Kasbiy taʼlim tizimida islohotlarni amalga oshirish chora-tadbirlari toʻgʻrisida (PQ-316-son)

23.10.2025

Oʻzbekiston Respublikasi Prezidentining

qarori

Oʻzbekiston Respublikasi Prezidentining 2025-yil 23-oktabrdagi “Kasbiy taʼlim tizimida boshqaruv samaradorligini oshirish chora-tadbirlari toʻgʻrisida”gi PF-190-son Farmoni ijrosini taʼminlash, kasbiy taʼlimda kadrlar tayyorlash sifatini oshirish, moddiy-texnika bazasini mustahkamlash, ish beruvchilar bilan hamkorlikni kengaytirish hamda jamiyatda kasbiy taʼlimning nufuzini oshirishga qaratilgan islohotlarni izchil amalga oshirish maqsadida qaror qilaman:

I. Maqsadli koʻrsatkichlar

1. Quyidagilar kasbiy taʼlim tizimini 2030-yilga qadar isloh qilishning asosiy maqsadli koʻrsatkichlari etib belgilansin:

(a) xalqaro va qoʻshma taʼlim dasturlari joriy etilgan texnikumlar sonini kamida 250 taga yetkazish;

(b) 9-sinf bitiruvchilarining kasbiy taʼlim bilan qamrovini amaldagi 29 foizdan 50 foizga yetkazish;

(v) kasbiy taʼlim tizimida dual taʼlim ulushini amaldagi 9 foizdan 40 foizga yetkazish;

(g) kasbiy sertifikatga ega ishlab chiqarish taʼlimi ustalari ulushini 30 foizga yetkazish;

(d) xorijda malaka oshirish va stajirovka oʻtash dasturlarida ishtirok etgan pedagoglar sonini 100 nafardan 2 500 nafarga yetkazish.

II. Kasbiy taʼlimni ommalashtirish

2. Belgilansinki, 2026/2027 oʻquv yilidan boshlab yoshlarni kasb-hunarga yoʻnaltirishning quyidagi tartibi joriy etiladi:

(a) “Atrofimizdagi kasblar” dasturi asosida maktabgacha taʼlim tashkilotlarida 5 yoshdan boshlab bolalarda oʻyinlar orqali turli kasblar haqida ilk tasavvurlar shakllantiriladi;

(b) “Kasblar alifbosi” dasturi asosida umumiy oʻrta taʼlim tashkilotlarining 1 — 4-sinf oʻquvchilariga turli kasblar ahamiyati haqida tushunchalar beriladi va ularning dastlabki kasbiy qiziqishlari rivojlantiriladi;

(v) “Kasblar olami” dasturi asosida 5-6-sinf oʻquvchilarining kasbiy faoliyat va mehnat sohalariga qiziqishlari rivojlantiriladi va kelajakdagi kasbiy tanlovga tayyorgarlikning asosi yaratiladi;

(g) “Mening kelajakdagi kasbim” dasturi asosida maktab maslahatchilari tomonidan 7 — 9-sinf oʻquvchilarining kasbiy qiziqishlari, qobiliyatlari va iqtidorlari aniqlanib, ularni akademik taʼlim yoki kasb-hunarga yoʻnaltirish ishlari tashkil etiladi. Bunda:

(i) oʻquvchilarga videoroliklar namoyishi, korxonalarga ekskursiyaga olib borish va kasb egalari bilan uchrashuvlar tashkil etish orqali kasblar haqida toʻliqroq maʼlumotlar beriladi;

(ii) maktab psixologlari bilan birgalikda 7-sinfdan boshlab oʻquvchilarning qiziqishlari, qobiliyatlari, shaxsiy xususiyatlari va temperamenti asosida kasbga qiziqishi aniqlanadi;

(iii) oʻquvchilarning kasbga qiziqishiga oid maʼlumotlar asosida har bir oʻquvchi uchun shaxsiy kasbga yoʻnaltirish tavsiyasi ishlab chiqiladi hamda bu masala oʻquvchilarning ota-onasi bilan muhokama qilinadi;

(iv) 2028-yildan boshlab texnikumga yoʻnaltirish 9-sinf yakuni boʻyicha oʻtkaziladigan imtihon natijasiga koʻra amalga oshiriladi;

(d) maktabning 10-sinf oʻquvchilariga oʻqishini texnikumlarga koʻchirishga ruxsat beriladi.

3. 2026-yildan boshlab 5-may kuni “Kasb va mehnat kuni” sifatida har yili keng nishonlansin hamda uning doirasida jamoatchilik, ayniqsa, yoshlar orasida kasblar jozibadorligini oshirish va kasbiy taʼlimni ommalashtirishga qaratilgan tadbirlar tizimli ravishda amalga oshirilsin.

III. Kasbiy taʼlim mazmuni va sifatini oshirish

4. Texnikumlar pedagoglari malakasini oshirishning shunday tartibi oʻrnatilsinki, unga koʻra:

(a) umumtaʼlim fanlari oʻqituvchilarining malakasi A. Avloniy nomidagi Pedagogik mahorat milliy instituti va hududiy pedagogik mahorat markazlarida oshiriladi;

(b) maxsus fan oʻqituvchilarining malakasi yetakchi oliy taʼlim tashkilotlarida oshiriladi. Bunda malaka oshirish rejasi oliy taʼlim tashkiloti imkoniyati va salohiyatidan kelib chiqib Kasbiy taʼlim agentligi (keyingi oʻrinlarda — Agentlik) tomonidan tasdiqlanadi;

(v) ishlab chiqarish taʼlimi ustalarining malakasi hududiy ilgʻor kasbiy mahorat texnikumlari va belgilangan tartibda tegishli soha boʻyicha malaka oshirish faoliyatini olib borish huquqiga ega tashkilotlarda oshiriladi;

(g) har yili malaka oshirish jarayonida eng yaxshi natija koʻrsatgan 50 nafardan ishlab chiqarish taʼlimi ustasi, umumtaʼlim fanlari va maxsus fan oʻqituvchilari malakasini oshirish uchun Kasbiy taʼlimni rivojlantirish jamgʻarmasi mablagʻlari hisobidan xorijga yuboriladi.

5. Oʻquvchilarning amaliy koʻnikmalarini shakllantirish samaradorligini oshirish boʻyicha shunday tartib oʻrnatilsinki, unga koʻra Davlat budjeti mablagʻlari hisobidan:

(a) texnikumlarda bir nafar ishlab chiqarish taʼlimi ustasiga toʻgʻri keladigan oʻquvchilar soni nisbatining cheklangan normativi 1:20 nisbatda belgilanadi. Bunda ushbu tizim:

(i) 2026/2027 oʻquv yilida Agentlik tomonidan tanlanadigan 50 ta texnikumda;

(ii) 2027/2028 oʻquv yilida qolgan barcha texnikumlarda joriy etiladi;

(b) 2026-yil 1-yanvardan boshlab ishlab chiqarish taʼlimi ustasi shtat birliklari uchun ajratiladigan ish haqi fondini hisoblashda ishlab chiqarish taʼlimi ustasi bazaviy tarif stavkasi umumiy oʻrta taʼlim tashkiloti birinchi malaka toifali oʻqituvchisining bazaviy tarif stavkasiga teng miqdorlarda olinadi;

(v) texnikum direktoriga ishlab chiqarish taʼlimi ustasi shtat birliklari uchun ajratilgan ish haqi fondi doirasida:

(i) ishlab chiqarish taʼlimi ustasi shtat birliklari sonini tasdiqlash;

(ii) mehnat bozorining amaldagi konyunkturasini hisobga olgan holda, umumiy oʻrta taʼlim tashkiloti birinchi malaka toifali oʻqituvchisining tarif stavkasiga nisbatan har oylik ustama va qoʻshimchalarni mustaqil belgilash huquqi beriladi. Bunda bir nafar xodimning oylik ish haqi miqdori mehnatga haq toʻlashning eng kam miqdorining 15 baravarigacha belgilanishiga ruxsat beriladi.

6. Belgilansinki:

(a) 2028-yildan boshlab kasbiy taʼlim dasturlarining sifati har yili Taʼlim sifatini taʼminlash milliy agentligi tomonidan tanlov asosida quyidagi tartibda oʻrganiladi:

(i) ish beruvchilar, texnikum oʻquvchilari va ularning ota-onalari, shuningdek, pedagog xodimlar oʻrtasida soʻrovnomalar oʻtkazish;

(ii) qonunchilik hujjatlari asosida oʻtkazilgan davlat akkreditatsiyasi natijalarini tahlil qilish;

(iii) taʼlim dasturlarining ichki va tashqi mehnat bozori talablariga mosligini oʻrganish.

(b) Kasbiy taʼlimni rivojlantirish instituti (keyingi oʻrinlarda — Institut) faoliyati kasbiy taʼlim tizimi rivojlangan davlatlarning ilgʻor tajribasi asosida transformatsiya qilinadi. Bunda:

(i) barcha kasbiy taʼlim dasturlari bosqichma-bosqich xalqaro standartlar asosida yangidan ishlab chiqiladi;

(ii) taʼlim kontentlari (oʻquv qoʻllanmalar, raqamli taʼlim resurslari, didaktik materiallar) yangilangan dasturlar asosida yaratiladi;

(iii) Institutda direktorning taʼlim mazmunini taʼminlash boʻyicha maslahatchisi lavozimi joriy etiladi va unga xorijiy mutaxassis jalb etiladi;

(v) Institutga quyidagi yoʻnalishlarga oid vazifalarni samarali bajarish uchun xalqaro tashkilotlar hamda ularning ekspertlarini Kasbiy taʼlimni rivojlantirish jamgʻarmasi hamda boshqa xalqaro grantlar hisobidan toʻgʻridan-toʻgʻri shartnomalar asosida jalb qilish huquqi beriladi:

(i) mahalliy va xorijiy mehnat bozorlarida kasblarga boʻlgan ehtiyojlarni tahlil qilish;

(ii) kasb egallashning zamonaviy texnologiyalarini va xalqaro ilgʻor tajribalarni hamda ularni milliy kasbiy taʼlim tizimiga tatbiq qilish imkoniyatlarini oʻrganish;

(iii) xalqaro taʼlim dasturlari asosida kasbiy taʼlim dasturlarini ishlab chiqish, takomillashtirish va amaliyotga joriy etish.

IV. Dual taʼlimni rivojlantirish

7. Belgilansinki:

(a) 2026/2027 oʻquv yilidan boshlab dual taʼlim shaklida tahsil olayotgan oʻquvchilarga maxsus platforma orqali stipendiya toʻlash yoʻlga qoʻyiladi. Bunda:

(i) har oylik stipendiya bazaviy hisoblash miqdorining bir baravari miqdorida toʻlanadi;

(ii) stipendiya texnikumlarga dual taʼlim shaklida tahsil olayotgan oʻquvchilarning soniga nisbatan Agentlik tomonidan ajratiladi;

(iii) ish beruvchi tomonidan oʻquvchining kasbiy koʻnikmalarni oʻzlashtirishi va intizomi qoniqarsiz baholangan taqdirda, stipendiyani toʻlash toʻxtatiladi. Bunda dual taʼlim shaklida tahsil olayotgan oʻquvchilarga stipendiya toʻlash bilan bogʻliq xarajatlar oʻquvchilarning amaliyot oʻtash xarajatlari uchun ajratilgan mablagʻlar hisobidan qoplanadi;

(b) oʻquvchining dual taʼlim shaklida tahsil olgan davri uning umumiy mehnat stajini hisoblashda inobatga olinadi.

8. Shunday tartib oʻrnatilsinki, unga koʻra:

(a) davlat xaridlarida ishtirokchilar takliflarini baholashda texnikum tomonidan ishlab chiqarilgan mahsulot (tovar, ish, xizmat)larga nisbatan 15 foiz miqdorida preferensiya beriladi;

(b) davlat organlari va tashkilotlariga quyidagi faoliyat yoʻnalishlarini texnikumlarni jalb etgan holda autsorsing asosida tashkil etishga ruxsat beriladi:

(i) kompyuter texnikalariga xizmat koʻrsatish;

(ii) isitish va sovutish, elektr energiyasi tizimlariga xizmat koʻrsatish;

(iii) avtotransport vositalariga texnik xizmat koʻrsatish;

(iv) ommaviy axborot vositalarida targʻibot ishlarini amalga oshirish;

(v) Agentlik bilan kelishgan holda buyurtmachilar taklifi asosida tashkil etiladigan boshqa yoʻnalishlar.

9. Belgilansinki, texnikumlar bilan dual taʼlim dasturlarini tashkil etgan ish beruvchilarga Oʻzbekiston Respublikasi Prezidentining 2025-yil 14-fevraldagi PQ-61-son qarori bilan ajratilgan mablagʻlar doirasida 2 yillik imtiyozli davr bilan 7 yil muddatga 5 milliard soʻmgacha yillik Markaziy bank asosiy stavkasidan 4 foizlik punkt yuqori stavkada kredit beriladi. Bunda:

(a) imtiyozli kredit har bir milliard soʻm qiymatgacha boʻlgan mablagʻ uchun kamida 5 nafar oʻquvchini ikki oʻquv yillik dual taʼlim dasturi asosida jalb etish va kamida 1 nafar bitiruvchini bir yil davomida ish bilan taʼminlash sharti bilan ajratiladi;

(b) imtiyozli kredit ishlab chiqarish va xizmat koʻrsatish sohasidagi loyihalarga asosiy vositalar sotib olish hamda aylanma mablagʻlarni toʻldirish uchun ajratiladi;

(v) imtiyozli kredit olish uchun asos boʻlgan ushbu bandning “a” kichik bandidagi shartlarga ish beruvchi tomonidan amal qilinmagan taqdirda, kredit foizi tijorat stavkasiga oʻzgartiriladi.

V. Hududlarda ilgʻor kasbiy mahorat texnikumlarini tashkil etish

10. Agentlik tizimida 1-ilovaga muvofiq ilgʻor kasbiy mahorat texnikumlari tashkil etilsin.

11. Belgilab qoʻyilsinki:

(a) ilgʻor kasbiy mahorat texnikumlari hududlarning oʻrta boʻgʻin kadrlariga boʻlgan ehtiyojini hisobga olgan holda, zamonaviy laboratoriya (ustaxona) jihozlari bilan taʼminlanadi hamda hududdagi boshqa texnikumlar uchun yetakchi amaliyot bazasi hisoblanadi;

(b) ilgʻor kasbiy mahorat texnikumlarida ishlab chiqarish taʼlimi ustalarining malakasi oshiriladi. Bunda ishlab chiqarish taʼlimi ustalari malakasi ilgʻor kasbiy mahorat texnikumlarining joriy faoliyati doirasida oshiriladi;

(v) ilgʻor kasbiy mahorat texnikumlaridagi malaka oshirish kurslari Institut tomonidan tashkil etiladi;

(g) oʻqish davrida amaliy mashgʻulotlarni ilgʻor kasbiy mahorat texnikumlarida oʻtaydigan boshqa texnikum oʻquvchilari bepul yotoqxona, oziq-ovqat va transport bilan taʼminlanadi. Bunda oʻquvchilarni bir kunlik oziq-ovqat bilan taʼminlash uchun bazaviy hisoblash miqdorining 15 foizi miqdorida mablagʻ ajratiladi, transport xizmati koʻrsatish autsorsing asosida amalga oshiriladi;

(d) ilgʻor kasbiy mahorat texnikumlari faoliyatini moliyalashtirish hamda xodimlari mehnatiga haq toʻlash shartlari va miqdorlari Ixtisoslashtirilgan taʼlim muassasalari agentligi tizimidagi ijod maktablari uchun belgilangan shartlarda amalga oshiriladi;

(j) ilgʻor kasbiy mahorat texnikumlari binolarini qurish, rekonstruksiya qilish, kapital taʼmirlash va obodonlashtirish ishlari 2-ilovaga muvofiq 2026-2027-yillarda Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturi doirasida moliyalashtiriladi.

VI. Texnikumlarda taʼlim sifatini taʼminlash

12. Shunday tartib oʻrnatilsinki, unga koʻra:

(a) texnikumlar Taʼlim sifatini taʼminlash milliy agentligi tomonidan yuritiladigan milliy reyting natijalari asosida ragʻbatlantiriladi. Bunda:

(i) milliy reyting 2026-yildan boshlab har yili boʻyicha yuritiladi hamda unda bitiruvchilar bandligi koʻrsatkichiga ustuvorlik beriladi;

(ii) milliy reytingda eng yuqori oʻrinni egallagan 50 ta texnikumning har biri bazaviy hisoblash miqdorining 3 000 baravari miqdorida ragʻbatlantiriladi;

(b) ragʻbatlantirish toʻlovi sifatida ajratilgan mablagʻlarni quyidagi maqsadlar uchun yoʻnaltirishga ruxsat beriladi:

(i) 80 foizi moddiy-texnika bazasini mustahkamlash, shu jumladan, zarur jihozlarni xarid qilish, laboratoriya va ustaxonalar barpo etish;

(ii) 20 foizi texnikum pedagogik kengashi qaroriga muvofiq rahbar va xodimlarni moddiy ragʻbatlantirish, shu jumladan, ularga ustama toʻlovlarni tayinlash, xodimlarni malaka oshirish va tajriba almashish uchun xorijga yuborish.

13. 2026-yildan boshlab har yili Oʻzbekiston Respublikasi fuqarolari va fuqaroligi boʻlmagan 16 yoshga toʻlgan va 30 yoshdan oshmagan texnikum oʻquvchilari, yoshlar, talabalar hamda band boʻlmagan aholi (band boʻlmagan shaxslar) oʻrtasida Oʻzbekiston Respublikasi Prezidenti sovrini uchun “Kasbiy mahorat milliy tanlovi” (keyingi oʻrinlarda — Tanlov) oʻtkazilsin.

14. Belgilansinki:

(a) Tanlov kasb boʻyicha xalqaro musobaqalar mezonlari asosida Agentlik tomonidan tashkil etiladi;

(b) Tanlovni oʻtkazish va gʻoliblarni ragʻbatlantirish 3-ilovaga muvofiq amalga oshiriladi.

VII. Kasbiy taʼlim tizimini moliyalashtirishni takomillashtirish

15. Shunday tartib oʻrnatilsinki, unga koʻra:

(a) 2026-yil 1-sentabrdan boshlab texnikumlarni saqlash xarajatlari Davlat budjeti va toʻlov-kontrakt hisobidan shakllangan mablagʻlar hisobidan moliyalashtiriladi. Bunda:

(i) 9-sinfni tamomlagan bitiruvchilar orasidan oʻqishga qabul qilingan oʻquvchilar toʻliq Davlat budjeti mablagʻlari hisobidan;

(ii) umumiy oʻrta maʼlumotga ega boʻlgan talabgorlar orasidan oʻqishga qabul qilingan oʻquvchilar toʻlov-kontrakt asosida oʻqitiladi, bundan qonunchilik hujjatlarida Davlat budjeti mablagʻlari hisobidan oʻqitish belgilangan kasb va mutaxassisliklar mustasno;

(iii) toʻlov-kontrakt asosida oʻqishga qabul qilingan oʻquvchilarni oʻqitishga jalb etilgan oʻqituvchilar mehnatiga haq toʻlash bilan bogʻliq xarajatlar toʻliq toʻlov-kontrakt mablagʻlari hisobidan qoplanadi. Bunda toʻlov-kontrakt tushumlarining ortib qolgan qismi tashkilotning boshqa xarajatlariga yoʻnaltiriladi;

(b) Agentlik Iqtisodiyot va moliya vazirligi bilan kelishgan holda iqtisodiyot tarmoqlarining real ehtiyojidan kelib chiqib, texnikumlarda toʻliq Davlat budjeti mablagʻlari hisobidan oʻqitiladigan oʻquvchilar qabul parametrlarini tasdiqlaydi;

(b1) 2026/2027 oʻquv yilidan boshlab Kasbiy taʼlim agentligi tizimidagi texnikumlarga:

(i) oʻzlari ishlab chiqargan mahsulotlar (tovarlar, xizmatlar)ni boshqa texnikumlarga toʻgʻridan-toʻgʻri shartnoma asosida sotishga;

(ii) qonunchilikda nazarda tutilgan tartibda Kasbiy taʼlim agentligi bilan kelishgan holda “spin-off” korxonalarini tashkil etishga ruxsat berilsin;

(v) texnikumlarda ish beruvchi korxona va tashkilotlarning buyurtmalariga muvofiq qabul parametrlaridan tashqari toʻlov-kontrakt asosida oʻqitishga ruxsat beriladi. Bunda tasdiqlangan parametrdan tashqari qabul qilingan oʻquvchilar toʻliq toʻlov-kontrakt mablagʻlari hisobidan oʻqitiladi va toʻlov-kontrakt miqdorlari Agentlik tomonidan belgilanadi;

(g) 2026-yil 1-yanvardan boshlab xodimlar mehnatiga haq toʻlash va ragʻbatlantirish shartlariga koʻra:

(i) Agentlikning hududiy boshqarmalari Maktabgacha va maktab taʼlimi vazirligining hududiy boʻlinmalariga;

(ii) texnikumning rahbar, pedagog va boshqa xodimlari umumiy oʻrta taʼlim tashkilotining tegishli xodimlariga tenglashtiriladi. Bunda umumtaʼlim fani oʻqituvchilari uchun ularning ish haqi fondiga nisbatan 10 foiz, boshqa xodimlar uchun esa 20 foiz miqdorida ragʻbatlantirish jamgʻarmasi shakllantiriladi;

(d) 2026/2027 oʻquv yilidan boshlab texnikum direktori va uning oʻrinbosarlarini menejerlik sertifikati asosida mos ravishda lavozim maoshining 50 va 30 foizi miqdorida har oylik ustama berish orqali ragʻbatlantirish tizimi joriy etiladi. Bunda:

(i) menejerlik oʻquv kursi A. Avloniy nomidagi Pedagogik mahorat milliy instituti tomonidan tashkil etiladi;

(ii) menejerlik oʻquv kursining oʻquv rejasi va dasturlari Agentlik bilan birgalikda tasdiqlanadi;

(j) Agentlik tizimidagi muassasa va tashkilotlarning budjetdan tashqari jamgʻarmalari mablagʻlarini shakllantirish va ulardan foydalanish umumiy oʻrta taʼlim tashkilotlari uchun belgilangan tartibda amalga oshiriladi.

VIII. Qaror ijrosini tashkil etish, taʼminlash va nazorat

16. Quyidagilar:

(a) Kasbiy taʼlim tizimini 2026 — 2030-yillarda rivojlantirish boʻyicha “yoʻl xaritasi” 4-ilovaga muvofiq;

(b) Kasbiy taʼlimni rivojlantirish instituti xodimlarining mehnatiga haq toʻlash va moddiy ragʻbatlantirish shart-sharoitlariga koʻra oliy taʼlim va ilmiy tashkilotlarning xodimlariga tenglashtirilayotgan lavozimlari roʻyxati 5-ilovaga muvofiq;

(v) Kasbiy taʼlim moddiy-texnika taʼminoti markazi faoliyatini tashkil etish va texnikumlarning moddiy-texnika bazasini takomillashtirish chora-tadbirlari 6-ilovaga muvofiq tasdiqlansin.

17. Belgilansinki, texnikumlarni rekonstruksiya qilish, kapital taʼmirlash va obodonlashtirish 7-ilovaga muvofiq 2026 — 2030-yillarda Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturi doirasida amalga oshiriladi.

18. Shunday tartib oʻrnatilsinki, unga muvofiq:

(a) 2030-yilga qadar texnikumlar faoliyatini tugatish, ularga tegishli yer uchastkalari, bino va inshootlar hamda boshqa koʻchmas mulk obyektlarini xususiylashtirishga moratoriy joriy etiladi;

(b) texnikumlarning yer uchastkalari va koʻchmas mulkini Kasbiy taʼlim agentligi bilan kelishmasdan ijaraga berish, sotish yoki tasarrufdan chiqarish taqiqlanadi, Oʻzbekiston Respublikasi Prezidenti hujjatlarida belgilangan hollar bundan mustasno.

19. Davlat organlariga texnikumlarning faoliyatiga asossiz aralashish va ularni taʼlim jarayoni bilan bogʻliq boʻlmagan tadbirlarga jalb qilish taqiqlansin.

20. Oliy taʼlim, fan va innovatsiyalar vazirligi ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

21. Mazkur qaror ijrosini monitoring qilib borish rejasi 8-ilovaga muvofiq tasdiqlansin. Bunda:

(a) Oliy taʼlim, fan va innovatsiyalar vazirligi qaror ijrosini monitoring rejasiga asosan har yili 15-sentabrga qadar monitoringdan oʻtkazsin hamda monitoring natijalarini Hisob palatasi va Adliya vazirligiga kiritib borsin;

(b) Hisob palatasi Adliya vazirligi bilan birgalikda monitoring rejasi asosida qaror ijrosini nazorat qilsin hamda har yili 1-oktabrga qadar Oʻzbekiston Respublikasi Prezidenti Administratsiyasiga axborot kiritib borsin;

(v) “Ijro.gov.uz” tizimida qaror ijrosini nazoratdan yechishda monitoring rejasida koʻrsatilgan maqsadlarga erishilganligi inobatga olinsin.

22. Mazkur qarorning ijrosini taʼminlash uchun masʼul va shaxsiy javobgar etib oliy taʼlim, fan va innovatsiyalar vaziri K.A. Sharipov belgilansin.

23. Qaror ijrosini nazorat qilish Oʻzbekiston Respublikasi Bosh vaziri A.N. Aripov va Oʻzbekiston Respublikasi Prezidenti Administratsiyasi rahbarining taʼlimni isloh qilish boʻyicha oʻrinbosari X.U. Umarova zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2025-yil 23-oktabr,

PQ-316-son

Oʻzbekiston Respublikasi Prezidentining 2025-yil 23-oktabrdagi PQ-316-son qaroriga 1-ILOVA

Kasbiy taʼlim agentligi tizimidagi ilgʻor kasbiy mahorat texnikumlari

ROʻYXATI

T/rHududIlgʻor kasbiy mahorat texnikumlari nomi1.Qoraqalpogʻiston RespublikasiNukus ilgʻor kasbiy mahorat texnikumi2.Andijon viloyatiAndijon ilgʻor kasbiy mahorat texnikumi3.Buxoro viloyatiBuxoro ilgʻor kasbiy mahorat texnikumi4.Jizzax viloyatiJizzax ilgʻor kasbiy mahorat texnikumi5.Qashqadaryo viloyatiQashqadaryo ilgʻor kasbiy mahorat texnikumi6.Navoiy viloyatiNavoiy ilgʻor kasbiy mahorat texnikumi7.Namangan viloyatiNamangan ilgʻor kasbiy mahorat texnikumi8.Samarqand viloyatiSamarqand ilgʻor kasbiy mahorat texnikumi9.Sirdaryo viloyatiSirdaryo ilgʻor kasbiy mahorat texnikumi10.Surxondaryo viloyatiSurxondaryo ilgʻor kasbiy mahorat texnikumi11.Toshkent viloyatiToshkent viloyati ilgʻor kasbiy mahorat texnikumi12.Fargʻona viloyatiFargʻona ilgʻor kasbiy mahorat texnikumi13.Xorazm viloyatiXorazm ilgʻor kasbiy mahorat texnikumi14.Toshkent shahriToshkent shahar ilgʻor kasbiy mahorat texnikumi

Oʻzbekiston Respublikasi Prezidentining 2025-yil 23-oktabrdagi PQ-316-son qaroriga 2-ILOVA

2026-2027-yillarda ilgʻor kasbiy mahorat texnikumlari binolarini qurish, rekonstruksiya qilish, kapital taʼmirlash va obodonlashtirish boʻyicha

DASTUR

T/rTaʼlim tashkiloti nomiOʻquv binosini kapital taʼmirlashOʻquvchilar turar joyi binosini qurishOʻquvchilar turar joyi binosini kapital taʼmirlashUstaxona binosini qurishUstaxona binosini kapital taʼmirlashAmalga oshiriladigan yiliquvvatiquvvatiquvvatisonisoni2026-yil2027-yilJami12 1492 4501 82027477Nukus ilgʻor kasbiy mahorat texnikumi1 050150150211-Andijon ilgʻor kasbiy mahorat texnikumi81010018021-1Buxoro ilgʻor kasbiy mahorat texnikumi900-590211-Jizzax ilgʻor kasbiy mahorat texnikumi72025050211-Qashqadaryo ilgʻor kasbiy mahorat texnikumi900150150211-Navoiy ilgʻor kasbiy mahorat texnikumi700300-21-1Namangan ilgʻor kasbiy mahorat texnikumi70015010021-1Samarqand ilgʻor kasbiy mahorat texnikumi900150150211-Sirdaryo ilgʻor kasbiy mahorat texnikumi60015015021-1Surxondaryo ilgʻor kasbiy mahorat texnikumi7501501002--1Toshkent viloyati ilgʻor kasbiy mahorat texnikumi600300-12-1Fargʻona ilgʻor kasbiy mahorat texnikumi7355050211-Xorazm ilgʻor kasbiy mahorat texnikumi1 100150150211-Toshkent shahar ilgʻor kasbiy mahorat texnikumi1 984300-21-1

Oʻzbekiston Respublikasi Prezidentining 2025-yil 23-oktabrdagi PQ-316-son qaroriga 3-ILOVA

Oʻzbekiston Respublikasi Prezidenti sovrini uchun “Kasbiy mahorat milliy tanlovi”ni oʻtkazish va gʻoliblarni ragʻbatlantirish tartibi

1. Oʻzbekiston Respublikasi Prezidenti sovrini uchun “Kasbiy mahorat milliy tanlovi” (keyingi oʻrinlarda — Tanlov) Kasbiy taʼlim agentligi (keyingi oʻrinlarda — Agentlik) tomonidan tashkil etiladi.

2. Tanlov Agentlik tomonidan tanlab olinadigan 10 ta dolzarb kasb boʻyicha oʻtkaziladi.

3. Tanlov quyidagi bosqichlarda tashkil etiladi:

(a) 1-bosqich — Qoraqalpogʻiston Respublikasi, viloyatlar va Toshkent shahri darajasida;

(b) 2-bosqich — respublika darajasida.

4. 1-bosqichda har bir kasb boʻyicha 5 nafar ishtirokchi (1 — 5-oʻrinlar boʻyicha), jami 700 nafar ishtirokchi gʻolib sifatida 2-bosqichga saralab olinadi.

5. 2-bosqich natijasiga koʻra har bir kasb boʻyicha 2 ta oltin, 4 ta kumush va 6 ta bronza medallari gʻoliblari aniqlanadi hamda jami 120 nafar ishtirokchi gʻolib deb topiladi.

6. Tanlov gʻoliblari va ularning amaliyot ustozlari quyidagi tartibda ragʻbatlantiriladi:

(bazaviy hisoblash miqdori)Egallagan oʻrniRagʻbatlantirish miqdoriOʻquvchiIshlab chiqarish taʼlimi ustasiQoraqalpogʻiston Respublikasi, viloyatlar va Toshkent shahri darajasi1-oʻrin12702-oʻrin10603-oʻrin8504-oʻrin6405-oʻrin430Respublika darajasiOltin20100Kumush1580Bronza1060

7. Tanlovni tashkil etish, oʻtkazish va ragʻbatlantirish toʻlovlari Davlat budjetining tegishli darajadagi budjetlari hisobidan moliyalashtiriladi.

8. 2-bosqich gʻoliblari tegishli kasblar boʻyicha Agentlik tomonidan yuqori malakali mutaxassislarni jalb qilgan holda qoʻshimcha oʻqitiladi.

9. 2-bosqich gʻoliblariga “WorldSkills International” tashkilotining “WorldSkills” xalqaro chempionatida ishtirok etish huquqi beriladi. Bunda joylar cheklangan taqdirda, Agentlik tomonidan qoʻshimcha saralash oʻtkaziladi.

10. “WorldSkills” xalqaro chempionati gʻoliblari va ularning ustozlariga mos ravishda umumtaʼlim fanlari boʻyicha xalqaro olimpiadalar gʻoliblari va ularning ustozlariga belgilangan imtiyozlar qoʻllaniladi.

11. Tanlovni tashkil etish va oʻtkazish, “WorldSkills” xalqaro chempionatiga tayyorgarlik koʻrish va unga ishtirokchilarni yuborish bilan bogʻliq xarajatlar Davlat budjeti hisobidan moliyalashtiriladi. Bunda davlat organlari va tashkilotlariga oʻz mablagʻlari hisobidan qoʻshimcha ishtirokchilarni yuborishga ruxsat beriladi.

Oʻzbekiston Respublikasi Prezidentining 2025-yil 23-oktabrdagi PQ-316-son qaroriga 4-ILOVA

Kasbiy taʼlim tizimini 2026 — 2030-yillarda rivojlantirish boʻyicha

“YOʻL XARITASI”

T/rChora-tadbirlarAmalga oshirish shakliIjro muddatiMoliyalashtirish manbalariMasʼul ijrochilarI. Tashkiliy masalalarKasbiy taʼlim agentligi (keyingi oʻrinlarda — Agentlik) va uning huzurida tashkil etilgan tashkilotlarni yetarli malaka va koʻnikmalarga ega xodimlar bilan toʻldirish.Tashkiliy chora-tadbirlar2025-yil dekabr-AgentlikAgentlik faoliyatini tashkil etish uchun zarur sharoitlarga ega maʼmuriy binoni operativ boshqaruv huquqi asosida ajratish.Amaliy chora-tadbirlar2025-yil noyabr-Davlat aktivlarini boshqarish agentligi,Toshkent shahar hokimligi,Oliy taʼlim, fan va innovatsiyalar vazirligiAgentlikni zarur mebel, jihoz, kompyuter va boshqa vositalar bilan taʼminlash.Tashkiliy chora-tadbirlar2025-yil noyabrOliy taʼlim, fan va innovatsiyalar vazirligiga Davlat budjetidan ajratilgan mablagʻlarOliy taʼlim, fan va innovatsiyalar vazirligi,AgentlikKasbiy taʼlimni rivojlantirish jamgʻarmasi toʻgʻrisidagi nizomga oʻzgartirish va qoʻshimchalar kiritish.Normativ-huquqiy hujjat loyihasi2026-yil yanvar-Oliy taʼlim, fan va innovatsiyalar vazirligi,Iqtisodiyot va moliya vazirligiAgentlik tizimi tashkilotlarining barcha xodimlari, jumladan, texnikumlarning rahbarlari va boshqa xodimlari (pedagoglari)ni bosqichma-bosqich attestatsiyadan oʻtkazish.Tashkiliy chora-tadbirlar2026-yil yakuniga qadar-Oliy taʼlim, fan va innovatsiyalar vazirligi,AgentlikAgentlik uchun 4 ta xizmat avtotransport vositasi, shu jumladan, 4 ta shaxsiy biriktirilgan va 1 ta navbatchi avtotransport vositasini belgilangan tartibda xarid qilish hamda avtotransport vositalarini saqlash uchun limit ajratish.Tashkiliy chora-tadbirlar2025-yil noyabrDavlat budjeti mablagʻlariIqtisodiyot va moliya vazirligi,AgentlikMilliy texnik malakani baholash va malaka oshirish markazini Agentlik tizimiga oʻtkazish.Amaliy chora-tadbirlar2026-yil dekabr-Agentlik,Kambagʻallikni qisqartirish va bandlik vazirligiII. Kasbiy taʼlim mazmunini yaxshilash va sifatini oshirishKasbiy taʼlimni rivojlantirish instituti (keyingi oʻrinlarda — Institut) huzurida Xalqaro malaka va kasbiy standartlar kengashini tashkil etish.Amaliy chora-tadbirlar2026-yil mart-Agentlik,InstitutInstitut direktorining taʼlim mazmunini taʼminlash boʻyicha maslahatchisi lavozimiga kasbiy taʼlim sohasida yuqori malakaga ega boʻlgan xorijiy mutaxassisni jalb qilish.Tashkiliy chora-tadbirlar2026-yil mart-Agentlik,InstitutKasbiy standartlar va xalqaro taʼlim dasturlari asosida kasbiy taʼlim dasturlarini yangilash. Bunda 2026-yilda 60 ta, 2027-yilda 150 ta va 2028-yilda qolgan barcha taʼlim dasturlarini ishlab chiqishni yakunlash.Amaliy chora-tadbirlar2026 — 2028-yillarKasbiy taʼlimni rivojlantirish jamgʻarmasi mablagʻlariAgentlik,InstitutMahalliy va xorijiy mehnat bozorlarida kasblarga boʻlgan ehtiyojlarni tahlil qilish.Amaliy chora-tadbirlar2026-yildan boshlab har yili-Kambagʻallikni qisqartirish va bandlik vazirligi,Migratsiya agentligi,AgentlikKasbiy taʼlim dasturlarini barcha uchun ochiq platformaga joylashtirishni yoʻlga qoʻyish.Amaliy chora-tadbirlar2026-yildan boshlab doimiy-Agentlik,InstitutKasbiy taʼlim dasturlarining sifatini tanlov asosida oʻrganish tartibini ishlab chiqish va tasdiqlash.Idoraviy hujjat loyihasi2026-yil may-Taʼlim sifatini taʼminlash milliy agentligiTexnikumlarda oʻquv-amaliy mashgʻulotlarni oʻtkazish uchun sarflanadigan xomashyo va yoqilgʻi-moylash materiallari bilan taʼminlash meʼyorlarini zamon talablariga moslashtirish.Idoraviy hujjat loyihasi2026-yil sentabr-Oliy taʼlim, fan va innovatsiyalar vazirligi,Iqtisodiyot va moliya vazirligiIII. Kasbiy taʼlim tizimi xodimlari salohiyatini hamda ularning ish haqi va moddiy ragʻbatlantirish toʻlovlari miqdorini oshirishTexnikum direktori va uning oʻrinbosarlariga menejerlik sertifikati berish tartibini ishlab chiqish.Normativ-huquqiy hujjat loyihasi2026-yil iyun-Agentlik,Oliy taʼlim, fan va innovatsiyalar vazirligiTexnikumlar pedagoglariga chet tilida maxsus fanlarni oʻqitganlik uchun ularning lavozim maoshiga nisbatan B2 sertifikati uchun 50 foiz, C1 sertifikati uchun 100 foiz miqdorda oylik ustamalar belgilash tartibini ishlab chiqish.Normativ-huquqiy hujjat loyihasi2026-yil dekabrDavlat budjeti mablagʻlariAgentlik,Oliy taʼlim, fan va innovatsiyalar vazirligi,Iqtisodiyot va moliya vazirligiTexnikumlarning ilmiy daraja va unvonlarga ega boʻlgan rahbar, pedagog va boshqa xodimlariga oliy taʼlim tashkilotlarining mos va turdosh lavozimlari uchun belgilangan tartibda ish haqi va ustamalar toʻlashni yoʻlga qoʻyish.Normativ-huquqiy hujjat loyihasi2026-yil avgust-Agentlik,Oliy taʼlim, fan va innovatsiyalar vazirligi,Iqtisodiyot va moliya vazirligiTexnikumlar pedagoglari malakasini oshirishda eng yaxshi natija koʻrsatgan pedagoglarni xorijga yuborishning shaffof va adolatli tizimini yoʻlga qoʻyish.Idoraviy hujjat loyihasi2026-yil aprelKasbiy taʼlimni rivojlantirish jamgʻarmasi mablagʻlariOliy taʼlim, fan va innovatsiyalar vazirligi,AgentlikTexnikumlarga 100 nafargacha xorijiy “til egalari” boʻlgan mutaxassislarni jalb etish.Amaliy chora-tadbirlar2026/2027 oʻquv yilidan boshlab har oʻquv yiliKasbiy taʼlimni rivojlantirish jamgʻarmasi mablagʻlariAgentlikTexnikumlarning ishlab chiqarish taʼlimi ustalariga kasbiy sertifikat berish tizimini joriy etish.Normativ-huquqiy hujjat loyihasi2026-yil avgust-Oliy taʼlim, fan va innovatsiyalar vazirligi,AgentlikAkademik litsey va texnikumlar boshqaruv, texnik, xizmat koʻrsatuvchi va oʻquv-yordamchi xodimlarining namunaviy shtatlarini qayta koʻrib chiqish hamda belgilangan tartibda roʻyxatdan oʻtkazish.Idoraviy hujjat loyihasi2026-yil iyul-Oliy taʼlim, fan va innovatsiyalar vazirligi,Kambagʻallikni qisqartirish va bandlik vazirligi,Adliya vazirligiKasbiy taʼlim tizimini rivojlantirish va tubdan isloh qilish boʻyicha qabul qilingan qonunchilik hujjatlariga muvofiq Davlat budjetidan qoʻshimcha talab etiladigan mablagʻlar hisob-kitobini qayta koʻrib chiqish.Bunda ishlab chiqilgan hisob-kitoblar asosida qoʻshimcha talab etiladigan mablagʻlarni ajratish boʻyicha Davlat budjeti parametrlariga tegishli oʻzgartirishlar kiritish boʻyicha taklif kiritish.Amaliy chora-tadbirlar2026-yil davomidaDavlat budjeti mablagʻlariAgentlik,Iqtisodiyot va moliya vazirligiTexnikumlar pedagoglarining malakasini oshirish tartibini ishlab chiqish.Normativ-huquqiy hujjat loyihasi2026-yil mart-Oliy taʼlim, fan va innovatsiyalar vazirligi, AgentlikIV. Oʻquvchilarning amaliy koʻnikmalarini oshirish, dual taʼlimni rivojlantirish va bitiruvchilarni ish bilan taʼminlashIlgʻor kasbiy mahorat texnikumi joylashgan hudud salohiyati, drayver sohalari va imkoniyatlaridan kelib chiqib, har bir ilgʻor kasbiy taʼlim texnikumining konsepsiyasi, shu jumladan, faoliyat yoʻnalishlari, yoʻlga qoʻyiladigan ishlab chiqarish ustalarining malaka oshirish sohalari, shuningdek, rivojlantirish bosqichlarini ishlab chiqish.Idoraviy hujjat loyihasi2026-yil may-Oliy taʼlim, fan va innovatsiyalar vazirligi,Agentlik,Kasbiy taʼlimni rivojlantirish hududiy tadbirkorlar kengashlariOʻzbekiston Respublikasi Prezidenti sovrini uchun “Kasbiy mahorat milliy tanlovi”ni oʻtkazish tartibini ishlab chiqish.Idoraviy hujjat loyihasi2026-yil mart-Oliy taʼlim, fan va innovatsiyalar vazirligi,AgentlikTexnikumlarda bir nafar ishlab chiqarish taʼlimi ustasiga toʻgʻri keladigan oʻquvchilar soni boʻyicha oʻrnatilgan normativni amaliyotga qoʻllash boʻyicha oʻquv qoʻllanma ishlab chiqish, texnikumlar rahbarlari va xodimlari uchun keng koʻlamda tushuntirish ishlarini tashkil etish.Amaliy chora-tadbirlar2025-2026-yillar-Agentlik2025-yilda “WorldSkills” xalqaro chempionatiga ishtirokchilarni yuborish.Amaliy chora-tadbirlar2025-yil dekabrBandlikka koʻmaklashish jamgʻarmasi mablagʻlariKambagʻallikni qisqartirish va bandlik vazirligiDual taʼlim shaklida tahsil olayotgan oʻquvchilarga stipendiya toʻlash tartibini ishlab chiqish.Normativ-huquqiy hujjat loyihasi2026-yil avgust-Oliy taʼlim, fan va innovatsiyalar vazirligi,AgentlikDual taʼlim shaklida tahsil olayotgan oʻquvchilarga stipendiya toʻlash hamda amaliyot oʻtash tizimini tashkil etish uchun maxsus platforma ishlab chiqish.Bunda oʻquvchini korxona rahbari tomonidan baholash imkoniyatini nazarda tutish.Amaliy chora-tadbirlarKasbiy taʼlimni rivojlantirish jamgʻarmasiTexnikumlarda dual taʼlim shaklida taʼlim olayotgan oʻquvchilar, shuningdek, bitiruvchilar bandligini taʼminlagan tadbirkorlarga “Tadbirkorlik subyektlarining barqarorlik reytingi” platformasida ragʻbatlantiruvchi ballar berish tartibini ishlab chiqish.Normativ-huquqiy hujjat loyihasi2026-yil mart-Savdo-sanoat palatasi,Soliq qoʻmitasi, AgentlikDavlat texnikumlariga ularning kompleks davlat akkreditatsiyasi natijalariga koʻra aniqlangan kamchiliklarini bartaraf etish uchun, istisno tariqasida, 2 yilgacha muddat berish. Bunda ushbu davr mobaynida davlat akkreditatsiyasidan oʻtmagan tegishli taʼlim dasturi boʻyicha oʻquv faoliyati davom ettiriladi.Amaliy chora-tadbirlar2028-yilga qadar-Taʼlim sifatini taʼminlash milliy agentligi,AgentlikTexnikumlarni milliy reyting natijalari asosida ragʻbatlantirish tizimini joriy etish.Normativ-huquqiy hujjat loyihasi2026-yil mayDavlat budjeti mablagʻlariTaʼlim sifatini taʼminlash milliy agentligiMaktabgacha va maktab taʼlim tashkilotlarida “Atrofimizdagi kasblar”, “Kasblar alifbosi”, “Kasblar olami”, “Mening kelajakdagi kasbim” dasturlarini joriy etish.Idoraviy hujjat loyihasi2026-yil avgust-Maktabgacha va maktab taʼlimi vazirligi,Oliy taʼlim, fan va innovatsiyalar vazirligi,Agentlik

Oʻzbekiston Respublikasi Prezidentining 2025-yil 23-oktabrdagi PQ-316-son qaroriga 5-ILOVA

Kasbiy taʼlimni rivojlantirish instituti xodimlarining mehnatiga haq toʻlash va moddiy ragʻbatlantirish shart-sharoitlariga koʻra oliy taʼlim va ilmiy tashkilotlarning xodimlariga tenglashtirilayotgan lavozimlari

ROʻYXATI

1.Direktor—oliy taʼlim tashkiloti rektori2.Direktor oʻrinbosari—oliy taʼlim tashkiloti prorektori3.Tarkibiy boʻlinma boshligʻi—oliy taʼlim tashkiloti fakultet dekani4.Bosh mutaxassis—oliy taʼlim tashkiloti katta oʻqituvchisi5.Yetakchi mutaxassis—oliy taʼlim tashkiloti assistent oʻqituvchisi6.Professor-oʻqituvchi, texnik, xizmat koʻrsatuvchi, oʻquv-yordamchi xodimlar—oliy taʼlim tashkilotining tegishli xodimlari7.Ilmiy xodim—Fanlar akademiyasi tizimidagi ilmiy tashkilotning ilmiy xodimi

Oʻzbekiston Respublikasi Prezidentining 2025-yil 23-oktabrdagi PQ-316-son qaroriga 6-ILOVA

Kasbiy taʼlim moddiy-texnika taʼminoti markazi faoliyatini tashkil etish va texnikumlarning moddiy-texnika bazasini takomillashtirish chora-tadbirlari

1. Texnikumlarning moddiy-texnika bazasi, jumladan, laboratoriya jihozlari va asbob-uskunalar hamda sarflanadigan xomashyo (material)lar bilan taʼminlanganlik holati Kasbiy taʼlim moddiy-texnika taʼminoti markazi (keyingi oʻrinlarda — Markaz) tomonidan oʻrganiladi.

2. Markaz tomonidan oʻrganish natijalari asosida texnikumlarning moddiy-texnika bazasini takomillashtirish chora-tadbirlar rejasi ishlab chiqilib, Kasbiy taʼlim agentligiga kiritiladi.

3. Texnikumlar uchun jihoz, asbob-uskuna va boshqa moddiy qimmatliklar markazlashgan holda Markaz tomonidan xarid qilinadi.

4. Markaz xodimlarining umumiy cheklangan shtatlar soni 32 ta shtat birligidan iborat boʻladi. Bunda 14 ta shtat birligi qoʻshimcha ravishda Davlat budjeti hisobidan ajratiladi.

Oʻzbekiston Respublikasi Prezidentining 2025-yil 23-oktabrdagi PQ-316-son qaroriga 7-ILOVA

2026 — 2030-yillarda texnikumlarni rekonstruksiya qilish, kapital taʼmirlash va obodonlashtirish

DASTURI

T/rHududSonishundanYillar kesimida2026-yilda2027-yilda2028-yilda2029-yilda2030-yildarekonstruksiyamukammal taʼmirlashrekonstruksiyamukammal taʼmirlashrekonstruksiyamukammal taʼmirlashrekonstruksiyamukammal taʼmirlashrekonstruksiyamukammal taʼmirlashrekonstruksiyamukammal taʼmirlashJami452124328267626662663236123621.Qoraqalpogʻiston Respublikasi43142927253535472.Andijon viloyati3973217261616273.Buxoro viloyati30111925232323354.Jizzax viloyati28161233334222425.Qashqadaryo viloyati44133127263636366.Navoiy viloyati19316141413327.Namangan viloyati3192225252424148.Samarqand viloyati3292325252524149.Sirdaryo viloyati221111333222221210.Surxondaryo viloyati3643217171717411.Toshkent viloyati50743292919181812.Fargʻona viloyati32626261515151513.Xorazm viloyati35926262525251514.Toshkent shahri11561211111111

Izoh. Texnikumlarni jihozlash ishlari Kasbiy taʼlimni rivojlantirish jamgʻarmasi mablagʻlari hisobidan amalga oshiriladi.

Oʻzbekiston Respublikasi Prezidentining 2025-yil 23-oktabrdagi PQ-316-son qaroriga 8-ILOVA

Oʻzbekiston Respublikasi Prezidentining “Kasbiy taʼlim tizimida islohotlarni amalga oshirish chora-tadbirlari toʻgʻrisida”gi qarori ijrosini monitoring qilish

REJASI

T/rIndikator (subindikator) nomiOʻlchov birligiJoriy holat(yillik)Maqsadli koʻrsatkichlarMaʼlumot berishga masʼul idoralar2026-y.2027-y.2028-y.2029-y.2030-y.I. Tashkiliy masalalar1.1Ilgʻor kasbiy mahorat texnikumlari binolarini qurish, rekonstruksiya qilish, kapital taʼmirlashta-77---Oliy taʼlim, fan va innovatsiyalar vazirligi,Iqtisodiyot va moliya vazirligi1.2Kasbiy taʼlim muassasalarini rekonstruksiya qilishta-2626262323Iqtisodiyot va moliya vazirligi,Oliy taʼlim, fan va innovatsiyalar vazirligi1.3Kasbiy taʼlim muassasalarini kapital taʼmirlashta-7666636162Iqtisodiyot va moliya vazirligi,Oliy taʼlim, fan va innovatsiyalar vazirligiII. Amaliyot koʻrsatkichlariKasbiy taʼlim mazmunini yaxshilash va sifatini oshirish2.1Xalqaro taʼlim dasturlari asosida kasbiy taʼlim dasturlarini ishlab chiqish va amaliyotga tatbiq etishta-60 150200--Kasbiy taʼlim agentligi2.1.1Malaka toifasiga yoki kasbiy sertifikatga ega pedagoglar ulushifoiz35,838,542,546,848,250Kasbiy taʼlim agentligi2.1.2Xorijda malaka oshirish va stajirovka oʻtash dasturlarida ishtirok etgan pedagoglar ulushinafar100300400520630650Oliy taʼlim, fan va innovatsiyalar vazirligi2.1.3Kredit-modul tizimi joriy etilgan kasbiy taʼlim tashkilotlari ulushifoiz4050607080Oliy taʼlim, fan va innovatsiyalar vazirligiKasbiy taʼlim tizimi xodimlari salohiyatini oshirish2.2Rahbar xodimlar malakasini oshirishnafar250690785917--Kasbiy taʼlim agentligi2.2.1Pedagog xodimlar malakasini oshirishnafar2 5009 20011 35011 882--Kasbiy taʼlim agentligi2.2.2Malaka oshirish jarayonida eng yaxshi natija koʻrsatgan pedagog xodimlarning malakasini oshirish uchun xorijga yuborishnafar-150150150150150Kasbiy taʼlim agentligi2.2.3Kasbiy taʼlim muassasalariga xorijiy “til egalari” boʻlgan mutaxassislarni jalb etishnafar-100100100100100Kasbiy taʼlim agentligiOʻquvchilarning amaliy koʻnikmalarini oshirish va dual taʼlimni rivojlantirish2.3Kasbiy taʼlim tizimida dual taʼlim ulushifoiz82025303540Kasbiy taʼlim agentligi2.3.1Kasbiy taʼlim muassasalari, ish beruvchilar, vazirlik va idoralarning mutaxassislarini dual taʼlim rivojlangan davlatlarga stajirovkaga yuborishnafar-2025354050Kasbiy taʼlim agentligi2.3.2Dual taʼlim shaklida tahsil olayotgan oʻquvchilarga stipendiya toʻlash boʻyicha maxsus platformani ishga tushirish--joriy etish----Oliy taʼlim, fan va innovatsiyalar vazirligiIII. Natijadorlik koʻrsatkichlari3.19-sinf bitiruvchilarini kasbiy taʼlim bilan qamrab olishfoiz293438434750Maktabgacha va maktab taʼlimi vazirligi3.2Kasbiy taʼlim tashkilotlarida xalqaro va qoʻshma taʼlim dasturlarini joriy qilish ta4080100150200250Kasbiy taʼlim agentligi3.3Xalqaro va qoʻshma taʼlim dasturlari asosida kadrlar tayyorlashnafar4 0008 00010 00015 00020 00025 000Kasbiy taʼlim agentligi,mahalliy hokimliklar