“Investitsiyalar va investitsiya faoliyati toʻgʻrisida”gi Oʻzbekiston Respublikasi Qonunini qayta koʻrib chiqish haqida (931-V-son)

03.06.2025

Oʻzbekiston Respublikasi Oliy Majlisi Qonunchilik palatasining

qarori

Oʻzbekiston Respublikasi Oliy Majlisining Qonunchilik palatasi tomonidan 2024-yil 15-oktabrda qabul qilingan, 2025-yil 23-yanvarda Oʻzbekiston Respublikasi Oliy Majlisining Senati tomonidan maʼqullangan va 2025-yil 12-mayda Oʻzbekiston Respublikasi Prezidenti tomonidan qaytarilgan “Investitsiyalar va investitsiya faoliyati toʻgʻrisida”gi Oʻzbekiston Respublikasi Qonunini qayta koʻrib chiqib, Oʻzbekiston Respublikasi Oliy Majlisi Qonunchilik palatasi Reglamenti 168-moddasining ikkinchi qismiga muvofiq Oʻzbekiston Respublikasi Oliy Majlisining Qonunchilik palatasi qaror qiladi:

1. “Investitsiyalar va investitsiya faoliyati toʻgʻrisida”gi Oʻzbekiston Respublikasi Qonuni ustidagi ishlar Oʻzbekiston Respublikasi Prezidentining Qonunni yanada maromiga yetkazishni taqozo etadigan takliflari va mulohazalari inobatga olingan holda, ikkinchi oʻqish tartib-taomilidan boshlab davom ettirilsin.

2. Oʻzbekiston Respublikasi Oliy Majlisi Qonunchilik palatasining Budjet va iqtisodiy masalalar qoʻmitasi “Investitsiyalar va investitsiya faoliyati toʻgʻrisida”gi Oʻzbekiston Respublikasi qonuni loyihasini uch oy ichida maromiga yetkazsin va Oʻzbekiston Respublikasi Oliy Majlisining Qonunchilik palatasi muhokamasiga kiritsin.

3. Ushbu Qaror qabul qilingan kundan eʼtiboran kuchga kiradi.

Oʻzbekiston Respublikasi Oliy Majlisi Qonunchilik palatasining Spikeri N. ISMOILOV

Toshkent sh.,

2025-yil 3-iyun,

931-V-son