurta toʻlovini” degan soʻzlar bilan almashtirilsin;

e) 33-bandning ikkinchi xatboshisidagi “sugʻurta pulining” va “sugʻurta puli” degan soʻzlar tegishli ravishda “sugʻurta summasining” va “sugʻurta toʻlovi” degan soʻzlar bilan almashtirilsin;

f) 35-banddagi “sugʻurta puli” degan soʻzlar “sugʻurta toʻlovi” degan soʻzlar bilan almashtirilsin;

g) 37-bandda:

ikkinchi va beshinchi xatboshilardagi “sugʻurta pulini” degan soʻzlar “sugʻurta toʻlovini” degan soʻzlar bilan almashtirilsin;

oltinchi xatboshidagi “sugʻurta pulining” degan soʻzlar “sugʻurta toʻlovining” degan soʻzlar bilan almashtirilsin;

h) 38-banddagi “sugʻurta pulining” va “sugʻurta puliga” degan soʻzlar tegishli ravishda “sugʻurta summasining” va “sugʻurta summasiga” degan soʻzlar bilan almashtirilsin.