Madaniyat, sport va ommaviy axborot vositalari xodimlarining mehnat munosabatlarini tartibga solish toʻgʻrisida (419-son)

24.08.2023

OʻZBEKISTON RESPUBLIKASI VAZIRLAR MAHKAMASINING

QARORI

Oʻzbekiston Respublikasining Mehnat kodeksiga muvofiq, shuningdek, madaniyat, sport va ommaviy axborot vositalari xodimlarining mehnat munosabatlarida oʻziga xos xususiyatlarni inobatga olib, ushbu sohalarda mehnat qilayotgan xodimlarning mehnat huquqlarini taʼminlash maqsadida Vazirlar Mahkamasi qaror qiladi:

1. Oʻzbekiston Respublikasi Mehnat kodeksining 118-moddasida madaniy­-tomosha tashkilotlarida, televideniye, radioeshittirish tashkilotlarida va boshqa ommaviy axborot vositalarida, shuningdek, professional sportchilar bilan ota-onaning (ota-ona oʻrnini bosuvchi shaxsning) roziligi hamda vasiylik va homiylik organining ruxsati bilan sogʻligʻiga va maʼnaviy kamol topishiga ziyon yetkazmasdan asarlarni yaratish va (yoki) ijro etishda (koʻrgazmaga qoʻyishda) ishtirok etish uchun oʻn besh yoshga toʻlmagan shaxslar bilan mehnat shartnomasini tuzishga yoʻl qoʻyilishi va yoshga toʻlgan shaxslar qabul qilinishi mumkin boʻlgan ishlar, kasblar, lavozimlar roʻyxatlari Vazirlar Mahkamasi tomonidan Ijtimoiy-mehnat masalalari boʻyicha uch tomonlama respublika komissiyasi bilan kelishilgan holda tasdiqlanishi belgilanganligi maʼlumot uchun qabul qilinsin.

2. Oʻn besh yoshga toʻlmagan shaxslar ishga qabul qilinishi mumkin boʻlgan madaniyat, sport va ommaviy axborot vositalariga oid ishlar, kasblar, lavozimlar roʻyxati ilovaga muvofiq tasdiqlansin.

3. Mazkur qarorning bajarilishini nazorat qilish Oʻzbekiston Respublikasi kambagʻallikni qisqartirish va bandlik vaziri B.A. Musayev zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2023-yil 24-avgust,

419-son

Vazirlar Mahkamasining 2023-yil 24-avgustdagi 419-son qaroriga ILOVA

Oʻn besh yoshga toʻlmagan shaxslar ishga qabul qilinishi mumkin boʻlgan madaniyat, sport va ommaviy axborot vositalariga oid ishlar, kasblar, lavozimlar

ROʻYXATI

Izoh: Mazkur roʻyxatda koʻrsatilgan ishlar, kasblar, lavozimlarga 15 yoshga toʻlmagan shaxslarni ishga qabul qilishda ularning sogʻligʻiga va maʼnaviy kamol topishiga ziyon yetkazmasligi, taʼlim va kasbiy tayyorgarligi va qonunchilikda belgilangan boshqa talablarga rioya etilishi lozim.