Ozarboyjon Respublikasida (Boku shahri) Oʻzbekiston Respublikasining elchixonasini ochish toʻgʻrisida (365-son)

25.08.1998

Oʻzbekiston Respublikasi Vazirlar Mahkamasining

qarori

Oʻzbekiston Respublikasi va Ozarboyjon Respublikasi oʻrtasida diplomatik munosabatlar oʻrnatish toʻgʻrisida 1995-yil 2-oktabrdagi Protokolga muvofiq Vazirlar Mahkamasi qaror qiladi:

1. Ozarboyjon Respublikasida (Boku shahri) Oʻzbekiston Respublikasining Elchixonasi taʼsis etilsin.

2. Elchixonaning shtat jadvali va 1998-yil uchun xarajatlar smetasi 1 va 2-ilovalarga* muvofiq tasdiqlansin.

Oʻzbekiston Respublikasi Moliya vazirligi xodimlar tarkibining butlanishiga qarab xarajatlar smetasiga muvofiq 1998-yil uchun zarur mablagʻlar ajratsin.

* 2-ilova berilmaydi.

3. Oʻzbekiston Respublikasi Tashqi ishlar vazirligi bir oy muddatda shtat jadvaliga muvofiq Elchixonaning diplomatik xodimlari tarkibini butlash uchun nomzodlar yuzasidan taklif kiritsin.

4. Oʻzbekiston Respublikasining Ozarboyjon Respublikasidagi Elchisi maishiy, tibbiy va transport xizmati koʻrsatish sharoitlariga koʻra Oʻzbekiston Respublikasi vaziriga tenglashtirilsin.

Vazirlar Mahkamasining Raisi I. KARIMOV

Toshkent sh.,

1998-yil 25-avgust,

365-son

Vazirlar Mahkamasining 1998-yil 25-avgustdagi 365-son qaroriga 1-ILOVA

Ozarboyjon Respublikasidagi (Boku shahri) Oʻzbekiston Respublikasi Elchixonasining

shtat jadvali