Buyuk davlat arbobi va sarkarda, ilm-fan, madaniyat va sanʼat homiysi Sohibqiron Amir Temur tavalludining 690 yilligini keng nishonlash toʻgʻrisida (PQ-46-son)

05.02.2026

Oʻzbekiston Respublikasi Prezidentining

qarori

Buyuk davlat arbobi va sarkarda, Ikkinchi Uygʻonish davri — Temuriylar Renessansi bunyodkori Amir Temur milliy davlatchiligimiz va jahon tarixida beqiyos oʻrin tutadi.

Mustabid tuzum tomonidan nohaq qoralab kelingan bu ulugʻ zotning muborak nomi va xotirasi mustaqillik yillarida tarixiy adolat asosida qayta tiklandi. Sohibqiron Amir Temur siymosi milliy davlatchiligimiz timsoliga aylanib, oʻzlikni anglash, anʼana va qadriyatlarimizni tiklash borasida xalqimizga ulkan maʼnaviy kuch bagʻishlab kelmoqda.

Toshkent, Samarqand, Shahrisabz shaharlarida Amir Temur haykallari oʻrnatilgani, Temuriylar tarixi davlat muzeyi hamda Xalqaro Amir Temur jamoat fondining faoliyati yoʻlga qoʻyilgani, “Amir Temur” ordeni taʼsis qilingani, yurtimizdagi koʻplab koʻcha va xiyobonlarga ulugʻ ajdodimiz nomi berilganini alohida qayd etish lozim.

Mamlakatimiz milliy rivojlanishning yangi bosqichi — Uchinchi Renessansga qadam qoʻyayotgan, hayotimizning barcha jabhalarida tub oʻzgarishlar yuz berayotgan bugungi kunda Sohibqiron Amir Temurning shaxsiyati, buyuk ajdodimizning bashariyat tarixi va Turon tamaddunidagi oʻrni hamda temuriylarning boy va betakror merosini chuqur oʻrganish, yurtimiz va chet ellarda keng ommalashtirish maqsadida qaror qilaman:

I. Maqsad

1. Mazkur qarorning asosiy maqsadi buyuk ajdodimiz asos solgan Ikkinchi Uygʻonish davrining milliy va umuminsoniy mohiyati, yosh avlodni Yangi Oʻzbekiston bunyodkorlari etib tarbiyalash borasidagi ulkan oʻrni va taʼsirini inobatga olib, ushbu yoʻnalishda amalga oshirilayotgan tashkiliy-amaliy, ilmiy va maʼnaviy-maʼrifiy ishlarni yangi sifat bosqichiga koʻtarish hisoblanadi.

II. Tashkiliy va amaliy chora-tadbirlar

2. Fanlar akademiyasi, Oʻzbekistondagi Islom sivilizatsiyasi markazi, Oliy taʼlim, fan va innovatsiyalar vazirligi, Madaniyat vazirligi, Mudofaa vazirligi, Respublika Maʼnaviyat va maʼrifat markazi hamda Xalqaro Amir Temur jamoat fondining quyidagi takliflari maʼqullansin:

(a) joriy yilda Sohibqiron Amir Temur tavalludining 690 yilligini keng nishonlash;

(b) har yili aprel oyini “Amir Temur oyligi” deb eʼlon qilish va uning doirasida umumtaʼlim maktablari, oʻrta maxsus, kasb-hunar va oliy taʼlim muassasalari, harbiy qismlar va harbiy taʼlim muassasalari, korxona va tashkilotlar, mahallalarda temurshunos olimlar, yozuvchilar va sanʼatkorlar ishtirokida uchrashuvlar, badiiy-maʼrifiy tadbirlar uyushtirish.

3. Quyidagilarni nazarda tutuvchi temuriylar davri tarixini tizimli oʻrganish va ilmiy natijalarni keng targʻib etish boʻyicha 2030-yilgacha moʻljallangan “yoʻl xaritasi” 1-ilovaga muvofiq tasdiqlansin:

(a) joriy yil 9-10-aprel kunlari Oʻzbekistondagi Islom sivilizatsiyasi markazida “Amir Temur va temuriylar tamaddunining jahon tarixi va madaniyatidagi oʻrni va ahamiyati” mavzusida xalqaro ilmiy konferensiya oʻtkazish;

(b) Amir Temur va temuriylar davri tarixi bilan bogʻliq turkum kitoblar, ilmiy va ilmiy-ommabop asarlarni tayyorlash va chop etish, shu jumladan:

(i) “Temur tuzuklari” asarining ilmiy izohli matnini fors, arab, xitoy, ingliz, fransuz, ispan va rus tillarida chop etish;

(ii) “Temuriylar davrining 100 nodir qoʻlyozmasi”, “Temuriylar davrining 100 nodir durdonasi” kitob-albomlarini yaratish;

(v) temuriylar davriga oid, xorijiy davlatlarda saqlanayotgan asl yozma manbalar nusxalarini Oʻzbekistonga olib kelish;

(g) “Tirik tarix” loyihasi asosida suratga olingan, Amir Temur saltanatining Yevropa davlatlari bilan diplomatik va elchilik aloqalari yoritib berilgan tarixiy-badiiy va hujjatli filmlarni Ispaniya, Fransiya, Buyuk Britaniya kabi xorijiy mamlakatlarda namoyish etish;

(d) Temuriylar davri manbalari elektron platformasini yaratish.

4. Oʻzbekistondagi Islom sivilizatsiyasi markazi Fanlar akademiyasi, Respublika Maʼnaviyat va maʼrifat markazi hamda Tashqi ishlar vazirligi bilan birgalikda 2026-yil 1-martdan boshlab Amir Temur va temuriylarning jahon tamadduni rivojiga qoʻshgan hissasini keng targʻib qilish maqsadida “Buyuk temuriylar” atamasining xalqaro ilmiy istiloh sifatida joriy qilinishini taʼminlash uchun xorijiy davlatlarda “Buyuk temuriylar tarixi va madaniy merosi” mavzusida taqdimotlar, media tadbir va anjumanlar oʻtkazsin.

5. Sohibqiron Amir Temur tavalludining 690 yilligiga bagʻishlangan tadbirlarga tayyorgarlik koʻrish va ularni oʻtkazish boʻyicha tashkiliy qoʻmita (keyingi oʻrinlarda — Tashkiliy qoʻmita) tarkibi 2-ilovaga muvofiq tasdiqlansin.

6. Tashkiliy qoʻmita (A. Aripov):

(a) Sohibqiron Amir Temur tavalludining 690 yilligiga bagʻishlangan tadbirlarni (keyingi oʻrinlarda — tadbirlar) oʻtkazish boʻyicha masʼul davlat organlari va tashkilotlar faoliyatini muvofiqlashtirib borsin, tashkiliy masalalarni tezkorlik bilan hal etsin;

(b) tadbirlar boʻlib oʻtadigan hududlarni obodonlashtirish ishlarini, texnik va telekommunikatsiya uskunalari bilan jihozlanishini taʼminlasin;

(v) Sohibqiron Amir Temur tavalludining 690 yilligiga bagʻishlangan pochta markalari va konvertlar, taqvimlar va koʻrgazmali axborot vositalari turkumini yaratish, esdalik, kumush va oltin yubiley tangalarini muomalaga chiqarishni taʼminlasin;

(g) tadbirlarda qatnashuvchi chet ellik mehmonlarning Oʻzbekistonga kelib-ketishi, ularga viza rasmiylashtirilishi, transport va tibbiy xizmat koʻrsatish masalalarini muvofiqlashtirsin;

(d) tadbirlar boʻlib oʻtadigan hududlarda obyektlar va mehmonxona fondining tayyorligini taʼminlasin.

7. Toshkent shahri hokimligi 2026-yil yakuniga qadar Toshkent shahar mahalliy budjetining qoʻshimcha manbalari hisobidan dunyodagi mashhur muzeylarning eng ilgʻor tajribalarini qoʻllagan holda, Temuriylar tarixi davlat muzeyi binosini rekonstruksiya qilish, jihozlash, raqamlashtirish va yangi ekspozitsiyasini yaratish ishlarini amalga oshirsin.

III. Qaror ijrosini tashkil etish, taʼminlash va nazorat

8. Tashqi ishlar vazirligi Fanlar akademiyasining buyurtmasiga asosan tadbirlarda ishtirok etuvchi chet ellik ishtirokchilar uchun Oʻzbekiston Respublikasiga kirish vizalarining konsullik va boshqa yigʻimlar undirilmasdan, zarur hollarda, I. Karimov nomidagi “Toshkent” xalqaro aeroportida belgilangan tartibda rasmiylashtirilishini taʼminlasin.

9. Oʻzbekiston Milliy teleradiokompaniyasi, Oʻzbekiston Milliy axborot agentligi, “Dunyo” axborot agentligi, Oʻzbekiston Jurnalistlar uyushmasi, Oʻzbekiston Milliy media birlashmasiga tadbirlarni ommaviy axborot vositalarida keng yoritib borish tavsiya etilsin.

10. Ushbu qarorda nazarda tutilgan chora-tadbirlarni moliyalashtirish tegishli vazirlik, idora va tashkilotlarga ajratilgan budjet mablagʻlari, ularning budjetdan tashqari mablagʻlari hamda qonunchilik hujjatlari bilan taqiqlanmagan boshqa manbalar hisobidan amalga oshirilishi belgilansin.

11. Ushbu qarorning ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2026-yil 5-fevral,

PQ-46-son

Oʻzbekiston Respublikasi Prezidentining 2026-yil 5-fevraldagi PQ-46-son qaroriga 1-ILOVA

Temuriylar davri tarixini tizimli oʻrganish va ilmiy natijalarni keng targʻib etish boʻyicha 2030-yilgacha moʻljallangan

“YOʻL XARITASI”

T/rChora-tadbirlar nomlanishiAmalga oshirish mexanizmiIjro muddatiMoliyalashtirish manbalariMasʼullarI. Tashkiliy chora-tadbirlar1.“Amir Temur va temuriylarning insoniyat tamaddunidagi oʻrni va ahamiyati” mavzusida xalqaro ilmiy anjuman oʻtkazish.1. Xalqaro ilmiy anjumanni oʻtkazish yuzasidan ishchi guruh tashkil etish.2. Xalqaro ilmiy anjuman dasturini ishlab chiqish va tasdiqlash.2026-yil martIjrochilarga ajratilgan mablagʻlarFanlar akademiyasi,Islom sivilizatsiyasi markazi,Xalqaro Amir Temur jamoat fondi,Samarqand viloyati hokimligi,Transport vazirligi,Oʻzbekiston Milliy teleradiokompaniyasi,Oʻzbekiston Milliy axborot agentligi,“Dunyo” axborot agentligi,Oʻzbekiston milliy media birlashmasi3. Oʻzbekistondagi Islom sivilizatsiyasi markazida xalqaro ilmiy anjumanni yuqori saviyada tashkil etish.4. Xalqaro ilmiy anjuman ishtirokchilari uchun Samarqand shahriga sayohat tashkil qilish.5. Tadbirlarni ommaviy axborot vositalarida keng yoritish.2026-yil aprel2.“Amir Temur va temuriylar merosi” xalqaro ilmiy seminarini tashkil etish.1. “Amir Temur va temuriylar merosi” xalqaro ilmiy seminari dasturini ishlab chiqish va tasdiqlash.2026-yil martIjrochilarga ajratilgan mablagʻlarFanlar akademiyasi,Tarix instituti2. “Amir Temur va temuriylar merosi” xalqaro ilmiy seminarini anʼanaviy tarzda oʻtkazib borish.Doimiy3.Amir Temur nomi bilan bogʻliq obyektlarni, shu jumladan, Amir Temur sharafiga barpo etilgan yodgorlik majmualarini mukammal taʼmirlash va ularning hududlarini obodonlashtirish.1. Taʼmirtalab va obodonlashtirish zarur boʻlgan obyektlar hamda yodgorlik majmualari roʻyxatini shakllantirish.2026-yil martMahalliy budjetlarning qoʻshimcha manbalari, ijrochilarga ajratilgan mablagʻlarQoraqalpogʻiston Respublikasi Vazirlar Kengashi, viloyatlar va Toshkent shahri hokimliklari,Madaniy meros agentligi2. Taʼmirlash va obodonlashtirish uchun zarur boʻlgan mablagʻlarni ajratish.2026-yil aprel3. Taʼmirlash va obodonlashtirish ishlarini tashkil etish.2026-yil dekabr4.Dunyodagi mashhur muzeylarning eng ilgʻor tajribalari asosida Temuriylar tarixi davlat muzeyi binosini rekonstruksiya qilish.1. Temuriylar tarixi davlat muzeyi binosini rekonstruksiya qilish, jihozlash, raqamlashtirish va yangi ekspozitsiyasini yaratish boʻyicha loyiha-smeta hujjatlarini ishlab chiqish.2026-yil martMahalliy budjetlarning qoʻshimcha manbalari, ijrochilarga ajratilgan mablagʻlarToshkent shahri hokimligi,Fanlar akademiyasi, Madaniy meros agentligi2. Muzeyni rekonstruksiya qilish, jihozlash, raqamlashtirish va yangi ekspozitsiyasini yaratish hamda xizmat koʻrsatish ishlarini tashkil etish.2026-yil dekabr5.Amir Temur va temuriylar merosini xalqaro darajada targʻib etishni ragʻbatlantirish.1. Amir Temur va temuriylar merosini xalqaro darajada targʻib etish ishlarini rivojlantirish boʻyicha ishchi guruh tashkil etish.2026-yil mart-Fanlar akademiyasi,Tarix instituti,Temuriylar tarixi davlat muzeyi,Xalqaro Amir Temur jamoat fondi2. Amir Temur va temuriylar merosini xalqaro darajada targʻib etishni ragʻbatlantirish (jumladan, xalqaro mukofot berish) yuzasidan takliflar ishlab chiqish.2026-yil may3. Takliflarni Oʻzbekiston Respublikasi Prezidenti Administratsiyasiga kiritish.2026-yil iyul6.Amir Temur va temuriylar merosi oliy taʼlim tashkilotlari talabalari tomonidan oʻrganilishini ragʻbatlantirish.1. Amir Temur va temuriylar merosi oliy taʼlim tashkilotlari talabalari tomonidan oʻrganilishini ragʻbatlantirish yuzasidan takliflarni ishlab chiqish boʻyicha ishchi guruh tashkil etish.2026-yil mart-Oliy taʼlim, fan va innovatsiyalar vazirligi,Fanlar akademiyasi,Tarix instituti,Temuriylar tarixi davlat muzeyi,Xalqaro Amir Temur jamoat fondi2. Ishchi guruh tomonidan ishlarni tizimli tashkil etish, tegishli oʻrganishlar olib borish va umumlashgan maʼlumotlarni tayyorlash.2026-yil aprel3. Umumlashgan maʼlumotlar asosida oliy taʼlim tashkilotlari magistratura bosqichi talabalari uchun Amir Temur nomidagi stipendiyani taʼsis etish boʻyicha takliflar ishlab chiqish.2026-yil may4. Ishlab chiqilgan takliflarni Oʻzbekiston Respublikasi Prezidenti Administratsiyasiga kiritish.2026-yil iyun7.Amir Temur va temuriylar merosini asrash ishlarini rivojlantirish va qoʻllab-quvvatlash.1. Amir Temur va temuriylar merosini asrash ishlarini rivojlantirish va qoʻllab-quvvatlash yuzasidan takliflarni ishlab chiqish boʻyicha ishchi guruh tashkil etish.2026-yil mart-Fanlar akademiyasi Tarix instituti,Xalqaro Amir Temur jamoat fondi,Temuriylar tarixi davlat muzeyi2. Ishchi guruh tomonidan ishlarni tizimli tashkil etish, tegishli oʻrganishlar olib borish va umumlashgan maʼlumotlarni tayyorlash.2026-yil aprel3. “Temuriylar merosini asrash” umummilliy jamgʻarmasini tashkil etish boʻyicha takliflar ishlab chiqish.2026-yil may4. Ishlab chiqilgan takliflarni Oʻzbekiston Respublikasi Vazirlar Mahkamasiga kiritish.2026-yil iyunII. Ilmiy-tadqiqot ishlari8.Amir Temur va temuriylar davri tarixi bilan bogʻliq turkum kitoblar, ilmiy va ilmiy-ommabop asarlarni tayyorlash va chop etish.1. “Amir Temur va temuriylar tarixi” koʻp jildlik asarini chop etish.2026 — 2028-yillarIjrochilarning budjetdan tashqari mablagʻlariFanlar akademiyasi,Tarix instituti,Xalqaro Amir Temur jamoat fondi2. “Amir Temur — tarixni oʻzgartirgan ulugʻ shaxs” ilmiy-ommabop asarini chop etish.2026-yil noyabr3. “Temuriylar oltin davri kashfiyotlari” ilmiy asarini chop etish.2026 — 2028-yillar4. “Amir Temurning harbiy mahorati” ilmiy-ommabop asarini chop etish.2027-yil noyabr5. “Ijodkor temuriylar: olimlar, shoirlar, xattotlar” ilmiy-ommabop turkum asarlarini chop etish.2026 — 2029-yillar6. “Temuriylar saltanati maxfiy xizmati” asarini chop etish.2027 — 2029-yillar7. Zahiriddin Muhammad Bobur asarlari lugʻatini yaratish va chop etish.2029-yil mart8. “Boburnoma” asarini chop etishga tayyorlash.2028-2029-yillar9. “Zahiriddin Muhammad Boburning harbiy sanʼati” kitobini nashrga tayyorlash.2029-yil dekabr9.“Amir Temur va temuriylar tarixi jadidlar ilmiy merosida” asarini yaratish.1. Siddiqiy Ajziyning “Anjumani arvoh” (“Ruhlar yigʻini”, 1912-y.), “Mirʼoti ibrat” (“Ibrat oynasi”, 1914-y.) asarini oʻzbek tiliga tarjima qilish.2. Abdurauf Fitratning Amir Temur haqidagi sheʼrlarini tahlil qilish.3. Jadidlarning Amir Temur va temuriylar tarixiga oid maqolalarini aniqlash.4. Jadidlarning maqolalari va asarlarini xorijiy tillarga tarjima qilish.2026-yil davomidaIjrochilarga ajratilgan mablagʻlarFanlar akademiyasi,Yozuvchilar uyushmasi10.Amir Temur va temuriylar davriga oid manbalarni chop etish.1. “Muʼiz al-ansob” asarini chop etish.2. “Toj Salmoniy. Tarixnoma” asarini chop etish.3. “Temur tuzuklari” asarining ilmiy izohli matnini (oʻzbek, fors, arab, xitoy, ingliz, fransuz, ispan, rus tillarida) chop etish.2026-yil davomidaIjrochilarning budjetdan tashqari mablagʻlariFanlar akademiyasi,Tarix instituti,Xalqaro Amir Temur jamoat fondi4. “Temuriylar tarixiga oid yozma manbalar” ikki jildlik asarini chop etish.5. “Zafarnoma”, “Boburnoma”, “Akbarnoma” (Oyini Akbariy), “Jahongirnoma” va boshqa asarlarga ishlangan miniaturalarning ilmiy-koʻrgazmali toʻplamini chop etish.6. “Amir Temur va temuriylar xitoy manbalarida” asarini chop etish.2027-yil davomida7. “Temuriylar davri tarixiy hujjatlari” toʻplamini chop etish.2028-yil davomida11.“Temuriylar davri meʼmorchiligi” kitob-albomini yaratish.1. Temuriylar davrida yaratilgan meʼmorchilik inshootlari haqida maʼlumotlarni jamlash hamda tahlil qilish.2. “Temuriylar davri meʼmorchiligi” kitob-albomini zamonaviy matbaa talablari asosida chop etish.2028-2029-yillarIjrochilarga ajratilgan mablagʻlarFanlar akademiyasi,Islom sivilizatsiyasi markazi,Xalqaro Amir Temur jamoat fondi12.“Temuriylar davrining 100 nodir qoʻlyozmasi”, “Temuriylar davrining 100 nodir durdonasi” kitob-albomlarini yaratish.1. Oʻzbekistondagi, shuningdek, xorijiy toʻplamlardagi temuriylar davriga oid qoʻlyozmalar va boshqa nodir artefaktlar roʻyxatini shakllantirish.2. Mahalliy va xorijiy olimlar hamda mutaxassislar ishtirokida “Temuriylar davrining 100 qoʻlyozmasi” hamda “Temuriylar davrining 100 nodir durdonasi” kitob-albomlarini nashrga tayyorlash.3. Kitob-albomlarni zamonaviy matbaa talablari asosida chop etish.2026-2027-yillarIjrochilarga ajratilgan mablagʻlarIslom sivilizatsiyasi markazi,Fanlar akademiyasi,Xalqaro Amir Temur jamoat fondi13.“Temuriy malikalar” kitobining toʻldirilgan nashrini yaratish.1. Temuriylar davrida davlat boshqaruvi, ilm-fan, madaniyat va sanʼat yoʻnalishida faoliyat olib borgan malikalar haqida yangi maʼlumotlarni jamlash.2. “Temuriy malikalar” kitobi haqidagi maʼlumotlarni tahlil qilish va asarni nashrga tayyorlash.3. Temuriy malikalar — Saroymulkxonim, Tumon Ogʻo, Gavharshodbegim, Shodimulk, Xonzodabegim, Gulbadanbegim, Hamidabonu, Nurjahonbegim, Mumtoz Mahal, Zebinisobegim hayoti va faoliyati yoritilgan “Temuriy malikalar” asarini zamonaviy matbaa talablari asosida chop etish.2026-2027-yillarIjrochilarga ajratilgan mablagʻlarFanlar akademiyasi,Islom sivilizatsiyasi markazi,Xalqaro Amir Temur jamoat fondi,Raqamli texnologiyalar vazirligi14.“Temuriylar davri manbalari elektron platformasi” ilmiy loyihasini amalga oshirish.1. “Temuriylar davri manbalari elektron platformasi” maqsadli loyihasini innovatsion rivojlanish agentligiga taqdim qilish.2026-yil sentabrIjrochilarga ajratilgan mablagʻlarFanlar akademiyasi,Oliy taʼlim, fan va innovatsiyalar vazirligi,Raqamli texnologiyalar vazirligi2. Ilmiy loyihani moliyalashtirish choralarini koʻrish.2026-yil dekabr3. Ilmiy-tadqiqot ishlarini amalga oshirish.2027 — 2029-yillar15.Temuriylar davriga oid arxeologik yodgorliklarda maqsadli tadqiqotlar olib borish.1. Arxeologiya yodgorliklarini aniqlash va roʻyxatini tuzish.2026-yil martIjrochilarga ajratilgan mablagʻlarFanlar akademiyasi,Tarix instituti,Madaniy meros agentligi2. Yodgorliklar boʻyicha ilmiy guruhlarni tuzish.2026-yil may3. Yodgorliklarda arxeologiya ishlarini bajarish.Reja asosidaIII. Targʻibot ishlari16.Amir Temur va temuriylar davri tarixiga oid nodir osori atiqalar koʻrgazmasini tashkil etish.1. Dunyo kutubxonalari, muzeylari va shaxsiy kolleksiyalarda saqlanayotgan Amir Temur va temuriylar davri tarixiga oid nodir osoriatiqalar roʻyxatini shakllantirish.2026-yil martIjrochilarga ajratilgan mablagʻlarIslom sivilizatsiyasi markazi,Fanlar akademiyasi2. Islom sivilizatsiyasi markazi hamda Temuriylar tarixi davlat muzeyida dunyo kutubxonalari, muzeylari va shaxsiy kolleksiyalarda saqlanayotgan Amir Temur va temuriylar davri tarixiga oid nodir osoriatiqalar koʻrgazmasini tashkil etish.2026-yil aprel17.Amir Temurning hayoti va faoliyatiga bagʻishlangan yuqori sifatli mediamahsulotlar hamda audiovizual asarlar yaratish.1. Koʻrgazmali axborot vositalarini tayyorlash, mediamahsulotlar va audiovizual asarlar yaratish boʻyicha ishchi guruh tarkibini shakllantirish.2026-yil martIjrochilarga ajratilgan mablagʻlarOʻzbekiston Milliy axborot agentligi,Oʻzbekiston Milliy teleradiokompaniyasi,Oʻzbekiston milliy media birlashmasi2. Amir Temurning hayoti va faoliyatiga bagʻishlangan yuqori sifatli mediamahsulotlar hamda audiovizual asarlar yaratish.3. Tayyorlangan koʻrgazmali axborot vositalarini, mediamahsulotlar va audiovizual asarlarni mahalliy va xorijiy ommaviy axborot vositalarida keng yoritish, internet hamda ijtimoiy tarmoqlarga joylashtirish.2026-yildan reja asosida18.“Tirik tarix” loyihasi asosida suratga olingan, Amir Temur saltanatining Yevropa davlatlari bilan diplomatik va elchilik aloqalari yoritib berilgan tarixiy-badiiy va hujjatli filmlarni Ispaniya, Fransiya, Buyuk Britaniya kabi xorijiy mamlakatlarda namoyish etish boʻyicha zarur choralar koʻrish.1. Filmning xorijiy tillarga subtitr tarjimasini tayyorlash.2. Chet ellarda namoyish etish bilan bogʻliq tashkiliy ishlarni amalga oshirish.2026-yildan mart oyidan boshlabIjrochilarga ajratilgan mablagʻlarMadaniyat vazirligi,Kinematografiya agentligi,Tashqi ishlar vazirligi19.Ommaviy axborot vositalari va internet tarmogʻida Amir Temur jangovar bayrogʻini qoʻlga kiritgan harbiy okruglar, ularda xizmat qilayotgan askar va ofitserlarning ibratli faoliyati hamda Amir Temur ordeni bilan taqdirlangan shaharlar haqida turkum koʻrsatuv va materiallar berib borish.Amir Temur jangovar bayrogʻini qoʻlga kiritgan harbiy okruglar, ularda xizmat qilayotgan askar va ofitserlarning ibratli faoliyati hamda Amir Temur ordeni bilan taqdirlangan shaharlar haqida doimiy ravishda turkum koʻrsatuv va materiallar berib borish.DoimiyIjrochilarga ajratilgan mablagʻlarMudofaa vazirligi,Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari,Fanlar akademiyasi,Respublika Maʼnaviyat va maʼrifat markazi,Oʻzbekiston Milliy axborot agentligi,Oʻzbekiston Milliy teleradiokompaniyasi,Oʻzbekiston milliy media birlashmasi,vazirlik va idoralar20.“Amir Temur siymosi sahnada” respublika teatrlari festivalini oʻtkazish.1. Festival rejasini ishlab chiqish va tasdiqlash.2026-yil martIjrochilarning mablagʻlariMadaniyat vazirligi,Respublika Maʼnaviyat va maʼrifat markazi2. “Amir Temur siymosi sahnada” respublika teatrlari festivalini oʻtkazish.2026-yil may21.Temuriylar davriga oid xorijda saqlanayotgan asl yozma manbalar va moddiy ashyolarning nusxalarini Oʻzbekistonga olib kelish.1. Temuriylar davriga oid xorijda saqlanayotgan asl yozma manbalar va moddiy ashyolarning manbalarini aniqlash va roʻyxatini shakllantirish.2026-yil martIjrochilarga ajratilgan mablagʻlarIslom sivilizatsiyasi markazi,Fanlar akademiyasi,Tashqi ishlar vazirligi2. Ulardan nusxalar olish boʻyicha xorijiy tashkilotlar bilan kelishuvga erishish.Reja asosida22.Yosh ijrochilar oʻrtasida Amir Temur hayoti va faoliyatiga bagʻishlangan qoʻshiqlar tanlovini oʻtkazish.1. Yosh ijrochilar oʻrtasida qoʻshiqlar tanlovi nizomini ishlab chiqish va tasdiqlash.2. Qoʻshiqlar tanlovi toʻgʻrisida OAVlarida eʼlon berish.2026-yil martIjrochilarning mablagʻlariMadaniyat vazirligi,Respublika Maʼnaviyat va maʼrifat markazi,Oʻzbekiston Milliy teleradiokompaniyasi3. Yosh ijrochilar oʻrtasida Respublika tanlovini oʻtkazish va gʻoliblarni taqdirlash.2026-yil mart-aprel23.Amir Temur va temuriylar davri tarixi, madaniyati va kashfiyotlarini xalqaro miqyosda targʻib etish.1. Xorijiy telekanallar hamda axborot manbalarida maxsus videoroliklar, ilmiy-ommabop maqolalar chop etish boʻyicha ishchi guruh tarkibini shakllantirish.2026-yil martIjrochilarga ajratilgan mablagʻlarTashqi ishlar vazirligi,Islom sivilizatsiyasi markazi,Oʻzbekiston Milliy axborot agentligi,Oʻzbekiston Milliy teleradiokompaniyasi,Oʻzbekiston milliy media birlashmasi2. Tayyorlangan videoroliklar, ilmiy-ommabop maqolalarni xorijiy telekanallar hamda axborot manbalarida eʼlon qilish.2026-yil aprel24.Amir Temur va temuriylar ijodini keng oʻrganish va targʻib qilishga bagʻishlangan maʼrifiy tadbirlar, davra suhbatlari tashkil etish.1. Amir Temurning davlat arbobi, sarkarda, “Temuriylar renessansi” asoschisi sifatida qoldirgan merosini keng oʻrganish va targʻib qilish maqsadida ilmiy anjumanlar hamda davra suhbatlarini tashkil etish boʻyicha chora-tadbirlar rejasini ishlab chiqish. 2026-yil martIjrochilarga ajratilgan mablagʻlarTashqi ishlar vazirligi,Millatlararo munosabatlar va xorijdagi vatandoshlar masalalari boʻyicha qoʻmita,Respublika Maʼnaviyat va maʼrifat markazi,vazirlik va idoralar2. Oʻzbekiston Respublikasining xorijiy mamlakatlardagi elchixonalari, Oʻzbek milliy madaniy markazlari, vatandoshlar jamiyatlarida ilmiy anjumanlar va davra suhbatlarini oʻtkazish.2026-2027-yillarda reja asosida25.Amir Temur va temuriylarning jahon tamadduni rivojiga qoʻshgan hissasini keng targʻib qilish.1. “Buyuk temuriylar” atamasini xalqaro ilmiy istiloh sifatida joriy qilish maqsadida xorijiy davlatlarda “Buyuk temuriylar tarixi va madaniy merosi” mavzusiga bagʻishlangan taqdimotlar, media tadbirlar hamda anjumanlar rejasini ishlab chiqish.2026-yil martIjrochilarga ajratilgan mablagʻlarFanlar akademiyasi,Islom sivilizatsiyasi markazi,Respublika Maʼnaviyat va maʼrifat markazi,Tashqi ishlar vazirligi,manfaatdor vazirlik va idoralar2. “Buyuk temuriylar tarixi va madaniy merosi” mavzusiga bagʻishlangan taqdimotlar, media tadbirlar hamda anjumanlar tashkil etish.2026-yil 1-maydan boshlab26.Har yili aprel oyini “Amir Temur oyligi” deb eʼlon qilish va uning doirasida umumiy oʻrta taʼlim, oʻrta maxsus, kasbiy va oliy taʼlim tashkilotlari, harbiy qismlar, korxona va tashkilotlar, mahallalarda temurshunos olimlar, sanʼatkorlar ishtirokida uchrashuvlar, badiiy-maʼrifiy tadbirlar uyushtirish.1. Temurshunos olimlar, sanʼatkorlar ishtirokida uchrashuvlar, badiiy-maʼrifiy tadbirlarni tashkil etish uchun dastur ishlab chiqish.2026-yil martIjrochilarga ajratilgan mablagʻlarRespublika Maʼnaviyat va maʼrifat markazi,Xalqaro Amir Temur jamoat fondi,Fanlar akademiyasi,Oliy taʼlim, fan va innovatsiyalar vazirligi,Islom sivilizatsiyasi markazi,vazirlik va idoralar2. Oliy va kasbiy taʼlim tashkilotlari, akademik litseylar va umumtaʼlim maktablari, harbiy qismlar, korxona va tashkilotlar, mahallalarda temurshunos olimlar hamda sanʼatkorlar ishtirokida uchrashuvlar, badiiy-maʼrifiy tadbirlarni tashkil etish.DoimiyIV. Ijodiy ishlar27.Temuriylar tarixiga bagʻishlangan suratlarni yaratish.1. Yuqori malakali tarixchi olimlar, sanʼatshunoslar, rassomlardan iborat maxsus ishchi guruh tuzish.2026-yil martIjrochilarga ajratilgan mablagʻlarBadiiy akademiya,Fanlar akademiyasi,Xalqaro Amir Temur jamoat fondi2. Tarixiy shaxslar, buyuk tarixiy siyosiy, iqtisodiy, ilmiy, madaniy va boshqa voqealarga oid mavzular roʻyxatini shakllantirish.2026-yil aprel3. Dastgohli va mahobatli rangtasvir yoʻnalishida tarixiy shaxslarning portretlari hamda tarixiy voqealar tasvirini mavjud tarixiy manbalar, ilmiy adabiyotlar, arxiv hujjatlari asosida yaratish.4. Tarixiy yoʻnalishda ijod qilayotgan rassomlarni ragʻbatlantirish maqsadida tarixiy shaxslar portretlari, tarixiy mavzuda yaratilgan eng yaxshi asarlar tanlovini oʻtkazish.2026 — 2029-yillar28.Amir Temur va temuriylar xaritalari toʻplamini yaratish.1. Xaritalar toʻplamini yaratish boʻyicha ishchi guruh tuzish.2026-yil martIjrochilarga ajratilgan mablagʻlarFanlar akademiyasi,Tarix instituti,Kadastr agentligi,“Kartografiya” davlat ilmiy-ishlab chiqarish korxonasi2. Xaritalar toʻplamining konsepsiyasini ishlab chiqish, yoʻnalishlarini belgilash.2026-yil avgust3. Xaritalar toʻplamini tayyorlash.2026-yil dekabr4. Xaritalarni chop etish.Reja asosidaV. Temurshunoslik yoʻnalishida mutaxassislar tayyorlash29.Birinchi va Ikkinchi Uygʻonish davrlari tarixini oʻrganish boʻyicha ilgʻor sanalgan xorijiy ilmiy, taʼlim, madaniyat muassasalarida mutaxassislarni tayyorlash tizimini yaratish.1. Xorijiy ilmiy, taʼlim, madaniyat muassasalari roʻyxatini shakllantirish.2026-yil aprelIjrochilarga ajratilgan mablagʻlarFanlar akademiyasi,“El-yurt umidi” jamgʻarmasi,Oliy taʼlim, fan va innovatsiyalar vazirligi2. Birinchi va Ikkinchi Uygʻonish davrlari tarixini oʻrganish yoʻnalishi boʻyicha talabgorlar roʻyxatini shakllantirish.2026-yil iyun3. Belgilangan tartibda talabgorlarni xorijiy ilmiy, taʼlim, madaniyat muassasalariga yuborish choralarini koʻrish.2027-yil yanvardan boshlabVI. Xalqaro ilmiy safarlar30.“Amir Temur izidan” xalqaro ilmiy safarini uyushtirish.1. Xalqaro ilmiy safarni tashkil etish boʻyicha chora-tadbirlar rejasini ishlab chiqish va tasdiqlash.2026-yil martIjrochilarga ajratilgan mablagʻlarFanlar akademiyasi,Xalqaro Amir Temur jamoat fondi,Tashqi ishlar vazirligi2. Ilmiy safar yuzasidan xorijiy davlatlar bilan kelishuvlarni amalga oshirish.2026-yil avgust3. Ilmiy safarni tashkil etish.Reja asosidaVII. Temuriylarga oid meʼmoriy yodgorliklarni tiklash va taʼmirlash ishlari31.Temuriylarga oid meʼmoriy yodgorliklarni tiklash va taʼmirlash ishlarini bajarish.1. Temuriylarga oid meʼmoriy yodgorliklar roʻyxatini tuzish.2026-yil martIjrochilarga ajratilgan mablagʻlarFanlar akademiyasi,Xalqaro Amir Temur jamoat fondi,Madaniy meros agentligi,Qurilish va uy-joy kommunal xoʻjaligi vazirligi2. Yodgorliklarning holatini baholash va xulosalar tayyorlash.2026-yil aprel3. Tiklash va taʼmirlashga loyiq yodgorliklar boʻyicha ishlarni tasdiqlash.2026-yil may4. Yodgorliklarda tiklash va taʼmirlash ishlarini bajarish.Reja asosida32.Temuriylar davrining siyosiy, ilmiy, madaniy, diniy hayotida salmoqli oʻrin tutgan tarixiy shaxslarning qabrlarini aniqlash va taʼmirlash.1. Ishchi guruh tuzish va tarixiy shaxslar roʻyxatini shakllantirish. 2026-yil martIjrochilarga ajratilgan mablagʻlarFanlar akademiyasi,Xalqaro Amir Temur jamoat fondi,Tashqi ishlar vazirligi,Qurilish va uy-joy kommunal xoʻjaligi vazirligi2. Qabrlar oʻrnini aniqlash va ularning haqqoniy holatini oʻrganish.2026-yil aprel3. Taʼmirlash va tiklash ishlari boʻyicha chora-tadbirlar rejasini belgilangan tartibda tasdiqlash.2026-yil may4. Taʼmirlash va tiklash ishlarini bajarish.Reja asosida

Oʻzbekiston Respublikasi Prezidentining 2026-yil 5-fevraldagi PQ-46-son qaroriga 2-ILOVA

Sohibqiron Amir Temur tavalludining 690 yilligiga bagʻishlangan tadbirlarga tayyorgarlik koʻrish va uni oʻtkazish boʻyicha tashkiliy qoʻmita

TARKIBI

1.A. Aripov —Oʻzbekiston Respublikasi Bosh vaziri, Tashkiliy qoʻmita raisi2.Sh. Ayupov—Fanlar akademiyasi prezidenti, Tashkiliy qoʻmita raisi oʻrinbosari3.Sh. Umurzakov—Toshkent shahri hokimi, Tashkiliy qoʻmita raisi oʻrinbosari4.X. Umarova—Oʻzbekiston Respublikasi Prezidenti Administratsiyasi rahbarining taʼlimni isloh qilish boʻyicha oʻrinbosari5.X. Sultonov—Oʻzbekiston Respublikasi Prezidentining maslahatchisi — Spichrayteri6.O. Nazarbekov—madaniyat vaziri7.K. Sharipov—oliy taʼlim, fan va innovatsiyalar vaziri8.B. Saidov—tashqi ishlar vaziri9.A. Tashpulatov —ichki ishlar vaziri10.I. Maxkamov—transport vaziri11.E. Karimova—maktabgacha va maktab taʼlimi vaziri12.A. Boboyev—Samarqand viloyati hokimi13.A. Saʼdullayev—Yoshlar ishlari agentligi direktori14.A. Nuridinov—Badiiy akademiya raisi15.O. Xasanov—Respublika Maʼnaviyat va maʼrifat markazi rahbari16.A.Aqqulov—Turizm qoʻmitasi raisi17.F. Abduholiqov—Oʻzbekistondagi Islom sivilizatsiyasi markazi direktori18.A. Koʻchimov—Oʻzbekiston Milliy axborot agentligi bosh direktori19.A. Joʻraboyev—Oʻzbekiston Milliy teleradiokompaniyasi raisi20.S. Saidov—Oʻzbekiston Yozuvchilar uyushmasi raisi21.B. Abduhalimov—Fanlar akademiyasi Sharqshunoslik instituti direktori22.A. Ziyo—Fanlar akademiyasi Tarix instituti direktori23.X. Fayziyev—Temuriylar tarixi davlat muzeyi direktori24.M. Ahmedov—Xalqaro Amir Temur jamoat fondi raisi25.R. Azimov—Vazirlar Mahkamasi boʻlim boshligʻi, Tashkiliy qoʻmita kotibi

Izoh. Tashkiliy qoʻmita aʼzolari boshqa ishga oʻtgan taqdirda, uning tarkibiga ushbu lavozimga yangi tayinlangan yoki zimmasiga tegishli funksiyalarni bajarish yuklangan shaxslar kiritiladi.