Oʻzbekiston Respublikasi Oliy Majlisi Qonunchilik palatasining Devoni tomonidan 2025-yilda amalga oshirilgan ishlar toʻgʻrisida (1658-V-son)

19.01.2026

Oʻzbekiston Respublikasi Oliy Majlisi Qonunchilik palatasi kengashining

qarori

Oʻzbekiston Respublikasi Oliy Majlisi Qonunchilik palatasining Devoni tomonidan 2025-yilda amalga oshirilgan ishlar toʻgʻrisida toʻgʻrisidagi xisobotni koʻrib chiqib, Oʻzbekiston Respublikasi Oliy Majlisi Qonunchilik palatasining Kengashi qaror qiladi:

1. Oʻzbekiston Respublikasi Oliy Majlisi Qonunchilik palatasi Devoni rahbari vazifasini vaqtincha bajaruvchi B. Radjabovning “Oʻzbekiston Respublikasi Oliy Majlisi Qonunchilik palatasining Devoni tomonidan 2025-yilda amalga oshirilgan ishlar toʻgʻrisida”gi axboroti maʼlumot uchun qabul qilinsin (ilova qilinadi*).

* ilovalar berilmaydi.

2. Oʻzbekiston Respublikasi Oliy Majlisi Qonunchilik palatasining Devoni (B. Radjabov):

Oʻzbekiston Respublikasi Oliy Majlisi Qonunchilik palatasining faoliyatini tashkiliy, huquqiy, axborot-tahliliy va moddiy-texnik jihatdan taʼminlash ishlarini samarali tashkil etish maqsadida Devon tarkibiy boʻlinmalarining faoliyatini yanada kuchaytirish;

qonun ijodkorligi jarayonini raqamli transformatsiya qilish maqsadida joriy etilgan Oʻzbekiston Respublikasi Oliy Majlisi palatalarida qonun loyihalarini koʻrib chiqishning barcha bosqichlarini raqamlashtirish tizimidan (e-qonun.uz) toʻlaqonli va samarali foydalanish choralarini koʻrsin.

3. Ushbu Qaror qabul qilingan kundan eʼtiboran kuchga kiradi.

Oʻzbekiston Respublikasi Oliy Majlisi Qonunchilik palatasining Spikeri N. ISMOILOV

Toshkent sh.,

2026-yil 19-yanvar,

1658-V-son