“Hayvonot dunyosini muhofaza qilish va undan foydalanish toʻgʻrisida” va “Oʻsimlik dunyosini muhofaza qilish va undan foydalanish toʻgʻrisida”gi Oʻzbekiston Respublikasi Qonunlari qabul qilinishi munosabati bilan Oʻzbekiston Respublikasi Hukumatining qarorlarini oʻz kuchini yoʻqotgan deb hisoblash va ayrim qarorlariga oʻzgartirishlar kiritish haqida (136-son)

27.03.1998

Oʻzbekiston Respublikasi Vazirlar Mahkamasining

qarori

“Hayvonot dunyosini muhofaza qilish va undan foydalanish toʻgʻrisida” va “Oʻsimlik dunyosini muhofaza qilish va undan foydalanish toʻgʻrisida”gi Oʻzbekiston Respublikasi qonunlari qabul qilinishi munosabati bilan Vazirlar Mahkamasi qaror qiladi:

1. Oʻzbekiston Respublikasi Hukumatining ayrim qarorlariga kiritiladigan ilova qilinayotgan oʻzgartirishlar tasdiqlansin.

2. Oʻzbekiston Respublikasi Prezidenti huzuridagi Vazirlar Mahkamasining “Oʻzbekiston Respublikasi Prezidenti huzuridagi Vazirlar Mahkamasining “Oʻzbekiston SSJ hududida ov qilish va ovchilik-baliq ovlash xoʻjaligini yuritish toʻgʻrisidagi nizomni tasdiqlash haqida” 1991-yil 10-apreldagi 95-son qaroriga oʻzgartirishlar kiritish toʻgʻrisida” 1992-yil 9-martdagi 111-son qarori oʻz kuchini yoʻqotgan deb hisoblansin.

Oʻzbekiston Respublikasining Bosh vaziri Oʻ. SULTONOV

Toshkent sh.,

1998-yil 27-mart,

136-son

Vazirlar Mahkamasining 1998-yil 27-martdagi 136-son qarori bilan TASDIQLANGAN

Oʻzbekiston Respublikasi Hukumatining ayrim qarorlariga kiritiladigan oʻzgartirishlar

1. Oʻzbekiston Kompartiyasi Markaziy Komiteti va Oʻzbekiston SSR Ministrlar Sovetining “Respublika yaylovlarini tubdan yaxshilash va ulardan oqilona foydalanish chora-tadbirlari toʻgʻrisida” 1978-yil 8-fevraldagi 82-son qarori 2-bandining:

a) birinchi xatboshi quyidagi tahrirda bayon qilinsin:

“Oʻzbekiston Respublikasi Qishloq va suv xoʻjaligi vazirligi, Oʻzbekiston Respublikasi Davlat oʻrmon qoʻmitasi, Oʻzbekiston Respublikasi Davlat tabiatni muhofaza qilish qoʻmitasi, Qoraqalpogʻiston Respublikasi Vazirlar Kengashi, davlat hokimiyati mahalliy organlariga yuklansin”;

b) uchinchi xatboshidagi “OʻzSSR, OʻzSSR Xalq nazorati qoʻmitasi va Prokuraturasi” soʻzlari “Oʻzbekiston Respublikasi, Oʻzbekiston Respublikasi Prokuraturasi, Oʻzbekiston Respublikasi Davlat tabiatni muhofaza qilish qoʻmitasi” soʻzlari bilan almashtirilsin.

2. Oʻzbekiston SSR Ministrlar Sovetining “Oʻrmonlardagi va davlat oʻrmon fondining daraxtsiz yerlaridagi hayvonlar sonini tartibga solish haqida” 1980-yil 25-dekabrdagi 865-son (OʻzSSR QT, 1980-y., 12-son, 47-modda) qarorining:

a) 1-bandi birinchi xatboshidagi “Oʻzbekiston SSR Fanlar akademiyasi bilan birgalikda Oʻzbekiston SSR Oʻrmon xoʻjaligi ministrligi tomonidan aniqlanadi” soʻzlari “qonunchilik bilan belgilangan tartibda belgilanadi” soʻzlari bilan almashtirilsin;

b) 2-bandi birinchi xatboshidagi “tasdiqlangan metodika boʻyicha tartibga solish belgilangan uchastkalarda Oʻzbekiston SSR Fanlar akademiyasining tegishli ilmiy-tadqiqot tashkilotlari va OʻzSSR Oʻrmon xoʻjaligi ministrligi vakillarining albatta ishtirokida” soʻzlari “qonunchilik bilan belgilangan tartibda” soʻzlari bilan almashtirilsin;

v) 2-bandining ikkinchi xatboshi va 3-bandi chiqarib tashlansin.

3. Oʻzbekiston SSR Ministrlar Sovetining 1982-yil 26-yanvardagi 51-son (OʻzSSR QT, 1982 i., 1-con-, 2-modda) qarori bilan tasdiqlangan Oʻzbekiston SSRda jamoat ovchilik inspeksiyasi toʻgʻrisida nizomning:

a) 1-bandidagi “Oʻzbekiston SSR Qonunining 18-moddasiga muvofiq” soʻzlari “Oʻzbekiston Respublikasi Qonunining 5-moddasiga muvofiq” soʻzlari bilan almashtirilsin;

b) 2-bandidagi, 12-bandining “a” kichik bandidagi “Oʻzbekiston SSR Oʻrmon xoʻjaligi ministrligi, “Oʻzbekiston SSR Oʻrmon xoʻjaligi ministrligiga” soʻzlari tegishli ravishda “Oʻzbekiston Respublikasi Davlat tabiatni muhofaza qilish qoʻmitasi”, “Oʻzbekiston Respublikasi Davlat tabiatni muhofaza qilish qoʻmitasiga” soʻzlari bilan almashtirilsin;

v) 3-bandidagi:

“Oʻzbekiston SSR” soʻzlari “Oʻzbekiston Respublikasi” soʻzlari bilan almashtirilsin, “Oʻzbekiston SSRning ov qilish va ovchilik xoʻjaligi toʻgʻrisidagi nizom, Ov qilish qoidalari, Oʻzbekiston SSR oʻrmon xoʻjaligi ministrligining buyruq va instruksiyalariga” soʻzlari esa chiqarib tashlansin;

“normativ aktlarga” soʻzlari “qonunchilik hujjatlariga” soʻzlari bilan almashtirilsin;

g) 5-bandidagi:

birinchi xatboshi chiqarib tashlansin;

ikkinchi xatboshidagi “Oʻzbekiston SSR Oʻrmon xoʻjaligi ministrligi” soʻzlari “Oʻzbekiston Respublikasi Davlat tabiatni muhofaza qilish qoʻmitasi” soʻzlari bilan almashtirilsin;

d) 6-bandi chiqarib tashlansin;

e) 7-bandi quyidagi tahrirda bayon qilinsin:

“Qoraqalpogʻiston Respublikasi Davlat tabiatni muhofaza qilish qoʻmitasida, viloyatlar, Toshkent shahar tabiatni muhofaza qilish qoʻmitalarida Jamoat ovchilik inspektorlari kengashlari tashkil etiladi, Kengashlarning tarkibi va vakolati Oʻzbekiston Respublikasi Davlat tabiatni muhofaza qilish qoʻmitasi organlari tomonidan belgilanadi”;

j) 8 va 9-bandlari eslatmasi bilan chiqarib tashlansin;

z) 12-bandining “g” kichik bandidagi “anjomlar, Oʻzbekiston SSR Oʻrmon xoʻjaligi ministrligining ov toʻgʻrisidagi instruksiyalari, buyruqlari, protokol blankalari” soʻzlari “hayvonot dunyosini muhofaza qilish va undan foydalanish toʻgʻrisidagi qonunchilik hujjatlari bilan” soʻzlari bilan almashtirilsin;

i) 13-bandi “v” kichik bandidagi “davlat” soʻzi chiqarib tashlansin;

k) 14-bandi “v”, “g”, “d” kichik bandlaridagi 15, 16, 17-bandlar chiqarib tashlansin;

l) 18-bandidagi “va koʻkrakka taqiladigan nishon” soʻzlari chiqarib tashlansin.

4. Oʻzbekiston SSR Ministrlar Sovetining “Oʻzbekiston SSR Oliy Soveti Prezidiumining “Noyob va yoʻqolib ketish xavfi bor yovvoyi oʻsimliklarning turlarini oʻzboshimchalik bilan olganlik uchun maʼmuriy javobgarlik belgilash toʻgʻrisida” 1983-yil 28-fevraldagi Farmonini qoʻllanish tartibi haqida” 1983-yil 3-maydagi 274-son (OʻzSSR QT, 1983-y., 5-son, 17-modda) qaroridagi 1-bandning ikkinchi xatboshi chiqarib tashlansin.

5. Oʻzbekiston SSR Ministrlar Sovetining 1987-yil 9-martdagi 104-son qarori bilan tasdiqlangan Oʻrmonlardagi va davlat oʻrmon fondining daraxtsiz yerlaridagi yovvoyi holda oʻsuvchi mevalar, yongʻoqlar, rezavorlar, dorivor oʻsimliklar va texnik xomashyoni sanoat yoʻli bilan tayyorlash tartibining:

a) 1-bandidagi “OʻzSSR Oʻrmon xoʻjaligi ministrligi, OʻzSSR Sogʻliqni saqlash ministrligi, OʻzSSR Davlat agrosanoat qoʻmitasi va Oʻzbekbirlashuv” soʻzlari “qonunchilik bilan belgilangan tartibda” soʻzlari bilan almashtirilsin;

b) 3-bandi birinchi xat boshidagi “dorivor oʻsimliklar va texnik xomashyo” soʻzlari chiqarib tashlansin;

v) 3-bandi quyidagi mazmundagi xat boshi bilan toʻldirilsin: “Dorivor oʻsimliklar va texnik xomashyodan foydalanish uchun ruxsatnomalar berish tartibi qonunchilik bilan belgilanadi”.

6. Oʻzbekiston SSR Ministrlar Sovetining “Zaharli hayvonlarni tutishni va ularning tirik organizmi mahsulotlarini sotishni tartibga solish chora-tadbirlari toʻgʻrisida” 1988-yil 16-maydagi 183-son qarori 3-bandining ikkinchi xatboshidagi “aniqlash” soʻzi “aniqlash boʻyicha xulosalar berish” soʻzlari bilan almashtirilsin.

7. Oʻzbekiston Respublikasi Prezidenti huzuridagi Vazirlar Mahkamasining “Oʻzbekiston Respublikasi oʻrmon fondi yerlarida ovchilik xoʻjaligini tashkil etish va uni yuritish chora-tadbirlari toʻgʻrisida” 1992-yil 12-oktabrdagi 469-son qarorining 1-bandidagi toʻrtinchi, beshinchi va oltinchi xatboshilari quyidagi tahrirda bayon qilinsin:

“dasturlar, chizmalar, muhofaza qilish loyihalarini ishlab chiqishda va ularni amalga oshirishda ishtirok etish, hayvonot dunyosi va uning yashash muhitidan foydalanish va uni tiklash;

oʻrmon fondi yerlarida hayvonlarni muhofaza qilishni taʼminlash;

davlat ovchilik xoʻjaliklari tashkil etish va ularni boshqarish;

hayvonlarning davlat hisobi va ularning olib qoʻyilishi hajmlari hisobini amalga oshirish, hayvonot dunyosi davlat kadastrini yuritishda ishtirok etish;

Oʻzbekiston Respublikasi Davlat tabiatni muhofaza qilish qoʻmitasi tomonidan ajratiladigan kvotalar asosida hayvonot dunyosidan foydalanuvchilarga uning tasarrufidagi ov qilinadigan yerlarda hayvonlarni ovlashga ruxsatnomalar berish;

Oʻzbekiston Respublikasi Davlat tabiatni muhofaza qilish qoʻmitasi bilan kelishilgan holda oʻrmon fondi yerlarida ov qilinadigan yerlarni hayvonot dunyosidan foydalanuvchilarga biriktirib qoʻyish”.