“Oʻzbekiston Respublikasi Prezidenti, Oʻzbekiston Respublikasi Oliy Kengashi raisi va Oʻzbekiston Respublikasi vitse-prezidentining shani va qadr-qimmatini muhofaza qilish toʻgʻrisida”gi Oʻzbekiston Respublikasi Qonunini qoʻllash hamda amalga kiritish tartibi haqida (221-XII-son)

15.02.1991

Oʻzbekiston Respublikasi oliy kengashi

Qarori

Oʻzbekiston Respublikasi Oliy Kengashi qaror qiladi:

1. “Oʻzbekiston Respublikasi Prezidenti, Oʻzbekiston Respublikasi Oliy Kengashi Raisi va Oʻzbekiston Respublikasi vitse-Prezidentining shani va qadr-qimmatini muhofaza qilish toʻgʻrisida”gi Oʻzbekiston Respublikasi Qonuni eʼlon qilingan paytdan boshlab kuchga kiritilsin.

2. Uqtirilsinki, Oʻzbekiston Respublikasi Prezidenti, Oʻzbekiston Respublikasi Oliy Kengashining Raisi va Oʻzbekiston Respublikasi vitse-Prezidentini oshkora haqoratlash ularning shani va qadr-qimmatini ataylab kamsitishdir.

Oʻzbekiston Respublikasi Prezidenti, Oʻzbekiston Respublikasi Oliy Kengashi Raisi va Oʻzbekiston Respublikasi vitse-Prezidentining obroʻsini toʻkadigan uydirmalarni tarqatish ularga tuhmat qilishdir.

Oʻzbekiston Respublikasi Boshligʻi — Oʻzbekiston Respublikasi Prezidentining faoliyati toʻgʻrisidagi, uning rahbarligida amalga oshirilayotgan siyosat xususidagi, shuningdek Oʻzbekiston Respublikasi Oliy Kengashi Raisining yoki Oʻzbekiston Respublikasi vitse-Prezidentining faoliyati haqidagi tanqidiy mulohazalarni oʻz ichiga oluvchi oshkora chiqishlarga “Oʻzbekiston Respublikasi Prezidenti, Oʻzbekiston Respublikasi Oliy Kengashining Raisi va Oʻzbekiston Respublikasi vitse-Prezidentining shani va qadr-qimmatini muhofaza qilish toʻgʻrisida”gi Oʻzbekiston Respublikasi Qonuni taʼsir qilmaydi.

3. Oʻzbekiston Respublikasi Prezidenti, Oʻzbekiston Respublikasi Oliy Kengashi Raisi yoki Oʻzbekiston Respublikasi vitse-Prezidentiga nisbatan haqoratni yoki ular shaxsiga nisbatan tuhmatni oʻz ichiga oluvchi materiallarni eʼlon qilgan ommaviy axborot vositalari yoki ularning boʻlinmalari (radio, televideniye programmalari va boshqalar) Oʻzbekiston Respublikasi Prezidenti, Oʻzbekiston Respublikasi Oliy Kengashining Raisi yoki Oʻzbekiston Respublikasi vitse-Prezidentini haqoratlagan yoxud ularga nisbatan tuhmat qilgan konkret shaxs (shaxslar) xususida sudning ayblov hukmi qonuniy kuchga kirganidan soʻng javobgarlikka tortilishi mumkin.

Oʻzbekiston Respublikasi Oliy Kengashining Raisi M. IBROHIMOV

Toshkent sh.,

1991-yil 15-fevral,

221-XII-son