Oʻzbekiston SSJ aholiga maishiy xizmat koʻrsatish ministrligini Oʻzbekiston SSJ Ministrlar Kengashi huzuridagi aholiga maishiy xizmat koʻrsatish jumhuriyat davlat-kooperativ markazi (“Uzbitsentr”)ga aylantirish toʻgʻrisida (PF-56-son)

25.09.1990

OʻZBEKISTON SOVET SOTSIALISTIK JUMHURIYATI PREZIDENTINING

Farmoni

Jumhuriyat aholisiga maishiy xizmat koʻrsatishni tubdan yaxshilash, yangi iqtisodiy munosabatlarni, mulkchilikning turli shakllarini joriy etish, xoʻjalik tashabbusi va omilkorlik uchun shart-sharoit yaratish, aholiga maishiy xizmat koʻrsatish sohasini rivojlantirish uchun xalq deputatlari mahalliy Sovetlarining roli va masʼuliyatini kuchaytirish maqsadida Oʻzbekiston SSJ Aholiga maishiy xizmat koʻrsatish ministrligi, Oʻzbekiston SSJ Ministrligi Kengashi huzuridagi Aholiga maishiy xizmat koʻrsatish jumhuriyat davlat-kooperativ markazi (“Uzbitsentr”)ga aylantirilsin.

Oʻzbekiston SSJ Ministrlar Kengashi mazkur masala yuzasidan tegishli qaror qabul qilsin.

Oʻzbekiston Sovet Sotsialistik Jumhuriyatining Prezidenti I. KARIMOV

Toshkent sh.,

1990-yil 25-sentabr,

PF-56-son