Oʻzbekiston Respublikasi Hukumatining ayrim qarorlariga oʻzgartirishlar va qoʻshimchalar kiritish toʻgʻrisida (310-son)

23.07.1998

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Oliy Majlisining “Yangi tahrirdagi “Aholini ish bilan taʼminlash toʻgʻrisida”gi Oʻzbekiston Respublikasi Qonunini amalga kiritish haqida” 1998-yil 1-maydagi qaroriga muvofiq Vazirlar Mahkamasi qaror qiladi:

1. Oʻzbekiston Respublikasi Hukumatining ayrim qarorlariga kiritiladigan ilova qilinayotgan oʻzgartirish va qoʻshimchalar tasdiqlansin.

2. Oʻzbekiston Respublikasi Mehnat vazirligi:

oʻz normativ hujjatlarini yangi tahrirdagi “Aholini ish bilan taʼminlash toʻgʻrisida”gi Oʻzbekiston Respublikasi Qonuniga va mazkur qarorga muvofiqlashtirilsin;

yangi tahrirdagi “Aholini ish bilan taʼminlash toʻgʻrisida”gi Oʻzbekiston Respublikasi Qonunining alohida moddalarini qoʻllash yuzasidan yoʻriqnoma va tavsiyanomalar ishlab chiqsin hamda tasdiqlasin.

3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari B. S. Hamidov zimmasiga yuklansin.

Oʻzbekiston Respublikasi Bosh vaziri Oʻ. SULTONOV

Toshkent sh.,

1998-yil 23-iyul,

310-son

Vazirlar Mahkamasining 1998-yil 23-iyuldagi 310-son qarori bilan TASDIQLANGAN

Oʻzbekiston Respublikasi Hukumatining ayrim qarorlariga kiritiladigan

oʻzgartirish va qoʻshimchalar

1. Oʻzbekiston Respublikasi Vazirlar Mahkamasining “Aholini ish bilan taʼminlash toʻgʻrisida”gi Oʻzbekiston Respublikasi Qonunini amalga oshirish chora-tadbirlari toʻgʻrisida” 1992-yil 13-maydagi 235-son qarori (Oʻzbekiston Respublikasi QT, 1992-y., 5-son, 18-modda)dagi:

a) qaror va unga ilova matnlaridagi mehnat birjalariga koʻrsatma mehnat organlariga koʻrsatmalar bilan almashtirilsin;

b) qarorning 1-bandi toʻrtinchi xatboshidagi “kvotalash tartibi toʻgʻrisida” soʻzlari “qilish uchun ishchi oʻrinlarining eng kam miqdorini belgilash tartibi toʻgʻrisida” soʻzlari bilan almashtirilsin;

e) 4-ilovaning 5-bandi quyidagi tahrirda bayon qilinsin:

“Birinchi navbatda rivojlantirilishi kerak boʻlgan hududlar har yili joylardagi davlat hokimiyati organlari tomonidan belgilanadi”;

j) 5-ilovaning:

uchinchi xatboshidagi “hunar-texnika bilim yurtlaridagi, oʻquv-kurs kombinatlarida, texnika maktablarida” soʻzlari “taʼlim muassasalarida” soʻzlari bilan almashtirilsin;

toʻrtinchi xatboshidagi “yuqorida sanab oʻtilgan oʻquv yurtlari” soʻzlari “taʼlim muassasalari” soʻzlari bilan almashtirilsin;

yettinchi xatboshi “Mehnat vazirligi va uning joylaridagi boʻlinmalarining Davlat ish bilan taʼminlash xizmati” soʻzlari “Mehnat vazirligi va uning joylaridagi boʻlinmalari” soʻzlari bilan almashtirilsin;

sakkizinchi xatboshidan “Xalq taʼlim vazirligi” soʻzlari chiqarib tashlansin;

oʻninchi xatboshigi “mahalliy boshqaruv organlari” soʻzlari “joylardagi davlat hokimiyati organlari” soʻzlari bilan almashtirilsin;

7. Oʻzbekiston Respublikasi Vazirlar Mahkamasining “Kam taʼminlangan oilalarni ijtimoiy himoyalashni tashkil etish masalalari haqida” 1994-yil 24-avgustdagi 434-son qarori (Oʻzbekiston Respublikasi QT, 1994-y., 8-son, 40-modda)ga ilovaning 12-bandi uchinchi xatboshidagi “mehnat birjasida” soʻzlari “mehnat boʻlimida” soʻzlari bilan almashtirilsin.

8. Oʻzbekiston Respublikasi Vazirlar Mahkamasining “Bolali oilalarni ijtimoiy qoʻllab-quvvatlashni kuchaytirish chora-tadbirlari toʻgʻrisida” 1996-yil 10-dekabrdagi 437-son qarori (Oʻzbekiston Respublikasi QT, 1996-y., 12-son, 35-modda) matnidagi mehnat birjalariga koʻrsatmalar mehnat organlariga koʻrsatmalar bilan almashtirilsin.

9. Oʻzbekiston Respublikasi Vazirlar Mahkamasining “Oʻzbekiston Respublikasi Vazirlar Mahkamasining 1993-yil 11-martdagi 127-son qaroriga oʻzgartirish va qoʻshimchalar kiritish toʻgʻrisidagi” 1997-yil 7-apreldagi 175-son qarorining:

2-bandidagi “(mehnat birjalari)” soʻzlari chiqarib tashlansin;

4-bandning oltinchi xatboshidagi “band qilinadigan” soʻzlari “eng kam miqdorda” soʻzlari bilan almashtirilsin.