Tijorat banklari tomonidan fermer xoʻjaliklariga boʻlgʻusi hosilni garovga olgan holda kreditlar berish tartibi toʻgʻrisida nizomga qoʻshimchalar kiritish haqida (1337-1-son)

30.04.2005

OʻZBEKISTON RESPUBLIKASI MARKAZIY BANKI BOShQARUVINING

Qarori

[Oʻzbekiston Respublikasi Adliya vazirligi tomonidan 2005-yil 30-aprelda 1337-1-son bilan davlat roʻyxatidan oʻtkazildi]

Oʻzbekiston Respublikasining “Oʻzbekiston Respublikasi Markaziy banki toʻgʻrisida” va “Banklar va bank faoliyati toʻgʻrisida”gi qonunlari asosida Markaziy bank Boshqaruvi qaror qiladi:

1. “Tijorat banklari tomonidan fermer xoʻjaliklariga boʻlgʻusi hosilni garovga olgan holda kreditlar berish tartibi toʻgʻrisida nizom”ga (2004-yil 16-aprel, roʻyxat raqami 1337 — Oʻzbekiston Respublikasi Qonun hujjatlari toʻplami, 2004-yil, 15-son, 182-modda) ilovaga muvofiq qoʻshimchalar kiritilsin.

2. Ushbu qaror Oʻzbekiston Respublikasi Adliya vazirligida roʻyxatdan oʻtgan kundan oʻn kundan soʻng kuchga kiradi.

Markaziy bank Boshqaruvi raisi F. MULLAJONOV

Toshkent sh.,

2005-yil 9-aprel,

6/3-son

Markaziy bank Boshqaruvining 2005-yil 9-apreldagi 6/3-sonli qarori bilan TASDIQLANGAN

Tijorat banklari tomonidan fermer xoʻjaliklariga boʻlgʻusi hosilni garovga olgan holda kreditlar berish tartibi toʻgʻrisida nizomga kiritilayotgan qoʻshimchalar

1. 4-band quyidagi tahrirdagi yangi xatboshi bilan toʻldirilsin:

“Tijorat banklari ushbu kreditlar boʻyicha imtiyozli foiz stavkalari belgilash borasida qaror qabul qilish huquqiga egalar”.

2. 5-band beshinchi xatboshidan keyin quyidagi tahrirdagi yangi xatboshi bilan toʻldirilsin:

“Gʻalla hosilini oʻrish va paxta xomashyosi yigʻim-terimi xarajatlari uchun toʻlovlar”.

3. 10-band quyidagi tahrirdagi yangi xatboshi bilan toʻldirilsin:

“Bunda, ushbu Nizomning 5-bandida keltirilgan ekinlarni yetishtirish xarajatlarining har bir turini moliyalashtirish uchun beriladigan kreditlarning eng koʻp miqdorini Oʻzbekiston Respublikasi Moliya vazirligi hamda Qishloq va suv xoʻjaligi vazirligi tomonidan har yilgi hosil uchun tasdiqlangan agrotexkartalardan kelib chiqqan holda belgilash tavsiya etiladi”.

4. Mazkur qoʻshimchalar Oʻzbekiston Respublikasi Moliya vazirligi, Qishloq va suv xoʻjaligi vazirligi, Davlat mulkini boshqarish va tadbirkorlikni qoʻllab-quvvatlash qoʻmitasi, Yer resurslari, geodeziya, kartografiya va davlat kadastri davlat qoʻmitasi hamda Dehqon va fermer xoʻjaliklari uyushmasi bilan kelishilgan.

Moliya vaziri S. RAHIMOV

Toshkent sh.,

2005-yil 8-aprel

Qishloq va suv xoʻjaligi vaziri S. ISMOILOV

Toshkent sh.,

2005-yil 8-aprel

Davlat mulki qoʻmitasi raisi M. ASQAROV

Toshkent sh.,

2005-yil 8-aprel

Yer resurslari, geodeziya, kartografiya va davlat kadastri davlat qoʻmitasi raisi A. ABDUAZIZOV

Toshkent sh.,

2005-yil 8-aprel

Dehqon va fermer xoʻjaliklari uyushmasi raisi S. QOBILOV

Toshkent sh.,

2005-yil 8-aprel