Diplomatik korpus, xalqaro nohukumat hamda mahalliy nodavlat va notijorat tashkilotlar, ommaviy axborot vositalar vakillarini jazoni ijro etish tizimi muassasalariga tashrifini tashkillashtirish tartibi toʻgʻrisidagi yoʻriqnomani tasdiqlash haqida (1425-son)
20.11.2004
Oʻzbekiston Respublikasi Ichki ishlar vazirining
BUYRUgʻI
[Oʻzbekiston Respublikasi Adliya vazirligi tomonidan 2004-yil 20-noyabrda 1425-son bilan davlat roʻyxatidan oʻtkazildi]
Oʻzbekiston Respublikasi Vazirlar Mahkamasining 2004-yil 9-martdagi 12-3-54-sonli Tadbirlar rejasiga muvofiq buyuraman:
1. Diplomatik korpus, xalqaro nohukumat hamda mahalliy nodavlat va notijorat tashkilotlar, ommaviy axborot vositalar vakillarini jazoni ijro etish tizimi muassasalariga tashrifini tashkillashtirish tartibi toʻgʻrisidagi yoʻriqnoma ilovaga muvofiq tasdiqlansin.
2. Ushbu buyruq Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.
Ichki ishlar vaziri Z. ALMATOV
Toshkent sh.,
2004-yil 1-noyabr
Ichki ishlar vazirining 2004-yil 1-noyabrdagi buyrugʻi bilan TASDIQLANGAN
Diplomatik korpus, xalqaro nohukumat hamda mahalliy nodavlat va notijorat tashkilotlar, ommaviy axborot vositalar vakillarini jazoni ijro etish tizimi muassasalariga tashrifni tashkillashtirish tartibi toʻgʻrisida
YOʻRIQNOMA
I.Umumiy qoidalar
1. Mazkur Yoʻriqnoma, agarda Oʻzbekiston Respublikasi tomonidan imzolangan xalqaro bitimlarda boshqa tartib koʻzda tutilmagan boʻlsa, diplomatik korpus, xalqaro nohukumat hamda mahalliy nodavlat va notijorat tashkilotlar, ommaviy axborot vositalar vakillarini jazoni ijro etish tizimi muassasalariga tashrifi toʻgʻrisidagi tartibni belgilaydi.
2. Oʻzbekiston Respublikasi tomonidan imzolangan xalqaro shartnomalar va bitimlar, 1963-yildagi konsullik aloqalari toʻgʻrisidagi Vena Konvensiyasi, Oʻzbekiston Respublikasining Jinoyat-protsessual va Jinoyat-ijroiya kodekslari, mazkur Yoʻriqnoma, shuningdek jazoni ijro etish tizimi faoliyatini tashkillashtirish tartibini belgilovchi boshqa meʼyoriy-huquqiy hujjatlar jazoni ijro etish tizimi muassasalariga diplomatik korpus, xalqaro nohukumat hamda mahalliy nodavlat va notijorat tashkilotlar, xorijiy, respublika va mahalliy ommaviy axborot vositalar vakillarini tashrifiga asos boʻla oladi.
3. Diplomatik korpus, xalqaro nohukumat hamda mahalliy nodavlat va notijorat tashkilotlari, xorijiy, respublika va mahalliy ommaviy axborot vositalar vakillari tomonidan mazkur Yoʻriqnoma bilan belgilangan instansiyaga yuborilgan murojaati jazoni ijro etish tizimi muassasalariga tashrif uchun shartdir.
II. Diplomatik korpus, xalqaro nohukumat tashkilotlar va xorijiy ommaviy axborot vositalar vakillari tomonidan jazoni ijro etish tizimi muassasalariga tashrifni tashkillashtirish tartibi
4. Ozodlikdan mahrum qilish joylariga tashrif buyurish hamda u yerdagi shaxslarning saqlash sharoitlarini oʻrganish uchun diplomatik korpus, xalqaro nohukumat tashkilotlar va xorijiy ommaviy axborot vositalar vakillari Oʻzbekiston Respublikasi Tashqi ishlar vazirligiga1 tegishli murojaatnomani, Oʻzbekiston Respublikasi Adliya vazirligida2 roʻyxatdan oʻtgan tashkilotlar esa tegishligicha Adliya vazirligiga yuborilishi lozim.
Murojaatnomada tashrif kuni, maqsadi, tashrifda qatnashadigan shaxs (shaxslar), tashrif chogʻida uchrashmoqchi boʻlgan mahkum (mahkumlar)ning familiyasi, ismi, shuningdek boshqa zarur maʼlumotlar koʻrsatilishi lozim.
5. TIV yoki AV jazoni ijro etish muassasasiga tashrif haqidagi murojaatnomani olgach, uni qonunda belgilangan tartibda koʻrib chiqadi: akkreditatsiya bor yoʻqligini tekshiradi, tashrifning maqsadga muvofiqligini belgilaydi. Ushbu tadbirlarni bajarib boʻlgach, TIV (AV) besh kunlik muddat ichida murojaatnomaning nusxasini ilova qilgan holda Oʻzbekiston Respublikasi Ichki ishlar vazirligi Jazoni ijro etish bosh boshqarmasiga soʻrov xatini yuboradi va unda tegishli akkreditatsiya borligini, zarur hollarda esa — tashrif oʻtkazilishining maqsadga muvofiqligini koʻrsatadi.
Mansabdor konsul shaxslarning vakillik mamlakati fuqarolari boʻlgan mahkum yoki qamoqda saqlanayotganlar bilan uchrashuvni oʻtkazish maqsadga muvofiqligi toʻgʻrisidagi masala 1963-yildagi konsullik aloqalari toʻgʻrisidagi Vena Konvensiyasiga muvofiq koʻrib chiqilmaydi va ularning tashrifi haqidagi murojaatnomasi soʻzsiz ijobiy hal etiladi.
6. Qamoqqa olingan shaxs tergov, prokuratura yoki sud idoralari ixtiyorida boʻlgan hollarda, IIV JIEBB tomonidan murojaatnoma muallifining soʻrov xati tegishligicha tergov, prokuratura yoxud sud idoralariga yuboriladi va bu haqda TIV va AV ga maʼlum qilinadi.
7. IIV JIEBB tomonidan TIV (AV)ning murojaatnoma haqidagi tegishli xabari olingach koʻrib chiqiladi, zarur hollarda tekshiruv tadbirlari amalga oshiriladi (murojaatda qayd etilgan mahkumlar qayerdaligi aniqlanadi) va tashrifning maqsadga muvofiqligi belgilanadi.
8. Murojaatnomani koʻrib chiqish natijalari haqida IIV JIEBB muallifni xabardor qilish uchun TIV yoki AVga maʼlum qiladi.
Masala ijobiy hal etilgan holda, TIV yoki AVga tashrif kuni va soatini kelishish uchun aloqa telefon raqami beriladi, salbiy qaror qabul qilingan holda esa yozma ravishda asoslantirilgan rad javobi yuboriladi.
Rad javobga norozi tomon tegishli instansiyalar yoki sud orqali shikoyat keltirishi mumkin.
9. IIV JIEBBning tegishli javobini olgandan soʻng, TIV yoki AV besh kunlik muddatdan kechiktirilmagan holda murojaatnoma muallifiga natija haqida maʼlum qiladi.
10. Murojaatnoma muallifi TIV yoki AVdan javob xatini olgandan soʻng masala ijobiy hal etilgan holda, berilgan aloqa telefonlari orqali IIV JIEBBga murojaat qiladi va muassasaga tashrif kuni va soati boʻyicha tasdiq javobini oladi yoki tashrifning yangi sanasi va vaqti boʻyicha kelishiladi.
Tashrif buyuriladigan muassasalar tartibotli boʻlganligini inobatga olgan holda, muzokaralar davomida tashrif va uning natijalarini matbuotda chop etilishi mumkinligi boʻyicha masala oldindan kelishiladi.
11. Diplomatik korpus, xalqaro nohukumat tashkilotlar va xorijiy ommaviy axborot vositalari vakillarining jazoni ijro etish muassasalariga tashrifni tashkillashtirish va jazoni oʻtayotgan mahkumlarni saqlash sharoitlarini oʻrganish IIV JIEBB yoki hududiy jazoni ijro etish boshqarmasi (boʻlimi) tomonidan muassasa maʼmuriyati bilan birgalikda amalga oshiriladi.
12. Jazoni ijro etish muassasasi maʼmuriyati rejalashtirilayotgan tashrif toʻgʻrisida tegishli xabar olganidan soʻng, uni belgilangan muddatlarda oʻtkazilishini tashkillashtiradi.
IIV JIEBBning ixtiyoriga koʻra, tashrifda uning vakillari ham qatnashishi mumkin.
13. Diplomatik korpus, xalqaro nohukumat tashkilotlar va xorijiy ommaviy axborot vositalar vakillari tomonidan uyushtiriladigan tashrif hamda jazoni oʻtayotgan mahkumlarni saqlash sharoitlarini oʻrganish uchun vaqt chegaralanmaydi, ammo u jazoni ijro etish muassasalarining ichki tartib qoidalarini buzmasligi va kechki uyqudan (soat 22-00) ertalabki uygʻonishgacha (soat 06-00) boʻlgan vaqt mobaynida oʻtkazilmasligi lozim.
Tashrif buyurgan shaxslar jazoni ijro etish muassasalarining Ichki tartib qoidalarini buzgan hollarda, tashrif muddatidan avval tugatilishi va tartibbuzarlar muassasa hududidan chiqarib yuborilishi mumkin. Bu holda muassasa maʼmuriyati rasmiy ravishda IIV JIEBB yoki hududiy jazoni ijro etish boshqarmasi (boʻlimi)ga, shuningdek TIV yoki AV xabar qiladi.
14. Tashrif mobaynida diplomatik korpus, xalqaro nohukumat tashkilotlar va xorijiy ommaviy axborot vositalar vakillari tomonidan jazoni oʻtayotgan mahkumlar bilan uchrashuv ozodlikdan mahrum qilish tariqasidagi jazoni ijro etish muassasalarining Ichki tartib qoidalari talablariga binoan amalga oshiriladi.
Suhbat chogʻida, 1963-yildagi konsullik aloqalari toʻgʻrisidagi Vena konvensiyasida koʻzda tutilgan hollardan tashqari, qamoq va jazoni ijro etish joylarida qonunchilikka rioya qilish ustidan nazoratni amalga oshiruvchi prokuror, shuningdek mahkum va qamoqqa olinganlarga nisbatan sud-tergov jarayonini olib borayotgan idoralarining vakillari qatnashishi mumkin.
Mahkumlarni kino, foto, videotasvirga olish, ular bilan suhbatlar, audioyozuv olib borish (intervyu olish) faqatgina ularning yozma ravishdagi roziligi bilan amalga oshiriladi.
Mahkumlarning xavfsizligi va qoʻriqlanishini taʼminlovchi obyektlarni tasvirga tushirish (tashrifdan avval) IIV JIEBB yoki hududiy jazoni ijro etish boshqarmasi (boʻlimi)ning oldindan olingan ruxsati bilan amalga oshirilishi mumkin.
15. Qamoqqa olingan va ozodlikdan mahrum qilingan shaxslarni diplomatik korpus, xalqaro nohukumat tashkilotlar va xorijiy ommaviy axborot vositalar vakillari bilan uchrashuvi Oʻzbekiston Respublikasi Jinoyat-protsessual va Jinoyat-ijroiya kodekslarining talablariga asosan beriladigan uchrashuvlar hisobiga kiritilmasligi lozim.
16. Bunday tashriflarning uzluksizligi, agar Oʻzbekiston Respublikasi tomonidan imzolangan xalqaro shartnomalarda boshqa tartib nazarda tutilmagan boʻlsa, diplomatik korpus, xalqaro nohukumat tashkilotlarning soʻrovnomalari asosida IIV JIEBB tomonidan belgilanadi.
17. Jazoni oʻtayotgan mahkumlar tomonidan diplomatik korpus, xalqaro nohukumat tashkilotlar va xorijiy ommaviy axborot vositalar vakillari bilan uchrashuv yozma ravishda rad qilingan hollarda, jazoni ijro etish muassasa maʼmuriyati IIV JIEBB yoki hududiy jazoni ijro etish boshqarmasi (boʻlimi) ga xabar beradi.
18. Tashrif buyuruvchi tomonga ayrim maʼlumotlarni, shu jumladan muassasada jazoni oʻtayotgan mahkumlarning soni, ularning aniq toifalarini yoxud boshqa qiziqish uygʻotadigan maʼlumotlarni taqdim qilish masalasi IIV JIEBB yoki hududiy jazoni ijro etish boshqarmasi (boʻlimi) bilan dastlabki (tashrifdan avval) muzokaralar yoʻli bilan kelishiladi.
19. Diplomatik korpus, xalqaro nohukumat tashkilotlar va xorijiy ommaviy axborot vositalar vakillarining muassasalarga tashrif natijalari, saqlash sharoitlarini yaxshilash boʻyicha takliflari, shuningdek boshqa masalalar muassasa maʼmuriyati, IIV JIEBB yoki hududiy jazoni ijro etish boshqarmasi (boʻlimi) bilan birgalikda muhokama qilinishi mumkin.
20. Jazoni ijro etish muassasalariga tashrifning natijalari boʻyicha tomonlarning oʻzaro kelishuviga binoan hamkorlikda matbuot konferensiyalari, matbuotda chop etish va boshqa axborot-maʼrifiy tadbirlarni oʻtkazish mumkin.
Matbuotda chop etish tartibi, agarda xalqaro shartnomalarda boshqa tartib belgilanmagan boʻlsa, Oʻzbekiston Respublikasining 1997-yil 26-dekabrdagi “Ommaviy axborot vositalari toʻgʻrisida”gi va 2002-yil 12-dekabrdagi “Axborot erkinligining kafolatlari va tamoyillari toʻgʻrisida”gi qonunlari talablariga muvofiq amalga oshirilishi lozim.
III. Nodavlat va notijorat tashkilotlar, respublika hamda mahalliy ommaviy axborot vositalar vakillari tomonidan jazoni ijro etish tizimi muassasalariga tashrifni tashkillashtirish tartibi
21. Oʻzbekiston Respublikasi Adliya vazirligida tegishli roʻyxatdan oʻtkazilgan nodavlat va notijorat tashkilotlar4 , respublika hamda mahalliy ommaviy axborot vositalar vakillariga jazoni ijro etish tizimi muassasalariga tashrif uchun ruxsat berilishi mumkin.
22. NNT, respublika va mahalliy ommaviy axborot vositalar vakillari muassasalarga tashrif hamda ozodlikdan mahrum qilingan shaxslarni saqlash sharoitlarini oʻrganish borasida ruxsat olish uchun IIV JIEBB yoki hududiy jazoni ijro etish boshqarmasi (boʻlimi) lariga yozma murojaatni yuboradi.
Murojaatnomada tashrifning sanasi, maqsadi, aloqa telefon raqami, tashrif buyuruvchi shaxs (shaxslar) va tashrif mobaynida uchrashadigan mahkum (mahkumlar) ning familiyasi, ismi, shuningdek boshqa zarur (Oʻzbekiston Respublikasi Adliya vazirligida tegishli roʻyxatdan oʻtganligi, tashrif uyushtirilishi moʻljallangan muassasada qarindoshlari yoʻqligi va h.k.) maʼlumotlar koʻrsatilishi lozim.
23. Muassasaga tashrif buyurish toʻgʻrisidagi murojaatni olgach IIV JIEBB uni bir oy mobaynida qonun bilan belgilangan tartibda koʻrib chiqadi, Oʻzbekiston Respublikasi Adliya vazirligida roʻyxatdan oʻtgan-oʻtmaganligini tekshiradi, tashrifning maqsadga muvofiqligini belgilaydi, zarur boʻlsa tekshiruv tadbirlarni amalga oshiradi (murojaatda koʻrsatilgan mahkumlarni turgan joyini aniqlaydi va h.k.)
24. Murojaatnomani koʻrib chiqish natijasi boʻyicha IIV JIEBB oʻn kun muddat ichida muallifga maʼlum qiladi.
Masala ijobiy hal etilgan holda, tashrif kuni va soatini kelishish uchun aloqa telefon raqami beriladi, salbiy qaror qabul qilingan holda esa yozma ravishda asoslantirilgan rad javobi yuboriladi.
Rad javobidan norozi tomon tegishli instansiyalar yoki sud orqali shikoyat keltirishi mumkin.
25. Murojaat muallifi tegishli javob xatini olgandan soʻng masala ijobiy hal etilgan holda, berilgan aloqa telefonlari orqali IIV JIEBBga murojaat qiladi va muassasaga tashrif kuni hamda soati boʻyicha tasdiq javobini oladi yoki tashrifning yangi sanasi va vaqti boʻyicha kelishiladi.
Tashrif buyuriladigan muassasalar tartibotli boʻlganligini inobatga olgan holda, muzokaralar davomida tashrif va uning natijalarini matbuotda chop etilishi mumkinligi boʻyicha masala oldindan kelishiladi.
26. NNT, respublika va mahalliy ommaviy axborot vositalar vakillarining jazoni ijro etish muassasalariga tashrifini tashkillashtirish va jazoni oʻtayotgan mahkumlarni saqlash sharoitlarini oʻrganish IIV JIEBB yoki hududiy jazoni ijro etish boshqarmasi (boʻlimi) tomonidan muassasa maʼmuriyati bilan birgalikda amalga oshiriladi.
27. Jazoni ijro etish muassasaning maʼmuriyati rejalashtirilayotgan tashrif toʻgʻrisida tegishli xabar olgandan soʻng, uni belgilangan muddatlarda oʻtkazilishini tashkillashtiradi.
IIV JIEBBning ixtiyoriga koʻra, tashrifda uning vakillari ham qatnashishi mumkin.
28. NNT, respublika va mahalliy ommaviy axborot vositalar vakillari tomonidan uyushtiriladigan tashrif hamda jazoni oʻtayotgan mahkumlarni saqlash sharoitlarini oʻrganish uchun vaqt chegaralanmaydi, ammo u jazoni ijro etish muassasalarining ichki tartib qoidalarini buzmasligi va kechki uyqudan (soat 22-00) ertalabki uygʻonishgacha (06-00) boʻlgan vaqt mobaynida oʻtkazilmasligi lozim.
Tashrif buyurgan shaxslar jazoni ijro etish muassasalarining Ichki tartib qoidalarini buzgan hollarda, tashrif muddatidan avval tugatilishi va tartibbuzarlar muassasa hududidan chiqarib yuborilishi mumkin. Bu holda muassasa maʼmuriyati rasmiy ravishda IIV JIEBB yoki hududiy jazoni ijro etish boshqarmasi (boʻlimi)ga, shuningdek AVga xabar qiladi.
29. Tashrif mobaynida NNT, respublika va mahalliy ommaviy axborot vositalari vakillari tomonidan jazoni oʻtayotgan mahkumlar bilan uchrashuv ozodlikdan mahrum qilish tariqasidagi jazoni ijro etish muassasalarining Ichki tartib qoidalariga binoan amalga oshiriladi.
Suhbat chogʻida qamoq va jazoni ijro etish joylarida qonunchilikka rioya qilish ustidan nazoratni amalga oshiruvchi prokuror, shuningdek, mahkum va qamoqqa olinganlarga nisbatan sud — tergov jarayonini olib borayotgan idoralarining vakillari qatnashishi mumkin.
Mahkumlarni kino, foto, videotasvirga olish, ular bilan suhbatlar, audioyozuv olib borish (intervyu olish) faqatgina ularning yozma ravishdagi roziligi bilan amalga oshiriladi.
Mahkumlarning xavfsizligi va qoʻriqlanishini taʼminlovchi obyektlarni tasvirga tushirish (tashrifdan avval) IIV JIEBB yoki hududiy jazoni ijro etish boshqarmasi (boʻlimi)ning oldingan olingan ruxsati bilan amalga oshirilishi mumkin.
30. Qamoqqa olingan va ozodlikdan mahrum etilgan shaxslarni NNT, respublika va mahalliy ommaviy axborot vositalar vakillari bilan uchrashuvi Oʻzbekiston Respublikasi Jinoyat-protsessual va Jinoyat-ijroiya kodekslarining meʼyorlariga asosan beriladigan uchrashuvlar hisobiga kiritilmasligi lozim.
31. Jazoni oʻtayotgan mahkumlar tomonidan NNT, respublika va mahalliy ommaviy axborot vositalar vakillari bilan uchrashuv yozma ravishda rad qilingan hollarda, jazoni ijro etish muassasa maʼmuriyati IIV JIEBB yoki hududiy jazoni ijro etish boshqarmasi (boʻlimi)ga xabar beradi.
32. NNT, respublika va mahalliy ommaviy axborot vositalar vakillarining muassasalarga tashrif natijalari, saqlash sharoitlarini yaxshilash boʻyicha takliflari, shuningdek boshqa masalalar muassasa maʼmuriyati, IIV JIEBB yoki hududiy jazoni ijro etish boshqarmasi (boʻlimi) lari bilan birgalikda muhokama qilinishi mumkin.
33. Jazoni ijro etish muassasalariga tashrif natijalari boʻyicha, tomonlarning oʻzaro kelishuviga binoan, hamkorlikda matbuot konferensiyalari, matbuotda chop etish va boshqa axborot-maʼrifiy tadbirlarni oʻtkazish mumkin.
Matbuotda chop etish tartibi, agarda xalqaro shartnomalarda boshqa tartib belgilanmagan boʻlsa, Oʻzbekiston Respublikasining 1997-yil 26-dekabrdagi “Ommaviy axborot vositalari toʻgʻrisida”gi va 2002-yil 12-dekabrdagi “Axborot erkinligining kafolatlari va tamoyillari toʻgʻrisida”gi qonunlari talablariga muvofiq amalga oshirilishi lozim.
IV. Yakuniy qoidalar
34. Diplomatik korpus, xalqaro nohukumat tashkilotlari va xorijiy ommaviy axborot vositalari vakillarining ushbu Yoʻriqnomada koʻzda tutilgan masalalar boʻyicha yozma yoki ogʻzaki murojaatnomalari kelib tushgan hollarda, Oʻzbekiston Respublikasi IIV boshqarmalari va sohaviy xizmatlari:
a) yozma ravishdagi murojaatlarni zudlik bilan mazkur Yoʻriqnoma boʻyicha belgilangan tartibda koʻrib chiqilishi uchun Tashqi ishlar yoki Adliya vazirliklariga (murojaat muallifining tegishli akkreditatsiyasi yoki roʻyxatga olinganligiga qarab belgilanadi) yuborilishi;
b) ogʻzaki murojaatnoma kelib tushgan holda esa ularda qayd etilgan masala boʻyicha Tashqi ishlar yoki Adliya vazirliklariga murojaat etish muvofiqligi toʻgʻrisida tegishli tushuntirishlar berilishi lozim.
35. Mazkur Yoʻriqnoma Oʻzbekiston Respublikasining Bosh prokuraturasi, Milliy xavfsizlik xizmati va Tashqi ishlar vazirligi bilan kelishilgan.
Bosh prokuror R. KADIROV
Tashkent sh.,
2004-yil 27-oktabr
Milliy xavfsizlik xizmati raisi R. INOYATOV
Toshkent sh.,
2004-yil 27-oktabr
Tashqi ishlar vaziri S. SAFAYEV
Toshkent sh.,
2004-yil 27-oktabr