Ijtimoiy reyestrga kiritilgan oilalarni qoʻllab-quvvatlash tizimini takomillashtirishning qoʻshimcha chora-tadbirlari toʻgʻrisida (35-son)

29.01.2026

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Prezidentining “Ijtimoiy himoyaga muhtoj aholi qatlamlariga davlat ijtimoiy qoʻllab-quvvatlash choralarini taqdim etish tizimini tubdan takomillashtirish chora-tadbirlari toʻgʻrisida” 2025-yil 26-dekabrdagi PF-258-son Farmoni ijrosini taʼminlash maqsadida Vazirlar Mahkamasi qaror qiladi:

1. Quyidagilar:

Ijtimoiy reyestrni yuritish tartibi toʻgʻrisidagi nizom 1-ilovaga muvofiq;

Ijtimoiy reyestrga kiritilgan oilalarga individual reja ishlab chiqish va uning ijrosini taʼminlash tartibi toʻgʻrisidagi nizom 2-ilovaga muvofiq;

Ijtimoiy reyestrga kiritilgan oilalarga bolalar nafaqasi va moddiy yordam tayinlash va toʻlash tartibi toʻgʻrisidagi nizom 3-ilovaga muvofiq;

Tuman (shahar) hokimliklari huzuridagi nizolarni hal qilish boʻyicha apellyatsiya kengashlari toʻgʻrisidagi nizom 4-ilovaga muvofiq;

“Yagona milliy ijtimoiy himoya” axborot tizimidagi idoralararo elektron oʻzaro axborot almashinuvi doirasidagi maʼlumotlar roʻyxati 5-ilovaga muvofiq;

Ijtimoiy reyestrga kiritilgan oilalarga koʻrsatiladigan davlat ijtimoiy qoʻllab-quvvatlash choralari roʻyxati 6-ilovaga muvofiq;

Ijtimoiy reyestrga kiritilgan oilalarga koʻrsatiladigan davlat ijtimoiy qoʻllab-quvvatlash choralari doirasida “Yagona milliy ijtimoiy himoya” axborot tizimiga “Raqamli hukumat” tizimining Idoralararo integratsiyalashuv platformasi orqali taqdim etiladigan maʼlumotlar toʻplamlari roʻyxati 7-ilovaga muvofiq tasdiqlansin.

2. Belgilansinki:

a) 2026-yil 1-fevralga qadar:

“Ijtimoiy himoya yagona reyestri” axborot tizimi orqali bolalar nafaqasi va moddiy yordam oluvchi hamda Kambagʻal oilalar reyestriga kiritilgan va ushbu reyestrga tushish xavfi boʻlgan “yashil” toifadagi oilalarning ijtimoiy-iqtisodiy holati “Yagona milliy ijtimoiy himoya” axborot tizimi (keyingi oʻrinlarda — “YAMIH” AT)da avtomatik tarzda baholashdan oʻtkaziladi va Ijtimoiy reyestrga kiritish mezonlariga mos keladigan oilalar mazkur reyestrga qoʻshimcha ariza talab etmagan holda oʻtkaziladi;

bolalar nafaqasi yoki moddiy yordam tayinlangan Ijtimoiy reyestrga oʻtkazilgan oilalarga mazkur toʻlovlarni toʻlash qoʻshimcha ariza talab etmagan holda ularning toifasiga muvofiq davom ettiriladi. Bunda Ijtimoiy reyestrning “kambagʻal oila” toifasiga oʻtkazilgan oilalar uchun mehnatga layoqatli oila aʼzolarining rasmiy bandligini taʼminlash uchun belgilangan muddat ular ushbu reyestrga oʻtkazilgan sanadan boshlab hisoblanadi;

Ijtimoiy reyestrga oʻtkazilgan oilalarning ijtimoiy-iqtisodiy holatini qayta baholashdan oʻtkazish muddati ularga tegishlicha “Ijtimoiy himoya yagona reyestri” axborot tizimi orqali bolalar nafaqasi yoki moddiy yordam tayinlangan yoxud Kambagʻal oilalar reyestriga kiritilgan sanadan boshlab hisoblanadi;

b) “mahalla yettiligi” tomonidan tasdiqlangan individual rejalarga kiritilgan ijtimoiy xizmat, yordam va imtiyozlarni (keyingi oʻrinlarda — davlat ijtimoiy qoʻllab-quvvatlash choralari) taqdim etish vazirlik va idoralar, ularning tizim tashkilotlari tomonidan taʼminlanadi hamda ularning natijasi boʻyicha “YAMIH” ATda tegishli axborot tizimlarini integratsiya qilish orqali real vaqt rejimida maʼlumot almashish (ijro qadamlari va natijasini koʻrish) imkoniyati yaratiladi;

v) Ijtimoiy reyestrga kiritilgan oilalarga shakllantirilgan individual rejalarda belgilangan davlat ijtimoiy qoʻllab-quvvatlash choralarining ijrosi holati tuman (shahar) hokimlarining eng muhim samaradorlik koʻrsatkichlaridan biri sifatida inobatga olinadi;

g) Ijtimoiy himoya milliy agentligi tomonidan fuqarolarni Ijtimoiy reyestrga kiritish yoki chiqarish bilan bogʻliq jarayonlar natijalari yuzasidan maʼlumot berish ularning mobil telefon raqamlariga bepul qisqa SMS-xabarlar yuborish orqali amalga oshiriladi.

Ijtimoiy himoya milliy agentligi 2026-yil 1-fevralga qadar “Ijtimoiy himoya yagona reyestri” axborot tizimi orqali bolalar nafaqasi va moddiy yordam oluvchi hamda Kambagʻal oilalar reyestriga kiritilgan va ushbu reyestrga tushish xavfi boʻlgan “yashil” toifadagi oilalarni mazkur bandning “a” kichik bandiga muvofiq Ijtimoiy reyestrga oʻtkazilishini va bolalar nafaqasi yoki moddiy yordam olayotgan oilalarga toʻlovlar uzluksiz davom ettirilishini taʼminlasin.

3. Ijtimoiy himoya milliy agentligi va Raqamli texnologiyalar vazirligi manfaatdor vazirlik va idoralar bilan birgalikda:

a) ikki oy muddatda “YAMIH” ATda quyidagilar boʻyicha texnik imkoniyatlar yaratsin:

Ijtimoiy reyestrga kiritiladigan oilalarni aniqlash boʻyicha savolnomani imzoni identifikatsiya qilishning zamonaviy vositalari bilan (shaxsning yuzini biometrik identifikatsiya qilish texnologiyasi (Face-ID), elektron raqamli imzo, daktiloskopiya va boshqalar) yoki SMS-xabar bilan tasdiqlash;

manfaatdor shaxslarning Ijtimoiy reyestrni yuritish jarayonida rasmiylashtiriladigan dalolatnoma va xulosalar boʻyicha shikoyatlarini tuman (shahar) hokimliklari huzuridagi nizolarni hal qilish boʻyicha apellyatsiya kengashlarida koʻrib chiqish va qaror qabul qilish;

“YAMIH” AT, Yagona interaktiv davlat xizmatlari portali va “Ijtimoiy karta” mobil ilovasi orqali Ijtimoiy reyestrga kiritish hamda bolalar nafaqasi va moddiy yordam tayinlash uchun murojaat qilish;

b) uch oy muddatda mazkur qarorga 6-ilovadagi raqamlashtirilmagan davlat ijtimoiy qoʻllab-quvvatlash choralarini “YAMIH” AT orqali elektron taqdim etish boʻyicha texnik imkoniyat yaratsin. Bunda vazirlik va idoralar Raqamli texnologiyalar vazirligi bilan birgalikda 2027-yil 1-yanvarga qadar 6-ilovadagi raqamlashtirilmagan davlat ijtimoiy qoʻllab-quvvatlash choralarini taqdim etish uchun oʻz axborot tizimlarini ishlab chiqsin va amaliyotga joriy etsin;

v) 2027-yil 1-yanvarga qadar fuqarolarga 6-ilovadagi davlat ijtimoiy qoʻllab-quvvatlash choralaridan “Ijtimoiy karta” mobil ilovasi orqali foydalanishni bosqichma-bosqich tashkil etish boʻyicha Vazirlar Mahkamasiga taklif kiritsin.

4. Raqamli texnologiyalar vazirligi, Adliya vazirligi manfaatdor vazirlik va idoralar bilan birgalikda ikki oy muddatda mazkur qarorga 5 va 7-ilovalarda nazarda tutilgan maʼlumotlar “Raqamli hukumat” tizimining Idoralararo integratsiyalashuv platformasi orqali “YAMIH” ATga taqdim etilishini taʼminlasin.

5. Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari:

bir oy muddatda tuman (shahar) hokimliklari huzurida nizolarni hal qilish boʻyicha apellyatsiya kengashlari tashkil etilishini;

Ijtimoiy reyestrga kiritilgan oilalarga shakllantirilgan individual rejalarning bajarilishi har oyda bir marotaba muhokama qilib borilishini taʼminlasin.

6. Boshqaruv samaradorligi agentligi individual rejalarning ijro holati mahalliy ijro etuvchi hokimiyat organlari rahbarlarining faoliyatini baholashda alohida koʻrsatkich sifatida belgilanishini taʼminlasin.

7. Oʻzbekiston Respublikasi Hukumatining 8-ilovaga muvofiq ayrim qarorlariga oʻzgartirish va qoʻshimchalar kiritilsin.

8. Oʻzbekiston Respublikasi Hukumatining 9-ilovaga muvofiq baʼzi qarorlari oʻz kuchini yoʻqotgan deb hisoblansin.

9. Ijtimoiy himoya milliy agentligi manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarni ikki oy muddatda ushbu qarorga muvofiqlashtirsin.

10. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — iqtisodiyot va moliya vaziri J.A. Qoʻchqorov zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2026-yil 29-yanvar,

35-son

Vazirlar Mahkamasining 2026-yil 29-yanvardagi 35-son qaroriga 1-ILOVA

Ijtimoiy reyestrni yuritish tartibi toʻgʻrisida

NIZOM

1-bob. Umumiy qoidalar

1. Mazkur Nizom oilalarni Ijtimoiy reyestrga (keyingi oʻrinlarda — Reyestr) kiritish, toifalarga ajratish va Reyestrdan chiqarish tartibini belgilaydi.

2. Ushbu Nizomda quyidagi asosiy tushunchalardan foydalaniladi:

ariza beruvchi — Reyestrga kiritishni soʻrab murojaat qilgan oilaning muomalaga layoqatli aʼzosi (18 yoshga toʻlgan, 18 yoshga toʻlmasdan farzandli boʻlgan yoki oʻz oilasiga ega boʻlmagan Oʻzbekiston Respublikasi fuqarosi, Oʻzbekiston Respublikasi hududida yashash guvohnomasiga ega boʻlgan chet el fuqarosi yoki fuqaroligi boʻlmagan shaxs);

vakolatli organ — “Inson” ijtimoiy xizmatlar markazlari;

Ijtimoiy reyestrga kiritiladigan oilalarni aniqlash boʻyicha savolnoma (keyingi oʻrinlarda — savolnoma) — ariza beruvchi va oila aʼzolarining (agar mavjud boʻlsa) shaxsiga doir maʼlumotlarini oʻrganish hamda oilaning ijtimoiy-iqtisodiy ehtiyojlarini baholashga (aniqlashga) qaratilgan savollar jamlanmasi;

“Ijtimoiy reyestr” axborot moduli (keyingi oʻrinlarda — axborot moduli) — idoralararo elektron oʻzaro hamkorlikni qoʻllagan holda davlat taʼminotidagi, kambagʻal va kambagʻallik chegarasidagi oilalarni aniqlash, ularga ijtimoiy xizmat, yordam va imtiyozlarni (keyingi oʻrinlarda — davlat ijtimoiy qoʻllab-quvvatlash choralari) olish uchun murojaat qiluvchi va oluvchi oilalar toʻgʻrisida yagona maʼlumotlar bazasini shakllantirish amalga oshiriladigan, “Yagona milliy ijtimoiy himoya” axborot tizimining (keyingi oʻrinlarda — “YAMIH” AT) tarkibiy qismi boʻlgan maʼlumotlar bazasi;

normativ daromad — oilaning daromadini rasmiy maʼlumotlar orqali tasdiqlash imkoni boʻlmaganda shartli ravishda qoʻllaniladigan daromad miqdori;

tabiiy hamda texnogen xususiyatli favqulodda vaziyatlar (keyingi oʻrinlarda — favqulodda vaziyatlar) — muayyan hududda odamlar qurbon boʻlishiga, ularning sogʻligʻi yoki atrof tabiiy muhitga zarar yetishiga, jiddiy moddiy talafotlar keltirib chiqarishga hamda odamlarning hayot faoliyati sharoiti izdan chiqishiga olib kelishi mumkin boʻlgan yoki olib kelgan avariya, halokat, xavfli tabiiy hodisa, tabiiy yoki boshqa ofat, karantin va odamlar uchun xavfli boʻlgan boshqa yuqumli kasalliklarning tarqalishi natijasida muayyan hududda yuzaga kelgan vaziyatlar.

3. Reyestrga kiritish mezonlariga mos keladigan oilalarni aniqlash, ularni Reyestrga kiritish mazkur Nizomga 1-ilovaga muvofiq sxema asosida amalga oshiriladi.

4. Reyestrga kiritilgan oilalarga, ularga shakllantirilgan individual rejaga asosan qonunchilik hujjatlarida belgilangan davlat ijtimoiy qoʻllab-quvvatlash choralari taqdim etiladi.

2-bob. Oilani Reyestrga kiritish toʻgʻrisidagi murojaatni koʻrib chiqish tartibi

5. Ariza beruvchi oilasini Reyestrga kiritish uchun vakolatli organga quyidagi shakllarda murojaat qiladi:

davlat xizmatlari markazi yoki vakolatli organga borgan holda yoki yashash manzili boʻyicha mahallaga biriktirilgan ijtimoiy xodim orqali;

“YAMIH” AT, Yagona interaktiv davlat xizmatlari portali (keyingi oʻrinlarda — YIDXP) yoki “Ijtimoiy karta” mobil ilovasi orqali mustaqil ravishda.

Har bir oila tomonidan Reyestrga kiritish uchun ariza topshirish bir oyda bir marta amalga oshiriladi.

6. Oilani Reyestrga kiritish toʻgʻrisidagi murojaat:

a) davlat xizmatlari markazi orqali berilganda, markaz xodimi ariza beruvchining nomidan mazkur Nizomga 2-2a-ilovalarga muvofiq shakldagi arizalarni toʻldiradi;

b) vakolatli organ yoki mahallaga biriktirilgan ijtimoiy xodim orqali berilganda, vakolatli organning masʼul xodimi yoki mahallaga biriktirilgan ijtimoiy xodim “YAMIH” ATda ariza beruvchining nomidan mazkur Nizomga 2-2a-ilovalarga muvofiq shakldagi arizalarni toʻldiradi;

v) “YAMIH” AT, YIDXP yoki “Ijtimoiy karta” mobil ilovasi orqali berilganda, ariza beruvchi mazkur Nizomga 2-2a-ilovalarga muvofiq shakldagi arizalarni mustaqil ravishda toʻldiradi.

Oilani Reyestrga kiritish toʻgʻrisidagi murojaat mazkur bandning “a” va “b” kichik bandlarida belgilangan shakllarda taqdim etilganda ariza beruvchining shaxsi qonunchilik hujjatlarida belgilangan tartibda hujjatlarning unifikatsiyalangan raqamli servislari orqali, agar mazkur raqamli servislar orqali tasdiqlash imkoni boʻlmasa, bevosita ariza beruvchidan uning shaxsini tasdiqlovchi hujjatini (ID-karta, pasport, yashash guvohnomasi) talab qilish orqali tasdiqlanadi.

7. Ariza beruvchi arizani koʻrib chiqishning har qanday bosqichida xizmatdan foydalanishdan bosh tortish huquqiga ega. Bunda uning arizasi koʻrib chiqilmaydi.

8. Mazkur Nizomning 5 va 6-bandlarida nazarda tutilgan tartibda ariza berilganda ariza beruvchi tomonidan imzoni identifikatsiya qilishning zamonaviy vositalari bilan (shaxsning yuzini biometrik identifikatsiya qilish texnologiyasi (Face-ID), elektron raqamli imzo, daktiloskopiya va boshqalar) yoki SMS-xabar bilan tasdiqlanadi. Bunda:

ariza beruvchi tomonidan arizaning tasdiqlanishi unga tegishli shaxsga doir maʼlumotlarni olish va ishlov berishga hamda savolnoma oʻtkazishga roziligini bildiradi;

ariza avtomatik ravishda “YAMIH” ATga yuboriladi.

9. “YAMIH” ATda arizada koʻrsatilgan hamda idoralararo elektron hamkorlik orqali olinadigan maʼlumotlarga muvofiq oilaning ijtimoiy-iqtisodiy holati dastlabki tarzda baholashdan oʻtkaziladi.

“Mahalla yettiligi” tomonidan oxirgi uch oy ichida ariza beruvchi oilasining ijtimoiy-iqtisodiy holati boʻyicha xulosa tasdiqlangan boʻlsa, dastlabki baholash mazkur xulosa hamda idoralararo elektron hamkorlik orqali olinadigan maʼlumotlarga asosan amalga oshiriladi.

10. Dastlabki baholash natijasi boʻyicha:

ariza beruvchining oilasini mazkur Nizomning 33-bandida belgilangan “davlat taʼminotidagi oila” va “kambagʻal oila” deb topishni rad etish uchun asoslar aniqlanmaganda ariza ijtimoiy xodimning axborot modulidagi shaxsiy kabinetiga savolnoma toʻldirish uchun yuboriladi. Bunda oxirgi uch oy ichida ariza beruvchi oilasining ijtimoiy-iqtisodiy holati boʻyicha xulosa tasdiqlangan boʻlsa, yangidan savolnoma toʻldirilmaydi va mazkur xulosa oilaning ijtimoiy-iqtisodiy holatini yakuniy baholashdan oʻtkazish uchun avtomatik tarzda “YAMIH” ATga yuboriladi;

mazkur Nizomning 33-bandida belgilangan asoslar aniqlanganda ariza beruvchining oilasini “davlat taʼminotidagi oila” va “kambagʻal oila” deb eʼtirof etish rad etiladi.

Dastlabki baholash natijasi boʻyicha ariza ijtimoiy xodimga yuborilganligi va uch ish kuni ichida savolnoma oʻtkazilishi yoki oilani Reyestrga kiritish rad etilganligi toʻgʻrisida ariza beruvchining arizada koʻrsatilgan mobil telefon raqamiga SMS-xabar yuboriladi.

11. Ijtimoiy xodim ariza uning axborot modulidagi shaxsiy kabinetiga kelib tushgandan soʻng uch ish kuni ichida oilaning ijtimoiy-iqtisodiy holatini aniqlash uchun ariza beruvchining xonadoniga borgan holda, ariza beruvchi yoki muomalaga layoqatli oila aʼzosi ishtirokida mazkur Nizomga 3-ilovaga muvofiq shakldagi savolnomani axborot modulida elektron shaklda toʻldiradi.

12. Ariza beruvchi yoki uning muomalaga layoqatli oila aʼzosi toʻldirilgan savolnoma bilan tanishtiriladi va ular savolnomaga kiritilgan maʼlumotlarga rozilik bildirganda imzolarni identifikatsiya qilishning tegishli vositalari (shaxsning yuzini biometrik identifikatsiya qilish texnologiyasi (Face-ID), elektron grafik imzo yoki mobil telefon raqamiga SMS-xabar bilan yuboriladigan maxsus kodni maʼlum qilish) orqali uni tasdiqlaydi.

13. Quyidagi hollarda savolnomani oʻtkazish toʻxtatiladi:

savolnomani tasdiqlash ariza beruvchi tomonidan rad etilganda;

ariza beruvchi vafot etganda;

ariza beruvchi doimiy yashash uchun Oʻzbekiston Respublikasining boshqa hududiga yoki Oʻzbekiston Respublikasidan tashqariga koʻchib ketganda;

ijtimoiy xodim savolnomani toʻldirish uchun borganda ariza beruvchi yashash joyida boʻlmasligi natijasida savolnoma oʻtkazish imkoni boʻlmaganda.

Mazkur bandda belgilangan asoslar aniqlanganda ijtimoiy xodim tomonidan axborot moduli orqali mazkur Nizomga 4-ilovaga muvofiq shaklda elektron dalolatnoma shakllantiriladi va “mahalla yettiligi”ga yuboriladi.

Dalolatnoma “mahalla yettiligi”ning kamida besh nafari aʼzosi tomonidan axborot modulida elektron raqamli imzo bilan tasdiqlanishi lozim, bundan xodim mehnat taʼtilida, vaqtinchalik mehnatga layoqatsiz, lavozimi vakant va qonunchilikda belgilangan boshqa holatlar mustasno. Bunda dalolatnoma uni imzolashda ishtirok etgan “mahalla yettiligi” aʼzolarining koʻpchilik ovozi bilan tasdiqlanganda qonuniy kuchga ega boʻladi.

Dalolatnoma tasdiqlangandan soʻng ariza beruvchini Reyestrga kiritish avtomatik tarzda rad etiladi va bu haqida ariza beruvchining arizasida koʻrsatilgan mobil telefon raqamiga rad etish sabablari koʻrsatilgan SMS-xabar yuboriladi.

14. Ariza beruvchi tomonidan tasdiqlangan savolnoma axborot modulida avtomatik ravishda “mahalla yettiligi”ga yoʻnaltiriladi.

15. “Mahalla yettiligi” savolnomadagi maʼlumotlar asosida u kelib tushgandan soʻng uch ish kuni ichida mazkur Nizomga 5-ilovaga muvofiq shakldagi xulosani tasdiqlaydi.

Ariza beruvchi yoki uning oila aʼzolarida norasmiy daromad, mol-mulk mavjudligi yoki norasmiy bandligi boʻyicha maʼlumotlar yoki oilani Reyestrga kiritishni rad etishga asos boʻladigan boshqa holatlar aniqlangan taqdirda xulosa savolnomaga asosan shakllangan maʼlumotlarga tegishli oʻzgartirish kiritish orqali tasdiqlanadi. Bunda har bir kiritilayotgan oʻzgartirishga asos boʻlgan holatlar xulosada qayd etiladi.

Xulosani tasdiqlash mazkur Nizomning 13-bandi yettinchi xatboshisida belgilangan tartibda amalga oshiriladi.

Xulosa “mahalla yettiligi” aʼzolari tomonidan mazkur bandning birinchi xatboshisida belgilangan muddatda tasdiqlanmagan hollarda axborot modulida avtomatik tarzda tasdiqlanadi. Bunda “mahalla yettiligi”ning xulosani tasdiqlamagan aʼzolari yuzaga kelishi mumkin boʻlgan oqibatlar uchun javobgar hisoblanadi.

16. Xulosa “mahalla yettiligi” tomonidan tasdiqlangandan soʻng oilaning ijtimoiy-iqtisodiy holatini yakuniy baholashdan oʻtkazish uchun avtomatik tarzda “YAMIH” ATga yuboriladi.

“YAMIH” AT uch ish kuni ichida oilani ijtimoiy-iqtisodiy holatini yakuniy baholashdan oʻtkazadi.

Oilaning ijtimoiy-iqtisodiy holatini yakuniy baholash vazirlik va idoralarning axborot tizimlari orqali olingan va oilaning ijtimoiy-iqtisodiy holati boʻyicha xulosa asosida shakllangan oilaning ijtimoiy-iqtisodiy holati toʻgʻrisidagi maʼlumotlarga asosan “YAMIH” ATda avtomatik tarzda amalga oshiriladi.

17. Yakuniy baholash natijalari boʻyicha axborot modulida oilaning portreti avtomatik ravishda shakllanadi.

3-bob. Oilaning har bir aʼzosiga toʻgʻri keladigan bir oylik jami oʻrtacha daromad miqdorini aniqlash

18. Oilaning har bir aʼzosiga toʻgʻri keladigan bir oylik jami oʻrtacha daromad Reyestrga kirish uchun murojaat qilingan yoki oilaning ijtimoiy-iqtisodiy ahvoli oʻzgarishi qayta oʻrganilayotgan oydan oldingi oygacha boʻlgan oxirgi uch oyi uchun hisoblab chiqilgan barcha oila aʼzolarining daromadi summasini oila tarkibiga kiritiladigan oila aʼzolari soniga va uchga boʻlish orqali aniqlanadi.

Oila tarkibiga fuqarolik holati dalolatnomalarini yozish organlarida nikohi qayd etilgan er-xotin (yoki ularning biri) va ular bilan birga yashaydigan va ularning qaramogʻida boʻlgan bolalar (shu jumladan, vasiylikka (homiylikka) olingan bolalar), shuningdek, ota-onalari bilan birga yashaydigan va nikohi qayd etilmagan oilasiga ega boʻlmagan 18 yoshdan katta farzandlar (shu jumladan, vasiylikka (homiylikka) olingan bolalar) kiritiladi. Bunda toʻliq davlat taʼminotidagi bolalar, tarbiyalash uchun oilaga qabul qilingan (patronat tartibida) bolalar, ota-onalik huquqidan mahrum etilgan, shuningdek, sud qaroriga asosan bedarak yoʻqolgan deb topilgan shaxslar yoki rasman nikohi bekor qilinmagan aliment toʻlash majburiyati belgilangan er (xotin) oila tarkibiga kiritilmaydi.

Ijtimoiy iqtisodiy holati oʻrganilayotgan davrda umumiy roʻzgʻor asosida yashayotgan turmush oʻrtogʻi boʻlmagan boquvchisini yoʻqotganlik pensiyasi yoki nafaqasini olayotgan yoxud bolasi uchun aliment olayotgan ona (ota)ning oilasi boquvchisini yoʻqotgan yoki bolasini yolgʻiz tarbiyalayotgan oila sifatida qabul qilinadi.

19. Bir oylik jami oʻrtacha daromad miqdorini hisoblab chiqishda inobatga olinadigan oilaning jami daromadiga oila tomonidan olingan quyidagi daromadlar kiritiladi:

mehnatga haq toʻlash tarzidagi daromadlar;

mulkiy daromadlar;

olingan alimentlar. Bunda fuqaro tomonidan toʻlangan alimentlar summasi oilaning jami daromadidan chiqarib tashlanadi;

pul tushumlari, shu jumladan, chet elda ishlaydigan yoki chet elda tadbirkorlik va boshqa faoliyatni amalga oshiruvchi oila aʼzolari va boshqalardan olingan pul oʻtkazmalari summasi. Bunda xorijiy valyutada olingan pul oʻtkazmalari Oʻzbekiston Respublikasi Markaziy bankining “YAMIH” AT tomonidan elektron maʼlumot olingan kundagi belgilangan kursi boʻyicha Oʻzbekiston Respublikasining milliy valyutasida hisobga olinadi;

qonunchilik hujjatlarida belgilangan tartibda haq toʻlanadigan jamoat ishlarida qatnashganlik uchun shaxsga toʻlangan mehnat haqi;

pensiyalar, nafaqalar va boshqa moddiy yordam toʻlovlari, bundan mazkur Nizomning 20-bandida belgilangan toʻlovlar mustasno;

mazkur Nizomning 21-bandida belgilangan normativ daromadlar;

Oʻzbekiston Respublikasi qonunchilik hujjatlarida belgilangan boshqa daromadlar.

Mehnatga haq toʻlash tarzidagi daromadlar amalda hisoblangan summa boʻyicha hisobga olinadi (qonunchilik hujjatlarida nazarda tutilgan soliqlar va yigʻimlar chegirib tashlanguniga qadar).

20. Quyidagi pensiya, nafaqa, kompensatsiya, stipendiya va boshqa moddiy yordam va boshqa toʻlovlar oilaning bir oylik jami oʻrtacha daromad miqdorini hisoblab chiqishda hisobga olinmaydi:

a) nogironlik boʻyicha nafaqa summasi doirasidagi nogironlik hamda boquvchisini yoʻqotganlik pensiyalari;

b) quyidagi nafaqalar:

bolalar nafaqasi va moddiy yordam;

nogironligi boʻlgan 18 yoshgacha bolalarga nogironlik nafaqasi;

nogironlik nafaqasi;

boquvchisini yoʻqotganlik nafaqasi;

parvarishlash nafaqasi;

homiladorlik va tugʻish nafaqasi;

bola tugʻilganligi hamda dafn etish marosimi uchun nafaqalar;

v) quyidagi stipendiyalar:

taʼlim muassasalari tomonidan toʻlanadigan stipendiyalar;

mehnat organlarining yoʻllanmasi boʻyicha kasbga tayyorlash, qayta tayyorlash yoki malaka oshirish davrida toʻlangan stipendiyalar;

g) quyidagi moddiy yordam va kompensatsiyalar:

Oʻzbekiston Respublikasi Prezidentining Farmon va qarorlari yoki Oʻzbekiston Respublikasi Vazirlar Mahkamasining qarorlari bilan ajratiladigan bir martalik moddiy yordam va pul mukofotlari tarzidagi toʻlovlar;

mehnat organlari tomonidan ishsiz fuqarolarga tayinlanadigan va toʻlanadigan moddiy yordam;

rasmiy band boʻlgan yolgʻiz ota (ona)larga farzandi uch yoshga toʻlguniga qadar maktabgacha taʼlim xizmatidan foydalanish uchun toʻlanadigan moddiy yordam;

elektr energiyasi va tabiiy gaz isteʼmoli uchun bazaviy meʼyor doirasidagi hamda bazaviy meʼyordan oshgan narxlar oʻrtasidagi farq uchun toʻlangan kompensatsiyalar;

d) qonunchilikda belgilangan tartibda ajratiladigan subsidiya, ssuda, grant, kreditlar.

21. Oila aʼzosining rasmiy maʼlumotlar orqali tasdiqlash imkoni boʻlmagan mehnat faoliyati va mol-mulkidan olingan daromadlariga nisbatan quyidagicha normativ daromad hisoblanadi:

ariza beruvchi va oila aʼzosining har bir faoliyat yuritayotgan korxona ustav fondidagi ulushi uchun hisoblanadigan normativ daromad;

yakka tartibdagi tadbirkorlik faoliyati bilan shugʻullanuvchi va oʻzini oʻzi band qilgan fuqarolarga hisoblanadigan normativ daromad;

rasmiy daromad manbalariga ega boʻlmagan va oxirgi olti oy mobaynida ish izlab mehnat organlariga murojaat qilmagan hamda hisobda turmagan, oʻzini oʻzi band qilgan shaxslar roʻyxatiga kiritilmagan (roʻyxatga kiritilgan lekin ijtimoiy soliq toʻlamagan) yoki haq toʻlanadigan jamoat ishlari ishtirokchisi hisoblanmagan, chet elda ishlamaydigan yoki tadbirkorlik va boshqa faoliyatni amalga oshirmaydigan norasmiy mehnat faoliyati bilan shugʻullanayotgan oila aʼzosiga hisoblanadigan normativ daromad;

chet elda ishlaydigan yoki chet elda tadbirkorlik va boshqa faoliyat turini amalga oshiruvchi oila aʼzosiga hisoblanadigan normativ daromad;

tomorqa yer va/yoki dehqon xoʻjaligini yuritishdan olingan normativ daromad;

chorva mollari va parrandalari mavjud boʻlgan fuqarolarga hisoblanadigan normativ daromad.

Oilaning har bir aʼzosiga toʻgʻri keladigan jami oʻrtacha oylik daromadini aniqlashda tegishli oila aʼzosiga ushbu bandda koʻrsatilgan bir oylik normativ daromadlar uch oyga koʻpaytirilgan holda hisob-kitob qilinadi.

22. Ariza beruvchi va oila aʼzosining har bir faoliyat yuritayotgan korxona ustav fondidagi ulushining Markaziy bankning amalda boʻlgan qayta moliyalashtirish stavkasi asosida foiz hisobida bir oylik davr uchun hisoblanadigan qiymatiga teng, lekin mehnatga haq toʻlash eng kam miqdorining ikki baravaridan kam boʻlmagan miqdorda bir oylik normativ daromad qoʻllaniladi.

23. Oilaning oʻzini oʻzi band qilgan aʼzosiga mehnatga haq toʻlash eng kam miqdoriga nisbatan quyidagi miqdorlarda bir oylik normativ daromad hisoblanadi:

a) erkaklar uchun:

Toshkent shahrida 2,7 baravar;

Nukus shahri va viloyat markazlarida 2,4 baravar;

boshqa shaharlarda 2,1 baravar;

boshqa maʼmuriy-hududiy birliklarda 1,8 baravar;

b) ayollar uchun:

Toshkent shahrida 2,3 baravar;

Nukus shahri va viloyat markazlarida 2 baravar;

boshqa shaharlarda 1,7 baravar;

boshqa maʼmuriy-hududiy birliklarda 1,4 baravar.

Fuqarolar Soliq qoʻmitasining “YAMIH” AT tomonidan elektron soʻrov yuborilgan kunda oʻzini oʻzi band qilgan shaxslar tomonidan mehnat staji hisoblanishi uchun qonunchilik hujjatlarida belgilangan (toʻliq) miqdorda ijtimoiy soliq toʻlanganda oʻzini oʻzi band qilgan shaxs sifatida hisobga olinadi.

24. Yakka tartibdagi tadbirkorlik va yakka tartibdagi tadbirkorning yollangan xodimi faoliyatidan olingan daromadni aniqlashda oxirgi uch oy davomida toʻlangan aylanmadan olinadigan soliq summasi oʻrtacha miqdorining ikki yarim baravariga teng boʻlgan, biroq oʻzini oʻzi band qilgan shaxslarga hisoblanadigan normativ daromaddan kam boʻlmagan normativ daromad hisoblanadi.

25. Rasmiy daromad manbalariga ega boʻlmagan va oxirgi olti oy mobaynida ish izlab mehnat organlariga murojaat qilmagan hamda hisobda turmagan, yakka tartibdagi tadbirkorlik faoliyati bilan shugʻullanuvchi yoki oʻzini oʻzi band qilgan shaxslar roʻyxatiga kiritilmagan (roʻyxatga kiritilgan lekin ijtimoiy soliq toʻliq toʻlamagan) yoxud haq toʻlanadigan jamoat ishlari ishtirokchisi hisoblanmagan, chet elda ishlamaydigan yoki tadbirkorlik va boshqa faoliyatni amalga oshirmaydigan norasmiy mehnat faoliyati bilan shugʻullanayotgan mehnatga layoqatli oila aʼzosiga oʻzini oʻzi band qilgan shaxslar uchun belgilangan normativ daromadlar miqdoriga nisbatan 5 foiz koʻpaytiruvchi koeffitsiyent qoʻllanilgan holda normativ daromad hisoblanadi.

26. Chet elda ishlaydigan yoki chet elda tadbirkorlik va boshqa faoliyat turini amalga oshiruvchi oila aʼzolaridan pul oʻtkazmalari miqdori aniqlanmasa yoki oʻtkazmalar miqdori mehnatga haq toʻlash eng kam miqdorining ikki baravari miqdoridan kam boʻlsa, u holda oilaning bir oylik jami oʻrtacha daromadini aniqlashda quyidagicha normativ daromad qoʻllaniladi:

mazkur Nizomga 6-ilovadagi roʻyxatga kiritilgan mamlakatlardagi faoliyati uchun — mehnatga haq toʻlash eng kam miqdorining uch baravari miqdorida;

boshqa davlatdagi shaxslar uchun — mehnatga haq toʻlash eng kam miqdorining ikki baravari miqdorida.

Bunda Oʻzbekiston Respublikasi Ichki ishlar vazirligining tegishli axborot tizimidan olingan maʼlumotlarda ariza berilgan sanadan kamida uch oy avval Oʻzbekiston Respublikasidan chiqib ketgan va Oʻzbekiston Respublikasiga qaytmaganligi qayd etilgan fuqaro chet elda ishlaydigan yoki chet elda tadbirkorlik va boshqa faoliyatni amalga oshiruvchi shaxs sifatida qabul qilinadi.

27. Ariza beruvchiga va uning aʼzolariga tegishli yoki ularning foydalanuvidagi yakka tartibda uy-joy qurish uchun ajratilgan yer uchastkasining tomorqa maydonini hisoblash Urbanizatsiya va uy-joy bozorini barqaror rivojlantirish milliy qoʻmitasi huzuridagi Kadastr agentligining axborot tizimidan elektron axborot almashinuvi hamda oilaning ijtimoiy-iqtisodiy holati boʻyicha jamlangan maʼlumotlar asosida kuyidagi formuladan foydalangan holda amalga oshiriladi:

TEM = UM — QM — (UM × 20%), bunda:

TEM — tomorqa yer va/yoki dehqon xoʻjaligi maydoni;

UM — ajratilgan yerning umumiy maydoni (m2);

QM — qurilishlarning maydoni (m2);

(UM × 20 %) koʻrsatkichi 200 metr kvadratdan oshmagan holda hisob-kitob uchun qabul qilinadi.

Tomorqa yer va/yoki dehqon xoʻjaligini yuritishdan olingan daromad miqdori sifatida ushbu bandda belgilangan tomorqa yer va/yoki dehqon xoʻjaligini yuritishdan olinadigan daromadning normativ miqdori qabul qilinadi.

Tomorqa yer va/yoki dehqon xoʻjaligini yuritishdan olinadigan bir oylik oʻrtacha normativ daromad tomorqa yer va/yoki dehqon xoʻjaligini yuritish uchun foydalanilayotgan sotixlar maydonini jami daromad aniqlanayotgan davrda belgilangan mehnatga haq toʻlash eng kam miqdorining 0,035 baravarini jismoniy shaxslarning turar joy obyektlariga har bir mahalla uchun xalq deputatlari kengashi tomonidan tasdiqlangan yer soligʻi koeffitsiyentiga koʻpaytirish yoʻli bilan aniqlanadi. Bunda bir mahalla ikki va undan ortiq zonalarga boʻlingan boʻlsa eng kam koeffitsiyenti hisobga olinadi.

28. Chorva mollari va parrandalari mavjud boʻlgan ariza beruvchi va uning oila aʼzolarining bir oylik oʻrtacha normativ daromadini hisoblashda:

chorva mollari va parrandalarning soni shartli bosh qoramol soniga Vazirlar Mahkamasining 2019-yil 19-avgustdagi 689-son qarori bilan tasdiqlangan Yaylovlarda chorva mollarini oʻtlatishda eng koʻp yoʻl qoʻyiladigan foydalanish normalarini belgilash, yaylovlar almashinishini taʼminlash va yuritish tartibi toʻgʻrisidagi nizomga 5-ilovada keltirilgan Chorva mollarini va parrandalarni shartli boshga oʻgirish koeffitsiyentiga asosan oʻtkaziladi. Bunda echki uchun shartli bosh hisoblashda 0,07 koeffitsiyent qoʻllanadi;

har bir shartli bosh qoramol sonini daromad aniqlanayotgan davrda mehnatga haq toʻlashning eng kam miqdorining 0,5 baravariga koʻpaytirish yoʻli bilan hisoblab chiqariladi. Bunda dastlabki bir shartli bosh qoramol uchun normativ daromad qoʻllanmaydi.

29. Oilaning har bir aʼzosiga toʻgʻri keladigan bir oylik oʻrtacha jami daromad miqdori quyidagi formula asosida aniqlanadi:

BOOʻD — (MHTD+MD+OA-TA+TU+JIMH+YTTND+POʻ+PN+QP+TD+CHM+BD+NBSHND)/OAS/3 bunda:

BOOʻD — oilaning har bir aʼzosiga toʻgʻri keladigan bir oylik oʻrtacha jami daromad;

MHTD — mehnatga haq toʻlash tarzidagi daromadlar;

MD — mulkiy daromadlar;

OA — oila aʼzolari tomonidan olingan alimentlar;

TA — oila aʼzolari tomonidan toʻlangan alimentlar;

TU — tashkilot taʼsischisiga qoʻllaniladigan normativ daromad;

JIMH — qonunchilik hujjatlarida belgilangan tartibda haq toʻlanadigan jamoat ishlarida qatnashganlik uchun shaxsga toʻlangan mehnat haqi;

YTTND — yakka tartibdagi tadbirkorlik faoliyati bilan shugʻullanuvchi va oʻzini oʻzi band qilgan fuqarolar uchun hisoblanadigan normativ daromadlar;

POʻ — pul oʻtkazmalari, shu jumladan, chet elda ishlaydigan yoki chet elda tadbirkorlik va boshqa faoliyatni amalga oshiruvchi oila aʼzolaridan pul oʻtkazmalari summasi yoki ularga hisoblanadigan normativ daromadlar;

PN — pensiya va nafaqalar koʻrinishidagi daromadlar;

QP — qayta tiklanuvchi energiya manbalari qurilmalari tomonidan ishlab chiqarilgan elektr energiyasini sotganligi uchun toʻlangan subsidiya;

TD — tomorqa yer va/yoki dehqon xoʻjaligini yuritishdan hisoblanadigan normativ daromadlar;

CHM — chorva mollari va parrandalari mavjud boʻlgan fuqarolarga hisoblanadigan normativ daromad;

BD — oila aʼzolarining boshqa daromadlari;

NBSHND — norasmiy band shaxslar uchun hisoblanadigan normativ daromadlar;

OAS — oila aʼzolari soni.

Oilaning har bir aʼzosiga toʻgʻri keladigan bir oylik jami oʻrtacha daromad miqdorini hisoblashda mazkur bandda nazarda tutilgan turdagi mazkur Nizomning 18-bandida belgilangan muddatlarda olingan daromadlar inobatga olinadi.

30. Oilaning har bir aʼzosiga toʻgʻri keladigan bir oylik jami oʻrtacha daromadni hisoblab chiqishning misoli:

5 kishidan iborat oilaning aʼzosi Reyestrga kiritish boʻyicha 2025-yil sentabr oyida murojaat qilgan. Uning daromadlari may — iyul oylari uchun hisoblanadi. Oila aʼzolarining barcha daromadlari yigʻindisi (normativ daromadlarni hisobga olgan holda) 6 480 000 soʻmni tashkil etadi.

Oilaning har bir aʼzosiga toʻgʻri keladigan bir oylik jami oʻrtacha daromadi quyidagini tashkil etadi: 6 480 000 soʻm ÷ 5 (oila aʼzolari soni) ÷ 3 oy = 432 000 soʻm.

4-bob. Oilalarni Reyestrga kiritish tartibi

1-§. Oilalarni davlat taʼminotidagi oila yoki kambagʻal oila deb topish

31. Reyestrga oilalar “davlat taʼminotidagi oila”, “kambagʻal oila” va “kambagʻallik chegarasidagi oila” toifalariga ajratilgan holda kiritiladi.

32. Oilani mazkur Nizomning 33-bandida nazarda tutilgan “davlat taʼminotidagi oila” va “kambagʻal oila” deb eʼtirof etishni rad etishga asos boʻladigan holatlar aniqlanmaganda oila “davlat taʼminotidagi oila” yoki “kambagʻal oila” deb eʼtirof etiladi.

33. Quyidagi holatlardan kamida bittasi aniqlanganda oilani “davlat taʼminotidagi oila” va “kambagʻal oila” deb topish rad etiladi:

a) oilaning har bir aʼzosiga toʻgʻri keladigan bir oylik jami oʻrtacha daromadi minimal isteʼmol xarajatlari miqdoridan yuqori boʻlganda. Bunda minimal isteʼmol xarajatlari miqdorining yangi miqdori eʼlon qilinganida oilaning daromadlari “davlat taʼminotidagi oila” yoki “kambagʻal oila” toifasidagi mezonlariga muvofiqligini aniqlash minimal isteʼmol xarajatlari miqdori oʻzgargan oydan keyingi oyning birinchi sanasidan boshlab yangi miqdorlarda aniqlanadi;

b) quyidagi holatlardan kamida bittasi aniqlanganda:

Koʻchmas mulk obyektlariga boʻlgan huquqlarning davlat reyestrida oila aʼzolariga tegishli jami bittadan ortiq koʻchmas mulk va yer uchastkasi yoki bir va undan ortiq noturar joylari mavjud boʻlganda;

ariza beruvchi yoki uning oila aʼzolarining foydalanuvida boʻlgan daromad olib keluvchi bir va undan ortiq noturar joylar boʻlganda;

v) qonunchilik hujjatlarida belgilangan tartibda oila aʼzolari nomiga rasmiylashtirilgan yoki ularning foydalanuvida boʻlgan yoxud ishonchnomaga asosan quyidagilardan kamida bittasi mavjud boʻlganda:

ishlab chiqarilgan muddati 12 (oila aʼzosi bolalikdan nogironligi boʻlgan bola, I yoki II guruh nogironligi boʻlgan shaxs boʻlsa — 7 yil) yildan oshmagan, texnik holati soz boʻlgan va qidiruvda boʻlmagan yengil avtotransport vositasi;

ishlab chiqarilgan muddati 15 yildan oshmagan, texnik holati soz boʻlgan va qidiruvda boʻlmagan yuk tashuvchi avtotransport vositasi, avtobus, mikroavtobus, ekskavator, traktor, kombayn, yuk tashuvchi avtotransport vositalarining tirkamalari va yarim tirkamalari, avtokran va boshqa qurilish texnikasi;

jami ikki va undan ortiq, texnik holati soz boʻlgan yengil va yuk tashuvchi avtotransport vositalari, mikroavtobus, ekskavator, traktor, kombayn, yuk tashuvchi avtotransport vositalarining tirkamalari va yarim tirkamalari, avtokran va boshqa qurilish texnikasi;

g) oila aʼzolarining tijorat banklaridagi depozit hisobvaraqlarida ariza berilgan oyda amalda boʻlgan mehnatga haq toʻlash eng kam miqdorining besh baravari va undan ortiq miqdorda mablagʻlari mavjud boʻlganda;

d) oila aʼzolarida ariza berilgan oyda bozor qiymati mehnatga haq toʻlash eng kam miqdorining besh baravari va undan ortiq summani tashkil etuvchi qimmatli qogʻozlar mavjud boʻlganda;

e) Oʻzbekiston Respublikasi Mudofaa vazirligi, Ichki ishlar vazirligi, Favqulodda vaziyatlar vazirligi, Oʻzbekiston Respublikasi Prezidenti Davlat xavfsizlik xizmati, Milliy gvardiya, Davlat xavfsizlik xizmati, Iqtisodiyot va moliya vazirligi huzuridagi Bojxona qoʻmitasi, Mudofaa vazirligi huzuridagi Mudofaa sanoati agentligi hamda ularning tizimidagi tashkilotlarning xizmatchilari va xodimlari yoki ularning oila aʼzolari (eri (xotini) va bolalari), shuningdek, pensionerlari tomonidan arizalar taqdim etilganda. Bunda mazkur talablar ish haqi toʻgʻrisida maʼlumotlari Soliq qoʻmitasining fuqarolar ish haqining yakka tartibdagi hisobini yuritishning markazlashtirilgan elektron reyestrida mavjud boʻlgan hamda mehnat yoki fuqarolik-huquqiy shartnomalari “Yagona milliy mehnat tizimi” idoralararo dasturiy-apparat kompleksida hisobga qoʻyilgan shaxslarga nisbatan tatbiq etilmaydi;

j) oila aʼzosi Vazirlar Mahkamasining 2019-yil 9-yanvardagi 11-son qarori bilan tasdiqlangan Sudyalar va ularning oila aʼzolari pensiya taʼminoti shartlari, meʼyorlari hamda tartibi toʻgʻrisidagi nizomga asosan pensiyalar bilan taʼminlanganda;

z) oila doimiy yashash uchun Oʻzbekiston Respublikasi hududidan tashqariga koʻchib ketganda;

i) yolgʻiz yashovchi yoki yolgʻiz shaxs sodir etgan jinoyati uchun ozodlikdan mahrum etilganda;

k) yolgʻiz yashovchi yoki yolgʻiz keksa va nogironligi boʻlgan shaxs Ijtimoiy qoʻllab-quvvatlash markazlari yoki “Gʻamxoʻrlik” markazlariga joylashtirilganda;

l) savolnoma oʻtkazish mazkur Nizomning 13-bandida belgilangan asoslarga koʻra toʻxtatilganda;

m) mazkur Nizomning 5-bandi toʻrtinchi xatboshisiga rioya qilmagan holda murojaat qilinganda;

n) ariza beruvchi vafot etganda.

Mazkur bandda nazarda tutilmagan asoslar boʻyicha oilani davlat taʼminotidagi va kambagʻal oila deb topishni rad etishga yoʻl qoʻyilmaydi.

“Davlat taʼminotidagi oila” va “kambagʻal oila” deb topish rad etilgan oilani Reyestrga kiritish quyidagi hollarda avtomatik ravishda rad etiladi:

mazkur bandning “a” kichik bandiga asosan rad etilgan oilaning har bir aʼzosiga toʻgʻri keladigan bir oylik jami oʻrtacha daromadi minimal isteʼmol xarajatlarining ikki baravaridan yuqori boʻlsa;

mazkur bandning “b” — “n” kichik bandlariga asosan rad etilganda.

2-§. Ogʻir hayotiy vaziyatga tushgan oilalarni Reyestrga kiritish

34. Mazkur Nizomning 33-bandi “a” kichik bandiga asosan “davlat taʼminotidagi oila” va “kambagʻal oila” deb topish rad etilgan va daromadiga 25 foiz kamaytiruvchi koeffitsiyent qoʻllaganda har bir aʼzosiga toʻgʻri keladigan bir oylik jami oʻrtacha daromadi minimal isteʼmol xarajatlari miqdorining bir yarim baravaridan oshmaydigan quyidagi oilalarga “mahalla yettiligi” oʻttiz kun ichida ogʻir hayotiy vaziyatga tushgan oila sifatida “kambagʻallik chegarasidagi oila” toifasiga kiritish toʻgʻrisida tavsiya berishi mumkin:

I va (yoki) II guruh nogironligi boʻlgan shaxs yoxud bolalikdan nogironligi boʻlgan shaxs bor oila;

boquvchisini yoʻqotgan yoki bolasini yolgʻiz tarbiyalayotgan oila;

oʻzgalar parvarishiga muhtoj boʻlgan yolgʻiz yashovchi hamda yolgʻiz shaxs;

oila aʼzosi muddatli harbiy xizmatda yoki jazoni ijro etish muassasasida boʻlgan oila;

oila aʼzosi psixiatriya, narkologiya, sil kasalliklari dispanserida boʻlgan yoki onkologiya markazlarida roʻyxatda boʻlgan yoxud gematologiya, immunologiya, jigar, buyrak yetishmovchiligi kabi ogʻir kasallikka chalingan oila aʼzosi mavjud oila;

yongʻin, baxtsiz hodisa, tabiiy yoki texnogen favqulodda vaziyatlardan jabrlangan oila.

Oila aʼzosining mazkur bandning ikkinchi — toʻrtinchi xatboshisida nazarda tutilgan talablarga muvofiqligi hamda Oʻzbekiston Respublikasi hududidagi jazoni ijro etish muassasasida saqlanayotganligi idoralararo elektron hamkorlik orqali avtomatik tarzda aniqlanadi.

“Mahalla yettiligi”ning tavsiyasi mazkur Nizomga 7-ilovaga muvofiq shaklda ijtimoiy xodim tomonidan axborot modulida shakllantiriladi va mazkur Nizomning 13-bandi yettinchi xatboshisida belgilangan tartibda tasdiqlanadi.

“Mahalla yettiligi” “kambagʻallik chegarasidagi oila” toifasiga ogʻir hayotiy vaziyatga tushgan oila sifatida bir kalendar yil davomida tasdiqlangan tavsiyasi soni Oʻzbekiston Respublikasi Prezidentining “Ijtimoiy himoyaga muhtoj aholi qatlamlariga davlat ijtimoiy qoʻllab-quvvatlash choralarini taqdim etish tizimini tubdan takomillashtirish chora-tadbirlari toʻgʻrisida” 2025-yil 26-dekabrdagi PF-258-son Farmonga 1-ilovada belgilangan miqdorlardan koʻp boʻlmasligi lozim.

35. “Mahalla yettiligi” tomonidan tavsiya berilgan oila Reyestrning “kambagʻallik chegarasidagi oila” toifasiga kiritiladi. Bunda dastlabki baholash natijasi boʻyicha oilani “davlat taʼminotidagi oila” va “kambagʻal oila” deb topish rad etilgan boʻlsa:

a) oilaning ijtimoiy-iqtisodiy holati mazkur Nizomning 11 — 17-bandlarida belgilangan tartibda baholashdan oʻtkaziladi;

b) baholash natijasi boʻyicha oilaning har bir aʼzosiga toʻgʻri keladigan bir oylik jami oʻrtacha daromadi 25 foiz kamaytiruvchi koeffitsiyent qoʻllagan holda hisoblangandan keyin:

minimal isteʼmol xarajatlari miqdorining bir yarim baravaridan oshmasa, oila “kambagʻallik chegarasidagi oila” toifasiga kiritiladi;

minimal isteʼmol xarajatlari miqdorining bir yarim baravaridan oshsa, oilaga berilgan tavsiya avtomatik ravishda bekor boʻladi.

Tavsiya berilgan sanada mazkur Nizomning 18-bandiga muvofiq baholash uchun inobatga olinadigan muddat oʻtkazib yuborilgan boʻlsa, oilaning ijtimoiy-iqtisodiy holati avtomatik tarzda baholashdan oʻtkaziladi.

Oila yashaydigan mahallada belgilangan miqdordagi oilalar ogʻir hayotiy vaziyatga tushgan oila sifatida “kambagʻallik chegarasidagi oila” toifasiga kiritilgan boʻlsa, oila ogʻir hayotiy vaziyatga tushgan oila toifasiga mos kelmasa, oʻttiz kun ichida oilaga tavsiya berilmasa yoki berilgan tavsiya bekor boʻlgan boʻlsa oilalarni Reyestrga kiritish avtomatik tarzda rad etiladi.

Oila tavsiya asosida “kambagʻallik chegarasidagi oila” toifasiga kiritilgandan soʻng xulosa oʻz kuchini yoʻqotadi.

36. Oila Reyestrga kiritilganda oila aʼzosining qonunchilikda belgilangan tartibda qilgan murojaatiga asosan mazkur Nizomga 8-ilovaga muvofiq shakldagi maʼlumotnoma taqdim etiladi.

“Ijtimoiy reyestr”ga kiritilgan oilalarga individual reja ishlab chiqish va uning ijrosini taʼminlash tartibi toʻgʻrisidagi nizomda belgilangan tartibda oilalarni ijtimoiy-iqtisodiy holatini yaxshilash boʻyicha individual reja ishlab chiqiladi.

37. Oilaning Reyestrga kiritilganligi yoki Reyestrga kiritish rad etilganligi haqida ariza beruvchining mobil telefon raqamiga SMS-xabar yuboriladi.

5-bob. Oilalarni toifalarga ajratish tartibi

38. Reyestrga kiritilgan oilaning toifasi uning portretida qayd etilgan maʼlumotlarga muvofiq axborot modulida avtomatik tarzda belgilanadi.

39. Oilalar Reyestrda quyidagi toifalarga ajratiladi:

a) “davlat taʼminotidagi oila” toifasiga — oila aʼzolari mehnatga layoqatsiz yoki mehnat qilish imkoniyati cheklangan va ularning har biriga toʻgʻri keladigan jami oʻrtacha oylik daromadi minimal isteʼmol xarajatlaridan kam boʻlgan Oʻzbekiston Respublikasi Prezidentining “Ijtimoiy himoyaga muhtoj aholi qatlamlariga davlat ijtimoiy qoʻllab-quvvatlash choralarini taqdim etish tizimini tubdan takomillashtirish chora-tadbirlari toʻgʻrisida” 2025-yil 26-dekabrdagi PF-258-son Farmoniga 1-ilovada belgilangan toifadagi oilalar;

b) “kambagʻal oila” toifasiga — oila aʼzolari mehnatga layoqatli yoki mehnat qilish imkoniyatiga ega boʻlgan va ularning har biriga toʻgʻri keladigan jami oʻrtacha oylik daromadi minimal isteʼmol xarajatlaridan kam boʻlgan oilalar;

v) “kambagʻallik chegarasidagi oila” toifasiga — oila aʼzolarining har biriga toʻgʻri keladigan jami oʻrtacha oylik daromadi minimal isteʼmol xarajatlarining bir baravaridan bir yarim baravarigacha boʻlgan quyidagi oilalar:

“davlat taʼminotidagi oila” yoki “kambagʻal oila” oila toifalaridan chiqarilgan oilalar;

mazkur Nizomning 34-bandiga muvofiq “mahalla yettiligi”ning tavsiyasi asosida Reyestrga kiritilgan ogʻir hayotiy vaziyatga tushgan oilalar.

6-bob. Reyestrga kiritilgan oilalarni qayta baholashdan oʻtkazish, toifasini oʻzgartirish va Reyestrdan chiqarish tartibi

40. Reyestrga kiritilgan oilalarning ijtimoiy-iqtisodiy holatini qayta baholashdan oʻtkazish ular Reyestrda turgan davrida vazirlik va idoralarning axborot tizimlariga elektron soʻrov yuborish orqali olingan va xulosada shakllangan maʼlumotlarga asosan har oyda amalga oshiriladi.

Oilalar ular Reyestrga kiritilgan kundan boshlab quyidagi muddatlarda oila aʼzolari ishtirokida savolnoma qayta toʻldiriladi:

“davlat taʼminotidagi oila” — har oʻn ikki oyda;

“kambagʻal oila” — har olti oyda.

Bunda qayta baholash savolnomaga muvofiq shakllangan “mahalla yettiligi”ning xulosasi hamda vazirlik va idoralarning axborot tizimlariga elektron soʻrov yuborish orqali olingan maʼlumotlarga asosan amalga oshiriladi.

41. Qayta baholash natijalari boʻyicha oilaning toifasini oʻzgartirish uchun asoslar aniqlanganda oilaning toifasi avtomatik tarzda oʻzgartiriladi hamda bu haqida ariza beruvchining mobil telefon raqamiga SMS-xabar yuboriladi.

42. Oilalar quyidagi hollarda Reyestrdan chiqariladi:

qayta baholash natijasiga koʻra oilaning har bir aʼzosiga toʻgʻri keladigan bir oylik jami oʻrtacha daromadi minimal isteʼmol xarajatlari miqdorining bir yarim baravaridan oshganligi aniqlanganda. Bunda ogʻir hayotiy vaziyatga tushgan oila sifatida “kambagʻallik chegarasidagi oila” toifasiga kiritilgan oilalarning bir oylik jami oʻrtacha daromadini hisoblashda 25 foiz kamaytiruvchi koeffitsiyent inobatga olinadi;

qayta baholash natijasiga koʻra mazkur Nizomning 33-bandi “b” — “n” kichik bandlarida belgilangan asoslar aniqlanganda;

“kambagʻallik chegarasidagi oila” mazkur toifaga kiritilganligiga (oʻtkazilganligiga) oʻn ikki oy toʻlgan boʻlsa;

oilaning barcha aʼzolari, shu jumladan, yolgʻiz yashovchi yoki yolgʻiz shaxs vafot etgan taqdirda;

oilaning muomalaga layoqatli aʼzosi mazkur Nizomning 9-ilovadagi shaklga muvofiq Reyestrdan chiqarishni soʻrab murojaat qilganda;

axborot modulida texnik nosozlik natijasida, maʼlumotlar elektron ravishda toʻliq yoki qisman taqdim etilmaganligi sababli, shuningdek, savolnoma toʻldirishda texnik xatolar oqibatida oila Reyestrga notoʻgʻri kiritilganligi aniqlanganda;

Reyestrga kiritish toʻgʻrisidagi qarorga taʼsir koʻrsatgan ariza beruvchi, “mahalla yettiligi” yoki boshqa davlat organi tomonidan notoʻgʻri va ishonchsiz maʼlumotlar taqdim etilganligi yoki toʻliq taqdim etilmaganligi aniqlanganda.

Oilani Reyestrdan chiqarish toʻgʻrisidagi ariza oilaning muomalaga layoqatli aʼzosi tomonidan davlat xizmatlari markaziga borgan holda yoki YIDXP yoxud “Ijtimoiy karta” mobil ilovasi orqali mustaqil ravishda taqdim etiladi.

Oilalarni mazkur bandda nazarda tutilmagan asoslarga koʻra Reyestrdan chiqarishga yoʻl qoʻyilmaydi.

43. Reyestrga kiritilgan oilalar qonunchilikda nazarda tutilgan davlat ijtimoiy qoʻllab-quvvatlash choralaridan foydalanadi.

“Kambagʻallik chegarasidagi oila” toifasiga kiritilgan oilalar avval belgilangan toifasiga muvofiq, ogʻir hayotiy vaziyatga tushgan oilalar kambagʻal oilalar uchun nazarda tutilgan davlat ijtimoiy qoʻllab-quvvatlash choralaridan foydalanadi. Bunda ogʻir hayotiy vaziyatga tushgan oilalar davlat ijtimoiy qoʻllab-quvvatlash choralaridan ular “kambagʻallik chegarasidagi oila” toifasiga kiritilgan (oʻtkazilgan) paytdan boshlab oʻn ikki oy davomida foydalanadi.

44. Oilaning toifasi oʻzgarganligi yoki Reyestrdan chiqarilganligi haqida ariza beruvchining mobil telefon raqamiga SMS-xabar yuboriladi.

7-bob. Yakunlovchi qoidalar

45. Manfaatdor vazirliklar va idoralarning axborot tizimlaridan ariza beruvchi toʻgʻrisida elektron shaklda avtomatlashtirilgan tarzda olingan maʼlumotlar “Shaxsga doir maʼlumotlar toʻgʻrisida”gi Oʻzbekiston Respublikasi Qonuniga muvofiq himoyalanadi.

“YAMIH” ATda ishlashga ruxsat berilgan davlat organlari, tashkilot va idoralar oʻz faoliyatini amalga oshirish natijasida olingan shaxsga doir maʼlumotlarning sir saqlanishini taʼminlaydi.

46. Quyidagilar uchun:

oila tarkibi, ijtimoiy holati, yashash joyining oʻzgarishi va oilaning chorva mollari va parrandalari hamda arizachi va uning oila aʼzolari nomiga rasmiylashtirilmagan biroq foydalanuvida boʻlgan avtotransport vositalari, noturar binolari, koʻchmas mulklari, bogʻ va dehqon xoʻjalik yerlari mavjudligi toʻgʻrisidagi axborotning ishonchliligi va oʻzgarishlar toʻgʻrisidagi maʼlumotlarni vakolatli organini oʻz vaqtida xabardor qilish boʻyicha — ariza beruvchiga;

ariza beruvchining har qanday maʼlumotlarini Reyestrga mazkur Nizom talablariga muvofiq hamda oʻz vaqtida kiritish boʻyicha — ijtimoiy xodimga;

savolnomani oʻtkazish, xulosani tasdiqlash, ogʻir hayotiy vaziyatga tushgan oilaga tavsiya berish boʻyicha — “mahalla yettiligi”ga;

Reyestr va “YAMIH” ATni qonunchilik va texnik hujjatlari talablariga muvofiq toʻgʻri ishlashini taʼminlash, axborot modulini takomillashtirib borish, axborot moduli foydalanuvchilariga login va parol ochish (yopish), vazirlik va idoralarning axborot tizimlari bilan maʼlumot almashishini taʼminlash va yoʻlga qoʻyish boʻyicha — Ijtimoiy himoya milliy agentligi (keyingi oʻrinlarda — Agentlik) huzuridagi “Axborot texnologiyalar markazi” davlat muassasasi masʼullariga;

ariza beruvchi va uning oilasining ijtimoiy-iqtisodiy holatini oʻrganish uchun “YAMIH” AT orqali yuborilgan elektron soʻrovlarga oʻz vaqtida va toʻgʻri (ishonchli) maʼlumotlarni elektron ravishda onlayn rejimida taqdim etilishi boʻyicha — manfaatdor vazirlik va idoralar rahbarlariga shaxsiy javobgarlik yuklanadi.

47. Mazkur Nizom qoidalari asosida ariza beruvchi va uning oilasini Reyestrga kiritish bilan bogʻliq barcha davlat xizmatlari bepul amalga oshiriladi.

48. Manfaatdor vazirlik va idoralarning axborot tizimlari oʻrtasidagi maʼlumotlar almashinuvi jarayonida texnik nosozliklar va uzilishlar yuzaga kelgan yoki elektron maʼlumotlarni toʻliq olinmagan hollarda, Agentlikka alohida axborot tizimlaridagi maʼlumot almashinuvini tegishli tizimlar toʻlaqonli qayta ishga tushgunga qadar vaqtinchalik toʻxtatish hamda oilaning toifasini avtomatik tarzda aniqlash algoritmiga oʻzgartirish kiritish huquqiga ega.

49. Mazkur Nizomda belgilangan talablarga rioya etilishi Oʻzbekiston Respublikasi Bosh prokuraturasi, Agentlikning ichki audit xizmati hamda Ijtimoiy inspeksiya tomonidan nazorat qilib boriladi.

50. Oilani “davlat taʼminotidagi oila”, “kambagʻal oila” va “kambagʻallik chegarasidagi oila” deb eʼtirof etish, Reyestrga kiritish, toifasini belgilash, qayta baholashdan oʻtkazish va Reyestrdan chiqarish boʻyicha nizolar tuman (shahar) hokimliklari huzurida tashkil etiladigan apellyatsiya kengashlari va boshqa qonunchilik hujjatlarida belgilangan tartibda hal etiladi.

51. Ariza beruvchi Reyestrni yuritish boʻyicha davlat xizmatlarini koʻrsatuvchi davlat organlari va boshqa tashkilotlar xodimlarining noqonuniy xatti-harakatlari yuzasidan qonunchilik hujjatlarida belgilangan tartibda shikoyat qilishi mumkin.

52. Mazkur Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javob beradilar.

Ijtimoiy reyestrni yuritish tartibi toʻgʻrisidagi nizomga 1-ILOVA

Oilalarni Ijtimoiy reyestrga kiritish

SXEMASI

Ijtimoiy reyestrni yuritish tartibi toʻgʻrisidagi nizomga 2-ILOVA

Izoh.

1. Oila aʼzolarining maqomi idoralararo axborot almashinuvi orqali olingan hollarda, elektron maʼlumotlar inobatga olinadi.

2. Ariza beruvchi arizada koʻrsatilgan maʼlumotlar va arizaga ilova qilingan hujjatlarning haqqoniyligi uchun javobgar hisoblanadi.

3. Oilaning ogʻir hayotiy vaziyatga tushganligini tasdiqlovchi hujjatlar arizaga ilova qilinmagan hollarda ariza beruvchi yashaydigan mahallaga biriktirilgan ijtimoiy xodim ushbu hujjatlarni mustaqil ravishda olishi mumkin.

4. Soʻrovnomada rozilik beriladigan ofertalar:

Vakolatli organni oila aʼzolarimning tarkibi (bola tugʻilganligi, vafot etganligi yoki boshqa holatlar), yashash joyim oʻzgarganligi yoki boshqa oʻzgarishlar sodir boʻlganida oʻz vaqtida xabardor qilish majburiyatini olaman.

Taqdim etilgan hujjatlarning ishonchliligini kafolatlayman va javobgarlikni oʻz zimmamga olaman.

Mening va oila aʼzolarimning ish haqlarini va boshqa barcha daromadlarini hamda mulkiy va moddiy holatimizning tekshirilishiga rozilik beraman.

Uy xoʻjaligimizda mavjud chorva mollari, parrandalari soni, oila aʼzolarim nomiga rasmiylashtirilmagan biroq oilamning foydalanuvida boʻlgan avtotransport vositalari, noturar binolari, qoʻshimcha turar koʻchmas mulklari hamda bogʻ va dehqon xoʻjaligi yerlari va boshqa taqdim qilgan hujjatlarim toʻgʻrisida maʼlumotlarning ishonchliligi uchun javobgarlikni tushunaman va toʻliq qabul qilaman hamda yuqorida qayd etilgan maʼlumotlarning notoʻgʻriligi aniqlangan taqdirda, qonunchilik hujjatlariga muvofiq javob berishim haqida xabardorman.

Ushbu maʼlumotlarni haqqoniyligi yuzasidan “mahalla yettiligi” aʼzolarini xonadonimga kelib oʻrganish oʻtkazishiga rozilik bildiraman.

* Qarindoshlik darajasi kodlanishi:

01 — er;

02 — xotin;

03 — farzand;

04 — ota/ona;

05 — opa/singil, aka/uka;

** maqom turlari kodlanishi:

06 — chet eldagi oliy taʼlim muassasasi talabasi (oʻqishning faqat kunduzgi shakli boʻlganida belgilanadi);

07 — muddatli harbiy xizmatni oʻtashi sababli oilada boʻlmagan shaxs;

08 — harbiy taʼlim muassasasida taʼlim olishi sababli oilada boʻlmagan shaxs;

09 — Oʻzbekiston Respublikasi Mudofaa vazirligi, Ichki ishlar vazirligi, Favqulodda vaziyatlar vazirligi, Davlat xavfsizlik xizmati, Oʻzbekiston Respublikasi Prezidenti Davlat xavfsizlik xizmati, Milliy gvardiya, Iqtisodiyot va moliya vazirligi huzuridagi Bojxona qoʻmitasi, Mudofaa vazirligi huzuridagi Mudofaa sanoati agentligi hamda ularning tizimidagi tashkilotlar xizmatchilari va xodimlari hamda pensionerlari;

10 — chet elda jazoni ijro etish muassasalarida boʻlganligi munosabati bilan oilada boʻlmagan shaxs.

Ijtimoiy reyestrni yuritish tartibi toʻgʻrisidagi nizomga 2a-ILOVA

Izoh. Oila aʼzosiga — ota-ona, turmush oʻrtogʻi va ariza beruvchi bilan birga yashovchi oʻz oilasiga ega boʻlmagan 18 yosh va undan katta yoshli farzandlari koʻrsatiladi.

Ijtimoiy reyestrni yuritish tartibi toʻgʻrisidagi nizomga 3-ILOVA

NAMUNAIjtimoiy reyestrga kiritiladigan oilalarni aniqlash boʻyichaSAVOLNOMAT/rSavollarJavoblarAriza beruvchilarning maʼlumotlari1.Jismoniy shaxsning shaxsiy identifikatsiya raqami (JSHSHIR)Avtomatik tarzda shakllanadi2.Familiyasi:3.Ismi:4.Otasining ismi:5.Tugʻilgan sanasi:6.Pasport (identifikatsiya ID) seriyasi va raqami:7.Mahalla fuqarolar yigʻini nomi:8.Telefon raqamiAriza beruvchining oila aʼzolari maʼlumotlari9.Oila tarkibi toʻgʻrimi?□ Ha□ Yoʻq9-savolga “Yoʻq” degan javob belgilangan boʻlsa quyidagilarning biri belgilanadi□ FHDY organida nikohi qayd etilmagan er (xotin);□ FHDY organida nikohi bekor qilinmagan, aliment toʻlayotgan (toʻlanayotgan) er (xotin)10.1Ariza beruvchi bilan birga yashamayotgan oila aʼzolari bormi?□ Ha□ Yoʻq10-savolga “Ha” degan javob tanlanganda quyidagilardan biri belgilanadi□ Harbiy xizmatda□ Chet elda jazoni ijro etish muassasasida□ Chet elda taʼlim olmoqda□ Harbiy taʼlim muassasasi tinglovchisi (kursant)□ Narkologiya dispanserida□ “Gʻamxoʻrlik” markazida□ Muqobil joylashtirish shakllari qoʻllanilgan□ Qidiruv eʼlon qilingan□ Bedarak yoʻqolgan (sud qarori)□ Vafot etganAriza beruvchi va uning oila aʼzolarining bandligi boʻyicha maʼlumotlar11.Ariza beruvchi va oila aʼzolaridan biri Mudofaa, Ichki ishlar, Favqulodda vaziyatlar vazirligi, Prezident davlat xavfsizlik xizmati, Milliy gvardiya, Davlat xavfsizlik xizmati, Bojxona, Mudofaa sanoati agentligi hamda ularning tizimidagi tashkilotlarning xizmatchilari va xodimlari yoki pensionerlari yoki Sud tizimi pensioneri hisoblanadimi?□ Ha□ Yoʻq11-savolga “Xa” deb javob berilgan boʻlsa fuqaroning maʼlumotlari koʻrsatiladi.Oila aʼzolari orasidan tanlanadi12.Ariza beruvchi va uning mehnatga layoqatli oila aʼzolarining bandlik holati□ Rasmiy band□ Ishsiz□ Norasmiy band12 savolga “norasmiy band” javobi belgilangan boʻlsa, tegishli norasmiy band boʻlgan faoliyat turi tanlanadi□ Elektron roʻyxatdan faoliyat turi tanlanadi12 savolga “ishsiz” javobi belgilangan boʻlsa, qachondan beri ishsiz□ Yil□ Oy12 savolga “ishsiz” javobi belgilangan boʻlsa, sababi koʻrsatiladi□ Ogʻir kasalligi tufayli□ Nogiron yoki ogʻir kasalligi boʻlgan shaxsga qarab turadi□ Boshqa ________________________(sababi koʻrsatiladi)Oila foydalanuvidagi transport vositasi13.Oila foydalanuvida, oilaning aʼzolari (er, xotin va farzandlar) nomiga rasmiylashtirilmagan transport vositasi bormi?□ Ha□ Yoʻq13.1.Agar 13 savolga “Ha” javobi belgilangan boʻlsa, transport vositasining turi koʻrsatiladi.□ Yengil avtotransport vositasi□ Yuk avtotransport vositasi13.2.Agar 13 savolga “Yengil avtotransport vositasi” javobi belgilangan boʻlsa, yengil avtotransport vositalari soni koʻrsatiladi.avtotransport vositalari soni ____13.3.Agar 13 savolga “Yengil avtotransport vositasi” javobi belgilangan boʻlsa, yengil avtotransport vositasi davlat raqami belgisi koʻrsatiladi.1-avtotransport vositasining raqami ______________2-avtotransport vositasining raqami ______________…13.4.Agar 13 savolga “Yuk avtotransport vositasi” javobi belgilangan boʻlsa, yuk avtotransport vositalari soni koʻrsatiladi.Yuk avtotransport vositasi soni ___13.5.Agar 13 savolga “Yuk avtotransport vositasi” javobi belgilangan boʻlsa, yuk avtotransport vositasi davlat raqami belgisi koʻrsatiladi.1-yuk avtotransport vositasining raqami ______________2-yuk avtotransport vositasining raqami ______________Yerga egalikning mavjudligi14.Oila foydalanuvida oilaning aʼzolari (er, xotin va farzandlar) nomiga rasmiylashtirilmagan sugʻoriladigan bogʻ va dehqon xoʻjaligi yerlari bormi?□ Ha□ Yoʻq14.1.Agar 14 savolga “Ha” javobi belgilangan boʻlsa, sugʻoriladigan bogʻ yoki dehqon xoʻjaligi yer maydoni (sotixda) koʻrsatiladi.____ sotix15.Oilada chorva mollari va parrandalar mavjudmi?□ Ha□ Yoʻq15.1.Agar 15 savolga “Ha” javobi belgilangan boʻlsa, quyidagi chorva mollari va parrandalar soni koʻrsatiladi.□ Buqa va sigirlar soni ___ dona□ Yosh qoramollar soni ___ dona□ Ot va tuyalar soni ___ dona□ Katta yoshdagi choʻchqalar soni ___ dona□ Qoʻylar soni ___ dona□ Echkilar soni ___ dona□ Katta yoshdagi parrandalar soni ___ dona□ Yosh parrandalar soni ___ donaAriza beruvchi va uning oila aʼzolarining boshqa daromadlari16.Daromad olib keluvchi noturar joylari soni koʻrsatiladi____ dona“____________________________” mahallasi“Mahalla yettiligi” aʼzolari:Mahalla fuqarolar yigʻini raisi:_____________________QR-kod(F.I.O.)Ijtimoiy xodim:_____________________QR-kod(F.I.O.)Hokim yordamchisi:_____________________QR-kod(F.I.O.)Xotin-qizlar faoli:_____________________QR-kod(F.I.O.)Yoshlar yetakchisi:_____________________QR-kod(F.I.O.)Tasdiqlangan sana: ___ _______ 20___ yil

Ijtimoiy reyestrni yuritish tartibi toʻgʻrisidagi nizomga 4-ILOVA

Ijtimoiy reyestrni yuritish tartibi toʻgʻrisidagi nizomga 5-ILOVA

Izoh. Tasdiqlangan maʼlumotlarni toʻgʻriligi va haqqoniyligi uchun javobgarlik xulosani tasdiqlagan shaxslarga yuklatiladi.

Ijtimoiy reyestrni yuritish tartibi toʻgʻrisidagi nizomga 6-ILOVA

Rivojlangan mamlakatlar

ROʻYXATI*

* Mazkur roʻyxatga Ijtimoiy himoya milliy agentligi tomonidan Iqtisodiyot va moliya vazirligi hamda Vazirlar Mahkamasi huzuridagi Migratsiya agentligi bilan kelishgan holda oʻzgartirish va qoʻshimchalar kiritilishi mumkin.

Ijtimoiy reyestrni yuritish tartibi toʻgʻrisidagi nizomga 7-ILOVA

Ijtimoiy reyestrni yuritish tartibi toʻgʻrisidagi nizomga 8-ILOVA

Ijtimoiy reyestrni yuritish tartibi toʻgʻrisidagi nizomga 9-ILOVA

Ijtimoiy reyestrdan chiqarish boʻyicha

ARIZA

Vazirlar Mahkamasining 2026-yil 29-yanvardagi 35-son qaroriga 2-ILOVA

Ijtimoiy reyestrga kiritilgan oilalarga individual reja ishlab chiqish va uning ijrosini taʼminlash tartibi toʻgʻrisida

NIZOM

1-bob. Umumiy qoidalar

1. Mazkur Nizom Ijtimoiy reyestrga (keyingi oʻrinlarda — Reyestr) kiritilgan oilalarning ijtimoiy-iqtisodiy holatini yaxshilash va farovonligini taʼminlash boʻyicha individual rejalarni ishlab chiqish va uning ijrosini taʼminlash tartibini belgilaydi.

2. Ushbu Nizomda quyidagi asosiy tushunchalardan foydalaniladi:

vakolatli organ — “Inson” ijtimoiy xizmatlar markazlari;

individual reja — ijtimoiy xodim va hokim yordamchisi tomonidan Reyestrga kiritilgan oilalarni farovonligini taʼminlash maqsadida ularga taqdim etiladigan davlat qoʻllab-quvvatlash choralarini (keyingi oʻrinlarda — xizmatlar) qamrab oluvchi reja;

“Individual reja” axborot moduli (keyingi oʻrinlarda — axborot moduli) — individual rejani ishlab chiqish, tasdiqlash va uning ijrosini taʼminlashga doir tartib-taomillar amalga oshiriladigan va maʼlumotlar saqlanadigan “Yagona milliy ijtimoiy himoya” axborot tizimining (keyingi oʻrinlarda — “YAMIH” AT) tarkibiy qismi;

“Onlayn mahalla” elektron platformasi — hokim yordamchilari faoliyatini samarali tashkil etish uchun davlat organlari va tashkilotlarining maʼlumotlar bazalari bilan integratsiya qilingan “Onlayn mahalla” elektron integratsiyalashgan axborot tizimi.

3. Individual rejani ishlab chiqish mazkur Nizomga 1-ilovaga muvofiq sxema asosida oila “Ijtimoiy reyestr”ga kiritilgan kundan boshlab oʻn ish kuni ichida amalga oshiriladi.

4. Individual rejani ishlab chiqish va tasdiqlash uchun yigʻim undirilmaydi.

2-bob. Individual rejani ishlab chiqish hamda uning ijrosini oʻrganish tartibi

5. Oila Reyestrga kiritilgandan soʻng uch ish kuni ichida oila yashaydigan mahallaga biriktirilgan hokim yordamchisi tomonidan “Onlayn mahalla” elektron platformasi orqali, ijtimoiy xodim tomonidan axborot moduli orqali mazkur Nizomga 2-ilovaga muvofiq shaklda individual reja ishlab chiqiladi.

6. Individual rejani ishlab chiqish uchun ijtimoiy xodimning axborot modulidagi shaxsiy kabinetiga va hokim yordamchisining “Onlayn mahalla” elektron platformasidagi shaxsiy kabinetiga oila toʻgʻrisidagi maʼlumotlar yuboriladi.

7. Individual reja oilaning imkoniyatlari, koʻnikmalari, qiziqishlari, fikri, yashash sharoiti hamda Reyestrga kiritish toʻgʻrisidagi arizasida koʻrsatilgan xizmatlarga boʻlgan ehtiyojlari inobatga olingan holda ishlab chiqiladi.

8. Individual rejaga:

hokim yordamchisi tomonidan — daromadli mehnat faoliyati bilan band qilish va tadbirkorlikka jalb qilish, mahallalar infratuzilmasini rivojlantirish hamda kasb-hunar oʻrganish yoʻnalishidagi;

ijtimoiy xodim tomonidan — taʼlim olish, kafolatlangan davlat tibbiy xizmati va ijtimoiy xizmatdan foydalanish hamda yashash sharoitlarini yaxshilash yoʻnalishlaridagi xizmatlar kiritiladi.

9. Individual rejada oilaga taqdim etiladigan qonunchilik hujjatlarida belgilangan xizmatlar, ularni taqdim etish tartibi, muddati va ularga masʼul davlat organi koʻrsatiladi.

10. Individual rejada xizmatlar shakllantirilgandan soʻng u oilaning muomalaga layoqatli aʼzosiga tanishtiriladi.

Oilani Reyestrga kiritish toʻgʻrisidagi arizada yoki individual rejada nazarda tutilmagan, biroq qonunchilik hujjatlarida belgilangan davlat tomonidan koʻrsatiladigan xizmatlar oila aʼzosining soʻroviga muvofiq rejaga kiritilishi mumkin.

Oila aʼzosi tomonidan soʻralgan, biroq individual rejaga kiritish rad etilgan xizmatlar toʻgʻrisidagi maʼlumot axborot modulida izoh sifatida qayd etiladi.

11. Individual rejaga xizmatlar kiritilgan kunda uni tasdiqlash uchun “mahalla yettiligi”ga hokim yordamchisi va ijtimoiy xodim tomonidan yuboriladi. Bunda hokim yordamchisi yoki ijtimoiy xodim mazkur Nizomning 5-bandida belgilangan muddat ichida individual rejaga koʻrsatiladigan xizmatlarni belgilamagan taqdirda ham, hokim yordamchisi yoxud ijtimoiy xodim tomonidan ishlab chiqilgan individual reja avtomatik tarzda “mahalla yettiligi”ga yuboriladi.

12. “Mahalla yettiligi” tomonidan individual reja ikki ish kunida koʻrib chiqilib, oddiy koʻpchilikning ovoziga asosan quyidagi qarorlardan biri qabul qilinadi:

individual rejani tasdiqlash toʻgʻrisida;

individual rejani hokim yordamchisi va/yoki ijtimoiy xodimga qayta koʻrib chiqish uchun qaytarish toʻgʻrisida.

Bunda individual rejani tasdiqlashda hokim yordamchisi va ijtimoiy xodim majburiy tarzda ishtirok etadi, bundan xodim mehnat taʼtilida, vaqtinchalik mehnatga layoqatsiz, lavozimi vakant va qonunchilikda belgilangan boshqa holatlar mustasno.

13. Individual rejaga oilaning farovonligini taʼminlashga qaratilgan davlat qoʻllab-quvvatlash choralari toʻliq kiritilmagan taqdirda “mahalla yettiligi” tomonidan hokim yordamchisi yoki ijtimoiy xodimga qayta koʻrib chiqish uchun qaytariladi. Bunda:

individual rejani hokim yordamchisi yoki ijtimoiy xodimga ikki marotabadan koʻp qaytarishga yoʻl qoʻyilmaydi;

hokim yordamchisi yoki ijtimoiy xodim ikki ish kuni ichida individual rejani Reyestrga kiritilgan oilaning muomalaga layoqatli aʼzolari bilan koʻrib chiqib, qayta shakllantiradi va tasdiqlash uchun “mahalla yettiligi”ga yuboradi.

14. Qayta koʻrib chiqilgan individual reja mazkur Nizomning 12-bandida belgilangan tartibda tasdiqlanadi.

15. Oila aʼzosi individual rejaga yangi xizmat kiritish toʻgʻrisida yoki kiritilgan xizmatdan foydalanishni rad etish toʻgʻrisida individual rejani yuritishning har qanday bosqichida mazkur Nizomga 3-ilovaga muvofiq shakldagi ariza orqali ijtimoiy xodim yoki vakolatli organga murojaat qilishi mumkin. Bunda murojaat qilish davlat xizmatlari markazi yoki vakolatli organga borgan holda yoxud “YAMIH” AT yoki Yagona interaktiv davlat xizmatlari portali orqali mustaqil ravishda amalga oshiriladi.

16. Murojaat kelib tushganidan soʻng tegishli xizmatni koʻrsatish toʻxtatiladi yoki individual rejaga mazkur Nizomga muvofiq umumiy tartibda oʻzgartirish kiritiladi va bu haqida ariza beruvchining mobil aloqa vositasiga SMS-xabar yuboriladi.

17. “YAMIH” AT individual rejada belgilangan xizmatlarni ularning ijrosini taʼminlash uchun vazirlik va idoralarning tegishli axborot tizimiga avtomatik tarzda yuboradi. Bunda raqamlashtirilmagan xizmatlar tegishli vazirlik va idora tomonidan “YAMIH” ATda ularga ochilgan shaxsiy kabinet orqali taqdim etiladi.

18. Vazirlik va idoralar individual rejada belgilangan xizmatlar ijrosini qonunchilik hujjatlarida belgilangan tartibda taʼminlaydi va bu haqida “YAMIH” ATga maʼlumot yuboradi.

19. Individual rejalarning ijrosi hokim yordamchisi va ijtimoiy xodim tomonidan har uch oyda kamida bir marta quyidagilar oʻrganib boriladi:

individual rejada koʻrsatilgan ijtimoiy xizmat va yordamlarni belgilangan muddatlarda koʻrsatilayotganligi;

oila yoxud uning aʼzosiga qoʻshimcha xizmat belgilash yoki ilgari belgilangan xizmatni oʻzgartirish zarurati mavjudligi.

20. Oila aʼzolari tarkibida, ijtimoiy-iqtisodiy holatida va boshqa oʻzgarishlar aniqlangan taqdirda individual rejalarga mazkur Nizomda belgilangan umumiy tartibda oʻzgartirish yoki qoʻshimchalar kiritiladi.

21. Quyidagi hollarda individual rejada belgilangan xizmatlarni koʻrsatish axborot modulida avtomatik ravishda toʻxtatiladi:

oila xizmatlardan foydalanishni rad etganda;

oila Reyestrdan chiqarilganda.

3-bob. Yakunlovchi qoidalar

22. Manfaatdor vazirliklar va idoralarning axborot tizimlaridan ariza beruvchi toʻgʻrisida elektron shaklda avtomatlashtirilgan tarzda olingan maʼlumotlar Oʻzbekiston Respublikasining “Shaxsga doir maʼlumotlar toʻgʻrisida”gi Qonuniga muvofiq himoyalanadi.

“YAMIH” ATda ishlashga ruxsat berilgan tashkilot va idoralar oʻz faoliyatini amalga oshirish natijasida olingan shaxsga doir maʼlumotlarning sir saqlanishini taʼminlaydi.

23. Mazkur Nizomda belgilangan talablarning buzilishida aybdor boʻlgan shaxslar qonunchilik hujjatlarida belgilangan tartibda javob beradilar.

24. Vazirlik va idoralar hisobot oyidan keyingi oyning beshinchi sanasiga qadar oilaning individual rejasida koʻrsatilgan xizmatlar ijrosi haqidagi maʼlumotlarni “Raqamli hukumat” tizimining Idoralararo integratsiyalashuv platformasi orqali “YAMIH” ATga yuboradi. Bunda raqamlashtirilmagan xizmatlar toʻgʻrisidagi maʼlumotlar Ijtimoiy himoya milliy agentligiga (keyingi oʻrinlarda — Agentlik) yozma shaklda taqdim etib boriladi.

25. “Mahalla yettiligi” aʼzosining tegishli mahalladagi Reyestrga kiritilgan oilalarning yarmidan koʻpi uchun individual rejalarni tasdiqlashda ishtirok etmaganligi unga intizomiy chora qoʻllash uchun asos hisoblanadi. Bunda mazkur holat aniqlanganda qonun buzilishi, uning kelib chiqish sabablarini bartaraf etish va tegishli chora koʻrish boʻyicha “mahalla yettiligi” aʼzosining ish beruvchisiga Ijtimoiy inspeksiya tomonidan taqdimnoma kiritilishi mumkin.

26. Quyidagilar uchun:

individual rejani oʻz vaqtida ishlab chiqish va oila uchun zarur xizmatlarni unga kiritish boʻyicha — ijtimoiy xodim va hokim yordamchisiga;

individual rejani mazkur Nizom talablariga asosan oʻz vaqtida koʻrib chiqish va tasdiqlash boʻyicha — “mahalla yettiligi”ga;

axborot moduli va “YAMIH” ATni qonunchilik va texnik hujjatlari talablariga muvofiq toʻgʻri ishlashini taʼminlash, axborot modulini takomillashtirib borish, axborot moduli foydalanuvchilariga login va parol ochish (yopish), vazirlik va idoralarning axborot tizimlari bilan maʼlumot almashishini taʼminlash va yoʻlga qoʻyish boʻyicha — Ijtimoiy himoya milliy agentligi huzuridagi “Axborot texnologiyalar markazi” davlat muassasasi masʼullariga;

individual rejasi ijrosini oʻz vaqtida taʼminlash va ular toʻgʻrisida maʼlumotlarni taqdim etish boʻyicha — manfaatdor vazirlik va idoralar rahbarlariga shaxsiy javobgarlik yuklanadi.

27. Manfaatdor vazirlik va idoralarning axborot tizimlari oʻrtasidagi maʼlumotlar almashinuvi jarayonida texnik nosozliklar va uzilishlar yuzaga kelgan yoki elektron maʼlumotlarni toʻliq olinmagan hollarda, Agentlikka alohida axborot tizimlaridagi maʼlumot almashinuvini tegishli tizimlar toʻlaqonli qayta ishga tushgunga qadar vaqtinchalik toʻxtatish algoritmiga oʻzgartirish kiritish huquqiga ega.

28. Mazkur Nizomda belgilangan talablarga rioya etilishi Oʻzbekiston Respublikasi Bosh prokuraturasi, Agentlikning ichki audit xizmati hamda Ijtimoiy inspeksiya tomonidan nazorat qilib boriladi.

29. Oilaning muomalaga layoqatli aʼzolari individual rejani yuritish, uning ijrosini taʼminlash yuzasidan xizmatlarni koʻrsatuvchi davlat organlari va boshqa tashkilotlar xodimlarining noqonuniy xatti-harakatlari yuzasidan qonunchilik hujjatlarida belgilangan tartibda shikoyat qilishi mumkin.

30. Mazkur Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javob beradilar.

Ijtimoiy reyestrga kiritilgan oilalarga individual reja ishlab chiqish va uning ijrosini taʼminlash tartibi toʻgʻrisidagi nizomga 1-ILOVA

Individual rejani ishlab chiqish boʻyicha

SXEMA

Ijtimoiy reyestrga kiritilgan oilalarga individual reja ishlab chiqish va uning ijrosini taʼminlash tartibi toʻgʻrisidagi nizomga 2-ILOVA

Ijtimoiy reyestrga kiritilgan oilalarga individual reja ishlab chiqish va uning ijrosini taʼminlash tartibi toʻgʻrisidagi nizomga 3-ILOVA

Vazirlar Mahkamasining 2026-yil 29-yanvardagi 35-son qaroriga 3-ILOVA

Ijtimoiy reyestrga kiritilgan oilalarga bolalar nafaqasi va moddiy yordamni tayinlash va toʻlash tartibi toʻgʻrisida

NIZOM

1-bob. Umumiy qoidalar

1. Mazkur Nizom Ijtimoiy reyestrga (keyingi oʻrinlarda — Reyestr) kiritilgan oilalarga bolalar nafaqasi va moddiy yordamni tayinlash va ularni toʻlash tartibini belgilaydi.

2. Mazkur Nizomda quyidagi asosiy tushunchalardan foydalaniladi:

ariza beruvchi — bolalar nafaqasi va moddiy yordam tayinlashni soʻrab murojaat qilgan oilaning muomalaga layoqatli aʼzosi (18 yoshga toʻlgan, 18 yoshga toʻlmasdan farzandli boʻlgan yoki oʻz oilasiga ega boʻlmagan Oʻzbekiston Respublikasi fuqarosi, Oʻzbekiston Respublikasi hududida yashash guvohnomasiga ega boʻlgan chet el fuqarosi yoki fuqaroligi boʻlmagan shaxs);

vakolatli organ — “Inson” ijtimoiy xizmatlar markazlari;

“Ijtimoiy himoya yagona reyestri” axborot tizimi (keyingi oʻrinlarda — “Yagona reyestr” AT) — idoralararo elektron oʻzaro hamkorlikni qoʻllagan holda Reyestrga kiritilgan oilalarga bolalar nafaqasi va moddiy yordam tayinlash va toʻlash bilan bogʻliq tartib-taomillar amalga oshiriladigan axborot tizimi;

“davlat taʼminotidagi oila” — oila aʼzolari mehnatga layoqatsiz yoki mehnat qilish imkoniyati cheklangan va ularning har biriga toʻgʻri keladigan jami oʻrtacha oylik daromadi minimal isteʼmol xarajatlaridan kam boʻlganligi sababli Reyestrga kiritilgan oila;

“kambagʻal oila” — oila aʼzolari mehnatga layoqatli yoki mehnat qilish imkoniyatiga ega boʻlgan va ularning har biriga toʻgʻri keladigan jami oʻrtacha oylik daromadi minimal isteʼmol xarajatlaridan kam boʻlganligi sababli Reyestrga kiritilgan oila;

“kambagʻallik chegarasidagi oila” — oila aʼzolarining har biriga toʻgʻri keladigan jami oʻrtacha oylik daromadi minimal isteʼmol xarajatlarining bir baravaridan bir yarim baravarigacha boʻlgan “davlat taʼminotidagi oila” yoki “kambagʻal oila” toifalaridan chiqarilgan hamda ogʻir hayotiy vaziyatga tushgan oila sifatida Reyestrga kiritilgan oila;

moliyaviy agent — bolalar nafaqasi va moddiy yordamlarni ularni oluvchilarning ijtimoiy kartalariga oʻtkazishga masʼul boʻlgan Oʻzbekiston Respublikasi rezidenti boʻlgan tijorat banki.

3. Bolalar nafaqasi va moddiy yordam toʻlovlari Oʻzbekiston Respublikasining respublika budjeti mablagʻlari, shuningdek, qonunchilik hujjatlarida taqiqlanmagan boshqa manbalar hisobidan moliyalashtiriladi.

4. Arizani koʻrib chiqish hamda bolalar nafaqasi va moddiy yordamni tayinlash uchun yigʻim undirilmaydi.

5. Bolalar nafaqasi va moddiy yordamni tayinlash va toʻlash mazkur Nizomga 1-ilovaga muvofiq sxema asosida amalga oshiriladi.

2-bob. Bolalar nafaqasi va moddiy yordam tayinlash tartibi

6. Ariza beruvchi bolalar nafaqasi yoki moddiy yordam tayinlashni soʻrab vakolatli organga quyidagi shakllarda murojaat qiladi:

bevosita davlat xizmatlari markazi yoki vakolatli organga borgan holda yoki oila yashaydigan mahallaga biriktirilgan ijtimoiy xodim orqali;

“Yagona milliy ijtimoiy himoya” axborot tizimi (keyingi oʻrinlarda — “YAMIH” AT), Yagona interaktiv davlat xizmatlari portali (keyingi oʻrinlarda — YIDXP) yoki “Ijtimoiy karta” mobil ilovasi orqali mustaqil ravishda.

Bunda har bir oila tomonidan bolalar nafaqasi va moddiy yordam uchun murojaat qilish bir oyda bir marta amalga oshiriladi.

7. Bolalar nafaqasi yoki moddiy yordam tayinlash haqidagi murojaat:

a) davlat xizmatlari markazi orqali berilganda, markaz xodimi ariza beruvchining nomidan bevosita uning roziligi bilan mazkur Nizomga 2-ilovaga muvofiq shakldagi arizani toʻldiradi;

b) vakolatli organ yoki mahallaga biriktirilgan ijtimoiy xodim orqali berilganda, vakolatli organning masʼul xodimi yoki mahallaga biriktirilgan ijtimoiy xodim “YAMIH” ATda ariza beruvchining nomidan bevosita uning roziligi bilan mazkur Nizomga 2-ilovaga muvofiq shakldagi arizani toʻldiradi;

v) “YAMIH” AT, YIDXP yoki “Ijtimoiy karta” mobil ilovasi orqali berilganda, ariza beruvchi mazkur Nizomga 2-ilovaga muvofiq shakldagi arizani mustaqil ravishda toʻldiradi.

Bolalar nafaqasi yoki moddiy yordam tayinlash haqidagi murojaat mazkur bandning “a” va “b” kichik bandlarida belgilangan shakllarda taqdim etilganda ariza beruvchining shaxsi qonunchilik hujjatlarida belgilangan tartibda hujjatlarning unifikatsiyalangan raqamli servislari orqali, agar mazkur raqamli servislar orqali tasdiqlash imkoni boʻlmasa, bevosita ariza beruvchidan uning shaxsini tasdiqlovchi hujjatini (ID-karta, pasport, yashash guvohnomasi) talab qilish orqali tasdiqlanadi.

Mazkur bandga muvofiq toʻldirilgan arizalar ariza beruvchi tomonidan imzoni identifikatsiya qilishning zamonaviy vositalari bilan (daktiloskopiya, elektron raqamli imzo, Mobile-ID va boshqalar) tasdiqlanadi. Bunda ariza beruvchi tomonidan arizaning tasdiqlanishi unga tegishli shaxsga doir maʼlumotlarni olish va ishlov berishga rozilikni bildiradi.

8. Arizani toʻldirish jarayonida ariza beruvchining oilasi Reyestrga kiritilganligi “YAMIH” AT orqali avtomatik ravishda tekshiriladi. Bunda:

ariza beruvchining oilasi Reyestrga kiritilgan boʻlsa, ariza toʻldiriladi va tasdiqlanadi;

ariza beruvchining oilasi Reyestrga kiritilmagan boʻlsa, bolalar nafaqasi yoki moddiy yordam tayinlash toʻgʻrisidagi ariza Ijtimoiy reyestrni yuritish tartibi toʻgʻrisidagi nizomga muvofiq oilani Reyestrga kiritish toʻgʻrisidagi ariza bilan birgalikda toʻldiriladi va tasdiqlanadi.

9. Tasdiqlangan bolalar nafaqasi yoki moddiy yordam tayinlash toʻgʻrisidagi arizani koʻrib chiqish, ularni tayinlash va toʻlash bilan bogʻliq tartib-taomillar “Yagona reyestr” AT orqali avtomatik tarzda amalga oshiriladi. Bunda oilaning tarkibi, oʻrtacha oylik daromadi, Reyestrdagi holati, bandligi hamda bolalar nafaqasi va moddiy yordam tayinlash uchun mazkur Nizomga muvofiq talab etiladigan boshqa maʼlumotlar “YAMIH” AT va “Yagona reyestr” ATdagi idoralararo elektron oʻzaro axborot almashinuvi doirasidagi maʼlumotlar roʻyxatida belgilangan vazirlik va idoralarning axborot tizimlari orqali olinadi.

10. Oyning 16-sanasiga qadar taqdim etilgan arizalar murojaat qilingan oyda, 16-sanada va undan keyin taqdim etilgan murojaatlar keyingi oyda koʻrib chiqiladi.

Reyestrga kiritilmagan oila aʼzosi tomonidan oyning 16-sanasiga qadar taqdim etilgan arizalar boʻyicha oila keyingi oyda Reyestrga kiritilgan taqdirda bolalar nafaqasi yoki moddiy yordam tayinlash toʻgʻrisidagi murojaat ham keyingi oyda koʻrib chiqiladi.

11. Bolalar nafaqasi yoki moddiy yordam uni tayinlashni rad etish uchun asoslar aniqlanmaganda ariza koʻrib chiqilgan oydan keyingi oydan “Yagona reyestr” ATda avtomatik tarzda tayinlanadi va toʻlanadi.

12. Bolalar nafaqasi yoki moddiy yordam tayinlash quyidagi hollarda “Yagona reyestr” ATda avtomatik tarzda rad etiladi:

mazkur Nizomning 8-bandi uchinchi xatboshisiga muvofiq toʻldirilgan ariza boʻyicha oilani Reyestrga kiritish rad etilganda yoki ariza koʻrib chiqilmaganda;

ariza taqdim etilgan sanada oila Reyestrda “kambagʻallik chegarasidagi oila” toifasiga oʻtkazilganiga (kiritilganiga) olti oy toʻlgan boʻlsa;

bolalar nafaqasi yoki moddiy yordam toʻlovi mazkur Nizomning 26-bandi “b” kichik bandi talablariga asosan toʻxtatilgan oilaning aʼzosi olti oy ichida qayta murojaat qilganda, agar mazkur talablar bajarilmagan boʻlsa.

13. Bolalar nafaqasi va moddiy yordam “davlat taʼminotidagi oila” va “kambagʻal oila” toifasidagi oilalarga ular mazkur toifadan chiqquniga qadar, “kambagʻallik chegarasidagi oila” toifasidagi oilalarga ular mazkur toifaga oʻtkazilgan (kiritilgan) oydan keyingi olti oy muddat uchun tayinlanadi. Bunda:

eng kichik yoki yagona bolasi oʻn sakkiz yoshga toʻlmagan oilaga bolalar sonidan kelib chiqib bolalar nafaqasi tayinlanadi va eng kichik (yagona) bola oʻn sakkiz yoshga toʻlgan oyning oxirigacha toʻlanadi;

bola (bolalar)siz yoki barcha bolalari 18 yoshdan katta boʻlgan oilalarga va yakka-yolgʻiz fuqarolarga moddiy yordam tayinlanadi va toʻlanadi;

moddiy yordam olayotgan oilada farzand tugʻilganda (shu jumladan, bola vasiylikka (homiylikka) olinganda) keyingi oydan boshlab bolalar nafaqasi toʻlanadi;

bolalar nafaqasi olayotgan oilada moddiy yordam toʻlash uchun asos vujudga kelganda keyingi oydan boshlab moddiy yordam toʻlanadi;

bir oilaga ham bolalar nafaqasi, ham moddiy yordam bir vaqtning oʻzida toʻlanishiga yoʻl qoʻyilmaydi;

agar bir oilada tugʻilgan, farzandlikka olingan yoki vasiylikka qabul qilingan bolalar egizak boʻlsa, ularning biri yoshi 3 yoshgacha boʻlgan kichik bola, keyingilari mos ravishda ikkinchi, uchinchi yoki toʻrtinchi hisoblanadi;

oila “davlat taʼminotidagi oila” yoki “kambagʻal oila” toifasidan chiqarilgan holda “kambagʻallik chegarasidagi oila” toifasiga oʻtkazilganda avval tayinlangan bolalar nafaqasi yoki moddiy yordam qoʻshimcha murojaat talab etmagan holda uzluksiz toʻlab boriladi.

14. Bolalar nafaqasi va moddiy yordam miqdori qonunchilik hujjatlari bilan belgilanadi. Bunda:

“davlat taʼminotidagi oila” yoki “kambagʻal oila” toifasidan chiqarilgan holda “kambagʻallik chegarasidagi oila” toifasiga oʻtkazilgan oilaga bolalar nafaqasi yoki moddiy yordam qoʻshimcha ariza talab etmagan holda, oila aʼzolarining har biriga toʻgʻri keladigan oʻrtacha oylik daromadi minimal isteʼmol xarajatlarining:

1 baravaridan — 1,25 baravarigacha boʻlganda qonunchilik hujjatlarida belgilangan bolalar nafaqasi yoki moddiy yordam miqdorining 75 foizi miqdorida;

1,25 baravaridan — 1,5 baravarigacha boʻlganda qonunchilik hujjatlarida belgilangan bolalar nafaqasi yoki moddiy yordam miqdorining 50 foizi miqdorida tayinlanadi va toʻlanadi.

15. Ariza beruvchi bolalar nafaqasi yoki moddiy yordam tayinlash boʻyicha davlat xizmatidan foydalanishdan uni koʻrsatishning har qanday bosqichida bosh tortish huquqiga ega. Ariza beruvchi davlat xizmatlaridan foydalanishdan bosh tortganda uning arizasi koʻrib chiqilmaydi.

16. Bolalar nafaqasi yoki moddiy yordam tayinlanganligi yoki tayinlash rad etilganligi toʻgʻrisida xabar ariza beruvchining arizasida koʻrsatilgan mobil aloqa vositasiga SMS-xabar yuboriladi.

3-bob. Bolalar nafaqasi va moddiy yordamni moliyalashtirish va toʻlash tartibi

17. Bolalar nafaqasi yoki moddiy yordam ushbu maqsadlar uchun nazarda tutilgan mablagʻlar doirasida xarajatlarning tegishli iqtisodiy tasniflagichi boʻyicha aks ettirilgan holda toʻlanadi.

Bolalar nafaqasi yoki moddiy yordamning har bir turi boʻyicha moliyaviy agentda alohida bank hisobvaraqlari ochiladi.

Moliyaviy agent har oyning oxirgi kuniga qadar joriy oy uchun, shuningdek, yil boshidan amalga oshirilgan toʻlovlar hamda toʻlanmagan mablagʻlar budjetga qaytarilishi haqida elektron maʼlumotlarni bolalar nafaqasi va moddiy yordam oluvchilar boʻyicha “Yagona reyestr” ATga taqdim etadi.

18. Bolalar nafaqasi va moddiy yordam mazkur Nizomning 10-bandiga muvofiq ariza koʻrib chiqilgan oydan keyingi oyning birinchi sanasidan toʻlanadi.

19. Keyingi oy uchun bolalar nafaqasi yoki moddiy yordamni toʻlash boʻyicha elektron toʻlov roʻyxat (vedomost)lari har oyning 4-sanasidan 25-sanasiga qadar “Yagona reyestr” AT orqali moliyaviy agentga taqdim etiladi. Bunda mazkur muddatning oxirgi kuni bayram va dam olish kunlariga toʻgʻri kelsa, elektron toʻlov roʻyxat (vedomost)lari keyingi ikki ish kuni mobaynida moliyaviy agentga taqdim etiladi.

20. Ijtimoiy himoya milliy agentligi Iqtisodiyot va moliya vazirligi bilan birgalikda bolalar nafaqasi yoki moddiy yordam toʻlovi uchun mablagʻlarni Yagona gʻaznachilik hisobvaragʻidan toʻlov roʻyxat (vedomost)lari boʻyicha tayinlangan summalar doirasida respublika budjet daromadi tushumidan kelib chiqib, biroq budjetda ushbu maqsad uchun nazarda tutilganidan ortiq boʻlmagan miqdorda toʻlash oyning 4-sanasidan boshlab, biroq toʻlov amalga oshiriladigan oyning 25-sanasidan kechikmay moliyaviy agentning maxsus hisobvaragʻiga alohida toʻlov topshiriqnomalari bilan oʻtkazadi.

Mablagʻlar Yagona gʻaznachilik hisobvaragʻidan Iqtisodiyot va moliya vazirligi huzuridagi Gʻaznachilik xizmati qoʻmitasi tomonidan belgilangan tartibda oʻtkaziladi.

21. Bolalar nafaqasi yoki moddiy yordam moliyaviy agent tomonidan ariza beruvchining bank kartasiga yoki ijtimoiy kartasiga pul mablagʻlarini oʻtkazish yoʻli bilan toʻlanadi.

22. Bolalar nafaqasi yoki moddiy yordam toʻlovi oyning 4-sanasidan 27-sanasiga qadar amalga oshiriladi.

23. Oʻzbekiston Respublikasining respublika budjetida nazarda tutilgan mablagʻlar hajmidan kelib chiqib, bolalar nafaqasi yoki moddiy yordam, birinchi navbatda, davlat taʼminotidagi oilalarga toʻlanadi.

Respublika budjetida nazarda tutilgan mablagʻlar hajmidan kelib chiqib, Reyestrga kiritilgan oilaga bolalar nafaqasi yoki moddiy yordam toʻlash imkoniyati boʻlmagan taqdirda, unga bolalar nafaqasi yoki moddiy yordam toʻlash masalasi avtomatik ravishda keyingi oyda qayta koʻrib chiqish uchun oʻtkaziladi. Bunda keyingi oyda oila Reyestrdan chiqarilganda yoki “kambagʻallik chegarasidagi oila” toifasiga oʻtkazilganiga olti oy toʻlganda, mazkur oilaga faqat oldingi oylar uchun toʻlanmay qolgan bolalar nafaqasi yoki moddiy yordam toʻlab beriladi.

24. Tayinlangan bolalar nafaqasi yoki moddiy yordam quyidagi hollarda manfaatdor vazirlik va idoralarning axborot tizimlaridan elektron shaklda taqdim etilgan maʼlumotlarga asosan avtomatik ravishda qayta hisoblanadi:

a) oilada bolalar soni oʻzgargan taqdirda (bola tugʻilganda (vasiylikka yoki homiylikka olinganda), 18 yoshgacha bolalardan biri vafot etganda, bola (bolalar) 3 yoshga va 18 yoshga toʻlganda va shu kabilar) keyingi oydan boshlab oiladagi bolalarning soniga mutanosib miqdorda toʻlanadi;

b) oilaning har bir aʼzosiga nisbatan oʻrtacha oylik daromadi miqdori oʻzgarganda, oila davlat taʼminotidan, kambagʻallikdan yoxud Reyestrdan chiqarilganda keyingi oyning birinchi sanasidan boshlab mazkur Nizomning 14-bandida belgilangan miqdorlarda toʻlanadi yoki bolalar nafaqasi yoxud moddiy yordam toʻlash toʻxtatiladi.

4-bob. Bolalar nafaqasi va moddiy yordam toʻlashni toʻxtatish tartibi

25. Bolalar nafaqasi yoki moddiy yordam tayinlangan oila toʻgʻrisidagi mazkur Nizomning 9-bandida nazarda tutilgan maʼlumotlar vazirlik va idoralarning axborot tizimlari orqali “Yagona reyestr” ATga doimiy ravishda real vaqt rejimida taqdim etib boriladi.

26. Bolalar nafaqasi yoki moddiy yordamni toʻlash quyidagi hollarda mazkur holatlar aniqlangan oydan keyingi oydan boshlab toʻxtatiladi:

a) oila Reyestrdan chiqarilganda yoki “kambagʻallik chegarasidagi oila” toifasiga oʻtkazilganiga (kiritilganiga) olti oy toʻlganda;

b) bolalar nafaqasi yoki moddiy yordam tayinlangan Reyestrning “kambagʻal oila” toifasidagi oilaning rasmiy band boʻlmagan aʼzosi bolalar nafaqasi yoki moddiy yordam tayinlangan oydan boshlab olti oy davomida ishga joylashmasa, yakka tartibdagi tadbirkorlik faoliyati bilan shugʻullanuvchi va oʻzini oʻzi band qilgan fuqarolar roʻyxatiga kirmasa yoki mehnat organlarining maqbul keladigan ishga doir takliflarini muntazam ravishda (ikki va undan ortiq marotaba) rad qilgan boʻlsa, bundan mazkur Nizomning 27-bandida belgilangan holatlar mustasno. Bunda:

bolalar nafaqasi yoki moddiy yordam tayinlangan oila “davlat taʼminotidagi oila” toifasidan “kambagʻal oila” toifasiga oʻtganda olti oylik muddat oilaning Reyestrdagi toifasi oʻzgargan sanadan boshlab hisoblanadi;

olti oylik muddatga oilaning toifasi oʻzgarishidan qatʼiy nazar “kambagʻal oila” toifasida boʻlgan barcha davrdagi band boʻlmagan muddatlar kiritiladi, bundan toʻlov mazkur kichik bandga asosan toʻxtatilgandan oldingi davrlar mustasno;

yakka tartibdagi tadbirkorlik faoliyati bilan shugʻullanuvchi shaxs aylanmadan olinadigan soliqni uch oy davomida toʻlamagan boʻlsa rasmiy band shaxs sifatida hisobga olinmaydi;

oxirgi uch oy uchun hisoblab chiqilgan mehnatga haq toʻlash tarzidagi daromadlari mehnatga haq toʻlashning eng kam miqdoridan kam boʻlgan shaxs rasmiy band shaxs sifatida hisobga olinmaydi;

oʻzini oʻzi band qilgan fuqarolar Soliq qoʻmitasining “Yagona reyestr” AT tomonidan elektron soʻrov yuborilgan kunda oʻzini oʻzi band qilgan shaxslar tomonidan mehnat staji hisoblanishi uchun qonunchilik hujjatlarida belgilangan (toʻliq) miqdorda ijtimoiy soliq toʻlangan boʻlsa hisobga olinadi;

ariza beruvchi yoki uning oila aʼzolarini faqat Soliq qoʻmitasining fuqarolarning ish haqining yakka tartibdagi hisobini yuritishning markazlashtirilgan elektron reyestri maʼlumotlarida ish haqi toʻgʻrisida maʼlumotlari mavjud, biroq uning mehnat yoki fuqarolik-huquqiy shartnomalari “Yagona milliy mehnat tizimi” idoralararo dasturiy-apparat kompleksida hisobda turmaganda ham rasmiy band shaxs sifatida hisobga olinmaydi;

v) ariza beruvchi yoki boshqa muomalaga layoqatli oila aʼzosi tomonidan yashash joyi boʻyicha vakolatli organga toʻlov toʻxtatilishini soʻrab ariza berganda;

g) “Yagona reyestr” ATdagi yoki manfaatdor vazirliklar va idoralarning axborot tizimlari bilan idoralararo elektron oʻzaro hamkorlik tizimidagi texnik nosozlik natijasida, maʼlumotlar elektron ravishda toʻliq yoki qisman taqdim etilmaganligi sababli, shuningdek, arizani kiritishdagi texnik xatolar oqibatida notoʻgʻri tayinlanganligi aniqlangan taqdirda;

d) ariza beruvchi yoki “mahalla yettiligi” tomonidan Reyestrga kiritishda bolalar nafaqasi yoki moddiy yordamni tayinlash toʻgʻrisidagi qarorga taʼsir koʻrsatgan notoʻgʻri va ishonchsiz maʼlumotlar taqdim etilganligi yoki toʻliq taqdim etilmaganligi aniqlanganda.

Mazkur bandning “a” — “g” kichik bandlariga asosan bolalar nafaqasi yoki moddiy yordam toʻlovlari toʻxtatilgan holatlarda oʻtgan davrda toʻlangan mablagʻlar qaytarilmaydi, bundan mazkur Nizomning 29-bandida belgilangan holatlar bundan mustasno.

27. Mazkur Nizomning 26-bandi “b” kichik bandida belgilangan talab oilaning quyidagi aʼzolariga nisbatan tatbiq etilmaydi:

bola uch yoshga toʻlguniga qadar parvarish qilayotgan onalarga (ularning oʻrnini bosuvchi shaxslarga);

taʼlim muassasalarida oʻqiyotganlarga (taʼlimning kechki va sirtqi shakllari bundan mustasno);

yoshga doir pensiya yoshidagi shaxslarga, pensionerlarga, davlat pensiyasi tayinlash uchun zarur ish stajiga ega boʻlmagan shaxslarga va mehnatga layoqatsizlik yuzasidan nafaqa oluvchi fuqarolarga, OIV infeksiyasiga chalingan shaxslarga, I yoki II guruh va bolalikdan nogironligi boʻlgan 18 yoshgacha shaxslarga;

18 yoshgacha bolalikdan nogironligi boʻlgan, shu jumladan, OIV infeksiyasiga chalingan shaxslarning onalariga (onasi boʻlmagan holda otasiga), oila aʼzosi hisoblangan I guruh nogironligi boʻlgan shaxsni yoki oʻzgalar parvarishiga muhtoj boʻlgan 80 yoshga toʻlgan keksalarni parvarish qilayotganlarga;

chet elda ishlaydigan yoki chet elda tadbirkorlik va boshqa faoliyatni amalga oshiruvchi oila aʼzolariga. Bunda Oʻzbekiston Respublikasi Ichki ishlar vazirligining tegishli axborot tizimidan olingan maʼlumotlarda ariza berilgan sanadan kamida bir oy avval Oʻzbekiston Respublikasidan chiqib ketgan va Oʻzbekiston Respublikasiga qaytmaganligi qayd etilgan fuqaro chet elda ishlaydigan yoki chet elda tadbirkorlik va boshqa faoliyatni amalga oshiruvchi shaxs sifatida qabul qilinadi;

sudning qonuniy kuchga kirgan hukmi boʻyicha jazoni ijro etish muassasalarida boʻlganligi munosabati bilan oilada boʻlmagan aʼzolariga;

oilaning chaqiriq boʻyicha harbiy xizmatni oʻtayotgan aʼzolariga;

boquvchisini yoʻqotganlik pensiyasi yoki nafaqasi yoxud aliment olayotgan bolasini yolgʻiz tarbiyalayotgan yolgʻiz onalar (yolgʻiz tarbiyalayotgan otalar)ga;

tuman (shahar) kambagʻallikni qisqartirish va bandlikka koʻmaklashish boʻlimlariga ish qidiruvchi sifatida rasmiy murojaat qilgan yoki ishsiz sifatida roʻyxatga olingan, ushbu boʻlim tomonidan kasbga tayyorlashga, qayta tayyorlashga yoki malaka oshirishga yuborilgan, shuningdek, oʻzini oʻzi band qilgan fuqarolar roʻyxatiga kiritilgan shaxslarga;

toʻrt va undan ortiq oʻn sakkiz yoshga toʻlmagan farzandi mavjud boʻlgan oilada I yoki II guruh yoki 18 yoshgacha bolalikdan nogiron oila aʼzosi boʻlsa oilaning mehnatga layoqatli har bir aʼzosiga nisbatan;

ruhiy kasalliklar boʻyicha dispanser hisobida turgan oila aʼzolariga nisbatan.

28. Toʻlovlarni toʻxtatish (qonunchilik hujjatlari bilan belgilangan tayinlash muddati tugagan holatlar bundan mustasno) “Yagona reyestr” AT orqali avtomatlashtirilgan holda amalga oshiriladi va ariza beruvchining mobil aloqa vositasiga SMS-xabar yuboriladi.

29. “Yagona reyestr” AT orqali bolalar nafaqasi yoki moddiy yordam miqdorini va muddatini belgilash jarayonida texnik sabablarga koʻra, shuningdek, mazkur Nizomning 26-bandi “d” kichik bandi boʻyicha ortiqcha toʻlovlar vujudga kelganda, ushbu ortiqcha toʻlovlar, birinchi navbatda, tegishli bolalar nafaqasi yoki moddiy yordam oluvchilarga joriy va kelgusi oylar uchun hisoblanadigan bolalar nafaqasi yoki moddiy yordam mablagʻlari hisobidan qaytariladi.

Bunda ortiqcha toʻlovni qaytarish uchun hisoblanadigan bir oylik bolalar nafaqasi yoki moddiy yordam mablagʻlari yetarli boʻlmasa, qolgan ortiqcha toʻlovlar summasi kelgusi oylar uchun hisoblanadigan bolalar nafaqasi yoki moddiy yordam mablagʻlari hisobidan ushlab qolinadi.

Qonunchilik hujjatlari bilan belgilangan tayinlash toʻxtatilganligi sababli ortiqcha toʻlovni qoplash uchun hisoblanadigan bolalar nafaqasi yoki moddiy yordam summasi yetarli boʻlmagan hollarda:

ortiqcha toʻlovlarning qoplanmagan summasi bolalar nafaqasi yoki moddiy yordam oluvchi tomonidan oʻz xohishiga koʻra qoplanishi mumkin;

bolalar nafaqasi va moddiy yordam oluvchiga uning arizasiga muvofiq belgilangan tartibda unga takroran tayinlanadigan bolalar nafaqasi yoki moddiy yordam mablagʻlari hisobidan qoplanadi.

Mazkur bandda nazarda tutilgan chora-tadbirlar natijasida aniqlangan ortiqcha toʻlovlarning qoplanmagan qismi sud tartibida undiriladi.

Mazkur Nizomda nazarda tutilmagan asoslar boʻyicha bolalar nafaqasi yoki moddiy yordam miqdorlaridan ushlab qolinishi mumkin emas.

30. Ariza beruvchi bilan vakolatli organ oʻrtasidagi toʻlovlar toʻxtatilishi yoki miqdori oʻzgarishi yuzasidan nizolar qonunchilik hujjatlarida belgilangan tartibda, shu jumladan, sud orqali hal etiladi.

31. Ariza beruvchi vafot etgan taqdirda, tayinlangan bolalar nafaqasi yoki moddiy yordam oilaning muomalaga layoqatli aʼzosiga yoki qonuniy vakiliga toʻlanadi. Bunda oilaning muomalaga layoqatli aʼzosi yoki qonuniy vakili tegishli arizani va shaxsini tasdiqlovchi hujjatni, mavjud boʻlganda — vasiylik yoki homiylikni tayinlash toʻgʻrisidagi qaror nusxasini moliyaviy agentga taqdim etishi orqali tayinlangan bolalar nafaqasi yoki moddiy yordamni olishi mumkin.

5-bob. Yakunlovchi qoidalar

32. Ariza beruvchi va uning oila aʼzolariga tegishli axborot avtomatlashtirilgan rejimda faqat “Yagona reyestr” ATdan olinadigan va tahlil qilinadigan maxfiy axborot hisoblanadi va oshkor qilinmaydi, qonunchilik hujjatlarida nazarda tutilgan hollar bundan mustasno.

33. Ajratiladigan budjet mablagʻlaridan maqsadli foydalanilishi Davlat moliyaviy nazorati inspeksiyasi hamda Ijtimoiy himoya milliy agentligining ichki audit xizmati tomonidan nazorat qilinadi.

Bunda bolalar nafaqasi va moddiy yordam toʻgʻri tayinlanganligi “Yagona reyestr” ATdagi mavjud yoki manfaatdor vazirlik va idoralarning axborot tizimlaridan olingan maʼlumotlar asosida oʻrganiladi.

34. “Yagona reyestr” AT bilan manfaatdor vazirlik va idoralarning axborot tizimlari oʻrtasidagi maʼlumotlar almashinuvi jarayonida texnik nosozliklar va uzilishlar yuzaga kelgan yoki elektron maʼlumotlarni toʻliq olinmagan hollarda, Ijtimoiy himoya milliy agentligining alohida axborot tizimlaridagi maʼlumot almashinuvini tegishli tizimlar toʻlaqonli qayta ishga tushgunga qadar vaqtinchalik toʻxtatish hamda koʻrib chiqish, mablagʻlarni moliyaviy agentga moliyalashtirish, toʻlov roʻyxat (vedomost)larini yuborish muddatlarini uzaytirish huquqiga ega.

35. Quyidagilar uchun:

“Yagona reyestr” ATni meʼyoriy-huquqiy va texnik hujjatlarga asosan toʻgʻri ishlashini taʼminlash, axborot tizimini takomillashtirib borish, axborot tizimi foydalanuvchilariga login va parol ochish (yopish), vazirlik va idoralarning axborot tizimlari bilan maʼlumot almashishini taʼminlash va yoʻlga qoʻyish, axborot tizimi orqali tegishli toʻlov roʻyxatlarini shakllantirish hamda toʻlov roʻyxatlarini moliyaviy agentga yuborish boʻyicha — Ijtimoiy himoya milliy agentligi huzuridagi “Axborot texnologiyalar markazi” davlat muassasasi rahbariga;

bolalar nafaqasi va moddiy yordam tayinlash va toʻlash uchun “Yagona reyestr” AT orqali yuborilgan elektron soʻrovlarga oʻz vaqtida va toʻgʻri (ishonchli) maʼlumotlarni elektron ravishda onlayn rejimida taqdim etilishi boʻyicha — manfaatdor vazirlik va idoralar rahbarlariga;

maxsus hisobvaraqlardagi mablagʻlar oʻz vaqtida va toʻliq toʻlanishini taʼminlash hamda oluvchilar tomonidan talab qilib olinmagan mablagʻlarni tegishli budjetga oʻz vaqtida va toʻliq qaytarish boʻyicha — moliyaviy agent rahbarlariga shaxsiy javobgarlik yuklanadi.

Ijtimoiy reyestrga kiritilgan oilalarga bolalar nafaqasi va moddiy yordamni tayinlash va toʻlash tartibi toʻgʻrisidagi nizomga 1-ILOVA

Ijtimoiy reyestrga kiritilgan oilalar uchun bolalar nafaqasi va moddiy yordam tayinlash va toʻlash

SXEMASI

Ijtimoiy reyestrga kiritilgan oilalarga bolalar nafaqasi va moddiy yordamni tayinlash va toʻlash tartibi toʻgʻrisidagi nizomga 2-ILOVA

Vazirlar Mahkamasining 2026-yil 29-yanvardagi 35-son qaroriga 4-ILOVA

Tuman (shahar) hokimliklari huzuridagi nizolarni hal qilish boʻyicha apellyatsiya kengashlari toʻgʻrisida

NIZOM

1-bob. Umumiy qoidalar

1. Mazkur Nizom tuman (shahar) hokimliklari huzuridagi Ijtimoiy reyestrni (keyingi oʻrinlarda — Reyestr) yuritishga doir nizolarni hal qilish boʻyicha apellyatsiya kengashlarining (keyingi oʻrinlarda — Apellyatsiya kengashlari) maqomi, asosiy vazifalari, huquq va majburiyatlari, shuningdek, faoliyatini tashkil etish tartibini belgilaydi.

2. Apellyatsiya kengashlari tuman (shahar) hokimliklari huzurida nizolarni hal qilish maqsadida tuziladigan kollegial-maslahat organi hisoblanadi.

Apellyatsiya kengashi aʼzolari oʻz faoliyatini doimiy ravishda amalga oshiradi.

3. Mazkur Nizomda quyidagi asosiy tushunchalardan foydalaniladi:

manfaatdor shaxs — huquqlari va qonuniy manfaatlari tegishli “mahalla yettiligi” tomonidan qabul qilingan maʼmuriy hujjatga bevosita daxldor boʻlgan jismoniy shaxs;

shikoyat — manfaatdor shaxs yoki uning vakili tomonidan tegishli “mahalla yettiligi” tomonidan qabul qilgan maʼmuriy hujjatlari ustidan yoʻllangan shikoyat.

4. Apellyatsiya kengashlari oʻz faoliyatini Oʻzbekiston Respublikasining xalqaro shartnomalari, Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Vazirlar Mahkamasining qarorlari va farmoyishlariga, shuningdek, ushbu Nizomga va boshqa qonunchilik hujjatlariga muvofiq amalga oshiradi.

5. Apellyatsiya kengashlari oʻz faoliyatini davlat organlari, boshqa tashkilotlar va mansabdor shaxslardan mustaqil ravishda amalga oshiradi.

6. Apellyatsiya kengashlari tomonidan shikoyatlarni koʻrib chiqqanlik uchun toʻlovlar undirilmaydi.

7. Manfaatdor shaxslar tomonidan apellyatsiya kengashlariga shikoyat qilish ixtiyoriy boʻlib, bu ularning tegishli davlat organlari va tashkilotlarining yuqori turuvchi organlariga yoki bevosita sudga murojaat qilish huquqini cheklamaydi.

8. Sudlarda koʻrib chiqilgan yoki koʻrib chiqilayotgan masalalar boʻyicha yoʻllangan shikoyatlar apellyatsiya kengashlari tomonidan koʻrib chiqilmaydi.

9. Apellyatsiya kengashlari murojaatlarni koʻrib chiqishda teng huquqlilik, xolislik, qonuniylik, kollegiallik va huquqni qoʻllash amaliyotining bir xilligini taʼminlash hamda murojaat etuvchilarning huquqlari va qonuniy manfaatlariga rioya qilish prinsiplariga asoslanadi.

2-bob. Apellyatsiya kengashining asosiy vazifalari

10. Quyidagilar apellyatsiya kengashlarining asosiy vazifalari hisoblanadi:

“mahalla yettiligi”ning mazkur Nizomning 26-bandida nazarda tutilgan ishlar yuzasidan qabul qilingan maʼmuriy hujjatlarning qonunchilik hujjatlariga muvofiqligini koʻrib chiqish;

shikoyatlarni koʻrib chiqishda aniqlangan qonunchilik hujjatlaridagi tafovut va huquqiy boʻshliqlarni bartaraf etish yuzasidan takliflar ishlab chiqish.

11. Manfaatdor shaxslarning shikoyatlari apellyatsiya kengashlari tomonidan maʼmuriy tartib-taomillar toʻgʻrisidagi qonunchilikka muvofiq koʻrib chiqiladi.

3-bob. Apellyatsiya kengashlarining huquq va majburiyatlari

12. Apellyatsiya kengashlari quyidagi huquqlarga ega:

tegishli “mahalla yettiligi” tomonidan qabul qilgan maʼmuriy hujjatlarning qonunchilik hujjatlariga muvofiqligini koʻrib chiqish natijasiga asosan ushbu maʼmuriy hujjatlarni oʻzgartirish, qisman yoki toʻliq bekor qilish toʻgʻrisida qarorlar qabul qilish;

oʻziga yuklangan vazifalarni bajarish uchun zarur boʻlgan hujjatlar va axborotlarni, shuningdek, boshqa asoslovchi maʼlumotlarni respublika ijro etuvchi hokimiyat organlari, uning tizim tashkilotlari va hududiy boʻlinmalari, mahalliy davlat hokimiyati organlari, “mahalla yettiligi” va boshqa tashkilotlardan bepul tarzda soʻrash va olish, bunda “mahalla yettiligi” tomonidan soʻralgan maʼlumotlar besh ish kunidan kechiktirmasdan taqdim etilishi lozim;

zarurat boʻlganda, xorijiy mutaxassis va ekspertlarni, shuningdek, davlat organlari, ilmiy va taʼlim muassasalari, nodavlat notijorat tashkilotlardan mutaxassis va ekspertlarni taklif qilish hamda ishchi va ekspert guruhlarini tashkil etish.

Apellyatsiya kengashlari qonunchilik hujjatlariga muvofiq boshqa huquqlarga ham ega boʻlishi mumkin.

13. Apellyatsiya kengashlari quyidagilarga majbur:

qonunchilik hujjatlariga va mazkur Nizom talablariga qatʼiy rioya qilish;

manfaatdor shaxslarning shaʼni va qadr-qimmatini kamsitishga hamda ularning shaxsiy hayotiga aralashishga yoʻl qoʻymaslik;

shikoyatlarning koʻrib chiqilishi natijasi yuzasidan asoslangan qarorlar qabul qilish;

maʼmuriy hujjatlarni koʻrib chiqish davomida olingan axborotning, agar bunday axborotni tarqatish qonunchilik hujjatlari bilan cheklangan boʻlsa, sir saqlanishini taʼminlash.

Apellyatsiya kengashlariga qonunchilik hujjatlariga muvofiq boshqa majburiyatlar ham yuklanishi mumkin.

4-bob. Apellyatsiya kengashlari faoliyatini tashkil etish tartibi

14. Apellyatsiya kengashlarining tarkibi tuman (shahar) hokimi tomonidan mazkur Nizomga 1-ilovadagi namunaviy tarkibga muvofiq tasdiqlanadi.

15. Apellyatsiya kengashlari tarkibiga tegishliligiga koʻra ularning raisi, kotibi va aʼzolari kiradi. Bunda apellyatsiya kengashlari kotibi ishlarni koʻrib chiqish yakunlari boʻyicha ovoz berishda ishtirok etmaydi.

16. Quyidagi holatlarda apellyatsiya kengashlari aʼzolari uning tarkibidan chiqariladi:

apellyatsiya kengashlari aʼzosi bilan tuzilgan mehnat shartnomasi bekor qilinganda;

ularga nisbatan chiqarilgan sudning ayblov hukmi qonuniy kuchga kirganda;

sudning qonuniy kuchga kirgan hal qiluv qarori asosida muomala layoqati cheklanganda, shuningdek, ular muomalaga layoqatsiz, bedarak yoʻqolgan yoki vafot etgan deb topilganda;

oʻz arizasiga koʻra (jamoatchilik asosida faoliyat yurituvchi aʼzo uchun);

vafot etganda.

17. Apellyatsiya kengashlari aʼzolari quyidagi hollarda kun tartibiga kiritilgan masalalar yuzasidan majlisda ishtirok etishi mumkin emas va rad qilinishi lozim, agar ular:

maʼmuriy hujjatni koʻrib chiqish natijasidan shaxsan, bevosita yoki bilvosita manfaatdor boʻlsa yoxud uning xolisligi va begʻarazligiga shubha tugʻdiradigan boshqa holatlar mavjud boʻlsa;

manfaatdor shaxsning yoki “mahalla yettiligi” aʼzolarining yaqin qarindoshi boʻlsa.

Ushbu bandda koʻrsatilgan asoslar mavjud boʻlsa, apellyatsiya kengashlari aʼzosi oʻzini oʻzi rad qilish haqida arz qilishi shart.

18. Manfaatdor shaxslar ushbu Nizomning 17-bandidagi asoslarga koʻra apellyatsiya kengashlari aʼzosini rad qilish haqida arz qilishi mumkin.

19. Rad qilish haqidagi ariza asoslantirilgan boʻlishi va shikoyatni apellyatsiya kengashlari tomonidan koʻrish boshlanguniga qadar maʼlum qilinishi kerak.

Apellyatsiya kengashlari aʼzolarini rad qilish tegishliligiga koʻra apellyatsiya kengashlari raislarining tashabbusiga koʻra ham koʻrib chiqilishi mumkin.

20. Shikoyat koʻrilayotganda rad qilish haqida ariza berishga, agar rad qilish uchun asos ariza bergan shaxsga shikoyatni mazmunan koʻrish boshlanganidan keyin maʼlum boʻlib qolgan taqdirda yoʻl qoʻyiladi.

Ayni bir shaxs tomonidan ayni bir asos boʻyicha takroran rad qilish bildirilishi mumkin emas. Takroran rad qilish bildirilgan taqdirda, shikoyat koʻrib chiqilmaydi.

21. Apellyatsiya kengashlari aʼzolarining oʻzini oʻzi rad qilishi yoki uni rad qilish toʻgʻrisidagi masala tegishliligiga koʻra apellyatsiya kengashlari raislari tomonidan hal etiladi.

22. Apellyatsiya kengashlarining raislari:

apellyatsiya kengashlari faoliyatiga rahbarlik qiladi va zimmasiga yuklatilgan vazifalarning bajarilishi uchun shaxsan javobgar hisoblanadi;

apellyatsiya kengashlarining majlislarini chaqiradi va ularda raislik qiladi;

apellyatsiya kengashlari vakolatiga taalluqli masalalarni koʻrib chiqish uchun kiritadi;

davlat organlari, nodavlat notijorat tashkilotlar bilan munosabatlarda apellyatsiya kengashi nomidan ish koʻradi;

apellyatsiya kengashlari nomidan qarorlarni, majlislar bayonnomalarini va boshqa hujjatlarni imzolaydi;

apellyatsiya kengashlari majlislari kun tartibini belgilaydi;

apellyatsiya kengashlari tomonidan qabul qilingan qarorlarning ijrosini nazorat qiladi;

apellyatsiya kengashlari ishining samaradorligini oshirishga qaratilgan boshqa chora-tadbirlarni amalga oshiradi.

23. Apellyatsiya kengashlari raislari boʻlmagan taqdirda, ularning vazifalarini tegishliligiga koʻra apellyatsiya kengashining boshqa aʼzosi bajaradi.

24. Apellyatsiya kengashlarining kotiblari:

manfaatdor shaxslarning shikoyatlarini ish yurituvga qabul qiladi;

apellyatsiya kengashlarining navbatdagi majlisiga barcha zarur materiallarning oʻz vaqtida va sifatli tayyorlanishini taʼminlaydi;

kun tartibiga muvofiq apellyatsiya kengashlari majlislari oʻtkazilishini tashkil etadi;

apellyatsiya kengashlari majlisi oʻtkaziladigan sana, joy va taklif etiladigan shaxslar roʻyxatini apellyatsiya kengashlarining raislari bilan kelishadi;

apellyatsiya kengashlarining aʼzolarini va taklif etilgan shaxslarni apellyatsiya kengashlari majlisi oʻtkaziladigan joy, sana va vaqt haqida yozma yoki elektron shaklda xabardor qiladi;

kun tartibidagi masalalarni koʻrib chiqish uchun zarur boʻlgan materiallarni apellyatsiya kengashlari aʼzolariga tarqatadi;

apellyatsiya kengashlari majlislari qarorlari va bayonnomalarini rasmiylashtiradi hamda qarorlar nusxalarining apellyatsiya kengashlari aʼzolari hamda boshqa manfaatdor shaxslarga joʻnatilishini taʼminlaydi;

apellyatsiya kengashlari qarorlarining ijro holatini oʻrganib boradi hamda uning natijalarini apellyatsiya kengashlari majlisida koʻrib chiqish uchun kiritadi;

apellyatsiya kengashlarining faoliyatini uslubiy, tashkiliy-huquqiy va tashkiliy-texnik jihatdan taʼminlash boʻyicha apellyatsiya kengashlari raislariga takliflar kiritadi;

apellyatsiya kengashlarining zimmasiga yuklangan vazifalarga muvofiq boshqa vakolatlarni amalga oshiradi.

5-bob. Manfaatdor shaxslar tomonidan shikoyat qilish hamda apellyatsiya kengashlari tomonidan shikoyatlarni koʻrib chiqish tartibi

25. Manfaatdor shaxslar yoki ularning vakillari tomonidan shikoyat qilish hamda ularni apellyatsiya kengashlarida koʻrib chiqish ushbu Nizomga 2-ilovadagi sxemaga muvofiq amalga oshiriladi.

26. Apellyatsiya kengashlari tomonidan oilalarni Reyestrga kiritish toʻgʻrisidagi arizalarni koʻrib chiqish jarayonida “mahalla yettiligi” tomonidan rasmiylashtiriladigan savolnoma, xulosa, dalolatnomani qisman yoki toʻliq bekor qilish, ularga oʻzgartirish kiritish boʻyicha “mahalla yettiligi”ga majburiyat yuklash boʻyicha shikoyatlarni koʻrib chiqadi.

27. Manfaatdor shaxs yoki uning vakili “Inson” ijtimoiy xizmatlar markazi (keyingi oʻrinlarda — “Inson” markazi) yoki davlat xizmatlari markaziga kelib murojaat qilganda “Inson” markazi xodimi manfaatdor shaxs nomidan, “Yagona milliy ijtimoiy himoya” axborot tizimi (keyingi oʻrinlarda — “YAMIH” AT), Yagona interaktiv davlat xizmatlari portali yoki “Ijtimoiy karta” mobil ilovasi orqali shikoyat qilgan taqdirda esa mustaqil ravishda ushbu Nizomning 3-ilovasiga muvofiq namunaviy shakldagi shikoyatni elektron tarzda toʻldiradi va tasdiqlaydi.

28. Agar shikoyat manfaatdor shaxsning vakili tomonidan berilgan boʻlsa, shikoyatga ishonchnomaning yoki vakil vakolatlarini tasdiqlovchi boshqa hujjatning koʻchirma nusxasi ilova qilinishi lozim.

Shikoyatga boshqa asoslovchi maʼlumotlar va hujjatlar ham ilova qilinishi mumkin.

29. Shikoyat tasdiqlangandan soʻng real vaqt rejimida tegishli apellyatsiya kengashining kotibiga (keyingi oʻrinlarda — kotib) elektron shaklda yuboriladi.

Shikoyatlarni koʻrib chiqish va qaror qabul qilish bilan bogʻliq tartib-taomillar “YAMIH” ATda elektron shaklda amalga oshiriladi.

30. Kotib manfaatdor shaxsning shikoyatini u kelib tushgan kunda, ish vaqti tugaganidan keyin kelib tushgan boʻlsa, keyingi ish kunida roʻyxatdan oʻtkazadi.

Kotib ikki ish kuni ichida kelib tushgan shikoyatdagi maʼlumotlarning toʻgʻriligini, shuningdek, ushbu Nizomning 31-bandida nazarda tutilgan talablarga muvofiqligini tekshiradi.

31. Quyidagi holatlarda shikoyatlarni koʻrib chiqish apellyatsiya kengashlari tomonidan rad etiladi:

shikoyatda koʻtarilgan masalalar (holatlar) sudda koʻrib chiqilgan yoki koʻrib chiqilayotgan boʻlsa;

shikoyat mazkur Nizomning 26-bandida belgilangan apellyatsiya kengashlari tomonidan koʻrib chiqiladigan masalalar doirasiga kirmasa;

“mahalla yettiligi” tomonidan tasdiqlangan mazkur Nizomning 26-bandida belgilangan hujjatlar kuchga kirganiga oʻttiz kundan oʻtgan boʻlsa.

32. Shikoyat rad etilgan taqdirda, kotib tegishli xulosa tuzadi va xulosa apellyatsiya kengashlari raislari tomonidan tasdiqlanib, manfaatdor shaxs bu haqda bir ish kuni ichida yozma yoki elektron shaklda xabardor qilinadi.

33. Shikoyat apellyatsiya kengashlariga kelib tushgan kundan boshlab oʻn besh kun ichida koʻrib chiqiladi.

Apellyatsiya kengashlarining majlislari oʻtkaziladigan sana kotibning taklifiga asosan apellyatsiya kengashlari raislari tomonidan belgilanadi.

34. Kotib apellyatsiya kengashlari aʼzolarini, manfaatdor shaxs yoki uning vakilini hamda “mahalla yettiligi”ni apellyatsiya kengashlari majlisi oʻtkaziladigan kundan kamida uch kun oldin majlis oʻtkaziladigan joy, sana va vaqt haqida yozma yoki elektron shaklda xabardor qiladi.

35. Apellyatsiya kengashlarining aʼzolari oʻz majlislarida koʻrib chiqiladigan masalalarni muhokama qilish va hal qilishda oʻz vakolatini boshqa shaxslarga oʻtkazish huquqiga ega emas.

36. Apellyatsiya kengashlarining majlislari zaruratga koʻra, lekin kamida bir oyda bir marta oʻtkaziladi.

Apellyatsiya kengashlarining majlisi, agar unda aʼzolarning yarmidan koʻpi ishtirok etayotgan boʻlsa, vakolatli (kvorum) hisoblanadi.

Majlisni oʻtkazish uchun kvorum shakllanmagan taqdirda, apellyatsiya kengashlarining yangi majlisi oʻtkaziladigan sana eʼlon qilinadi.

37. Apellyatsiya kengashlarining majlislarini ularning raislari olib boradi. Rais ishtirok eta olmagan holatlarda, majlisni tegishliligiga koʻra ularning oʻrinbosarlari olib boradi.

Apellyatsiya kengashlarining majlislariga boshqa davlat organlari, nodavlat notijorat tashkilotlar, fuqarolik jamiyati institutlarining vakillari ham taklif etilishi mumkin.

Shikoyatni koʻrib chiqish jarayonida zarurat yuzaga kelganda apellyatsiya kengashlari manfaatdor shaxslarning vajlarini joyiga chiqqan holda oʻrganishi mumkin.

Apellyatsiya kengashlarining majlislari kengash raisining qaroriga koʻra va manfaatdor shaxsga bu haqda xabar berilgan holda audio va videotasvirga, shuningdek, fotosuratga olinishi mumkin.

Audio va videoyozuv, fotosuratlar manfaatdor shaxs va “mahalla yettiligi”ga taqdim etilishi mumkin.

38. Apellyatsiya kengashlarining aʼzolari, manfaatdor shaxs yoki uning vakili hamda “mahalla yettiligi”ning aʼzolari majlislarda videokonferensaloqa vositalaridan foydalangan holda ishtirok etishi mumkin.

39. Apellyatsiya kengashlari majlisining vaqti va joyi toʻgʻrisida tegishli tartibda xabardor qilingan manfaatdor shaxsning va ishga aloqador boshqa shaxslarning kelmaganligi shikoyatni apellyatsiya kengashlari tomonidan ularning ishtirokisiz koʻrib chiqish uchun toʻsqinlik qilmaydi.

40. Apellyatsiya kengashlari oʻz majlislarida manfaatdor shaxsning talablari va eʼtirozlarini asoslovchi holatlar, shuningdek, ishni toʻgʻri hal qilish uchun ahamiyatga ega boʻlgan boshqa holatlar mavjudligi yoki mavjud emasligini aniqlaydi.

41. Apellyatsiya kengashlarining qarori majlisda ishtirok etayotgan apellyatsiya kengashlari aʼzolarining oddiy koʻpchilik ovozi bilan qabul qilinadi. Bunda hech bir aʼzo ovoz berishda betaraf qolishga haqli emas.

Ovozlar teng boʻlgan hollarda majlisga raislik qiluvchining ovozi hal qiluvchi ovoz hisoblanadi.

42. Apellyatsiya kengashlarining majlisi yakunlari boʻyicha quyidagi qarorlardan biri rasmiylashtiriladi:

maʼmuriy hujjatni oʻzgartirishsiz oʻz kuchida qoldirish;

maʼmuriy hujjatga oʻzgartirish kiritish boʻyicha “mahalla yettiligi”ga majburiyat yuklash;

maʼmuriy hujjatni qisman yoki toʻliq bekor qilish hamda oilani Reyestrga kiritish toʻgʻrisidagi arizani qayta koʻrib chiqish.

Shikoyatni koʻrib chiqish jarayonida oilaning ijtimoiy-iqtisodiy holatini aniqlash uchun vazirlik va idoralarning axborot tizimlari orqali olingan maʼlumotlarda xatolik aniqlanganda apellyatsiya kengashi tegishli vakolatli organga mazkur xatolikni bartaraf etish vazifasini yuklaydi.

43. Apellyatsiya kengashlarining qarori majlisda ishtirok etgan barcha aʼzolar tomonidan “YAMIH” ATda elektron shaklda imzolanadi.

Qabul qilingan qarorga qoʻshilmagan apellyatsiya kengashlari aʼzosi qarorni imzolab, oʻzining alohida fikrini yozma shaklda taqdim qiladi. Alohida fikr ish materiallariga qoʻshib qoʻyiladi.

Bunda apellyatsiya kengashlarining qarorlari “YAMIH” ATda qonunchilikda belgilangan tartibda saqlanadi.

44. Apellyatsiya kengashlarining qarorlari uch ish kunidan kechiktirmay manfaatdor shaxslar va tegishli “mahalla yettiligi”ning “YAMIH” ATdagi shaxsiy kabinetiga yuboriladi.

45. Apellyatsiya kengashlarining qarorlari ustidan manfaatdor shaxs tomonidan sud tartibida shikoyat qilinishi mumkin, “mahalla yettiligi” uchun esa mazkur qarorlar qatʼiy hisoblanadi va ular tomonidan qaror ustidan shikoyat qilinishi mumkin emas.

46. Apellyatsiya kengashlarining majlis bayonnomasi kotib tomonidan imzolanadi va majlisga raislik qiluvchi tomonidan tasdiqlanadi.

47. Apellyatsiya kengashlari tomonidan “mahalla yettiligi”ning maʼmuriy hujjatini oʻzgartirish, qisman yoki toʻliq bekor qilish haqida qaror qabul qilingan taqdirda, oilani Reyestrga kiritish boʻyicha taqdim etilgan oxirgi ariza “YAMIH” ATda qayta koʻrib chiqish bosqichiga qaytariladi. Bunda qaror qabul qilingunga qadar oila Reyestrga kiritilgan taqdirda ariza koʻrib chiqish bosqichiga qaytarilmaydi.

48. Apellyatsiya kengashlarining maʼmuriy hujjatni oʻzgartirish haqidagi hamda qisman yoki toʻliq bekor qilish haqidagi qaror yuzasidan qayta koʻrib chiqish bosqichiga oʻtgan arizalar uch ish kuni ichida va manfaatdor shaxsdan haq undirilmasdan koʻrib chiqiladi. Bunda “mahalla yettiligi” maʼmuriy hujjatni Ijtimoiy reyestrni yuritish tartibi toʻgʻrisida nizomga muvofiq qayta rasmiylashtiradi va arizani koʻrib chiqishning keyingi bosqichiga yoʻnaltiradi.

49. Oilani Reyestrga kiritish boʻyicha arizalar qayta koʻrib chiqilganidan soʻng “mahalla yettiligi” bir ish kuni ichida bu haqda apellyatsiya kengashlarini xabardor qilishi shart.

“Mahalla yettiligi” aʼzolari tomonidan apellyatsiya kengashlarining oʻz vakolatlari doirasida qabul qilgan qarorlarining ijrosi taʼminlamaganligi ijtimoiy xizmatlar koʻrsatish sohasidagi qonunchilikni buzish hisoblanadi.

6-bob. Yakunlovchi qoidalar

50. “Mahalla yettiligi” tomonidan manfaatdor shaxsga yetkazilgan zararni qoplash bilan bogʻliq masalalar sud tartibida hal etiladi.

51. Apellyatsiya kengashlari tomonidan shikoyatlarni koʻrib chiqish paytida huquqbuzarlik alomatlari mavjudligi aniqlangan taqdirda, ushbu holat majlis bayonnomasida qayd etiladi va tegishli hujjatlar qonunchilik hujjatlarida belgilangan tartibda huquqbuzarlikni koʻrib chiqish vakolatiga ega boʻlgan organlarga “Inson” markazi tomonidan yuboriladi.

52. Ushbu Nizom talablarining buzilishida aybdor boʻlgan shaxslar qonunchilik hujjatlarida belgilangan tartibda javob beradilar.

Tuman (shahar) hokimliklari huzuridagi nizolarni hal qilish boʻyicha apellyatsiya kengashlari toʻgʻrisidagi nizomga 1-ILOVA

Tuman (shahar) hokimliklari huzuridagi nizolarni hal qilish boʻyicha apellyatsiya kengashlarining

NAMUNAVIY TARKIBI

Izoh.

1. Davlat va jamiyat faoliyatining tarmoqlarida, tadbirkorlik va boshqa xoʻjalik faoliyati sohasida ish tajribasiga, shuningdek, hayotiy tajribaga va aholi oʻrtasida obroʻ-eʼtiborga ega boʻlgan tegishli tuman (shaharda) yashovchi boshqa fuqarolar ham jamoatchilik asosida faoliyat yurituvchi aʼzo sifatida apellyatsiya kengashining tarkibiga kiritiladi.

2. Apellyatsiya kengashi aʼzolari boshqa ishga oʻtgan taqdirda, uning tarkibiga ushbu lavozimlarga yangi tayinlangan yoki zimmasiga tegishli funksiyalarni bajarish yuklangan shaxslar kiritiladi.

3. Zaruratga koʻra, Apellyatsiya kengashi faoliyatiga boshqa mutaxassis va ekspertlar jalb etilishi mumkin.

Tuman (shahar) hokimliklari huzuridagi nizolarni hal qilish boʻyicha apellyatsiya kengashlari toʻgʻrisidagi nizomga 2-ILOVA

Apellyatsiya kengashlariga shikoyat qilish va ularni koʻrib chiqish

SXEMASI

Tuman (shahar) hokimliklari huzuridagi nizolarni hal qilish boʻyicha apellyatsiya kengashlari toʻgʻrisidagi nizomga 3-ILOVA

Apellyatsiya kengashlariga manfaatdor shaxslar tomonidan yuboriladigan shikoyatning

NAMUNAVIY SHAKLI

Vazirlar Mahkamasining 2026-yil 29-yanvardagi 35-son qaroriga 5-ILOVA

“Yagona milliy ijtimoiy himoya” axborot tizimidagi idoralararo elektron oʻzaro axborot almashinuvi doirasidagi maʼlumotlar

ROʻYXATI*

T/rVazirlik va idora nomiMaʼlumotlar toʻplami tarkibi1.Iqtisodiyot va moliya vazirligi1. Oʻzbekiston Respublikasining respublika budjeti va boshqa manbalardan ijtimoiy nafaqa va moddiy yordam xarajatlari uchun nazarda tutilgan mablagʻlarning rejasi toʻgʻrisida maʼlumot.2. Oliy taʼlim tashkilotlari tomonidan hisoblangan stipendiyalar miqdori toʻgʻrisida maʼlumot.3. Qimmatli qogʻozlar, qimmatli qogʻozlar bilan amalga oshirgan operatsiyalar, olingan dividendlar toʻgʻrisida maʼlumot.4. “UzASBO” dasturiy majmuasida budjet tashkilotlari xodimlari haqida maʼlumot.5. Fuqarolarga ajratilgan subsidiyalar toʻgʻrisidagi maʼlumot.2.Soliq qoʻmitasi1. Mehnatga haq toʻlash tarzidagi daromadlar, mulkiy daromadlar, Oʻzbekiston Respublikasi qonunchilik hujjatlari bilan belgilangan daromadlar toʻgʻrisida maʼlumot.2. Jismoniy shaxsning yakka tartibdagi tadbirkor, unga yollangan xodim sifatidagi maqomi va toʻlangan aylanmadan olinadigan soliq summasi toʻgʻrisida maʼlumot.3. Oʻzini oʻzi band qilgan shaxslar va toʻlangan ijtimoiy soliq toʻgʻrisida maʼlumot.4. Faoliyat yuritayotgan korxonalarning taʼsischilari va taʼsis etilgan korxonaning ustav fondidagi ulushi toʻgʻrisida maʼlumot.5. Jismoniy shaxslarga hisoblangan mol-mulk va yer soligʻi toʻgʻrisida maʼlumot.6. Jismoniy shaxslarga toʻlangan keshbek miqdorlari toʻgʻrisida maʼlumot.7. Jismoniy shaxslardan olinadigan yer soligʻini hisoblash uchun Qoraqalpogʻiston Respublikasi Joʻqorgʻi Kengesi, viloyatlar, Toshkent shahar, tumanlar va shaharlar xalq deputatlari Kengashlari tomonidan qoʻllanilishi belgilangan koeffitsiyentlar toʻgʻrisida maʼlumot.8. Jismoniy shaxslarga quyosh panellarida ishlab chiqarilgan va oʻz isteʼmolidan orttirib yagona elektr energetika tizimiga uzatilgan elektr energiyasiga toʻlangan subsidiyalar toʻgʻrisida maʼlumot.3.Urbanizatsiya va uy-joy bozorini barqaror rivojlantirish milliy qoʻmitasi huzuridagi Kadastr agentligi1. Koʻchmas mulk manzili va kadastr raqami toʻgʻrisidagi maʼlumotlar.2. Yakka tartibdagi uy-joyning umumiy yer maydoni va qurilishi osti maydoni toʻgʻrisida maʼlumot.3. Dehqon xoʻjaliklarining yer maydoni toʻgʻrisida maʼlumot.4.Iqtisodiyot na moliya vazirligi huzuridagi budjetdan tashqari Pensiya jamgʻarmasi**Pensiya oluvchilar va ularga toʻlangan pensiya va boshqa toʻlovlar miqdorlari toʻgʻrisida maʼlumot.5.Kambagʻallikni qisqartirish va bandlik vazirligi1. Kambagʻallikni qisqartirish va bandlikka koʻmaklashish organlarida ishsiz deb eʼtirof etilgan, ishsizlik nafaqasini oluvchilar hamda boshqa xizmatlaridan foydalanuvchilar toʻgʻrisida maʼlumot.2. Jamoat ishlarida qatnashganlar va ularga toʻlangan oylik ish haqi toʻgʻrisida maʼlumot.3. “Yagona milliy mehnat tizimi” idoralararo dasturiy-apparat kompleksidagi mehnat shartnomasi va mehnat daftarchasi maʼlumotlari.4. Fuqarolarga vazirlik tizimidagi jamgʻarmalar tomonidan ajratilgan ssuda, subsidiya, grantlar va vaucherlar toʻgʻrisida maʼlumot.5. Nogironligi boʻlgan shaxslarga bandligini taʼminlash uchun zarur boʻlgan jihozlar, asbob-uskunalar va boshqa mehnat qurollari, xomashyo xarid qilish, internet xizmatlariga ulanish, tadbirkorlik faoliyatini boshlash yoki kengaytirish uchun ajratilgan ssudalar toʻgʻrisida maʼlumot.6.Ijtimoiy himoya milliy agentligi1. Ijtimoiy nafaqa oluvchilar va ularga toʻlangan ijtimoiy nafaqa va boshqa toʻlovlar miqdorlari toʻgʻrisida maʼlumot.2. Nogironligi boʻlgan shaxslar toʻgʻrisidagi maʼlumot.3. Yolgʻiz keksalar va nogironligi boʻlgan shaxslarga berilgan moddiy yordam toʻgʻrisida maʼlumot.4. Bolalar uyi, Ijtimoiy qoʻllab-quvvatlash markazlari va “Gʻamxoʻrlik” markazlariga joylashtirilgan shaxslar toʻgʻrisida maʼlumot.5. Protez-ortopediya moslamalari, reabilitatsiya qilishning texnik vositalari va harakatlanish vositalari toʻgʻrisida maʼlumot.6. Oʻzgalar parvarishiga muhtoj 80 yoshga toʻlgan keksalarni yoki I guruh nogironligi boʻlgan shaxsni parvarish qilayotganlar shaxslar toʻgʻrisida maʼlumot.7. Vasiylikka va homiylikka olingan bolalar toʻgʻrisida maʼlumot.8. Mehribonlik uylari tarbiyalanuvchilari toʻgʻrisida maʼlumot.9. Yetim bolalar va ota-onasining qaramogʻidan mahrum boʻlgan oʻquvchilarni uy-joy bilan taʼminlash “Onlayn navbat” axborot tizimiga kiritilgan bolalar toʻgʻrisida maʼlumot.7.Sogʻliqni saqlash vazirligi1. Bepul tibbiy xizmatlar olish uchun berilgan yoʻllanmalar (orderlar).2. Ruhiy kasalliklar va narkologiya dispanserlarida hisobda turganligi toʻgʻrisida maʼlumot.3. Onkologiya, gematologiya, jigar va buyrak yetishmovchiligi kasalliklar va boshqa uzoq muddatli davolanadigan kasallikka chalingan shaxslar toʻgʻrisidagi maʼlumot.4. Mehnatga layoqatsizlik varaqalari va ushbu varaqalar rasmiylashtirilgan shaxslar toʻgʻrisidagi maʼlumot.8.Ichki ishlar vazirligi1. Jismoniy shaxslarning mulkida boʻlgan avtotransport vositasi (ishlab chiqarilgan sana, turi, markasi, texnik holati, qidiruvda emasligi va boshqalar) toʻgʻrisida maʼlumot.2. Jazoni ijro etish muassasalarida boʻlgan, shu jumladan, chet elda jazoni ijro etish muassasalarida boʻlgan shaxslar toʻgʻrisida maʼlumot.3. Fuqaroning pasporti yoki ID-kartasi toʻgʻrisidagi maʼlumot.4. Oʻzbekiston Respublikasidan chiqib ketgan va Oʻzbekiston Respublikasiga kelgan Oʻzbekiston Respublikasi fuqarosi, Oʻzbekiston Respublikasi hududida yashash guvohnomasiga ega boʻlgan chet el fuqarosi yoki fuqaroligi boʻlmagan shaxslar toʻgʻrisida hamda ularning chet elga borish maqsadlari, yoshi va mamlakatlari toʻgʻrisida maʼlumot.5. Fuqarolarning doimiy yashash joyi boʻyicha va vaqtincha turgan joyi boʻyicha roʻyxatga olinganligi toʻgʻrisida maʼlumot.6. Dastlabki ijtimoiy-moddiy yordam paketini oluvchilar toʻgʻrisida maʼlumot.7. Ariza beruvchi va uning oila aʼzolariga biriktirilgan jismoniy shaxsning shaxsiy identifikatsion raqami toʻgʻrisida maʼlumot.9.Vazirlar Mahkamasi huzuridagi Agrosanoat majmui ustidan nazorat qilish inspeksiyasiJismoniy shaxslarning mulkida boʻlgan qishloq xoʻjaligi, melioratsiya va yoʻl-qurilish texnikasi (ishlab chiqarilgan sana, turi, markasi, texnik holati va boshqalar) toʻgʻrisida maʼlumot.10.Maktabgacha va maktab taʼlimi vazirligi1. Maktabgacha taʼlim tashkilotlari tarbiyalanuvchilari toʻgʻrisida maʼlumot.2. Ijtimoiy reyestrga kiritilgan oilalarning aʼzolariga koʻrsatilgan ijtimoiy xizmatlar toʻgʻrisida maʼlumot.11.Oliy taʼlim, fan va innovatsiyalar vazirligi1. Oliy taʼlim muassasalari talabalari (taʼlim tashkiloti, taʼlim shakli, taʼlim turi, kursi, yoʻnalishi va boshqalar) toʻgʻrisida maʼlumot.2. Oʻrta maxsus va kasbiy taʼlim muassasalari oʻquvchilari (taʼlim tashkiloti, taʼlim shakli, taʼlim turi, kursi, yoʻnalishi va boshqalar) toʻgʻrisida maʼlumot.12.Transport vazirligi1. Fuqarolarning ayrim toifalariga transport (shahar, havo, temir yoʻl)da imtiyozli yurish boʻyicha berilgan imtiyozlar toʻgʻrisida maʼlumot.2. Yoʻlovchi tashish xizmati bilan shugʻullanadigan yuridik shaxslar tomonidan litsenziyalar berilgan avtotransport vositalari va ularning egalari toʻgʻrisida maʼlumot.13.Adliya vazirligi1. Oila aʼzolarining fuqarolik holati toʻgʻrisida maʼlumot.2. Oila tarkibi toʻgʻrisida maʼlumot.3. Qayd etilgan fuqarolik holatlari (tugʻilganlik, nikoh qayd etilganligi, vafot etganlik va boshqalar) toʻgʻrisida, shu jumladan, chet elda qayd etilgan holatlar toʻgʻrisida maʼlumot.4. Jismoniy shaxslarga avtotransport vositasi (ishlab chiqarilgan sana, turi, markasi, texnik holati va boshqalar) va qishloq xoʻjaligi, melioratsiya va yoʻl-qurilish texnikasidan (ishlab chiqarilgan sana, turi, markasi, texnik holati va boshqalar) foydalanish huquqini beradigan ishonchnomalar toʻgʻrisidagi maʼlumot.14.Markaziy bank1. Jismoniy shaxslarning depozit hisobvaraqlaridagi mablagʻlar toʻgʻrisida maʼlumot.2. Xorijiy va mahalliy pul oʻtkazmalari toʻgʻrisida maʼlumot.3. Jismoniy shaxslarga berilgan kredit, qarz, mikrokredit, mikroqarzlar toʻgʻrisida maʼlumot.4. Jismoniy shaxslarning bank kartalari va (yoki) ijtimoiy kartalari mavjudligi, toʻlovlar, oʻtkazmalar va qaydnomalar yuborilganligi toʻgʻrisida maʼlumot.5. “Davlat taʼminotidagi oila” toifasiga kiritilgan oilaning mehnatga layoqatli aʼzolarining bandligini taʼminlash, tadbirkorlik faoliyatini boshlash yoki kengaytirish, shu jumladan, chorva mollari, parranda, quyon, baliq va asalari uyasi, koʻchma doʻkonlar (food truck), motoroller, skuter va boshqa asosiy vositalarni sotib olish yoki issiqxona qurish uchun ajratilgan kreditlar toʻgʻrisidagi maʼlumotlar.15.Vazirlar Mahkamasi huzuridagi Migratsiya agentligiTashkillashtirilgan holda chet elga vaqtincha ishga yuborilganlik toʻgʻrisidagi maʼlumotlar.16.Bosh prokuratura huzuridagi Majburiy ijro byurosiJismoniy shaxslar tomonidan toʻlangan va olingan alimentlar miqdori toʻgʻrisida maʼlumot.17.AT “Xalq banki”1. Toʻlangan (toʻlanmagan) bolalar nafaqasi, moddiy yordam va boshqa toʻlovlar, qaytarilgan mablagʻlar hamda hisobvaraqlardagi qoldiq mablagʻlar toʻgʻrisida maʼlumot.2. Fuqarolar nomiga ochilgan va aktiv boʻlgan bank kartalar, shu jumladan, ijtimoiy kartalar toʻgʻrisida maʼlumot.3. Nafaqa va moddiy yordam va boshqa toʻlovlar uchun moliyalashtirilgan, toʻlangan va toʻlanmasdan qaytarilgan mablagʻlar miqdorlari va nafaqa oluvchilar toʻgʻrisida maʼlumot.18.Oʻzbekiston Banklari assotsiatsiyasiAriza beruvchi va uning oila aʼzolarining kredit tarixiga oid maʼlumot.19.Vazirlik va idoralarIjtimoiy reyestrga kiritilgan oila aʼzolariga taqdim etilgan qoʻllab-quvvatlash choralari toʻgʻrisida maʼlumotlar

* Axborot tizimlari va resurslarining maʼlumotlari “Raqamli hukumat” tizimining Idoralararo integratsiyalashuv platformasi orqali taqdim etiladi.

** Pensiya jamgʻarmasi tomonidan moliyalashtiriladigan pensiyalar, kompensatsiyalar va boshqa toʻlovlar boʻyicha maʼlumotlar taqdim etiladi.

Vazirlar Mahkamasining 2026-yil 29-yanvardagi 35-son qaroriga 6-ILOVA

Ijtimoiy reyestrga kiritilgan oilalarga koʻrsatiladigan davlat ijtimoiy qoʻllab-quvvatlash choralari

ROʻYXATI

Izoh.

1. Ijtimoiy reyestrga kiritilgan oilalarga mazkur roʻyxatda nazarda tutilmagan boshqa davlat ijtimoiy qoʻllab-quvvatlash choralari ham taqdim etilishi mumkin.

2. Mazkur roʻyxatga Ijtimoiy himoya milliy agentligi tomonidan Iqtisodiyot va moliya vazirligi bilan kelishgan holda oʻzgartirish kiritilishi mumkin.

Vazirlar Mahkamasining 2026-yil 29-yanvardagi 35-son qaroriga 7-ILOVA

Ijtimoiy reyestrga kiritilgan oilalarga koʻrsatiladigan davlat ijtimoiy qoʻllab-quvvatlash choralari doirasida “Yagona milliy ijtimoiy himoya” axborot tizimiga “Raqamli hukumat” tizimining Idoralararo integratsiyalashuv platformasi orqali taqdim etiladigan maʼlumotlar toʻplamlari

ROʻYXATI

Izoh.

Mazkur roʻyxatda nazarda tutilgan maʼlumotlar har bir imtiyozli xizmat va moliyaviy yordamni olgan fuqaroning shaxsga doir maʼlumotlari (jismoniy shaxsning shaxsiy identifikatsiya raqamini koʻrsatgan holda) hamda koʻrsatilgan imtiyozli xizmat va moliyaviy yordam soni va miqdorlari koʻrsatilgan holda 2026-yil 1-fevraldan boshlab vazirlik va idoralar oʻz axborot tizimlarini “Raqamli hukumat” tizimining Idoralararo integratsiyalashuv platformasi orqali “Yagona milliy ijtimoiy himoya” axborot tizimiga taqdim etadi.

Vazirlar Mahkamasining 2026-yil 29-yanvardagi 35-son qaroriga 8-ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar

1. Vazirlar Mahkamasining “Oʻqituvchilar va oʻquvchilar turmushi moddiy sharoitlarini yaxshilashga oid qoʻshimcha chora-tadbirlar toʻgʻrisida” 1997-yil 20-avgustdagi 409-son qarori 5-bandi “a” kichik bandining uchinchi xatboshisidagi “kam taʼminlangan” soʻzlari “Ijtimoiy reyestrga kiritilgan” soʻzlari bilan almashtirilsin.

2. Vazirlar Mahkamasining 2005-yil 21-dekabrdagi 275-son qarori bilan tasdiqlangan Xalq taʼlimi xodimlari mehnatiga haq toʻlash toʻgʻrisidagi nizomning 8-bandi “umumtaʼlim muassasalarida” soʻzlaridan keyin “(alohida taʼlim ehtiyojlari boʻlgan bolalar uchun ixtisoslashtirilgan maktablar va maktab-internatlar bundan mustasno)” soʻzlari bilan toʻldirilsin.

3. Vazirlar Mahkamasining 2008-yil 18-martdagi 48-son qarori bilan tasdiqlangan Viloyat koʻp tarmoqli tibbiyot markazi toʻgʻrisidagi nizomga ilovaning 9-bandi quyidagi tahrirda bayon etilsin:

“9. Ijtimoiy reyestrga kiritilgan oilalarning aʼzolari”.

4. Vazirlar Mahkamasining “Respublika ixtisoslashtirilgan ilmiy-amaliy tibbiyot markazlari faoliyatini tashkil etish masalalari toʻgʻrisida” 2009-yil 21-maydagi 145-son qarorida:

a) 3-ilovaga ilovada:

2-band quyidagi tahrirda bayon etilsin:

“2. Yetim bolalar”;

11-band quyidagi tahrirda bayon etilsin:

“11. Ijtimoiy reyestrga kiritilgan oilalarning aʼzolari”;

b) 4-ilovaga ilovaning 11-bandi quyidagi tahrirda bayon etilsin:

“11. Ijtimoiy reyestrga kiritilgan oilalarning aʼzolari”.

5. Vazirlar Mahkamasining “Davlat kadastri sohasida davlat xizmatlari narxlarini belgilashda tabaqalashtirilgan yondashuv tartibini takomillashtirish toʻgʻrisida” 2014-yil 10-iyuldagi 186-son qaroriga ilovaning izohlar qismi 5-bandi quyidagi tahrirda bayon etilsin:

“5. Ijtimoiy reyestrning “davlat taʼminotidagi oila” toifasiga kiritilgan oilalarning aʼzolariga davlat xizmatlari narxi xizmatlar umumiy qiymatining 25 foizini, Ijtimoiy reyestrning “kambagʻal oila” toifasiga kiritilgan oilalarning aʼzolariga, shuningdek, I va II guruhlar nogironlari va Ikkinchi jahon urushi qatnashchilari uchun davlat xizmatlari narxi xizmatlar umumiy qiymatining 50 foizini tashkil qiladi (tadbirkorlik faoliyati maqsadlarida yoki yuridik shaxslar vakili sifatida murojaat qilingan holatlar bundan mustasno). Bunda davlat xizmatlari koʻrsatilgani uchun yigʻim Ijtimoiy reyestrning:

“davlat taʼminotidagi oila” yoki “kambagʻal oila” toifasidan “kambagʻallik chegarasidagi oila” toifasiga oʻtkazilgan oilalarga, ularning ilgari belgilangan toifasiga muvofiq miqdorda;

ogʻir hayotiy vaziyatga tushgan oila sifatida “kambagʻallik chegarasidagi oila” toifasiga kiritilgan oilalarga “kambagʻal oila” toifasidagi oila uchun belgilangan miqdorda qoʻllaniladi”.

6. Vazirlar Mahkamasining 2017-yil 19-iyuldagi 530-son qarori bilan tasdiqlangan Oʻrmon xoʻjaligi davlat qoʻmitasi va uning tizimiga kiruvchi tashkilotlar xodimlari mehnatiga haq toʻlash va ularni moddiy ragʻbatlantirish tartibi toʻgʻrisidagi nizomning 11-bandidagi “kam taʼminlangan” soʻzlari “Ijtimoiy reyestrga kiritilgan” soʻzlari bilan almashtirilsin.

7. Vazirlar Mahkamasining 2017-yil 4-dekabrdagi 963-son qarori bilan tasdiqlangan Oʻzbekiston Respublikasi Veterinariya va chorvachilikni rivojlantirish davlat qoʻmitasi va uning tizimiga kiruvchi tashkilotlar xodimlarini moddiy ragʻbatlantirish shartlari va tartibi toʻgʻrisidagi nizomning 11-bandi ikkinchi xatboshisidagi “kam taʼminlangan” soʻzlari “Ijtimoiy reyestrga kiritilgan” soʻzlari bilan almashtirilsin.

8. Vazirlar Mahkamasining 2018-yil 28-martdagi 244-son qarori bilan tasdiqlangan Bolalarni davlat maktabgacha taʼlim tashkilotlariga qabul qilish boʻyicha davlat xizmatlari koʻrsatishning maʼmuriy reglamentida:

a) 3-bandning toʻrtinchi xatboshisidagi “kam taʼminlangan” soʻzlari “Ijtimoiy reyestrga kiritilgan” soʻzlari bilan almashtirilsin;

b) 41-band quyidagi tahrirda bayon etilsin:

“41. Tazyiq va zoʻravonlikdan jabr koʻrgan shaxslar hamda Ijtimoiy reyestrga kiritilgan oilalarning bolalari “Inson” ijtimoiy xizmatlar markazlaridagi ijtimoiy xodimlar guruhlari tomonidan ham maktabgacha va maktab taʼlimi boʻlimlariga talabnoma kiritish orqali imtiyozli navbatga qoʻyiladi”;

v) 18-bandda:

oltinchi xatboshi quyidagi tahrirda bayon etilsin:

“Ijtimoiy reyestrga kiritilgan oilalarning bolalari”;

oʻn oltinchi xatboshi quyidagi tahrirda bayon etilsin:

“Ijtimoiy reyestrga kiritilganlar haqidagi maʼlumotlar “Yagona milliy ijtimoiy himoya” axborot tizimidan”;

g) 3-ilovaning “IV. Ijtimoiy koʻmakka muhtoj oilaga mansubligi haqida maʼlumotlar va ularni tasdiqlovchi hujjatlar (talab etiladigan hujjatlar)” boʻlimi 1-pozitsiyasining birinchi ustuni quyidagi tahrirda bayon etilsin:

“1. Ijtimoiy reyestrga kiritilgan oilalarning bolalari”.

9. Vazirlar Mahkamasining 2018-yil 31-martdagi 255-son qarori bilan tasdiqlangan Suvdan maxsus foydalanish yoki suvni maxsus isteʼmol qilishga ruxsatnoma berish boʻyicha davlat xizmatlari koʻrsatishning maʼmuriy reglamenti 10-bandining toʻrtinchi xatboshisi quyidagi mazmundagi toʻrtinchi — oltinchi xatboshilar bilan almashtirilsin:

“Jismoniy shaxslarga suvdan maxsus foydalanish yoki suvni maxsus isteʼmol qilishga ruxsatnoma berishda Ijtimoiy reyestrning “kambagʻal oila” toifasiga kiritilgan oilalarning aʼzolariga shuningdek, I va II guruh nogironligi boʻlgan shaxslarga mazkur bandda belgilangan yigʻimning 50 foizi miqdorida, Ijtimoiy reyestrning “davlat taʼminotidagi oila” toifasiga kiritilgan oilalarning aʼzolariga belgilangan yigʻimning 75 foizi miqdorida chegirma qoʻllaniladi. Bunda chegirma Ijtimoiy reyestrning:

“davlat taʼminotidagi oila” yoki “kambagʻal oila” toifasidan “kambagʻallik chegarasidagi oila” toifasiga oʻtkazilgan oilalarga, ularning ilgari belgilangan toifasiga muvofiq miqdorda;

ogʻir hayotiy vaziyatga tushgan oila sifatida “kambagʻallik chegarasidagi oila” toifasiga kiritilgan oilalarga “kambagʻal oila” toifasidagi oila uchun belgilangan miqdorda qoʻllaniladi”.

10. Vazirlar Mahkamasining “Muhandislik-kommunikatsiya tarmoqlariga ulanish boʻyicha davlat xizmatlari koʻrsatishning maʼmuriy reglamentlarini tasdiqlash toʻgʻrisida” 2018-yil 31-martdagi 256-son qarorida:

a) 2-ilovaning 11-bandida:

uchinchi xatboshi quyidagi mazmundagi uchinchi — beshinchi xatboshilar bilan almashtirilsin:

“Jismoniy shaxslarni gaz tarmoqlariga ulashda Ijtimoiy reyestrning “kambagʻal oila” toifasiga kiritilgan oilalarning aʼzolariga, shuningdek, I va II guruh nogironligi boʻlgan shaxslarga mazkur bandda belgilangan yigʻimning 50 foiz miqdorida, Ijtimoiy reyestrning “davlat taʼminotidagi oila” toifasiga kiritilgan oilalarning aʼzolariga belgilangan yigʻimning 75 foizi miqdorida chegirma qoʻllaniladi. Bunda chegirma Ijtimoiy reyestrning:

“davlat taʼminotidagi oila” yoki “kambagʻal oila” toifasidan “kambagʻallik chegarasidagi oila” toifasiga oʻtkazilgan oilalarga, ularning ilgari belgilangan toifasiga muvofiq miqdorda;

ogʻir hayotiy vaziyatga tushgan oila sifatida “kambagʻallik chegarasidagi oila” toifasiga kiritilgan oilalarga “kambagʻal oila” toifasidagi oila uchun belgilangan miqdorda qoʻllaniladi”;

toʻrtinchi xatboshi oltinchi xatboshi deb hisoblansin;

b) 3-ilovaning 11-bandida:

uchinchi xatboshi quyidagi mazmundagi uchinchi — beshinchi xatboshilar bilan almashtirilsin:

“Jismoniy shaxslarni issiqlik taʼminoti tarmoqlariga ulashda Ijtimoiy reyestrning “kambagʻal oila” toifasiga kiritilgan oilalarning aʼzolariga, shuningdek, I va II guruh nogironligi boʻlgan shaxslarga mazkur bandda belgilangan yigʻimning 50 foizi miqdorida, Ijtimoiy reyestrning “davlat taʼminotidagi oila” toifasiga kiritilgan oilalarning aʼzolariga belgilangan yigʻimning 75 foizi miqdorida chegirma qoʻllaniladi. Bunda chegirma Ijtimoiy reyestrning:

“davlat taʼminotidagi oila” yoki “kambagʻal oila” toifasidan “kambagʻallik chegarasidagi oila” toifasiga oʻtkazilgan oilalarga, ularning ilgari belgilangan toifasiga muvofiq miqdorda;

ogʻir hayotiy vaziyatga tushgan oila sifatida “kambagʻallik chegarasidagi oila” toifasiga kiritilgan oilalarga “kambagʻal oila” toifasidagi oila uchun belgilangan miqdorda qoʻllaniladi”.

toʻrtinchi xatboshi oltinchi xatboshi deb hisoblansin;

v) 4-ilovaning 11-bandida:

uchinchi xatboshi quyidagi mazmundagi uchinchi — beshinchi xatboshilar bilan almashtirilsin:

“Jismoniy shaxslarni suv taʼminoti va suvni chiqarib tashlash tarmoqlariga ulashda Ijtimoiy reyestrning “kambagʻal oila” toifasiga kiritilgan oilalarning aʼzolariga, shuningdek, I va II guruh nogironligi boʻlgan shaxslarga mazkur bandda belgilangan yigʻimning 50 foizi miqdorida, Ijtimoiy reyestrning “davlat taʼminotidagi oila” toifasiga kiritilgan oilalarning aʼzolariga belgilangan yigʻimning 75 foizi miqdorida chegirma qoʻllaniladi. Bunda chegirma Ijtimoiy reyestrning:

“davlat taʼminotidagi oila” yoki “kambagʻal oila” toifasidan “kambagʻallik chegarasidagi oila” toifasiga oʻtkazilgan oilalarga, ularning ilgari belgilangan toifasiga muvofiq miqdorda;

ogʻir hayotiy vaziyatga tushgan oila sifatida “kambagʻallik chegarasidagi oila” toifasiga kiritilgan oilalarga “kambagʻal oila” toifasidagi oila uchun belgilangan miqdorda qoʻllaniladi”;

toʻrtinchi xatboshi oltinchi xatboshi deb hisoblansin.

11. Vazirlar Mahkamasining “Ogʻir ijtimoiy vaziyatga tushib qolgan xotin-qizlarga, nogironligi boʻlgan, kam taʼminlangan, farzandlarini toʻliqsiz oilada tarbiyalayotgan va uy-joy sharoitini yaxshilashga muhtoj onalarga arzon uy-joylar berish tartibi toʻgʻrisidagi nizomni tasdiqlash haqida” 2018-yil 12-apreldagi 285-son qarorida:

a) nomidagi, 1-banddagi va 2-bandning “a” kichik bandidagi “kam taʼminlangan” soʻzlari “Ijtimoiy reyestrga kiritilgan oilalardagi” soʻzlari bilan almashtirilsin;

b) muqaddima quyidagi tahrirda bayon etilsin:

“Ogʻir ijtimoiy vaziyatga tushib qolgan xotin-qizlar, nogironligi boʻlgan, Ijtimoiy reyestrga kiritilgan oilalardagi, farzandlarini toʻliqsiz oilada tarbiyalayotgan va uy-joy sharoitini yaxshilashga muhtoj onalar uchun qulay sharoit yaratish maqsadida Vazirlar Mahkamasi qaror qiladi:”;

v) 4-bandning “b” kichik bandi uchinchi xatboshisidagi “kam taʼminlangan” soʻzlari “Ijtimoiy reyestrga kiritilgan oila aʼzosi boʻlgan” soʻzlari bilan almashtirilsin;

g) ilovada:

nomidagi, 1, 21-bandlardagi va 1 — 7-ilovalarning ilova belgisidagi hamda 8-ilovadagi “kam taʼminlangan” soʻzlari “Ijtimoiy reyestrga kiritilgan oilalardagi” soʻzlari bilan almashtirilsin;

2-bandda:

toʻqqizinchi xatboshi chiqarib tashlansin;

oʻninchi — oʻn beshinchi xatboshilar tegishlicha toʻqqizinchi — oʻn toʻrtinchi xatboshilar deb hisoblansin;

oʻn uchinchi xatboshidagi “kam taʼminlangan” soʻzlari “Ijtimoiy reyestrga kiritilgan oilalardagi” soʻzlari bilan almashtirilsin;

24-banddagi va 29-bandning uchinchi xatboshisidagi “kam taʼminlangan” soʻzlari “Ijtimoiy reyestrga kiritilgan oila aʼzosi boʻlgan” soʻzlari bilan almashtirilsin;

6-ilovaning 4-pozitsiyasi “Omillar” ustunidagi “kam taʼminlangan” soʻzlari “Ijtimoiy reyestrga kiritilgan” soʻzlari bilan almashtirilsin.

12. Vazirlar Mahkamasining 2018-yil 3-maydagi 333-son qarori bilan tasdiqlangan Budjet mablagʻlari hisobiga moliyalashtiriladigan basseynlarda shugʻullanish va ulardan foydalanish tartibi toʻgʻrisidagi nizomda:

32-bandning uchinchi xatboshisidagi “kam taʼminlangan” soʻzlari “Ijtimoiy reyestrga kiritilgan” soʻzlari bilan almashtirilsin;

33-bandda:

birinchi xatboshidagi “Kam taʼminlangan” soʻzlari “Ijtimoiy reyestrga kiritilgan” soʻzlari bilan almashtirilsin;

uchinchi xatboshi quyidagi tahrirda bayon etilsin:

“oilaning Ijtimoiy reyestrga kiritilganligi toʻgʻrisidagi maʼlumot. Bunda maʼlumot “Yagona milliy ijtimoiy himoya” axborot tizimidan “Elektron hukumat” tizimining idoralararo integratsiyalashuv platformasi orqali elektron shaklda tekshiriladi yoki Yagona interaktiv davlat xizmatlari portali orqali olingan maʼlumotnoma qogʻoz shaklda taqdim etiladi”.

13. Vazirlar Mahkamasining 2018-yil 10-maydagi 348-son qarori bilan tasdiqlangan Davlat xizmatlari markazlari yoki onlayn tarzda (masofadan turib) rasmiy axborot resurslari orqali elektron raqamli imzo kalitini roʻyxatga olish va elektron raqamli imzo kalitining sertifikatini berish boʻyicha davlat xizmatlari koʻrsatishning maʼmuriy reglamentining 5-bandida:

ikkinchi xatboshi quyidagi mazmundagi ikkinchi — toʻrtinchi xatboshilar bilan almashtirilsin:

“Jismoniy shaxslarga ERI kalitlarining sertifikatlarini berishda Ijtimoiy reyestrning “kambagʻal oila” toifasiga kiritilgan oilalarning aʼzolariga, shuningdek, I va II guruh nogironligi boʻlgan shaxslarga mazkur bandning birinchi xatboshisida belgilangan yigʻimning 50 foizi miqdorida, Ijtimoiy reyestrning “davlat taʼminotidagi oila” toifasiga kiritilgan oilalarning aʼzolariga belgilangan yigʻimning 75 foizi miqdorida chegirma qoʻllaniladi. Bunda chegirma Ijtimoiy reyestrning:

“davlat taʼminotidagi oila” yoki “kambagʻal oila” toifasidan “kambagʻallik chegarasidagi oila” toifasiga oʻtkazilgan oilalarga, ularning ilgari belgilangan toifasiga muvofiq miqdorda;

ogʻir hayotiy vaziyatga tushgan oila sifatida “kambagʻallik chegarasidagi oila” toifasiga kiritilgan oilalarga “kambagʻal oila” toifasidagi oila uchun belgilangan miqdorda qoʻllaniladi”;

uchinchi xatboshi beshinchi xatboshi deb hisoblansin.

14. Vazirlar Mahkamasining 2018-yil 2-iyundagi 410-son qarori bilan tasdiqlangan Olimpiya va milliy sport turlari boʻyicha davlat ixtisoslashtirilgan maktab-internatida oziq-ovqat bilan taʼminlash xarajatlarini qisman qoplash uchun ota-onalar toʻlovini toʻlash tartibi toʻgʻrisidagi nizomda:

a) 14-band quyidagi tahrirda bayon etilsin:

“14. Ijtimoiy reyestrga kiritilgan oila aʼzosi hisoblangan oʻquvchilar ota-onalar toʻlovidan ozod qilinadi. Bunda oilaning Ijtimoiy reyestrga kiritilganligi toʻgʻrisidagi maʼlumot “Yagona milliy ijtimoiy himoya” axborot tizimidan “Raqamli hukumat” tizimining idoralararo integratsiyalashuv platformasi orqali elektron shaklda tekshiriladi yoki Yagona interaktiv davlat xizmatlari portali orqali olingan maʼlumotnoma qogʻoz shaklda taqdim etiladi”;

15-bandning birinchi va ikkinchi xatboshilaridagi “Kam taʼminlangan” soʻzlari “Ijtimoiy reyestrga kiritilgan” soʻzlari bilan almashtirilsin;

16-band quyidagi tahrirda bayon etilsin:

“16. Ijtimoiy reyestrga kiritilgan oilaning farzandi maktab-internatdagi oʻquvchilar safidan chiqarilganda uning oʻrniga Ijtimoiy reyestrga kiritilgan oila, lekin ota-onalar toʻlovidan ozod etilganlar roʻyxatiga kiritilmagan oʻquvchi keyingi oydan roʻyxatga kiritiladi va ota-ona toʻlovidan ozod etiladi”.

15. Vazirlar Mahkamasining 2018-yil 22-noyabrdagi 944-son qarori bilan tasdiqlangan Xususiy sherikka tegishli yer va bino-inshootlarda nodavlat maktabgacha taʼlim tashkilotini tashkil etish shaklidagi davlat-xususiy sheriklikni amalga oshirish tartibi toʻgʻrisidagi nizomning 2-bandi sakkizinchi xatboshisidagi “kam taʼminlangan” soʻzlari “Ijtimoiy reyestrga kiritilgan” soʻzlari bilan almashtirilsin.

16. Vazirlar Mahkamasining “Ixtisoslashtirilgan sanʼat va madaniyat maktablari hamda maktab-internatlarning faoliyatini tashkil etish toʻgʻrisida” 2019-yil 9-yanvardagi 9-son qarorida:

a) 1-ilovada:

68 va 69-bandlar quyidagi tahrirda bayon etilsin:

“68. Ixtisoslashtirilgan maktab-internatlardagi oʻquvchilar umumiy sonining 15 foizi doirasida Ijtimoiy reyestrga kiritilgan oilalar farzandlari toʻlovdan ozod qilinadi. Bunda birinchi navbatda ota-onasi yoki ularning oʻrnini bosuvchi shaxslar (yoki ulardan biri) I yoxud II guruh nogironligi boʻlgan shaxsi boʻlgan Ijtimoiy reyestrga kiritilgan oila farzandlariga imtiyoz beriladi.

69. Toʻlovdan ozod qilinadigan oilalarning farzandlari roʻyxati oilaning Ijtimoiy reyestrga kiritilganligi toʻgʻrisidagi maʼlumotlarga asosan aniqlanadi va shakllantiriladi. Bunda oilaning Ijtimoiy reyestrga kiritilganligi toʻgʻrisidagi maʼlumot “Yagona milliy ijtimoiy himoya” axborot tizimidan “Raqamli hukumat” tizimining idoralararo integratsiyalashuv platformasi orqali elektron shaklda tekshiriladi yoki Yagona interaktiv davlat xizmatlari portali orqali olingan maʼlumotnoma qogʻoz shaklda taqdim etiladi”;

70-banddagi “kam taʼminlangan” soʻzlari chiqarib tashlansin;

b) 3-ilovada:

48 va 49-bandlar quyidagi tahrirda bayon etilsin:

“48. Ixtisoslashtirilgan maktab-internatlardagi oʻquvchilar umumiy sonining 15 foizi doirasida Ijtimoiy reyestrga kiritilgan oila farzandlari, chin yetim yoki boquvchisini yoʻqotgan oʻquvchilar toʻlovdan ozod qilinadi. Bunda, birinchi navbatda, ota-onasi yoki ularning oʻrnini bosuvchi shaxslar (yoki ulardan biri) I yoxud II guruh nogironligi boʻlgan shaxsi boʻlgan Ijtimoiy reyestrga kiritilgan oila farzandlariga imtiyoz beriladi.

49. Toʻlovdan ozod qilinadigan oilalarning farzandlari roʻyxati oilaning Ijtimoiy reyestrga kiritilganligi toʻgʻrisidagi maʼlumotlarga asosan aniqlanadi va shakllantiriladi. Bunda oilaning Ijtimoiy reyestrga kiritilganligi toʻgʻrisidagi maʼlumot “Yagona milliy ijtimoiy himoya” axborot tizimidan “Elektron hukumat” tizimining idoralararo integratsiyalashuv platformasi orqali elektron shaklda tekshiriladi yoki Yagona interaktiv davlat xizmatlari portali orqali olingan maʼlumotnoma qogʻoz shaklda taqdim etiladi”;

50-banddagi “kam taʼminlangan” soʻzlari chiqarib tashlansin.

17. Vazirlar Mahkamasining 2019-yil 1-fevraldagi 78-son qarori bilan tasdiqlangan Davlat taʼlim muassasalarining sport inshootlarida pullik xizmat koʻrsatuvchi sport toʻgaraklarini tashkil etish tartibi toʻgʻrisidagi nizomning 15-bandi quyidagi tahrirda bayon etilsin:

“15. Ijtimoiy reyestrning “kambagʻal oila” toifasiga kiritilgan oilalarning aʼzolari boʻlgan shugʻullanuvchilardan pullik xizmat koʻrsatilganligi uchun belgilangan toʻlovlarni imtiyozli ravishda 50 foiz miqdorida, Ijtimoiy reyestrning “davlat taʼminotidagi oila” toifasiga kiritilgan oilalarning aʼzolari boʻlgan shugʻullanuvchilardan mazkur xizmatlar uchun belgilangan toʻlovlarni imtiyozli ravishda 25 foiz miqdorida amalga oshiriladi. Bunda chegirma Ijtimoiy reyestrning:

“davlat taʼminotidagi oila” yoki “kambagʻal oila” toifasidan “kambagʻallik chegarasidagi oila” toifasiga oʻtkazilgan oilalarga, ularning ilgari belgilangan toifasiga muvofiq miqdorda;

ogʻir hayotiy vaziyatga tushgan oila sifatida “kambagʻallik chegarasidagi oila” toifasiga kiritilgan oilalarga “kambagʻal oila” toifasidagi oila uchun belgilangan miqdorda qoʻllaniladi”.

18. Vazirlar Mahkamasining 2019-yil 30-martdagi 262-son qarori bilan tasdiqlangan Fuqarolar yigʻinlari tomonidan jismoniy va yuridik shaxslardan ixtiyoriylik asosida jalb etilgan mablagʻlarni va homiylik xayriyalarini shakllantirish hamda ulardan foydalanish tartibi toʻgʻrisidagi nizomda:

a) 9-bandning “a” kichik bandi birinchi xatboshisidagi “kam taʼminlangan va ehtiyojmand” soʻzlari “Ijtimoiy reyestrga kiritilgan oilalarning aʼzosi” soʻzlari bilan almashtirilsin;

b) ilovaning 2-bosqichi “Bajarish mexanizmi” ustunining 4-bandi ikkinchi xatboshisidagi “kam taʼminlangan va ehtiyojmand” soʻzlari “Ijtimoiy reyestrga kiritilgan oilalarning aʼzosi” soʻzlari bilan almashtirilsin.

19. Vazirlar Mahkamasining 2019-yil 18-apreldagi 329-son qarori bilan tasdiqlangan Davlat teatrlari va konsert-tomosha muassasalarining bilet narxlarini shakllantirish tartibi toʻgʻrisidagi nizomning 8-bandi quyidagi tahrirda bayon etilsin:

“8. Aholining ayrim toifalariga (mehribonlik uylari tarbiyalanuvchilari, boquvchisini yoʻqotgan yoki Ijtimoiy reyestrga kiritilgan oilalar aʼzolari) davlat teatri va konsert-tomosha muassasasi rahbarining tegishli buyrugʻiga asosan tadbirlarga bilet narxining 50 foizigacha chegirma berilishi mumkin, biroq, chegirma berilgan biletlar soni umumiy biletlar sonining 50 foizidan oshmasligi zarur. Bunda:

a) chegirmalar ushbu bandda belgilayotgan tegishli muassasalarning yozma yoki fuqarolarning ogʻzaki murojaati asosida beriladi;

b) fuqaroning oilasi Ijtimoiy reyestrga kiritilganligi toʻgʻrisidagi maʼlumot “Yagona milliy ijtimoiy himoya” axborot tizimidan “Raqamli hukumat” tizimining idoralararo integratsiyalashuv platformasi orqali elektron shaklda tekshiriladi yoki Yagona interaktiv davlat xizmatlari portali orqali olingan maʼlumotnoma qogʻoz shaklda taqdim etiladi;

v) shaxsning boquvchisini yoʻqotganligini tasdiqlash uchun quyidagi hujjatlardan biri taqdim etiladi:

ota-onasining oʻlimi haqidagi guvohnoma nusxasi yoki sudning ota-onani vafot etgan deb topganligi toʻgʻrisidagi qarori nusxasi;

ota-onasining yoki boshqa qonuniy vakillarining qaramogʻidan mahrum boʻlganligini tasdiqlovchi hujjat nusxasi;

boquvchisini yoʻqotganlik pensiya va nafaqa oluvchilar roʻyxatida mavjudligi haqida maʼlumotnoma”.

20. Vazirlar Mahkamasining 2019-yil 24-iyuldagi 620-son qarori bilan tasdiqlangan Xorijiy davlatlarda taʼlim olganlik toʻgʻrisidagi hujjatlarni tan olish tartibi haqidagi nizomning 6-bandida:

toʻrtinchi xatboshi quyidagi mazmundagi toʻrtinchi — oltinchi xatboshilar bilan almashtirilsin:

“Ijtimoiy reyestrning “kambagʻal oila” toifasiga kiritilgan oilalarning aʼzolariga, shuningdek, I va II guruh nogironligi boʻlgan shaxslarga mazkur bandda belgilangan yigʻimning 50 foiz miqdorida, Ijtimoiy reyestrning “davlat taʼminotidagi oila” toifasiga kiritilgan oilalarning aʼzolariga belgilangan yigʻimning 75 foizi miqdorida chegirma qoʻllaniladi. Bunda chegirma Ijtimoiy reyestrning:

“davlat taʼminotidagi oila” yoki “kambagʻal oila” toifasidan “kambagʻallik chegarasidagi oila” toifasiga oʻtkazilgan oilalarga, ularning ilgari belgilangan toifasiga muvofiq miqdorda;

ogʻir hayotiy vaziyatga tushgan oila sifatida “kambagʻallik chegarasidagi oila” toifasiga kiritilgan oilalarga “kambagʻal oila” toifasidagi oila uchun belgilangan miqdorda qoʻllaniladi”;

beshinchi — oʻn sakkizinchi xatboshilar tegishlicha yettinchi — yigirmanchi xatboshilar deb hisoblansin.

21. Vazirlar Mahkamasining “Yuridik va jismoniy shaxslarning elektr energiyasi, tabiiy gaz, ichimlik va issiq suvni hisobga olish uskunalarini (hisoblagichlarni) yechish, qiyoslashdan oʻtkazish va oʻrnatish boʻyicha davlat xizmatlari koʻrsatishning maʼmuriy reglamentlarini tasdiqlash toʻgʻrisida” 2019-yil 20-avgustdagi 698-son qarorida:

a) 1-ilova quyidagi mazmundagi 161-band bilan toʻldirilsin:

“161. Ijtimoiy reyestrning “kambagʻal oila” toifasiga kiritilgan oilalarning aʼzolariga, shuningdek, I va II guruh nogironligi boʻlgan shaxslarga davlat xizmatlari koʻrsatilganligi uchun mazkur reglamentning 15 va 16-bandlarida belgilangan tegishli yigʻimlarga 50 foiz miqdorida, Ijtimoiy reyestrning “davlat taʼminotidagi oila” toifasiga kiritilgan oilalarning aʼzolariga 75 foiz miqdorida chegirma qoʻllaniladi. Bunda chegirma Ijtimoiy reyestrning:

“davlat taʼminotidagi oila” yoki “kambagʻal oila” toifasidan “kambagʻallik chegarasidagi oila” toifasiga oʻtkazilgan oilalarga, ularning ilgari belgilangan toifasiga muvofiq miqdorda;

ogʻir hayotiy vaziyatga tushgan oila sifatida “kambagʻallik chegarasidagi oila” toifasiga kiritilgan oilalarga “kambagʻal oila” toifasidagi oila uchun belgilangan miqdorda qoʻllaniladi”;

b) 2-ilova quyidagi mazmundagi 161-band bilan toʻldirilsin:

“161. Ijtimoiy reyestrning “kambagʻal oila” toifasiga kiritilgan oilalarning aʼzolariga, shuningdek, I va II guruh nogironligi boʻlgan shaxslarga davlat xizmatlari koʻrsatilganligi uchun mazkur reglamentning 15 va 16-bandlarida belgilangan tegishli yigʻimlarga 50 foiz miqdorida, Ijtimoiy reyestrning “davlat taʼminotidagi oila” toifasiga kiritilgan oilalarning aʼzolariga 75 foiz miqdorida chegirma qoʻllaniladi. Bunda chegirma Ijtimoiy reyestrning:

“davlat taʼminotidagi oila” yoki “kambagʻal oila” toifasidan “kambagʻallik chegarasidagi oila” toifasiga oʻtkazilgan oilalarga, ularning ilgari belgilangan toifasiga muvofiq miqdorda;

ogʻir hayotiy vaziyatga tushgan oila sifatida “kambagʻallik chegarasidagi oila” toifasiga kiritilgan oilalarga “kambagʻal oila” toifasidagi oila uchun belgilangan miqdorda qoʻllaniladi”;

v) 3-ilova quyidagi mazmundagi 161-band bilan toʻldirilsin:

“161. Ijtimoiy reyestrning “kambagʻal oila” toifasiga kiritilgan oilalarning aʼzolariga, shuningdek, I va II guruh nogironligi boʻlgan shaxslarga davlat xizmatlari koʻrsatilganligi uchun mazkur reglamentning 15 va 16-bandlarida belgilangan tegishli yigʻimlarga 50 foiz miqdorida, Ijtimoiy reyestrning “davlat taʼminotidagi oila” toifasiga kiritilgan oilalarning aʼzolariga 75 foiz miqdorida chegirma qoʻllaniladi. Bunda chegirma Ijtimoiy reyestrning:

“davlat taʼminotidagi oila” yoki “kambagʻal oila” toifasidan “kambagʻallik chegarasidagi oila” toifasiga oʻtkazilgan oilalarga, ularning ilgari belgilangan toifasiga muvofiq miqdorda;

ogʻir hayotiy vaziyatga tushgan oila sifatida “kambagʻallik chegarasidagi oila” toifasiga kiritilgan oilalarga “kambagʻal oila” toifasidagi oila uchun belgilangan miqdorda qoʻllaniladi”.

22. Vazirlar Mahkamasining “Oliy taʼlim muassasalari talabalariga toʻlanadigan stipendiyalar miqdorlarini belgilash hamda stipendiyalar tayinlash va toʻlash tartibini takomillashtirish chora-tadbirlari toʻgʻrisida” 2020-yil 31-yanvardagi 59-son qarorida:

a) 1-ilovaning 102-bandida:

birinchi xatboshidagi “talaba-qizlar uchun” soʻzlari “Ijtimoiy reyestrga kiritilgan oilalarning talaba-qizlari (keyingi oʻrinlarda — talaba-qizlar)” soʻzlari bilan almashtirilsin;

ikkinchi xatboshi quyidagi tahrirda bayon etilsin:

“Maxsus stipendiya oʻquv semestri yakuni natijalariga koʻra barcha fanlar boʻyicha oʻzlashtirish koʻrsatkichi faqat “aʼlo” baho boʻlgan hamda Ijtimoiy reyestriga kiritilgan oilalarning talaba-qizlariga (keyingi oʻrinlarda — talaba-qizlar) tayinlanadi va toʻlanadi”;

uchinchi xatboshidagi “Yagona reyestr” AT orqali kam taʼminlangan deb eʼtirof etilganligi” soʻzlari “Ijtimoiy reyestrga kiritilganligi” soʻzlari bilan almashtirilsin;

toʻrtinchi xatboshi quyidagi mazmundagi toʻrtinchi — yettinchi xatboshilar bilan almashtirilsin:

“Maxsus stipendiya talaba-qizlarga oliy taʼlim muassasalarida umumiy shartlarda beriladigan stipendiya saqlab qolingan holda quyidagi miqdorlarga qoʻshimcha tarzda oyma-oy tayinlanadi va toʻlanadi:

Ijtimoiy reyestrning “davlat taʼminotidagi oila” toifasiga kiritilgan oilaning aʼzosi boʻlgan talaba-qizlarga maxsus stipendiya bazaviy stipendiyaning ikki baravari miqdorida;

Ijtimoiy reyestrning “kambagʻal oila” toifasiga kiritilgan oilaning aʼzosi boʻlgan talaba-qizlarga maxsus stipendiya bazaviy stipendiya miqdorida;

Ijtimoiy reyestrning “kambagʻallik chegarasidagi oila” toifasiga kiritilgan oilaning aʼzosi boʻlgan talaba-qizlarga maxsus stipendiya Ijtimoiy reyestrning “kambagʻal oila” toifasiga kiritilgan oilaning talaba-qizlari uchun belgilangan miqdorlarda”;

beshinchi — yettinchi xatboshilar tegishlicha sakkizinchi — oʻn birinchi xatboshilar deb hisoblansin;

oʻn birinchi xatboshi quyidagi tahrirda bayon etilsin:

“maxsus stipendiya toʻlanayotgan talaba-qizning oilasi Ijtimoiy reyestrdan chiqarilganda”;

b) 2-ilova izoh qismining birinchi xatboshisi quyidagi tahrirda bayon etilsin:

“* Oʻzbekiston Respublikasi Prezidentining hujjatlari qabul qilinishi munosabati bilan oliy taʼlim muassasalari talabalari stipendiyalarining bazaviy miqdorlari oʻzgargan taqdirda, Oʻzbekiston Respublikasi oliy taʼlim, fan va innovatsiyalar vazirining buyrugʻi bilan oliy taʼlim muassasalari talabalari stipendiyalarining jadvalda koʻrsatilgan miqdorlariga tegishli oʻzgartirishlar kiritiladi”.

23. Vazirlar Mahkamasining 2020-yil 23-iyundagi 402-son qarori bilan tasdiqlangan Oliy taʼlim muassasalariga qoʻshimcha davlat granti asosidagi qabul koʻrsatkichlari doirasida ehtiyojmand oilalardagi xotin-qizlarga tanlovda ishtirok etish uchun tavsiyanoma berish va ularni oʻqishga qabul qilishni tashkil etish tartibi toʻgʻrisidagi nizomda:

a) 2-bandning ikkinchi xatboshisi quyidagi tahrirda bayon etilsin:

“Ijtimoiy reyestrga kiritilgan oilalarning xotin-qizlari”;

b) 18-bandning birinchi xatboshisi quyidagi tahrirda bayon etilsin:

“18. Ishchi guruhlar tomonidan mazkur Nizomning 2-bandida koʻrsatilgan mezonlardan birini tasdiqlovchi maʼlumotlar va elektron shakldagi hujjatlar (tugʻilganlik, nikoh qayd etilganlik, vafot etganlik haqida va boshqa) “Raqamli hukumat” tizimining idoralararo integratsiyalashuv platformasi orqali tegishli vazirlik va idoralarning axborot tizimlaridan olingan maʼlumotlarga asosan aniqlanadi”.

25. Vazirlar Mahkamasining “Kadastr sohasida ayrim davlat xizmatlari koʻrsatishning maʼmuriy reglamentlarini tasdiqlash toʻgʻrisida” 2020-yil 2-sentabrdagi 535-son qarorida:

a) 1-ilovada:

2-ilovaning “II. Koʻchmas mulk obyekti toʻgʻrisida maʼlumot:” boʻlimi ikkinchi ustunining oʻn ikkinchi qatoridagi “(davlat xizmatlari narxi xizmatlar umumiy qiymatining 50 foizini tashkil qiladi)” soʻzlari “yoxud Ijtimoiy reyestrga kiritilgan oila aʼzosi” soʻzlari bilan almashtirilsin;

2-ilovaning “III. Kadastr pasportini tayyorlashning maqsadi:” boʻlimi ikkinchi ustuni oʻn beshinchi qatoridagi “(davlat xizmatlari narxi xizmatlar umumiy qiymatining 50 foizini tashkil qiladi)” soʻzlari “yoxud Ijtimoiy reyestrga kiritilgan oila aʼzosi” soʻzlari bilan almashtirilsin;

b) 3-ilovaning 15-bandi quyidagi mazmundagi uchinchi — beshinchi xatboshilar bilan toʻldirilsin:

“Davlat xizmati koʻrsatilgani uchun yigʻim undirishda Ijtimoiy reyestrning “kambagʻal oila” toifasiga kiritilgan oilalarning aʼzolariga shuningdek, I va II guruh nogironligi boʻlgan shaxslarga mazkur bandda belgilangan yigʻimning 50 foizi miqdorida, Ijtimoiy reyestrning “davlat taʼminotidagi oila” toifasiga kiritilgan oilalarning aʼzolariga belgilangan yigʻimning 75 foizi miqdorida chegirma qoʻllaniladi. Bunda chegirma Ijtimoiy reyestrning:

“davlat taʼminotidagi oila” yoki “kambagʻal oila” toifasidan “kambagʻallik chegarasidagi oila” toifasiga oʻtkazilgan oilalarga, ularning ilgari belgilangan toifasiga muvofiq miqdorda;

ogʻir hayotiy vaziyatga tushgan oila sifatida “kambagʻallik chegarasidagi oila” toifasiga kiritilgan oilalarga “kambagʻal oila” toifasidagi oila uchun belgilangan miqdorda qoʻllaniladi”.

v) 4-ilovaning 16-bandi quyidagi mazmundagi uchinchi — beshinchi xatboshilar bilan toʻldirilsin:

“Davlat xizmati koʻrsatish uchun yigʻim undirishda Ijtimoiy reyestrning “kambagʻal oila” toifasiga kiritilgan oilalarning aʼzolariga shuningdek, I va II guruh nogironligi boʻlgan shaxslarga mazkur bandda belgilangan yigʻimning 50 foizi miqdorida, Ijtimoiy reyestrning “davlat taʼminotidagi oila” toifasiga kiritilgan oilalarning aʼzolariga belgilangan yigʻimning 75 foizi miqdorida chegirma qoʻllaniladi. Bunda chegirma Ijtimoiy reyestrning:

“davlat taʼminotidagi oila” yoki “kambagʻal oila” toifasidan “kambagʻallik chegarasidagi oila” toifasiga oʻtkazilgan oilalarga, ularning ilgari belgilangan toifasiga muvofiq miqdorda;

ogʻir hayotiy vaziyatga tushgan oila sifatida “kambagʻallik chegarasidagi oila” toifasiga kiritilgan oilalarga “kambagʻal oila” toifasidagi oila uchun belgilangan miqdorda qoʻllaniladi”.

26. Vazirlar Mahkamasining 2020-yil 12-oktabrdagi 646-son qarori bilan tasdiqlangan Umumtaʼlim fanlarini bilish darajasini aniqlash va sertifikat berish tartibi toʻgʻrisidagi nizomda:

a) 18-bandda:

ikkinchi xatboshi quyidagi mazmundagi ikkinchi — toʻrtinchi xatboshilar bilan almashtirilsin:

“Ijtimoiy reyestrning “kambagʻal oila” toifasiga kiritilgan oilalarning aʼzolariga, I va II guruh nogironligi boʻlgan shaxslar hamda nogironligi boʻlgan bolalarga mazkur davlat xizmatini koʻrsatishda belgilangan toʻlovning 50 foizi miqdorida, Ijtimoiy reyestrning “davlat taʼminotidagi oila” toifasiga kiritilgan oilalarning aʼzolariga belgilangan yigʻimning 75 foizi miqdorida chegirma qoʻllaniladi. Bunda chegirma Ijtimoiy reyestrning:

“davlat taʼminotidagi oila” yoki “kambagʻal oila” toifasidan “kambagʻallik chegarasidagi oila” toifasiga oʻtkazilgan oilalarga, ularning ilgari belgilangan toifasiga muvofiq miqdorda;

ogʻir hayotiy vaziyatga tushgan oila sifatida “kambagʻallik chegarasidagi oila” toifasiga kiritilgan oilalarga “kambagʻal oila” toifasidagi oila uchun belgilangan miqdorda qoʻllaniladi”;

uchinchi — yettinchi xatboshilar tegishlicha beshinchi — toʻqqizinchi xatboshilar bilan almashtirilsin;

b) 1-ilovaning 6-pozitsiyasi birinchi ustuni quyidagi tahrirda bayon etilsin:

“6. Qonunchilik hujjatlarida belgilangan chegirma qoʻllanilish huquqiga egaligi (Ijtimoiy reyestrga kiritilgan oilalar aʼzolari, I va II guruh nogironligi boʻlgan shaxslar):”.

27. Vazirlar Mahkamasining “Oʻzbekiston Respublikasi Adliya vazirligi yuridik texnikumlari faoliyatini takomillashtirishga doir qoʻshimcha chora-tadbirlar toʻgʻrisida” 2020-yil 30-oktabrdagi 677-son qarorida:

a) 1-ilovada:

4-bandning birinchi xatboshisidagi “Ijtimoiy himoya yagona reyestri” axborot tizimida roʻyxatga olingan shaxslarning” soʻzlari “Ijtimoiy reyestrga kiritilgan oilalar aʼzolarining” soʻzlari bilan almashtirilsin;

26-bandning toʻrtinchi xatboshisidagi, 43-bandning beshinchi va yettinchi xatboshilaridagi hamda 1-ilova 6-bosqichining “Tadbirlar” ustuni 1-bandidagi tegishli kelishikdagi “Ijtimoiy himoya yagona reyestri” axborot tizimida roʻyxatga olingan shaxslar” soʻzlari “Ijtimoiy reyestrga kiritilgan oilalar” soʻzlari bilan almashtirilsin;

b) 2-ilovaning 2-ilovasi 3.2-pozitsiyasi ikkinchi ustunidagi hamda 3-ilovasi 3-pozitsiyasi “Imtiyozlar turlari (toifalari)” ustunidagi “Ijtimoiy himoya yagona reyestri” axborot tizimida roʻyxatga olingan shaxslar” soʻzlari “Ijtimoiy reyestrga kiritilgan oilalar” soʻzlari bilan almashtirilsin.

29. Vazirlar Mahkamasining 2021-yil 4-maydagi 271-son qarori bilan tasdiqlangan Avtomototransport vositalari va shahar elektr transporti vositalari haydovchiligiga nomzodlardan imtihonlarni qabul qilish uchun hujjatlarni va milliy haydovchilik guvohnomasini rasmiylashtirish boʻyicha davlat xizmatlari koʻrsatishning maʼmuriy reglamentida:

a) 8-bandda:

ikkinchi xatboshi quyidagi mazmundagi ikkinchi — toʻrtinchi xatboshilar bilan almashtirilsin:

“Ijtimoiy reyestrning “kambagʻal oila” toifasiga kiritilgan oilalarning aʼzolariga, shuningdek, I va II guruh nogironligi boʻlgan shaxslarga mazkur bandning birinchi xatboshisida belgilangan yigʻimning 50 foizi miqdorida, Ijtimoiy reyestrning “davlat taʼminotidagi oila” toifasiga kiritilgan oilalarning aʼzolariga mazkur bandning birinchi xatboshisida belgilangan yigʻimning 75 foizi miqdorida chegirma qoʻllaniladi. Bunda chegirma Ijtimoiy reyestrning:

“davlat taʼminotidagi oila” yoki “kambagʻal oila” toifasidan “kambagʻallik chegarasidagi oila” toifasiga oʻtkazilgan oilalarga, ularning ilgari belgilangan toifasiga muvofiq miqdorda;

ogʻir hayotiy vaziyatga tushgan oila sifatida “kambagʻallik chegarasidagi oila” toifasiga kiritilgan oilalarga “kambagʻal oila” toifasidagi oila uchun belgilangan miqdorda qoʻllaniladi”;

uchinchi — yettinchi xatboshilar tegishlicha beshinchi — toʻqqizinchi xatboshilar deb hisoblansin;

b) 10-bandda:

toʻqqizinchi xatboshi quyidagi mazmundagi toʻqqizinchi — oʻn birinchi xatboshilar bilan almashtirilsin:

“Ijtimoiy reyestrning “kambagʻal oila” toifasiga kiritilgan oilalarning aʼzolariga, shuningdek, I va II guruh nogironligi boʻlgan shaxslarga mazkur bandda belgilangan yigʻimlarning 50 foizi miqdorida, Ijtimoiy reyestrning “davlat taʼminotidagi oila” toifasiga kiritilgan oilalarning aʼzolariga mazkur bandda belgilangan yigʻimlarning 75 foizi miqdorida chegirma qoʻllaniladi. Bunda chegirma Ijtimoiy reyestrning:

“davlat taʼminotidagi oila” yoki “kambagʻal oila” toifasidan “kambagʻallik chegarasidagi oila” toifasiga oʻtkazilgan oilalarga, ularning ilgari belgilangan toifasiga muvofiq miqdorda;

ogʻir hayotiy vaziyatga tushgan oila sifatida “kambagʻallik chegarasidagi oila” toifasiga kiritilgan oilalarga “kambagʻal oila” toifasidagi oila uchun belgilangan miqdorda qoʻllaniladi”;

oʻninchi xatboshi oʻn ikkinchi xatboshi deb hisoblansin.

30. Vazirlar Mahkamasining “Kichik hajmli kemalardan xavfsiz foydalanishni taʼminlash chora-tadbirlari toʻgʻrisida” 2021-yil 2-avgustdagi 484-son qarorida:

a) 1-ilovaning 13-bandida:

uchinchi xatboshi quyidagi mazmundagi uchinchi — beshinchi xatboshilar bilan almashtirilsin:

“Ijtimoiy reyestrning “kambagʻal oila” toifasiga kiritilgan oilalarning aʼzolariga, shuningdek, I va II guruh nogironligi boʻlgan shaxslarga toʻlovning 50 foizi miqdorida, Ijtimoiy reyestrning “davlat taʼminotidagi oila” toifasiga kiritilgan oilalarning aʼzolariga 75 foizi miqdorida chegirma qoʻllaniladi (tadbirkorlik faoliyati maqsadlarida yoki yuridik shaxslar vakili sifatida murojaat qilingan holatlar bundan mustasno). Bunda chegirma Ijtimoiy reyestrning:

“davlat taʼminotidagi oila” yoki “kambagʻal oila” toifasidan “kambagʻallik chegarasidagi oila” toifasiga oʻtkazilgan oilalarga, ularning ilgari belgilangan toifasiga muvofiq miqdorda;

ogʻir hayotiy vaziyatga tushgan oila sifatida “kambagʻallik chegarasidagi oila” toifasiga kiritilgan oilalarga “kambagʻal oila” toifasidagi oila uchun belgilangan miqdorda qoʻllaniladi”;

toʻrtinchi xatboshi oltinchi xatboshi deb hisoblansin;

b) 2-ilovaning 19-bandida:

uchinchi xatboshi quyidagi mazmundagi uchinchi — beshinchi xatboshilar bilan almashtirilsin:

“Ijtimoiy reyestrning “kambagʻal oila” toifasiga kiritilgan oilalarning aʼzolariga, shuningdek, I va II guruh nogironligi boʻlgan shaxslarga toʻlovning 50 foizi miqdorida, Ijtimoiy reyestrning “davlat taʼminotidagi oila” toifasiga kiritilgan oilalarning aʼzolariga 75 foizi miqdorida chegirma qoʻllaniladi (tadbirkorlik faoliyati maqsadlarida yoki yuridik shaxslar vakili sifatida murojaat qilingan holatlar bundan mustasno). Bunda chegirma Ijtimoiy reyestrning:

“davlat taʼminotidagi oila” yoki “kambagʻal oila” toifasidan “kambagʻallik chegarasidagi oila” toifasiga oʻtkazilgan oilalarga, ularning ilgari belgilangan toifasiga muvofiq miqdorda;

ogʻir hayotiy vaziyatga tushgan oila sifatida “kambagʻallik chegarasidagi oila” toifasiga kiritilgan oilalarga “kambagʻal oila” toifasidagi oila uchun belgilangan miqdorda qoʻllaniladi”;

toʻrtinchi xatboshi oltinchi xatboshi deb hisoblansin.

31. Vazirlar Mahkamasining 2021-yil 18-avgustdagi 527-son qarori bilan tasdiqlangan Oʻzbekiston Respublikasi Iqtisodiyot va moliya vazirligi huzuridagi Taʼlim kreditini moliyalashtirish jamgʻarmasi hisobidan tijorat banklari orqali oliy, oʻrta maxsus va professional taʼlim tashkilotlarida toʻlov-kontrakt asosida oʻqish uchun taʼlim kreditlarini ajratish tartibi toʻgʻrisidagi nizomda:

a) 21-bandning uchinchi xatboshisidagi “Ijtimoiy himoya yagona reyestri”ga” soʻzlari “Ijtimoiy reyestrga” soʻzlari bilan almashtirilsin;

b) 24-band quyidagi tahrirda bayon etilsin:

“24. Ijtimoiy reyestrga kiritilgan oilalarning talaba farzandlari uchun 2024/2025 oʻquv yilidan boshlab oliy taʼlim tashkilotlarida fanlarni oʻzlashtirishning oʻrtacha koʻrsatkichi (GPA (grade point average) koʻrsatkichi) “3,5” va undan yuqori boʻlganda, keyingi oʻquv yili uchun foizsiz taʼlim krediti ajratiladi.

Bunda oliy taʼlim tashkilotlarida taʼlim olayotgan Ijtimoiy reyestrga kiritilgan oilalarning talaba farzandlari Oʻzbekiston Respublikasi Prezidenti huzuridagi Ijtimoiy himoya milliy agentligining “Ijtimoiy reyestr” axborot moduli orqali aniqlanadi hamda mazkur axborot moduli Oliy taʼlim, fan va innovatsiyalar vazirligining “Oliy taʼlim jarayonlarini boshqarish” (NEMIS) axborot tizimiga oʻzaro integratsiya qilinadi”;

v) 18-bandning “v” — “g” kichik bandlaridagi “Ijtimoiy himoya yagona reyestri”ga” soʻzlari “Ijtimoiy reyestrga” soʻzlari bilan almashtirilsin.

32. Vazirlar Mahkamasining “Minimal isteʼmol xarajatlari qiymatini hisoblash tartibini amaliyotga joriy etish toʻgʻrisida” 2021-yil 27-avgustdagi 544-son qarori 2-bandining ikkinchi xatboshisidagi “2022-yildan boshlab, “Ijtimoiy himoya yagona reyestri” axborot tizimi orqali oilani kam taʼminlangan deb eʼtirof etish” soʻzlari “oilani Ijtimoiy reyestrga kiritish” soʻzlari bilan almashtirilsin.

33. Vazirlar Mahkamasining 2021-yil 31-avgustdagi 551-son qarori bilan tasdiqlangan Oliy taʼlim muassasalarida xalqaro munosabatlar sohasida tahsil olayotgan talabalarning ishlab chiqarish amaliyotini Oʻzbekiston Respublikasining xorijdagi muassasalarida tashkil etish toʻgʻrisidagi nizomning 14-bandi uchinchi xatboshisidagi “Ijtimoiy himoya yagona reyestri”ga” soʻzlari “Ijtimoiy reyestrga” soʻzlari bilan almashtirilsin.

34. Vazirlar Mahkamasining 2021-yil 31-avgustdagi 555-son qarori bilan tasdiqlangan Yuridik va jismoniy shaxslarni elektr tarmoqlariga ulash boʻyicha davlat xizmatlari koʻrsatishning maʼmuriy reglamentida:

a) 11-bandda:

toʻrtinchi xatboshi quyidagi mazmundagi toʻrtinchi — oltinchi xatboshilar bilan almashtirilsin:

“Davlat xizmatlari markazlari yoki YIDXP orqali davlat xizmati koʻrsatilganda Ijtimoiy reyestrning “kambagʻal oila” toifasiga kiritilgan oilalarning aʼzolariga, shuningdek, I va II guruh nogironligi boʻlgan shaxslarga mazkur bandda belgilangan yigʻimning 50 foizi miqdorida, Ijtimoiy reyestrning “davlat taʼminotidagi oila” toifasiga kiritilgan oilalarning aʼzolariga belgilangan yigʻimning 75 foizi miqdorida chegirma qoʻllaniladi. Bunda chegirma Ijtimoiy reyestrning:

“davlat taʼminotidagi oila” yoki “kambagʻal oila” toifasidan “kambagʻallik chegarasidagi oila” toifasiga oʻtkazilgan oilalarga, ularning ilgari belgilangan toifasiga muvofiq miqdorda;

ogʻir hayotiy vaziyatga tushgan oila sifatida “kambagʻallik chegarasidagi oila” toifasiga kiritilgan oilalarga “kambagʻal oila” toifasidagi oila uchun belgilangan miqdorda qoʻllaniladi”;

beshinchi xatboshi yettinchi xatboshi deb hisoblansin;

b) 21-bandning ikkinchi xatboshi quyidagi mazmundagi ikkinchi — toʻrtinchi xatboshilar bilan almashtirilsin:

“Davlat xizmatlari markazlari yoki YIDXP orqali davlat xizmati koʻrsatilganda Ijtimoiy reyestrning “kambagʻal oila” toifasiga kiritilgan oilalarning aʼzolariga, shuningdek, I va II guruh nogironligi boʻlgan shaxslarga mazkur bandning birinchi xatboshida belgilangan yigʻimning 50 foizi miqdorida, Ijtimoiy reyestrning “davlat taʼminotidagi oila” toifasiga kiritilgan oilalarning aʼzolariga belgilangan yigʻimning 75 foizi miqdorida chegirma qoʻllaniladi. Bunda chegirma Ijtimoiy reyestrning:

“davlat taʼminotidagi oila” yoki “kambagʻal oila” toifasidan “kambagʻallik chegarasidagi oila” toifasiga oʻtkazilgan oilalarga, ularning ilgari belgilangan toifasiga muvofiq miqdorda;

ogʻir hayotiy vaziyatga tushgan oila sifatida “kambagʻallik chegarasidagi oila” toifasiga kiritilgan oilalarga “kambagʻal oila” toifasidagi oila uchun belgilangan miqdorda qoʻllaniladi”.

35. Vazirlar Mahkamasining 2021-yil 17-sentabrdagi 585-son qarori bilan tasdiqlangan Ijtimoiy ehtiyojmand oila vakillari, yetim yoki ota-onasining qaramogʻidan mahrum boʻlgan talaba xotin-qizlarning oliy taʼlim olishini moddiy jihatdan qoʻllab-quvvatlash tartibi toʻgʻrisidagi nizomning 5-bandi “a” kichik bandi quyidagi tahrirda bayon etilsin:

“a) Ijtimoiy reyestrga kiritilgan oilalardagi xotin-qizlar”.

36. Vazirlar Mahkamasining 2021-yil 12-oktabrdagi 638-son qarori bilan tasdiqlangan Jismoniy, aqliy, sensor yoki ruhiy nuqsonlari boʻlgan bolalar uchun davlat ixtisoslashtirilgan taʼlim muassasalari toʻgʻrisida nizomda:

nomi quyidagi tahrirda bayon etilsin:

“Alohida taʼlim ehtiyojlari boʻlgan bolalar uchun davlat ixtisoslashtirilgan taʼlim muassasalari toʻgʻrisida

NIZOM”;

1-banddagi “jismoniy, aqliy, sensor yoki ruhiy nuqsonlari boʻlgan bolalarning (keyingi oʻrinlarda — alohida taʼlim ehtiyojlari boʻlgan bolalar) taʼlim tizimini” soʻzlari “alohida taʼlim ehtiyojlari boʻlgan bolalarning taʼlim olishi, kasbiy tayyorgarligini taʼminlashni” soʻzlari bilan almashtirilsin;

3-band quyidagi tahrirda bayon etilsin:

“3. Ixtisoslashtirilgan taʼlim muassasalari taʼlim-tarbiya berish, oʻquvchilarni umumiy oʻrta taʼlim muassasalarida inklyuziv sharoitda oʻqishga tayyorlash, korreksion (tuzatuvchi) pedagogik yordam koʻrsatish, kasb oʻrgatish va sogʻlomlashtirish muassasalari hisoblanadi.

Ixtisoslashtirilgan taʼlim muassasalari alohida taʼlim ehtiyojlari boʻlgan bolalarning umumiy oʻrta taʼlim olishda va ularni bilish imkoniyatlarning xilma-xilligini hisobga olgan holda tarbiyalash, korreksion pedagogik yordam koʻrsatish, kasb oʻrgatish orqali ularni jamiyatga moslashuvi va ijtimoiy integratsiyalashuviga koʻmaklashish hamda ularga taʼlim berishda yordam koʻrsatish maqsadida tashkil etiladi”;

5-banddagi “vakolatli davlat organi tomonidan” soʻzlari “qonunchilik hujjatlarida belgilangan tartibda” soʻzlari bilan almashtirilsin;

2-bobning nomidagi “muassasalarining” soʻzidan keyin “turlari va ularning” soʻzlari bilan toʻldirilsin;

6 — 8-bandlar quyidagi tahrirda bayon etilsin:

“6. Quyidagilar ixtisoslashtirilgan taʼlim muassasalarining umumiy va yoʻnalishlar boʻyicha asosiy vazifalari hisoblanadi:

a) umumiy vazifalar:

Agentlik tomonidan taʼlim sohasidagi respublika ijro etuvchi hokimiyat organlari bilan kelishilgan holda tasdiqlangan alohida taʼlim ehtiyojlari boʻlgan bolalarni oʻqitish maxsus oʻquv dasturlari talablari asosida bilim olishi va kasb oʻrganishini taʼminlash;

shaxsga va ijtimoiy yoʻnaltirilgan taʼlim jarayonida oʻquvchilarning eng maqbul rivojlanishini taʼminlash maqsadida tabaqalashtirilgan va individual (yakka tartibda) taʼlimni tashkil etish;

shaxsiy, ijtimoiy hayotda va mehnat faoliyatida oʻquvchilarda vatanparvarlik, maʼnaviy-axloqiy va madaniy qadriyatlarga hurmat tuygʻusini tarbiyalash;

oʻquvchilarni umumiy oʻrta taʼlim muassasalarida inklyuziv taʼlim sharoitida oʻqishga tayyorlash;

oʻquvchilarning ijtimoiy, hissiy rivojlanishi, hayotiy koʻnikmalarining shakllanishi uchun zarur korreksion (tuzatuvchi)-rivojlantiruvchi taʼlim muhitini yaratish;

oʻquvchilarga taʼlim-tarbiya berish jarayonida ularning ruhiy holati va salomatligini tizimli kuzatilishini tashkil etish;

ota-onalar bilan hamkorlikda har bir oʻquvchining individual rivojlanish dasturini ishlab chiqish va bosqichma-bosqich amalga oshirish;

bitiruvchilarni oʻqishga yoki ishga joylashishiga koʻmaklashish;

oʻquvchilarni ijtimoiylashtirish, mustaqillikni shakllantirish va jamiyatga integratsiya qilish;

alohida taʼlim ehtiyojlari boʻlgan oʻquvchilar bilan ishlaydigan pedagoglar uchun Agentlik koʻmagida stajirovkalarni va malaka oshirish kurslarini tashkil etish;

alohida taʼlim ehtiyojlari boʻlgan bolalarga ixtisoslashtirilgan maktab, maktab-internatlarda qisqa muddatli taʼlim va tarbiya berishga moʻljallangan “Gʻamxoʻrlik” guruhlarini tashkil etish;

b) eshitishida nuqsoni boʻlgan bolalar uchun maktab va maktab-internatlar boʻyicha:

eshitishida nuqsoni boʻlgan oʻquvchilarning maxsus taʼlim ehtiyojlarini inobatga olgan holda davlat taʼlim standartlariga muvofiq umumiy oʻrta taʼlim olishi uchun zarur sharoit yaratish;

tugʻma yoki orttirilgan eshitish yoʻqotilishi natijasida yuzaga kelgan taʼlim va nutq rivojlanishidagi buzilishlarni korreksiya qilish;

oʻquvchilarda ogʻzaki nutqni lablardan oʻqish, artikulyatsion mashqlar va vizual tayanadigan vositalardan foydalanish orqali tushunish koʻnikmalarini shakllantirish;

oʻquvchilarda eshitishni rivojlantirish va eshitish-nutq muloqotini shakllantirish maqsadida zamonaviy audiologik va yordamchi texnologiyalardan (eshitish apparatlari, koxlear implantlar, FM-tizimlari va boshqalar) foydalanish koʻnikmalarini shakllantirish;

oʻquvchilarning individual imkoniyatlardan kelib chiqib, multimodal yondashuvlardan foydalangan holda ularda ogʻzaki va ishorali nutqni rivojlantirish hamda qoʻllab-quvvatlash;

oʻquvchilarning eshitish qobiliyati, nutq shakllanishi darajasi, kognitiv va psixologik xususiyatlardan kelib chiqqan holda taʼlim jarayonini individuallashtirish;

kasbiy yoʻnalishni aniqlash, mehnat taʼlimi va mustaqil hayot koʻnikmalarini rivojlantirish orqali jamiyatga integratsiyalashuvga tayyorlash;

v) koʻrishida nuqsoni boʻlgan bolalar uchun “Nurli maskan” ixtisoslashtirilgan maktab va maktab-internatlar boʻyicha:

koʻzi ojiz bolalarga davlat taʼlim standartlari asosida umumiy oʻrta taʼlim berish, bosma matn oʻrniga Brayl alifbosi orqali oʻqish va yozishga oʻrgatish;

oʻquvchilarning oʻquv materiallarini koʻrish nuqsonini bartaraf etuvchi maxsus vositalar (relyefli-nuqtali yozuv, tiflotexnika vositalari, ekranli oʻquv qurilmalari, ovozli sintezatorlar) orqali oʻzlashtirishlarini taʼminlash;

yoʻnalishni aniqlash va erkin harakatlanish (yoʻnalishni his qilish va mobillik) boʻyicha mashgʻulotlar oʻtkazish, oʻquvchilarni hassa (tayoqcha)dan foydalanishga oʻrgatish;

boshqa tana aʼzolari orqali axborotni qabul qilish qobiliyatini rivojlantirish, shuningdek, koʻzi ojiz oʻquvchilarning nutqiy va ijodiy salohiyatini yuzaga chiqarish;

zaif koʻruvchi oʻquvchilarga ularning koʻrish imkoniyatlariga moslashtirilgan shaklda umumtaʼlim dasturlarini (katta shriftli matnlar, yorqin vizual qoʻllanmalar) taqdim etish;

oʻquvchilarning koʻrish qobiliyatini saqlash va rivojlantirish uchun tibbiy-pedagogik korreksion tadbirlarni amalga oshirish, koʻz uchun mashqlar va gigiyenik koʻnikmalarni shakllantirish, rang va shakllarni farqlash qobiliyatini oshirish;

g) tayanch-harakat apparatida nuqsoni boʻlgan bolalar uchun maktab va maktab-internatlar boʻyicha:

jismoniy imkoniyati cheklangan oʻquvchilarga umumiy oʻrta taʼlimni individual yondashuv asosida tashkil etish, oʻquv dasturlarini ularning fiziologik holatiga moslashtirgan holda amalga oshirish;

oʻquvchilarning mavjud jismoniy salohiyatini maksimal darajada rivojlantirish, ularda hayot kechirish (oʻz-oʻziga xizmat koʻrsatish, protezlar yoki texnik yordam vositalari orqali harakatlanish) koʻnikmalarini shakllantirish;

reabilitatsion mashgʻulotlar (davolovchi jismoniy tarbiya, massaj, fizioterapiya) orqali oʻquvchilarning sogʻligini yaxshilash va ortopedik nuqsonlarni imkon qadar bartaraf etish;

harakatlanishdagi cheklovlar sababli kelib chiqadigan psixologik qiyinchiliklarni yengib oʻtishga koʻmaklashish, oʻquvchilarning ijtimoiy faolligini oshirish;

d) ruhiy va aqliy rivojlanishida nuqsoni boʻlgan bolalar uchun maktab va maktab-internatlar boʻyicha:

oʻquvchilarning ruhiy rivojlanishidagi sustlikni bartaraf etishga qaratilgan maxsus taʼlim-tarbiya berish, ularni umumtaʼlim fanlarini oʻzlashtirishga bosqichma-bosqich tayyorlash;

oʻquvchilarning diqqat, xotira, tafakkur kabi ruhiy funksiyalarini rivojlantirish uchun maxsus pedagogik texnologiyalarni qoʻllash;

taʼlim jarayonini soddalashtirilgan shaklda tashkil etish, oʻquvchilarda oʻziga boʻlgan ishonch va mustaqil oʻqish koʻnikmasini oshirish;

aqli zaif bolalarga savod chiqarish va oddiy hisob-kitob amallarini oʻrgatish orqali bazaviy bilim va koʻnikmalarni shakllantirish;

oʻquvchilarning kundalik hayotda zarur oʻz-oʻziga xizmat koʻrsatish va sodda mehnat amallarini bajarish koʻnikmalarini singdirish;

oʻquvchilarning mavjud oʻziga xos qobiliyatlarini (rassomlik, hunarmandchilik, tikuvchilik va boshqalar) aniqlash va ularni rivojlantirish orqali oʻquvchilarni kelgusida foydali mehnat faoliyatiga tayyorlash;

aqli zaif oʻquvchilarga psixologik-pedagogik yordam koʻrsatish, ularning ijtimoiy moslashuvi uchun qulay shart-sharoit yaratish;

e) koʻp funksional inklyuziv-resurs maktablar boʻyicha:

alohida taʼlim ehtiyojlari boʻlgan oʻquvchilarning individual xususiyatlari va ehtiyojlarini inobatga olgan holda ishchi oʻquv dasturlari va taʼlim trayektoriyalarini ishlab chiqish hamda joriy etish;

alohida taʼlim ehtiyojlari boʻlgan oʻquvchilarni inklyuziv taʼlim muhitiga tayyorlash maqsadida inklyuziv taʼlim modelini tajribadan oʻtkazish, joriy etish va doimiy takomillashtirish boʻyicha tavsiyalar ishlab chiqish;

alohida taʼlim ehtiyojlari boʻlgan oʻquvchilar uchun maxsus adaptiv texnologiya vositalari va oʻqitish metodlarini tajriba-sinovdan oʻtkazish;

alohida taʼlim ehtiyojlari boʻlgan oʻquvchilarni individual rivojlanishi va imkoniyatlaridan kelib chiqib, akademik va professional (kasb-hunar, ijod, adaptiv sport) yoʻnalishlarga ixtisoslashtirish;

alohida taʼlim ehtiyojlari boʻlgan oʻquvchilar, shuningdek, ijtimoiy himoya va moddiy yordamga muhtoj oilalarga farzandlarining professional va hayotiy koʻnikmalarini shakllantirish hamda rivojlantirish maqsadida darsdan tashqari oʻquv kurslari, shu jumladan pullik oʻquv kurslari, shuningdek, ular uchun reabilitatsiya xizmatlarini koʻrsatish;

alohida taʼlim ehtiyojlari boʻlgan oʻquvchilarning ota-onalari (ularning oʻrnini bosuvchi shaxslar) bilan hamkorlik oʻrnatish va ular uchun zarur psixologik va metodik yordam koʻrsatib borish uchun oʻquv-kurslarni yoʻlga qoʻyish;

j) koʻp tarmoqli ixtisoslashtirilgan maktablar boʻyicha:

turli nogironlik toifalaridagi oʻquvchilarning oila muhitida tarbiyalanishini taʼminlash maqsadida ularning yashash joyi yaqinida taʼlim olish imkoniyatini yaratish;

har bir bolaning individual ehtiyojlarini hisobga olgan holda taʼlim dasturlarini shakllantirish, ularni zarur korreksion xizmatlar bilan qamrab olish;

turli nogironlik toifalaridagi oʻquvchilarga taʼlim berishni bir muassasa doirasida birlashtirish orqali resurslar va mutaxassislardan samarali foydalanish;

psixologik-pedagogik xulosa asosida maxsus yoʻnaltirilgan mashgʻulotlar tashkil etish, maxsus taʼlim texnologiyalari va resurslardan foydalanish;

bolaning rivojlanishi va taʼlim jarayonini muntazam monitoring qilish va baholab borish;

oʻquvchilar oʻrtasida hamkorlik va doʻstlik muhitini shakllantirish, ularning bir-birini tushunishi va birgalikda ijtimoiy faoliyatlarda ishtirok etishini qoʻllab-quvvatlash.

7. Ixtisoslashtirilgan taʼlim muassasasi Oʻzbekiston Respublikasi Prezidenti huzuridagi Ijtimoiy himoya milliy agentligi (keyingi oʻrinlarda — Agentlik) tomonidan Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan kelishgan holda tashkil etiladi hamda hududiy tegishlilik boʻyicha Davlat xizmatlari markazi tomonidan roʻyxatga olinadi.

8. Ixtisoslashtirilgan taʼlim muassasasi Agentlikning Qoraqalpogʻiston Respublikasi, viloyatlar va Toshkent shahar boshqarmalari (keyingi oʻrinlarda — hududiy boshqarmalar) va sogʻliqni saqlash boshqarmalari tomonidan hududdagi alohida taʼlim ehtiyojlari boʻlgan bolalarning mavjud kontingentini birgalikda oʻrganib chiqish yakunlari boʻyicha Agentlik tomonidan tashkil etiladi”;

9-bandda:

birinchi xatboshi chiqarib tashlansin;

ikkinchi xatboshi birinchi deb hisoblansin;

10, 49, 51, 52, 54 va 60-bandlar oʻz kuchini yoʻqotgan deb hisoblansin;

11-banddan “hududiy xalq taʼlimi boshqarmalari va Qoraqalpogʻiston Respublikasi Moliya vazirligi, viloyatlar va Toshkent shahar moliya boshqarmalarining ijobiy xulosalari mavjud boʻlgan taqdirda,” soʻzlari chiqarib tashlansin;

13 — 15-bandlar quyidagi tahrirda bayon etilsin:

“13. I va II turdagi ixtisoslashtirilgan taʼlim muassasalarida kar bolalar zaif eshituvchi (keyinchalik kar boʻlgan) bolalardan hamda koʻzi ojiz bolalar zaif koʻruvchi bolalardan alohida sinflarda taʼlim oladi.

14. Maktab-internat tipidagi ixtisoslashtirilgan taʼlim muassasalarida (tayanch-harakat apparatida nuqsoni boʻlgan bolalar uchun maktab-internatlar hamda ruhiy va aqliy rivojlanishida nuqsoni boʻlgan bolalar uchun maktab-internatlar bundan mustasno) bolalarni maktabga tayyorlash maqsadida bir yil muddatli tayyorlov sinflari tashkil etilishi mumkin.

Tayyorlov sinflarida bolalarni oʻqitish maxsus oʻquv dasturlari asosida olib boriladi.

15. Ixtisoslashtirilgan taʼlim muassasalarida oʻquvchilar soni I — IV turdagilar uchun 250 nafardan, V-VI turdagilar uchun 300 nafardan oshmasligi kerak.

Oʻquvchilar soni belgilangan meʼyordan oshishiga sanitariya qoidalari, normalari va gigiyena normativlariga muvofiq, ixtisoslashtirilgan taʼlim muassasasining oʻquvchilar bilan toʻldirilish sigʻimidan kelib chiqib Oʻzbekiston Respublikasi Sogʻliqni saqlash vazirligi bilan kelishgan holda Agentlikning roziligi asosida yoʻl qoʻyiladi”;

16-bandda:

birinchi xatboshidagi “6 yoshdan” soʻzlari “6 yoshga toʻladigan yilda” soʻzlari bilan almashtirilsin;

ikkinchi xatboshidagi “ikki yilga” soʻzlari “besh yilgacha” soʻzlari bilan almashtirilsin;

17-bandning birinchi xatboshisidan “Oʻzbekiston Respublikasi Prezidenti huzuridagi Ijtimoiy himoya milliy agentligining hududiy boshqarmalari” soʻzlari “hududiy boshqarmalar” soʻzlari bilan almashtirilsin;

19-band quyidagi tahrirda bayon etilsin:

“19. Bolalarni ixtisoslashtirilgan taʼlim muassasasiga qabul qilish oʻquv yili davomida psixologik-tibbiy-pedagogik komissiya xulosasiga asosan ixtisoslashtirilgan taʼlim muassasasi direktorining buyrugʻi bilan rasmiylashtiriladi”;

22-band quyidagi tahrirda bayon etilsin:

“22. Ixtisoslashtirilgan taʼlim muassasalariga quyidagi toifadagi bolalar qabul qilinadi:

eshitishda nuqsoni boʻlgan bolalar;

koʻrishda nuqsoni boʻlgan bolalar;

tayanch-harakat apparatida nuqsoni boʻlgan bolalar;

ruhiy va aqliy rivojlanishida nuqsoni boʻlgan bolalar;

murakkab nuqsonli bolalar (rivojlanishida ikki va undan ortiq nuqsonlari boʻlgan bolalar).

Koʻp funksiyali inklyuziv-korreksion maktablarda bolalarning integratsiyasini taʼminlash maqsadida mazkur bandda nazarda tutilgan toifadagi bolalar bilan birga sogʻlom bolalar qabul qilinadi”;

24-bandda:

ikkinchi xatboshi quyidagi tahrirda bayon etilsin:

“ogʻir darajadagi, chuqur aqliy zaifligi boʻlgan bolalar”;

oltinchi xatboshidagi “epileptik” soʻzi “(bir oyda besh martadan ortiq)” soʻzlari bilan almashtirilsin;

sakkizinchi xatboshidagi “va Oʻzbekiston Respublikasi Prezidenti huzuridagi Ijtimoiy himoya milliy agentligi” soʻzlari “yoki Agentlik” soʻzlari bilan almashtirilsin;

25 — 28-bandlar quyidagi tahrirda bayon etilsin:

“25. Alohida taʼlim ehtiyojlari boʻlgan bolalarning taʼlim olishi quyidagi tamoyillar asosida amalga oshiriladi:

alohida taʼlim ehtiyojlari boʻlgan oʻquvchilarda fundamental umumtaʼlim savodxonlik va hayotiy koʻnikmalarni shakllantirish, ularni umumiy oʻrta taʼlimning inklyuziv muhitiga tayyorlash;

oʻquvchilarning imkoniyatlari va oʻziga xos xususiyatlarini inobatga olgan holda maxsus yondashuv asosida taʼlim va tarbiya jarayonini tashkil etish;

oʻquv-tarbiya va kasb oʻrgatish jarayonini tashkil etishda tabaqalashtirilgan yondashuvni amalga oshirish.

26. Ixtisoslashtirilgan taʼlim muassasasida oʻqitish, tarbiyalash va kasb oʻrgatish jarayoni oʻquvchilarning alohida xususiyatlarini hisobga olgan holda har bir oʻquvchi uchun individual taʼlim rejasi asosida tashkil etiladi. Oʻquvchilarning bilimlari ulardagi nuqsonlarning oʻziga xosligini hisobga olgan holda belgilangan tartibda baholanadi.

Taʼlim-tarbiya jarayoni davlat taʼlim standartlari va davlat taʼlim talablariga muvofiq olib boriladi.

27. Oʻqish va dam olish koʻzda tutiladigan kun tartibi bolalarning ixtisoslashtirilgan taʼlim muassasasida yashashini hisobga olgan holda tashkil etiladi.

28. Pedagogik-korreksion taʼlim jarayoni ixtisoslashtirilgan taʼlim muassasalarining pedagogik kengashlari tomonidan ishlab chiqilgan yillik reja asosida, pedagoglar tomonidan taʼlim jarayonida foydalaniladigan metodikalar tarkibida darslarda, sinfdan tashqari va boshqa tadbirlarda amalga oshiriladi”;

30-band quyidagi tahrirda bayon etilsin:

“30. Ixtisoslashtirilgan taʼlim muassasasida rivojlanishdagi nuqsonlarni tuzatish maqsadida quyidagi tartibda korreksion mashgʻulotlar kichik guruh (3-4 nafar oʻquvchi), yalpi guruh (sinfdagi barcha oʻquvchilar) bilan yoki yakka tartibda (1 nafar oʻquvchi) olib boriladi:

32-bandning izoh qismi quyidagi mazmundagi ikkinchi xatboshi bilan toʻldirilsin:

“Sinfda bolalar soni belgilangan maksimal meʼyordan koʻp boʻlib, bolalar soni alohida sinf tashkil etish meʼyoriga yetmagan hollarda ular bitta sinfda oʻqitiladi va maksimal meʼyordan koʻp bolalarni oʻqitganlik uchun qoʻshimcha haq toʻlovlari amalga oshirilmaydi”;

33 va 34-bandlar quyidagi tahrirda bayon etilsin:

“33. Oʻquv yili davomida qoʻshimcha sinflarni ochish Agentlikning ruxsatiga muvofiq, hududiy boshqarmalarning taqdimotlari boʻyicha amalga oshiriladi.

34. Ixtisoslashtirilgan maktab-internatlardagi tarbiya guruhlarida va ixtisoslashtirilgan maktablardagi kuni uzaytirilgan guruhlarda bolalar soni quyidagicha belgilanadi:

35-bandning ikkinchi xatboshisidagi “intellektual rivojlanishida nuqsonlari boʻlgan bolalar uchun (yordamchi) maktablar, maktab-internatlar)” soʻzlari “(ruhiy va aqliy rivojlanishda nuqsoni boʻlgan bolalar)” soʻzlari bilan almashtirilsin;

37-band quyidagi tahrirda bayon etilsin:

“37. Oʻquvchilarni bir ixtisoslashtirilgan taʼlim muassasasidan boshqa ixtisoslashtirilgan taʼlim muassasasiga yoki inklyuziv sharoitda taʼlim olishi uchun umumtaʼlim tashkilotlariga oʻtkazish ushbu Nizomga ilovaga muvofiq oʻquvchilarning ota-onalari yoki ularning oʻrnini bosuvchi shaxslarning arizasiga asosan psixologik-tibbiy-pedagogik komissiyaning xulosasiga koʻra oʻquv yili davomida amalga oshiriladi.

Bunda oʻquvchini qabul qilayotgan taʼlim muassasasining roziligi va taʼlim berish imkoniyatlari inobatga olinadi”;

quyidagi mazmundagi 401-band bilan toʻldirilsin:

“401. Oʻquvchilarning rivojlanishidagi xususiyatlari, fanlarni oʻzlashtirishi, ijtimoiy va shaxsiy rivojlanishini rejalashtirish, muvofiqlashtirish va kuzatib borish maqsadida Ixtisoslashtirilgan taʼlim muassasalarida har bir oʻquvchi uchun individual rivojlanish xaritasi yuritiladi.

Ixtisoslashtirilgan taʼlim muassasalarida har bir oʻquvchi uchun individual rivojlanish xaritasini yuritish tartibi Agentlik tomonidan belgilanadi”;

41-band “imkoniyatlari va qiziqishlarini” soʻzlaridan keyin “hamda oʻqitiladigan kasblarning dolzarbiligini” soʻzlari bilan toʻldirilsin;

42 — 44-bandlar quyidagi tahrirda bayon etilsin:

“42. Ixtisoslashtirilgan taʼlim muassasalarida oʻquvchilarning aqliy, jismoniy va ijodiy qobiliyatlarini rivojlantirish uchun taʼlim muassasasining imkoniyatlariga koʻra turli toʻgaraklar, teatrlar, klublar, studiyalar, seksiyalar tashkil etiladi.

43. Ixtisoslashtirilgan taʼlim muassasalarida majburiy umumiy oʻrta taʼlim 11 yillik, ruhiy va aqliy rivojlanishda nuqsoni boʻlgan bolalar uchun maktab, maktab-internatlarda 9 yillik muddatda amalga oshiriladi.

44. Ixtisoslashtirilgan taʼlim muassasasida oʻqituvchi va tarbiyachi lavozimida korreksion pedagogika va defektologiya sohasi boʻyicha oliy maʼlumotli maxsus pedagoglar (surdopedagogika, tiflopedagogika, oligofrenopedagogika va logopediya mutaxassislari), eshitishida nuqsoni boʻlgan bolalar uchun ixtisoslashtirilgan taʼlim muassasalarining oʻqituvchi lavozimiga dars oʻtiladigan imo-ishora tilini biladigan pedagoglar, shuningdek, ixtisoslashtirilgan taʼlim muassasasining faoliyat turi (sohasi) boʻyicha tegishli qayta tayyorlashdan oʻtgan mutaxassis xodimlar faoliyat yuritadi”;

46-bandning ikkinchi xatboshisidagi “tibbiy-mehnat ekspert” soʻzlari “tibbiy-ijtimoiy ekspertiza” soʻzlari bilan almashtirilsin;

48-band quyidagi tahrirda bayon etilsin:

“48. Alohida taʼlim ehtiyojlari boʻlgan bolalarni sogʻlomlashtirishga yoʻnaltirilgan sogʻlomlashtirish, reabilitatsiya qilish, kasallik va unga hamroh xastaliklar xurujining oldini olish, salomatligini yaxshilash, sanitariya-gigiyena va profilaktika tadbirlari ixtisoslashtirilgan taʼlim muassasasining tibbiyot xodimlari tomonidan amalga oshiriladi”;

53-banddagi tegishli kelishikdagi “bola” soʻzi “oʻquvchi” soʻzi bilan almashtirilsin;

61-band quyidagi tahrirda bayon etilsin:

“61. Ixtisoslashtirilgan taʼlim muassasalarida quyidagi hollarda oʻquvchilar uchun sutka davomida ishlaydigan guruhlar tashkil etiladi:

oʻquvchining yashash joyi (xonadoni) bilan ixtisoslashtirilgan taʼlim muassasasi orasidagi masofa 30 kilometrdan ortiq boʻlsa;

oʻquvchining ota-onasi yoki ularning oʻrnini bosuvchi shaxslar, aka yoki ukasi yoxud opa yoki singlisi I va II guruh nogironligi boʻlgan shaxslar hisoblansa”;

quyidagi mazmundagi 611-band bilan toʻldirilsin:

“611. Ixtisoslashtirilgan taʼlim muassasalarida oʻquv haftasining davomiyligi — 6 kun, boshlangʻich sinflarda — 5 kunni tashkil etadi.

Oʻquvchilarning yakshanba (boshlangʻich sinflar uchun shanba va yakshanba), bayram va taʼtil kunlarida ixtisoslashtirilgan taʼlim muassasalarida boʻlishiga yoʻl qoʻyilmaydi”;

66-band quyidagi tahrirda bayon etilsin:

“66. Ixtisoslashtirilgan taʼlim muassasasining tarbiyachisi rivojlanishdagi nuqsonlarni korreksiyalash ishlarida oʻqituvchi ishlarini davom ettiradi, jismoniy yoki ruhiy nuqsonlar sababli yuzaga keladigan ruhiy yoki jismoniy rivojlanish xususiyatlarini eʼtiborga olgan holda oʻquvchilarga individual yondashuvni amalga oshiradi, oʻquvchining rivojlanish xaritasini yuritadi, oʻz guruhidagi oʻquvchilarning hayoti va salomatligi saqlanishi uchun javob beradi”;

69 — 73-bandlar quyidagi tahrirda bayon etilsin:

“69. Ixtisoslashtirilgan taʼlim muassasasiga bevosita rahbarlik qilish Agentlik bilan kelishgan holda hududiy boshqarmalar tomonidan tayinlanadigan direktor tomonidan amalga oshiriladi.

Ixtisoslashtirilgan taʼlim muassasasi direktori bilan bir yil muddatga mehnat shartnomasi tuziladi. Bir yil davomida faoliyati qoniqarli deb topilgan taʼlim muassasasi direktori bilan kelgusi mehnat shartnomasi nomuayyan muddatga tuzilishi hamda ixtisoslashtirilgan taʼlim muassasasining xarajatlar smetasida nazarda tutilgan moddiy ragʻbatlantirish jamgʻarmasi mablagʻlari doirasida, bir oylik ish haqi miqdorida bir yilda bir martalik mukofot puli toʻlanishi mumkin.

Ixtisoslashtirilgan taʼlim muassasasi direktori lavozimiga Agentlik hamda Oʻzbekiston Respublikasi Kambagʻallikni qisqartirish va bandlik vazirligi tomonidan belgilangan malakaviy talablar qoʻyiladi.

70. Ixtisoslashtirilgan taʼlim muassasasida psixologik-tibbiy-pedagogik kengashi, metodik hamda kuzatuv kengashlari tashkil etiladi va faoliyat yuritadi hamda ularning faoliyati tartibi Agentlik tomonidan belgilanadi.

Direktor ixtisoslashtirilgan taʼlim muassasasining psixologik-tibbiy-pedagogik kengashi va hududiy boshqarma oldida hisob beradi.

71. Ixtisoslashtirilgan taʼlim muassasalari faoliyatini moliyalashtirish qonunchilik hujjatlarida belgilangan tartibda:

Oʻzbekiston Respublikasi Davlat budjetidan ajratilgan mablagʻlar;

jismoniy va yuridik shaxslarning xayr-ehsonlari va maqsadli badallari;

Oʻzbekiston Respublikasi Prezidenti huzuridagi Ijtimoiy himoya milliy agentligining Ijtimoiy himoya davlat jamgʻarmasi mablagʻlari;

binolar, inshootlar va asbob-uskunalarni ijaraga berish hisobidan tushgan mablagʻlar;

qonunchilik hujjatlarida taqiqlanmagan boshqa manbalar hisobiga amalga oshiriladi.

72. Ixtisoslashtirilgan taʼlim muassasalari qonunchilik hujjatlarida belgilangan tartibda tasdiqlangan xarajatlar smetalari asosida moliyalashtiriladi.

73. Shtatlar jadvali Iqtisodiyot va moliya vazirligi, Kambagʻallikni qisqartirish va bandlik vazirligi bilan kelishgan holda Agentlik direktori tomonidan tasdiqlangan namunaviy shtatlarga muvofiq tasdiqlanadi”;

76-band quyidagi tahrirda bayon etilsin:

“76. Ixtisoslashtirilgan taʼlim muassasalarida oʻquvchilarni oʻqitish qonunchilik hujjatlariga muvofiq davlat taʼminoti asosida amalga oshiriladi.

Ixtisoslashtirilgan taʼlim muassasalarida oʻquvchilarni gigiyena vositalari va yumshoq anjomlar bilan taʼminlash meʼyorlari Oʻzbekiston Respublikasi Iqtisodiyot va moliya vazirligi hamda Agentlik tomonidan belgilanadi.

Ixtisoslashtirilgan taʼlim muassasalarida oʻquvchilarni oʻqitish va tarbiyalash uchun ota-onalardan yoki ularning oʻrnini bosuvchi shaxslardan toʻlov undirilmaydi”;

quyidagi mazmundagi 761-762-bandlar bilan toʻldirilsin:

“761. Ixtisoslashtirilgan taʼlim muassasasida asosiy vositalar va tovar-moddiy boyliklarni, boʻsh turgan binolarni ijaraga berishdan, ishlab chiqarilgan mahsulotlarni sotishdan, koʻrsatilgan taʼlim xizmatlaridan tushgan mablagʻlar muassasaning rivojlantirish jamgʻarmasi shaxsiy gʻazna hisobvaraqlarida 100 foiz qoladi va ular tomonidan mustaqil ravishda tasarruf qilinadi.

762. Ixtisoslashtirilgan taʼlim muassasasini rivojlantirish jamgʻarmasi mablagʻlari:

jamgʻarmaga oylik, choraklik yoki yillik tushgan mablagʻlar boʻyicha (maqsadli homiylik xayriyalaridan tashqari) jami tushumdan oʻn foizgacha boʻlgan miqdori ixtisoslashtirilgan taʼlim muassasasi rahbari, oʻrinbosarlari va bosh hisobchilarini moddiy ragʻbatlantirishga;

ixtisoslashtirilgan taʼlim muassasasining moddiy-texnika bazasini mustahkamlash tadbirlariga;

kasb oʻrgatish va ishlab chiqarish uchun zarur xom-ashyolarni qonunchilik hujjatlarida belgilangan tartibda xarid qilishga;

jami tushgan tushumlarning 70 foizgacha boʻlgan qismi ixtisoslashtirilgan taʼlim muassasasining xodimlarini moddiy ragʻbatlantirish tadbirlariga sarflanadi”;

78-banddagi “moliya organlari” soʻzlari “Agentlik” soʻzi bilan almashtirilsin;

quyidagi mazmundagi 781-band bilan toʻldirilsin:

“781. Ixtisoslashtirilgan taʼlim muassasasi yer uchastkalarini foydalanishga berish, olib qoʻyish, yer uchastkalarining oʻlchami va chegaralarini oʻzgartirish Agentlik bilan kelishilgandan soʻng amalga oshiriladi”;

80-band quyidagi tahrirda bayon etilsin:

“80. Ixtisoslashtirilgan taʼlim muassasasini qayta tashkil etish yoki tugatish, qoidaga koʻra, oʻquv yili tugagach amalga oshiriladi, bunda, hududiy boshqarmalar ixtisoslashtirilgan taʼlim muassasalari direktorlari bilan birgalikda ota-onalar va ularning oʻrnini bosuvchi shaxslar bilan kelishgan holda oʻquvchilarni boshqa taʼlim muassasalariga koʻchirish masʼuliyatini oʻz zimmasiga oladi”.

37. Vazirlar Mahkamasining 2022-yil 25-yanvardagi 41-son qarori bilan tasdiqlangan Orolboʻyi mintaqasini ekologik innovatsiyalar va texnologiyalar hududiga aylantirish konsepsiyasining 5.4-bandi beshinchi xatboshisidagi “kam taʼminlangan” soʻzlari “Ijtimoiy reyestrga kiritilgan” soʻzlari bilan almashtirilsin.

38. Vazirlar Mahkamasining 2022-yil 14-fevraldagi 71-son qarori bilan tasdiqlangan Oʻzbekiston Respublikasi fuqarolari va yuridik shaxslariga doimiy foydalanish (egalik qilish), ijara va meros qilib qoldiriladigan umrbod egalik qilish huquqi asosida tegishli boʻlgan yer uchastkalarini xususiylashtirish boʻyicha davlat xizmatlari koʻrsatishga doir maʼmuriy reglamentining 9-bandida:

uchinchi xatboshi quyidagi mazmundagi uchinchi — beshinchi xatboshilar bilan almashtirilsin:

“Agarda ariza Ijtimoiy reyestrning “kambagʻal oila” toifasiga kiritilgan oilalarning aʼzosi yoki I va II guruh nogironligi boʻlgan shaxs tomonidan berilgan holda, bunday shaxslarning arizalari boʻyicha ushbu bandning birinchi va ikkinchi xatboshilarida koʻrsatilgan yigʻimdan 50 foiz miqdorida, Ijtimoiy reyestrning “davlat taʼminotidagi oila” toifasiga kiritilgan oilalarning aʼzolariga 75 foiz miqdorida chegirma qoʻllanadi (tadbirkorlik faoliyati maqsadlarida yoki yuridik shaxslar vakili sifatida murojaat qilingan holatlar bundan mustasno). Bunda chegirma Ijtimoiy reyestrning:

“davlat taʼminotidagi oila” yoki “kambagʻal oila” toifasidan “kambagʻallik chegarasidagi oila” toifasiga oʻtkazilgan oilalarga, ularning ilgari belgilangan toifasiga muvofiq miqdorda;

ogʻir hayotiy vaziyatga tushgan oila sifatida “kambagʻallik chegarasidagi oila” toifasiga kiritilgan oilalarga “kambagʻal oila” toifasidagi oila uchun belgilangan miqdorda qoʻllaniladi”;

toʻrtinchi xatboshi oltinchi xatboshi deb hisoblansin.

39. Vazirlar Mahkamasining 2022-yil 16-fevraldagi 73-son qarori bilan tasdiqlangan Chet tilini bilish darajasini aniqlash boʻyicha davlat xizmatlari koʻrsatishning maʼmuriy reglamentida:

a) 10-bandda:

beshinchi xatboshi quyidagi mazmundagi beshinchi — yettinchi xatboshilar bilan almashtirilsin:

“Ijtimoiy reyestrning “kambagʻal oila” toifasiga kiritilgan oilalarning aʼzolariga, shuningdek, I va II guruh nogironligi boʻlgan shaxslarga hamda nogironligi boʻlgan bolalarga mazkur davlat xizmatini koʻrsatishda belgilangan toʻlovning 50 foizi miqdorida, Ijtimoiy reyestrning “davlat taʼminotidagi oila” toifasiga kiritilgan oilalarning aʼzolariga belgilangan toʻlovning 75 foizi miqdorida chegirma qoʻllaniladi. Bunda chegirma Ijtimoiy reyestrning:

“davlat taʼminotidagi oila” yoki “kambagʻal oila” toifasidan “kambagʻallik chegarasidagi oila” toifasiga oʻtkazilgan oilalarga, ularning ilgari belgilangan toifasiga muvofiq miqdorda;

ogʻir hayotiy vaziyatga tushgan oila sifatida “kambagʻallik chegarasidagi oila” toifasiga kiritilgan oilalarga “kambagʻal oila” toifasidagi oila uchun belgilangan miqdorda qoʻllaniladi”;

oltinchi-yettinchi xatboshilar tegishlicha sakkizinchi-toʻqqizinchi xatboshilar deb hisoblansin;

b) 2-ilovaning 9-pozitsiyasi birinchi ustunidagi “Ijtimoiy himoya yagona reyestri” axborot tizimida roʻyxatga olingan shaxslar” soʻzlari “Ijtimoiy reyestrga kiritilgan oilalar aʼzolari” soʻzlari bilan almashtirilsin.

40. Vazirlar Mahkamasining “Xotin-qizlar muammolarini oʻrganish va hal etish tizimini yanada takomillashtirish chora-tadbirlari toʻgʻrisida” 2022-yil 31-martdagi 145-son qarorida:

a) 4-bandning “a” kichik bandi ikkinchi-uchinchi xatboshilaridagi “Kambagʻal oilalar reyestriga” soʻzlari “Ijtimoiy reyestrga” soʻzlari bilan almashtirilsin;

b) 1-ilovada:

1-banddagi “kam taʼminlangan” soʻzlari “Ijtimoiy reyestrga kiritilgan oila aʼzosi boʻlgan” soʻzlari bilan almashtirilsin;

2-bandning oltinchi xatboshisi chiqarib tashlansin;

9-bandning uchinchi xatboshisidagi “Ijtimoiy himoya yagona reyestri” axborot tizimida kam taʼminlangan oila sifatida roʻyxatga olingan” soʻzlari “Ijtimoiy reyestrga kiritilgan” soʻzlari bilan almashtirilsin;

34-bandning beshinchi xatboshisidagi va 35-bandning birinchi xatboshisidagi “kambagʻal” soʻzi “Ijtimoiy reyestrga kiritilgan” soʻzlari bilan almashtirilsin;

v) 2-ilovada:

2-banddagi, 41-bandning birinchi xatboshisidagi, 42-banddagi, 13-bandning uchinchi xatboshisidagi “Kambagʻal oilalar reyestriga” soʻzlari “Ijtimoiy reyestrga” soʻzlari bilan almashtirilsin;

7-bandning ikkinchi xatboshisi quyidagi tahrirda bayon etilsin:

“Ijtimoiy reyestrga kiritilgan oilalarning 30 yoshdan oshgan xotin-qizlariga — individual reja asosida”;

1-ilovada:

7-pozitsiyaning uchinchi ustuni toʻrtinchi va oltinchi xatboshilaridagi “Kambagʻal oilalar reyestriga” soʻzlari “Ijtimoiy reyestrga” soʻzlari bilan almashtirilsin;

izoh qismi ikkinchi xatboshisidagi “Kambagʻal” soʻzi “Ijtimoiy reyestrga kiritilgan” soʻzlari bilan almashtirilsin;

2-ilovaning nomidagi va 2 — 4-pozitsiyalarining uchinchi ustunidagi “Kambagʻal oilalar reyestriga” soʻzlari “Ijtimoiy reyestrga” soʻzlari bilan almashtirilsin;

3-ilovaning 2 va 4-pozitsiyalari uchinchi ustunidagi “Kambagʻal oilalar reyestriga” soʻzlari “Ijtimoiy reyestrga” soʻzlari bilan almashtirilsin;

4-ilovaning 2-pozitsiyasi uchinchi ustunidagi “Kambagʻal oilalar reyestriga” soʻzlari “Ijtimoiy reyestrga” soʻzlari bilan almashtirilsin;

5-ilovaning 2-pozitsiyasi uchinchi ustunidagi “Kambagʻal oilalar reyestriga” soʻzlari “Ijtimoiy reyestrga” soʻzlari bilan almashtirilsin;

7-ilovaning 2, 4, 7-pozitsiyalarining uchinchi ustunidagi “Kambagʻal oilalar reyestriga” soʻzlari “Ijtimoiy reyestrga” soʻzlari bilan almashtirilsin.

41. Vazirlar Mahkamasining “Respublika velosport mahorat maktab-internati faoliyatini tashkil etish chora-tadbirlari toʻgʻrisida” 2022-yil 1-iyundagi 294-son qarorining 5-bandi sakkizinchi xatboshisidagi “Ijtimoiy himoya yagona reyestri” axborot tizimi yoki “Kambagʻal oilalar reyestri” axborot moduliga” soʻzlari “Ijtimoiy reyestrga” soʻzlari bilan almashtirilsin.

42. Vazirlar Mahkamasining “Yangi Oʻzbekiston” universitetining iqtidorli talabalariga davlat grantini berish tartibi hamda Oʻzbekiston Respublikasida faoliyat yuritayotgan xorijiy oliy taʼlim tashkilotlari va ularning filiallari hamda nodavlat oliy taʼlim tashkilotlariga toʻlov-kontrakt asosida oʻqishga kirgan Prezident maktablari bitiruvchilariga subsidiya berish tartibi toʻgʻrisidagi nizomlarni tasdiqlash haqida” 2022-yil 2-iyundagi 300-son qarorida:

https://neolex.uz/uz/laws/law-8031546