Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida (40-son)

30.01.2026

Oʻzbekiston Respublikasi Vazirlar Mahkamasining

qarori

[Koʻchirma]

Oʻzbekiston Respublikasining “Normativ-huquqiy hujjatlar toʻgʻrisida”gi Qonuni 18-moddasiga muvofiq, shuningdek, qonunchilik hujjatlarini oʻzaro muvofiqlashtirish maqsadida Vazirlar Mahkamasi qaror qiladi:

1. Oʻzbekiston Respublikasi Hukumatining ayrim qarorlariga ilovaga muvofiq oʻzgartirish va qoʻshimchalar kiritilsin.

2. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — iqtisodiyot va moliya vaziri J.A. Qoʻchqorov zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2026-yil 30-yanvar,

40-son

Vazirlar Mahkamasining 2026-yil 30-yanvardagi 40-son qaroriga ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar

1. Vazirlar Mahkamasining 2009-yil 15-iyuldagi 200-son qarori bilan tasdiqlangan Davlat daromadiga oʻtkaziladigan mol-mulkni olib qoʻyish, sotish yoki yoʻq qilib tashlash tartibi toʻgʻrisidagi nizomda:

a) 2-bandda:

quyidagi mazmundagi yettinchi xatboshi bilan toʻldirilsin:

“bojxona ombori rejimida saqlash muddati oʻtgan va 90 kun ichida talab qilib olinmagan hollarda, qonunda belgilangan tartibda sud qarori asosida davlat egaligiga oʻtkazilgan tovarlarga”;

yettinchi — toʻqqizinchi xatboshilar tegishlicha sakkizinchi — oʻninchi xatboshilar deb hisoblansin;

b) 18-bandda:

birinchi — uchinchi xatboshilar quyidagi tahrirda bayon etilsin:

“18. Mol-mulkni sotish Oʻzbekiston Respublikasi Vazirlar Mahkamasi tomonidan belgilanadigan tartibda savdo tashkilotlari tomonidan amalga oshiriladi (bundan bojxona organlari tomonidan olib qoʻyilgan mol-mulklar, shuningdek, bojxona ombori rejimida saqlash muddati oʻtgan va 90 kun ichida talab qilib olinmagan hollarda, qonunda belgilangan tartibda sud qarori asosida davlat egaligiga oʻtkazilgan tovarlar mustasno).

Bojxona organlari tomonidan olib qoʻyilgan mol-mulkni, shuningdek, bojxona ombori rejimida saqlash muddati oʻtgan va 90 kun ichida talab qilib olinmagan hollarda, qonunda belgilangan tartibda sud qarori asosida davlat egaligiga oʻtkazilgan tovarlarni sotish “Bojxona-servis” DM tomonidan amalga oshiriladi.

Bojxona organlari tomonidan olib qoʻyilgan mol-mulkni, shuningdek, bojxona ombori rejimida saqlash muddati oʻtgan va 90 kun ichida talab qilib olinmagan hollarda, qonunda belgilangan tartibda sud qarori asosida davlat egaligiga oʻtkazilgan tovarlarni buyurtma asosida “Bojxona-servis” DM tomonidan “E-auksion shop” elektron savdo platformasi orqali sotishi mumkin”;

oʻn toʻrtinchi xatboshi quyidagi tahrirda bayon etilsin:

“Oʻzbekiston Respublikasi Iqtisodiyot va moliya vazirligi huzuridagi Bojxona qoʻmitasi raisi buyrugʻi bilan bojxona organlari tomonidan aniqlanib, davlat daromadiga oʻtkazilgan, shuningdek, bojxona ombori rejimida saqlash muddati oʻtgan va 90 kun ichida talab qilib olinmagan hollarda, qonunda belgilangan tartibda sud qarori asosida davlat egaligiga oʻtkazilgan tovarlar (dori-darmon bundan mustasno) Oʻzbekiston Respublikasi Prezidenti huzuridagi Ijtimoiy himoya milliy agentligining asoslantirilgan soʻrovlariga asosan tibbiy-ijtimoiy muassasalarga begʻaraz berilishi mumkin. Bunda davlat daromadiga oʻtkazilgan tibbiy buyumlar ekspertiza xulosasi asosida yaroqli deb topilgan taqdirda beriladi”;

v) 19-bandning birinchi xatboshisi quyidagi tahrirda bayon etilsin:

“19. Sotiladigan mol-mulk ijro ishini yurituvchi davlat ijrochilari tomonidan tovarga ilova qilinadigan yukxati bilan birgalikda savdo tashkilotlariga, bojxona organlari tomonidan olib qoʻyilgan mol-mulklar, shuningdek, bojxona ombori rejimida saqlash muddati oʻtgan va 90 kun ichida talab qilib olinmagan hollarda, qonunda belgilangan tartibda sud qarori asosida davlat egaligiga oʻtkazilgan tovarlar esa “Bojxona-servis” DMga beriladi. Ijro hujjatlarining oʻz vaqtida bajarilishini taʼminlash uchun mol-mulk uning miqdoridan, hajmidan va tez sotilishi imkoniyatlaridan kelib chiqib, bir vaqtning oʻzida sotish uchun bir nechta savdo tashkilotlariga berilishi mumkin (bundan bojxona organlari tomonidan olib qoʻyilgan mol-mulkni, shuningdek, bojxona ombori rejimida saqlash muddati oʻtgan va 90 kun ichida talab qilib olinmagan hollarda, qonunda belgilangan tartibda sud qarori asosida davlat egaligiga oʻtkazilgan tovarlar mustasno)”;

g) 53-band quyidagi mazmundagi 21-kichik band bilan toʻldirilsin:

“21) bojxona ombori rejimida saqlash muddati oʻtgan va 90 kun ichida talab qilib olinmagan hollarda, qonunda belgilangan tartibda sud qarori asosida davlat egaligiga oʻtkazilgan tovarlar boʻyicha:

42 foizi — tegishli Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari huzuridagi Jismoniy va yuridik shaxslarga yetkazilgan mulkiy zararlarni kompensatsiya qilish boʻyicha hududiy maqsadli jamgʻarmalarga;

50 foizi — Bojxona qoʻmitasining maxsus jamgʻarmasiga;

8 foizi — Byuroni rivojlantirish jamgʻarmasiga”.

2. Vazirlar Mahkamasining “Oʻzbekiston Respublikasi Prezidentining “1941 — 1945-yillardagi urush va mehnat fronti faxriylarini ijtimoiy qoʻllab-quvvatlashni yanada kuchaytirish chora-tadbirlari toʻgʻrisida” 2014-yil 13-oktabrdagi PF-4658-son Farmonini amalga oshirish chora-tadbirlari haqida” 2014-yil 24-dekabrdagi 361-son qarorida:

a) 1-ilovada:

2-bandning birinchi xatboshisidagi “oʻn ikki kunlik” soʻzlari “oʻn kunlik” soʻzlari bilan almashtirilsin;

24-bandning birinchi xatboshisidagi “tuman (shahar) tibbiy-ijtimoiy xizmatlarni rivojlantirish boʻlimlari” soʻzlari “Markazlar” soʻzlari bilan almashtirilsin;

28-banddagi “12” raqami “10” raqami bilan almashtirilsin;

29-bandda:

ikkinchi xatboshidagi “12” raqami “10” raqami bilan almashtirilsin;

uchinchi xatboshi quyidagi tahrirda bayon etilsin:

“1-noyabrgacha boʻlgan muddatda — olingan maʼlumotlarni sanatoriylarda 10 kunlik sogʻlomlashtirish yoʻllanmalari qiymatini toʻlash xarajatlarining cheklangan miqdorini aniqlash uchun Oʻzbekiston Respublikasi Iqtisodiyot va moliya vazirligiga yuboradi”;

toʻrtinchi xatboshidagi “12” raqami “10” raqami bilan almashtirilsin;

36-banddagi “Moliya vazirligiga” soʻzlari “Iqtisodiyot va moliya vazirligiga” soʻzlari bilan almashtirilsin;

b) 2-ilovaning “6-bosqich” pozitsiyasi “Tadbirlar” ustuni 1-bandidagi “12” raqami “10” raqami bilan almashtirilsin.

3. Vazirlar Mahkamasining 2017-yil 9-fevraldagi 66-son qarori bilan tasdiqlangan Tadbirkorlik subyektlarini davlat roʻyxatidan oʻtkazish tartibi toʻgʻrisidagi nizomda:

a) 40-band quyidagi mazmundagi oʻn uchinchi — oʻn toʻqqizinchi xatboshilar bilan toʻldirilsin:

“tadbirkorlik subyekti boshqaruv organining rahbari boʻlgan jismoniy shaxs:

terrorchilik faoliyatida yoki ommaviy qirgin qurolini tarqatishda ishtirok etayotgan yoki ishtirok etishda gumon qilinayotgan shaxslar roʻyxatiga kiritilganda;

muomalaga layoqatsiz yoki muomala layoqati cheklangan deb topilganda;

sud hukmi bilan tayinlangan tadbirkorlik faoliyati bilan shugʻullanish huquqi cheklangan muddat tugamaganda;

sud hukmi bilan ozodlikdan mahrum qilish jazosini oʻtayotgan davrida;

muqaddam taʼsischi (muassis) yoki rahbarligidagi tadbirkorlik subyekti toʻlovga qobiliyatsizlik taomili asosida tugatilganligiga uch yil muddat toʻlmaganda, hisobdan chiqarilgan soliq qarzi toʻlab berilgan holatlar bundan mustasno”;

b) quyidagi mazmundagi 401-band bilan toʻldirilsin:

“401. Ushbu Nizomning 40-bandida nazarda tutilgan holatlar Oʻzbekiston Respublikasi Sogʻliqni saqlash vazirligi, Ichki ishlar vazirligi, Soliq qoʻmitasi, Oliy sud va Iqtisodiy jinoyatlarga qarshi kurashish departamentining tegishli axborot tizimlarini Tizimga integratsiya qilish orqali aniqlanadi”;

v) 4-ilova kuyidagi mazmundagi VIII2 bob bilan toʻldirilsin:

g) 5-ilovada I band quyidagi mazmundagi 1-20-21 — 1-20-26-pozitsiyalar bilan toʻldirilsin:

4. Vazirlar Mahkamasining 2018-yil 30-yanvardagi 66-son qarori bilan tasdiqlangan Jismoniy shaxslar tomonidan Oʻzbekiston Respublikasi naqd valyutasi va naqd chet el valyutasini Oʻzbekiston Respublikasining bojxona chegarasi orqali olib kirish va olib chiqib ketish qoidalarining 6-bandi quyidagi tahrirda bayon etilsin:

“6. Jismoniy shaxslar tomonidan ekvivalenti 100 000 000 (yuz million) soʻmdan ortiq miqdordagi naqd valyuta mablagʻlarini Oʻzbekiston Respublikasidan tashqariga olib chiqishga quyidagi holatlarda yoʻl qoʻyiladi:

a) rezidentlar tomonidan — xorijiy davlatlarga xizmat safariga ketayotgan Hukumat delegatsiyasi aʼzolari uchun Vazirlar Mahkamasining farmoyishi asosida;

b) norezidentlar tomonidan:

Oʻzbekiston Respublikasiga kirish chogʻida rasmiylashtirilgan yoʻlovchi bojxona deklaratsiyasi asosida deklaratsiya qilingan mablagʻlar doirasida. Bunda norezident jismoniy shaxslar tomonidan Oʻzbekiston Respublikasiga kirish chogʻida toʻldirilgan yoʻlovchi bojxona deklaratsiyasida koʻrsatilgan naqd valyuta mablagʻlarining respublika hududida qonunchilik hujjatlarida belgilangan talablarga muvofiq foydalanilmagan qoldiq miqdori doirasidagi naqd valyuta mablagʻlarini Oʻzbekiston Respublikasi hududidan olib chiqishga yoʻl qoʻyiladi;

respublikada belgilangan tartibda tashkil qilingan xalqaro musobaqalar (tanlovlar, olimpiadalar) sovrindorlari yoki qatnashchilari tomonidan mablagʻlarning qonuniyligini tasdiqlovchi hujjatlar asosida;

Oʻzbekiston Respublikasiga kirish chogʻida rasmiylashtirilgan yoʻlovchi bojxona deklaratsiyasi asosida olib kirilgan zargarlik buyumlarini “Termiz xalqaro savdo markazi” erkin savdo zonasi hududida sotishdan olingan naqd chet el valyutasi doirasida. Bunda respublika hududiga olib kirilgan zargarlik buyumlarining nomi, oʻlchov birligi va miqdori koʻrsatilgan yoʻlovchi bojxona deklaratsiyasi hamda ushbu buyumlarni sotib olgan yuridik shaxs (sotib olish punkti) tomonidan tasdiqlangan hujjat (yuk xati) naqd chet el valyutasini olib chiqish uchun asos boʻladi”.

5. Vazirlar Mahkamasining “Davlat organlarida, davlat muassasalarida va davlat ishtirokidagi tashkilotlarda jismoniy va yuridik shaxslarning murojaatlari bilan ishlash tartibi toʻgʻrisidagi Namunaviy nizomni tasdiqlash haqida” 2018-yil 7-maydagi 341-son qarorida:

a) nomi quyidagi tahrirda bayon etilsin:

“Davlat organlarida, davlat muassasalarida va davlat ishtirokidagi tashkilotlarda jismoniy va yuridik shaxslarning murojaatlari bilan ishlash sohasidagi ayrim normativ-huquqiy hujjatlarni tasdiqlash toʻgʻrisida”;

b) 1-band quyidagi tahrirda bayon etilsin:

“1. Quyidagilar:

Davlat organlarida, davlat muassasalarida va davlat ishtirokidagi tashkilotlarda jismoniy va yuridik shaxslarning murojaatlari bilan ishlash tartibi toʻgʻrisidagi namunaviy nizom 1-ilovaga muvofiq;

Davlat organlari, davlat muassasalari va davlat ishtirokidagi tashkilotlar hamda ularning mansabdor shaxslarining jismoniy va yuridik shaxslarning murojaatlari bilan ishlash faoliyatini baholash va toifalash toʻgʻrisidagi nizom 11-ilovaga muvofiq tasdiqlansin”;

v) 1-ilovada:

21-bandning ikkinchi xatboshisi quyidagi tahrirda bayon etilsin:

“oʻrta maxsus yoki oliy maʼlumotga ega boʻlish, shu jumladan, boʻlinma rahbari oliy maʼlumotga ega boʻlishi”;

quyidagi mazmundagi 231-band bilan toʻldirilsin:

“231. Kelib tushish manbaidan qatʼi nazar, barcha murojaatlar Oʻzbekiston Respublikasi Prezidenti Virtual qabulxonasi axborot tizimi orqali roʻyxatdan oʻtkazilishi hamda ularni koʻrib chiqish natijalari, shu jumladan, shaxsiy, sayyor va ommaviy qabullar oʻtkazish natijalari mazkur tizimga kiritib borilishi shart. Bunda murojaatlar boʻyicha javob xatlari imzolangan kunning oʻzida ushbu tizimga kiritilishi lozim”;

55-bandning ikkinchi xatboshisi quyidagi tahrirda bayon etilsin:

“Davlat organlarining rahbarlari yoki bu borada vakolat berilgan boshqa mansabdor shaxslari tomonidan har chorakda kamida uch marta jismoniy shaxslarning va yuridik shaxslar vakillarining sayyor qabullari, shuningdek, ommaviy qabullar tashkil etiladi. Sayyor va ommaviy qabullar, qoida tariqasida, tahlil natijalariga koʻra murojaatlar soni oshgan hududlarda oʻtkaziladi”;

quyidagi mazmundagi 653-band bilan toʻldirilsin:

“653. Sayyor va ommaviy qabullarning hisobini yuritish, ularni oʻtkazish natijalarini tahlil qilish va samaradorligini baholash ishlari Oʻzbekiston Respublikasi Prezidenti Virtual qabulxonasi axborot tizimidagi alohida modul orqali amalga oshiriladi”;

77-band quyidagi mazmundagi ikkinchi xatboshi bilan toʻldirilsin:

“Yuqori turuvchi davlat organlari va tashkilotlari quyi organlar murojaatlarni hamda ularni koʻrib chiqish natijalarini har chorakda oʻrganadi, tahlil qiladi hamda aniqlangan kamchiliklar yuzasidan belgilangan tartibda choralar koʻrib boradi”.

g) quyidagi mazmundagi 11-ilova bilan toʻldirilsin:

“Vazirlar Mahkamasining 2018-yil 7-maydagi 341-son qaroriga 11-ILOVA

Davlat organlari, davlat muassasalari va davlat ishtirokidagi tashkilotlar hamda ularning mansabdor shaxslarining jismoniy va yuridik shaxslarning murojaatlari bilan ishlash faoliyatini baholash va toifalash toʻgʻrisida

NIZOM

1-bob. Umumiy qoidalar

1. Ushbu Nizom davlat organlari, davlat muassasalari va davlat ishtirokidagi tashkilotlar (keyingi oʻrinlarda — davlat organlari) hamda ularning rahbarlari va rahbar oʻrinbosarlari (keyingi oʻrinlarda — mansabdor shaxslar) tomonidan jismoniy va yuridik shaxslarning murojaatlarini (keyingi oʻrinlarda — murojaatlar) qabul qilish, qayd etish, koʻrib chiqish va qonuniy hal etish, murojaatlar bilan ishlashda ochiqlik va shaffoflikni taʼminlash, natijalarini tahlil qilish, baholash, shuningdek, murojaatlar bilan ishlash faoliyati boʻyicha toifalash tartibini belgilaydi.

2. Mazkur Nizom talablari davlat tashkilotlari xodimlarining Oʻzbekiston Respublikasi Prezidenti Virtual qabulxonasi bilan ishlash tizimida (keyingi oʻrinlarda — axborot tizimi) roʻyxatga olingan (kelib tushish manbaidan qatʼi nazar) va davlat organiga ijro uchun yoʻnaltirilgan murojaatlarga nisbatan tatbiq etiladi.

Ushbu Nizom qoidalari respublika va mahalliy ijro etuvchi hokimiyat organlari hamda xoʻjalik birlashmalari uchun majburiy, boshqa davlat organlari uchun tavsiyaviy xususiyatga ega.

3. Mazkur Nizomda quyidagi asosiy tushunchalardan foydalaniladi:

baholash va toifalash — murojaatlarni qabul qilish, qayd etish, koʻrib chiqish va qonuniy hal etish, murojaatlar bilan ishlash natijalarini tahlil qilish asosida davlat organlari yoki ularning mansabdor shaxslari faoliyatini baholash va toifalarga ajratish;

muddat buzilishi — qonunchilikda belgilangan muddatlarga rioya etilmasdan koʻrib chiqilgan murojaatlar;

murojaatlarni qanoatlantirish darajasi — hisobot davrida koʻrib chiqilib, qanoatlantirilgan hamda axborot tizimida “huquqiy maʼlumot berish orqali hal etilgan” yoki “ijobiy hal etilgan” belgisi bilan qayd etilgan murojaatlar sonining nazoratga olingan murojaatlar umumiy soniga nisbatan ulushi;

takroriy murojaat — ayni bir jismoniy yoki yuridik shaxsdan kelib tushgan, uning avvalgi murojaati yuzasidan qabul qilingan qaror ustidan shikoyat qilinayotgan yoki boshqacha tarzda norozilik bildirilayotgan, shuningdek, agar takroriy murojaat kelib tushgan paytga kelib qonunchilikda belgilangan koʻrib chiqish muddati tugagan boʻlsa, ilgarigi murojaati oʻz vaqtida koʻrib chiqilmaganligi toʻgʻrisida xabar qilinayotgan murojaat.

4. Baholash va toifalash quyidagi prinsiplarga asoslanadi:

samaradorlik — murojaatlarni qabul qilish, belgilangan muddatlarda koʻrib chiqish va qonuniy hal etish hamda ularning qanoatlantirilishini taʼminlash;

javobgarlik — murojaatlarni koʻrib chiqishda mansabdor shaxslarning shaxsiy javobgarligi;

raqamlashtirish — murojaatlarni axborot tizimida qabul qilish, koʻrib chiqish va ular bilan ishlash, ularni avtomatik tahlil qilish va baholash orqali inson omilini kamaytirish;

murojaat qiluvchi manfaatlarining ustuvorligi — murojaatlarni koʻrib chiqishda murojaat qiluvchining qonuniy huquq va manfaatlari himoyasini taʼminlash;

tizimli tahlil va uzluksiz takomillashtirish — baholash natijalarini muntazam tahlil qilish va murojaatlar bilan ishlash tizimini takomillashtirish choralarini koʻrish.

2-bob. Toifalashni amalga oshirish

5. Toifalash davlat organlari va ularning mansabdor shaxslarining murojaatlar bilan ishlashni tahlil qilish natijalarini baholash uchun qoʻllanadi.

6. Davlat organlari va ularning mansabdor shaxslarining murojaatlar bilan ishlash faoliyati axborot tizimida toʻplangan maʼlumotlar asosida roʻyxatga olingan, qanoatlantirilgan, rad etilgan, ijro muddatlari buzilgan, takroriy murojaatlar sonidan kelib chiqib toifalarga ajratiladi.

7. Davlat organlari va ularning mansabdor shaxslarining murojaatlar bilan ishlash faoliyati ushbu Nizomning 3-bobida belgilangan toifalash mezonlari asosida (dasturiy taʼminot yordamida) avtomatik ravishda baholanadi hamda yashil, sariq va qizil toifalarga ajratiladi.

8. Davlat organlari va ularning mansabdor shaxslari murojaatlar bilan ishlash faoliyatini baholash natijalarini axborot tizimida koʻrib borish imkoniyatiga ega boʻladi.

3-bob. Davlat organlari va ularning mansabdor shaxslarining murojaatlar bilan ishlash faoliyatini toifalash mezonlari

9. Davlat organlarining murojaatlar bilan ishlash faoliyati tahlil natijalariga asosan uch toifaga ajratiladi:

yuqori natijadorlikka ega davlat organlari — yashil toifa;

oʻrta natijadorlikka ega davlat organlari — sariq toifa;

past natijadorlikka ega davlat organlari — qizil toifa.

10. Davlat organlarining murojaatlar bilan ishlash faoliyati natijalari quyidagi mezonlarga mos kelganda yashil toifaga kiritiladi:

murojaatlarni qanoatlantirish darajasi 80 foiz va undan yuqori boʻlganda;

murojaatlar bilan ishlashda ijro muddatiga toʻliq rioya etilishi taʼminlanganda;

takroriy murojaatlarning ulushi murojaatlar umumiy sonining 5 foizidan oshmaganda;

har chorakda kamida uch marta sayyor qabul oʻtkazilganda;

sayyor qabulda koʻrib chiqilgan murojaatlarning 80 foizi qanoatlantirilganda.

11. Davlat organlarining murojaatlar bilan ishlash faoliyati natijalari quyidagi mezonlarga mos kelganda sariq toifaga kiritiladi:

murojaatlarni qanoatlantirish darajasi 50 foizdan 80 foizgacha boʻlganda;

murojaatlar bilan ishlashda ijro muddatiga rioya etilmagan murojaatlar soni murojaatlar umumiy sonining 1 foizidan oshmaganda;

takroriy murojaatlarning ulushi murojaatlar umumiy sonining 10 foizidan oshmaganda;

har chorakda ikki marta sayyor qabul oʻtkazilganda;

sayyor qabulda koʻrib chiqilgan murojaatlarni qanoatlantirish darajasi 50 foizdan 80 foizgacha boʻlganda.

12. Davlat organlarining murojaatlar bilan ishlash faoliyati natijalari quyidagi mezonlarga mos kelganda qizil toifaga kiritiladi:

murojaatlarni qanoatlantirish darajasi 50 foizdan kam boʻlganda;

murojaatlar bilan ishlashda ijro muddatiga rioya etilmagan murojaatlar soni 1 foizdan ortiq boʻlganda;

takroriy murojaatlarning ulushi murojaatlar umumiy sonining 10 foizidan ortiq boʻlganda;

har chorakda bir marta sayyor qabul oʻtkazilganda yoki umuman oʻtkazilmaganda;

sayyor qabulda koʻrib chiqilgan murojaatlarni qanoatlantirish darajasi 50 foizdan kam boʻlganda.

13. Murojaatlar bilan ishlash faoliyati natijalari boʻyicha toifalash va ularni aniqlash mezonlari quyidagi jadvalda aks ettirilgan:

14. Davlat organlarining murojaatlar bilan ishlash faoliyati har hisobot davri (chorak) yakunida axborot tizimidagi maʼlumotlarga asosan axborot tizimida dasturiy taʼminot yordamida avtomat ravishda baholanadi.

15. Baholash natijalariga koʻra davlat organlari mansabdor shaxslarining murojaatlar bilan ishlash faoliyatining eng muhim samaradorlik koʻrsatkichlari (KPI) quyidagicha belgilanadi:

yashil toifa — samaradorlik koʻrsatkichlari 100 foiz etib belgilanadi;

sariq toifa — samaradorlik koʻrsatkichlari 50 foiz etib belgilanadi;

qizil toifa — samaradorlik koʻrsatkichlari 10 foiz etib belgilanadi.

16. Tahlil natijalariga muvofiq “qizil” toifaga kiritilgan davlat organlarining rahbarlari yoki ularning tegishli oʻrinbosarlariga nisbatan intizomiy taʼsir choralari koʻrilishi mumkin.

Bir yilda ikki va undan ortiq “qizil” toifaga kiritilgan davlat organlarining rahbarlari yoki ularning tegishli oʻrinbosarlarining hisoboti Vazirlar Mahkamasi Rayosatining majlisida muhokama qilinadi hamda ularga nisbatan tegishli choralar koʻriladi.

4-bob. Yakunlovchi qoidalar

17. Respublika ijro etuvchi hokimiyat organlari va xoʻjalik birlashmalari rahbarlari va ularning oʻrinbosarlari hamda masʼul shaxslari faoliyatining eng muhim samaradorlik koʻrsatkichlari (KPI) boʻyicha soʻrovnomaga murojaatlar bilan ishlash faoliyati boʻyicha eng muhim samaradorlik koʻrsatkichlari ham kiritiladi.

18. Mazkur Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javobgar boʻladi”.

6. Vazirlar Mahkamasining 2019-yil 29-apreldagi 365-son qarori bilan tasdiqlangan Oʻzbekiston Respublikasi Iqtisodiyot va moliya vazirligi huzuridagi Bojxona qoʻmitasining Bojxona instituti magistraturasiga oʻqishga qabul qilish tartibi toʻgʻrisidagi nizomning 3-bandi quyidagi mazmundagi ikkinchi xatboshi bilan toʻldirilsin:

“Oliy Bosh qoʻmondon” davlat stipendiyasi sohibi boʻlgan kursantlar bakalavriatni tamomlagach, kamida ikki yil bojxona organlarida xizmatni oʻtaganidan soʻng, besh yil mobaynida mutaxassisligi boʻyicha Bojxona institutining magistraturasiga umumiy qabul kvota doirasida kirish imtihonlarisiz oʻqishga qabul qilinadilar”.

7. Vazirlar Mahkamasining “Oʻzbekiston Respublikasi Transport vazirligi huzuridagi Avtomobil yoʻllari qoʻmitasining faoliyatini rivojlantirish va qoʻllab-quvvatlash jamgʻarmasi toʻgʻrisidagi nizomni hamda Oʻzbekiston Respublikasi Transport vazirligi huzuridagi Avtomobil yoʻllari qoʻmitasi va unga idoraviy mansub tashkilotlar xodimlari mehnatiga haq toʻlash va moddiy ragʻbatlantirish tartibi toʻgʻrisidagi nizomni tasdiqlash haqida” 2019-yil 21-noyabrdagi 924-son qarorida:

a) 1-ilovaning 8-bandida:

ikkinchi xatboshidagi “Oʻzyoʻlkoʻkalamzorlashtirish” UK hamda Respublika yoʻl jamgʻarmasi” soʻzlari “Avtomobil yoʻllari ilmiy-tadqiqot instituti” davlat muassasasi hamda “Avtoyoʻlinvest” agentligi” soʻzlari bilan almashtirilsin;

yigirma birinchi xatboshi “oʻlchov nazorat postini tashkil etish,” soʻzlaridan keyin “nazorat postlari xodimlarini saqlash” soʻzlari bilan toʻldirilsin;

b) 2-ilovada:

2-bandning ikkinchi xatboshisidagi “Oʻzyoʻlkoʻkalamzorlashtirish” unitar korxonasi va Respublika yoʻl jamgʻarmasi” soʻzlari “Avtomobil yoʻllari ilmiy-tadqiqot instituti” davlat muassasasi hamda “Avtoyoʻlinvest” agentligi soʻzlari bilan almashtirilsin;

5-bandning “b” kichik bandi ikkinchi xatboshisidagi “uzluksiz” soʻzi chiqarib tashlansin;

7-bandda:

birinchi xatboshidagi “uzluksiz” soʻzi chiqarib tashlansin;

quyidagi mazmundagi xatboshi bilan toʻldirilsin:

“Uzoq muddat xizmat qilganlik uchun ustama olish huquqini beruvchi ish staji Qoʻmita tomonidan tasdiqlanadigan tartib yoki jamoa shartnomasi asosida amalga oshiriladi”;

8-band “hamda kasb bayramida” soʻzlaridan keyin “Oʻzbekiston kasaba uyushmalari kuni munosabati bilan” soʻzlari bilan toʻldirilsin;

9-bandning birinchi xatboshisi “tashabbuskor xodimlariga” soʻzlaridan keyin “har oy yakuni boʻyicha” soʻzlari bilan toʻldirilsin.

8. Vazirlar Mahkamasining 2019-yil 5-dekabrdagi 971-son qarori bilan tasdiqlangan “Yagona milliy mehnat tizimi” idoralararo dasturiy-apparat kompleksida elektron mehnat shartnomalarini tuzish, mehnat shartnomalarini roʻyxatdan oʻtkazish, elektron mehnat daftarchalarini shakllantirish va yuritish tartibi toʻgʻrisidagi nizomning 25-bandi quyidagi mazmundagi ikkinchi xatboshi bilan toʻldirilsin:

“Bunda yuridik shaxs rahbarini tayinlash va “Yagona milliy mehnat tizimi” idoralararo dasturiy-apparat kompleksida hisobga qoʻyish tadbirkorlik subyekti — yuridik shaxs sifatida roʻyxatdan oʻtayotgan shaxsning xohishiga koʻra tadbirkorlik subyekti — yuridik shaxsni davlat roʻyxatidan oʻtkazish bilan bir vaqtda amalga oshiriladi”.

9. Vazirlar Mahkamasining “Oʻzbekiston Respublikasida tashqi savdo operatsiyalari monitoringini yanada takomillashtirish chora-tadbirlari toʻgʻrisida” 2020-yil 14-maydagi 283-son qarorida:

a) 1-banddagi “Oʻzbekiston Respublikasining Interaktiv davlat xizmatlari yagona portali orqali Tashqi savdo operatsiyalarining yagona elektron axborot tizimiga (keyingi oʻrinlarda — TSOYAEAT)” soʻzlari “Iqtisodiyot va moliya vazirligi huzuridagi Bojxona qoʻmitasining “E-kontrakt” tashqi savdo axborot tizimiga (keyingi oʻrinlarda — Tizim)” soʻzlari bilan almashtirilsin.

b) 3-band quyidagi tahrirda bayon etilsin:

“3. Iqtisodiyot va moliya vazirligi huzuridagi Bojxona qoʻmitasi Tizimga ushbu qaror talablaridan kelib chiqqan holda tegishli oʻzgartirishlar kiritsin”;

v) 1-ilovada:

2-bandda:

toʻqqizinchi va oʻninchi xatboshilar quyidagi mazmundagi toʻqqizinchi — oʻn uchinchi xatboshilar bilan almashtirilsin:

“norezidentning identifikatsiya kodi — import kontraktini tuzuvchi xorijiy hamkor va ushbu kontrakt boʻyicha tovar joʻnatuvchi norezidentlarga xalqaro yoki milliy standartlar asosida beriladigan yagona, takrorlanmas identifikatsiya raqami”;

respublika hududida eksport kontrakti — eksport qiluvchi tomonidan Oʻzbekiston Respublikasi hududida foydalanish nazarda tutilgan va ishlab chiqarilgan tovar (ish, xizmat)larni yetkazib berish uchun Oʻzbekiston Respublikasining norezidenti bilan xorijiy valyutada toʻgʻridan-toʻgʻri tuzilgan kontrakt;

sotib olish kontrakti — Oʻzbekiston Respublikasining rezidenti va norezidenti oʻrtasida tovarlarni bojxona hududiga olib kirmagan yoki tranzit tartibida olib oʻtgan holda sotib olish boʻyicha tuzilgan kontrakt;

sotish kontrakti — sotib olish kontrakti doirasida sotib olingan tovarlarni boshqa norezidentga sotish nazarda tutilgan Oʻzbekiston Respublikasi rezidenti va norezidenti oʻrtasidagi kontrakt;

tashqi savdo kontraktlari — Nizomning ushbu bandida keltirilgan eksport kontrakti, import kontrakti, barter kontrakti, respublika hududida eksport kontrakti, sotish kontrakti va sotib olish kontrakti”;

oʻn birinchi — oʻn oltinchi xatboshilar tegishlicha oʻn toʻrtinchi — oʻn toʻqqizinchi xatboshilar deb hisoblansin;

5-bandda:

birinchi xatboshi quyidagi tahrirda bayon etilsin:

“5. Kontrakt shartlariga kiritiladigan oʻzgartirish va qoʻshimchalar toʻgʻrisidagi maʼlumotlar qoʻshimcha bitim bilan qayd etilishi kerak hamda kontraktlar bilan boʻlgani singari tartibda “E-kontrakt” tashqi savdo axborot tizimiga (keyingi oʻrinlarda — Tizim) kiritiladi”;

ikkinchi xatboshidagi “TSOYAEATga” soʻzi “Tizimga” soʻzi bilan almashtirilsin;

6-bandning beshinchi va oltinchi xatboshilaridagi, 9-bandning birinchi va ikkinchi xatboshilaridagi, 10-banddagi, 11-bandning uchinchi, beshinchi, oltinchi, yettinchi va sakkizinchi xatboshilaridagi, 12-bandning birinchi va ikkinchi xatboshilaridagi, 14-bandning birinchi xatboshisidagi, 16-bandning ikkinchi va uchinchi xatboshilaridagi, 18-bandning birinchi va ikkinchi xatboshilaridagi, 21-bandning birinchi — beshinchi xatboshilaridagi, 30-banddagi, 31-bandning ikkinchi xatboshisidagi va 35-banddagi tegishli kelishikdagi “TSOYAEAT” soʻzi tegishli kelishikdagi “Tizim” soʻzi bilan almashtirilsin;

17-bandda:

birinchi xatboshidagi “TSOYAEATga” soʻzi “Tizimga” soʻzi bilan almashtirilsin;

ikkinchi xatboshidagi “Tashqi savdo operatsiyalarining yagona elektron axborot tizimiga” soʻzlari “Tizimga” soʻzi bilan almashtirilsin;

22-bandda:

birinchi va ikkinchi xatboshilaridagi tegishli kelishikdagi “TSOYAEAT” soʻzi tegishli kelishikdagi “Tizim” soʻzi bilan almashtirilsin;

quyidagi mazmundagi uchinchi xatboshi bilan toʻldirilsin:

“Tizimda sotib olish kontrakti sotish kontrakti bilan oʻzaro bogʻliq holda monitoring qilinadi”;

quyidagi mazmundagi 241-band toʻldirilsin:

“241. Sotib olish kontrakti boʻyicha tovarlar sotib olinganligini tasdiqlovchi hujjatlarni Tizimga kiritish yoki ular uchun toʻlangan pul mablagʻlarni qaytarish muddati toʻlov amalga oshirilgan sanadan boshlab 180 kundan ortiq boʻlmasligi kerak. Bunda tovarlar sotib olinganligini tasdiqlovchi hujjatlar sifatida yuk joʻnatuvchi davlatning eksport deklaratsiyasi va tovarning kuzatuv hujjatlari asos boʻladi.

Sotish kontrakti boʻyicha tushum tushishi tovarlar sotilganligini tasdiqlovchi hujjatlarni Tizimga kiritilgan sanadan boshlab 180 kundan oshib ketmasligi kerak. Bunda tovarlar sotilganligini tasdiqlovchi hujjat sifatida yuk qabul qiluvchi davlatning import deklaratsiyasi va tovarning kuzatuv hujjatlari asos boʻladi.

Sotib olish kontrakti boʻyicha toʻlangan pul mablagʻlari miqdoridan sotish kontrakti boʻyicha kelib tushgan pul mablagʻlarining miqdori kam boʻlmasligi lozim.

Tizimga tovarlar sotib olinganligi yoki sotilganligini tasdiqlovchi hujjatlar haqidagi maʼlumotlarni kiritish va ularning nusxalarini biriktirish xoʻjalik yurituvchi subyektlar tomonidan amalga oshiriladi. Bunda sotib olish va sotish kontraktlari boʻyicha Tizimga biriktirilgan deklaratsiyalar va tovarning kuzatuv hujjatlaridagi yuk qabul qiluvchi va yuk joʻnatuvchilar oʻzaro muvofiq boʻlishi lozim.

Tizimga biriktirilgan hujjatlar mazkur band talablariga muvofiqligi bojxona organlari tomonidan tasdiqlangandan soʻng ular haqidagi maʼlumotlar Tizimda aks etadi.

Bunda sotib olish va sotish kontraktlari doirasida belgilangan tartibda taqiq va cheklovlar oʻrnatilgan tovarlar boʻyicha operatsiyalarni amalga oshirish taqiqlanadi”;

25-bandda:

toʻrtinchi xatboshidagi “Tashqi savdo operatsiyalarining yagona elektron axborot tizimi (TSOYAEAT)da” soʻzlari “Tizimda” soʻzi bilan almashtirilsin;

yettinchi xatboshidagi “TSOYAEATga” soʻzi “Tizimga” soʻzi bilan almashtirilsin;

1-ilovada:

2-bandidagi “Tashqi savdo operatsiyalarining yagona elektron axborot tizimiga (keyingi oʻrinlarda — TSOYAEAT)” soʻzlari “E-kontrakt” tashqi savdo axborot tizimiga (keyingi oʻrinlarda — Tizim)” soʻzlari bilan almashtirilsin;

3-bandda:

birinchi xatboshidagi “TSOYAEATda” soʻzi “Tizimda” soʻzi bilan almashtirilsin;

quyidagi mazmundagi oʻn uchinchi va oʻn toʻrtinchi xatboshilar bilan toʻldirilsin:

“18 — sotib olish kontrakti;

19 — sotish kontrakti”;

oʻn uchinchi xatboshi oʻn beshinchi xatboshi deb hisoblansin;

oʻn beshinchi xatboshidagi “TSOYAEAT” soʻzi “Tizim” soʻzi bilan almashtirilsin;

4-banddagi “TSOYAEATda” soʻzi “Tizimda” soʻzi bilan almashtirilsin;

2-ilovada:

“1-bosqich” pozitsiyasining “Tadbirlar” ustunidagi “Tashqi savdo operatsiyalarining yagona elektron axborot tizimiga (TSOYAEAT)” soʻzlari “E-kontrakt” tashqi savdo axborot tizimiga (Tizim)” soʻzlari bilan almashtirilsin;

“2-bosqich” pozitsiyasining “Tadbirlar” ustuni ikkinchi xatboshisidagi “TSOYAEATga” soʻzi “Tizimga” soʻzi bilan almashtirilsin;

3-ilovada:

nomidagi “Tashqi savdo operatsiyalarining yagona elektron axborot tizimiga” soʻzlari “E-kontrakt” tashqi savdo axborot tizimiga” soʻzlari bilan almashtirilsin;

1-band quyidagi mazmundagi yigirma birinchi, yigirma ikkinchi va yigirma uchinchi bilan toʻldirilsin:

“sotib olish kontraktlari boʻyicha tovarlar sotib olinganligini tasdiqlovchi hujjatlar;

sotish kontraktlari boʻyicha tovarlar sotilganligini tasdiqlovchi hujjatlar;

norezidentning identifikatsiya kodi******”;

izohda:

quyidagi mazmundagi oltinchi xatboshi bilan toʻldirilsin:

“******2026-yil 1-apreldan ixtiyoriy, 2027-yil 1-yanvardan majburiy tartibda”;

oltinchi xatboshi yettinchi xatboshi deb hisoblansin;

yettinchi xatboshidagi “TSOYAEATda” soʻzi “Tizimda” soʻzi bilan almashtirilsin.

10. Vazirlar Mahkamasining 2020-yil 24-avgustdagi 500-son qarori bilan tasdiqlangan Vakolatli iqtisodiy operatorlar toʻgʻrisidagi nizomning 20-bandi quyidagi mazmundagi oʻn oltinchi va oʻn yettinchi xatboshilar bilan toʻldirilsin:

“Bojxona hududida qayta ishlash bojxona rejimini qoʻllashning maqsadi tovarlarni qadoqlash, oʻrash (shu jumladan, qayta oʻrash), saralash, tozalash boʻlsa, tovarni bojxona hududida qayta ishlashga ruxsatnoma talab etilmaydi.

Bunda Vazirlar Mahkamasining 2025-yil 2-sentabrdagi 555-son qarori bilan tasdiqlangan Bojxona hududida qayta ishlash bojxona rejimi toʻgʻrisidagi nizomning 9-bandida nazarda tutilgan hujjatlarni bojxona yuk deklaratsiyasiga ilova qilingan holda amalga oshiriladi”.

11. Vazirlar Mahkamasining 2021-yil 20-avgustdagi 531-son qarori bilan tasdiqlangan Bojxona nazorati ostidagi tovarlarga nisbatan yuk operatsiyalarini amalga oshirish tartibi toʻgʻrisidagi nizomning 30-bandi quyidagi mazmundagi uchinchi va toʻrtinchi xatboshilar bilan toʻldirilsin:

“Bojxona ombori bojxona rejimiga joylashtirilgan tovarni bojxona ombori hisoblanmaydigan joylarda saqlash — bojxona toʻlovlari taʼminlash boʻyicha taqdim qilingan hujjatning amal qilish muddati doirasida yoʻl qoʻyiladi, bunda bojxona ombori bojxona rejimi uchun belgilangan umumiy saqlash muddatidan ortiq boʻlmasligi lozim.

Vakolatli shaxslar tomonidan bojxona toʻlovlari taʼminlash boʻyicha taqdim qilingan hujjatning amal qilish muddati tugashidan 10 kun oldin tovarlar bojxona toʻlovlari taʼminlash boʻyicha yangi hujjat taqdim etilishi yoki tovarlar bojxona omboriga yetkazilishi lozim”.

12. Vazirlar Mahkamasining 2021-yil 22-sentabrdagi 595-son qarori bilan tasdiqlangan Qoʻshilgan qiymat soligʻi toʻlovchilarini soliq organlarida qoʻshilgan qiymat soligʻi boʻyicha maxsus roʻyxatdan oʻtkazish tartibi toʻgʻrisidagi nizomning 9-bandi kuyidagi mazmundagi beshinchi xatboshi bilan toʻldirilsin:

“Bunda mazkur bandda nazarda tutilgan guvohnoma tadbirkorlik subyekti — yuridik shaxs sifatida roʻyxatdan oʻtayotgan shaxsning xohishiga koʻra tadbirkorlik subyekti — yuridik shaxsni davlat roʻyxatidan oʻtkazish bilan bir vaqtda beriladi”.

13. Vazirlar Mahkamasining “Aholiga sanatoriylarda davolanish uchun yoʻllanmalar berish sohasiga axborot-texnologiyalarini joriy etish toʻgʻrisida” 2021-yil 19-noyabrdagi 693-son qarorida:

a) 7-bandning beshinchi xatboshisidagi “IHMA Sanatoriya” soʻzlari “IHMA Sanatoriy” soʻzlari bilan almashtirilsin;

b) ilovada:

4-band quyidagi mazmundagi oʻn uchinchi xatboshi bilan toʻldirilsin:

“Mazkur Reglamentning 3-bandida belgilangan toifalardan biriga mansub boʻlgan “Oʻzbekiston Respublikasi faxriy donori” koʻkrak nishoni bilan taqdirlangan donorlarga yoʻllanmalar ularning murojaatiga asosan yoʻllanmalarni berish davriyligiga muvofiq navbatsiz beriladi”;

14-banddagi “IHMA Sanatoriya” soʻzlari “IHMA Sanatoriy” soʻzlari bilan almashtirilsin;

16-bandda:

uchinchi xatboshidagi “12 kunga” soʻzlari “10 kunga” soʻzlari bilan almashtirilsin;

beshinchi xatboshidagi “boshlanishidan 10 kun oldin” soʻzlari “boshlanish sanasidan kamida 3 kun oldin” soʻzlari bilan almashtirilsin;

yettinchi xatboshi quyidagi tahrirda bayon etilsin:

“Yoʻllanmaning amal qilish muddati boshlangandan soʻng 5 kun ichida yoʻllanmalardan foydalanuvchi tomonidan yoʻllanma boʻyicha sanatoriylarga murojaat qilinmaganda berilgan yoʻllanma bekor qilinadi”;

20-bandning birinchi xatboshisi quyidagi tahrirda bayon etilsin:

“20. Agentlik keksalar va nogironligi boʻlgan shaxslarning umumiy soni, imtiyoz toifasi va yoʻllanmalarning berish davriyligiga muvofiq respublika sanatoriylariga yoʻllanmalarni taqsimlash rejasini har yili 31-dekabrga qadar tasdiqlaydi va talabdan kelib chiqqan holda yil davomida unga oʻzgartirish va qoʻshimchalar kiritib boradi”;

27-band quyidagi tahrirda bayon etilsin:

“27. Sanatoriylarga qabul qilish chogida yuqori harorat yoki noaniq etiologiyali toshma aniqlangan shaxslar sogʻliqni saqlash muassasalariga yuboriladi. Bunda:

sogʻliqni saqlash muassasalariga yuborilgan shaxslar mazkur Reglamentning 16-bandi yettinchi xatboshisida belgilangan muddat ichida sanatoriylarga qayta murojaat qilmaganda, ularga berilgan yoʻllanma bekor qilinadi;

qabul jarayonida sanatoriyga tashrif buyurgan keksalar va nogironligi boʻlgan shaxslarning sanatoriy-kurort kartasida mazkur Reglamentning 9-bandida belgilangan kasalliklar aniqlanishi yoʻllanmani bekor qilish uchun asos hisoblanadi”;

28-bandning birinchi xatboshisidagi “yoʻllanmada koʻrsatilgan sanatoriyga kelish muddatidan kamida uch kundan kech boʻlmagan muddatda” soʻzlari “yoʻllanmaning amal qilish muddati boshlanish sanasidan kamida 3 kun oldin” soʻzlari bilan almashtirilsin;

quyidagi mazmundagi 311-band bilan toʻldirilsin:

“311. Sanatoriylar tomonidan mazkur Reglamentning 3-bandiga muvofiq koʻzi ojiz I guruh nogironligi boʻlgan shaxsni kuzatib boruvchi shaxsga berilgan yoʻllanma asosida oziq-ovqat va yotoq joy bilan taʼminlash bepul asosda, qolgan xizmatlar shartnomaga muvofiq pulli asosda koʻrsatiladi”;

3-ilova kuyidagi tahrirda bayon etilsin:

“Keksalar va nogironligi boʻlgan shaxslarga sanatoriylarda davolanish uchun yoʻllanmalar berish boʻyicha davlat xizmatlari koʻrsatishning maʼmuriy reglamentiga 3-ILOVA

14. Vazirlar Mahkamasining “Ijtimoiy va ishlab chiqarish infratuzilmasini rivojlantirish dasturlarini shakllantirish va davlat investitsiyalarini boshqarish tizimini takomillashtirish boʻyicha qoʻshimcha chora-tadbirlar toʻgʻrisida” 2022-yil 21-apreldagi 206-son qarorida:

a) quyidagi mazmundagi 21-band bilan toʻldirilsin:

“21. Oʻzbekiston Respublikasi Prezidentining “2026 — 2028-yillarda Oʻzbekiston Respublikasining ijtimoiy va ishlab chiqarish infratuzilmasini rivojlantirish chora-tadbirlari toʻgʻrisida” 2025-yil 27-dekabrdagi PQ-393-son qaroriga muvofiq, 2026-yil 1-yanvardan boshlab loyiha qiymati bazaviy hisoblash miqdorining olti ming barobaridan yuqori boʻlgan budjet tashkilotlarining budjetdan tashqari jamgʻarmalari hisobidan amalga oshiriladigan qurilish-taʼmirlash loyihalari Ijtimoiy va ishlab chiqarish infratuzilmasini rivojlantirish dasturi doirasida qamrab olinishi belgilangani maʼlumot uchun qabul qilinsin.

Belgilansinki, budjet tashkilotlarining budjetdan tashqari jamgʻarmalari hisobidan qiymati bazaviy hisoblash miqdorining olti ming baravaridan yuqori boʻlgan obyektlarni (davlat sirlari jumlasiga kiritiladigan obyektlar bundan mustasno) qurish, rekonstruksiya qilish, mukammal taʼmirlash va jihozlash loyihalarini shakllantirish, moliyalashtirish va monitoring qilish mazkur qarorga 1, 2 va 3-ilovalarga muvofiq tasdiqlangan nizomlar talablari asosida amalga oshiriladi.

Bunda:

loyihalarni amalga oshirishda loyihalarni boshqarish va texnik nazorat xizmatlariga ega boʻlgan buyurtmachi xizmatini jalb qilish majburiy hisoblanadi;

bosh loyiha-qidiruv va bosh qurilish-pudrat tashkilotlari davlat xaridlari tartib-taomillari orqali “Shaffof qurilish” milliy axborot tizimi orqali aniqlanadi;

loyiha hujjatlari belgilangan tartibda davlat ekspertizasi va kompleks ekspertizadan oʻtkaziladi, qonunchilikda belgilangan hollar bundan mustasno;

har bir qurilish obyekti boʻyicha qurilish ishlari unga alohida gʻaznachilik hisobvaragʻi ochilgan holda amalga oshiriladi;

budjet tashkilotlarining bank hisobvaraqlarida jamgʻarilgan mablagʻlar hisobidan qurilish-montaj ishlarini moliyalashtirish taqiqlanadi”;

b) 1-ilovada:

2-bandda:

quyidagi mazmundagi ikkinchi — toʻrtinchi xatboshilar bilan toʻldirilsin:

“budjet tashkilotlarining budjetdan tashqari jamgʻarmalari — qonunchilikda nazarda tutilgan manbalar hisobidan budjet tashkiloti tasarrufiga kelib tushadigan mablagʻlar;

budjet tizimi budjetlari — Oʻzbekiston Respublikasining Davlat budjeti, davlat maqsadli jamgʻarmalari budjetlari va budjet tashkilotlarining budjetdan tashqari jamgʻarmalari;

budjet tashkilotlarining budjetdan tashqari jamgʻarmalari kengashi (keyingi oʻrinlarda — Jamgʻarma kengashi) — budjet tashkiloti rahbarining buyrugʻi (qarori) asosida tashkil etilgan, budjetdan tashqari jamgʻarma faoliyatiga umumiy rahbarlik qiluvchi va jamgʻarmaga kelib tushgan mablagʻlardan ochiqlik va jamoatchilikka hisobdorlik tamoyillari asosida foydalanishni taʼminlovchi organ;

ikkinchi — oltinchi xatboshilar tegishlicha beshinchi — toʻqqizinchi xatboshilar deb hisoblansin;

4-band quyidagi mazmundagi oʻn uchinchi xatboshi bilan toʻldirilsin:

“budjet tashkilotlarining budjetdan tashqari jamgʻarmalari mablagʻlaridan samarali va maqsadli foydalanish, Dastur doirasida qurilish obyektlarini (davlat sirlari jumlasiga kiritiladigan obyektlar bundan mustasno) barpo etish ishlarini Oʻzbekiston Respublikasi Davlat budjeti mablagʻlari bilan birgalikda moliyalashtirishga yoʻnaltirish”;

oʻn uchinchi va oʻn toʻrtinchi xatboshilar tegishlicha oʻn toʻrtinchi va oʻn beshinchi xatboshilar deb hisoblansin;

12-band quyidagi mazmundagi ikkinchi xatboshi bilan toʻldirilsin:

“Bunda budjet tashkilotlarining budjetdan tashqari jamgʻarmalari hisobidan amalga oshiriladigan loyihalar boʻyicha loyihalar portfeli Jamgʻarma kengashining taklifi asosida shakllantiriladi”;

28-band quyidagi mazmundagi ikkinchi xatboshi bilan toʻldirilsin:

“Bunda budjet tashkilotlarining budjetdan tashqari jamgʻarmalari hisobidan amalga oshiriladigan infratuzilma loyihalari Jamgʻarma kengashi tomonidan koʻrib chiqiladi”;

29-band quyidagi mazmundagi ikkinchi — toʻrtinchi xatboshilar bilan toʻldirilsin:

“Bunda:

budjet tashkilotlarining budjetdan tashqari jamgʻarmalari hisobidan amalga oshiriladigan loyihalar boʻyicha kapital qoʻyilmalar limitlari hajmi Jamgʻarma kengashi tomonidan tasdiqlanadi;

manzilli roʻyxat mazkur limitlar doirasida shakllantiriladi hamda kelgusi yillarda Oʻzbekiston Respublikasining Davlat budjeti toʻgʻrisidagi Qonunidan hamda boshqa qonunchilik hujjatlaridan kelib chiqqan holda, kapital qoʻyilmalar limitlari hajmiga oʻzgartirishlar va tuzatishlar kiritib boriladi”;

30-band quyidagi tahrirda bayon etilsin:

“30. Vazirlik va idoralar rahbarlari, Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari 1-mayga qadar tegishlicha Qoraqalpogʻiston Respublikasi Joʻqorgʻi Kengesi va xalq deputatlari viloyatlar va Toshkent shahar Kengashlarining (budjet tashkilotlarining budjetdan tashqari jamgʻarmalari boʻyicha — Jamgʻarma kengashining) tavsiyalaridan kelib chiqib, kelgusi uch yillikda Dasturga kiritish taklif etilayotgan infratuzilma loyihalarini Oʻzbekiston Respublikasining Bosh vaziriga hamda Iqtisodiyot va moliya vazirligiga kiritadi. Bunda:

tashabbuskorlar Dasturga kiritiladigan infratuzilma loyihalarining roʻyxatini Oʻzbekiston Respublikasi Prezidentining “Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturi hamda boshqa davlat dasturlari ijrosi ustidan nazoratni kuchaytirishga doir qoʻshimcha chora-tadbirlar toʻgʻrisida” 2021-yil 10-dekabrdagi PQ-43-son qaroriga asosan tuzilgan tegishli tuman (shahar) va hududiy shtablar bilan kelishadi, budjet tashkilotlarining budjetdan tashqari jamgʻarmalari hisobidan amalga oshiriladigan loyihalar bundan mustasno;

budjet tashkilotlari oʻzlarining budjetdan tashqari jamgʻarmalari hisobidan amalga oshiriladigan qurilish-taʼmirlash loyihalarini shakllantirib, markazlashgan holda Iqtisodiyot va moliya vazirligiga kiritadi va maʼlumotlarning toʻgʻri va haqqoniyligi uchun javobgar boʻladi”;

41-band kuyidagi mazmundagi ikkinchi xatboshi bilan toʻldirilsin:

“Bunda budjet tashkilotlarining budjetdan tashqari jamgʻarmalari hisobidan amalga oshiriladigan loyihalarning roʻyxati Jamgʻarma kengashi tasdiqlagan limitlar doirasida budjet tashkilotlari tomonidan ishlab chiqiladi”;

44-band quyidagi mazmundagi ikkinchi xatboshi bilan toʻldirilsin:

“Bunda budjet tashkilotlarining budjetdan tashqari jamgʻarmalari hisobidan amalga oshiriladigan loyihalarning dastlabki manzilli roʻyxati Vazirlar Mahkamasi Rayosati bayoniga alohida ilova sifatida tasdiqlanadi”;

441-band quyidagi mazmundagi ikkinchi xatboshi bilan toʻldirilsin:

“Bunda budjet tashkilotlarining budjetdan tashqari jamgʻarmalari hisobidan amalga oshiriladigan loyihalarning loyihaoldi va (yoki) loyiha hujjatlarini ishlab chiqish va ekspertizadan oʻtkazish uchun zarur mablagʻlar budjet tashkilotlari tomonidan ajratiladi”;

451-band quyidagi tahrirda bayon etilsin:

“451. Iqtisodiyot va moliya vazirligi Dasturning yakuniy loyihasiga davlat-xususiy sheriklik ishtirokidagi hamda xalqaro moliya institutlari kreditlari hisobidan belgilangan tartibda amalga oshiriladigan loyihalarning budjet kapital qoʻyilmalari qismi, shuningdek, budjet tashkilotlarining budjetdan tashqari jamgʻarmalari hisobidan amalga oshiriladigan loyihalarning manzilli roʻyxati boʻyicha alohida ilovalarni kiritadi”;

5-ilovada:

“III bosqich” pozitsiyasida “Tadbirlar” ustuni quyidagi mazmundagi ikkinchi xatboshi bilan toʻldirilsin:

“Budjet tashkilotlarining budjetdan tashqari jamgʻarmalari hisobidan amalga oshiriladigan infratuzilma loyihalarini Jamgʻarma kengashi tomonidan koʻrib chiqilishini taʼminlash”;

“IV bosqich” pozitsiyasida:

“Ijrochilar” ustuni quyidagi mazmundagi ikkinchi xatboshi bilan toʻldirilsin:

“Vazirlik va idoralar”;

“Tadbirlar” ustuni quyidagi mazmundagi ikkinchi xatboshi bilan toʻldirilsin:

“Budjet tashkilotlarining budjetdan tashqari jamgʻarmalari hisobidan amalga oshiriladigan loyihalar boʻyicha kapital qoʻyilmalar limitlari hajmini Jamgʻarma kengashi tomonidan tasdiqlanishini taʼminlash”;

“V bosqich” pozitsiyasining “Tadbirlar” ustunining birinchi xatboshisi “Qoraqalpogʻiston Respublikasi Joʻqorgʻi Kengesi va xalq deputatlari viloyatlar va Toshkent shahar Kengashlarining” soʻzlaridan keyin “(budjet tashkilotlarining budjetdan tashqari jamgʻarmalari boʻyicha Jamgʻarma kengashining)” soʻzlari bilan toʻldirilsin;

“X bosqich” pozitsiyasi “Ijrochilar” ustunidagi “Iqtisodiyot va moliya vazirligi” soʻzlaridan keyin “, budjet tashkilotlari” soʻzlari bilan toʻldirilsin;

Izoh “hududiy shtablar bilan kelishiladi” soʻzlaridan keyin “, budjet tashkilotlarining budjetdan tashqari jamgʻarmalari hisobidan amalga oshiriladigan loyihalar bundan mustasno” soʻzlari bilan toʻldirilsin.

v) 2-ilovada:

2-bandda:

quyidagi mazmundagi toʻrtinchi va beshinchi xatboshilar bilan toʻldirilsin:

“budjet tashkilotlarining budjetdan tashqari jamgʻarmalari — qonunchilikda nazarda tutilgan manbalar hisobidan budjet tashkiloti tasarrufiga kelib tushadigan mablagʻlar;

budjet tashkilotlarining budjetdan tashqari jamgʻarmalari kengashi (keyingi oʻrinlarda — Jamgʻarma kengashi) — budjet tashkiloti rahbarining buyrugʻi (qarori) asosida tashkil etilgan, budjetdan tashqari jamgʻarma faoliyatiga umumiy rahbarlik qiluvchi va jamgʻarmaga kelib tushgan mablagʻlardan ochiqlik va jamoatchilikka hisobdorlik tamoyillari asosida foydalanishni taʼminlovchi organ”;

toʻrtinchi — oʻn birinchi xatboshilar tegishlicha oltinchi — oʻn uchinchi xatboshilar deb hisoblansin;

quyidagi mazmundagi 41-band bilan toʻldirilsin:

“41. Tashabbuskorlar budjet tashkilotlarining budjetdan tashqari jamgʻarmalari hisobidan loyihalarni amalga oshirishda loyihalarni boshqarish va texnik nazorat xizmatlarini koʻrsatish uchun belgilangan tartibda ixtisoslashgan buyurtmachi xizmati tashkiloti bilan shartnomalar tuzgan holda, obyekt qiymatining toʻliq va (yoki) qisman (moliyalashtirish grafiklaridan kam boʻlmagan holda) moliyalashtirib borilishini taʼminlaydi. Bunda:

har bir obyekt (loyiha) boʻyicha gʻaznachilik organlaridan alohida hisobvaraq ochiladi;

tashabbuskorlar oʻzlarining bank hisobvaraqlaridagi mavjud mablagʻlari hisobidan qurilish-taʼmirlash loyihalarini amalga oshirishda zarur boʻlgan mablagʻlarning obyekt (loyiha) boʻyicha gʻaznachilik organlaridan ochilgan hisobvaraqlarga yoʻnaltirilishini taʼminlaydi”;

34-bandda:

quyidagi mazmundagi uchinchi xatboshi bilan toʻldirilsin:

“budjet tashkilotlari tomonidan budjet tashkilotlarining budjetdan tashqari jamgʻarmalar hisobidan”;

uchinchi — sakkizinchi xatboshilar tegishlicha toʻrtinchi — toʻqqizinchi xatboshilar deb hisoblansin;

461-band “Iqtisodiyot va moliya vazirligi” soʻzlaridan keyin “(budjetdan tashqari jamgʻarmalar hisobidan moliyalashtiriladigan obyektlar boʻyicha — budjet tashkilotlari)” soʻzlari bilan toʻldirilsin.

1-ilovaning 1-bandning ikkinchi xatboshisidagi “vazirlik va idoralarning” soʻzlari “budjet tashkilotlarining” soʻzlari bilan almashtirilsin.

15. Vazirlar Mahkamasining 2022-yil 25-avgustdagi 475-son qarori bilan tasdiqlangan Oʻzbekiston Respublikasi hududida turistik (mehmonxona) yigʻimni undirish tartibi toʻgʻrisidagi nizomda:

a) 2-bandning toʻqqizinchi xatboshisidagi va ilovaning ilova belgisidagi “ilovaga” soʻzi “1-ilovaga” soʻzlari bilan almashtirilsin;

b) 3-bandning beshinchi xatboshisi quyidagi mazmundagi beshinchi — yettinchi xatboshilar bilan almashtirilsin:

“Turistik (mehmonxona) yigʻim:

respublika tuman va shaharlarida (viloyatlar markazlari, Toshkent va Nukus shaharlari, ushbu Nizomga 2-ilovaga muvofiq turizm salohiyati yuqori boʻlgan tuman (shahar)lar va turistik zonalar bundan mustasno) joylashgan joylashtirish vositalari uchun;

mahalliy fuqarolardan davolash muassasalari, sanatoriy va pansionatlarda yashaganliklari uchun undirilmaydi”;

v) ilovaning “Joylashtirish vositalari” ustunidagi “oʻrinlar soni 10 tagacha boʻlgan” soʻzlari “oʻrinlar soni 20 tagacha boʻlgan” soʻzlari bilan almashtirilsin;

g) quyidagi mazmundagi 2-ilova bilan toʻldirilsin:

“Oʻzbekiston Respublikasi hududida turistik (mehmonxona) yigʻimni undirish tartibi toʻgʻrisidagi nizomga 2-ILOVA

Turizm salohiyati yuqori boʻlgan tuman (shahar)lar va turistik zonalar

ROʻYXATI

16. Vazirlar Mahkamasining “Oʻzbekiston Respublikasi Iqtisodiyot va moliya vazirligi huzuridagi Bojxona qoʻmitasining “Bojxona-servis” davlat muassasasi faoliyatini tashkil etish toʻgʻrisida” 2022-yil 8-noyabrdagi 656-son qarorining 3-bandi yettinchi xatboshisi quyidagi tahrirda bayon etilsin:

“qonunchilik hujjatlarida belgilangan tartibda bojxona xizmati organlari tomonidan olib qoʻyilgan va davlat daromadiga oʻtkaziladigan mol-mulkni, bojxona ombori rejimida saqlash muddati oʻtgan va 90 kun ichida talab qilib olinmagan hollarda, qonunda belgilangan tartibda sud qarori asosida davlat egaligiga oʻtkazilgan tovarlarni saqlash va sotish, shu jumladan, “E-auksion shop” elektron savdo doʻkoni orqali (qonunchilik hujjatlarida boshqa davlat organlarga beriladigan mol-mulklar bundan mustasno) sotish”.

17. Vazirlar Mahkamasining 2022-yil 31-dekabrdagi 737-son qarori bilan tasdiqlangan Tovar va transport vositalari bilan tranzit operatsiyalarini amalga oshirish tartibi toʻgʻrisidagi nizomning 24-bandida:

a) birinchi xatboshisi quyidagi mazmundagi birinchi va ikkinchi xatboshilar bilan almashtirilsin:

“24. Bojxona tranziti bojxona rejimi yakunlangan paytdan eʼtiboran tranzit deklaratsiyasidagi bojxona hududida turgan tovar “vaqtincha saqlash” bojxona rejimida turgan tovar maqomini oladi, bundan “bojxona ombori” bojxona rejimida bojxona nazorati ostida turgan vaqtda bir bojxona omboridan boshqasiga bojxona nazorati ostida yetkazib berilgan tovarlar mustasno. Bunda “vaqtincha saqlash” bojxona rejimiga joylashtirish uchun bojxona yuk deklaratsiyasini taqdim etish talab etilmaydi.

Agar tovarlar “bojxona ombori” bojxona rejimida turgan vaqtda bir bojxona omboridan boshqasiga yetkazib berilgan boʻlsa, tovarlarni “bojxona ombori” bojxona rejimiga rasmiylashtirish uchun takroran bojxona yuk deklaratsiyasi taqdim etilmaydi, bundan qonunchilikda nazarda tutilgan hollar mustasno”.

b) ikkinchi xatboshi uchinchi xatboshi deb hisoblansin.

18. Vazirlar Mahkamasining 2023-yil 27-noyabrdagi 622-son qarori bilan tasdiqlangan Oilaviy mehmon uylari, xostellar, oʻtovli va chodirli oromgohlar faoliyatini tashkil etish toʻgʻrisidagi nizomning 2-bandida:

a) ikkinchi xatboshidagi “Ekologiya, atrof-muhitni muhofaza qilish va iqlim oʻzgarishi vazirligi huzuridagi” soʻzlari chiqarib tashlansin;

b) uchinchi xatboshidagi “10” raqami “20” raqami bilan almashtirilsin.

19. Vazirlar Mahkamasining 2023-yil 14-dekabrdagi 660-son qarori bilan tasdiqlangan Davlat mulkini ijaraga berish tartibi toʻgʻrisidagi nizomda:

a) quyidagi mazmundagi 183-band bilan toʻldirilsin:

“183. Hunarmandlarga mehmonxonalar, bozorlar, mahalla guzarlari va shu kabi aholi gavjum boʻladigan boshqa joylarda davlat koʻchmas mulk obyektlaridan joylar 50 foizga pasaytirilgan stavkada elektron onlayn-auksion orqali hunarmandchilik faoliyati uchun realizatsiya qilinadi, qonunchilik hujjatlarida hamda mazkur Nizomning 182-bandida nazarda tutilgan hollar bundan mustasno”;

b) 22-bandda:

birinchi xatboshi quyidagi tahrirda bayon etilsin:

“22. Davlat mulki ijarasining eng koʻp muddati bir ijara shartnomasi doirasida oʻn yil etib belgilanadi, qonunchilik hujjatlarida hamda mazkur Nizomning 182-bandida nazarda tutilgan hollar bundan mustasno”;

ikkinchi va uchinchi xatboshilardagi “uch” soʻzi “besh” soʻzi bilan almashtirilsin;

v) 34-band “Toshkent shahar Kengashlari tomonidan” soʻzlaridan keyin “hududda shakllangan ijara toʻlovining minimal bozor narxidan kelib chiqib” soʻzlari bilan toʻldirilsin.

20. Vazirlar Mahkamasining 2024-yil 27-iyundagi 358-son qarori bilan tasdiqlangan Oʻzbekiston Respublikasi Ichki ishlar vazirligi huzuridagi Jazoni ijro etish departamenti va uning tizimidagi jazoni ijro etish muassasalarining mulki, bino va inshootlarini ijaraga berish tartibi toʻgʻrisidagi nizomning 5-bandi toʻrtinchi xatboshisidagi “uch” soʻzi “besh” soʻzi bilan almashtirilsin.

21. Vazirlar Mahkamasining 2024-yil 7-sentabrdagi 550-son qarori bilan tasdiqlangan Investorlarga yangi mehmonxona qurish va uni jihozlash uchun subsidiya ajratish hamda tashkilotlarni franchayzing toʻgʻrisidagi shartnoma asosida qisman moliyalashtirish uchun Oʻzbekiston Respublikasi Davlat budjetidan mablagʻ ajratish tartibi toʻgʻrisidagi vaqtinchalik nizomda:

a) 1-bandning ikkinchi xatboshisi quyidagi tahrirda bayon etilsin:

“yangi mehmonxonani qurib foydalanishga topshirgan tadbirkorlik subyektiga (keyingi oʻrinlarda — investor) ushbu mehmonxonani qurish (rekonstruksiya qilish bundan mustasno) va jihozlash hamda mehmonxonani qoʻshimcha bino va inshootlar qurish orqali kengaytirish yoki mavjud bino va inshootlarning ixtisoslashishini mehmonxona faoliyatiga oʻzgartirish uchun sarflangan xarajatlarning bir qismini qoplash maqsadida Oʻzbekiston Respublikasi Davlat budjetidan (keyingi oʻrinlarda — Davlat budjeti) mablagʻ ajratish;

b) 3-bandning oltinchi xatboshisi quyidagi tahrirda bayon etilsin:

“yangi qurilgan mehmonxona — tasdiqlangan loyiha asosida kapital bino va inshoot sifatida qurilgan yoki oxirgi oʻn yilda mehmonxona fondida mavjud boʻlmagan holda qayta qurilgan yoxud qurilish jarayonida oʻzgartirilgan loyiha boʻyicha (rekonstruksiya qilish bundan mustasno) joylashtirish vositasi sifatida qurilib, yangi ishga tushirilgan hamda mehmonxona qoʻshimcha bino va inshootlar qurish orqali kengaytirilgan yoki mavjud bino va inshootlarning ixtisoslashishi mehmonxona faoliyatiga oʻzgartirilgan obyekt”;

v) 4-bandning yettinchi xatboshisi “mehmonxona” soʻzidan keyin “yangi qurilgan hamda” soʻzlari bilan toʻldirilsin;

g) 8-bandning birinchi xatboshisidagi “Ekologiya, atrof-muhitni muhofaza qilish va iqlim oʻzgarishi vazirligi huzuridagi” soʻzlari chiqarib tashlansin.

22. Vazirlar Mahkamasining “Bojxona maʼmuriyatchiligi tartib-taomillarini takomillashtirish boʻyicha qoʻshimcha chora-tadbirlar toʻgʻrisida” 2025-yil 11-fevraldagi 77-son qarorining 2-bandi oʻz kuchini yoʻqotgan deb hisoblansin.

Izoh. Ushbu ilovaning 3-bandi “a” kichik bandi 2026-yil 1-iyuldan eʼtiboran kuchga kiradi.