Xalqaro shartnomalarni tasdiqlash toʻgʻrisida (22-son)

15.01.2004

Oʻzbekiston Respublikasi Vazirlar Mahkamasining

qarori

“Oʻzbekiston Respublikasining xalqaro shartnomalar toʻgʻrisida”gi Oʻzbekiston Respublikasi Qonunining 20-moddasiga muvofiq, Vazirlar Mahkamasi qaror qiladi:

1. Quyidagilar:

2003-yil 8-dekabrda Kobul shahrida imzolangan Oʻzbekiston Respublikasi Hukumati bilan Afgʻoniston Oʻtish Islom Davlati oʻrtasida savdo-iqtisodiy hamkorlik toʻgʻrisidagi bitim;

2003-yil 8-dekabrda Kobul shahrida imzolangan Oʻzbekiston Respublikasi Hukumati bilan Afgʻoniston Oʻtish Islom Davlati oʻrtasida temir yoʻl transporti sohasida hamkorlik toʻgʻrisidagi bitim tasdiqlansin.

2. Oʻzbekiston Respublikasi Tashqi ishlar vazirligi Oʻzbekiston Respublikasi tomonidan mazkur xalqaro shartnomalarning kuchga kirishi uchun zarur boʻlgan davlat ichki tartib-taomillari bajarilganligi toʻgʻrisida tegishli bildirishnomalar yuborsin.

3. Oʻzbekiston Respublikasi Bosh vazirining oʻrinbosarlari hamda tegishli vazirlik va idoralarning rahbarlari ushbu xalqaro shartnomalar kuchga kirgandan keyin Oʻzbekiston Respublikasining majburiyatlari bajarilishi ustidan belgilangan tartibda nazoratni taʼminlasin.

Vazirlar Mahkamasining Raisi I. KARIMOV

Toshkent sh.,

2004-yil 15-yanvar,

22-son