Oʻzbekiston Respublikasi Markaziy banki tomonidan qabul qilingan ayrim idoraviy normativ-huquqiy hujjatlarni oʻz kuchini yoʻqotgan deb topish toʻgʻrisida (3645-son)

07.07.2025

Oʻzbekiston Respublikasi Markaziy banki boshqaruvining

Qarori

[Oʻzbekiston Respublikasi Adliya vazirligi tomonidan 2025-yil 7-iyulda roʻyxatdan oʻtkazildi, roʻyxat raqami 3645]

Oʻzbekiston Respublikasining “Oʻzbekiston Respublikasining Markaziy banki toʻgʻrisida”gi va “Kredit axboroti almashinuvi toʻgʻrisida”gi qonunlariga muvofiq Oʻzbekiston Respublikasi Markaziy banki boshqaruvi qaror qiladi:

1. Oʻzbekiston Respublikasi Markaziy banki tomonidan qabul qilingan ayrim idoraviy normativ-huquqiy hujjatlar ilovaga muvofiq oʻz kuchini yoʻqotgan deb topilsin.

2. Mazkur qaror Oʻzbekiston Respublikasi Iqtisodiyot va moliya vazirligi, Ichki ishlar vazirligi va Soliq qoʻmitasi bilan kelishilgan.

3. Mazkur qaror rasmiy eʼlon qilingan kundan eʼtiboran kuchga kiradi.

Rais T. ISHMETOV

Toshkent sh.,

2025-yil 17-iyun,

12/9-son

Kelishildi:

Iqtisodiyot va moliya vaziri J. KUCHKAROV

2025-yil 2-iyun

Soliq qoʻmitasi raisi Sh. KUDBIYEV

2025-yil 26-may

Ichki ishlar vaziri A. TASHPULATOV

2025-yil 22-may

Oʻzbekiston Respublikasi Markaziy banki boshqaruvining 2025-yil 17-iyundagi 12/9-son qaroriga ILOVA

Oʻz kuchini yoʻqotgan deb topilayotgan idoraviy normativ-huquqiy hujjatlar

ROʻYXATI

1. Oʻzbekiston Respublikasi Markaziy banki boshqaruvining 2012-yil 14-yanvardagi 1/1-son “Kredit byurolari va kredit byurolariga kredit axborotini taqdim etuvchi organlar va tashkilotlar oʻrtasida kredit axboroti almashinuvi tartibi toʻgʻrisida nizomni tasdiqlash haqida”gi qarori (roʻyxat raqami 2330, 2012-yil 2-mart) (Oʻzbekiston Respublikasi qonun hujjatlari toʻplami, 2012-y., 8-9-son, 90-modda).

2. Oʻzbekiston Respublikasi Markaziy banki boshqaruvining 2019-yil 8-iyundagi 13/6-son “Kredit byurolari va kredit byurolariga kredit axborotini taqdim etuvchi organlar va tashkilotlar oʻrtasida kredit axboroti almashinuvi tartibi toʻgʻrisidagi nizomning 5-bandiga oʻzgartirish kiritish haqida”gi qarori (roʻyxat raqami 2330-1, 2019-yil 20-iyun) (Qonun hujjatlari maʼlumotlari milliy bazasi, 20.06.2019-y., 10/19/2330-1/3314-son).

3. Oʻzbekiston Respublikasi Markaziy banki boshqaruvining 2022-yil 24-maydagi 5/24-son “Kredit byurolari va kredit byurolariga kredit axborotini taqdim etuvchi organlar va tashkilotlar oʻrtasida kredit axboroti almashinuvi tartibi toʻgʻrisidagi nizomning 1-bandiga oʻzgartirishlar kiritish haqida”gi qarori (roʻyxat raqami 2330-2, 2022-yil 7-iyun) (Qonunchilik maʼlumotlari milliy bazasi, 07.06.2022-y., 10/22/2330-2/0499-son).

4. Oʻzbekiston Respublikasi Markaziy banki boshqaruvining 2012-yil 14-yanvardagi 1/2-son “Kredit byurolari, kredit axborotidan foydalanuvchilar va kredit axborotini yetkazib beruvchilar oʻrtasida kredit axboroti almashinuvi hamda kredit hisobotlarini taqdim etish tartibi toʻgʻrisida nizomni tasdiqlash haqida”gi qarori (roʻyxat raqami 2331, 2012-yil 2-mart) (Oʻzbekiston Respublikasi qonun hujjatlari toʻplami, 2012-y., 8-9-son, 91-modda).

5. Oʻzbekiston Respublikasi Markaziy banki boshqaruvining 2019-yil 8-iyundagi 13/7-son “Kredit byurolari, kredit axborotidan foydalanuvchilar va kredit axborotini yetkazib beruvchilar oʻrtasida kredit axboroti almashinuvi hamda kredit hisobotlarini taqdim etish tartibi toʻgʻrisidagi nizomning 2-bandiga oʻzgartirish kiritish haqida”gi qarori (roʻyxat raqami 2331-1, 2019-yil 20-iyun) (Qonun hujjatlari maʼlumotlari milliy bazasi, 20.06.2019-y., 10/19/2331-1/3313-son).

6. Oʻzbekiston Respublikasi Markaziy banki boshqaruvining 2012-yil 14-yanvardagi 1/4-son “Kredit tashkilotlari tomonidan Kredit axborotining davlat reyestriga va kredit byurolariga kredit axborotini taqdim etish tartibi toʻgʻrisida nizomni tasdiqlash haqida”gi qarori (roʻyxat raqami 2332, 2012-yil 2-mart) (Oʻzbekiston Respublikasi qonun hujjatlari toʻplami, 2012-y., 8-9-son, 92-modda).

7. Oʻzbekiston Respublikasi Markaziy banki boshqaruvining 2014-yil 19-maydagi 13/3-son “Kredit tashkilotlari tomonidan Kredit axborotining davlat reyestriga va kredit byurolariga kredit axborotini taqdim etish tartibi toʻgʻrisidagi nizomga oʻzgartirish va qoʻshimchalar kiritish haqida”gi qarori (roʻyxat raqami 2332-1, 2014-yil 3-iyun) (Oʻzbekiston Respublikasi qonun hujjatlari toʻplami, 2014-y., 23-son, 277-modda).

8. Oʻzbekiston Respublikasi Markaziy banki boshqaruvining 2018-yil 24-fevraldagi 7/3-son “Kredit tashkilotlari tomonidan Kredit axborotining davlat reyestriga va kredit byurolariga kredit axborotini taqdim etish tartibi toʻgʻrisidagi nizomga oʻzgartirishlar kiritish haqida”gi qarori (roʻyxat raqami 2332-2, 2018-yil 16-mart) (Qonun hujjatlari maʼlumotlari milliy bazasi, 17.03.2018-y., 10/18/2332-2/0909-son).

9. Oʻzbekiston Respublikasi Markaziy banki boshqaruvining 2019-yil 8-iyundagi 13/8-son “Kredit tashkilotlari tomonidan Kredit axborotining davlat reyestriga va kredit byurolariga kredit axborotini taqdim etish tartibi toʻgʻrisidagi nizomning 4-bandiga oʻzgartirish kiritish haqida”gi qarori (roʻyxat raqami 2332-3, 2019-yil 20-iyun) (Qonun hujjatlari maʼlumotlari milliy bazasi, 20.06.2019-y., 10/19/2332-3/3312-son).