Oʻzbekiston Respublikasi Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasi huzuridagi tadbirkorlikni qoʻllab-quvvatlash va korxonalarni tarkibiy oʻzgartirish jamgʻarmasi mablagʻlarini shakllantirish va ulardan foydalanish tartibi toʻgʻrisidagi nizomni tasdiqlash haqida (185-son)
Oʻzbekiston Respublikasi Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasi huzuridagi tadbirkorlikni qoʻllab-quvvatlash va korxonalarni tarkibiy oʻzgartirish jamgʻarmasi mablagʻlarini shakllantirish va ulardan foydalanish tartibi toʻgʻrisidagi nizomni tasdiqlash haqida (185-son)
04.08.2005
Oʻzbekiston Respublikasi Vazirlar Mahkamasining
qarori
Oʻzbekiston Respublikasi Prezidentining “Oʻzbekiston Respublikasi Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasi faoliyatini tashkil etish toʻgʻrisida” 2005-yil 2-maydagi PQ-66-son qarorini bajarish yuzasidan Vazirlar Mahkamasi qaror qiladi:
1. Oʻzbekiston Respublikasi Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasi huzuridagi Tadbirkorlikni qoʻllab-quvvatlash va korxonalarni tarkibiy oʻzgartirish jamgʻarmasi mablagʻlarini shakllantirish va ulardan foydalanish tartibi toʻgʻrisidagi nizom 1-ilovaga muvofiq tasdiqlansin.
2. Belgilab qoʻyilsinki:
Iqtisodiy nochor korxonalar qoʻmitasi huzuridagi Korxonalar sanatsiyasi jamgʻarmasi hamda Oʻzbekiston Respublikasi Monopoliyadan chiqarish va raqobatni rivojlantirish davlat qoʻmitasining Ijtimoiy rivojlanish va xodimlarni moddiy ragʻbatlantirish jamgʻarmasi mablagʻlari qoldigʻi Oʻzbekiston Respublikasi Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasi huzuridagi Tadbirkorlikni qoʻllab-quvvatlash va korxonalarni tarkibiy oʻzgartirish jamgʻarmasiga oʻtkaziladi hamda uning mablagʻlari hisoblanadi;
3. Oʻzbekiston Respublikasi Hukumatining 2-ilovaga muvofiq ayrim qarorlari oʻz kuchini yoʻqotgan deb hisoblansin hamda baʼzi qarorlariga oʻzgartirish va qoʻshimchalar kiritilsin.
4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari V.A. Golishev zimmasiga yuklansin.
Oʻzbekiston Respublikasining Bosh vaziri Sh. MIRZIYOYEV
Toshkent sh.,
2005-yil 4-avgust,
185-son
Vazirlar Mahkamasining 2005-yil 4-avgustdagi 185-son qaroriga 1-ILOVA
Oʻzbekiston Respublikasi Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasi huzuridagi Tadbirkorlikni qoʻllab-quvvatlash va korxonalarni tarkibiy oʻzgartirish jamgʻarmasi mablagʻlarini shakllantirish va ulardan foydalanish tartibi toʻgʻrisida
NIZOM
Ushbu Nizom Oʻzbekiston Respublikasi Prezidentining “Oʻzbekiston Respublikasi Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasi faoliyatini tashkil etish toʻgʻrisida” 2005-yil 2-maydagi PQ-66-son qaroriga muvofiq ishlab chiqilgan hamda Oʻzbekiston Respublikasi Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasi huzuridagi Tadbirkorlikni qoʻllab-quvvatlash va korxonalarni tarkibiy oʻzgartirish jamgʻarmasi (keyingi oʻrinlarda Jamgʻarma deb ataladi) mablagʻlarini shakllantirish, toʻldirib borish va ulardan foydalanish tartibini belgilaydi.
I. Jamgʻarma mablagʻlarini shakllantirish tartibi
1. Jamgʻarma mablagʻlari:
xoʻjalik yurituvchi subyektlardan monopoliyaga qarshi qonun hujjatlari, tabiiy monopoliyalar, isteʼmolchilar huquqlarini himoya qilish hamda reklama toʻgʻrisidagi qonun hujjatlari buzilganligi uchun qonun hujjatlarida belgilangan tartibda undiriladigan mablagʻlar va jarimalar summasining 6 foizi;
mulkida davlat ulushi boʻlgan korxonalar moliya-xoʻjalik faoliyati toʻgʻrisidagi materiallar taqdim etilmaganligi yoxud oʻz vaqtida taqdim etilmaganligi uchun Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasi tomonidan qonun hujjatlarida belgilangan tartibda mansabdor shaxslardan undiriladigan jarimalar;
davlat mulkini davlat tasarrufidan chiqarish va xususiylashtirishdan tushadigan mablagʻlar summasining 2 foizi;
kreditorlar talablari qondirilgan taqdirda, bankrot korxonalar mol-mulkini sotishdan, mol-mulkni sotish va baholash qiymati oʻrtasidagi tafovut hisobiga tushadigan mablagʻlarning bir qismi;
Jamgʻarma mablagʻlarini tijorat banklaridagi depozit hisob raqamlariga joylashtirishdan olingan daromadlar;
mablagʻlarning qonun hujjatlarida taqiqlanmagan boshqa manbalari hisobiga shakllantiriladi.
2. Ushbu Nizomning 1-bandida koʻrsatib oʻtilgan mablagʻlar Oʻzbekiston Respublikasi Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasi hamda uning hududiy organlarining budjetdan tashqari maxsus hisob raqamida jamlanadi.
II. Jamgʻarma mablagʻlaridan foydalanish tartibi va yoʻnalishlari
3. Jamgʻarma mablagʻlarini sarflash budjetdan tashqari maxsus hisob raqamidan, daromadlar va xarajatlarning tasdiqlangan, Oʻzbekiston Respublikasi Moliya vazirligida roʻyxatdan oʻtkazilgan smetasiga muvofiq amalga oshiriladi.
Oʻzbekiston Respublikasi Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasi raisi yoki uning vazifalarini bajaruvchi shaxs Jamgʻarma mablagʻlarini tasarruf etuvchi hisoblanadi.
4. Jamgʻarma mablagʻlarining joriy yilda foydalanilmagan qoldigʻi kelgusi yilga oʻtadi va olib qoʻyilmaydi.
5. Jamgʻarma mablagʻlari:
a) monopolist korxonalarni tarkibiy oʻzgartirish dasturlarini, shuningdek bozor istiqbollariga ega boʻlgan past rentabelli, zarar koʻrib ishlayotgan va iqtisodiy nochor korxonalarni, sarflangan mablagʻlar sanatsiya muddati tugagandan keyin qaytarilgan holda, moliyaviy sogʻlomlashtirish dasturlarini ishlab chiqish;
b) monopolist korxonalarni hamda iqtisodiy nochor korxonalarni tarkibiy oʻzgartirish va ixchamlashtirish uchun jalb etilgan konsultantlar xizmatlariga haq toʻlash;
v) kichik biznes va xususiy tadbirkorlik subyektlari, sud boshqaruvchilari uchun normativ-huquqiy, maxsus adabiyotlarni tayyorlash va nashr etish, shuningdek tadbirkorlarning bankrotlik, isteʼmolchilar huquqlarini himoya qilish va reklama toʻgʻrisidagi qonun hujjatlariga oid huquqiy madaniyatini oshirish maqsadida amaliy seminarlar oʻtkazish;
g) respublika mintaqalarida biznes-inkubatorlar, texnoparklar, biznes-taʼlim tuzilmalarini rivojlantirishga moliyaviy koʻmaklashish, Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasi tomonidan Kichik va xususiy tadbirkorlikni rivojlantirishni ragʻbatlantirish Respublika muvofiqlashtiruvchi kengashi bilan kelishgan holda tijorat banklarida ochiladigan kredit liniyalari orqali tadbirkorlik subyektlarini mikrokreditlash;
d) kichik tadbirkorlikni rivojlantirish dasturlarini ishlab chiqish;
j) tugatish boshqaruvchilari buyurtmanomalari boʻyicha bankrot korxonalarga baholash, kadastr va auditorlik tashkilotlari tomonidan koʻrsatiladigan xizmatlarga, bankrot korxonalar mol-mulki sotilgandan keyin mablagʻlarni qaytarish sharti bilan haq toʻlash;
z) sud boshqaruvchilarini, shuningdek sud boshqaruvchiligiga nomzodlarni tayyorlash va qayta tayyorlash;
i) tadbirkorlar, hunarmandlar va fermerlar oʻrtasida har yili oʻtkaziladigan respublika tanlovlarini moliyaviy qoʻllab-quvvatlash;
k) monopoliyaga qarshi siyosat, raqobat muhitini qoʻllab-quvvatlash, isteʼmolchilar huquqlarini himoya qilish, tadbirkorlikni qoʻllab-quvvatlash masalalari boʻyicha shartnoma asosida tadqiqotlar oʻtkazish;
l) Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasi hamda uning hududiy organlari xodimlarining kasbiy bilimlarini oshirish maqsadida seminarlar oʻtkazish;
m) monopoliyadan chiqarish, raqobat va tadbirkorlikni qoʻllab-quvvatlash organlarini moddiy-texnik taʼminlash, ijtimoiy rivojlantirish, ularning xodimlarini moddiy ragʻbatlantirish va ularga moddiy yordam koʻrsatish;
n) Monopoliyadan chiqarish raqobat va tadbirkorlikni qoʻllab-quvvatlash davlat qoʻmitasi tomonidan ommaviy axborot vositalarida joylashtiriladigan reklama xizmatlari va eʼlonlar uchun haq toʻlash;
o) Oʻzbekiston Respublikasi Prezidenti hamda Oʻzbekiston Respublikasi Hukumati qarorlariga muvofiq boshqa maqsadlar uchun foydalaniladi.
6. Jamgʻarma mablagʻlarini qoʻshimcha xodimlar taʼminotiga sarflash taqiqlanadi, Hukumatning ayrim qarorlarida ruxsat etilgan hollar bundan mustasno.
III. Jamgʻarma daromadlari va xarajatlari smetasini tuzish, tasdiqlash va roʻyxatdan oʻtkazish tartibi
7. Navbatdagi yil uchun daromadlarni aniqlashda Jamgʻarma mablagʻlarining yil boshidagi qoldigʻi hamda amaldagi qonun hujjatlaridagi oʻzgarishlar hisobga olingan holda keyingi 2 yildagi tushumlar miqdori oʻzgarishidan kelib chiqqan holda hisoblab chiqilgan yil mobaynidagi prognozlashtirilayotgan tushumlar hajmi hisobga olinadi.
8. Smetaning xarajatlar qismi davlat budjeti xarajatlarining amaldagi klassifikatsiyasiga muvofiq moddalar boʻyicha xarajatlarning toʻliq izohi va ular yuzasidan hisob-kitoblar ilova qilingan holda xarajatlar guruhlari boʻyicha tuziladi.
Oʻzbekiston Respublikasi Vazirlar Mahkamasi qarorlariga koʻra Jamgʻarma mablagʻlari hisobiga qoʻshimcha xodimlar soni taʼminlangan taqdirda koʻrsatib oʻtilgan xodimlarga Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasi tomonidan tasdiqlangan shtat jadvali smetaga ilova qilinadi.
9. Jamgʻarma daromadlari va xarajatlarining yigʻma smetasi (shu jumladan yil mobaynida kiritiladigan oʻzgartirishlar) Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasi hayʼati tomonidan tuziladi va tasdiqlanadi hamda roʻyxatdan oʻtkazish uchun xarajatlarning budjet smetasi bilan birgalikda Oʻzbekiston Respublikasi Moliya vazirligiga taqdim etiladi.
Bunda moddiy-texnika taʼminotiga, xodimlar mehnatiga haq toʻlashga, ularni moddiy ragʻbatlantirish va ijtimoiy muhofaza qilishga, Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasi organlari joriy xarajatlarini qoplashga yoʻnaltiriladigan mablagʻlar miqdori xoʻjalik yurituvchi subyektlarga monopoliyaga qarshi qonun hujjatlari, tabiiy monopoliyalar, isteʼmolchilar huquqlarini himoya qilish hamda reklama toʻgʻrisidagi qonun hujjatlari buzilganligi uchun Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasi tomonidan solinadigan jarimalar, shuningdek Jamgʻarma mablagʻlarini tijorat banklaridagi depozit hisob raqamlariga joylashtirishdan olingan daromadlar hamda Jamgʻarmaga boshqa manbalardan tushadigan mablagʻlarning 15 foizi miqdoridagi tushumlardan ortiq boʻlishi mumkin emas.
10. Jamgʻarma mablagʻlarini ajratish Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasi tomonidan mustaqil ravishda, tasdiqlangan smeta doirasida amalga oshiriladi.
11. Jamgʻarma daromadlari va xarajatlari smetasini roʻyxatdan oʻtkazish Oʻzbekiston Respublikasi Moliya vazirligi tomonidan amaldagi qonun hujjatlarida budjet mablagʻlari uchun belgilangan tartibda va muddatlarda amalga oshiriladi.
IV. Hisob, hisobot va nazorat
12. Jamgʻarma boʻyicha mablagʻlar tushumi va harakati hisobi Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasi markaziy apparatida hamda uning hududiy organlarida budjetdan tashqari boshqa jamgʻarmalar, shu jumladan budjet tashkilotini rivojlantirish jamgʻarmasidan alohida yuritiladi.
Jamgʻarmaga mablagʻlar tushishi va ularning sarflanishi toʻgʻrisidagi hisobot Oʻzbekiston Respublikasi Moliya vazirligiga budjet tashkilotlari uchun belgilangan tartibda va muddatlarda taqdim etiladi.
13. Jamgʻarma mablagʻlaridan toʻgʻri va maqsadli foydalanilishini nazorat qilish Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasi hamda Oʻzbekiston Respublikasi Moliya vazirligining Nazorat-taftish bosh boshqarmasi tomonidan amalga oshiriladi.
14. Jamgʻarma mablagʻlaridan belgilangan maqsaddan tashqari foydalanish hollari aniqlangan taqdirda ana shunday foydalanilgan barcha summa, qonun hujjatlarida belgilangan tartibda tegishli choralar qoʻllangan holda, davlat budjeti daromadiga olib qoʻyiladi.
Vazirlar Mahkamasining 2005-yil 4-avgustdagi 185-son qaroriga 2-ILOVA
Oʻzbekiston Respublikasi Hukumatining oʻz kuchini yoʻqotgan hamda oʻzgartirish va qoʻshimchalar kiritilayotgan qarorlari roʻyxati
1. Quyidagilar:
Vazirlar Mahkamasining “Korxonalarning bankrotligi toʻgʻrisidagi qonunchilikni amalga oshirishga doir qoʻshimcha chora-tadbirlar haqida” 1999-yil 26-iyuldagi 362-son qarori (Oʻzbekiston Respublikasi QT, 1999-y., 7-son, 42-modda) 7-bandining toʻrtinchi xatboshi va qarorga 3-ilova (Iqtisodiy nochor korxonalar ishlari qoʻmitasi huzuridagi Korxonalarni sanatsiyalash jamgʻarmasi toʻgʻrisida nizom);
Vazirlar Mahkamasining “Oʻzbekiston Respublikasi Mehnat va aholini ijtimoiy muhofaza qilish vazirligi hamda Tashqi mehnat migratsiyasi masalalari agentligi toʻgʻrisidagi nizomlarni tasdiqlash haqida” 2001-yil 6-apreldagi 162-son qaroriga 3-ilovaning 27-bandi (Oʻzbekiston Respublikasi QT, 2001-y., 4-son, 2-modda);
Vazirlar Mahkamasining “Amalga oshirilayotgan iqtisodiy nochor korxonalarni tarkibiy oʻzgartirish va moliyaviy sogʻlomlashtirish samaradorligini oshirish chora-tadbirlari toʻgʻrisida” 2003-yil 18-apreldagi 188-son qaroriga 2-ilova (Oʻzbekiston Respublikasi QT, 2003-y., 4-son, 31-modda);
Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida” 2004-yil 19-yanvardagi 31-son qaroriga ilovadagi 1-bandning “g” va “j” kichik bandlari oʻz kuchini yoʻqotgan deb hisoblansin.
3. Vazirlar Mahkamasining “Vazirliklar va idoralarning budjetdan tashqari jamgʻarmalariga ajratmalarni tartibga solish chora-tadbirlari toʻgʻrisida” 2004-yil 25-oktabrdagi 499-son qaroriga (Oʻzbekiston Respublikasi QT, 2004-y., 10-son, 100-modda) 2-ilovaning 17-bandi quyidagi tahrirda bayon qilinsin:
(Oʻzbekiston Respublikasi qonun hujjatlari toʻplami, 2005-y., 30-31-son, 235-modda; 2006-y., 1-son, 2-modda; 2009-y., 6-son, 51-modda, 25-son, 288-modda)
