Xalqaro shartnomaga qoʻshilish toʻgʻrisida (PQ-240-son)

30.07.2025

Oʻzbekiston Respublikasi Prezidentining

qarori

“Oʻzbekiston Respublikasining xalqaro shartnomalari toʻgʻrisida”gi Oʻzbekiston Respublikasi Qonunining 23-moddasiga muvofiq:

1. 2013-yil 25-oktabr kuni Minsk shahrida imzolangan Korrupsiyaga qarshi kurashish boʻyicha davlatlararo kengash tuzish toʻgʻrisidagi bitimga qoʻshilinsin.

2. Korrupsiyaga qarshi kurashish agentligi ushbu xalqaro shartnomani amalga oshirish uchun masʼul boʻlgan vakolatli organ, Agentlik direktori lavozimi boʻyicha Mustaqil Davlatlar Hamdoʻstligi Korrupsiyaga qarshi kurashish boʻyicha davlatlararo kengashi aʼzosi etib belgilansin.

3. Tashqi ishlar vazirligi Oʻzbekiston Respublikasining mazkur xalqaro shartnomaga qoʻshilgani hamda uni amalga oshirish uchun masʼul boʻlgan vakolatli organ toʻgʻrisida tegishli bildirishnomani depozitariyga yuborsin.

4. Vazirlar Mahkamasi hamda tegishli vazirlik va idoralarning rahbarlari ushbu xalqaro shartnoma kuchga kirgandan keyin uning qoidalari bajarilishi ustidan belgilangan tartibda nazoratni taʼminlasin.

5. Mazkur qarorning ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2025-yil 30-iyul,

PQ-240-son