Oʻzbekiston Respublikasi Oliy Majlisi Senati va Tojikiston Respublikasi Majlisi Oli Majlisi milli oʻrtasida oʻzaro hamkorlik boʻyicha komissiyaning Oʻzbekiston qismi tarkibini tasdiqlash toʻgʻrisida (KQ-320-V-son)

06.03.2026

Oʻzbekicton Respublikasi Oliy Majlisi Senati Kengashining

qarori

Oʻzbekiston Respublikasi va Tojikiston Respublikasi oʻrtasida ikki tomonlama parlamentlararo aloqalarni, xalqaro parlamentlararo tashkilotlar doirasidagi hamkorlikni yanada rivojlantirish maqsadida hamda “Oʻzbekiston Respublikasi Oliy Majlisi Senatining Reglamenti toʻgʻrisida”gi Oʻzbekiston Respublikasi Qonunining 331-moddasiga muvofiq Oʻzbekiston Respublikasi Oliy Majlisi Senatining Kengashi qaror qiladi:​​​​​​​

1. Oʻzbekiston Respublikasi Oliy Majlisi Senati va Tojikiston Respublikasi Majlisi Oli Majlisi milli oʻrtasida oʻzaro hamkorlik boʻyicha komissiyaning Oʻzbekiston qismi quyidagi tarkibda tasdiqlansin:

2. Mazkur komissiya faoliyatini tashkiliy va axborot-tahliliy jihatdan taʼminlash Oʻzbekiston Respublikasi Oliy Majlisi Senati devonining Xalqaro aloqalar va protokol boshqarmasiga yuklansin.

3. Oʻzbekiston Respublikasi Oliy Majlisi Senati devonining Xalqaro aloqalar va protokol boshqarmasi har chorakda mazkur komissiya faoliyati toʻgʻrisida axborot tayyorlasin hamda Oʻzbekiston Respublikasi Oliy Majlisi Senatining Xalqaro munosabatlar, tashqi iqtisodiy aloqalar, xorijiy investitsiyalar va turizm masalalari qoʻmitasiga taqdim etsin.

4. Oʻzbekiston Respublikasi Oliy Majlisi Senati Kengashining 2025-yil 21-fevraldagi KQ-99-V-sonli Qarori oʻz kuchini yoʻqotgan deb hisoblansin.

5. Ushbu Qaror tegishli davlat organlariga maʼlumot uchun yuborilsin.

6. Mazkur Qaror qabul qilingan kundan eʼtiboran kuchga kiradi.

Oʻzbekiston Respublikasi Oliy Majlisi Senatining Raisi T. NARBAYEVA

Toshkent sh.,

2026-yil 6-mart,

KQ-320-V-son