“Soliq hisobotining shakllarini tasdiqlash toʻgʻrisida”gi qarorga oʻzgartirishlar kiritish haqida (3221-7-son)

16.10.2025

Oʻzbekiston Respublikasi Soliq qoʻmitasining

qarori

[Oʻzbekiston Respublikasi Adliya vazirligi tomonidan 2025-yil 16-oktabrda roʻyxatdan oʻtkazildi, roʻyxat raqami 3221-7]

Oʻzbekiston Respublikasining Soliq kodeksi, Oʻzbekiston Respublikasining “Yer qaʼri toʻgʻrisida”gi va 2024-yil 24-dekabrdagi OʻRQ-1014-son “Soliq va budjet siyosatining 2025-yilga moʻljallangan asosiy yoʻnalishlari qabul qilinganligi munosabati bilan Oʻzbekiston Respublikasining ayrim qonun hujjatlariga qoʻshimcha va oʻzgartirishlar kiritish toʻgʻrisida”gi qonunlariga muvofiq Oʻzbekiston Respublikasi Soliq qoʻmitasi qaror qiladi:

1. Oʻzbekiston Respublikasi Davlat soliq qoʻmitasining 2020-yil 28-yanvardagi 2020-03-son “Soliq hisobotining shakllarini tasdiqlash toʻgʻrisida”gi qaroriga (roʻyxat raqami 3221, 2020-yil 24-fevral) (Qonun hujjatlari maʼlumotlari milliy bazasi, 24.02.2020-y., 10/20/3221/0203-son) ilovaga muvofiq oʻzgartirishlar kiritilsin.

2. Mazkur qaror Oʻzbekiston Respublikasi Iqtisodiyot va moliya vazirligi bilan kelishilgan.

3. Mazkur qaror rasmiy eʼlon qilingan kundan eʼtiboran kuchga kiradi.

Rais Sh. KUDBIYEV

Toshkent sh.,

2025-yil 3-oktabr,

2025-18-son

Kelishildi:

Iqtisodiyot va moliya vaziri J. KUCHKAROV

2025-yil 30-sentabr

Oʻzbekiston Respublikasi Soliq qoʻmitasining 2025-yil 3-oktabrdagi 2025-18-son qaroriga ILOVA

“Soliq hisobotining shakllarini tasdiqlash toʻgʻrisida”gi qarorga kiritilayotgan oʻzgartirishlar

1. Muqaddimadagi “Yer osti boyliklari toʻgʻrisida” degan soʻzlar “Yer qaʼri toʻgʻrisida” degan soʻzlar bilan almashtirilsin.

2. 5-ilovaning Yer qaʼridan foydalanganlik uchun soliq hisob-kitobiga 4-ilova mazkur oʻzgartirishlarning ilovasiga muvofiq tahrirda bayon etilsin.

3. 15-ilovaning Mahsulot taqsimotiga oid bitim doirasida yer qaʼridan foydalanganlik uchun soliq hisob-kitobiga 3-ilovaning 48-pozitsiyasi “Hisob-kitobda koʻrsatilishi lozim boʻlgan oʻlchov birligi” ustunidagi “metr kub” degan soʻzlar “tonna” degan soʻz bilan almashtirilsin.

“Soliq hisobotining shakllarini tasdiqlash toʻgʻrisida”gi qarorga kiritilayotgan oʻzgartirishlarga ILOVA

“Yer qaʼridan foydalanganlik uchun soliq hisob-kitobiga 4-ILOVA

Foydali qazilmalarning hisob-kitobda aks etishi lozim boʻlgan

OʻLCHOV BIRLIKLARI