Oʻzbekiston Respublikasi Hukumatining ayrim qarorlariga muvofiqlikni baholash tartibotlarini soddalashtirishga qaratilgan oʻzgartirish va qoʻshimchalar kiritish toʻgʻrisida (554-son)

02.09.2025

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Prezidentining “Ishlab chiqarish, eksport va tadbirkorlik faoliyatini ragʻbatlantirish, savdo va sanoat siyosati samaradorligini oshirish chora-tadbirlari toʻgʻrisida” 2025-yil 18-apreldagi PF-67-son Farmoni ijrosini taʼminlash hamda muvofiqlikni baholash tartibotlarini soddalashtirish maqsadida Vazirlar Mahkamasi qaror qiladi:

1. Oʻzbekiston Respublikasi Prezidentining “Ishlab chiqarish, eksport va tadbirkorlik faoliyatini ragʻbatlantirish, savdo va sanoat siyosati samaradorligini oshirish chora-tadbirlari toʻgʻrisida” 2025-yil 18-apreldagi PF-67-son Farmoniga muvofiq quyidagilar:

xavf darajasi yuqori boʻlgan mahsulotlarni majburiy davlat roʻyxatidan oʻtkazish tartibi bekor qilinib, ularga muvofiqlik deklaratsiyasini rasmiylashtirish tartibi joriy etilgani;

2025-yil 1-maydan boshlab muvofiqlik deklaratsiyasini sertifikatlashtirish organlarida roʻyxatdan oʻtkazish tartibi bekor qilinib, ular Texnik tartibga solish axborot tizimi orqali shakllantirilayotgani va hisobga olinayotgani;

sanitariya-epidemiologiya, davlat veterinariya xizmati, oʻsimliklar karantini, texnik tartibga solish nazoratidagi roʻyxatlardan ayrim tovarlar chiqarib tashlangani maʼlumot uchun qabul qilinsin.

2. Oʻzbekiston Respublikasi Hukumatining ilovaga muvofiq ayrim qarorlariga quyidagilarni nazarda tutuvchi oʻzgartirish va qoʻshimchalar kiritilsin:

ayrim tovarlarni majburiy tartibda muvofiqligi baholanishi lozim boʻlgan mahsulotlar roʻyxatidan chiqarish;

majburiy davlat roʻyxatidan oʻtkaziladigan va xavf darajasi yuqori boʻlgan mahsulotlar roʻyxatidagi tovarlarni muvofiqlik deklaratsiyasini rasmiylashtirilishi lozim boʻlgan mahsulotlar roʻyxatiga oʻtkazish;

xavf darajasi yuqori boʻlgan mahsulotlar roʻyxatini bekor qilish.

3. Ushbu qarorning bajarilishini nazorat qilish Vazirlar Mahkamasi huzuridagi Oʻzbekiston texnik jihatdan tartibga solish agentligi direktori A.R. Jumanazarov zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2025-yil 2-sentabr,

554-son

Vazirlar Mahkamasining 2025-yil 2-sentabrdagi 554-son qaroriga ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar

1. Vazirlar Mahkamasining 2021-yil 30-yanvardagi 43-son qarori bilan tasdiqlangan Majburiy tartibda muvofiqligi baholanishi lozim boʻlgan mahsulotlar roʻyxatida:

a) 1, 2, 3, 4, 5, 6, 71, 14, 15, 17, 21, 22, 23, 24, 27, 32, 39, 43, 51, 52, 65, 68, 71, 76, 80 va 106-pozitsiyalar chiqarib tashlansin;

b) 11-pozitsiya quyidagi tahrirda bayon etilsin:

“11.Suvda aralashgan ammiak, ammoniy xloridi, kaliy nitrati, nitratlar, vodorodfosfat kalsiya (fosfat dikalsiya), kalsiy fosfatlari, sulfatlar, xloridlar (alkogolsiz ichimliklar uchun kalsiy xloriddan tashqari), kaliy fosfati, borat kislota, bor oksidlari, molibdatlar2814 20 000 0,2827 10 000 02827 39 850 0,2834 29 800 0,2835 24 000 0,2835 25 000 0,2835 26 000 0,2833 29 800 0,2810 dan,2827 dan,2833 dan,2840 dan,2841 70”;

v) 41-pozitsiya quyidagi tahrirda bayon etilsin:

“41.Choyshab, yotarjoy, yemakxona, hojatxona va oshxona choyshablari; oʻt oʻchiruvchilar uchun gazlamadan tayyorlangan qutqaruv belbogʻlari, qoplar va qadoqlash paketlari (oziq-ovqatda qoʻllanadiganidan tashqari)6302,6305(6305 10 100 0 dan tashqari),6307 20 000 0”;

g) 54-pozitsiya quyidagi tahrirda bayon etilsin:

“54.Bugʻ qozonlari, markaziy isitish qozonlari, gazgeneratorlar yoki tozalash qurilmalari bilan yoki ularsiz suvli gaz generatorlari, atsetilenli gazgeneratorlari va tozalash uskunalari bilan yoki ularsiz shunga oʻxshash gaz generatorlari, kuch qurilmalari, suyuqlik va havo nasoslari, kompressorlar, havo tortish ventilyatorlari va shkaflari, havoni konditsionerlash uchun qurilmalar, yoqish gorelkalari, sovitkichlar va muzlatkichlar, maishiy havo muzlatkichlar, maishiy sovitkichlar va muzlatkichlar (vitrinali sovitkichlardan tashqari), sterilizatorlar, distillyatorlar (elektr yoki elektrsiz isitadigan sanoat yoki laboratoriya mashina va uskunalari), markazga intilma quritkichlar bilan sentrifugalar, suyuqliklar yoki gazlarni filtrlash va tozalash uchun uskunalar va qurilmalar, idish-tovoq yuvish mashinalari, butilkalar va boshqa sigʻimlarni yuvish yoki quritish uchun uskunalar, butilkalar, bankalar, yashiklarni, qoplarni yoki boshqa sigʻimlarni yopish, toʻldirish, tiqinlash va ularni tamgʻalash yoki etiketkalash uchun uskunalar, butilkalar, bankalar, tubiklar va shunga oʻxshash sigʻimlarni qalpoqlar yoki qopqoqlar bilan zichlab tiqinlash uchun uskunalar, qadoqlash yoki tiqinlash uchun uskunalar (termik siqish yoʻli bilan mahsulotlarni oʻrash uchun ishlatiladigan uskunalar), ichimliklarni gazlantirish uchun uskunalar, (oldin foydalanilgan, kemalar va fuqarolik aviatsiyasida ishlatiladiganlaridan tashqari), bugʻoqimli yoki qumoqimli va shunga oʻxshash uskunalar, koʻtarish talilari va koʻtarkichlar, turli xildagi koʻtarish kranlari, avtoyuklagichlar, yuklarni koʻchirish uchun mashinalar va uskunalar, qishloq xoʻjaligi, chorvachilik va ovqat tayyorlash uchun qurilmalar va apparatlar, toʻquvchilik stanoklari, savdo avtomatlari, kranlar, klapanlar, ventillar, truboprovodlar, qozonlar, rezervuarlar, sisternalar, baklar bosimni pasaytirish uchun termostatik klapan va armaturalar yoki shunga oʻxshash idishlar8402 11 000 — 840220 000 0,8403 10,8405 10 000 0,8410 11 000 0,8410 12 000 0,8410 13 000 0,8412 10 — 8412 80,8413 11 000 0 — 8413 81 000 0,(8413 20 000 0, 8413 30 200 1,8413 30 800 1 dan tashqari),8414 10 — 8414 80,(8414 30 200 1,8414 30 810 1, 8414 30 810 5,8414 30 890 1,8414 80 110 0,8414 80 190 0dan tashqari),8415 10 — 8415 83 0000,(8415 20 000 1 dan tashqari),8416 10 — 8416 20 800 0,8418 10 — 8418 69 000(8418 50 190 0 dan tashqari),8419 11 000 0 — 8419 89,8421 11 000 0 — 8421 39,8422 11 000 0 — 8422 40 000 8,8425 (8425 39 000 2 dan tashqari),8427,8428 (8428 20 800 1,8428 33 000 0, 8428 90 dan tashqari),8429,8430,8433 11 — 8433 60 000 0,(8433 30 000 0,8433 40 000,8433 51 000,8433 52 000 0,8433 59 dan tashqari),8434 10 000 0,8434 20 000 0,8435 10 000 0,8436 10 0000 — 8436 80 900 0,(8436 21 000 0 dan tashqari),8437 10 000 0,8437 80 000 0,8438 10 — 8438 80 990 0,8450 11 — 8450 20 000 0,8452 10 900 0 — 8452 29 000 0(faqat dvigatelli mashinalar),8471 30 000 0,8471 41 000 0,8471 49 000 0,8471 50 000 08472 10 000 0,8476 21 000 0 — 8476 89 000 0,8481 10 050 0 — 8481 80 990 7”;

d) quyidagi mazmundagi 691-pozitsiya bilan toʻldirilsin:

“691.Efir moylari va rezinoidlar, inson uchun qoʻllanadigan parfyumeriya, kosmetik yoki pardoz-andoz vositalari (oziq-ovqat va veterinariya maqsadlari uchun qoʻllanadigandan tashqari) 3301 — 3307(3302 10 dan tashqari)”;

e) 75-pozitsiya quyidagi tahrirda bayon etilsin:

“75.Eshik va romlar uchun ishlatiladigan rezinadan tayyorlangan shaklli profillar, quvurlar, trubkalar, shlanglar, shinalar va pnevmatik pokrishkalar, rezinali kameralar, gigiyenik yoki farmatsevtik mahsulotlar (soʻrgʻichlar, jarrohlik qoʻlqoplari), hovuz uchun yoʻlakcha, temir yoʻl harakatdagi tarkibining pnevmatik tormozlash tizimlari uchun zichlovchi rezina mahsulotlar (diafragma, manjetlar, yoqalar, klapanlarning zichlagichlari, qistirmalar, vtulkalar)4008 29 000 0,4009, 4011, 4013,4014,4015 12 000 1,4016 91 000 0,4016 93 000 5”;

j) 78-pozitsiya quyidagi tahrirda bayon etilsin:

“78.Temir yoʻl yoki tramvay yoʻllari uchun yogʻoch shpallar, burish strelkalari uchun yogʻoch bruslar, pol, devor va shift uchun yogʻoch tolali qoplamalar va shularga oʻxshash qatron (smola) bilan toʻyinmagan yoki toʻyingan plitalar, yelimlangan faner, (mebelda qoʻllanadigandan tashqari) faner qoplangan va yogʻoch qatlamlaridan qilingan (yoki oʻxshash materiallardan) panellar4410,4411 12 900 04411 13 900 04411 14 900 04411 92 900 04411 93 900 04411 94 900 04412”;

z) quyidagi mazmundagi 861-pozitsiya bilan toʻldirilsin:

“861.Mashinada yoki qoʻlda toʻqilgan trikotaj matolardan tovarlar (erkaklar yoki oʻgʻil bolalar uchun koʻylaklar, kalsonlar, trusilar, tungi koʻylaklar, pijamalar, choʻmilish xalatlari, uy xalatlari va shu kabi buyumlar, ayollar yoki qizlar uchun bluzkalar, bluzalar va bluzonlar, ichki kiyimlar, ichki yubkalar, trusilar, pantalonlar, tungi koʻylaklar, pijamalar, penyuarlar, choʻmilish xalatlari, uy xalatlari va shu kabi buyumlar, yengli fufaykalar va boshqa ichdan kiyiladigan fufaykalar, bolalar kiyimlari va bolalar kiyimlari uchun jihozlar, kolgotlar, chulkilar, golfilar, noskilar i podsledniklar i boshqa paypoq buyumlar, shu jumladan, taqsimlangan bosimli kompression paypoq buyumlar (masalan, vena tomirlarining varikoz kengayishi bilan ogʻriganlar uchun chulki) va poshnasiz poyabzal)6105 — 6109,6111,6115”;

i) 101-pozitsiya quyidagi tahrirda bayon etilsin:

“101.Vitrinali muzlatkich, sanoat yoki laboratoriya pechkalari va kameralari, mahsulotlarni tortish uchun uskunalar; suyuqliklar yoki kukunlarni supurish, sepish yoki sochish uchun mexanik qurilmalar (qoʻlda boshqarish yoki usiz), oʻqlangan yoki oʻqlanmagan oʻt oʻchirgichlar, pulverizatorlar, bugʻni yoki qumni purkab irgʻituvchi va shu kabi qurilmalar, qishloq xoʻjaligi va avtoyoʻl texnikasi, tolali sellyuloza materiallardan iborat massani yoxud qogʻoz yoki kartonni ishlab chiqarish yoki ishlov berish uchun uskunalar, muqovalovchi, kitob bloklarini tikuvchi mashina va uskunalar, nusxa olish-koʻpaytirish mashinalari, kimyoviy toʻqimachilik materiallarini ekstrudirovka qilish, tortib olish, tekstura qilish yoki kesish uchun mashinalar, toʻqimachilik tolalarini tayyorlash va toʻquv mashinalari, kema derrik-kranlari, yuk koʻtarish kranlari, kabel-kranlar, koʻchma yuk koʻtarish fermalari, yuk koʻtarish krani bilan jihozlangan portalli yuklagichlar va aravachalar8417 10 000 0 — 8417 80 700 0,8418 50 190 08423 — 8424 89 000 9,8426,8428 20 800 1,8428 33 000 0,8428 908432 10 000 0 — 8432 80 000 0,8433 30 000 0,8433 40 000,8433 51 000,8433 52 000 0,8433 598439 10 000 — 8439 30 000 0,8440 10 — 8440 10 900 0,8443 31 — 8443 39 390 0(8443 32 100 dan tashqari),8444 00 — 8447 90 000 9”;

k) quyidagi mazmundagi 110-pozitsiya bilan toʻldirilsin:

“110.Tish choʻtkalar9603 21 000 0”;

l) Izohda:

quyidagi mazmundagi oʻn beshinchi va oʻn oltinchi xatboshilar bilan toʻldirilsin:

“Oʻzbekiston Respublikasida sotish uchun moʻljallanmagan nooziq-ovqat mahsulotlarini ishlab chiqarishda uning tarkibiy qismi sifatida foydalaniladigan butlovchi qismlar, xomashyo va materiallar;

Oʻzbekiston Respublikasida sotish uchun moʻljallanmagan, bevosita oʻz ishlab chiqarish jarayonlarida qoʻllanadigan asbob-uskunalarning ehtiyot va butlovchi qismlari va materiallar”;

oʻn beshinchi — oʻn yettinchi xatboshilar tegishlicha oʻn yettinchi — oʻn toʻqqizinchi xatboshilar deb hisoblansin.

2. Vazirlar Mahkamasining “Mahsulotlarni davlat roʻyxatidan oʻtkazish va muvofiqlikni baholash tartiblariga oid nizomlarni tasdiqlash toʻgʻrisida” 2024-yil 14-avgustdagi 502-son qarorining 1-bandi “a” kichik bandi hamda qarorga 1-ilova oʻz kuchini yoʻqotgan deb hisoblansin.