Toshkent shahrida oʻtkazilgan Markaziy Osiyo davlatlari va Koreya Respublikasi parlamentlari rahbarlarining uchinchi yigʻilishida erishilgan kelishuvlarni amalga oshirish boʻyicha chora-tadbirlar dasturi toʻgʻrisida (KQ-289-V-son)

15.01.2026

Oʻzbekicton Respublikasi Oliy Majlisi Senati Kengashining

qarori

“Oʻzbekiston Respublikasi Oliy Majlisining Senati toʻgʻrisida”gi Konstitutsiyaviy Qonunning 16-moddasiga asosan Oʻzbekiston Respublikasi Oliy Majlisi Senatining Kengashi qaror qiladi:

1. Toshkent shahrida oʻtkazilgan Markaziy Osiyo davlatlari va Koreya Respublikasi parlamentlari rahbarlarining uchinchi yigʻilishida erishilgan kelishuvlarni amalga oshirish boʻyicha chora-tadbirlar dasturi (keyingi oʻrinlarda — Chora-tadbirlar dasturi) ilovaga muvofiq tasdiqlansin.

2. Oʻzbekiston Respublikasi Oliy Majlisi Senatining qoʻmitalari:

Chora-tadbirlar dasturida nazarda tutilgan vazifalarning oʻz vaqtida bajarilishini nazoratga olsin;

Chora-tadbirlar dasturidagi vazifalarning bajarilishi yuzasidan mutasaddi vazirlik va idoralar bilan birga muhokamalar tashkil etilishini taʼminlasin.

3. Oʻzbekiston Respublikasi Vazirlar Mahkamasi Chora-tadbirlar dasturidagi vazifalarning belgilangan muddatlarda va toʻliq bajarilishini taʼminlasin hamda amalga oshirilgan ishlar boʻyicha Oliy Majlis Senatiga har chorak yakunida axborot taqdim etib borsin.

4. Mazkur Qarorning ijrosini nazorat qilish Oʻzbekiston Respublikasi Oliy Majlisi Senati Raisining birinchi oʻrinbosari S. Safoyev zimmasiga yuklansin.

5. Ushbu Qaror qabul qilingan kundan eʼtiboran kuchga kiradi.

Oʻzbekiston Respublikasi Oliy Majlisi Senatining Raisi T. NARBAYEVA

Toshkent sh.,

2026-yil 15-yanvar,

KQ-289-V-son

Oʻzbekiston Respublikasi Oliy Majlisi Senati Kengashining 2026-yil 15-yanvardagi KQ-289-V-sonli qaroriga ILOVA

Toshkent shahrida oʻtkazilgan Markaziy Osiyo davlatlari va Koreya Respublikasi parlamentlari rahbarlarining uchinchi yigʻilishida erishilgan kelishuvlarni amalga oshirish boʻyicha

CHORA-TADBIRLAR DASTURI