“Oʻzbekiston Respublikasi poytaxtining maqomi toʻgʻrisida”gi Oʻzbekiston Respublikasi qonuni loyihasini ishlab chiqish haqida (1624-V-son)

07.01.2026

Oʻzbekiston Respublikasi Oliy Majlisi Qonunchilik palatasining

qarori

2025-yil 16-dekabrda Toshkent shahrida amalga oshirilgan bunyodkorlik ishlarini koʻzdan kechirish hamda poytaxt faollari bilan uchrashuv davomida Oʻzbekiston Respublikasi Prezidenti Sh.M. Mirziyoyev tomonidan belgilab berilgan Toshkent shahri faoliyatining huquqiy, iqtisodiy va tashkiliy asoslarini nazarda tutuvchi qonun loyihasini ishlab chiqish borasidagi vazifalarning ijrosini tashkil etish maqsadida Oʻzbekiston Respublikasi Oliy Majlisi Qonunchilik palatasining Kengashi qaror qiladi:

1. “Oʻzbekiston Respublikasi poytaxtining maqomi toʻgʻrisida”gi Oʻzbekiston Respublikasi qonuni loyihasini ishlab chiqish boʻyicha ishchi guruh ilovaga muvofiq tarkibda tuzilsin.

2. Ishchi guruh (Dj. Shirinov) 2026-yil 1-aprelga qadar:

qonun loyihasini ishlab chiqish yuzasidan Oʻzbekiston Respublikasi Vazirlar Mahkamasining, manfaatdor vazirliklar va idoralarning, xalq deputatlari Toshkent shahar Kengashining hamda Toshkent shahar hokimligining fikr-mulohazalarini, ilgʻor xorijiy davlatlar tajribasini oʻrganish;

oʻrganish natijalaridan kelib chiqib, qonun loyihasini ishlab chiqish;

amalga oshirilgan ishlar toʻgʻrisida Oʻzbekiston Respublikasi Oliy Majlisi Qonunchilik palatasining Kengashiga axborot kiritish choralarini koʻrsin.

3. Ushbu Qaror qabul qilingan kundan eʼtiboran kuchga kiradi.

Oʻzbekiston Respublikasi Oliy Majlisi Qonunchilik palatasi Spikerining oʻrinbosari R. XAKIMOV

Toshkent sh.,

2026-yil 7-yanvar,

1624-V-son

Oʻzbekiston Respublikasi Oliy Majlisi Qonunchilik palatasi Kengashining 2026-yil 7-yanvardagi 1624-V-sonli Qaroriga ILOVA

“Oʻzbekiston Respublikasi poytaxtining maqomi toʻgʻrisida”gi Oʻzbekiston Respublikasi qonuni loyihasini ishlab chiqish boʻyicha ishchi guruh

TARKIBI