Oʻzbekiston Respublikasi Hukumatining ayrim hujjatlariga oʻzgartirish va qoʻshimchalar kiritish toʻgʻrisida (584-son)

15.09.2025

Oʻzbekiston Respublikasi Vazirlar Mahkamasining

qarori

[Koʻchirma]

“Oʻzbekiston Respublikasining ayrim qonun hujjatlariga respublika hududida Internet va aloqa qamrovini kengaytirish uchun sharoitlarni yaxshilashga qaratilgan oʻzgartirishlar kiritish toʻgʻrisida”gi Oʻzbekiston Respublikasining Qonuni hamda Oʻzbekiston Respublikasi Prezidentining “Maʼmuriy islohotlar doirasida raqamli texnologiyalar sohasida davlat boshqaruvini samarali tashkil etish chora-tadbirlari toʻgʻrisida” 2023-yil 24-maydagi PF-76-son Farmoni ijrosini taʼminlash, shuningdek, axborot texnologiyalari va kommunikatsiyalari sohasi xodimlarining raqamli texnologiyalar yoʻnalishlarida bilim va koʻnikmalarini oshirish maqsadida Vazirlar Mahkamasi qaror qiladi:

1. Oʻzbekiston Respublikasi Hukumatining ilovaga muvofiq ayrim hujjatlariga quyidagilarni nazarda tutuvchi oʻzgartirish va qoʻshimchalar kiritilsin:

raqamli texnologiyalar sohasiga oid qonunchilik hujjatlarini oʻzaro muvofiqlashtirish;

respublika hududida Internet va aloqa qamrovini kengaytirish uchun sharoitlarni yaxshilash;

davlat organlari va tashkilotlari xodimlarining raqamli texnologiyalar yoʻnalishlarida bilim va koʻnikmalarini oshirish hamda ularni sertifikatlash tizimini yoʻlga qoʻyish;

axborot texnologiyalari va kommunikatsiyalari sohasini rivojlantirishga katta hissa qoʻshayotgan, oʻzining bilimi va salohiyati hamda yuqori darajadagi kasbiy mahorati bilan boshqalarga namuna boʻlayotgan soha xodimlari mehnatini munosib ragʻbatlantirish tizimini yoʻlga qoʻyish.

2. Oʻzbekiston Respublikasi Raqamli texnologiyalar vazirligi Oʻzbekiston Respublikasi Prezidenti huzuridagi Boshqaruv samaradorligi agentligi bilan birgalikda uch oy muddatda xorijiy tajribani oʻrgangan holda, davlat organlari va tashkilotlari xodimlarining raqamli texnologiyalar yoʻnalishlarida bilim va koʻnikmalarini oshirish hamda ularni sertifikatlash tizimini yanada samarali yoʻlga qoʻyish boʻyicha takliflarni Vazirlar Mahkamasiga kiritsin.

3. Oʻzbekiston Respublikasi Adliya vazirligi Raqamli texnologiyalar vazirligi bilan birgalikda bir oy muddatda “Litsenziya” axborot tizimi va Yagona interaktiv davlat xizmatlari portali mazkur qaror talablariga muvofiqlashtirilishini taʼminlasin.

4. Ushbu qarorning bajarilishini nazorat qilish Oʻzbekiston Respublikasi raqamli texnologiyalar vaziri Sh.X. Shermatov hamda adliya vaziri A.J. Tashkulov zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2025-yil 15-sentabr,

584-son

Vazirlar Mahkamasining 2025-yil 15-sentabrdagi 584-son qaroriga ILOVA

Oʻzbekiston Respublikasi Hukumatining ayrim hujjatlariga kiritilayotgan oʻzgartirish va qoʻshimchalar

1. Vazirlar Mahkamasining “Maxsus elektron tizim orqali ayrim faoliyat turlarini litsenziyalash tartibi toʻgʻrisidagi yagona nizomni tasdiqlash haqida” 2022-yil 21-fevraldagi 80-son qarori bilan tasdiqlangan Maxsus elektron tizim orqali ayrim faoliyat turlarini litsenziyalash tartibi toʻgʻrisidagi yagona nizomga 15-ilovada:

2-pozitsiyaning “i”, “y”, “k” va “l” kichik bandlaridagi “aloqa” soʻzi “respublika hududida yoʻldosh aloqa” soʻzlari bilan almashtirilsin;

7-pozitsiyaning “i”, “y”, “k” va “l” kichik bandlaridagi “aloqa” soʻzi “respublika hududida yoʻldosh aloqa” soʻzlari bilan almashtirilsin.

2. Vazirlar Mahkamasining “Axborot-kommunikatsiya texnologiyalari sohasida “Mohir aloqachi” koʻkrak nishoni va “Oʻz kasbining ustasi” belgisini taʼsis etish toʻgʻrisida” 2022-yil 29-noyabrdagi 681-son qarorida:

a) 3 va 4-bandlardagi “Axborot texnologiyalari va kommunikatsiyalarini rivojlantirish” soʻzlari “Raqamli texnologiyalar” soʻzlari bilan almashtirilsin;

b) 1-ilovada:

4-bandning birinchi xatboshisidagi “Axborot texnologiyalari va kommunikatsiyalarini rivojlantirish” soʻzlari “Raqamli texnologiyalar” soʻzlari bilan almashtirilsin;

5, 6, 8 va 11-bandlardagi “axborot texnologiyalari va kommunikatsiyalarini rivojlantirish” soʻzlari “raqamli texnologiyalar” soʻzlari bilan almashtirilsin;

9-band quyidagi tahrirda bayon etilsin:

“9. Koʻkrak nishoni har yili 7-may — Oʻzbekiston Respublikasi axborot-kommunikatsiya texnologiyalari sohasi xodimlari kuni arafasida Oʻzbekiston Respublikasi raqamli texnologiyalar vaziri (yoki uning topshirigʻiga muvofiq boshqa masʼul shaxslar) tomonidan tantanali tarzda topshiriladi”;

ilovaning matni quyidagi tahrirda bayon etilsin:

““Mohir aloqachi” koʻkrak nishoni bilan taqdirlash

SXEMASI

v) 1a-ilovaning uchinchi xatboshisidagi “Axborot texnologiyalari va kommunikatsiyalarini rivojlantirish” soʻzlari “Raqamli texnologiyalar” soʻzlari bilan almashtirilsin;

g) 1b-ilovada:

toʻqqizinchi xatboshi quyidagi tahrirda bayon etilsin:

“Pastki chiziqdan 12 millimetr quyida, markazda, oraligʻi 3 millimetrli uch satrdan iborat matn joylashgan. Birinchi satrda “Oʻzbekiston Respublikasi”, ikkinchi satrda “Raqamli texnologiyalar”, uchinchi satrda “vazirligi” (“Times new Roman Bolt” shrifti, 10 kegl) soʻzlari yozilgan”;

“Mohir aloqachi” koʻkrak nishoni guvohnomasining koʻrinishi quyidagi tahrirda bayon etilsin:

““Mohir aloqachi” koʻkrak nishoni

GUVOHNOMASI

d) 2-ilovada:

4-bandning birinchi xatboshisidagi “Axborot texnologiyalari va kommunikatsiyalarini rivojlantirish” soʻzlari “Raqamli texnologiyalar” soʻzlari bilan almashtirilsin;

5, 6, 8 va 11-bandlardagi “axborot texnologiyalari va kommunikatsiyalarini rivojlantirish” soʻzlari “raqamli texnologiyalar” soʻzlari bilan almashtirilsin;

9-band quyidagi tahrirda bayon etilsin:

“9. “Oʻz kasbining ustasi” belgisi har yili 7-may — Oʻzbekiston Respublikasi axborot-kommunikatsiya texnologiyalari sohasi xodimlari kuni arafasida Oʻzbekiston Respublikasi raqamli texnologiyalar vaziri (yoki uning topshirigʻiga muvofiq boshqa masʼul shaxslar) tomonidan tantanali tarzda topshiriladi”;

ilovaning matni quyidagi tahrirda bayon etilsin:

““Oʻz kasbining ustasi” belgisi bilan taqdirlash

SXEMASI

e) 2a-ilovaning uchinchi xatboshisidagi “Axborot texnologiyalari va kommunikatsiyalarini rivojlantirish” soʻzlari “Raqamli texnologiyalar” soʻzlari bilan almashtirilsin;

j) 2b-ilovada:

toʻqqizinchi xatboshi quyidagi tahrirda bayon etilsin:

“Pastki chiziqdan 12 millimetr quyida, markazda, oraligʻi 3 millimetrli uch satrdan iborat matn joylashgan. Birinchi satrda “Oʻzbekiston Respublikasi”, ikkinchi satrda “Raqamli texnologiyalar”, uchinchi satrda “vazirligi” (“Times new Roman Bolt” shrifti, 10 kegl) soʻzlari yozilgan;

“Oʻz kasbining ustasi” belgisi guvohnomasining koʻrinishi quyidagi tahrirda bayon etilsin:

““Oʻz kasbining ustasi” belgisi

GUVOHNOMASI

3. Vazirlar Mahkamasining “Respublika va mahalliy ijro etuvchi hokimiyat organlarining axborot-kommunikatsiya texnologiyalarini rivojlantirish uchun masʼul xodimlari malakasini oshirish va reyting baholashni tashkil etish chora-tadbirlari toʻgʻrisida” 2023-yil 20-maydagi 208-son qarorida:

a) 2-banddagi “Raqamli hukumat loyihalarini boshqarish markazi” soʻzlari “Raqamli taʼlimni rivojlantirish markazi” soʻzlari bilan almashtirilsin;

b) 1-ilovada:

2-bandning uchinchi xatboshisidagi “Raqamli hukumat loyihalarini boshqarish markazi” soʻzlari “Raqamli taʼlimni rivojlantirish markazi” soʻzlari bilan almashtirilsin;

6-bandning toʻrtinchi xatboshisidagi “yoki yoʻnalishi boʻyicha professional darajadagi xalqaro IT-sertifikatga” soʻzlari chiqarib tashlansin;

10-bandning toʻrtinchi xatboshisi chiqarib tashlansin;

1-ilovaning “Tadbirlar” ustunidagi “Raqamli hukumat loyihalarini boshqarish markazi” soʻzlari “Raqamli taʼlimni rivojlantirish markazi” soʻzlari bilan almashtirilsin;

27-band quyidagi mazmundagi ikkinchi xatboshi bilan toʻldirilsin:

“Talabgor oʻz mablagʻi hisobidan takroriy baholashda ishtirok etish uchun ishchi organga bazaviy hisoblash miqdorining 70 foizi miqdorida toʻlov toʻlaydi. Bunda ushbu mablagʻlar xorijiy va mahalliy professor-oʻqituvchilar va ekspert mutaxassislarni jalb qilish, oʻquv dasturlari, qoʻllanmalar hamda kontentlarini ishlab chiqish, eng yuqori natija koʻrsatgan davlat xizmatchilarini taqdirlash (chet el safarlariga yuborish), shuningdek, ishchi organning axborot tizimlarini takomillashtirish va ularga texnik xizmat koʻrsatish bilan bogʻliq xarajatlarni moliyalashtirishga yoʻnaltiriladi.”;

3-ilova quyidagi tahrirda bayon etilsin:

“Axborot texnologiyalari va kommunikatsiyalari sohasida reyting baholashdan oʻtganligi toʻgʻrisidagi guvohnoma shakli

4-ilova quyidagi tahrirda bayon etilsin:

“AKT boʻyicha savodxonlik darajasini reyting baholash natijasi toʻgʻrisidagi maʼlumotnoma shakli